ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠬᠤᠷᠴᠢᠨ ᠲᠠᠷᠢᠶᠠᠴᠢᠳ ᠤᠨ ᠣᠰᠣ ᠪᠠ ᠯᠣᠣᠰ ᠤᠨ ᠰᠢᠳᠦᠯᠭᠡ ︵ᠲᠤᠤᠷᠠᠳᠤ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/6/11
     ᠯᠣᠣᠰ ᠤᠨ ᠰᠢᠳᠦᠯᠭᠡ ᠶᠢᠨ ᠡᠭᠦᠰᠦᠯ      ᠬᠤᠷᠴᠢᠨ ᠲᠠᠷᠢᠶᠠᠴᠢᠳ ᠠᠴᠠ ᠰᠢᠨ᠎ᠡ ᠭᠡᠷ ᠪᠠᠷᠢᠬᠤ᠂ ᠬᠤᠷᠤᠭ᠎ᠠ ᠬᠦᠷᠢᠶ᠎ᠡ ᠪᠣᠰᠬᠠᠵᠦ ᠣᠷᠣᠨ ᠰᠠᠭᠤᠴᠠ ᠪᠠᠨ ᠲᠦᠪᠭᠢᠨᠡᠭᠦᠯᠬᠦ ᠳᠡᠭᠡᠨ ᠦᠵᠡᠭᠡᠴᠢ ᠪᠣᠶᠣ ᠰᠢᠨᠵᠢᠭᠡᠴᠢ ᠵᠠᠯᠠᠵᠦ ᠨᠤᠳᠤᠬ ᠣᠰᠤᠨ ᠤ ᠪᠠᠨ ᠨᠠᠪᠳᠠᠬ ᠰᠠᠪᠳᠠᠬ ᠢ ᠨᠢ ᠦᠵᠡᠭᠦᠯᠳᠡᠭ᠃ ᠡᠭᠦᠨ ᠢᠶᠠᠨ ᠬᠤᠷᠴᠢᠨᠴᠣᠳ ᠪᠠᠰᠠ ︽ᠨᠣᠳᠤᠬ ᠦᠵᠡᠭᠦᠯᠦᠨ᠎ᠡ︾ ᠭᠡᠵᠦ ᠶᠠᠷᠢᠳᠠᠬ᠃ ᠨᠣᠳᠤᠬ ᠦᠵᠡᠯᠭᠡ ᠳᠤ ᠨᠠᠭᠤᠷ ᠴᠦᠬᠦᠷᠦᠮ᠂ ᠭᠤᠣᠯ ᠭᠤᠷᠤᠬ᠎ᠠ᠂ ᠣᠷᠣᠰᠬᠠᠯ ᠣᠰᠣ᠂ ᠭᠤᠣᠯ ᠤᠨ ᠲᠠᠩ ᠁ ᠵᠡᠷᠭᠡ ᠶᠢᠨ ᠣᠰᠣᠨ ᠤ ᠦᠡᠭᠭᠡ᠂ ᠣᠷᠣᠰᠬᠠᠯ ᠤᠨ ᠪᠠᠶᠢᠳᠠᠯ᠂ ᠣᠷᠣᠨ ᠪᠠᠶᠢᠷᠢᠰᠢᠯ ᠵᠡᠷᠭᠡ ᠶᠢ ᠨᠢᠬᠳᠠ ᠰᠢᠨᠵᠢᠵᠦ ᠪᠠᠶᠢᠭᠠᠳ ᠭᠠᠵᠠᠷ ᠣᠰᠣᠨ ᠤ ᠡᠵᠡᠳ ᠰᠠᠬᠢᠭᠤᠰᠣ ᠪᠠᠨ ᠬᠦᠬᠡ ᠯᠣᠣᠰ᠂ ᠣᠯᠠᠭᠠᠨ ᠯᠣᠣᠰ᠂ ᠰᠢᠷ᠎ᠠ ᠯᠣᠣᠰ᠂ ᠴᠠᠭᠠᠨ ᠯᠣᠣᠰ᠂ ᠬᠠᠷ᠎ᠠ ᠯᠣᠣᠰ ᠭᠡᠵᠦ ᠲᠠᠪᠣᠨ ᠵᠦᠢᠯ ᠤᠨ ᠯᠣᠣᠰ ᠪᠣᠯᠭᠠᠨ ᠬᠤᠪᠢᠶᠠᠳᠠᠬ᠃ ᠭᠡᠬᠦ ᠳᠡᠭᠡᠨ ᠯᠣᠣᠰ ᠨᠢ ᠭᠠᠵᠠᠷ ᠪᠣᠯᠭᠠᠨ ᠳᠤ ᠪᠠᠶᠢᠬᠤ ᠪᠢᠰᠢ ᠬᠠᠷᠢᠨ ᠭᠤᠣᠯ ᠮᠦᠷᠡᠨ᠂ ᠨᠠᠭᠤᠷ ᠴᠦᠬᠦᠷᠦᠮ ᠲᠠᠢ ᠣᠶᠢᠷᠠᠯᠴᠠᠭ᠎ᠠ ᠭᠠᠵᠠᠷ ᠪᠠᠶᠢᠳᠠᠬ ᠠᠴᠠ ᠯᠣᠣᠰ ᠢ ᠪᠠᠰᠠ ᠨᠠᠪᠳᠠᠬ ᠰᠠᠪᠳᠠᠬ ᠤᠨ ᠲᠣᠳᠣᠷᠠᠬᠢ ᠨᠢᠭᠡ ᠲᠦᠷᠦᠯ ᠭᠡᠵᠦ ᠣᠶᠢᠯᠠᠭᠠᠬᠰᠠᠨ ᠴᠦ ᠪᠣᠯᠣᠨ᠎ᠠ᠃ ᠬᠤᠷᠴᠢᠨ ᠤ ᠪᠦᠭᠡ ᠨᠠᠷ ᠤᠨ ᠲᠠᠭᠤᠳᠠᠯᠭ᠎ᠠ ᠳᠤ᠄ ︽ᠲᠣᠯᠣᠭᠠᠨ ᠲᠠᠪᠬᠤᠷ ᠭᠠᠵᠠᠷ ᠲᠣᠬᠰᠢᠨ ᠬᠠᠷ᠎ᠠ ᠯᠣᠣᠰ᠂ ᠨᠠᠢᠮᠠᠨ ᠲᠠᠪᠬᠤᠷ ᠯᠣᠣᠰ᠂ ᠯᠠᠳᠠᠷ ᠪᠦᠭᠡ ᠯᠣᠣᠰ︾ ᠭᠡᠵᠦ ᠪᠠᠶᠢᠳᠠᠬ ᠠᠴᠠ ᠯᠣᠣᠰ ᠨᠢ ᠬᠤᠷᠴᠢᠨ ᠪᠦᠭᠡ ᠨᠠᠷ ᠤᠨ ᠲᠣᠮᠳᠠ ᠶᠡᠭᠡ ᠬᠦᠨᠳᠦᠳᠳᠡᠢ ᠰᠢᠳᠦᠭᠡᠨ ᠪᠠᠶᠢᠬᠰᠠᠨ ᠭᠡᠳᠡᠭ ᠢ ᠮᠡᠳᠡᠵᠦ ᠪᠣᠯᠣᠨ᠎ᠠ᠃ ᠲᠡᠭᠡᠪᠡᠯ ᠯᠣᠣᠰ ᠭᠡᠳᠡᠭ ᠨᠢ ᠴᠣᠬᠤᠮ ᠶᠠᠭᠤ ᠶᠢ ᠵᠢᠭᠠᠵᠦ ᠪᠠᠶᠢᠬᠤ ᠪᠣᠢ︖ ᠡᠭᠦᠨ ᠤ ᠲᠣᠬᠠᠢ ᠵᠠᠷᠢᠮ ᠬᠦᠮᠦᠰ ᠠᠴᠠ᠄ ︽ᠯᠣᠣᠰ ᠭᠡᠳᠡᠭ ᠨᠢ ᠯᠣᠣ ᠶᠢᠨ ᠣᠯᠠᠨ ᠲᠤᠭ᠎ᠠ ᠶᠢ ᠵᠢᠭᠠᠬᠰᠠᠨ ᠦᠭᠡ︾ ᠭᠡᠵᠦ ᠶᠠᠷᠢᠵᠦ ᠦᠡᠭᠭᠡᠷᠡᠭᠰᠡᠨ ᠶᠣᠮ᠃ ᠡᠭᠦᠨ ᠤ ᠲᠣᠬᠠᠢ ᠭᠠᠳᠠᠰᠣ ᠠᠴᠠ᠄ ︽ᠯᠣᠣ ᠭᠡᠳᠡᠭ ᠠᠮᠢᠳᠠᠨ ᠢ ᠰᠣᠨᠣᠰᠣᠬᠰᠠᠨ ᠠᠴᠠ ᠪᠢᠰᠢ ᠣᠯᠵᠦ ᠬᠠᠷᠠᠬᠰᠠᠨ ᠬᠦᠮᠦᠨ ᠣᠳᠣ ᠪᠣᠯᠳᠠᠯ᠎ᠠ ᠲᠣᠳᠣᠷᠬᠠᠢ ᠦᠭᠡᠢ ᠪᠠᠶᠢᠬᠰᠠᠭᠠᠷ᠃ ᠦᠷᠦᠭᠡᠰᠦᠨ ᠯᠣᠣ ᠶᠢ ᠴᠦ ᠣᠯᠵᠦ ᠬᠠᠷᠠᠬᠰᠠᠨ ᠬᠦᠮᠦᠨ ᠦᠭᠡᠢ ᠶᠣᠮ ᠴᠢᠨᠢ ᠨᠡᠩ ᠲᠡᠶᠢᠮᠦ ᠣᠯᠠᠨ ᠯᠣᠣ ᠭᠡᠵᠦ ᠬᠠᠮᠢᠭ᠎ᠠ ᠠᠴᠠ ᠪᠠᠶᠢᠬᠤ ᠪᠣᠢ︖ᠡᠶᠢᠮᠦ ᠠᠴᠠ ᠯᠣᠣᠰ ᠭᠡᠳᠡᠭ ᠪᠣᠯ ᠯᠣᠣ ᠶᠢᠨ ᠣᠯᠠᠨ ᠲᠤᠭ᠎ᠠ ᠶᠢ ᠵᠢᠭᠠᠵᠦ ᠪᠠᠶᠢᠭ᠎ᠠ ᠪᠢᠰᠢ᠂ ᠬᠠᠷᠢᠨ ᠣᠰᠣ ᠪᠠ ᠣᠰᠣᠨ ᠤ ᠠᠮᠢᠳᠠᠳ ᠢ ᠰᠢᠳᠢᠴᠢᠯᠡᠨ ᠦᠵᠡᠵᠦ ᠬᠤᠷᠢᠶᠠᠩᠭᠤᠶᠢᠢᠯᠠᠨ ᠵᠢᠭᠠᠬᠰᠠᠨ ᠦᠭᠡ ᠪᠠᠶᠢᠵᠦ ᠲᠠᠭᠠᠷᠠᠨ᠎ᠠ︾ ᠭᠡᠵᠡᠢ᠃      ᠠᠷᠠᠳ ᠤᠨ ᠲᠣᠮᠳᠠ ᠣᠯᠠᠮᠵᠢᠯᠠᠬᠳᠠᠬᠰᠠᠨ ᠰᠢᠳᠢᠳᠦ ᠦᠯᠢᠭᠡᠷ ᠵᠢᠴᠢ ᠲᠣᠮᠤᠬ ᠶᠠᠷᠢᠶ᠎ᠠ ᠵᠡᠷᠭᠡ ᠶᠢ ᠦᠨᠳᠦᠰᠦᠯᠡᠪᠡᠯ᠂ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠣᠢ ᠣᠬᠠᠭᠠᠨ ᠨᠢ ᠬᠦᠭᠵᠢᠯᠳᠡ ᠪᠠᠨ ᠣᠯᠬᠤ ᠶᠢ ᠲᠠᠭᠠᠯᠳᠣᠨ ᠮᠣᠩᠭᠤᠯᠴᠣᠳ ᠤᠨ ᠭᠤᠣᠯ ᠮᠦᠷᠡᠨ᠂ ᠨᠠᠭᠤᠷ ᠪᠣᠯᠠᠬ ᠤᠨ ᠰᠢᠳᠦᠯᠭᠡ ᠨᠢ ᠰᠢᠳᠦᠭᠳᠡᠵᠦ ᠪᠠᠶᠢᠭ᠎ᠠ ᠪᠣᠳᠠᠰ ᠤᠨ ᠠᠳᠠᠯᠢ ᠪᠣᠰᠣ ᠪᠠᠷ ᠢᠶᠠᠨ ᠬᠤᠶᠠᠷ ᠵᠦᠢᠯ ᠳᠤ ᠬᠤᠪᠢᠶᠠᠬᠳᠠᠪᠠ᠃      ᠨᠢᠭᠡ ᠲᠦᠷᠦᠯ ᠨᠢ᠂ ᠡᠷᠳᠡ ᠦᠶ᠎ᠡ ᠳᠤ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠠᠴᠠ ᠨᠠᠭᠤᠷ ᠪᠣᠯᠠᠬ ᠢ ᠠᠮᠢᠴᠢᠯᠠᠨ ᠦᠵᠡᠵᠦ ᠬᠦᠮᠦᠨ ᠠᠮᠢᠳᠠᠨ ᠢ ᠦᠷᠡᠭᠳᠡᠬᠦᠯᠬᠦ ᠪᠣᠶᠣ ᠪᠣᠰᠣᠳ ᠪᠣᠳᠠᠰ ᠢᠶᠠᠷ ᠱᠠᠩ ᠪᠣᠯᠭᠠᠨ ᠣᠪᠣᠭ᠎ᠠ ᠪᠣᠰᠬᠠᠵᠦ ᠨᠠᠭᠤᠷ ᠪᠣᠯᠠᠬ ᠢ ᠠᠮᠢᠯᠠᠨ ᠲᠠᠬᠢᠳᠠᠬ ᠪᠠᠶᠢᠬᠰᠠᠨ᠃      ᠨᠦᠬᠦᠭᠡ ᠨᠢᠭᠡ ᠲᠦᠷᠦᠯ ᠨᠢ᠂ ᠦᠢᠯᠡᠳᠪᠦᠷᠢᠯᠡᠯ ᠤᠨ ᠬᠦᠴᠦᠨ ᠬᠦᠭᠵᠢᠯᠳᠡ ᠪᠠᠨ ᠣᠯᠤᠭ᠎ᠠ ᠦᠭᠡᠢ ᠪᠠᠶᠢᠬᠰᠠᠨ ᠪᠠᠯᠠᠷ ᠡᠷᠳᠡᠨ ᠤ ᠦᠶ᠎ᠡ ᠶᠢᠨ ᠬᠦᠮᠦᠰ ᠣᠰᠣᠨ ᠳᠤ ᠠᠮᠢᠳᠣᠷᠠᠵᠦ ᠪᠠᠶᠢᠭ᠎ᠠ ᠣᠰᠣᠨ ᠤ ᠠᠮᠢᠳᠠᠨ ᠢ ᠬᠦᠮᠦᠨ ᠠᠴᠠ ᠲᠠᠪᠠᠭᠰᠠᠨ ᠬᠤᠪᠢᠯᠭᠠᠨ ᠬᠦᠴᠦᠨ ᠲᠠᠢ ᠭᠡᠵᠦ ᠰᠢᠳᠢᠴᠢᠯᠡᠨ ᠦᠵᠡᠵᠦ ᠲᠠᠬᠢᠵᠦ ᠰᠢᠳᠦᠳᠡᠭ ᠪᠣᠯᠣᠬᠰᠠᠨ ᠵᠡᠷᠭᠡ ᠪᠣᠯᠣᠨ᠎ᠠ᠃ ᠡᠶᠢᠮᠦᠷᠬᠦᠦ ᠬᠤᠶᠠᠷ ᠲᠦᠷᠦᠯ ᠤᠨ ᠰᠢᠳᠦᠯᠭᠡ ᠶᠢᠨ ᠬᠡᠯᠪᠡᠷᠢ ᠨᠢ ᠬᠦᠮᠦᠨ ᠤ ᠣᠢ ᠣᠬᠠᠭᠠᠨ ᠤ ᠬᠦᠭᠵᠢᠯᠳᠡ ᠶᠢ ᠲᠠᠭᠠᠯᠳᠣᠨ ᠣᠰᠣ ᠪᠠ ᠣᠰᠣᠨ ᠤ ᠠᠮᠢᠳᠠᠨ ᠵᠡᠷᠭᠡ ᠶᠢ ᠬᠠᠮᠣᠷᠤᠨ ᠰᠢᠳᠦᠭᠰᠡᠨ ︽ᠯᠣᠣᠰ ᠤᠨ ᠰᠢᠳᠦᠯᠭᠡ︾ ᠪᠣᠯᠵᠠᠢ᠃ ᠯᠣᠣᠰ ᠤᠨ ᠰᠢᠳᠦᠯᠭᠡ ᠨᠢ ᠴᠣᠬᠤᠮ ᠬᠡᠵᠢᠶ᠎ᠡ ᠠᠴᠠ ᠪᠣᠢ ᠪᠣᠯᠣᠬᠰᠠᠨ ᠲᠣᠬᠠᠢ ᠪᠢᠳᠡ ᠮᠣᠩᠭᠤᠯᠴᠣᠳ ᠤᠨ ᠲᠣᠮᠳᠠ ᠣᠳᠣ ᠳᠤ ᠲᠣᠯᠳᠠᠯ᠎ᠠ ᠣᠯᠠᠮᠵᠢᠯᠠᠬᠳᠠᠬᠰᠠᠨ ︽ᠲᠣᠬᠰᠢᠨ ᠬᠠᠷ᠎ᠠ ᠯᠣᠣᠰ ᠤᠨ ᠬᠠᠭᠠᠨ ᠢ ᠲᠠᠷᠣᠬᠰᠠᠨ︾ ᠭᠡᠳᠡᠭ ᠰᠢᠳᠢᠳᠦ ᠦᠯᠢᠭᠡᠷ ᠠᠴᠠ ᠰᠢᠨᠵᠢᠨ ᠮᠡᠳᠡᠵᠦ ᠪᠣᠯᠣᠨ᠎ᠠ᠃ ᠲᠣᠰ ᠦᠯᠢᠭᠡᠷ ᠲᠤ᠄ ︽ᠡᠷᠳᠡ ᠣᠷᠢᠳᠦ ᠴᠠᠬ ᠲᠤ ᠲᠣᠬᠰᠢᠨ ᠬᠠᠷ᠎ᠠ ᠯᠣᠣᠰ ᠤᠨ ᠬᠠᠭᠠᠨ ᠣᠰᠣᠨ ᠳᠤ ᠪᠢᠰᠢ ᠠᠭᠤᠳᠠᠮ ᠬᠠᠭᠤᠷᠠᠢ ᠳᠤ ᠠᠮᠢᠳᠣᠷᠠᠵᠦ ᠪᠠᠶᠢᠬᠰᠠᠨ ᠪᠦᠭᠡᠳ ᠬᠦᠮᠦᠨ ᠠᠮᠢᠳᠠᠨ ᠳᠤ ᠲᠣᠩ ᠶᠡᠭᠡ ᠬᠤᠣᠷ ᠬᠦᠨᠦᠭᠡᠯ ᠪᠣᠯᠵᠦ ᠪᠠᠶᠢᠵᠠᠢ︾ ᠭᠡᠵᠦ ᠶᠠᠷᠢᠬᠰᠠᠨ ᠮᠦᠷᠳᠡᠭᠡᠨ ᠦᠯᠢᠭᠡᠷ ᠤᠨ ᠰᠡᠭᠦᠯ ᠳᠤ᠄ ︽ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠲᠣᠬᠰᠢᠨ ᠬᠠᠷ᠎ᠠ ᠯᠣᠣᠰ ᠤᠨ ᠬᠠᠭᠠᠨ ᠡᠬᠡ ᠬᠠᠭᠤᠷᠠᠢ ᠳᠤ ᠡᠷᠬᠡ ᠲᠣᠷ᠎ᠠ ᠪᠠᠷ ᠢᠶᠠᠨ ᠠᠭᠠᠰᠢᠯᠠᠬᠤ ᠪᠠᠨ ᠪᠠᠶᠢᠵᠦ ᠣᠰᠣᠨ ᠳᠤ ᠠᠮᠢᠳᠣᠷᠠᠬᠤ ᠪᠣᠯᠣᠬᠰᠠᠨ ᠭᠡᠨ᠎ᠡ︾ ᠭᠡᠵᠦ ᠲᠡᠭᠦᠰᠭᠡᠪᠡ᠃ ᠡᠷᠳᠡᠮᠳᠡᠨ ᠠᠴᠠ᠄ ︽ᠶᠠᠮᠠᠷᠪᠠ ᠦᠯᠢᠭᠡᠷ᠂ ᠲᠣᠮᠤᠬ᠂ ᠰᠢᠳᠢᠳᠦ ᠦᠯᠢᠭᠡᠷ ᠣᠷᠠᠨ ᠵᠣᠬᠢᠶᠠᠯ ᠨᠢ ᠨᠡᠶᠢᠭᠡᠮ ᠤᠨ ᠪᠣᠳᠠᠳᠦ ᠠᠬᠤᠢ ᠶᠢᠨ ᠲᠣᠰᠬᠠᠯ ᠪᠠᠶᠢᠵᠦ ᠲᠠᠭᠠᠷᠠᠨ᠎ᠡ︾ ᠭᠡᠵᠦ ᠶᠠᠷᠢᠵᠦ ᠦᠡᠭᠭᠡᠷᠡᠵᠡᠢ᠃ ᠡᠶᠢᠮᠦ ᠠᠴᠠ ᠪᠢᠳᠡ ᠲᠣᠰ ᠦᠯᠢᠭᠡᠷ ᠢ ᠨᠠᠷᠢᠨ ᠰᠢᠨᠵᠢᠪᠡᠯ ᠯᠣᠣᠰ ᠤᠨ ᠬᠠᠭᠠᠨ ᠭᠡᠳᠡᠭ ᠪᠣᠯ ᠬᠡᠷᠴᠡᠭᠡᠢ ᠲᠣᠬᠰᠢᠨ ᠠᠮᠢᠳᠠᠨ᠂ ᠣᠣᠯ ᠨᠢ ᠬᠠᠭᠤᠷᠠᠢ ᠳᠤ ᠠᠮᠢᠳᠣᠷᠠᠵᠦ ᠪᠠᠶᠢᠬᠰᠠᠨ ᠠᠴᠠ ᠪᠠᠨ ᠬᠤᠵᠢᠮ ᠨᠢ ᠣᠰᠣᠨ ᠳᠤ ᠠᠮᠢᠳᠣᠷᠠᠬᠤ ᠪᠣᠯᠣᠭᠠᠳ ᠯᠣᠣᠰ ᠤᠨ ᠬᠠᠭᠠᠨ ᠪᠣᠯᠣᠬᠰᠠᠨ ᠭᠡᠵᠦ ᠰᠢᠭᠤᠳ ᠲᠣᠰᠬᠠᠬᠳᠠᠵᠦ ᠪᠠᠶᠢᠭ᠎ᠠ ᠵᠦᠢᠯ ᠢ ᠣᠶᠢᠯᠠᠭᠠᠬᠤ ᠠᠴᠠ ᠭᠠᠳᠠᠨ᠎ᠠ ᠲᠣᠰ ᠦᠯᠢᠭᠡᠷ ᠵᠣᠬᠢᠶᠠᠬᠳᠠᠬᠤ ᠠᠴᠠ ᠡᠮᠦᠨ᠎ᠡ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠣᠢ ᠲᠠᠷᠢᠬᠢᠨ ᠳᠤ ᠨᠢᠭᠡᠨᠳᠡ ᠣᠰᠣ ᠪᠠ ᠣᠰᠣᠨ ᠤ ᠠᠮᠢᠳᠠᠨ ᠢ ᠬᠠᠮᠣᠷᠤᠬᠰᠠᠨ ︽ᠯᠣᠣᠰ︾ ᠭᠡᠳᠡᠭ ᠬᠦᠴᠦᠷᠬᠡᠭ ᠶᠡᠭᠡ ᠰᠢᠳᠢᠳᠡᠨ ᠠᠮᠢᠯᠠᠨ ᠪᠣᠰᠣᠭᠠᠳ ︽ᠯᠣᠣᠰ ᠤᠨ ᠰᠢᠳᠦᠯᠭᠡ︾ ᠨᠢᠭᠡᠨᠳᠡ ᠪᠣᠢ ᠪᠤᠯᠵᠠᠢ ᠭᠡᠳᠡᠭ ᠢ ᠣᠶᠢᠯᠠᠭᠠᠵᠤ ᠪᠤᠯᠤᠨ᠎ᠠ᠃      ᠮᠣᠷᠭᠠᠨ᠂ ᠮᠠᠷᠺᠰ᠂ ᠡᠩᠭᠧᠯᠰ ᠨᠠᠷ ᠠᠴᠠ ︽ᠰᠢᠳᠢᠳᠦ ᠦᠯᠢᠭᠡᠷ ᠢ ᠪᠠᠯᠠᠷ ᠡᠷᠳᠡᠨ ᠤ ᠵᠡᠷᠯᠢᠭ ᠦᠶ᠎ᠡ ᠶᠢᠨ ᠲᠣᠣᠷᠠᠳᠦ ᠱᠠᠳᠣᠨ ᠳᠤ ᠡᠭᠦᠰᠦᠨ ᠪᠣᠢ ᠪᠣᠯᠵᠠᠢ︾ ᠭᠡᠵᠦ ᠲᠣᠷᠠᠳᠴᠦ ᠦᠡᠭᠭᠡᠷᠡᠪᠡ᠃ ᠡᠨᠡ ᠬᠦ ᠦᠵᠡᠯᠳᠡ ᠶᠢ ᠵᠦᠪᠰᠢᠶᠡᠷᠡᠬᠦ ᠳᠤ ᠬᠦᠷᠪᠡᠯ ᠯᠣᠣᠰ ᠤᠨ ᠰᠢᠳᠦᠯᠭᠡ ᠨᠢ ᠪᠠᠯᠠᠷ ᠡᠷᠳᠡᠨ ᠤ ᠦᠶ᠎ᠡ ᠳᠤ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠠᠴᠠ ᠪᠠᠶᠢᠭᠠᠯᠢ ᠶᠢᠨ ᠪᠣᠳᠠᠰ ᠢ ᠰᠢᠳᠦᠵᠦ ᠪᠠᠶᠢᠬᠰᠠᠨ ᠠᠴᠠ ᠪᠠᠨ ᠠᠮᠢᠳᠠᠨ ᠢ ᠰᠢᠳᠦᠬᠦ ᠪᠣᠯᠵᠦ᠂ ᠪᠣᠳᠠᠰ ᠪᠠ ᠠᠮᠢᠳᠠᠨ ᠤ ᠰᠢᠳᠦᠯᠭᠡ ᠶᠢᠨ ᠰᠠᠭᠤᠷᠢᠨ ᠲᠡᠭᠡᠷ᠎ᠡ ᠪᠣᠢ ᠪᠣᠯᠵᠦ ᠬᠦᠭᠵᠢᠭᠰᠡᠨ ᠰᠢᠳᠦᠯᠭᠡ ᠮᠦᠨ᠃ ᠲᠠᠷᠣᠢ ᠣᠰᠣ ᠶᠢ ᠰᠢᠳᠦᠵᠦ ᠪᠠᠶᠢᠬᠰᠠᠨ ᠠᠴᠠ ᠪᠠᠨ ᠣᠰᠣᠨ ᠤ ᠠᠮᠢᠳᠠᠨ ᠢ ᠴᠦ ᠰᠢᠳᠦᠵᠦ᠂ ᠲᠠᠷᠠᠭ᠎ᠠ ᠨᠢ ᠣᠰᠣ ᠪᠠ ᠣᠰᠣᠨ ᠤ ᠠᠮᠢᠳᠠᠨ ᠢ ᠬᠠᠮᠣᠷᠤᠬᠰᠠᠨ ᠯᠣᠣᠰ ᠤᠨ ᠰᠢᠳᠦᠯᠭᠡ ᠪᠣᠢ ᠪᠣᠯᠵᠠᠢ᠃      ᠯᠣᠣᠰ ᠪᠠ ᠣᠰᠣᠨ ᠤ ᠠᠮᠢᠳᠠᠨ ᠤ ᠰᠢᠳᠦᠯᠭᠡ      ᠬᠤᠷᠴᠢᠨᠴᠣᠳ ᠠᠴᠠ ᠯᠣᠣᠰ ᠢ ᠣᠰᠣᠨ ᠤ ᠠᠮᠢᠳᠠᠨ ᠭᠡᠵᠦ ᠣᠶᠢᠯᠠᠭᠠᠬᠤ ᠪᠣᠯᠪᠠᠴᠦ ᠲᠡᠭᠦᠨ ᠢ ᠰᠢᠳᠢᠴᠢᠯᠡᠭᠰᠡᠨ ᠣᠴᠢᠷ ᠠᠴᠠ ᠲᠡᠭᠷᠢ ᠶᠢᠨ ᠠᠮᠢᠳᠠᠨ ᠭᠡᠵᠦ ᠴᠦ ᠬᠡᠯᠡᠳᠡᠭ ᠪᠠᠶᠢᠬᠰᠠᠨ᠃ ᠡᠨᠡ ᠨᠢ ᠪᠠᠯᠠᠷ ᠡᠷᠳᠡᠨ ᠤ ᠦᠶ᠎ᠡ ᠠᠴᠠ ᠡᠬᠢᠯᠡᠨ ᠬᠦᠮᠦᠰ ᠵᠠᠷᠢᠮ ᠠᠮᠢᠳᠠᠨ ᠢ ᠰᠢᠳᠢᠴᠢᠯᠡᠨ ᠰᠢᠳᠦᠭᠰᠡᠨ ᠯᠤᠭ᠎ᠠ ᠬᠤᠯᠪᠣᠭ᠎ᠠ ᠲᠠᠢ ᠶᠣᠮ᠃ ᠵᠢᠱᠢᠶᠡᠯᠡᠪᠡᠯ ᠮᠣᠭᠠᠢ ᠣᠰᠣᠨ ᠤ ᠠᠮᠢᠳᠠᠨ ᠪᠢᠰᠢ ᠪᠣᠯᠪᠠᠴᠦ ᠲᠡᠭᠦᠨ ᠢ ᠡᠷᠳᠡ ᠲᠡᠭᠡᠷ᠎ᠡ ᠦᠶ᠎ᠡ ᠠᠴᠠ ᠣᠰᠣᠨ ᠤ ᠠᠮᠢᠳᠠᠨ ᠭᠡᠵᠦ ᠦᠵᠡᠭᠰᠡᠭᠡᠷ ᠵᠠᠩᠰᠢᠵᠠᠢ᠃      ᠦᠯᠢᠭᠡᠷ ᠲᠣᠮᠤᠬ ᠲᠤ ᠯᠣᠣᠰ ᠤᠨ ᠰᠢᠳᠦᠯᠭᠡ ᠨᠢ ᠮᠣᠭᠠᠢ ᠲᠠᠢ ᠬᠠᠮᠤᠬ ᠠᠴᠠ ᠢᠯᠡᠭᠦᠦ ᠬᠤᠯᠪᠣᠬᠳᠠᠨ᠎ᠠ᠃ ᠵᠢᠱᠢᠶᠡᠯᠡᠪᠡᠯ᠄ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠲᠠᠷᠭᠤᠨ ᠨᠠᠭᠤᠷ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠴᠠᠭᠠᠨ ᠨᠣᠭᠤᠭ᠎ᠠ ᠶᠢ ᠣᠷᠢᠶᠠᠬᠰᠠᠨ ᠴᠠᠭᠠᠨ ᠡᠷᠢᠶᠡᠨ ᠮᠣᠭᠠᠢ ᠭᠡᠬᠦ᠂ ᠬᠦᠷᠢᠶ᠎ᠠ ᠬᠤᠰᠢᠭᠤᠨ ᠤ ᠨᠠᠷᠢᠳ ᠤᠨ ᠭᠤᠣᠯ ᠤᠨ ᠯᠣᠣᠰ ᠨᠢ ᠬᠠᠷ᠎ᠠ ᠮᠣᠭᠠᠢ ᠭᠡᠬᠦ᠂ ᠬᠤᠳᠳᠤᠬ ᠤᠨ ᠣᠰᠣ ᠨᠢ ᠰᠣᠬᠤᠷ ᠬᠠᠷ᠎ᠠ ᠯᠣᠣᠰ ᠭᠡᠬᠦ᠂ ᠬᠡᠦᠬᠡᠨ ᠭᠤᠣᠯ ᠤᠨ ᠨᠠᠪᠳᠠᠬ ᠨᠢ ᠣᠯᠠᠭᠠᠨ ᠡᠷᠢᠶᠡᠨ ᠮᠣᠭᠠᠢ ᠁ ᠭᠡᠬᠦ ᠮᠡᠳᠦ ᠶᠢᠨ ᠮᠣᠭᠠᠢ ᠲᠠᠢ ᠬᠤᠯᠪᠣᠬᠳᠠᠬᠰᠠᠨ ᠣᠯᠠᠨ ᠯᠣᠣᠰ ᠤᠳ ᠪᠠᠶᠢᠬᠤ ᠠᠴᠠ ᠭᠠᠳᠠᠨ᠎ᠠ ᠮᠣᠭᠠᠢ ᠶᠢ ᠠᠪᠣᠷᠠᠭᠠᠳ ᠯᠣᠣᠰ ᠤᠨ ᠬᠡᠤᠬᠡᠨ ᠲᠠᠢ ᠭᠡᠷᠯᠡᠭᠰᠡᠨ ᠦᠯᠢᠭᠡᠷ ᠮᠣᠩᠭᠤᠯᠴᠣᠳ ᠤᠨ ᠲᠣᠮᠳᠠ ᠲᠦᠭᠡᠮᠡᠯ ᠪᠠᠶᠢᠳᠠᠬ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ︽ᠮᠣᠭᠠᠢ ᠮᠡᠯᠡᠬᠡᠢ ᠮᠠᠭᠤ ᠪᠣᠯᠪᠠᠴᠦ ᠯᠣᠣᠰ ᠤᠨ ᠲᠦᠷᠦᠯ︾ ᠭᠡᠵᠦ ᠬᠤᠷᠴᠢᠨ ᠤ ᠠᠷᠠᠳ ᠤᠨ ᠦᠭᠡᠨ ᠳᠤ ᠪᠠᠶᠢᠳᠠᠬ᠃ ᠪᠠᠰᠠ ᠮᠣᠭᠠᠢ ᠶᠢᠨ ᠬᠦᠯ ᠢ ᠬᠠᠷᠠᠪᠠᠯ ᠦᠬᠦᠨ᠎ᠡ᠂ ᠮᠣᠭᠠᠢ ᠠᠴᠠ ᠡᠪᠡᠷ ᠭᠤᠶᠣᠵᠦ ᠣᠯᠪᠠᠯ ᠪᠠᠶᠠᠵᠢᠨ᠎ᠠ ᠭᠡᠬᠦ ᠮᠡᠳᠦ ᠶᠢᠨ ᠢᠳᠡᠭᠡᠯ ᠡᠯ᠎ᠡ ᠨᠣᠳᠤᠬ ᠲᠤ ᠲᠦᠭᠡᠮᠡᠯ ᠪᠣᠢ᠃ ᠣᠷᠳᠣᠰ ᠤᠨ ︽ᠲᠣᠰᠠ ᠬᠦᠷᠭᠡᠭᠴᠢ︾ ᠭᠡᠬᠦ ᠨᠣᠮ ᠳᠤ ︽ᠮᠣᠭᠠᠢ ᠮᠢᠩᠭᠠᠨ ᠵᠢᠯ ᠪᠣᠯᠪᠠᠯ ᠮᠠᠩ ᠪᠣᠯᠳᠠᠬ᠂ ᠮᠠᠩ ᠮᠢᠩᠭᠠᠨ ᠵᠢᠯ ᠪᠣᠯᠪᠠᠯ ᠯᠣᠣ ᠪᠣᠯᠳᠠᠬ︾ ᠭᠡᠵᠦ ᠦᠭᠦᠯᠡᠵᠡᠢ᠃ ᠬᠤᠷᠴᠢᠨ ᠳᠤ ᠪᠠᠰᠠ ᠯᠣᠣᠰ ᠢ ᠮᠣᠭᠠᠢ ᠲᠠᠢ ᠬᠤᠯᠪᠣᠬᠳᠠᠭᠤᠯᠵᠦ ᠶᠠᠷᠢᠬᠰᠠᠨ ᠦᠯᠢᠭᠡᠷ ᠣᠳᠣᠬᠠᠨ ᠪᠣᠯᠳᠠᠯ᠎ᠠ ᠦᠷᠭᠦᠯᠵᠢᠯᠡᠭᠰᠡᠭᠡᠷ ᠪᠠᠶᠢᠨ᠎ᠠ᠃ ᠡᠭᠦᠨ ᠤ ᠲᠣᠬᠠᠢ ᠭᠠᠳᠠᠰᠣ ᠠᠴᠠ᠄ ︽ᠬᠦᠷᠢᠶ᠎ᠡ ᠬᠤᠰᠢᠭᠤᠨ ᠤ ᠮᠠᠩᠬᠠᠨ ᠰᠣᠮᠣᠨ ᠤ ᠴᠣᠬᠴᠢᠭᠦᠦ ᠠᠶᠢᠯ ᠤᠨ ᠣᠣᠯ ᠨᠡᠷ᠎ᠡ ᠨᠢ ︿ᠮᠡᠶᠢᠷᠡᠨ ᠲᠦᠡᠭ﹀ ᠭᠡᠳᠡᠭ ᠨᠡᠷ᠎ᠡ ᠲᠠᠢ ᠪᠠᠶᠢᠬᠰᠠᠨ ᠶᠣᠮ᠃ ᠡᠨᠡ ᠨᠣᠳᠤᠬ ᠲᠤ ᠣᠣᠯ ᠨᠢ ᠵᠡᠭᠦᠨ ᠲᠦᠡᠭ᠂ ᠪᠠᠷᠠᠭᠤᠨ ᠲᠦᠡᠭ ᠭᠡᠳᠡᠭ ᠬᠤᠶᠠᠷ ᠲᠦᠡᠭ ᠪᠠᠶᠢᠬᠰᠠᠨ ᠶᠣᠮ᠃ ᠡᠨᠡ ᠠᠶᠢᠯ ᠨᠢ ᠶᠠᠭᠠᠬᠢᠭᠠᠳ ︿ᠮᠡᠶᠢᠷᠡᠨ ᠲᠦᠡᠭ﹀ ᠭᠡᠳᠡᠭ ᠨᠡᠷ᠎ᠡ ᠲᠠᠢ ᠪᠠᠶᠢᠬᠰᠠᠨ ᠲᠣᠬᠠᠢ ᠠᠷᠠᠳ ᠤᠨ ᠲᠣᠮᠳᠠ ᠡᠶᠢᠮᠦ ᠨᠢᠭᠡ ᠰᠣᠨᠢᠷᠬᠠᠯᠳᠠᠢ ᠦᠯᠢᠭᠡᠷ ᠣᠯᠠᠮᠵᠢᠯᠠᠬᠳᠠᠬᠰᠠᠭᠠᠷ ᠪᠠᠶᠢᠨ᠎ᠠ᠃ ᠵᠡᠭᠦᠨ ᠲᠦᠡᠭ ᠳᠤ ᠣᠣᠯ ᠨᠢ ᠲᠣᠯᠢ ᠰᠢᠬ ᠲᠣᠩᠭᠠᠯᠠᠬ ᠨᠠᠭᠤᠷ ᠲᠠᠢ ᠪᠠᠶᠢᠬᠰᠠᠨ ᠪᠦᠭᠡᠳ ᠨᠠᠭᠤᠷ ᠤᠨ ᠪᠠᠷᠠᠭᠤᠨ ᠬᠤᠶᠢᠳᠦ ᠬᠦᠪᠡᠭᠡ ᠶᠢᠨ ᠲᠣᠪᠣᠷᠬᠠᠬ ᠤᠨ ᠡᠩᠭᠡᠷ ᠠᠴᠠ ᠠᠮᠢᠳᠦ ᠪᠣᠯᠠᠬ ᠪᠣᠷᠭᠢᠯᠵᠦ ᠡᠨᠡ ᠨᠠᠭᠤᠷ ᠲᠤ ᠣᠷᠣᠰᠣᠨ ᠣᠷᠣᠳᠠᠬ ᠪᠠᠶᠢᠬᠰᠠᠨ ᠭᠡᠨ᠎ᠡ᠃ ᠨᠠᠭᠤᠷ ᠤᠨ ᠣᠰᠣ ᠲᠠᠬᠢᠨ ᠵᠡᠭᠦᠨ ᠲᠠᠯ᠎ᠠ ᠶᠢᠨ ᠲᠣᠪᠣᠷᠬᠠᠬ ᠤᠨ ᠬᠠᠵᠠᠭᠤ ᠪᠠᠷ ᠭᠤᠷᠤᠬ᠎ᠠ ᠪᠣᠯᠣᠨ ᠣᠷᠣᠰᠣᠭᠠᠳ ᠪᠦᠭᠡ ᠶᠢᠨ ᠵᠢᠯᠠᠭ᠎ᠠ ᠶᠢᠨ ᠡᠩᠭᠡᠷ ᠲᠠᠬᠢ ᠪᠦᠬᠡ ᠶᠢᠨ ᠨᠠᠭᠤᠷ ᠲᠤ ᠴᠢᠳᠬᠤᠳᠠᠬ ᠪᠠᠶᠢᠵᠠᠢ᠃ ᠨᠢᠭᠡᠨ ᠣᠳᠠᠭ᠎ᠠ ᠴᠣᠬᠤᠷ ᠬᠠᠯᠬ᠎ᠠ ᠶᠢᠨ ᠬᠤᠰᠢᠭᠤᠨ ᠤ ᠰᠧᠵᠡᠪ ᠭᠡᠳᠡᠭ ᠲᠠᠶᠢᠵᠢ ᠨᠢ ᠭᠠᠳᠠᠬᠰᠢ ᠭᠠᠷᠣᠭᠠᠳ ᠪᠣᠴᠠᠬᠤ ᠳᠠᠭᠠᠨ ᠵᠡᠭᠦᠨ ᠲᠦᠡᠭ ᠢ ᠲᠠᠭᠠᠷᠢᠨ ᠦᠡᠭᠭᠡᠷᠡᠬᠦ ᠪᠣᠯᠵᠠᠢ᠃ ᠲᠠᠶᠢᠵᠢ ᠠᠴᠠ ᠲᠣᠯᠢ ᠨᠠᠭᠤᠷ ᠪᠠ ᠠᠮᠢᠳᠦ ᠪᠣᠯᠠᠬ ᠤᠨ ᠬᠦᠪᠡᠭᠡ ᠲᠠᠭᠠᠦ ᠶᠢᠨ ᠦᠵᠡᠮᠵᠢᠳᠦ ᠰᠠᠶᠢᠬᠠᠨ ᠪᠠᠶᠢᠭᠠᠯᠢ ᠶᠢᠨ ᠦᠵᠡᠮᠵᠢ ᠳᠤ ᠰᠣᠬᠳᠣᠭᠤᠷᠠᠨ ᠮᠣᠷᠢ ᠪᠠᠨ ᠠᠯᠭᠤᠷ ᠠᠯᠬᠤᠭᠤᠯᠣᠬᠰᠠᠭᠠᠷ ᠲᠣᠯᠢ ᠨᠠᠭᠤᠷ ᠤᠨ ᠵᠡᠭᠦᠨ ᠲᠣᠪᠣᠷᠬᠠᠬ ᠤᠨ ᠲᠣᠮᠳᠠ ᠬᠦᠷᠬᠦ ᠦᠶᠡᠰ ᠡᠪᠡᠰᠦᠨ ᠲᠣᠮᠳᠠ ᠠᠴᠠ ᠨᠢᠭᠡᠨ ᠣᠯᠠᠭᠠᠨ ᠡᠷᠢᠶᠡᠨ ᠮᠣᠭᠠᠢ ᠭᠤᠯᠪᠠᠯᠵᠠᠨ ᠭᠠᠷᠴᠦ ᠢᠷᠡᠭᠡᠳ ᠲᠠᠶᠢᠵᠢ ᠶᠢᠨ ᠣᠨᠣᠵᠦ ᠪᠠᠶᠢᠬᠰᠠᠨ ᠮᠣᠷᠢᠨ ᠤ ᠬᠢᠨᠢ ᠵᠡᠭᠦᠨ ᠲᠦᠷᠦᠭᠡ ᠦᠭᠡᠳᠡ ᠨᠢ ᠭᠤᠷᠣᠯᠵᠠᠨ ᠪᠣᠰᠣᠬᠰᠠᠨ ᠭᠡᠨ᠎ᠡ᠃ ᠡᠭᠦᠨ ᠢ ᠬᠠᠷᠠᠬᠰᠠᠨ ᠲᠠᠶᠢᠵᠢ ᠠᠴᠠ ᠶᠡᠬᠡᠳᠡ ᠰᠡᠵᠢᠭ ᠲᠦᠷᠦᠪᠡ᠃ ᠣᠴᠢᠷ ᠨᠢ ᠡᠷᠳᠡ ᠦᠶ᠎ᠡ ᠠᠴᠠ ᠠᠪᠣᠭᠠᠳ ᠮᠣᠩᠭᠤᠯᠴᠣᠳ ︿ᠮᠣᠭᠠᠢ ᠶᠢ ᠯᠣᠣᠰ ᠤᠨ ᠲᠦᠷᠦᠯ ᠣᠬᠰᠠᠭ᠎ᠠ﹀ ᠭᠡᠵᠦ ᠦᠵᠡᠳᠡᠭ ᠪᠣᠯᠬᠤᠷ ᠵᠡᠭᠦᠨ ᠲᠦᠷᠦᠭᠡ ᠵᠦᠭ ᠨᠢ ᠮᠣᠭᠠᠢ ᠪᠣᠰᠣᠬᠰᠠᠨ ᠣᠴᠢᠷ ᠢ ᠶᠠᠮᠠᠷ ᠨᠢᠭᠡᠨ ᠪᠡᠯᠭᠡ ᠰᠢᠨᠵᠢ ᠭᠡᠵᠦ ᠦᠵᠡᠭᠡᠳ ᠲᠠᠶᠢᠵᠢ ᠨᠣᠶᠠᠨ ᠠᠴᠠ ᠨᠣᠳᠤᠬ ᠲᠠᠭᠠᠨ ᠪᠣᠴᠠᠬᠰᠠᠨ ᠤ ᠪᠠᠨ ᠲᠠᠷᠠᠭ᠎ᠠ ᠨᠡᠷᠡᠳᠦ ᠯᠠᠮᠠ ᠶᠢ ᠵᠠᠯᠠᠵᠦ ᠡᠨᠡ ᠬᠦ ᠣᠴᠢᠷ ᠢᠶᠠᠨ ᠠᠶᠢᠯᠠᠳᠣᠭᠤᠯᠪᠠ᠃ ᠮᠡᠷᠭᠡᠨ ᠯᠠᠮᠠ ᠠᠴᠠ ᠡᠷᠢᠬᠡ ᠪᠠᠨ ᠰᠢᠪᠳᠣᠷᠠᠬᠰᠠᠨ ᠢᠶᠠᠨ᠄ ︿ᠲᠣᠯᠢ ᠨᠠᠭᠤᠷ ᠪᠠ ᠠᠮᠢᠳᠦ ᠪᠣᠯᠠᠬ ᠤᠨ ᠨᠠᠪᠳᠠᠬ ᠰᠠᠪᠳᠠᠬ ᠨᠢ ᠣᠨ ᠵᠢᠯ ᠣᠳᠠᠬᠰᠠᠨ ᠣᠯᠠᠭᠠᠨ ᠯᠣᠣᠰ ᠪᠣᠯᠣᠨ᠎ᠠ᠃ ᠣᠯᠠᠭᠠᠨ ᠯᠣᠣᠰ ᠵᠡᠭᠦᠨ ᠲᠦᠷᠦᠭᠡ ᠣᠷᠣᠭᠤ ᠴᠢᠨᠢ ᠪᠣᠰᠣᠬᠰᠠᠨ ᠢᠶᠠᠷ ᠦᠵᠡᠪᠡᠯ ᠲᠠᠶᠢᠵᠢ ᠨᠣᠶᠠᠨ ᠠᠴᠠ ᠲᠡᠷᠡ ᠲᠣᠪᠣᠷᠬᠠᠬ ᠲᠡᠭᠡᠷ᠎ᠡ ᠨᠣᠳᠣᠬᠯᠠᠪᠠᠯ ᠠᠳᠣᠭᠤ ᠮᠠᠯ ᠴᠢᠨᠢ ᠦᠨᠢᠷ ᠦᠰᠴᠦ ᠡᠷᠬᠡ ᠵᠡᠷᠭᠡ ᠴᠢᠨᠢ ᠨᠡᠮᠡᠭᠳᠡᠨ᠎ᠡ᠃ ᠭᠡᠪᠡᠴᠦ ᠦᠨᠳᠦᠰᠦ ᠣᠬᠰᠠᠭ᠎ᠠ ᠪᠠᠨ ᠵᠠᠯᠭᠠᠬᠤ ᠬᠦᠦ ᠶᠢᠨ ᠬᠡᠰᠢᠭ ᠬᠤᠮᠰᠠ ᠪᠣᠯᠣᠨ᠎ᠠ᠃ ᠣᠯᠠᠭᠠᠨ ᠯᠣᠣᠰ ᠬᠡᠷᠪᠡ ᠪᠠᠷᠠᠭᠤᠨ ᠲᠦᠷᠦᠭᠡ ᠣᠷᠣᠭᠤ ᠴᠢᠨᠢ ᠪᠣᠰᠣᠬᠰᠠᠨ ᠪᠣᠯ ᠠᠳᠣᠭᠤ ᠮᠠᠯ ᠴᠢᠨᠢ ᠦᠨᠢᠷ ᠦᠰᠴᠦ ᠦᠷ᠎ᠡ ᠬᠡᠦᠬᠡᠳ ᠡᠯᠪᠡᠭ ᠪᠣᠯᠣᠨ᠎ᠠ᠃ ᠭᠡᠪᠡᠴᠦ ᠡᠷᠬᠡ ᠵᠡᠷᠭᠡ ᠬᠤᠮᠰᠠ ᠶᠣᠮ᠃ ᠡᠶᠢᠮᠦ ᠠᠴᠠ ᠲᠠᠶᠢᠵᠢ ᠨᠣᠶᠠᠨ ᠦᠪᠡᠷᠳᠡᠭᠡᠨ ᠨᠠᠷᠢᠨ ᠪᠣᠳᠣᠵᠦ ᠦᠵᠡ﹀ ᠭᠡᠵᠡᠢ᠃ ᠲᠠᠶᠢᠵᠢ ᠨᠣᠶᠠᠨ ᠠᠴᠠ ᠯᠠᠮᠠ ᠶᠢᠨ ᠠᠶᠢᠯᠠᠳᠣᠬᠰᠠᠨ ᠢ ᠨᠠᠷᠢᠨ ᠲᠣᠩᠭᠠᠬᠰᠠᠨ ᠢᠶᠠᠨ ᠡᠷᠬᠡ ᠵᠡᠷᠭᠡ᠂ ᠡᠳ᠋ ᠠᠰᠢᠬ ᠪᠠᠶᠢᠬᠤ ᠳᠤ ᠬᠦᠷᠪᠡᠯ ᠬᠦᠦ ᠦᠭᠡᠢ ᠠᠴᠠ ᠶᠠᠭᠤᠨ ᠵᠣᠪᠠᠭ᠋ᠣ ᠪᠣᠢ ᠭᠡᠵᠦ ᠪᠣᠳᠣᠭᠠᠳ ᠲᠣᠯᠢ ᠨᠠᠭᠤᠷ ᠤᠨ ᠵᠡᠭᠦᠨ ᠲᠣᠪᠣᠷᠬᠠᠬ ᠲᠡᠭᠡᠷ᠎ᠡ ᠢᠷᠡᠵᠦ ᠨᠣᠳᠣᠬᠯᠠᠵᠦ᠂ ᠠᠮᠢᠳᠦ ᠪᠣᠯᠠᠬ ᠪᠣᠯᠣᠨ ᠲᠣᠯᠢ ᠨᠠᠭᠤᠷ ᠢᠶᠠᠨ ᠵᠢᠯ ᠪᠦᠷᠢ ᠲᠠᠬᠢᠵᠦ ᠰᠢᠳᠦᠭᠡᠳ ᠣᠯᠠᠭᠠᠨ ᠯᠣᠣᠰ ᠢᠶᠠᠨ ᠪᠠᠶᠠᠰᠬᠠᠬᠤ ᠪᠣᠯᠪᠠ᠃ ᠮᠡᠷᠭᠡᠨ ᠯᠠᠮᠠ ᠶᠢᠨ ᠠᠶᠢᠯᠠᠳᠣᠬᠰᠠᠨ ᠰᠢᠬ ᠢᠶᠠᠷ ᠡᠨᠡ ᠬᠦ ᠨᠣᠳᠤᠬ ᠲᠤ ᠰᠠᠭᠤᠷᠢᠰᠢᠬᠰᠠᠨ ᠠᠴᠠ ᠬᠤᠶᠢᠨ᠎ᠠ ᠲᠠᠶᠢᠵᠢ ᠨᠣᠶᠠᠨ ᠤ ᠬᠡᠢ ᠮᠣᠷᠢ ᠨᠢ ᠮᠠᠨᠳᠣᠵᠦ᠂ ᠠᠳᠣᠭᠤ ᠮᠠᠯ ᠨᠢ ᠦᠨᠢᠷ ᠦᠰᠦᠭᠡᠳ ᠵᠡᠷᠭᠡ ᠲᠡᠰ ᠨᠢ ᠴᠦ ᠨᠡᠮᠡᠭᠳᠡᠵᠦ ᠴᠣᠬᠤᠷ ᠬᠠᠯᠬ᠎ᠠ ᠶᠢᠨ ᠬᠤᠰᠢᠭᠤᠨ ᠤ ᠪᠠᠨ ᠮᠡᠶᠢᠷᠡᠨ ᠪᠣᠯᠣᠬᠰᠠᠨ ᠪᠣᠯᠪᠠᠴᠦ ᠬᠦᠦ ᠶᠢᠨ ᠵᠣᠯᠠᠢ ᠦᠨᠦᠷᠯᠡᠬᠦ ᠵᠠᠶᠠᠭ᠎ᠠ ᠲᠣᠳᠠᠭᠤᠳᠠᠵᠦ ᠵᠢᠷᠭᠤᠭᠠᠨ ᠬᠡᠦᠬᠡᠨ ᠲᠠᠢ ᠪᠣᠯᠣᠬᠰᠠᠨ ᠶᠣᠮ ᠭᠡᠨ᠎ᠡ᠃ ᠮᠠᠶᠢᠷᠠᠨ ᠨᠣᠶᠠᠨ ᠨᠣᠳᠣᠬᠯᠠᠬᠰᠠᠨ ᠠᠴᠠ ᠡᠨᠡ ᠨᠣᠳᠤᠬ ᠢ ᠴᠢᠯᠦᠭᠡᠯᠡᠭᠳᠡᠬᠦ ᠪᠣᠯᠳᠠᠯ᠎ᠠ ︿ᠮᠡᠶᠢᠷᠡᠨ ᠲᠦᠡᠭ﹀ ᠭᠡᠵᠦ ᠨᠡᠷᠡᠯᠡᠵᠦ ᠪᠠᠶᠢᠵᠠᠢ︾ ᠭᠡᠪᠡ᠃ ᠡᠨᠡ ᠬᠦ ᠦᠯᠢᠭᠡᠷ ᠠᠴᠠ ᠪᠢᠳᠡ ᠬᠤᠷᠴᠢᠨᠴᠣᠳ ᠠᠴᠠ ᠮᠣᠭᠠᠢ ᠶᠢ ᠯᠣᠣᠰ ᠤᠨ ᠨᠢᠭᠡ ᠲᠦᠷᠦᠯ ᠪᠣᠯᠭᠠᠨ ᠦᠵᠡᠵᠦ ᠪᠠᠶᠢᠬᠰᠠᠨ ᠭᠡᠳᠡᠭ ᠢ ᠮᠡᠳᠡᠵᠦ ᠪᠣᠯᠣᠨ᠎ᠠ᠃ ᠪᠠᠰᠠ ᠵᠣᠣ ᠣᠳᠠ ᠶᠢᠨ ᠬᠢᠨᠢ ᠭᠡᠷ ᠦᠭᠡᠳᠡ ᠨᠢ ᠮᠣᠭᠠᠢ ᠶᠠᠪᠣᠵᠦ ᠪᠠᠶᠢᠭ᠎ᠠ ᠶᠢ ᠬᠠᠷᠠᠪᠠᠯ ︽ᠯᠣᠣᠰ ᠦᠵᠡᠭᠳᠡᠯ᠎ᠡ︾ ᠭᠡᠵᠦ ᠰᠦ ᠡᠷᠭᠦᠵᠦ᠂ ᠲᠣᠬᠳᠠᠮᠠᠯ ᠡᠳᠦᠷ ᠪᠣᠯᠬᠤ ᠪᠦᠷᠢ ᠴᠠᠭᠠᠨ ᠪᠠᠯᠢᠩ ᠡᠷᠭᠦᠵᠦ ᠪᠠᠶᠢᠬᠰᠠᠨ ᠵᠡᠷᠭᠡ ᠶᠢᠨ ᠵᠠᠩᠰᠢᠯ ᠢᠶᠠᠷ ᠨᠢ ᠦᠵᠡᠪᠡᠯ ᠮᠣᠭᠠᠢ ᠶᠢ ᠨᠡᠶᠢᠳᠡ ᠮᠣᠩᠭᠤᠯᠴᠣᠳ ᠢᠶᠠᠷ ᠢᠶᠠᠨ ᠯᠣᠣᠰ ᠤᠨ ᠲᠦᠷᠦᠯ ᠭᠡᠵᠦ ᠪᠡᠯᠭᠡᠰᠢᠶᠡᠵᠦ ᠪᠠᠶᠢᠬᠰᠠᠨ ᠨᠢ ᠦᠨᠡᠨᠳᠡᠢ᠃      ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠣᠰᠣᠨ ᠤ ᠠᠮᠢᠳᠠᠨ ᠪᠣᠯᠬᠤ ᠵᠢᠭᠠᠰᠣ ᠨᠢ ᠦᠯᠢᠭᠡᠷ ᠲᠣᠮᠤᠬ ᠲᠠᠬᠢ ᠯᠣᠣᠰ ᠤᠨ ᠣᠯᠠᠨ ᠲᠣᠬᠢᠶᠠᠯᠳᠣᠬᠤ ᠬᠡᠯᠪᠡᠷᠢ ᠪᠣᠯᠳᠠᠬ᠃ ᠦᠯᠢᠭᠡᠷ ᠲᠣᠮᠤᠬ ᠲᠤ ᠯᠣᠣᠰ ᠤᠨ ᠦᠬᠢᠨ ᠨᠢ ᠴᠠᠭᠠᠨ ᠡᠷᠢᠶᠡᠨ ᠮᠣᠭᠠᠢ ᠪᠣᠶᠣ ᠠᠯᠳᠠᠨ ᠵᠢᠭᠠᠰᠣ ᠪᠠᠶᠢᠳᠠᠬ᠃ ᠮᠣᠩᠭᠤᠯᠴᠣᠳ ᠬᠤᠣᠰ ᠵᠢᠭᠠᠰᠣᠨ ᠤ ᠵᠢᠷᠤᠬ ᠢ ᠰᠠᠶᠢᠨ ᠰᠠᠶᠢᠬᠠᠨ ᠤ ᠪᠡᠯᠭᠡ ᠲᠡᠮᠳᠡᠭ᠂ ᠠᠳᠠ ᠴᠢᠳᠭᠦᠷ ᠢ ᠲᠠᠷᠣᠬᠤ ᠷᠢᠳᠢ ᠰᠢᠳᠢ ᠲᠠᠢ ᠬᠡᠮᠡᠨ ᠦᠵᠡᠵᠦ ᠡᠳ᠋ᠯᠡᠯ ᠬᠡᠷᠡᠭᠰᠡᠯ ᠳᠡᠭᠡᠨ ᠵᠢᠱᠢᠶᠡᠯᠡᠪᠡᠯ᠂ ᠮᠦᠡᠭᠭᠦᠨ ᠠᠶᠠᠭ᠎ᠠ᠂ ᠡᠮᠡᠭᠡᠯ ᠤᠨ ᠲᠠᠷᠣᠯᠭ᠎ᠠ ᠵᠡᠷᠭᠡ ᠳᠤ ᠬᠤᠣᠰ ᠵᠢᠭᠠᠰᠣᠨ ᠤ ᠵᠢᠷᠤᠬ ᠣᠷᠠᠯᠠᠬᠰᠠᠨ ᠨᠢ ᠣᠯᠠᠨ ᠬᠠᠷᠠᠬᠳᠠᠨ᠎ᠠ᠃ ᠪᠠᠰᠠ ᠭᠠᠦᠯᠢᠨ ᠲᠣᠪᠴᠢ᠂ ᠭᠠᠨᠭ᠍ᠰᠠᠨ ᠲᠣᠯᠣᠭᠠᠢ ᠵᠡᠷᠭᠡ ᠳᠤ ᠲᠠᠩ ᠪᠣᠶᠣ ᠬᠤᠣᠰ ᠵᠢᠭᠠᠰᠣ ᠣᠷᠠᠯᠠᠬᠰᠠᠨ ᠪᠠᠶᠢᠳᠠᠬ᠃ ᠮᠣᠩᠭᠤᠯ ᠣᠯᠣᠰ ᠤᠨ ᠰᠦᠯᠳᠡ ᠨᠢ ᠦᠨᠦᠳᠦᠷ ᠴᠦ ᠬᠤᠣᠰ ᠵᠢᠭᠠᠰᠣᠨ ᠤ ᠵᠢᠷᠤᠬ ᠲᠠᠢ ᠶᠣᠮ᠃ ᠮᠣᠩᠭᠤᠯ ᠤᠨ ᠡᠷᠳᠡᠨ ᠤ ᠵᠢᠭᠠᠰᠣᠴᠢᠨ ᠣᠪᠣᠬ ᠤᠨ ᠲᠣᠮᠳᠠ ᠪᠠᠰᠠ ᠬᠠᠪᠠ ᠵᠢᠭᠠᠰᠣᠨ ᠤ ᠮᠢᠬ᠎ᠠ ᠶᠢ ᠢᠳᠡᠪᠡᠯ ᠲᠡᠭᠷᠢ ᠳᠤ ᠨᠢᠷᠭᠡᠭᠳᠡᠨ᠎ᠡ ᠭᠡᠬᠦ ᠵᠠᠩᠰᠢᠯ ᠲᠠᠢ ᠪᠠᠶᠢᠬᠰᠠᠨ ᠪᠦᠭᠡᠳ ᠵᠢᠭᠠᠰᠣᠨ ᠤ ᠲᠦᠷᠰᠦ ᠶᠢ ᠰᠢᠳᠦᠳᠡᠭ ᠨᠢ ᠣᠶᠢᠷ᠎ᠠ ᠦᠶ᠎ᠡ ᠪᠣᠯᠳᠠᠯ᠎ᠠ ᠣᠯᠠᠮᠵᠢᠯᠬᠳᠠᠵᠠᠢ᠃ ᠮᠣᠩᠭᠤᠯᠴᠣᠳ ᠤᠨ ᠭᠡᠷ ᠮᠢᠯᠢᠶᠠᠬᠤ ᠢᠷᠦᠭᠡᠯ ᠳᠤ ᠪᠠᠰᠠ᠄ ︽ᠡᠷᠬᠢᠮ ᠬᠤᠶᠠᠷ ᠵᠢᠭᠠᠰᠣ ᠡᠯᠢᠭᠡ ᠪᠠᠷ ᠢᠶᠠᠨ ᠨᠡᠶᠢᠯᠡᠯᠳᠦᠭᠰᠡᠨ︾ ᠭᠡᠵᠦ ᠵᠢᠭᠠᠰᠣ ᠣᠷᠠᠯᠠᠬᠰᠠᠨ ᠰᠡᠶᠢᠯᠪᠣᠷᠢ ᠪᠠᠨ ᠮᠠᠬᠳᠠᠨ ᠶᠠᠷᠢᠳᠠᠬ᠃ ᠡᠭᠦᠨ ᠠᠴᠠ ᠦᠵᠡᠪᠡᠯ ᠵᠢᠭᠠᠰᠣ ᠨᠢ ᠮᠣᠩᠭᠤᠯᠴᠣᠳ ᠤᠨ ᠲᠣᠮᠳᠠ ᠯᠣᠣᠰ ᠤᠨ ᠨᠢᠭᠡ ᠲᠦᠷᠦᠯ ᠭᠡᠵᠦ ᠬᠦᠨᠳᠦᠳᠭᠡᠭᠳᠡᠨ ᠦᠵᠡᠭᠳᠡᠵᠦ ᠪᠠᠶᠢᠵᠠᠢ ᠭᠡᠳᠡᠭ ᠢ ᠮᠡᠳᠡᠵᠦ ᠪᠣᠯᠣᠨ᠎ᠠ᠃ ᠵᠠᠷᠢᠮ ᠦᠶᠡᠰ ᠯᠣᠣᠰ ᠨᠢ ᠪᠠᠰᠠ ᠮᠣᠭᠠᠢ ᠪᠠ ᠵᠢᠭᠠᠰᠣᠨ ᠤ ᠬᠤᠶᠠᠷᠳᠠᠮᠠᠯ ᠬᠡᠯᠪᠡᠷᠢ ᠲᠠᠢ ᠪᠣᠯᠵᠦ ᠦᠭᠦᠯᠡᠭᠳᠡᠨ᠎ᠡ᠃ ᠵᠢᠱᠢᠶᠡᠯᠡᠪᠡᠯ ︽ᠵᠢᠷᠢᠮ ᠤᠨ ᠭᠠᠵᠠᠷ ᠣᠰᠣᠨ ᠤ ᠲᠣᠮᠤᠬ︾ ᠭᠡᠬᠦ ᠨᠣᠮ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ ︽ᠡᠷᠳᠡ ᠦᠶ᠎ᠡ ᠳᠤ ᠡᠮᠦᠨ᠎ᠡ ᠣᠷᠣᠨ ᠠᠴᠠ ᠢᠷᠡᠭᠰᠡᠨ ᠬᠦᠮᠦᠰ ᠲᠠᠷᠬᠠᠨ ᠬᠤᠰᠢᠭᠤᠨ ᠤ ᠬᠦᠬᠡ ᠣᠰᠣᠨ ᠨᠠᠭᠤᠷ ᠤᠨ ᠵᠢᠭᠠᠰᠣ ᠶᠢ ᠱᠦᠭᠦᠵᠦ ᠠᠪᠴᠠᠢ᠂ ᠭᠡᠳᠡᠯ᠎ᠡ ᠮᠠᠷᠭᠠᠰᠢ ᠦᠷᠯᠦᠭᠡ ᠨᠢ ᠪᠣᠰᠣᠭᠠᠳ ᠱᠦᠭᠦᠭᠰᠡᠨ ᠵᠢᠭᠠᠰᠣ ᠪᠠᠨ ᠬᠠᠷᠠᠬᠰᠠᠨ ᠴᠢᠨᠢ ᠪᠦᠬᠦᠨ ᠢᠶᠠᠷ ᠢᠶᠠᠨ ᠠᠯᠳᠠ ᠬᠢᠷᠢ ᠶᠢᠨ ᠣᠷᠳᠦ ᠮᠣᠭᠠᠢ ᠪᠣᠯᠣᠭᠠᠳ ᠬᠤᠪᠢᠯᠴᠢᠬᠠᠬᠰᠠᠨ ᠪᠠᠶᠢᠪᠠ︾ ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠨ᠎ᠠ᠃      ᠬᠤᠶᠠᠷ ᠨᠣᠳᠣᠬᠳᠠᠢ ᠠᠮᠢᠳᠠᠨ ᠪᠣᠯᠬᠤ ᠮᠡᠯᠡᠬᠡᠢ ᠨᠢ ᠦᠯᠢᠭᠡᠷ ᠲᠤ ᠯᠣᠣᠰ ᠤᠨ ᠣᠷᠣᠰᠢᠬᠤ ᠬᠡᠯᠪᠡᠷᠢ ᠪᠣᠯᠳᠠᠬ᠃ ᠮᠣᠩᠭᠤᠯᠴᠣᠳ ᠤᠨ ᠲᠣᠮᠳᠠᠬᠢ ᠲᠣᠮᠤᠬ ᠦᠯᠢᠭᠡᠷ ᠲᠤ ᠮᠡᠯᠡᠬᠡᠢ ᠨᠢ ᠯᠣᠣᠰ ᠤᠨ ᠬᠦᠪᠡᠭᠦᠨ ᠭᠡᠵᠦ ᠣᠯᠠᠨ ᠲᠣᠷᠠᠳᠣᠬᠳᠠᠬᠤ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠬᠤᠷᠴᠢᠨ ᠳᠤ ᠬᠡᠦᠬᠡᠳ ᠮᠡᠯᠡᠬᠡᠢ ᠪᠠᠷ ᠨᠠᠭᠠᠳᠣᠪᠠᠯ ᠰᠢᠭᠡᠷᠡᠩ ᠪᠣᠯᠣᠨ᠎ᠠ᠂ ᠦᠨᠢᠶ᠎ᠡ ᠰᠣᠪᠠᠶᠢᠷᠠᠨ᠎ᠠ ᠭᠡᠬᠦ ᠮᠡᠳᠦ ᠶᠢᠨ ᠴᠡᠭᠡᠷ ᠲᠠᠢ ᠪᠠᠶᠢᠳᠠᠬ᠃ ᠪᠠᠰᠠ ᠶᠢᠰᠦᠨ ᠤ ᠬᠦᠢᠳᠡᠨ ᠳᠤ ᠬᠤᠳᠳᠤᠬ ᠤᠨ ᠬᠠᠵᠠᠭᠤ ᠳᠤ ᠬᠠᠷᠠᠬᠳᠠᠬᠰᠠᠨ ᠮᠡᠯᠡᠬᠡᠢ ᠪᠣᠯ ᠯᠣᠣᠰ ᠤᠨ ᠬᠤᠪᠢᠯᠭᠠᠨ ᠪᠠᠶᠢᠵᠦ ᠡᠨᠡ ᠬᠦ ᠮᠡᠯᠡᠬᠡᠢ ᠶᠢ ᠣᠯᠵᠦ ᠬᠠᠷᠠᠬᠰᠠᠨ ᠬᠦᠮᠦᠨ ᠤ ᠡᠷᠬᠡ ᠵᠡᠷᠭᠡ ᠨᠢ ᠨᠡᠮᠡᠭᠳᠡᠵᠦ᠂ ᠡᠳ᠋ ᠠᠰᠢᠬ ᠨᠢ ᠡᠯᠪᠡᠭ ᠲᠡᠯᠪᠡᠭ ᠪᠣᠯᠵᠦ᠂ ᠬᠤᠷᠢᠶᠠᠵᠦ ᠬᠠᠳᠠᠭᠠᠯᠠᠵᠦ ᠴᠢᠳᠠᠬᠰᠠᠨ ᠬᠦᠮᠦᠨ ᠬᠡᠵᠢᠶᠡᠳᠡ ᠡᠪᠡᠳᠴᠢᠯᠡᠬᠦ ᠦᠭᠡᠢ᠂ ᠦᠨᠢᠳᠡ ᠬᠤᠭᠤᠰᠣᠷᠠᠬᠤ ᠦᠭᠡᠢ᠂ ᠮᠦᠡᠭᠭᠡ ᠶᠢᠨ ᠪᠣᠶᠠᠨ ᠢ ᠡᠳ᠋ᠯᠡᠨ᠎ᠡ ᠭᠡᠬᠦ ᠮᠡᠳᠦ ᠶᠢᠨ ᠶᠠᠷᠢᠶ᠎ᠠ ᠬᠡᠯᠡᠯᠴᠡᠭᠡ ᠴᠦ ᠪᠠᠶᠢᠳᠠᠬ ᠶᠣᠮ᠃      ᠯᠣᠣᠰ ᠪᠠ ᠯᠣᠣᠰ ᠤᠨ ᠡᠵᠡᠨ ᠯᠣᠣ       ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠨᠡᠶᠢᠭᠡᠮ ᠤᠨ ᠬᠦᠭᠵᠢᠯᠳᠡ ᠶᠢ ᠲᠠᠭᠠᠯᠳᠣᠨ ᠣᠰᠣᠨ ᠰᠢᠳᠦᠯᠭᠡ ᠪᠠ ᠣᠰᠣᠨ ᠤ ᠲᠣᠳᠣᠷᠠᠬᠢ ᠠᠮᠢᠳᠠᠨ ᠤ ᠰᠢᠳᠦᠯᠭᠡ ᠨᠢ ᠯᠣᠣ ᠰᠢᠳᠦᠯᠭᠡ ᠶᠢᠨ ᠬᠡᠯᠪᠡᠷᠢ ᠪᠠᠷ ᠴᠦ ᠢᠯᠡᠷᠡᠬᠦ ᠪᠣᠯᠵᠠᠢ᠃ ︽ᠯᠣᠣ︾ ᠭᠡᠵᠦ ᠶᠠᠷᠢᠬᠤ ᠲᠠᠢ ᠵᠡᠷᠭᠡ ᠬᠦᠮᠦᠰ ᠲᠣᠮᠳᠠᠳᠦ ᠣᠷᠣᠨ ᠤ ᠹᠧᠣᠳᠠᠯ ᠨᠡᠶᠢᠭᠡᠮ ᠳᠠᠬᠢ ᠬᠠᠮᠤᠬ ᠤᠨ ᠲᠣᠮᠣ ᠡᠵᠡᠷᠬᠡᠭᠴᠢ ᠪᠣᠯᠬᠤ ᠬᠠᠭᠠᠨ ᠡᠵᠡᠨ ᠢ ᠰᠠᠨᠠᠭᠠᠨ ᠳᠤ ᠣᠷᠣᠳᠠᠬ᠃ ᠣᠴᠢᠷ ᠨᠢ ᠹᠧᠣᠳᠠᠯ ᠨᠡᠶᠢᠭᠡᠮ ᠳᠤ ᠯᠣᠣ ᠨᠢ ᠬᠠᠮᠤᠬ ᠤᠨ ᠬᠦᠴᠦᠷᠬᠡᠭ᠂ ᠬᠠᠮᠤᠬ ᠤᠨ ᠡᠷᠬᠡ ᠪᠦᠬᠦᠢ ᠡᠵᠡᠳ ᠰᠠᠬᠢᠭᠤᠰᠣ ᠪᠠᠷ ᠦᠵᠡᠭᠳᠡᠵᠦ ᠪᠠᠶᠢᠬᠰᠠᠨ ᠪᠣᠯᠬᠤᠷ ᠠᠷᠠᠳ ᠲᠦᠮᠡᠨ ᠠᠴᠠ ᠬᠠᠭᠠᠨ ᠡᠵᠡᠨ ᠤ ᠪᠡᠶ᠎ᠡ ᠶᠢ ᠠᠯᠳᠠᠨ ᠯᠣᠣ ᠶᠢᠨ ᠪᠦᠷᠢᠯᠸ᠎ᠠ ᠭᠡᠵᠦ ᠡᠷᠭᠦᠨ ᠬᠦᠨᠳᠦᠳᠭᠡᠳᠡᠭ ᠪᠠᠶᠢᠵᠠᠢ᠃ ᠪᠠᠰᠠ ᠬᠢᠳᠠᠳ ᠤᠨ ᠡᠷᠳᠡᠨ ᠤ ᠣᠷᠠᠨ ᠵᠣᠬᠢᠶᠠᠯ ᠤᠳ ᠲᠤ ᠲᠡᠯᠡᠬᠡᠢ ᠶᠢᠷᠳᠢᠨᠴᠦ ᠶᠢᠨ ᠲᠠᠯᠠᠢ ᠲᠠᠩᠬᠢᠰ ᠢ ᠲᠦᠷᠪᠡ ᠬᠤᠪᠢᠶᠠᠵᠦ᠂ ᠲᠦᠷᠪᠡᠨ ᠲᠠᠯᠠᠢ ᠶᠢ ᠲᠦᠷᠪᠡᠨ ᠯᠣᠣᠰ ᠡᠵᠡᠯᠡᠵᠦ᠂ ᠯᠣᠣᠰ ᠤᠨ ᠡᠵᠡᠨ ᠨᠢ ᠠᠳᠠᠯᠢ ᠪᠣᠰᠣ ᠶᠢᠨ ᠯᠣᠣ ᠪᠠᠶᠢᠬᠤ ᠠᠴᠠ ᠭᠠᠳᠠᠨ᠎ᠠ ᠭᠤᠣᠯ ᠭᠤᠷᠤᠬ᠎ᠠ᠂ ᠨᠠᠭᠤᠷ ᠴᠦᠬᠦᠷᠦᠮ ᠢ ᠴᠦ ᠯᠣᠣᠰ ᠤᠨ ᠡᠵᠡᠨ ᠯᠣᠣ ᠠᠴᠠ ᠵᠠᠬᠢᠷᠴᠦ ᠪᠠᠶᠢᠬᠤ ᠲᠣᠬᠠᠢ ᠲᠦᠷᠰᠦᠯᠡᠨ ᠪᠢᠴᠢᠭᠳᠡᠳᠡᠭ᠃ ᠵᠠᠷᠢᠮ ᠬᠦᠮᠦᠰ᠄ ︽ᠬᠤᠷᠴᠢᠨ ᠳᠤ ᠲᠠᠷᠢᠶᠠᠯᠠᠬᠤ ᠰᠣᠶᠣᠯ ᠣᠯᠠᠮᠵᠢᠯᠠᠬᠳᠠᠨ ᠣᠷᠣᠵᠦ ᠢᠷᠡᠭᠰᠡᠨ ᠤ ᠲᠠᠷᠠᠭ᠎ᠠ ᠮᠣᠩᠭᠤᠯᠴᠣᠳ ᠰᠠᠶ᠋ᠢ ᠯᠣᠣ ᠶᠢ ᠰᠢᠳᠦᠬᠦ ᠪᠣᠯᠣᠬᠰᠠᠨ ᠶᠣᠮ︾ ᠭᠡᠵᠦ ᠶᠠᠷᠢᠵᠦ ᠪᠠᠶᠢᠳᠠᠬ᠃ ᠦᠨᠡᠨ ᠳᠡᠭᠡᠨ ᠯᠣᠣ ᠨᠢ ᠲᠠᠷᠢᠶᠠᠯᠠᠬᠤ ᠰᠣᠶᠣᠯ ᠢ ᠲᠠᠭᠠᠵᠦ ᠬᠢᠳᠠᠳ ᠣᠷᠣᠨ ᠠᠴᠠ ᠣᠯᠠᠮᠵᠢᠯᠠᠬᠳᠠᠨ ᠣᠷᠣᠵᠦ ᠢᠷᠡᠭᠰᠡᠨ ᠰᠢᠳᠦᠭᠡᠨ ᠪᠢᠰᠢ ᠬᠠᠷᠢᠨ ᠮᠣᠩᠭᠤᠯᠴᠣᠳ ᠤᠨ ᠣᠣᠯ ᠠᠴᠠ ᠪᠠᠨ ᠰᠢᠳᠦᠵᠦ ᠪᠠᠶᠢᠬᠰᠠᠨ ᠬᠦᠴᠦᠷᠬᠡᠭ ᠠᠮᠢᠳᠠᠨ ᠤ ᠰᠢᠳᠦᠯᠭᠡ ᠶᠢᠨ ᠨᠢᠭᠡ ᠲᠦᠷᠦᠯ ᠮᠦᠨ᠃      ᠲᠡᠦᠬᠡ ᠶᠢᠨ ᠮᠠᠯᠳᠠᠮᠠᠯ ᠵᠢᠴᠢ ᠡᠷᠳᠡᠮᠳᠡᠳ ᠤᠨ ᠰᠣᠳᠣᠯᠭᠠᠨ ᠢ ᠦᠨᠳᠦᠰᠦᠯᠡᠪᠡᠯ ᠯᠣᠣ ᠭᠡᠳᠡᠭ ᠠᠮᠢᠳᠠᠨ ᠨᠢ ᠮᠣᠩᠭᠤᠯᠴᠣᠳ ᠤᠨ ᠡᠪᠦᠭᠡ ᠣᠪᠣᠬ ᠤᠨ ᠰᠢᠳᠦᠭᠡᠨ ᠪᠠᠶᠢᠵᠠᠢ᠃ ᠠᠦᠬᠠᠨ ᠠᠴᠠ ᠣᠯᠳᠠᠬᠰᠠᠨ ᠰᠢᠨ᠎ᠡ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠠᠩᠬᠠᠨ ᠤ ᠦᠶ᠎ᠡ ᠲᠣᠬᠠᠶᠢᠢᠯᠠᠪᠠᠯ᠂ ᠡᠪᠳᠦ ᠠᠴᠠ ᠲᠣᠯᠣᠭᠠᠨ ᠮᠢᠩᠭᠠᠨ ᠵᠢᠯ ᠤᠨ ᠡᠮᠦᠨᠡᠬᠢ ᠸᠠᠭᠠᠷ ᠰᠠᠪᠠ ᠲᠡᠭᠡᠷᠡᠬᠢ ᠯᠣᠣ ᠪᠣᠯ ᠪᠦᠬᠦ ᠲᠡᠯᠡᠬᠡᠢ ᠳᠤ ᠣᠯᠳᠠᠬᠰᠠᠨ ᠬᠠᠮᠤᠬ ᠤᠨ ᠠᠩᠬᠠᠨ ᠤ ᠯᠣᠣ ᠶᠢᠨ ᠲᠦᠷᠰᠦ ᠪᠢᠯᠡ᠃ ᠸᠠᠭᠠᠷ ᠰᠠᠪᠠ ᠳᠤ ᠣᠷᠠᠯᠠᠬᠳᠠᠬᠰᠠᠨ ᠯᠣᠣ ᠨᠢ ᠣᠳᠣ ᠶᠢᠨ ᠯᠣᠣ ᠲᠠᠢ ᠠᠳᠠᠯᠢ ᠦᠭᠡᠢ ᠪᠠᠶᠢᠵᠦ ᠬᠠᠷᠢᠨ᠄ ︽ᠬᠤᠰᠢᠭᠤ ᠨᠢ ᠭᠠᠭ᠋ᠠᠢ ᠶᠢᠨ ᠬᠤᠰᠢᠭᠤ ᠲᠠᠢ᠂ ᠲᠡᠷᠡ ᠰᠢᠳᠦᠭᠡᠨ ᠠᠮᠢᠳᠠᠨ ᠤ ᠨᠠᠷᠢᠬᠠᠨ ᠨᠢᠳᠦ ᠲᠠᠢ ᠪᠠ ᠬᠠᠮᠠᠷ ᠤᠨ ᠦᠵᠦᠭᠦᠷ ᠨᠢ ᠲᠡᠭᠡᠭᠰᠢ ᠡᠷᠳᠡᠶᠢᠭᠰᠡᠨ᠂ ᠰᠣᠶᠤᠭ᠎ᠠ ᠨᠢ ᠣᠷᠳᠣ ᠪᠦᠭᠡᠳ ᠮᠣᠷᠣᠢ᠂ ᠮᠣᠭᠠᠢ ᠶᠢᠨ ᠪᠡᠶ᠎ᠡ ᠪᠠᠷ ᠴᠠᠭᠠᠷᠢᠬᠯᠠᠬᠰᠠᠨ ᠪᠠᠶᠢᠨ᠎ᠠ ᠃ ᠲᠣᠣᠷᠯᠠᠬᠰᠠᠨ ᠵᠢᠷᠣᠭᠠᠰᠣ ᠪᠠ ᠦᠷᠦᠵᠦ ᠭᠢᠯᠠᠶᠢᠯᠭᠠᠬᠰᠠᠨ ᠬᠡᠰᠡᠭ ᠢ ᠰᠣᠯᠪᠢᠴᠠᠭᠤᠯᠣᠨ ᠬᠠᠶᠢᠷᠠᠰᠣ ᠶᠢ ᠨᠢ ᠢᠯᠡᠳᠭᠡᠵᠡᠢ︾ ᠭᠡᠵᠦ ︽ᠦᠪᠦᠷ ᠮᠣᠩᠭᠤᠯ ᠤᠨ ᠲᠡᠦᠬᠡ ᠶᠢᠨ ᠲᠣᠷᠠᠰᠬᠠᠯ ᠪᠠ ᠡᠷᠳᠡᠨ ᠤ ᠰᠣᠳᠣᠯᠣᠯ︾ ᠭᠡᠬᠦ ᠨᠣᠮ ᠳᠤ ᠦᠭᠦᠯᠡᠵᠦ ᠪᠠᠶᠢᠳᠠᠬ᠃ ᠮᠦᠨ ᠡᠨᠡ ᠬᠦ ᠴᠠᠬ ᠮᠦᠴᠡ ᠠᠴᠠ ᠠᠷᠠᠢ ᠬᠤᠵᠢᠮ ᠣᠳᠣ ᠠᠴᠠ ᠲᠠᠪᠣᠨ ᠮᠢᠩᠭᠠᠨ ᠵᠢᠯ ᠤᠨ ᠡᠮᠦᠨ᠎ᠡ ᠵᠣᠬᠢᠶᠠᠬᠳᠠᠬᠰᠠᠨ ᠯᠣᠣ ᠶᠢᠨ ᠲᠦᠷᠰᠦ ᠲᠦᠷᠪᠡ ᠲᠠᠪᠤ ᠣᠯᠳᠠᠬᠰᠠᠨ ᠠᠴᠠ ᠬᠠᠮᠤᠬ ᠭᠠᠶᠢᠬᠠᠮᠰᠢᠬᠳᠠᠢ ᠨᠢ ᠣᠡᠭᠨᠢᠭᠤᠳ ᠠᠴᠠ ᠣᠯᠳᠠᠬᠰᠠᠨ ᠴᠠᠭᠠᠷᠢᠬᠯᠠᠬᠰᠠᠨ ᠮᠣᠭᠠᠢ ᠰᠢᠬ ᠪᠣᠯᠪᠠᠴᠦ ᠰᠢᠯᠢᠨ ᠳᠡᠭᠡᠨ ᠲᠡᠯ ᠲᠠᠢ᠂ ᠮᠣᠷᠢᠨ ᠲᠣᠯᠣᠭᠠᠢ ᠲᠠᠢ ᠬᠠᠰ ᠯᠣᠣ ᠭᠡᠳᠡᠭ᠃ ᠡᠭᠦᠨ ᠠᠴᠠ ᠪᠢᠳᠡ ᠮᠣᠩᠭᠤᠯᠴᠣᠳ ᠨᠢ ᠰᠢᠨ᠎ᠡ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠦᠶ᠎ᠡ ᠠᠴᠠ ᠡᠬᠢᠯᠡᠨ ᠯᠣᠣ ᠶᠢ ᠰᠢᠳᠦᠭᠡᠨ ᠪᠣᠯᠭᠠᠨ ᠲᠠᠬᠢᠵᠦ ᠪᠠᠶᠢᠯ᠎ᠠ ᠭᠡᠳᠡᠭ ᠢ ᠮᠡᠳᠡᠵᠦ ᠪᠣᠯᠣᠨ᠎ᠠ᠃ ᠪᠠᠰᠠ ᠵᠠᠷᠢᠮ ᠨᠣᠮ ᠳᠤ ︽ᠾᠦᠡᠭᠨᠣ ᠶᠢᠨ ᠦᠶ᠎ᠡ ᠳᠤ ᠵᠢᠯ ᠳᠤ ᠭᠤᠷᠪᠠ ᠣᠳᠠᠭ᠎ᠠ ᠯᠣᠣ ᠲᠠᠬᠢᠵᠦ ᠪᠠᠶᠢᠬᠰᠠᠨ︾ ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠨ᠎ᠠ᠃ ᠡᠳᠡᠭᠡᠷ ᠲᠡᠦᠬᠡ ᠶᠢᠨ ᠮᠠᠯᠳᠠᠮᠠᠯ ᠵᠢᠴᠢ ᠪᠠᠷᠢᠮᠳᠠ ᠨᠤᠭᠤᠳ ᠠᠴᠠ ᠰᠢᠨᠵᠢᠪᠡᠯ ᠯᠣᠣ ᠶᠢᠨ ᠲᠦᠷᠰᠦ ᠨᠢ ᠮᠣᠩᠭᠤᠯ ᠣᠷᠣᠨ ᠠᠴᠠ ᠡᠭᠦᠰᠴᠦ᠂ ᠬᠢᠳᠠᠳ ᠣᠷᠣᠨ ᠣᠷᠣᠭᠤ ᠬᠦᠭᠵᠢᠨ ᠲᠡᠯᠭᠡᠷᠡᠭᠰᠡᠨ ᠨᠢ ᠨᠡᠯᠢᠶᠡᠳ ᠪᠤᠳᠠᠳᠠᠢ ᠣᠴᠢᠷ ᠶᠣᠮ᠃      ᠮᠣᠩᠭᠤᠯᠴᠣᠳ ᠤᠨ ᠣᠶᠢᠢᠯᠠᠭᠠᠯᠳᠠ ᠳᠤ ᠲᠦᠷᠰᠦᠯᠡᠭᠳᠡᠳᠡᠭ ᠯᠣᠣ ᠭᠡᠳᠡᠭ ᠠᠮᠢᠳᠠᠨ ᠨᠢ ᠦᠨᠡᠬᠡᠷ ᠣᠰᠣᠨ ᠳᠤ ᠠᠮᠢᠳᠣᠷᠠᠵᠦ᠂ ᠪᠣᠷᠣᠭᠠᠨ ᠬᠤᠷ᠎ᠠ᠂ ᠠᠶᠣᠩᠭ᠎ᠠ ᠴᠠᠬᠢᠯᠭᠠᠨ᠂ ᠭᠤᠣᠯ ᠮᠦᠷᠡᠨ᠂ ᠲᠠᠯᠠᠢ ᠲᠠᠩᠬᠢᠰ ᠤᠨ ᠠᠮᠢᠳᠠᠨ ᠪᠣᠳᠠᠰ ᠢ ᠬᠠᠮᠢᠶᠠᠷᠳᠠᠬ ᠯᠣᠣᠰ ᠤᠨ ᠡᠵᠡᠨ ᠮᠦᠷᠳᠡᠭᠡᠨ ᠯᠣᠣ ᠨᠢ ᠮᠣᠭᠠᠢ᠂ ᠵᠢᠭᠠᠰᠣ᠂ ᠮᠡᠯᠡᠬᠡᠢ ᠭᠤᠷᠪᠠ ᠶᠢ ᠨᠡᠶᠢᠯᠡᠭᠦᠯᠦᠭᠰᠡᠨ ᠲᠦᠷᠰᠦ ᠲᠠᠢ ᠭᠡᠳᠡᠭ᠃ ᠲᠣᠬᠠᠶᠢᠯᠠᠪᠠᠯ ᠵᠢᠷᠤᠬ ᠲᠠᠬᠢ ᠯᠣᠣ ᠶᠢ ᠠᠵᠢᠪᠠᠯ᠂ ᠯᠣᠣ ᠨᠢ ᠮᠣᠭᠠᠢ ᠶᠢᠨ ᠪᠡᠶ᠎ᠡ᠂ ᠵᠢᠭᠠᠰᠣᠨ ᠤ ᠬᠠᠶᠢᠷᠠᠰᠣ ᠪᠠ ᠰᠡᠭᠦᠯ᠂ ᠮᠡᠯᠡᠬᠡᠢ ᠶᠢᠨ ᠬᠦᠯ ᠠᠴᠠ ᠨᠡᠶᠢᠯᠡᠵᠦ ᠪᠦᠳᠦᠭᠰᠡᠨ ᠰᠢᠨᠵᠢ ᠲᠠᠢ ᠪᠠᠶᠢᠵᠦ ᠯᠣᠣ ᠶᠢᠨ ᠬᠦᠴᠦᠷᠬᠡᠭ ᠲᠣᠬᠰᠢᠨ ᠲᠦᠷᠢ ᠶᠢ ᠦᠵᠡᠭᠦᠯᠬᠦ ᠶᠢᠨ ᠲᠣᠯᠠ ᠮᠡᠯᠡᠬᠡᠢ ᠶᠢᠨ ᠬᠦᠯ ᠳᠤᠨᠢ ᠪᠦᠷᠭᠦᠳ ᠤᠨ ᠬᠢᠮᠣᠰᠣ ᠲᠠᠢ ᠵᠢᠷᠣᠬᠤ ᠪᠣᠯᠣᠬᠰᠠᠨ ᠶᠣᠮ᠃ ᠭᠡᠪᠡᠴᠦ ᠯᠣᠣ ᠶᠢᠨ ᠲᠣᠬᠠᠢ ᠲᠦᠷᠰᠦᠯᠡᠯ ᠠᠩᠬᠠᠨ ᠤ ᠲᠡᠷᠡ ᠰᠢᠨᠵᠢ ᠠᠴᠠ ᠪᠠᠨ ᠬᠤᠪᠢᠷᠠᠬᠰᠠᠭᠠᠷ ᠪᠠᠶᠢᠬᠰᠠᠨ ᠪᠣᠯᠣᠯᠳᠠᠢ᠃ ᠵᠠᠷᠢᠮ ᠰᠣᠳᠣᠯᠣᠭᠴᠢ᠄ ︽ᠮᠣᠩᠭᠤᠯᠴᠣᠳ ᠤᠨ ᠡᠷᠬᠢᠮᠯᠡᠳᠡᠭ ᠯᠣᠣ ᠨᠢ ᠲᠡᠮᠡᠬᠡᠨ ᠲᠣᠯᠣᠭᠠᠢ ᠲᠠᠢ᠂ ᠦᠬᠡᠷ ᠤᠨ ᠴᠡᠭᠡᠵᠢ ᠲᠠᠢ᠂ ᠪᠣᠭᠤ ᠶᠢᠨ ᠡᠪᠡᠷ ᠲᠠᠢ᠂ ᠪᠠᠭᠠᠪᠠᠭᠠᠢ ᠶᠢᠨ ᠲᠠᠪᠠᠬ ᠲᠠᠢ᠂ ᠲᠠᠪᠣᠨ ᠰᠢᠷᠪᠠᠭᠤ ᠶᠢᠨ ᠬᠢᠮᠣᠰᠣ ᠨᠢ ᠬᠠᠷᠴᠠᠭᠠᠢ ᠶᠢᠨ ᠬᠢ ᠰᠢᠬ ᠬᠤᠷᠴᠠ᠂ ᠪᠡᠶ᠎ᠡ ᠶᠢᠨ ᠭᠠᠯᠪᠢᠷ ᠨᠢ ᠮᠣᠭᠠᠢ ᠰᠢᠬ ᠪᠦᠭᠡᠳ ᠦᠡᠭᠭᠡ ᠨᠢ ᠴᠣᠬᠤᠷ ᠪᠠᠶᠢᠳᠠᠬ ᠭᠡᠵᠦ ︽ᠮᠣᠩᠭᠤᠯ ᠹᠧᠣᠳᠠᠯᠢᠰᠡᠮ ᠲᠣᠬᠳᠠᠬᠤ ᠦᠶ᠎ᠡ ᠶᠢᠨ ᠨᠡᠶᠢᠭᠡᠮ ᠣᠯᠣᠰ ᠲᠦᠷᠦ᠂ ᠭᠦᠨ ᠣᠬᠠᠭᠠᠨ ᠤ ᠰᠡᠳᠭᠢᠯᠭᠡ︾ ᠭᠡᠳᠡᠭ ᠨᠣᠮ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠳᠠᠬ᠃ ᠢᠡᠭᠭᠢᠵᠦ ᠲᠡᠮᠳᠡᠭᠯᠡᠵᠦ ᠪᠠᠶᠢᠭ᠎ᠠ ᠨᠢ ᠨᠡᠯᠢᠶᠡᠳ ᠬᠤᠵᠢᠮ ᠤᠨ ᠦᠶ᠎ᠡ ᠶᠢᠨ ᠵᠢᠷᠣᠭᠠᠴᠢ ᠨᠠᠷ ᠤᠨ ᠣᠷᠠᠯᠠᠬᠰᠠᠨ ᠯᠣᠣ ᠶᠢ ᠲᠦᠷᠰᠦᠯᠡᠭᠰᠡᠨ ᠶᠣᠮ᠃ ᠵᠠᠷᠢᠮ ᠭᠠᠵᠠᠷ ᠣᠷᠣᠨ ᠤ ᠬᠢᠨᠢ ᠪᠠᠰᠠ ᠯᠣᠣ ᠶᠢᠨ ᠲᠦᠷᠰᠦ ᠶᠢ ᠭᠤᠶᠣᠯ ᠴᠢᠮᠡᠭ ᠲᠤ ᠬᠡᠷᠡᠭᠯᠡᠬᠦ ᠳᠡᠭᠡᠨ ᠲᠠᠪᠣᠨ ᠬᠢᠮᠣᠰᠣ ᠲᠠᠢ ᠪᠣᠶᠣ ᠬᠢᠮᠣᠰᠣ ᠪᠦᠷᠢᠨ ᠣᠷᠠᠯᠠᠪᠠᠯ ᠶᠡᠭᠡ ᠲᠣᠬᠰᠢᠨ ᠭᠡᠵᠦ ᠭᠤᠣᠯᠳᠠᠭᠤ ᠲᠦᠷᠪᠡᠨ ᠬᠢᠮᠣᠰᠣ ᠲᠠᠢ ᠣᠷᠠᠯᠠᠳᠠᠬ ᠶᠣᠮ ᠭᠡᠨ᠎ᠡ᠃      ᠯᠣᠣ ᠶᠢᠨ ᠲᠦᠷᠰᠦ ᠨᠢ ᠠᠮᠢᠳᠠᠨ ᠤ ᠰᠢᠳᠦᠯᠭᠡ ᠲᠡᠭᠡᠳᠦ ᠬᠡᠮᠵᠢᠶᠡᠨ ᠳᠤ ᠬᠦᠭᠵᠢᠭᠰᠡᠨ ᠢ ᠬᠠᠷᠠᠭᠤᠯᠵᠦ ᠪᠠᠶᠢᠨ᠎ᠠ ᠃ ᠠᠮᠢᠳᠠᠨ ᠨᠢ ᠰᠢᠳᠢᠴᠢᠯᠡᠭᠳᠡᠭᠡᠳ ᠲᠡᠭᠦᠨ ᠤ ᠬᠡᠯᠪᠡᠷᠢ ᠲᠦᠷᠰᠦ ᠨᠢ ᠪᠣᠳᠠᠳᠠᠢ ᠠᠮᠢᠳᠠᠨ ᠤ ᠰᠢᠨᠵᠢ ᠠᠴᠠ ᠪᠠᠨ ᠰᠠᠯᠣᠩᠬᠢᠷᠠᠬᠤ ᠲᠡᠶᠢᠰᠢ ᠬᠠᠨᠳᠣᠵᠠᠢ᠃ ᠰᠢᠨ᠎ᠡ ᠴᠢᠯᠠᠭᠤᠨ ᠵᠡᠪᠰᠡᠭ ᠤᠨ ᠠᠩᠬᠠᠨ ᠤ ᠦᠶ᠎ᠡ ᠳᠤ ᠯᠣᠣ ᠶᠢᠨ ᠲᠦᠷᠰᠦ ᠮᠣᠩᠭᠤᠯ ᠨᠣᠳᠤᠬ ᠲᠤ ᠡᠭᠦᠰᠦᠨ ᠪᠠᠶᠢᠬᠰᠠᠨ ᠠᠴᠠ ᠦᠵᠡᠪᠡᠯ ᠵᠢᠷᠣᠬᠯᠠᠬᠤ᠂ ᠲᠦᠷᠰᠦᠯᠡᠬᠦ ᠮᠡᠷᠭᠡᠵᠢᠯ ᠡᠭᠦᠰᠬᠦ ᠠᠴᠠ ᠡᠮᠦᠨ᠎ᠡ ᠠᠮᠢᠳᠠᠨ ᠤ ᠰᠢᠳᠦᠯᠭᠡ ᠨᠢ ᠨᠢᠭᠡᠨᠳᠡ ᠲᠣᠮᠤᠬ ᠤᠨ ᠬᠡᠯᠪᠡᠷᠢ ᠪᠠᠷ ᠰᠢᠳᠢᠴᠢᠯᠡᠨ ᠲᠦᠷᠰᠦᠯᠡᠭᠳᠡᠵᠦ ᠪᠠᠶᠢᠯ᠎ᠠ ᠭᠡᠳᠡᠭ ᠨᠢ ᠢᠯᠡᠷᠬᠡᠢ᠃ ᠮᠣᠩᠭᠤᠯ ᠣᠷᠣᠨ ᠤ ᠪᠣᠰᠣᠳ ᠭᠠᠵᠠᠷ ᠣᠷᠣᠨ ᠲᠠᠢ ᠠᠳᠠᠯᠢ ᠪᠠᠷ ᠬᠤᠷᠴᠢᠨᠴᠣᠳ ᠪᠠᠰᠠ ᠯᠣᠣ ᠶᠢ ᠰᠢᠳᠢ ᠶᠢᠨ ᠬᠦᠴᠦᠨ ᠲᠠᠢ ᠭᠡᠵᠦ ᠦᠵᠡᠳᠡᠭ ᠶᠣᠮ᠃ ᠡᠭᠦᠨ ᠤ ᠲᠣᠬᠠᠢ ᠭᠠᠳᠠᠰᠣ ᠠᠴᠠ᠄ ︽ᠬᠤᠷᠴᠢᠨ ᠳᠤ ᠬᠤᠶᠠᠷ ᠰᠠᠷ᠎ᠠ ᠳᠤ ᠲᠡᠭᠷᠢ ᠲᠣᠣᠭᠠᠷᠣᠬᠰᠠᠨ ᠤ ᠲᠠᠷᠠᠭ᠎ᠠ ᠪᠣᠶᠣ ᠵᠣᠨ ᠤ ᠣᠯᠠᠷᠢᠯ ᠳᠤ ᠪᠣᠷᠣᠭᠠᠨ ᠣᠷᠣᠬᠰᠠᠨ ᠤ ᠲᠠᠷᠠᠭ᠎ᠠ ᠯᠣᠣ ᠭᠠᠵᠠᠷ ᠲᠣᠣᠷ᠎ᠠ ᠣᠨᠠᠬᠤ ᠶᠠᠪᠣᠳᠠᠯ ᠭᠠᠷᠣᠨ᠎ᠠ ᠭᠡᠵᠦ ᠬᠡᠯᠡᠯᠴᠡᠳᠡᠭ᠃ ᠨᠠᠰᠣᠳᠠᠶᠢᠴᠣᠳ ᠤᠨ ᠬᠠᠭᠤᠴᠢᠯᠠᠬᠤ ᠪᠠᠷ ᠠᠯᠢ ᠡᠷᠳᠡ ᠶᠠᠩᠰᠢᠪ ᠤᠨ ᠭᠤᠣᠯ ᠤᠨ ᠲᠡᠨᠳᠡ ᠬᠦᠰᠡᠷᠳᠡᠭᠰᠡᠨ ᠯᠣᠣ ᠶᠢ ᠬᠠᠷᠠᠬᠰᠠᠨ ᠬᠦᠮᠦᠨ ᠣᠯᠠᠨ ᠪᠠᠶᠢᠭ᠎ᠠ ᠶᠣᠮ ᠭᠡᠨ᠎ᠡ᠃ ᠦᠵᠡᠯ᠎ᠡ ᠭᠡᠵᠦ ᠬᠡᠯᠡᠵᠦ ᠪᠠᠶᠢᠭ᠎ᠠ ᠬᠦᠮᠦᠰ ᠤᠨ ᠬᠡᠯᠡᠬᠦ ᠪᠠᠷ ︿ᠯᠣᠣ ᠪᠣᠯ ᠠᠰᠠᠷᠣ ᠲᠣᠮᠣ ᠪᠡᠶ᠎ᠡ ᠲᠠᠢ᠂ ᠲᠡᠪᠢᠭᠦᠷ ᠤᠨ ᠬᠢᠷᠢ ᠶᠢᠨ ᠬᠠᠶᠢᠷ ᠲᠠᠢ᠂ ᠣᠷᠳᠣ ᠬᠤᠷᠴᠠ ᠬᠢᠮᠣᠰᠣ ᠲᠠᠢ᠂ ᠵᠢᠷᠤᠬ ᠲᠡᠭᠡᠷᠡᠬᠢ ᠯᠣᠣ ᠶᠢᠨ ᠬᠢᠷᠢ ᠦᠵᠡᠮᠵᠢ ᠦᠭᠡᠢ ᠮᠦᠷᠳᠡᠭᠡᠨ ᠰᠦᠷ ᠦᠭᠡᠢ﹀ ᠭᠡᠨ᠎ᠡ᠃ ᠯᠣᠣ ᠬᠦᠰᠡᠷᠳᠡᠵᠦ ᠪᠠᠶᠢᠭ᠎ᠠ ᠶᠢ ᠬᠤᠷᠴᠢᠨ ᠳᠤ ᠬᠤᠶᠠᠷ ᠶᠠᠩᠵᠦ ᠪᠠᠷ ᠲᠠᠶᠢᠯᠪᠣᠷᠢᠯᠠᠵᠦ ᠪᠠᠶᠢᠵᠠᠢ᠃ ᠨᠢᠭᠡ ᠨᠢ᠂ ᠯᠣᠣ ᠪᠣᠯ ᠢᠴᠡᠭᠡᠯᠡᠳᠡᠭ ᠠᠮᠢᠳᠠᠨ ᠪᠣᠯᠬᠤᠷ ᠬᠠᠪᠣᠷ ᠤᠨ ᠬᠤᠶᠠᠷ ᠰᠠᠷ᠎ᠠ ᠶᠢᠨ ᠰᠢᠨ᠎ᠡ ᠶᠢᠨ ᠬᠤᠶᠠᠷ ᠯᠣᠣ ᠶᠢᠨ ᠲᠣᠯᠣᠭᠠᠢ ᠦᠨᠳᠡᠶᠢᠬᠦ ᠡᠳᠦᠷ ᠯᠣᠣ ᠢᠴᠡᠭᠡᠨ ᠠᠴᠠ ᠪᠠᠨ ᠲᠡᠭᠳᠡᠬᠦ ᠦᠶᠡᠰ ᠲᠡᠭᠡᠨ ᠲᠡᠭᠳᠡᠵᠦ ᠲᠡᠶᠢᠯᠦᠭᠰᠡᠨ ᠦᠭᠡᠢ ᠪᠣᠯ ᠭᠠᠵᠠᠷ ᠣᠨᠠᠴᠢᠬᠠᠳᠠᠬ ᠭᠡᠨ᠎ᠡ᠃ ᠨᠦᠬᠦᠭᠡ ᠨᠢᠭᠡ ᠨᠢ᠂ ᠯᠣᠣ ᠨᠢ ᠲᠡᠭᠷᠢ ᠳᠤ ᠶᠠᠯᠠᠳᠠᠬᠳᠠᠵᠦ ᠪᠠᠶᠢᠨ᠎ᠠ ᠭᠡᠳᠡᠭ ᠰᠢᠷ᠎ᠠ ᠶᠢᠨ ᠱᠠᠰᠢᠨ ᠤ ᠲᠠᠶᠢᠯᠪᠣᠷᠢᠯᠠᠯ ᠪᠣᠯᠣᠨ᠎ᠠ᠃ ᠮᠠᠨ ᠤ ᠨᠣᠳᠤᠬ ᠲᠤ ᠪᠠᠰᠠ ᠯᠣᠣ ᠶᠢ ᠠᠭᠠᠷ ᠬᠦᠯᠦᠭᠯᠡᠵᠦ ᠶᠠᠪᠣᠳᠠᠬ ᠪᠦᠭᠡᠳ ᠲᠡᠭᠷᠢ ᠶᠢᠨ ᠵᠠᠷᠯᠢᠬ ᠢᠶᠠᠷ ᠪᠣᠷᠣᠭᠠᠨ ᠣᠷᠣᠭᠤᠯᠵᠦ ᠪᠠᠶᠢᠳᠠᠬ᠃ ᠪᠠᠰᠠ ᠲᠡᠭᠷᠢ ᠶᠢᠨ ᠲᠠᠭᠤ ᠪᠣᠯ ᠯᠣᠣ ᠶᠢᠨ ᠲᠠᠭᠤ᠂ ᠬᠢᠯᠪᠡᠭᠡᠨ ᠬᠢᠯᠪᠡᠵᠦ ᠪᠠᠶᠢᠭ᠎ᠠ ᠨᠢ ᠯᠣᠣ ᠰᠡᠭᠦᠯ ᠢᠶᠠᠨ ᠰᠢᠷᠪᠢᠭᠰᠡᠨ ᠠᠴᠠ ᠡᠭᠦᠰᠦᠭᠰᠡᠨ᠂ ᠪᠣᠷᠣᠭᠠᠨ ᠣᠷᠣᠬᠤ ᠠᠴᠠ ᠡᠮᠦᠨ᠎ᠡ ᠯᠣᠣ ᠲᠣᠷᠣᠬᠰᠢᠯᠠᠵᠦ ᠭᠤᠣᠯ ᠮᠦᠷᠡᠨ ᠨᠠᠭᠤᠷ ᠴᠦᠬᠦᠷᠦᠮ ᠠᠴᠠ ᠣᠰᠣᠨ ᠤ ᠬᠦᠷᠦᠩᠭᠡ ᠲᠠᠳᠠᠳᠠᠬ ᠭᠡᠵᠦ ᠲᠣᠮᠣᠬᠴᠢᠯᠠᠨ ᠶᠠᠷᠢᠯᠴᠠᠳᠠᠬ ᠶᠣᠮ︾ ᠭᠡᠵᠡᠢ᠃ ᠬᠤᠷᠴᠢᠨ ᠲᠠᠷᠢᠶᠠᠴᠢᠳ ᠠᠴᠠ ᠯᠣᠣ ᠶᠢ ᠪᠤᠷᠤᠭ᠎ᠠ᠂ ᠯᠣᠣᠰ ᠢ ᠬᠠᠮᠢᠶᠠᠷᠳᠠᠬ ᠲᠡᠭᠷᠢ ᠶᠢᠨ ᠠᠮᠢᠳᠠᠨ ᠭᠡᠵᠦ ᠦᠵᠡᠳᠡᠭ ᠠᠴᠠ ᠵᠣᠨ ᠪᠣᠷᠣᠭᠠᠨ ᠣᠷᠣᠵᠦ᠂ ᠲᠡᠭᠷᠢ ᠲᠣᠣᠭᠠᠷᠴᠦ᠂ ᠴᠠᠬᠢᠯᠭᠠᠨ ᠴᠠᠬᠢᠬᠤ ᠶᠢ ᠪᠦᠷ ᠯᠣᠣ ᠲᠠᠢ ᠬᠤᠯᠪᠣᠵᠦ ᠬᠡᠯᠡᠳᠡᠭ᠃ ᠵᠣᠨ ᠤ ᠣᠯᠠᠷᠢᠯ ᠳᠤ ᠬᠠᠷ᠎ᠠ ᠡᠭᠦᠯᠡ ᠭᠠᠷᠴᠦ ᠲᠣᠬᠰᠢᠨ ᠪᠣᠷᠤᠭ᠎ᠠ ᠣᠷᠣᠬᠤ ᠠᠴᠠ ᠡᠮᠦᠨ᠎ᠡ ᠶᠡᠭᠡ ᠰᠠᠯᠬᠢ ᠬᠦᠳᠡᠯᠵᠦ ᠣᠶᠢᠢᠷ᠎ᠠ ᠵᠠᠭᠤᠷ᠎ᠠ ᠶᠢᠨ ᠭᠤᠣᠯ ᠭᠤᠷᠤᠬ᠎ᠠ᠂ ᠪᠣᠯᠠᠬ ᠨᠠᠭᠤᠷ ᠤᠨ ᠣᠰᠣ ᠲᠡᠭᠡᠭᠰᠢ ᠴᠠᠶᠢᠯᠵᠠᠵᠦ ᠲᠣᠳᠣᠷᠠᠬᠢ ᠵᠢᠭᠠᠰᠣ ᠨᠢ ᠬᠦᠷᠳᠡᠯ᠎ᠡ ᠲᠠᠭᠠᠵᠦ ᠪᠣᠰᠣᠭᠠᠳ ᠬᠡᠳᠦᠨ ᠭᠠᠵᠠᠷ ᠤᠨ ᠬᠤᠯᠠ ᠣᠨᠠᠬᠤ ᠦᠵᠡᠭᠳᠡᠯ ᠢ ᠪᠠᠰᠠ ᠬᠤᠷᠴᠢᠨ ᠳᠤ᠄ ︽︿ᠯᠣᠣ ᠣᠰᠣ ᠲᠠᠳᠠᠵᠦ ᠪᠠᠶᠢᠨ᠎ᠠ᠂ ᠡᠯᠳᠡᠪ ᠡᠰᠡᠨ ᠤ ᠪᠡᠯᠭᠡ ᠦᠭᠡᠢ ᠦᠭᠡ ᠶᠠᠷᠢᠵᠦ ᠪᠣᠯᠬᠤ ᠦᠭᠡᠢ﹀ ᠭᠡᠵᠦ ᠨᠠᠰᠣᠳᠠᠶᠢᠴᠣᠳ ᠠᠴᠠ ᠬᠡᠦᠬᠡᠳ ᠲᠡᠭᠡᠨ ᠰᠠᠨᠠᠭᠤᠯᠵᠦ ᠬᠦᠵᠢ ᠵᠣᠯᠠ ᠠᠰᠠᠭᠠᠵᠦ ᠪᠣᠷᠣᠭᠠᠨ ᠢ ᠲᠡᠭᠰᠢ ᠣᠷᠣᠭᠤᠯᠬᠤ ᠪᠣᠯᠪᠠᠦ ᠭᠡᠵᠦ ᠲᠠᠭᠠᠳᠬᠠᠳᠠᠬ︾ ᠪᠠᠶᠢᠬᠰᠠᠨ ᠶᠣᠮ᠃ ᠬᠤᠷᠴᠢᠨ ᠤ ᠵᠠᠷᠢᠮ ᠠᠶᠢᠯ ᠤᠨ ᠬᠢᠨᠢ ᠪᠠᠰᠠ ᠯᠣᠣ ᠶᠢᠨ ᠬᠦᠷᠦᠭ ᠵᠢᠷᠤᠬ ᠢ ᠲᠠᠬᠢᠵᠦ ᠰᠢᠳᠦᠬᠦ ᠠᠴᠠ ᠭᠠᠳᠠᠨ᠎ᠠ ᠯᠣᠣ ᠭᠡᠵᠦ ᠵᠡᠭᠦᠳᠦᠯᠡᠪᠡᠯ ᠡᠷᠬᠢᠮ ᠬᠦᠪᠡᠭᠦᠨ ᠲᠠᠢ ᠪᠣᠯᠬᠤ ᠶᠢᠨ ᠲᠡᠮᠳᠡᠭ ᠭᠡᠵᠦ ᠪᠡᠯᠭᠡᠰᠢᠶᠡᠳᠡᠭ᠃ ᠬᠤᠷᠴᠢᠨ ᠤ ᠵᠠᠷᠢᠮ ᠬᠦᠮᠦᠰ ᠣᠳᠣ ᠪᠣᠯᠳᠠᠯ᠎ᠠ ᠬᠡᠦᠬᠡᠳ ᠲᠡᠭᠡᠨ ᠲᠢᠶᠠᠨ ᠯᠦᠡᠭ ︵ᠲᠡᠭᠷᠢ ᠶᠢᠨ ᠯᠣᠣ︶᠂ ᠴᠢᠩ ᠯᠦᠡᠭ ︵ᠬᠦᠬᠡ ᠯᠣᠣ︶᠂ ᠶᠢᠨ ᠯᠦᠡᠭ ︵ᠠᠯᠳᠠᠨ ᠯᠣᠣ︶᠂ ᠬᠠᠢ ᠯᠦᠡᠭ ᠁ ᠮᠡᠳᠦ ᠶᠢᠨ ᠯᠣᠣ ᠲᠠᠢ ᠬᠠᠮᠢᠶᠠᠳᠣᠬᠰᠠᠨ ᠨᠡᠷ᠎ᠡ ᠬᠠᠶᠢᠷᠠᠯᠠᠬᠰᠠᠭᠠᠷ ᠪᠠᠶᠢᠨ᠎ᠠ᠃      ᠯᠣᠣ ᠶᠢᠨ ᠰᠢᠳᠦᠯᠭᠡ ᠪᠣᠯ ᠡᠷᠳᠡᠨ ᠤ ᠮᠣᠩᠭᠤᠯᠴᠣᠳ ᠤᠨ ᠣᠰᠣ ᠪᠠ ᠣᠰᠣᠨ ᠤ ᠠᠮᠢᠳᠠᠨ ᠤ ᠰᠢᠳᠦᠯᠭᠡ ᠶᠢᠨ ᠲᠠᠷᠠᠭ᠎ᠠ ᠠᠮᠢᠳᠠᠨ ᠤ ᠰᠢᠳᠦᠯᠭᠡ ᠲᠡᠭᠡᠳᠦ ᠬᠡᠮᠵᠢᠶ᠎ᠡ ᠪᠠᠷ ᠬᠦᠭᠵᠢᠭᠰᠡᠨ ᠤ ᠲᠠᠷᠠᠭᠠᠬᠢ ᠰᠢᠳᠦᠯᠭᠡ ᠮᠦᠨ᠃      ᠬᠤᠷᠴᠢᠨᠴᠣᠳ ᠤᠨ ᠯᠣᠣᠰ ᠤᠨ ᠰᠢᠳᠦᠯᠭᠡ ᠶᠢᠨ ᠣᠯᠠ ᠮᠦᠷ      ᠬᠤᠷᠴᠢᠨᠴᠣᠳ ᠠᠴᠠ ᠯᠣᠣᠰ ᠨᠢ ᠭᠠᠵᠠᠷ ᠣᠰᠣᠨ ᠤ ᠨᠠᠪᠳᠠᠬ ᠰᠠᠪᠳᠠᠬ ᠪᠣᠯᠬᠤ ᠠᠴᠠ ᠭᠠᠳᠠᠨ᠎ᠠ ᠪᠣᠷᠣᠭᠠᠨ ᠬᠤᠷ᠎ᠠ᠂ ᠣᠰᠣ ᠭᠤᠣᠯ᠂ ᠰᠠᠯᠬᠢ ᠵᠢᠪᠠᠷ᠂ ᠬᠦᠢᠳᠡᠨ ᠨᠦᠢᠳᠠᠨ ᠁ ᠵᠡᠷᠭᠡ ᠶᠢ ᠬᠠᠮᠢᠶᠠᠷᠳᠠᠬ ᠭᠡᠵᠦ ᠦᠵᠡᠳᠡᠭ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠯᠣᠣᠰ ᠤᠨ ᠠᠮᠢᠳᠠᠳ ᠢ ᠬᠦᠮᠦᠨ ᠠᠴᠠ ᠲᠠᠪᠠᠭᠰᠠᠨ ᠰᠢᠳᠢ ᠶᠢᠨ ᠬᠦᠴᠦᠨ ᠲᠠᠢ ᠭᠡᠵᠦ ᠣᠶᠢᠯᠠᠭᠠᠳᠠᠬ᠃ ᠲᠣᠬᠠᠶᠢᠯᠠᠪᠠᠯ ᠬᠤᠷᠴᠢᠨ ᠤ ᠵᠠᠷᠢᠮ ᠪᠦᠭᠡ ᠢᠳᠣᠭᠠᠨ ᠨᠠᠷ ᠠᠴᠠ ︽ᠶᠠᠰᠣ ᠶᠢ ᠬᠠᠮᠢᠶᠠᠷᠬᠤ ᠰᠠᠬᠢᠭᠤᠰᠣ ᠨᠢ ᠯᠣᠣᠰ ᠤᠨ ᠠᠮᠢᠳᠠᠨ ᠪᠣᠯᠬᠤ ᠮᠣᠭᠠᠢ︾ ᠭᠡᠵᠦ ᠶᠠᠷᠢᠳᠠᠬ᠃ ᠬᠤᠷᠴᠢᠨ ᠳᠤ ᠣᠳᠣᠬᠠᠨ ᠪᠣᠯᠳᠠᠯ᠎ᠠ ᠯᠣᠣᠰ ᠢ ᠰᠦᠮ᠎ᠡ ᠪᠣᠶᠣ ᠣᠪᠣᠭ᠎ᠠ ᠪᠣᠯᠭᠠᠨ ᠲᠠᠬᠢᠳᠠᠬ ᠪᠠᠶᠢᠵᠠᠢ᠃ ᠯᠣᠣᠰ ᠢ ᠵᠢᠵᠢᠭ ᠰᠦᠮ᠎ᠡ ᠪᠣᠶᠣ ᠣᠪᠣᠭ᠎ᠠ ᠪᠣᠯᠭᠠᠵᠦ ᠲᠠᠬᠢᠬᠤ ᠨᠢ ᠬᠤᠷᠴᠢᠨ ᠤ ᠵᠠᠷᠢᠮ ᠲᠠᠷᠢᠶᠠᠴᠢᠳ ᠤᠨ ᠲᠣᠮᠳᠠ ᠣᠯᠠᠮᠵᠢᠯᠠᠬᠳᠠᠵᠦ ᠪᠠᠶᠢᠬᠰᠠᠨ ᠶᠣᠮ᠃ ᠡᠭᠦᠨ ᠤ ᠲᠣᠬᠠᠢ ᠭᠠᠳᠠᠰᠣ ᠠᠴᠠ᠄ ︽ᠡᠷᠳᠡ ᠳᠤ ᠮᠠᠨ ᠤ ᠠᠶᠢᠯ ᠤᠨ ᠪᠠᠷᠠᠭᠤᠨ ᠵᠠᠬ᠎ᠠ ᠳᠤ ᠲᠣᠮᠳᠠ ᠪᠠᠨ ᠲᠣᠮᠣ ᠨᠠᠭᠤᠷ ᠲᠠᠢ᠂ ᠨᠠᠭᠤᠷ ᠤᠨ ᠬᠦᠪᠡᠭᠡ ᠪᠠᠷ ᠮᠣᠳᠣ ᠪᠣᠷᠭᠠᠰᠣ ᠢᠬᠴᠣᠷᠠᠨ ᠣᠷᠭᠤᠬᠰᠠᠨ ᠣᠳᠠ ᠮᠣᠳᠣᠨ ᠲᠦᠡᠭ ᠪᠠᠶᠢᠪᠠ᠃ ᠡᠨᠡ ᠬᠦ ᠮᠣᠳᠣᠨ ᠲᠦᠡᠭ ᠢ ᠬᠦᠮᠦᠰ ︿ᠯᠣᠣᠰ ᠤᠨ ᠲᠦᠡᠭ﹀ ᠪᠣᠶᠣ ︿ᠪᠠᠷᠠᠭᠤᠨ ᠲᠦᠡᠭ﹀ ᠭᠡᠵᠦ ᠨᠡᠷᠡᠯᠡᠵᠦ ᠪᠠᠶᠢᠵᠠᠢ᠃ ᠡᠨᠡ ᠨᠠᠭᠤᠷ ᠤᠨ ᠵᠡᠭᠦᠨ ᠡᠮᠦᠨ᠎ᠡ ᠲᠠᠯ᠎ᠠ ᠳᠠᠬᠢ ᠲᠣᠪᠣᠷᠬᠠᠬ ᠭᠠᠵᠠᠷ ᠲᠤ ᠴᠣᠬᠤᠷ ᠬᠠᠯᠬ᠎ᠠ ᠶᠢᠨ ᠬᠤᠰᠢᠭᠤᠨ ᠤ ᠨᠠ᠊ ᠵᠠᠬᠢᠷᠣᠬᠴᠢ ᠶᠢᠨ ᠦᠶᠡᠯᠢᠳ ᠠᠴᠢ ᠬᠦᠦ ᠦᠨᠳᠦᠷ ᠨᠣᠶᠠᠨ ᠰᠠᠭᠤᠵᠦ ᠪᠠᠶᠢᠬᠰᠠᠨ ᠭᠡᠳᠡᠭ᠃ ᠯᠣᠣᠰ ᠤᠨ ᠲᠦᠡᠭ ᠳᠤ ᠡᠶᠢᠮᠦ ᠨᠢᠭᠡ ᠪᠣᠳᠠᠳᠠᠢ ᠰᠢᠬ ᠦᠯᠢᠭᠡᠷ ᠪᠠᠶᠢᠨ᠎ᠠ᠃ ᠵᠣᠨ ᠤ ᠨᠢᠭᠡᠨ ᠡᠳᠦᠷ ᠦᠨᠳᠦᠷ ᠨᠣᠶᠠᠨ ᠠᠯᠪᠠᠳᠦ ᠨᠠᠷ ᠢᠶᠠᠨ ᠲᠠᠭᠠᠭᠤᠯᠵᠦ ᠨᠠᠭᠤᠷ ᠤᠨ ᠪᠠᠷᠠᠭᠤᠨ ᠬᠦᠪᠡᠭᠡ ᠪᠠᠷ ᠠᠨᠵᠢᠰᠣ ᠬᠦᠳᠡᠯᠭᠡᠨ ᠮᠣᠩᠭᠤᠯ ᠠᠮᠣ ᠲᠠᠷᠢᠬᠤ ᠪᠠᠷ ᠪᠣᠯᠵᠠᠢ᠃ ᠦᠨᠳᠣᠷ ᠨᠣᠶᠠᠨ ᠠᠯᠪᠠᠳᠦ ᠨᠠᠷ ᠤᠨ ᠢᠶᠠᠨ ᠠᠨᠵᠢᠰᠣ ᠬᠦᠳᠡᠯᠭᠡᠨ ᠲᠠᠷᠢᠶ᠎ᠠ ᠲᠠᠷᠢᠬᠤ ᠶᠢ ᠬᠠᠷᠠᠭᠠᠳ ᠵᠣᠬᠰᠣᠵᠦ ᠪᠠᠶᠢᠳᠠᠯ᠎ᠠ ᠨᠢᠭᠡ ᠠᠯᠪᠠᠳᠦ ᠶᠢᠨ ᠬᠢᠨᠢ ᠠᠨᠵᠢᠰᠣᠨ ᠬᠤᠰᠢᠭᠤᠨ ᠳᠤ ᠨᠢᠭᠡᠨ ᠴᠠᠭᠠᠨ ᠡᠷᠢᠶᠡᠨ ᠮᠣᠭᠠᠢ ᠵᠦᠰᠦᠭᠳᠡᠭᠡᠳ ᠰᠢᠷᠬᠠᠳᠣᠬᠰᠠᠨ ᠨᠢ ᠬᠠᠷᠠᠬᠳᠠᠪᠠ᠃ ᠦᠨᠳᠦᠷ ᠨᠣᠶᠠᠨ ᠠᠴᠠ ᠮᠣᠭᠠᠢ ᠶᠢ ᠦᠷᠦ ᠡᠪᠡᠳᠴᠦ ᠰᠢᠷᠬ᠎ᠠ ᠶᠢ ᠨᠢ ᠴᠡᠪᠡᠷᠯᠡᠵᠦ ᠪᠦᠰ ᠢᠶᠠᠷ ᠪᠣᠭᠤᠵᠦ ᠦᠭᠭᠦᠭᠡᠳ ᠲᠠᠯᠪᠢᠵᠦ ᠶᠠᠪᠣᠭᠤᠯᠣᠬᠰᠠᠨ ᠠᠴᠠ ᠲᠡᠮᠡᠢ ᠬᠡᠳᠦᠨ ᠡᠳᠦᠷ ᠪᠣᠯᠣᠬᠰᠠᠨ ᠦᠭᠡᠢ ᠭᠡᠨᠡᠳᠳᠡ ᠪᠠᠷ ᠭᠡᠷ ᠲᠤᠨᠢ ᠮᠠᠰᠢ ᠣᠯᠠᠨ ᠮᠣᠭᠠᠢ ᠴᠣᠬᠯᠠᠷᠠᠭᠠᠳ ᠰᠠᠭᠤᠵᠦ ᠬᠡᠪᠳᠡᠬᠦ ᠶᠢᠨ ᠠᠷᠭ᠎ᠠ ᠦᠭᠡᠢ ᠪᠣᠯᠭᠠᠵᠠᠢ᠃ ᠮᠣᠭᠠᠢ ᠭᠡᠷ ᠲᠤ ᠴᠣᠬᠯᠠᠷᠠᠪᠠᠯ ᠰᠠᠶᠢᠨ ᠢᠷᠸ᠎ᠠ ᠶᠣᠮ ᠦᠦ︖ ᠡᠰᠡᠬᠦᠯ᠎ᠡ ᠮᠠᠭᠤ ᠢᠷᠸ᠎ᠠ ᠶᠣᠮ ᠤᠤ︖ ᠭᠡᠵᠦ ᠪᠣᠳᠣᠬᠰᠠᠨ ᠢᠶᠠᠨ ᠦᠨᠳᠦᠷ ᠨᠣᠶᠠᠨ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠲᠠᠴᠢᠨᠳᠠᠯ᠎ᠠ ᠰᠦᠮ᠎ᠠ ᠳᠤ ᠬᠦᠷᠴᠦ ︿ᠵᠠᠷᠯᠢᠬ ᠤᠨ ᠭᠡᠭᠡᠨ﹀ ᠠᠴᠠ ᠠᠪᠣᠷᠠᠯ ᠡᠷᠢᠪᠡ᠃ ᠵᠠᠷᠯᠢᠭ ᠤᠨ ᠭᠡᠭᠡᠨ ᠲᠡᠭᠦᠨ ᠳᠤ ︿ᠯᠣᠣᠰ ᠲᠠᠬᠢᠭᠠᠷᠠᠢ﹀ ᠭᠡᠵᠦ ᠵᠠᠷᠯᠢᠬ ᠪᠣᠯᠣᠬᠰᠠᠨ ᠪᠣᠯᠬᠤᠷ ᠲᠡᠷᠡ ᠵᠠᠷᠯᠢᠬ ᠤᠨ ᠭᠡᠭᠡᠨ ᠢ ᠭᠡᠷ ᠲᠡᠭᠡᠨ ᠵᠠᠯᠠᠨ ᠠᠪᠴᠢᠷᠠᠪᠠ᠃ ᠵᠠᠷᠯᠢᠬ ᠤᠨ ᠭᠡᠭᠡᠨ ᠬᠦᠷᠴᠦ ᠢᠷᠡᠭᠰᠡᠨ ᠤ ᠲᠠᠷᠠᠭ᠎ᠠ ᠨᠠᠭᠤᠷ ᠤᠨ ᠪᠠᠷᠠᠭᠤᠨ ᠬᠤᠶᠢᠳᠦ ᠲᠠᠯ᠎ᠠ ᠶᠢᠨ ᠲᠡᠨᠵᠢ ᠶᠢᠨ ᠡᠩᠭᠡᠷ ᠲᠤ ᠱᠠᠩ ᠲᠠᠷᠣᠵᠦ ᠣᠪᠣᠭ᠎ᠠ ᠪᠣᠰᠬᠠᠨ᠂ ᠨᠣᠮ ᠣᠡᠭᠰᠢᠵᠦ ᠨᠠᠭᠤᠷ ᠪᠠ ᠣᠪᠣᠭ᠎ᠠ ᠶᠢ ᠠᠮᠢᠯᠠᠵᠦ ᠦᠭᠬᠦᠭᠡᠳ ︿ᠴᠢ ᠡᠭᠦᠨ ᠠᠴᠠ ᠬᠤᠵᠢᠮ ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ ᠲᠠᠪᠣᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠡ ᠶᠢᠨ ᠲᠠᠪᠣᠨ ᠤ ᠦᠷᠯᠦᠭᠡ ᠨᠠᠷᠠ ᠭᠠᠷᠬᠤ ᠠᠴᠠ ᠡᠮᠦᠨ᠎ᠡ ᠵᠠᠯᠭᠠᠮᠵᠢ ᠡᠪᠡᠰᠦ ᠶᠢ ᠲᠡᠭᠦᠵᠦ ᠬᠠᠳᠠᠭᠠᠨ ᠠᠪᠣᠭᠠᠳ ᠠᠮᠢᠳᠠᠨ ᠵᠢᠷᠭᠤᠭᠠᠨ ᠵᠦᠢᠯ ᠳᠤ ᠪᠣᠶᠠᠨ ᠦᠢᠯᠡᠳ﹀ ᠭᠡᠵᠦ ᠠᠪᠣᠷᠠᠯ ᠰᠣᠨᠳᠠᠬ ᠬᠠᠶᠢᠷᠠᠯᠠᠭᠠᠳ ᠯᠣᠣᠰ ᠤᠨ ᠣᠪᠣᠭ᠎ᠠ ᠪᠠᠨ ︿ᠯᠣᠣᠰ ᠤᠨ ᠰᠦᠮ᠎ᠡ﹀ ᠭᠡᠵᠦ ᠨᠡᠷᠡᠯᠡᠵᠡᠢ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ᠦᠨᠳᠦᠷ ᠨᠣᠶᠠᠨ ᠤ ᠭᠡᠷ ᠲᠤᠨᠢ ᠮᠣᠭᠠᠢ ᠴᠣᠬᠯᠠᠷᠠᠬᠤ ᠦᠭᠡᠢ ᠪᠣᠯᠣᠬᠰᠠᠨ ᠮᠦᠷᠳᠡᠭᠡᠨ ᠦᠨᠳᠦᠷ ᠨᠣᠶᠠᠨ ᠠᠴᠠ ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ ᠰᠢᠨ᠎ᠡ ᠶᠢᠨ ᠨᠢᠭᠡᠨ ᠪᠠ ᠠᠷᠪᠠᠨ ᠲᠠᠪᠣᠨ ᠤ ᠦᠷᠯᠦᠭᠡ ᠯᠣᠣᠰ ᠤᠨ ᠣᠪᠣᠭ᠎ᠠ ᠶᠢᠨ ᠢᠶᠠᠨ ᠲᠡᠷᠭᠡᠳᠡ ᠢᠷᠡᠵᠦ ᠯᠣᠣᠰ ᠤᠨ ᠣᠪᠣᠭ᠎ᠠ ᠳᠤ ᠴᠠᠭᠠᠨ ᠪᠠᠯᠢᠩ ᠡᠷᠭᠦᠵᠦ᠂ ᠠᠶᠠᠭ᠎ᠠ ᠪᠠ ᠬᠤᠨᠳᠠᠭᠠᠨ ᠳᠤ ᠬᠠᠭᠤᠷᠠᠢ ᠪᠣᠳᠠᠭ᠎ᠠ ᠬᠢᠵᠦ ᠲᠡᠭᠡᠷ᠎ᠡ ᠨᠢ ᠵᠢᠵᠢᠭ ᠵᠦᠰᠦᠮ ᠲᠠᠢ ᠬᠤᠷᠣᠳ ᠲᠠᠯᠪᠢᠭᠠᠳ ᠲᠦᠷᠪᠡᠨ ᠵᠦᠭ ᠲᠤ ᠬᠠᠶᠠᠵᠦ ᠯᠣᠣᠰ ᠢᠶᠠᠨ ᠲᠠᠬᠢᠳᠠᠬ ᠪᠣᠯᠵᠠᠢ᠃ ᠪᠠᠰᠠ ᠦᠨᠳᠦᠷ ᠨᠣᠶᠠᠨ ᠤ ᠲᠠᠪᠣᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠡ ᠶᠢᠨ ᠲᠠᠪᠣᠨ ᠤ ᠦᠷᠯᠦᠭᠡ ᠲᠡᠭᠦᠵᠦ ᠬᠠᠳᠠᠭᠠᠬᠰᠠᠨ ᠵᠠᠯᠭᠠᠮᠵᠢ ᠡᠪᠡᠰᠦ ᠨᠢ ᠶᠠᠰᠣ ᠨᠢ ᠪᠡᠷᠳᠡᠭᠰᠡᠨ᠂ ᠬᠤᠭᠤᠷᠠᠬᠰᠠᠨ᠂ ᠪᠣᠯᠵᠣᠬᠰᠠᠨ ᠬᠦᠮᠦᠨ ᠮᠠᠯ ᠳᠤ ᠨᠣᠨᠳᠣᠬᠯᠠᠭᠠᠳ ᠣᠣᠭᠤᠯᠭᠠᠪᠠᠯ ᠲᠣᠣᠷᠠᠬᠠᠨ ᠢᠶᠠᠨ ᠶᠠᠰᠣ ᠶᠢ ᠨᠢ ᠠᠨᠠᠭᠠᠵᠦ ᠵᠠᠯᠭᠠᠵᠦ ᠴᠢᠳᠠᠬᠤ ᠰᠢᠳᠢ ᠶᠢᠨ ᠬᠦᠴᠦᠨ ᠲᠠᠢ ᠪᠣᠯᠵᠦ᠂ ᠣᠮᠪᠤᠯᠤ ᠶᠢᠨ ᠬᠢᠨᠢ ᠦᠶ᠎ᠡ ᠪᠣᠯᠳᠠᠯ᠎ᠠ ᠣᠶᠢᠷ᠎ᠠ ᠣᠷᠴᠢᠮ ᠳᠠᠭᠠᠨ ᠶᠠᠰᠣ ᠵᠠᠰᠠᠬᠤ ᠪᠠᠷ ᠢᠶᠠᠨ ᠠᠯᠳᠠᠷᠰᠢᠵᠦ ᠪᠠᠶᠢᠬᠰᠠᠨ ᠶᠣᠮ᠃ ᠠᠶᠢᠯ ᠤᠨ ᠨᠠᠰᠣᠳᠠᠶᠢᠴᠣᠣᠯ ᠠᠴᠠ ︿ᠶᠠᠰᠣᠨ ᠤ ᠰᠠᠬᠢᠭᠤᠰᠣ ᠪᠣᠯᠬᠤ ᠯᠣᠣᠰ ᠤᠨ ᠮᠣᠭᠠᠢ ᠶᠢ ᠠᠪᠣᠷᠠᠬᠰᠠᠨ ᠠᠴᠠ ᠪᠣᠯᠵᠦ ᠦᠨᠳᠦᠷ ᠨᠣᠶᠠᠨ ᠤ ᠵᠠᠯᠭᠠᠮᠵᠢ ᠡᠪᠡᠰᠦ ᠶᠠᠰᠣ ᠠᠨᠠᠭᠠᠵᠦ ᠴᠢᠳᠠᠬᠤ ᠪᠣᠯᠵᠠᠢ﹀ ᠭᠡᠵᠦ ᠶᠠᠷᠢᠳᠠᠬ︾ ᠭᠡᠵᠡᠢ᠃ ᠬᠤᠷᠴᠢᠨ ᠤ ᠯᠣᠣᠰ ᠤᠨ ᠣᠪᠣᠭ᠎ᠠ ᠶᠢᠨ ᠲᠠᠬᠢᠯᠭ᠎ᠠ ᠳᠤ ᠯᠣᠣᠰ ᠤᠨ ᠣᠶᠢᠷᠠᠯᠴᠠᠭ᠎ᠠ ᠪᠠᠶᠢᠭ᠎ᠠ ᠣᠷᠣᠢ᠂ ᠨᠠᠭᠤᠷ᠂ ᠮᠣᠳᠣ᠂ ᠪᠣᠯᠠᠬ ᠵᠡᠷᠭᠡ ᠳᠤ ᠣᠯᠠᠷᠢᠯ ᠪᠦᠷᠢ ᠶᠢᠨ ᠡᠬᠢᠨ ᠳᠤ ᠴᠠᠭᠠᠨ ᠪᠠᠯᠢᠩ ᠡᠷᠭᠦᠬᠦ ᠮᠦᠷᠳᠡᠭᠡᠨ ᠮᠠᠯ ᠰᠦᠷᠦᠭ ᠦᠭᠡᠳᠡ ᠦᠭᠡᠢ ᠪᠣᠯᠬᠤ᠂ ᠬᠦᠮᠦᠨ ᠮᠠᠯ ᠢ ᠡᠪᠡᠳᠴᠢᠨ ᠵᠣᠪᠠᠯᠠᠩ ᠣᠷᠢᠶᠠᠬᠤ ᠳᠤ ᠯᠣᠣᠰ ᠱᠠᠪᠳᠠᠬ᠂ ᠡᠵᠡᠳ ᠰᠠᠬᠢᠭᠤᠰᠣ ᠬᠤᠣᠷᠯᠠᠯ ᠬᠢᠵᠦ ᠪᠠᠶᠢᠨ᠎ᠠ ᠬᠡᠮᠡᠨ ᠦᠵᠡᠵᠦ ᠴᠠᠭᠠᠨ ᠪᠠᠯᠢᠩ ᠡᠷᠬᠦᠬᠦ ᠪᠣᠶᠣ ᠪᠦᠬᠡ᠂ ᠯᠠᠮᠠ ᠶᠢᠨ ᠠᠯᠢ ᠨᠢᠭᠡ ᠶᠢ ᠨᠢ ᠵᠠᠯᠠᠵᠦ ᠰᠢᠯᠳᠠᠭᠠᠨ ᠢ ᠨᠢ ᠰᠣᠨᠣᠰᠣᠭᠠᠳ ᠲᠣᠮ ᠲᠠᠷᠣᠯᠭ᠎ᠠ ᠬᠢᠯᠭᠡᠨ᠎ᠡ᠃ ᠵᠢᠱᠢᠶᠡᠯᠡᠪᠡᠯ᠄ ᠯᠣᠣᠰ ᠤᠨ ᠣᠪᠣᠭ᠎ᠠ ᠶᠢᠨ ᠬᠠᠵᠠᠭᠤ ᠶᠢᠨ ᠴᠢᠯᠠᠭᠤ ᠶᠢ ᠬᠦᠳᠡᠯᠭᠡᠭᠡᠳ ᠯᠣᠣᠰ ᠢ ᠠᠭᠤᠷᠯᠠᠭᠤᠯᠣᠬᠰᠠᠨ ᠪᠣᠯ ᠪᠣᠷᠣᠭᠤ ᠪᠠᠨ ᠮᠡᠳᠡᠵᠦ ᠠᠭᠤᠴᠢᠯᠠᠯ ᠭᠤᠶᠣᠵᠦ ᠴᠢᠯᠠᠭᠤ ᠶᠢ ᠨᠢ ᠣᠷᠣᠨ ᠳᠤᠨᠢ ᠲᠠᠯᠪᠢᠨ᠎ᠠ᠂ ᠨᠦᠬᠡ ᠮᠠᠯᠳᠠᠬᠰᠠᠨ ᠪᠣᠯ ᠪᠣᠯᠠᠵᠦ᠂ ᠮᠣᠳᠣ ᠣᠬᠳᠣᠯᠣᠬᠰᠠᠨ ᠪᠣᠯ ᠣᠷᠣᠨ ᠳᠤᠨᠢ ᠠᠪᠠᠴᠢᠵᠦ ᠲᠠᠯᠪᠢᠨ᠎ᠠ᠃ ᠨᠣᠳᠤᠬ ᠤᠨ ᠨᠠᠰᠣᠳᠠᠶᠢᠴᠣᠳ᠄ ︽ᠪᠠᠷᠠᠭᠤᠨ ᠲᠦᠡᠭ ᠤᠨ ᠯᠣᠣᠰ ᠤᠨ ᠣᠪᠣᠭ᠎ᠠ ᠶᠢᠨ ᠬᠠᠵᠠᠭᠤ ᠶᠢᠨ ᠨᠢᠭᠡ ᠮᠣᠳᠣ ᠶᠢ ᠰᠣᠶᠣᠯ ᠤᠨ ᠬᠤᠪᠢᠰᠬᠠᠯ ᠤᠨ ᠦᠶᠡᠰ ᠲᠣᠰ ᠠᠶᠢᠯ ᠤᠨ ᠨᠢᠭᠡᠨ ᠲᠠᠷᠢᠶᠠᠴᠢᠨ ᠠᠴᠠ ᠣᠬᠳᠣᠯᠵᠦ ᠠᠪᠣᠬᠰᠠᠨ ᠠᠴᠠ ᠪᠣᠯᠵᠦ ᠰᠦᠨᠢ ᠳᠡᠭᠡᠨ ᠯᠣᠣᠰ ᠤᠨ ᠬᠤᠣᠷᠯᠠᠯ ᠡᠭᠦᠰᠴᠦ ᠰᠣᠯᠢᠶ᠎ᠠ ᠦᠭᠡ ᠶᠠᠷᠢᠬᠰᠠᠭᠠᠷ ᠪᠠᠶᠢᠵᠦ ᠠᠮᠢ ᠪᠠᠨ ᠠᠯᠳᠠᠬᠰᠠᠨ ᠶᠣᠮ᠃ ᠡᠵᠡᠳ ᠯᠣᠣᠰ ᠢ ᠠᠭᠤᠷᠯᠠᠭᠤᠯᠣᠬᠰᠠᠨ ᠪᠠᠶᠢᠪᠠᠯ ᠪᠣᠷᠣᠭᠤ ᠪᠠᠨ ᠮᠡᠳᠡᠵᠦ ᠴᠠᠭᠠᠨ ᠪᠠᠯᠢᠩ ᠡᠷᠭᠦᠪᠡᠯ ᠦᠨᠡᠨ ᠳᠡᠭᠡᠨ ᠯᠣᠣᠰ ᠤᠨ ᠬᠢᠯᠢᠩ ᠲᠠᠶᠢᠳᠬᠤᠷᠠᠵᠦ ᠭᠠᠮᠰᠢᠬ ᠵᠣᠪᠠᠯᠠᠩ ᠠᠷᠢᠯᠣᠨ᠎ᠠ ᠭᠡᠳᠡᠭ︾ ᠭᠡᠵᠦ     ᠬᠠᠭᠤᠴᠢᠯᠠᠵᠠᠢ᠃      ᠬᠤᠷᠴᠢᠨ ᠳᠤ ᠪᠠᠰᠠ ᠯᠣᠣᠰ ᠢ ᠰᠦᠮ᠎ᠡ ᠪᠣᠯᠭᠠᠨ ᠲᠠᠬᠢᠬᠤ ᠦᠵᠡᠭᠳᠡᠯ ᠴᠦ ᠬᠠᠷᠠᠬᠳᠠᠳᠠᠬ᠃ ᠬᠦᠷᠢᠶ᠎ᠡ ᠬᠤᠰᠢᠭᠤᠨ ᠳᠤ ᠯᠣᠣᠰ ᠤᠨ ᠰᠦᠮ᠎ᠡ ᠬᠤᠶᠠᠷ ᠪᠠᠶᠢᠨ᠎ᠠ᠃ ᠨᠢᠭᠡ ᠨᠢ ᠣᠣᠯ ᠤᠨ ᠰᠢᠶᠠᠨᠵᠢᠨ ᠰᠣᠮᠣ ᠶᠢᠨ ᠲᠦᠪ ᠪᠣᠯᠬᠤ ᠯᠣᠣᠰ ᠤᠨ ᠰᠦᠮ᠎ᠡ ᠲᠣᠰᠬᠤᠨ ᠳᠤ ᠪᠠᠶᠢᠵᠦ ᠨᠦᠬᠦᠭᠡ ᠨᠢᠭᠡ ᠨᠢ ᠬᠦᠷᠢᠶ᠎ᠡ ᠪᠠᠯᠭᠠᠰᠣᠨ ᠳᠤ ᠪᠠᠶᠢᠨ᠎ᠠ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠪᠠᠰᠠ ᠲᠦᠡᠭᠯᠢᠶᠣᠣ ᠶᠢᠨ ᠰᠢᠷ᠎ᠠ ᠮᠦᠷᠡᠨ ᠰᠦᠮ᠎ᠡ ᠶᠢᠨ ᠯᠣᠣᠰ ᠲᠠᠬᠢᠯᠭ᠎ᠠ ᠶᠢᠨ ᠭᠠᠵᠠᠷ ᠁ ᠭᠡᠬᠦ ᠮᠡᠳᠦ ᠪᠠᠷ ᠨᠡᠯᠢᠶᠡᠳ ᠬᠡᠳᠦ ᠬᠠᠷᠠᠬᠳᠠᠵᠦ ᠪᠠᠶᠢᠨ᠎ᠠ᠃ ᠣᠷᠴᠢᠮ ᠤᠨ ᠵᠢᠯ ᠠᠴᠠ ᠬᠦᠷᠢᠶ᠎ᠡ ᠬᠤᠰᠢᠭᠤᠨ ᠤ ︽ᠦᠬᠢᠨ ᠲᠡᠭᠷᠢ ᠶᠢᠨ ᠰᠦᠮ᠎ᠡ︾ ᠳᠤ ᠣᠯᠠᠨ ᠮᠦᠷᠭᠦᠯᠴᠢᠳ ᠪᠢᠯᠢᠭ ᠤᠨ ᠣᠯᠠᠷᠢᠯ ᠤᠨ ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠬᠤᠷᠢᠨ ᠲᠠᠪᠣᠨ ᠤ ᠡᠳᠦᠷ ᠴᠣᠬᠯᠠᠷᠠᠭᠠᠳ ᠯᠣᠣᠰ ᠲᠠᠬᠢᠵᠠᠭᠠᠵᠦ ᠪᠠᠶᠢᠨ᠎ᠠ᠃ ᠮᠦᠷᠭᠦᠯᠴᠢᠳ ᠠᠴᠠ ᠭᠡᠷ ᠠᠴᠠ ᠪᠠᠨ ᠰᠦ᠂ ᠬᠤᠷᠣᠳ᠂ ᠰᠢᠷ᠎ᠠ ᠲᠣᠰᠣ᠂ ᠦᠷᠦᠮ᠎ᠡ ᠵᠡᠷᠭᠡ ᠴᠠᠭᠠᠨ ᠢᠳᠡᠭᠡᠨ ᠤ ᠵᠦᠢᠯ ᠢᠶᠠᠨ ᠠᠪᠴᠢᠷᠠᠬᠤ ᠪᠣᠶᠣ᠂ ᠰᠦᠮ᠎ᠡ ᠶᠢᠨ ᠣᠶᠢᠷᠠᠯᠴᠠᠭ᠎ᠠ ᠠᠴᠠ ᠲᠠᠬᠢᠯᠭ᠎ᠠ ᠳᠤ ᠬᠡᠷᠡᠭᠯᠡᠬᠦ ᠪᠣᠳᠠᠰ ᠢᠶᠠᠨ ᠬᠤᠳᠠᠯᠳᠣᠨ ᠠᠪᠣᠭᠠᠳ ᠯᠠᠮᠠ ᠪᠠᠷ ᠨᠣᠮ ᠲᠠᠷᠨᠢ ᠣᠡᠭᠰᠢᠭᠤᠯᠣᠬᠰᠠᠨ ᠤ ᠲᠠᠷᠠᠭ᠎ᠠ ᠠᠮᠢᠯᠠᠭᠤᠯᠣᠬᠰᠠᠨ ᠲᠠᠬᠢᠯ ᠤᠨ ᠵᠦᠢᠯ ᠢᠶᠠᠨ ᠶᠠᠩᠰᠢᠪ ᠤᠨ ᠭᠤᠣᠯ ᠳᠤ ᠠᠪᠠᠴᠢᠨ ᠣᠷᠣᠰᠬᠠᠳᠠᠬ ᠪᠠᠶᠢᠨ᠎ᠠ᠃ ᠮᠣᠩᠭᠤᠯᠵᠢᠨ ᠬᠤᠰᠢᠭᠤᠨ ᠤ ᠭᠡᠭᠡᠨ ᠰᠦᠮ᠎ᠡ ᠶᠢᠨ ᠬᠢᠨᠢ ᠪᠠᠰᠠ ᠵᠢᠷᠭᠤᠭᠠᠨ ᠰᠠᠷ᠎ᠠ ᠶᠢᠨ ᠠᠷᠪᠠᠨ ᠭᠤᠷᠪᠠᠨ ᠳᠤ ᠯᠣᠣᠰ ᠲᠠᠬᠢᠳᠠᠬ ᠶᠣᠮ᠃ ᠲᠠᠬᠢᠯᠭ᠎ᠠ ᠶᠢᠨ ᠡᠳᠦᠷ ᠪᠣᠯᠪᠠᠯ ᠮᠦᠷᠭᠦᠯᠴᠢᠳ ᠠᠴᠠ ᠠᠮᠢᠳᠦ ᠵᠢᠭᠠᠰᠣ ᠬᠤᠳᠠᠯᠳᠣᠨ ᠠᠪᠬᠤ ᠪᠣᠶᠣ ᠪᠣᠰᠣᠳ ᠲᠠᠬᠢᠯᠭ᠎ᠠ ᠶᠢᠨ ᠵᠦᠢᠯ ᠢ ᠬᠤᠳᠠᠯᠳᠣᠨ ᠠᠪᠴᠦ ︽ᠭᠡᠭᠡᠨ ᠰᠦᠮ᠎ᠡ ᠶᠢᠨ ᠴᠦᠬᠦᠷᠦᠮ︾ ᠤᠨ ᠬᠦᠪᠡᠭᠡᠨ ᠳᠤ ᠬᠦᠷᠴᠦ ᠭᠡᠭᠡᠨ ᠯᠠᠮᠠ ᠨᠠᠷ ᠲᠦᠷᠦᠭᠦᠦ ᠲᠠᠢ ᠣᠯᠠᠨ ᠯᠠᠮᠠ ᠨᠠᠷ ᠤᠨ ᠡᠮᠦᠨ᠎ᠡ ᠣᠴᠢᠵᠦ ᠡᠷᠭᠦᠴᠡ ᠪᠠᠷᠢᠴᠠ ᠪᠠᠨ ᠡᠷᠭᠦᠭᠡᠳ ᠠᠪᠠᠴᠢᠬᠰᠠᠨ ᠵᠢᠭᠠᠰᠣ ᠪᠣᠯᠣᠨ ᠲᠠᠬᠢᠯ ᠪᠠᠯᠢᠩ ᠤᠨ ᠵᠦᠢᠯ ᠢᠶᠠᠨ ᠨᠣᠮ ᠣᠡᠭᠰᠢᠭᠤᠯᠵᠦ ᠠᠮᠢᠯᠠᠭᠤᠯᠣᠬᠰᠠᠨ ᠤ ᠲᠠᠷᠠᠭ᠎ᠠ ᠴᠦᠬᠦᠷᠦᠮ ᠤᠨ ᠣᠰᠣᠨ ᠳᠤ ᠲᠠᠯᠪᠢᠨ ᠣᠷᠣᠭᠤᠯᠵᠦ᠂ ᠠᠮᠢ ᠠᠪᠣᠷᠠᠬᠰᠠᠨ ᠪᠣᠶᠠᠨ ᠦᠢᠯᠡᠳᠴᠦ᠂ ᠡᠨᠡ ᠲᠦᠷᠦᠯ ᠤᠨ ᠨᠢᠭᠦᠯ ᠬᠢᠯᠢᠨᠴᠡ ᠪᠠᠨ ᠨᠢᠮᠭᠡᠷᠡᠭᠦᠯᠵᠦ ᠢᠷᠡᠬᠦ ᠲᠦᠷᠦᠯ ᠤᠨ ᠢᠶᠠᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ᠲᠠᠭᠠᠳᠬᠠᠨ ᠮᠦᠷᠭᠦᠳᠡᠭ ᠦᠵᠡᠭᠳᠡᠯ ᠪᠣᠢ᠃      ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ ᠬᠤᠷᠴᠢᠨ ᠳᠤ ᠪᠠᠰᠠ ᠬᠡᠦᠬᠡᠳ ᠠᠴᠠ ᠯᠣᠣ ᠪᠣᠷᠣᠭᠠᠨ ᠣᠷᠣᠭᠤᠯᠬᠤ ᠳᠠᠭᠠᠨ ᠡᠭᠦᠯᠡ ᠡᠭᠦᠰᠭᠡᠵᠦ ᠪᠠᠶᠢᠨ᠎ᠠ ᠭᠡᠵᠦ ᠲᠣᠬᠯᠠᠪᠠᠯ ᠲᠡᠭᠷᠢ ᠲᠣᠣᠭᠠᠷᠣᠨ᠎ᠠ᠂ ᠭᠠᠳᠠᠬᠰᠢ ᠭᠠᠷᠬᠤ ᠬᠦᠮᠦᠨ ᠳᠤ ᠮᠣᠭᠠᠢ ᠵᠠᠮ ᠣᠬᠳᠣᠯᠵᠦ ᠪᠠᠶᠢᠭ᠎ᠠ ᠬᠠᠷᠠᠬᠳᠠᠪᠠᠯ ᠯᠣᠣᠰ ᠬᠤᠷᠢᠬᠯᠠᠵᠦ ᠪᠠᠶᠢᠨ᠎ᠠ᠂ ᠶᠠᠪᠣᠳᠠᠯ ᠣᠴᠢᠷ ᠰᠠᠭᠠᠳ ᠲᠠᠢ ᠪᠣᠯᠳᠠᠬ ᠠᠴᠠ ᠪᠣᠴᠠᠵᠦ ᠢᠷᠡᠬᠦ ᠬᠡᠷᠡᠭᠳᠡᠢ᠂ ᠮᠣᠭᠠᠢ ᠶᠢ ᠰᠢᠷᠣᠢ ᠳᠤ ᠪᠣᠯᠠᠵᠦ ᠠᠯᠠᠪᠠᠯ ᠯᠣᠣᠰ ᠬᠢᠯᠢᠩᠨᠡᠵᠦ ᠬᠡᠦᠬᠡᠳ ᠨᠢ ᠵᠡᠮᠳᠡᠭ ᠲᠦᠷᠦᠨ᠎ᠡ᠂ ᠮᠣᠭᠠᠢ ᠶᠢᠨ ᠠᠮᠠᠨ ᠳᠤ ᠪᠣᠬᠢ ᠴᠢᠬᠢᠵᠦ ᠠᠯᠠᠪᠠᠯ ᠬᠡᠦᠬᠡᠳ ᠨᠢ ᠶᠠᠪᠠ ᠪᠣᠯᠣᠨ᠎ᠠ᠂ ᠮᠡᠯᠡᠬᠡᠢ ᠠᠯᠠᠪᠠᠯ ᠦᠨᠢᠶ᠎ᠠ ᠰᠣᠪᠠᠶᠢᠷᠠᠵᠦ᠂ ᠦᠬᠡᠷ ᠮᠠᠯ ᠡᠪᠡᠳᠴᠢᠯᠡᠨ᠎ᠡ ᠁ ᠭᠡᠬᠦ ᠮᠡᠳᠦ ᠶᠢᠨ ᠯᠣᠣᠰ ᠲᠠᠢ ᠬᠤᠯᠪᠣᠬᠳᠠᠬᠰᠠᠨ ᠮᠠᠰᠢ ᠣᠯᠠᠨ ᠴᠡᠭᠡᠷ ᠶᠣᠰᠣ ᠣᠳᠣ ᠳᠤ ᠲᠣᠯᠳᠠᠯ᠎ᠠ ᠣᠯᠠᠮᠵᠢᠯᠠᠬᠳᠠᠬᠰᠠᠭᠠᠷ ᠪᠠᠶᠢᠨ᠎ᠠ᠃      ᠬᠤᠷᠴᠢᠨ ᠲᠠᠷᠢᠶᠠᠴᠢᠳ ᠤᠨ ᠯᠣᠣᠰ ᠰᠢᠳᠦᠯᠭᠡ ᠨᠢ ᠦᠨᠡᠨ ᠳᠡᠭᠡᠨ ᠣᠰᠣ᠂ ᠣᠰᠣᠨ ᠤ ᠠᠮᠢᠳᠠᠨ᠂ ᠯᠣᠣ ᠭᠡᠬᠦ ᠰᠢᠳᠢᠴᠢᠯᠡᠭᠰᠡᠨ ᠠᠮᠢᠳᠠᠨ ᠵᠡᠷᠭᠡ ᠶᠢ ᠪᠠᠭᠳᠠᠭᠠᠬᠰᠠᠨ ᠨᠢᠭᠡᠳᠦᠮᠡᠯ ᠬᠡᠯᠪᠡᠷᠢ ᠶᠢᠨ ᠰᠢᠳᠦᠯᠭᠡ ᠪᠣᠯᠣᠨ᠎ᠠ᠃ ᠰᠢᠳᠦᠯᠭᠡ ᠪᠢᠰᠢᠷᠡᠯ ᠳᠤ ᠬᠡᠳᠦ᠋ᠢᠪᠡᠷ ᠰᠢᠨᠵᠢᠯᠡᠬᠦ ᠣᠬᠠᠭᠠᠨ ᠤ ᠪᠣᠳᠠᠳᠦ ᠪᠠᠶᠢᠳᠠᠯ ᠲᠠᠢ ᠨᠡᠶᠢᠴᠡᠬᠦ ᠦᠭᠡᠢ ᠵᠦᠢᠯ ᠣᠯᠠᠨ ᠪᠠᠶᠢᠭ᠎ᠠ ᠪᠣᠯᠪᠠᠴᠦ ᠰᠢᠳᠦᠯᠭᠡ ᠪᠢᠰᠢᠷᠡᠯ ᠠᠴᠠ ᠪᠣᠢ ᠪᠣᠯᠣᠬᠰᠠᠨ ᠵᠠᠩ ᠦᠢᠯᠡ᠂ ᠶᠣᠰᠣ ᠰᠣᠷᠳᠠᠬᠤᠨ ᠵᠡᠷᠭᠡ ᠨᠢ ᠬᠦᠮᠦᠨ ᠲᠦᠷᠦᠯᠬᠢᠳᠡᠨ ᠤ ᠨᠡᠶᠢᠭᠡᠮ ᠨᠢ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠲᠠᠨᠢᠵᠦ᠂ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠬᠠᠶᠢᠷᠠᠯᠠᠵᠦ᠂ ᠡᠬᠡ ᠪᠠᠶᠢᠭᠠᠯᠢ ᠪᠠᠨ ᠰᠢᠳᠦᠵᠦ᠂ ᠡᠬᠡ ᠪᠠᠶᠢᠭᠠᠯᠢ ᠲᠠᠢ ᠪᠠᠨ ᠡᠶ᠎ᠡ ᠵᠣᠬᠢᠴᠠᠯ ᠲᠠᠢ ᠪᠠᠷ ᠣᠷᠣᠰᠢᠬᠰᠠᠭᠠᠷ ᠣᠳᠣ ᠳᠤ ᠲᠣᠯᠣᠬᠰᠠᠨ ᠤ ᠪᠣᠳᠠᠳᠦ ᠬᠡᠷᠡᠴᠢ ᠪᠣᠯᠵᠠᠢ᠃
 
ᠢᠷᠡᠯᠲᠡ᠄ ᠲᠦᠩᠯᠢᠶᠤᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠯᠤᠤᠬ᠎ᠠ ᠶᠢᠨ ᠭᠤᠣᠯ ᠤᠨ ᠲᠣᠬᠠᠢ
ᠨᠣᠳᠤᠬ ᠣᠰᠣᠨ ᠤ ᠨᠡᠷᠡᠶᠢᠳᠤᠯ ᠤᠨ ᠲᠣᠬᠠᠢ ᠭᠤᠷᠪᠠᠨ ᠦᠯᠢᠭᠡᠷ
ᠵᠢᠷᠢᠮ ᠤᠨ ᠴᠢᠭᠤᠯᠭᠠᠨ
ᠬᠤᠭᠤᠷ ᠤᠨ ᠦᠯᠢᠭᠡᠷ ᠤᠨ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ ᠡᠰᠢ ᠶᠤᠰᠤᠨ ᠤ ᠦᠵᠡᠯᠳᠡ ᠳᠤ ᠦᠵᠡᠬᠦᠯᠦᠭᠰᠡᠨ ᠁
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号