| ᠮᠢᠩ ᠴᠢᠩ ᠤᠨ ᠹᠸᠤᠳᠠᠯ ᠨᠤᠶᠠᠷᠬᠠᠭᠴᠢ ᠨᠢ ᠳᠤᠭᠤᠵᠢᠰ ᠤᠨ ᠨᠡᠶᠢᠭᠡᠮ ᠤᠨ ᠴᠢᠳᠠᠪᠬᠢ ᠶᠢ ᠮᠠᠰᠢ | ᠴᠢᠬᠤᠯᠠᠴᠢᠯᠠᠨ ᠦᠵᠡᠳᠡᠭ᠃ ᠡᠨᠡ ᠨᠢ ᠳᠡᠳᠡᠨᠡᠷ ᠤᠨ ᠨᠡᠶᠢᠭᠡᠮ ᠤᠨ ᠡᠰᠢ ᠶᠤᠰᠤ ᠬᠢᠭᠡᠳ ᠳᠦᠷᠦ ᠶᠢ ᠵᠠᠰᠠᠬᠤ ᠶᠢ | ᠨᠢᠭᠡ ᠴᠤᠭᠴᠠ ᠪᠤᠯᠭᠠᠨ ᠦᠵᠡᠳᠡᠭ ᠦᠵᠡᠯ ᠰᠠᠨᠠᠭᠠ ᠲᠠᠢ ᠰᠢᠭᠤᠳ ᠬᠤᠯᠪᠤᠭᠠ ᠲᠠᠢ᠃ ᠳᠡᠳᠡᠨᠦᠰ ᠡᠰᠢ ᠶᠤᠰᠤᠨ | ᠰᠠᠶᠢᠵᠢᠷᠠᠪᠠᠰᠤ ᠳᠦᠷᠦ ᠬᠦᠷᠦᠨ ᠳᠡᠭᠵᠢᠷᠡᠵᠦ᠂ ᠡᠰᠢ ᠶᠤᠰᠤᠨ ᠳᠤᠷᠦ᠋ᠢᠳᠠᠪᠠᠰᠤ ᠳᠦᠷᠦ ᠬᠦᠷᠦᠨ ᠮᠦᠬᠦᠮᠦᠢ ᠬᠡᠮᠡᠨ | ᠤᠶᠢᠯᠠᠭᠠᠵᠦ ᠪᠠᠶᠢᠵᠠᠢ᠃ ᠡᠨᠡ ᠳᠤᠬᠠᠢ ᠬᠢᠳᠡᠳ ᠤᠨ ︽ᠬᠠᠨᠹᠢ ᠽᠢ • ᠰᠢᠳᠤᠷᠭᠤ ᠠᠴᠢᠯᠠᠯ ᠡᠯᠪᠡᠷᠢᠯ︾ ᠳᠤ ︽ | ᠳᠦᠰᠢᠮᠡᠯ ᠢᠨᠦ ᠡᠵᠡᠨ ᠳᠡᠭᠡᠨ ᠦᠢᠯᠡᠴᠢᠯᠡᠬᠦ᠂ ᠬᠦᠪᠡᠬᠦᠨ ᠢᠨᠤ ᠡᠴᠢᠭᠡ ᠳᠡᠭᠡᠨ ᠦᠢᠯᠡᠴᠢᠯᠡᠬᠦ᠂ ᠡᠭᠡᠨᠡᠷ ᠢᠨᠦ | ᠡᠷᠠ ᠳᠡᠭᠡᠨ ᠦᠢᠯᠡᠴᠢᠯᠡᠬᠦ ᠪᠤᠯ ᠳᠡᠭᠷᠢ ᠶᠢᠨ ᠳᠤᠤᠷᠠᠬᠢ ᠬᠡᠪ ᠶᠤᠰᠤᠨ ᠪᠤᠯᠠᠢ︾ ᠬᠡᠮᠡᠨ ᠦᠬᠦᠯᠡᠵᠦ᠂ ︽ᠳᠤᠰ | ᠭᠤᠷᠪᠠᠨ ᠬᠡᠯᠬᠢᠶᠠ ᠨᠢ ᠢᠯᠭᠤᠮ ᠪᠤᠯᠪᠠᠰᠤ ᠳᠦᠷᠦ ᠳᠦᠪᠰᠢᠨ᠂ ᠳᠤᠰ ᠭᠤᠷᠪᠠᠨ ᠬᠡᠯᠬᠢᠶᠠ ᠡᠪᠳᠡᠭᠳᠡᠪᠡᠰᠤ ᠳᠦᠷᠦ | ᠳᠠᠷᠤᠢ ᠰᠠᠮᠠᠭᠤᠷᠠᠮᠤᠢ︾ ᠬᠡᠵᠦ ᠪᠢᠴᠢᠭᠰᠡᠨ ᠪᠠᠶᠢᠨᠠ᠃ ᠡᠶᠢᠮᠦ ᠠᠴᠠ ᠪᠢᠴᠢᠭ ᠤᠨ ᠰᠤᠷᠭᠠᠯᠳᠠᠨ ᠤ ᠡᠷᠬᠢᠮᠯᠡᠳᠡᠭ ︽ | ᠭᠤᠷᠪᠠᠨ ᠬᠡᠯᠬᠢᠶᠠ ᠳᠠᠪᠤᠨ ᠡᠬᠦᠷᠢᠳᠡ︾ ᠶᠢᠨ ᠡᠰᠢ ᠶᠤᠰᠤᠨ ᠤ ᠦᠵᠡᠯ ᠰᠠᠨᠠᠭᠠ ᠨᠢ ᠹᠸᠤᠳᠠᠯ ᠨᠡᠶᠢᠭᠡᠮ ᠤᠨ ᠳᠦᠷᠦ | ᠬᠦᠷᠦᠨ ᠤ ᠳᠤᠭᠳᠠᠭᠤᠨ ᠡᠰᠡᠬᠦ ᠶᠢ ᠬᠡᠮᠵᠢᠬᠦ ᠴᠢᠬᠤᠯᠠ ᠪᠠᠷᠢᠮᠵᠢᠶᠠ ᠪᠤᠯᠵᠦ ᠪᠠᠶᠢᠭᠰᠠᠨ ᠶᠤᠮ᠃ ᠳᠡᠳᠡᠨᠡᠷ ᠺᠦᠡᠭᠽᠢ | ᠮᠧᠡᠭᠽᠢ ᠶᠢ ᠴᠢᠬᠤᠯᠠᠴᠢᠯᠠᠨ ᠡᠷᠬᠦᠵᠦ ︽ᠳᠦᠷᠪᠡᠨ ᠪᠢᠴᠢᠭ︾᠂ ︽ᠳᠠᠪᠤᠨ ᠨᠤᠮ︾ ᠢ ᠡᠷᠬᠢᠮᠯᠡᠨ ᠴᠢᠬᠤᠯᠠᠴᠢᠯᠠᠵᠦ | ᠪᠠᠶᠢᠵᠠᠢ᠃ ᠮᠢᠩ ᠳᠠᠶᠢᠽᠦ ᠵᠦ ᠶᠤᠸᠠᠨ ᠵᠠᠩ ᠳᠦᠷᠦ ᠪᠠᠷᠢᠭᠰᠠᠨ ᠤ ᠳᠠᠷᠠᠭᠠ ᠭᠤᠷᠪᠠᠨ ᠵᠢᠯ ᠨᠢᠭᠡ ᠤᠳᠠᠭᠠ | ᠰᠢᠯᠭᠠᠭᠤᠯᠢ ᠶᠠᠪᠤᠭᠤᠯᠬᠤ ᠪᠦᠭᠡᠳ ᠰᠢᠯᠭᠠᠭᠤᠯᠢ ᠳᠤ ᠵᠠᠪᠠᠯ ︽ᠳᠦᠷᠪᠡᠨ ᠪᠢᠴᠢᠭ︾᠂ ︽ᠳᠠᠪᠤᠨ ᠨᠤᠮ︾ ᠢ | ᠰᠢᠯᠭᠠᠳᠠᠭ᠃ ᠰᠢᠯᠭᠠᠭᠤᠯᠢ ᠳᠤ ᠤᠷᠤᠯᠴᠠᠭᠰᠠᠳ ᠨᠢ ᠰᠡᠳᠤᠪ ᠬᠠᠷᠢᠭᠤᠯᠬᠤ ᠳᠠᠭᠠᠨ ᠵᠠᠪᠠᠯ ᠬᠢᠳᠡᠳ ᠤᠨ ᠶᠤᠰᠤ | ᠰᠤᠷᠳᠠᠬᠤᠨ ᠤ ᠤᠬᠠᠭᠠᠠᠳᠠᠨ ᠵᠦ ᠰᠢ ᠵᠡᠷᠭᠡ ᠬᠦᠮᠦᠰ ᠤᠨ ᠳᠠᠶᠢᠯᠪᠤᠷᠢ ᠶᠢ ᠦᠨᠳᠦᠰᠦᠯᠡᠵᠦ ᠬᠠᠷᠢᠭᠤᠯᠬᠤ ᠬᠡᠷᠡᠭᠳᠡᠢ᠃ | ᠡᠬᠦᠨ ᠠᠴᠠ ᠪᠤᠯᠵᠦ᠂ ᠪᠢᠴᠢᠭ ᠤᠡᠭᠰᠢᠬᠴᠢᠳ ᠠᠨᠤ ︽ᠵᠦ ᠰᠢ ᠶᠢᠨ ᠰᠤᠷᠭᠠᠯ ᠠᠴᠠ ᠪᠤᠰᠤᠳ ᠰᠤᠷᠭᠠᠯ ᠢ ᠠᠶᠤᠵᠦ | ᠰᠤᠷᠬᠤ ᠦᠭᠡᠢ᠂ ᠵᠦ ᠰᠢ ᠶᠢᠨ ᠰᠤᠷᠭᠠᠯ ᠠᠴᠠ ᠪᠤᠰᠤᠳ ᠶᠤᠰᠤᠯᠠᠯ ᠢ ᠠᠶᠤᠵᠦ ᠶᠠᠪᠤᠭᠤᠯᠬᠤ ᠦᠭᠡᠢ︾ ᠪᠤᠯᠤᠭᠰᠠᠨ | ᠪᠠᠶᠢᠨᠠ᠃ ᠮᠢᠩ ᠴᠢᠩ ᠤᠨ ᠳᠡᠳᠡᠭᠡᠷ ᠳᠤᠭᠤᠵᠢᠰ ᠤᠨ ᠵᠤᠬᠢᠶᠠᠯᠴᠢᠳ ᠠᠨᠤ ᠪᠠᠭᠠ ᠠᠴᠠ ᠪᠠᠨ ᠡᠶᠢᠮᠦᠷᠬᠦ | ᠪᠢᠴᠢᠭ ᠤᠨ ᠰᠤᠷᠭᠠᠯᠳᠠᠳ ᠤᠨ ᠦᠵᠡᠯ ᠰᠠᠨᠠᠭᠠᠨ ᠤ ᠬᠦᠮᠦᠵᠢᠯ ᠢ ᠬᠦᠷᠳᠡᠭᠰᠡᠨ ᠠᠴᠠ᠂ ᠪᠢᠴᠢᠭ ᠤᠨ | ᠰᠤᠷᠭᠠᠯᠳᠠᠳ ᠤᠨ ᠡᠰᠢ ᠶᠤᠰᠤᠨ ᠤ ᠦᠵᠡᠯ ᠰᠠᠨᠠᠭᠠ ᠨᠢ ᠳᠡᠳᠡᠨᠡᠷ ᠢ ᠬᠦᠨ ᠨᠦᠯᠦᠭᠡᠯᠡᠭᠰᠡᠨ ᠪᠠᠶᠢᠨᠠ᠃ ᠡᠶᠢᠮᠦ ᠠᠴᠠ | ᠳᠡᠳᠡᠨᠦᠰ ᠤᠨᠪᠢᠴᠢᠭᠰᠡᠨ ᠳᠤᠭᠤᠵᠢᠰ ᠤᠨ ᠵᠤᠬᠢᠶᠠᠯ ᠳᠤ ᠪᠢᠴᠢᠭ ᠤᠨ ᠰᠤᠷᠭᠠᠯᠳᠠᠨ ᠤ ᠡᠰᠢ ᠶᠤᠰᠤᠨ ᠤ ᠦᠵᠡᠯ | ᠰᠠᠨᠠᠭᠠ ᠨᠡᠶᠢᠳᠡᠮ ᠳᠤᠤᠱᠯᠠᠬᠳᠠᠵᠦ ᠪᠤᠢ᠃ | ᠤᠯᠠᠮᠵᠢᠯᠠᠯᠳᠤ ᠬᠤᠭᠤᠷ ᠤᠨ ᠦᠯᠢᠭᠡᠷ ᠨᠢ ᠮᠢᠩ ᠴᠢᠩ ᠤᠨ ᠳᠤᠭᠤᠵᠢᠰ ᠤᠨ ᠵᠤᠬᠢᠶᠠᠯ ᠠᠴᠠ ᠡᠰᠢ ᠠᠪᠴᠤ | ᠬᠡᠯᠡᠳᠡᠭ ᠪᠤᠯᠬᠤᠷ ᠳᠡᠬᠦᠨ ᠤ ᠠᠭᠤᠯᠭᠠ᠂ ᠦᠵᠡᠯ ᠰᠠᠨᠠᠭᠠ ᠳᠤᠨᠢ ᠬᠢᠳᠡᠳ ᠤᠨ ᠪᠢᠴᠢᠭ ᠤᠨ ᠰᠤᠷᠭᠠᠯᠳᠠᠨ ᠤ ᠡᠰᠢ | ᠶᠤᠰᠤᠨ ᠤ ᠦᠵᠡᠯ ᠰᠠᠨᠠᠭᠠ ᠨᠡᠶᠢᠳᠡᠮ ᠳᠦᠪᠯᠡᠷᠡᠭᠰᠡᠨ ᠪᠠᠶᠢᠨᠠ᠃ ᠡᠶᠢᠮᠦ ᠠᠴᠠ ᠬᠤᠭᠤᠷ ᠤᠨ ᠦᠯᠢᠭᠡᠷ ᠤᠨ | ᠤᠯᠠᠮᠵᠢᠯᠠᠭᠳᠠᠯ ᠢ ᠳᠠᠭᠠᠯᠳᠤᠨ᠂ ᠡᠳᠡᠭᠡᠷ ᠡᠰᠢ ᠶᠤᠰᠤᠨ ᠤ ᠦᠵᠡᠯ ᠰᠠᠨᠠᠭᠠ ᠨᠢ ᠮᠤᠩᠭᠤᠯᠴᠤᠳ ᠤᠨ ᠤᠯᠠᠮᠵᠢᠯᠠᠯᠳᠤ | ᠡᠰᠢ ᠶᠤᠰᠤᠨ ᠤ ᠦᠵᠡᠯ ᠰᠠᠨᠠᠭᠠ ᠶᠢ ᠨᠦᠯᠦᠭᠡᠯᠡᠬᠦ ᠨᠢ ᠳᠠᠮᠵᠢᠭ ᠦᠭᠡᠢ ᠶᠤᠮ᠃ ᠡᠨᠡ ᠳᠤᠬᠠᠢ ᠵᠠᠷᠢᠮ | ᠵᠤᠬᠢᠶᠠᠯᠴᠢ ᠠᠴᠠ ︽ᠬᠤᠭᠤᠷ ᠤᠨ ᠦᠯᠢᠭᠡᠷ ᠨᠢ ᠤᠳᠤ ᠶᠢᠨ ᠷᠠᠳᠢᠣ᠋ ᠳᠧᠯᠧᠢᠰᠤᠨ ᠤᠬᠠᠭᠤᠯᠭᠠ ᠠᠴᠠ ᠳᠤᠤᠷᠠ | ᠦᠭᠡᠢ᠂ ᠬᠢᠳᠡᠳ ᠤᠨ ᠹᠧᠤᠳᠠᠯ ᠶᠤᠰᠤ ᠶᠢ ᠳᠠᠭᠤᠤ ᠲᠠᠢ ᠰᠢᠯᠦᠭ ᠲᠠᠢ᠂ ᠦᠯᠢᠭᠡᠷ ᠲᠠᠢ ᠬᠤᠯᠪᠤᠭᠠ ᠲᠠᠢ᠂ | ᠶᠤᠰᠤ ᠲᠠᠢ ᠳᠢᠭᠯᠢᠮ ᠲᠠᠢ ᠵᠠᠭᠤᠨ ᠤᠨ ᠵᠢᠭᠠᠨ ᠤᠯᠮᠠᠵᠢᠯᠠᠭᠰᠠᠨ ᠶᠤᠮ︾ ᠬᠡᠵᠦ ᠬᠡᠯᠡᠭᠰᠡᠨ ᠨᠢ ᠮᠠᠰᠢ ᠵᠦᠢᠳᠡᠢ ᠠᠵᠢ᠃ | ᠡᠬᠦᠨ ᠳᠤ ᠮᠤᠩᠭᠤᠯᠴᠤᠳ ᠢ ᠨᠦᠯᠦᠭᠡᠯᠡᠭᠰᠡᠨ ᠳᠦᠯᠦᠭᠡᠯᠡᠬᠦ ᠴᠢᠨᠠᠷ ᠲᠠᠢ ᠡᠰᠢ ᠶᠤᠰᠤᠨ ᠤ ᠦᠵᠡᠯ ᠬᠡᠪᠡᠯ ︽ | ᠭᠤᠷᠪᠠᠨ ᠬᠡᠯᠬᠢᠶᠠ ᠳᠠᠪᠤᠨ ᠡᠬᠦᠷᠢᠳᠡ︾ ᠶᠢᠨ ᠡᠰᠢ ᠶᠤᠰᠤᠨ ᠤ ᠦᠵᠡᠯ ᠰᠠᠨᠠᠭᠠ᠂ ︽ᠭᠤᠷᠪᠠᠨ ᠳᠠᠭᠠᠯᠳᠠ ᠳᠦᠷᠪᠡᠨ | ᠡᠷᠳᠡᠨᠢ︾ ᠶᠢᠨ ᠡᠰᠢ ᠶᠤᠰᠤᠨ ᠤ ᠦᠵᠡᠯ ᠰᠠᠨᠠᠭᠠ᠂ ᠡᠮᠡᠭᠳᠡᠶᠢᠴᠤᠳ ᠤᠨ ᠳᠦᠷᠦᠵᠦ ᠬᠦᠡᠭᠭᠡᠵᠢᠬᠦ ᠳᠤ ᠬᠤᠯᠪᠤᠭᠳᠠᠬᠤ | ᠠᠷᠢᠭᠤᠨ ᠴᠡᠪᠡᠷ ᠤᠨ ᠲᠤᠬᠠᠢ ᠡᠰᠢ ᠶᠤᠰᠤᠨ ᠤ ᠦᠵᠡᠯ ᠰᠠᠨᠠᠭᠠ ᠵᠡᠷᠭᠡ ᠪᠤᠢ᠃ | ︵ᠨᠢᠭᠡ︶ ︽ᠭᠤᠷᠪᠠᠨ ᠬᠡᠯᠬᠢᠶᠠ ᠳᠠᠪᠤᠨ ᠡᠬᠦᠷᠢᠳᠡ︾ ᠶᠢᠨ ᠡᠰᠢ ᠶᠤᠰᠤᠨ ᠤ ᠦᠵᠡᠯ ᠰᠠᠨᠠᠭᠠ | ᠬᠤᠭᠤᠷᠴᠢᠳ ᠬᠤᠭᠤᠷ ᠤᠨ ᠦᠯᠢᠭᠡᠷ ᠪᠦᠬᠦᠨ ᠳᠤ ︽ᠭᠤᠷᠪᠠᠨ ᠬᠡᠯᠬᠢᠶᠠ ᠳᠠᠪᠤᠨ ᠡᠬᠦᠷᠢᠳᠡ︾ ᠶᠢ ᠮᠠᠰᠢ | ᠴᠢᠬᠤᠯᠠᠴᠢᠯᠠᠨ ᠬᠡᠯᠡᠳᠡᠭ᠃ ᠳᠠᠷᠤᠢ ︽ᠡᠵᠡᠨ ᠳᠦᠰᠢᠮᠡᠯ ᠤᠨ ᠬᠡᠯᠬᠢᠶᠠ᠂ ᠡᠴᠢᠭᠡ ᠬᠦᠦ ᠶᠢᠨ ᠬᠡᠯᠬᠢᠶᠠ᠂ ᠡᠷᠠ | ᠡᠮᠠ ᠶᠢᠨ ᠬᠡᠯᠬᠢᠶᠠ︾ ᠬᠡᠬᠦ ᠭᠤᠷᠪᠠᠨ ᠬᠡᠯᠬᠢᠶᠠ ᠪᠤᠯᠤᠨᠠ᠃ | ᠭᠤᠷᠪᠠᠨ ᠬᠡᠯᠬᠢᠶᠠ ᠬᠡᠳᠡᠭ ᠨᠢ ᠳᠠᠷᠤᠢ ᠳᠦᠰᠢᠮᠡᠯ ᠵᠠᠪᠠᠯ ᠡᠵᠡᠨ ᠳᠡᠭᠡᠨ ᠰᠢᠳᠤᠷᠭᠤ᠂ ᠬᠦᠦ ᠨᠢ ᠡᠴᠢᠭᠡ ᠳᠡᠭᠡᠨ | ᠡᠯᠪᠡᠷᠢᠯ ᠲᠠᠢ᠂ ᠡᠭᠡᠨᠡᠷ ᠨᠢ ᠵᠠᠪᠠᠯ ᠡᠷᠠ ᠳᠡᠭᠡᠨ ᠦᠨᠡᠨᠴᠢ ᠪᠠᠶᠢᠬᠤ᠂ ᠮᠦᠨ ᠡᠵᠡᠨ᠂ ᠡᠴᠢᠭᠡ᠂ ᠡᠷᠠ ᠨᠢ ᠵᠠᠪᠠᠯ | ᠳᠦᠰᠢᠮᠡᠯ᠂ ᠬᠦᠦ᠂ ᠡᠭᠡᠨᠡᠷ ᠤᠨ ᠳᠠᠭᠤᠷᠢᠶᠠᠯ ᠪᠤᠯᠬᠤ ᠬᠡᠷᠡᠭᠳᠡᠢ ᠬᠡᠬᠦ ᠦᠵᠡᠯ ᠰᠠᠨᠠᠭᠠ ᠪᠤᠯᠤᠨᠠ᠃ | ᠳᠡᠪᠤᠨ ᠡᠬᠦᠷᠢᠳᠡ ᠬᠡᠮᠡᠭᠴᠢ᠄ ︽ᠦᠷᠦᠰᠢᠶᠡᠯ᠂ ᠵᠢᠷᠦᠮ᠂ ᠶᠤᠰᠤᠯᠠᠯ᠂ ᠡᠷᠳᠡᠮ᠂ ᠢᠳᠡᠬᠡᠯ︾ ᠪᠤᠯᠤᠨᠠ᠃ | ᠳᠦᠰᠢᠮᠡᠯ ᠨᠢ ᠡᠵᠡᠨ ᠳᠡᠭᠡᠨ ᠰᠢᠳᠤᠷᠭᠤ ᠶᠢ ᠬᠦᠢᠴᠡᠳᠭᠡᠭᠰᠡᠨ ᠳᠦᠯᠦᠭᠡᠯᠡᠭᠴᠢ ᠴᠢᠨᠡᠷ ᠲᠠᠢ ᠦᠯᠢᠭᠡᠷ ᠬᠡᠪᠡᠯ ︽ | ᠰᠠᠬᠢᠭᠤᠯᠰᠤᠨ ᠡᠷᠬᠦᠮᠵᠢᠯᠡᠭᠰᠡᠨ ᠦᠯᠢᠭᠡᠷ︾ ᠲᠠᠬᠢ ︽ᠪᠧᠢ ᠢᠤᠢ᠂ ᠱᠦ ᠴᠢ ᠬᠤᠶᠠᠭᠤᠯᠠ ᠱᠧᠤ ᠶᠠᠩ ᠰᠠᠨ | ᠠᠭᠤᠯᠠᠨᠠ ᠦᠯᠪᠡᠷᠴᠦ ᠦᠬᠦᠭᠰᠡᠨ︾ ᠦᠯᠢᠭᠡᠷ ᠪᠤᠯᠤᠨᠠ᠃ ᠳᠤᠰ ᠦᠯᠢᠭᠡᠷ ᠲᠤ ᠴᠧᠡᠭ ᠳᠠᠩ ᠤᠨ ᠰᠢᠳᠤᠷᠭᠤ | ᠳᠦᠰᠢᠮᠡᠯ ᠪᠧ ᠢᠤᠢ᠂ ᠱᠦ ᠴᠢ ᠠᠴᠠ ᠡᠤ ᠸᠠᠩ ᠵᠢᠢ ᠹᠠ ᠴᠡᠷᠢᠭ ᠳᠠᠶᠢᠴᠢᠯᠠᠵᠦ ᠶᠢᠨ ᠵᠧᠤ ᠸᠠᠩ ᠢ ᠳᠠᠶᠢᠯᠠᠬᠤ ᠳᠤ | ᠴᠡᠷᠢᠭ ᠤᠨ ᠵᠠᠮ ᠢ ᠳᠤᠰᠴᠤ ᠵᠡᠬᠦᠨᠰᠢ ᠳᠠᠶᠢᠯᠠᠬᠤ ᠶᠢ ᠬᠤᠷᠢᠬᠯᠠᠵᠠᠢ᠃ ᠪᠧ ᠢᠤᠢ᠂ ᠱᠦ ᠴᠢ ᠶᠢᠨ ᠦᠵᠡᠬᠦ ᠪᠠᠷ | ᠳᠦᠰᠢᠮᠡᠯ ᠨᠢ ᠡᠵᠡᠨ ᠢᠶᠠᠨ ᠳᠠᠶᠢᠯᠠᠬᠤ ᠨᠢ ᠡᠵᠡᠨ ᠳᠦᠰᠢᠮᠡᠯᠤᠨ ᠬᠡᠯᠬᠢᠶᠠ ᠶᠢ ᠡᠪᠳᠡᠭᠰᠡᠨ ᠪᠠᠶᠢᠨᠠ᠃ ᠬᠡᠪᠡᠴᠤ | ᠬᠤᠷᠢᠭᠯᠠᠭᠠᠳ ᠳᠤᠰᠠ ᠭᠠᠷᠤᠭᠰᠠᠨ ᠦᠭᠡᠢ᠃ ᠬᠤᠵᠢᠮᠨᠢ ᠵᠢᠶᠠᠩ ᠽᠢ ᠶᠠ ᠴᠡᠷᠢᠭ ᠳᠠᠶᠢᠴᠢᠯᠠᠵᠦ ᠱᠠᠩ ᠤᠯᠤᠰ ᠢ | ᠮᠦᠬᠦᠭᠡᠭᠰᠡᠨ ᠪᠠᠶᠢᠨᠠ᠃ ᠳᠤᠰ ᠴᠢᠮᠡᠭᠡ ᠶᠢ ᠪᠧ ᠢᠤᠢ᠂ ᠱᠦ ᠴᠢ ᠰᠤᠨᠤᠰᠤᠭᠠᠳ ᠵᠧᠤ ᠤᠯᠤᠰ ᠤᠨ ᠪᠤᠳᠠᠭᠠ ᠶᠢ | ᠢᠳᠡᠬᠦ ᠦᠭᠡᠢ ᠬᠡᠵᠦ ᠱᠧᠤ ᠶᠠᠩ ᠱᠠᠨ ᠠᠭᠤᠯᠠᠨᠠ ᠭᠡᠭᠡᠷᠠ ᠶᠢᠨ ᠨᠤᠭᠤᠭᠠ ᠵᠢᠮᠢᠰ ᠳᠡᠬᠦᠵᠦ ᠠᠮᠢᠳᠤᠷᠠᠵᠦ | ᠪᠠᠶᠢᠭᠰᠠᠨ ᠳᠤ ᠨᠢᠭᠡ ᠬᠦᠮᠦᠨ ᠳᠡᠬᠦᠨ ᠳᠤ ᠤᠳᠤ ᠡᠨᠡ ᠠᠭᠤᠯᠠ ᠮᠦᠷᠡᠨ ᠴᠦᠮ ᠢᠶᠠᠷ ᠵᠧᠤ ᠤᠯᠤᠰ ᠤᠨ ᠪᠤᠯᠤᠭᠰᠠᠨ᠂ | ᠦᠨᠡᠨᠳᠡᠬᠡᠨ ᠭᠡᠭᠡᠷᠠ ᠶᠢᠨ ᠨᠤᠭᠤᠭᠠ ᠵᠢᠮᠢᠰ ᠪᠤᠯᠪᠠᠴᠤ ᠴᠦᠮ ᠵᠧᠤ ᠤᠯᠤᠰ ᠤᠨ ᠪᠤᠯᠠᠢ ᠬᠡᠵᠦ ᠬᠡᠯᠡᠭᠰᠡᠨ ᠳᠤ ᠪᠧ | ᠢᠤᠢ᠂ ᠱᠦ ᠴᠢ ᠰᠤᠨᠤᠰᠤᠭᠠᠳ ᠭᠡᠭᠡᠷᠠ ᠶᠢᠨ ᠨᠤᠭᠤᠭᠠ ᠵᠢᠮᠢᠰ ᠢ ᠴᠤ ᠳᠡᠬᠦᠵᠦ ᠢᠳᠡᠬᠦ ᠪᠠᠨ ᠪᠤᠯᠢᠭᠰᠠᠨ ᠠᠴᠠ | ᠦᠯᠪᠡᠷᠴᠤ ᠦᠬᠦᠭᠰᠡᠨ ᠪᠠᠶᠢᠨᠠ᠃ ᠳᠡᠳᠡ ᠦᠯᠪᠡᠷᠴᠤ ᠦᠬᠦᠬᠦ ᠪᠠᠷ ᠳᠡᠮᠵᠢᠨ ᠡᠵᠡᠨ ᠳᠡᠭᠡᠨ ᠰᠢᠳᠤᠷᠭᠤ ᠶᠢ | ᠬᠦᠢᠴᠡᠳᠭᠡᠵᠡᠢ᠃ | ᠳᠡᠪᠤᠨ ᠡᠬᠦᠷᠢᠳᠡ ᠶᠢᠨ ᠳᠤᠬᠠᠢ ᠱᠢ ᠨᠠᠢ ᠠᠨ ᠤ ︽ᠱᠦᠢ ᠬᠤ᠋ ᠶᠢᠨ ᠦᠯᠢᠭᠡᠷ︾ ᠤᠨ ︽ᠶᠠᠨ ᠴᠢᠩ ᠢᠶᠠᠷ | ᠴᠢᠤ ᠯᠢᠨ ᠤᠯᠤᠮ ᠳᠤᠷ ᠬᠤᠨ ᠭᠠᠯᠠᠭᠤᠨ ᠢ ᠬᠠᠷᠪᠤᠭᠰᠠᠨ︾ ᠬᠡᠮᠡᠬᠦ ᠵᠠᠭᠤ ᠠᠷᠪᠠᠳᠤᠭᠠᠷ ᠪᠦᠯᠦᠭᠲ᠋ᠤ᠂ ᠶᠠᠨ | ᠴᠢᠩ ᠢᠶᠠᠷ ᠴᠢᠤ ᠯᠢᠨ ᠤᠯᠤᠮ ᠳᠤᠷ ᠬᠤᠨ ᠭᠠᠯᠠᠭᠤᠨ ᠢ ᠬᠠᠷᠪᠤᠭᠰᠠᠨ ᠳᠤ ᠰᠦᠡᠭ ᠵᠢᠶᠠᠩ ᠬᠡᠯᠡᠭᠰᠡᠨ ᠨᠢ᠄ ︽ᠡᠨᠡᠬᠦ | ᠬᠤᠨ ᠭᠠᠯᠠᠭᠤᠨ ᠬᠡᠮᠡᠭᠴᠢ ᠠᠷᠪᠠ ᠬᠤᠷᠢ ᠡᠰᠡᠬᠦᠯᠠ ᠳᠦᠴᠢ ᠳᠠᠪᠢ ᠪᠠᠷ ᠰᠦᠷᠦᠭᠯᠡᠨ ᠬᠡᠯᠬᠢᠶᠡᠯᠡᠵᠦ᠂ ᠡᠷᠬᠢᠮ ᠢᠶᠠᠨ | ᠡᠷᠬᠦᠨ ᠡᠮᠦᠨᠠ ᠪᠤᠯᠭᠠᠵᠦ᠂ ᠳᠤᠤᠷᠠᠳᠤ ᠠᠨᠤ ᠰᠡᠬᠦᠯ ᠢ ᠳᠠᠷᠤᠵᠦ᠂ ᠡᠮᠬᠢ ᠵᠢᠷᠤᠮ ᠡᠬᠢ ᠰᠡᠬᠦᠯ ᠢᠶᠠᠨ ᠠᠯᠳᠠᠬᠤ | ᠦᠭᠡᠢ᠂ ᠁ ᠡᠷᠡᠭᠴᠢᠨ ᠢᠨᠦ ᠡᠮᠡᠭᠴᠢᠨ ᠢᠶᠠᠨ ᠠᠯᠳᠠᠭᠰᠠᠨ ᠪᠠ ᠡᠮᠡᠭᠴᠢᠨ ᠢᠨᠦ ᠡᠷᠡᠭᠴᠢᠨ ᠶᠦᠭᠡᠨ ᠠᠯᠳᠠᠪᠠᠰᠤ | ᠦᠬᠦᠨ ᠦᠬᠦᠳᠡᠯᠠ ᠭᠤᠤᠨᠢ ᠪᠡᠯᠪᠡᠰᠦᠨ ᠢᠶᠠᠷ ᠠᠮᠢᠳᠤᠷᠠᠬᠤ ᠪᠦᠯᠦᠭᠡ᠃ ᠵᠢᠬᠦᠷᠳᠡᠨ ᠤ ᠳᠤᠤᠷᠠᠬᠢ ᠡᠨᠡ ᠪᠦᠭᠡᠰᠦ | ᠦᠷᠦᠰᠢᠶᠡᠯ᠂ ᠵᠢᠷᠦᠮ᠂ ᠶᠤᠰᠤᠯᠠᠯ᠂ ᠡᠷᠳᠡᠮ᠂ ᠢᠳᠡᠬᠡᠯ ᠳᠠᠪᠤᠨ ᠡᠬᠦᠷᠢᠳᠡ ᠶᠢ ᠬᠦᠢᠴᠡᠳᠭᠡᠭᠰᠡᠨ ᠳᠤᠯᠠ ᠳᠡᠶᠢᠨᠬᠦ | ᠦᠷᠦᠰᠢᠶᠡᠯ ᠵᠢᠷᠦᠮᠲᠦ ᠠᠮᠢᠳᠠᠨ ᠬᠡᠮᠡᠵᠦᠬᠦᠢ᠃ ᠪᠠᠰᠠ ᠦᠨᠳᠦᠷ ᠤᠭᠳᠠᠷᠭᠤᠢ ᠠᠴᠠ ᠦᠬᠦᠭᠰᠡᠨ ᠭᠠᠯᠠᠭᠤᠨ ᠢ | ᠦᠵᠡᠪᠡᠰᠤ ᠴᠦᠮ ᠭᠠᠰᠠᠯᠤᠨ ᠳᠤᠩᠭᠤᠳᠤᠮᠤᠢ᠃ ᠬᠠᠨᠢ ᠪᠠᠨ ᠠᠯᠳᠠᠭᠰᠠᠨ ᠭᠠᠯᠠᠭᠤ ᠶᠢ ᠤᠭᠳᠤ ᠳᠠᠷᠤᠯᠠᠨ | ᠳᠤᠷᠤᠮᠵᠢᠯᠠᠬᠤ ᠦᠭᠡᠢ᠂ ᠡᠨᠡ ᠢᠨᠦ ᠳᠡᠬᠦᠨ ᠤ ᠦᠷᠦᠰᠢᠶᠡᠯ ᠪᠤᠯᠠᠢ᠂ ᠡᠷᠠ ᠶᠦᠭᠡᠨ ᠠᠯᠳᠠᠭᠰᠠᠨ ᠪᠠ ᠡᠮᠠ ᠠᠴᠠ ᠪᠠᠨ | ᠰᠠᠯᠤᠭᠰᠠᠨ ᠦᠷᠦᠭᠡᠰᠦᠨ ᠭᠠᠯᠠᠭᠤᠨ ᠦᠬᠦᠨ ᠦᠬᠦᠳᠡᠯᠠ ᠭᠤᠤᠨᠢ ᠪᠡᠯᠪᠡᠰᠦᠨ ᠰᠠᠭᠤᠬᠤ ᠠᠨᠤ ᠳᠡᠬᠦᠨ ᠤ ᠵᠢᠷᠦᠮ | ᠪᠤᠯᠠᠢ᠃ ᠳᠡᠰ ᠳᠠᠷᠠᠭᠠ ᠪᠠᠷ ᠬᠡᠯᠬᠢᠶᠡᠯᠡᠨ ᠨᠢᠰᠴᠤ ᠳᠡᠪᠡᠵᠦ ᠬᠤᠴᠤᠷᠬᠤ ᠦᠭᠡᠢ ᠢᠨᠦ ᠳᠡᠬᠦᠨ ᠤ ᠶᠤᠰᠤᠯᠠᠯ ᠪᠤᠯᠠᠢ᠃ | ᠡᠯᠢᠶᠠ ᠪᠦᠷᠬᠦᠳ ᠠᠴᠠ ᠵᠠᠶᠢᠯᠠᠨ᠂ ᠵᠡᠬᠡᠰᠦᠨ ᠢ ᠵᠠᠭᠤᠵᠦ ᠪᠤᠭᠤᠮᠳᠠ ᠭᠠᠷᠬᠤ ᠠᠨᠤ ᠳᠡᠬᠦᠨ ᠤ ᠡᠷᠳᠡᠮ ᠪᠤᠯᠠᠢ᠂ ᠨᠠᠮᠤᠷ | ᠡᠮᠦᠨᠡᠰᠢ ᠤᠳᠴᠤ ᠬᠠᠪᠤᠷ ᠤᠮᠠᠷᠠᠰᠢ ᠡᠭᠡᠵᠦ ᠳᠤᠭᠳᠠᠭᠰᠠᠨ ᠴᠠᠭ ᠠᠴᠠ ᠦᠯᠦ ᠵᠦᠷᠢᠴᠡᠬᠦ ᠢᠨᠦ ᠳᠡᠬᠦᠨ ᠤ ᠢᠳᠡᠬᠡᠯ | ᠪᠤᠯᠠᠢ︾ ᠬᠡᠵᠦ ᠬᠤᠨ ᠭᠠᠯᠠᠭᠤᠨ ᠢ ᠳᠠᠪᠤᠨ ᠡᠬᠦᠷᠢᠳᠡ ᠶᠢ ᠬᠦᠢᠴᠡᠳᠭᠡᠭᠰᠡᠨ ᠠᠮᠢᠳᠠᠨ ᠬᠡᠵᠦ ᠠᠯᠠᠬᠤ ᠶᠢ | ᠬᠤᠷᠢᠭᠯᠠᠭᠰᠠᠨ ᠪᠠᠶᠢᠳᠠᠭ᠃ | ᠬᠤᠷᠴᠢᠨ ᠳᠤ ᠭᠠᠷ ᠪᠢᠴᠢᠮᠡᠯ ᠢᠶᠠᠷ ᠤᠯᠠᠮᠵᠢᠯᠠᠭᠳᠠᠵᠦ ᠪᠠᠶᠢᠭᠰᠠᠨ ︽ᠬᠤᠸᠠᠩ ᠱᠢ ᠬᠦᠡᠭ ᠤᠨ ᠭᠤᠷᠪᠠᠨ | ᠪᠤᠳᠤᠯᠭᠠ︾ ᠬᠡᠮᠡᠬᠦ ᠪᠢᠴᠢᠭ ᠲᠤ ︽ᠡᠷᠳᠡᠮ᠂ ᠦᠷᠦᠰᠢᠶᠡᠯ᠂ ᠮᠡᠷᠬᠡᠨ᠂ ᠵᠢᠷᠦᠮ᠂ ᠶᠤᠰᠤᠯᠠᠯ᠂ ᠡᠨᠡ ᠳᠠᠪᠤᠨ ᠵᠦᠢᠯ | ᠨᠢᠭᠡ ᠪᠡᠶᠠ ᠪᠤᠶᠤ᠂ ᠶᠤᠰᠤ ᠬᠡᠮᠡᠭᠴᠢ ᠬᠦᠮᠦᠨ ᠤ ᠬᠢᠰᠬᠢᠬᠦᠷ ᠪᠤᠶᠤ᠂ ᠡᠷᠳᠡᠮ ᠬᠡᠮᠡᠭᠴᠢ ᠬᠦᠮᠦᠨ ᠤ ᠳᠤᠯᠭᠠᠭᠤᠷᠢ | ᠪᠤᠶᠤ᠂ ᠦᠷᠦᠰᠢᠶᠡᠯ ᠬᠡᠮᠡᠭᠴᠢ ᠬᠦᠮᠦᠨ ᠤ ᠢᠨᠠᠭᠯᠠᠯ ᠪᠤᠶᠤ᠂ ᠵᠢᠷᠦᠮ ᠬᠡᠮᠡᠭᠴᠢ ᠬᠦᠮᠦᠨ ᠤ ᠵᠦᠢ ᠪᠤᠶᠤ᠂ ᠶᠤᠰᠤᠯᠠᠯ | ᠬᠡᠮᠡᠭᠴᠢ ᠬᠦᠮᠦᠨ ᠤ ᠶᠠᠩᠵᠦ ᠪᠤᠶᠤ᠂ ᠨᠢᠭᠡᠨ ᠦᠭᠡᠢ ᠪᠤᠯᠪᠠᠰᠤ ᠦᠯᠦ ᠪᠤᠯᠤᠮᠤᠢ︾ ᠬᠡᠮᠡᠨ ᠦᠬᠦᠯᠡᠭᠰᠡᠨ ᠪᠠᠶᠢᠨᠠ᠃ | ︵ᠬᠤᠶᠠᠷ︶ ︽ᠭᠤᠷᠪᠠᠨ ᠳᠠᠭᠠᠯᠳᠠ ᠳᠦᠷᠪᠡᠨ ᠡᠷᠳᠡᠨᠢ︾ ᠶᠢᠨ ᠡᠰᠢ ᠶᠤᠰᠤᠨ ᠤ ᠦᠵᠡᠯ ᠰᠠᠨᠠᠭᠠ | ︽ᠭᠤᠷᠪᠠᠨ ᠳᠠᠭᠠᠯᠳᠠ ᠳᠦᠷᠪᠡᠨ ᠡᠷᠳᠡᠨᠢ︾ ᠶᠢᠨ ᠦᠵᠡᠯ ᠰᠠᠨᠠᠭᠠ ᠳᠠᠷᠤᠢ ᠬᠡᠤᠬᠡᠨ ᠬᠦᠮᠦᠨ ᠬᠠᠷᠢ ᠳᠤ | ᠮᠤᠷᠳᠠᠬᠤ ᠠᠴᠠ ᠡᠮᠦᠨᠠ ᠡᠴᠢᠭᠡ ᠶᠢᠨ ᠵᠢᠭᠠᠪᠤᠷᠢ ᠶᠢ ᠳᠠᠭᠠᠬᠤ᠂ ᠬᠦᠷᠬᠡᠨ ᠳᠤ ᠮᠤᠷᠳᠠᠪᠠᠯ ᠡᠷᠠ ᠶᠢᠨ ᠵᠢᠭᠠᠪᠤᠷᠢ ᠶᠢ | ᠳᠠᠭᠠᠬᠤ᠂ ᠡᠷᠠ ᠨᠢ ᠦᠬᠦᠪᠡᠯ ᠬᠦᠪᠡᠬᠦᠨ ᠤ ᠵᠢᠭᠠᠪᠤᠷᠢ ᠶᠢ ᠳᠠᠭᠠᠬᠤ ︽ᠭᠤᠷᠪᠠᠨ ᠳᠠᠭᠠᠯᠳᠠ︾ ᠪᠤᠯᠤᠨᠠ᠃ ︽ | ᠳᠦᠷᠪᠡᠨ ᠡᠷᠳᠡᠨᠢ︾ ᠬᠡᠮᠡᠭᠴᠢ ᠡᠬᠡᠨᠡᠷ ᠤᠨ ᠮᠤᠷᠠᠯ᠂ ᠡᠬᠡᠨᠡᠷ ᠤᠨ ᠬᠡᠯᠡ᠂ ᠡᠭᠡᠨᠡᠷ ᠤᠨ ᠦᠡᠭᠭᠡ᠂ ᠡᠭᠡᠨᠡᠷ ᠤᠨ ᠡᠷᠳᠡᠮ | ᠬᠡᠮᠡᠬᠦ ︽ᠳᠦᠷᠪᠡᠨ ᠡᠷᠳᠡᠨᠢ︾ ᠪᠤᠯᠤᠨᠠ᠃ ᠡᠶᠢᠮᠦᠷᠬᠦ ᠦᠵᠡᠯ ᠰᠠᠨᠠᠭᠠᠨ ᠤ ᠨᠦᠯᠦᠭᠡᠨ ᠳᠤᠤᠷᠠ᠂ ᠡᠴᠢᠭᠡ ᠡᠭᠡ ᠨᠢ | ᠬᠡᠤᠬᠡᠨ ᠤ ᠤᠷᠤᠭ ᠤᠨ ᠤᠴᠢᠷ ᠢ ᠡᠵᠡᠨ ᠮᠡᠳᠡᠵᠦ ᠬᠠᠷᠢ ᠳᠤ ᠦᠭᠬᠦ᠂ ︽ᠮᠤᠳᠤ ᠲᠠᠢ ᠬᠤᠯᠪᠤᠪᠠᠯ ᠵᠤᠭᠰᠤᠵᠦ᠂ | ᠮᠤᠷᠢ ᠲᠠᠢ ᠬᠤᠯᠪᠤᠪᠠᠯ ᠱᠤᠭᠰᠢᠬᠤ︾ ᠶᠢ ᠴᠢᠬᠤᠯᠠᠴᠢᠯᠠᠵᠦ ᠡᠷᠠ ᠶᠢᠨ ᠡᠷᠭᠡ ᠶᠢ ᠬᠦᠨᠳᠦᠳᠭᠡᠬᠦ ᠮᠡᠳᠦ ᠶᠢᠨ ᠦᠵᠡᠯ | ᠰᠠᠨᠠᠭᠠ ᠨᠢᠭᠡ ᠬᠡᠮᠵᠢᠶᠠ ᠪᠠᠷ ᠵᠡᠬᠦᠨ ᠤᠷᠤᠨ ᠤ ᠮᠤᠩᠭᠤᠯᠴᠤᠳ ᠤᠨ ᠳᠤᠮᠳᠠ ᠳᠡᠯᠭᠡᠷᠡᠭᠰᠡᠨ ᠪᠠᠶᠢᠨᠠ᠃ | ︽ᠺᠦ᠋ ᠰᠢ ᠵᠤᠸᠠᠨ ᠬᠡᠮᠡᠬᠦ ᠦᠯᠢᠭᠡᠷ︾ ᠲᠤ ᠳᠠᠩ ᠤᠯᠤᠰ ᠤᠨ ᠶᠠᠨ ᠰᠢᠶᠦ᠋ᠡᠭ ᠬᠠᠭᠠᠨ ᠯᠢ ᠽᠢ ᠾᠦᠢ ᠶᠢᠨ | ᠵᠡᠬᠦᠨ ᠤᠷᠳᠤᠨ ᠤ ᠳ᠋ᠦᠡᠭ ᠭᠦᠢ ᠹᠧᠢ ᠵᠠᠩ ᠶᠤᠸᠠᠢ ᠢᠡᠭ ᠬᠢᠯᠢᠰ ᠬᠡᠷᠡᠭ ᠲᠤ ᠤᠷᠤᠵᠦ᠂ ᠤᠯᠤᠰ ᠠᠴᠠ | ᠬᠦᠭᠡᠭᠡᠭᠳᠡᠪᠡ᠃ ᠨᠤᠳᠤᠭ ᠲᠠᠭᠠᠨ ᠪᠤᠴᠠᠭᠰᠠᠨ ᠤ ᠳᠠᠷᠠᠭᠠ᠂ ᠠᠪᠤ ᠡᠵᠢ᠂ ᠪᠠᠭᠠ ᠳᠡᠬᠦᠦ ᠲᠠᠢ ᠪᠠᠨ ᠳᠦᠷᠪᠡᠬᠦᠯᠡ | ᠶᠠᠳᠠᠭᠤ ᠬᠦᠴᠢᠷ ᠲᠠᠢ ᠠᠮᠢᠳᠤᠷᠠᠵᠦ᠂ ᠴᠢᠨᠡᠬᠰᠢᠯᠠᠪᠠᠯ ᠬᠦ ᠰᠢᠤᠢ ᠮᠡᠳᠦ ᠶᠢᠨ ᠪᠠᠯᠠᠮᠠᠳ ᠠᠷᠠᠳ ᠤᠨ ᠳᠠᠷᠤᠯᠠᠯ | ᠳᠤᠷᠤᠮᠵᠢᠯᠠᠯ ᠳᠤ ᠤᠴᠠᠷᠠᠵᠦ ᠪᠠᠶᠢᠪᠠ᠃ ᠳᠡᠬᠡᠵᠦ ᠬᠦᠴᠢᠷ ᠵᠤᠪᠠᠯᠠᠩ ᠲᠠᠢ ᠪᠠᠶᠢᠭᠰᠠᠨ ᠴᠠᠭ ᠦᠶᠠ ᠳᠤ ᠰᠢ ᠰᠢᠶᠠ | ᠸᠠᠩ ᠶᠤᠤ ᠳ᠋ᠠ ᠳᠦ᠋ ᠬᠡᠮᠡᠭᠴᠢ ᠠᠴᠠ ᠳᠦᠰᠢᠮᠡᠯ ᠵᠠᠷᠤᠵᠦ᠂ ᠵᠠᠩ ᠶᠤᠸᠠᠢ ᠢᠡᠭ ᠢ ᠤᠯᠤᠰ ᠲᠠᠭᠠᠨ ᠵᠠᠯᠠᠵᠦ ᠬᠠᠳᠤᠨ | ᠪᠤᠯᠭᠠᠬᠤ ᠶᠢ ᠭᠤᠶᠤᠭᠰᠠᠨ ᠴᠤ ᠳᠡᠬᠦᠨ ᠤ ᠬᠠᠳᠤᠨ ᠪᠤᠯᠬᠤ ᠶᠢ ᠳᠡᠪᠴᠢᠪᠡ᠃ ᠶᠠᠭᠤᠨ ᠳᠤ ᠰᠢ ᠰᠢᠶᠠ ᠸᠠᠩ ᠤᠨ | ᠬᠠᠳᠤᠨ ᠪᠤᠯᠬᠤ ᠦᠭᠡᠢ ᠪᠤᠢ︖ ᠬᠡᠪᠡᠯ᠂ ᠵᠠᠩ ᠶᠤᠸᠠᠢ ᠢᠡᠭ ᠤᠨ ᠦᠭᠡ ᠪᠠᠷ ᠬᠡᠯᠡᠪᠡᠯ ︽ᠰᠠᠶᠢᠨ ᠳᠦᠰᠢᠮᠡᠯ | ᠬᠤᠶᠠᠷ ᠡᠵᠡᠨ ᠳᠤ ᠦᠢᠯᠡᠳᠬᠦ ᠦᠭᠡᠢ᠂ ᠰᠠᠶᠢᠨ ᠡᠭᠡᠨᠡᠷ ᠬᠤᠶᠠᠷ ᠡᠷᠠ ᠳᠤᠷ ᠡᠴᠢᠬᠦ ᠦᠭᠡᠢ︾᠃ ᠬᠤᠵᠢᠮ ᠨᠢ ᠰᠢ | ᠹᠠᠨ ᠤᠯᠤᠰ ᠤᠨ ᠸᠠᠩ ᠶᠢᠨ ᠲᠠᠢ ᠵᠠᠭᠤᠴᠢ ᠶᠢᠨ ᠬᠦᠮᠦᠨ ᠵᠠᠷᠤᠭᠰᠠᠨ ᠳᠤ ᠮᠦᠨ ᠤᠴᠢᠭᠰᠠᠨ ᠦᠭᠡᠢ᠂ ᠳᠡᠬᠦᠨ ᠢ | ᠬᠦᠭᠡᠭᠡᠴᠡᠯᠳᠦᠬᠦ ᠬᠦᠮᠦᠰ ᠤᠨ ᠰᠡᠳᠬᠢᠯ ᠢ ᠳᠠᠰᠤᠯᠬᠤ ᠶᠢᠨ ᠳᠦᠯᠦᠭᠡ᠂ ᠴᠤᠸᠠᠨ ᠳᠤᠤ ᠶᠤᠤ ᠬᠡᠮᠡᠬᠦ ᠡᠮ ᠢ | ᠨᠢᠳᠦᠨ ᠳᠡᠭᠡᠨ ᠳᠠᠯᠪᠢᠨ᠂ ᠬᠤᠶᠠᠷ ᠨᠢᠳᠦ ᠪᠠᠨ ᠰᠤᠬᠤᠯᠠᠪᠠ᠃ ᠡᠶᠢᠮᠦᠷᠬᠦ ᠪᠡᠶᠠ ᠵᠡᠮᠳᠡᠭ ᠪᠤᠯᠭᠠᠨ ︽ᠡᠭᠡᠨᠡᠷ ᠤᠨ | ᠮᠤᠷᠠᠯ︾ ᠢ ᠵᠢᠷᠤᠮᠯᠠᠭᠰᠠᠨ ᠦᠢᠯᠡ ᠠᠵᠢᠯᠯᠠᠭᠠ ᠶᠢ ᠳᠤᠰ ᠨᠤᠮ ᠤᠨ ᠵᠤᠬᠢᠶᠠᠭᠴᠢ ᠶᠡᠭᠡᠳᠡ ᠮᠠᠭᠳᠠᠨ ᠳᠠᠭᠤᠯᠠᠵᠦ ︽ | ᠦᠭᠡᠰᠢᠨᠠ ᠤᠨᠠᠪᠠᠴᠤ ᠪᠠᠳᠤ ᠵᠤᠷᠢᠭ ᠢ ᠶᠡᠭᠡᠳᠡ ᠬᠢᠴᠢᠶᠡᠩᠬᠦ᠋ᠢᠯᠡᠬᠦ ᠵᠠᠩ ᠶᠤᠸᠠᠢ ᠢᠡᠭ︾ ᠭᠡᠮᠡᠨ ᠰᠢᠯᠦᠭᠯᠡᠵᠦᠬᠦᠢ᠃ | ᠹᠧᠤᠳᠠᠯ ᠤᠨ ᠦᠵᠡᠯ ᠰᠠᠨᠠᠭᠠᠨ ᠤ ᠨᠦᠯᠦᠭᠡᠨ ᠳᠤᠤᠷᠠ ᠪᠦᠬᠦᠳᠡ ᠨᠠᠶᠢᠷᠠᠮᠳᠠᠬᠤ ᠳᠤᠮᠳᠠᠳᠤ ᠤᠯᠤᠰ | ᠪᠠᠶᠢᠭᠤᠯᠤᠭᠳᠠᠬᠤ ᠠᠴᠠ ᠡᠮᠦᠨᠠ ᠪᠤᠯᠳᠠᠯᠠ᠂ ᠦᠪᠤᠷ ᠮᠤᠩᠭᠤᠯ ᠤᠨ ᠵᠡᠬᠦᠨ ᠤᠷᠤᠨ ᠳᠤ ᠬᠡᠤᠬᠡᠨ ᠬᠦᠮᠦᠨᠤ | ᠤᠷᠤᠭ ᠤᠨ ᠶᠠᠪᠤᠳᠠᠯ ᠢ ᠡᠴᠢᠭᠡ ᠡᠭᠡ ᠨᠢ ᠳᠤᠯᠤᠭᠠᠢ ᠮᠡᠳᠡᠳᠡᠭ ᠪᠠᠶᠢᠵᠠᠢ᠃ ᠳᠡᠬᠦᠨ ᠤ ᠦᠷᠠ ᠳ᠋ᠦᠡᠭ ᠳᠤ ᠮᠠᠰᠢ | ᠤᠯᠠᠨ ᠬᠡᠤᠭᠡᠨᠴᠤᠳ ᠰᠡᠳᠬᠢᠯ ᠤᠨ ᠬᠦᠮᠦᠨ ᠲᠠᠢ ᠪᠠᠨ ᠠᠮᠢᠳᠤᠷᠠᠵᠦ ᠴᠢᠳᠠᠬᠤ ᠦᠭᠡᠢ᠂ ᠡᠴᠢᠭᠡ ᠡᠭᠡ ᠶᠢᠨ | ᠠᠯᠪᠠᠳᠠᠯᠭᠠ ᠳᠤᠤᠷᠠ ᠬᠤᠵᠢᠬᠢᠷ ᠳᠤᠭᠤᠯᠠᠩ᠂ ᠡᠰᠡᠬᠦᠯᠠ ᠬᠡᠳᠦᠨ ᠠᠷᠪᠠᠨ ᠨᠠᠰᠤ ᠠᠬᠠ ᠬᠦᠭᠰᠢᠨ ᠬᠦᠷᠬᠡᠨ ᠳᠤ | ᠮᠤᠷᠳᠠᠳᠠᠭ ᠪᠠᠶᠢᠨᠠ᠃ ᠡᠬᠦᠨ ᠤ ᠳᠤᠳᠤᠷᠬᠠᠢ ᠵᠢᠱᠢᠶᠠ ᠨᠢ ︽ᠳᠠᠨᠠᠪᠠᠯ︾᠂ ︽ᠯᠦᠡᠭᠮᠧᠢ︾᠂ ︽ᠬᠠᠨ ᠰᠢᠤ ᠢᠡᠭ︾ | ᠮᠡᠳᠦ ᠶᠢᠨ ᠵᠡᠬᠦᠨ ᠤᠷᠤᠨ ᠤ ᠢᠨᠠᠭ ᠠᠮᠠᠷᠠᠭ ᠤᠨ ᠰᠡᠳᠤᠪᠳᠤ ᠠᠷᠠᠳ ᠤᠨ ᠳᠠᠭᠤᠤ ᠨᠤᠭᠤᠳ ᠪᠤᠯᠤᠨᠠ᠃ | ᠹᠧᠤᠳᠠᠯ ᠤᠨ ᠦᠵᠡᠯ ᠰᠠᠨᠠᠭᠠ ᠶᠢ ᠰᠤᠷᠳᠠᠯᠴᠢᠯᠠᠭᠰᠠᠨ ︽ᠰᠠᠶᠢᠨ ᠳᠦᠰᠢᠮᠡᠯ ᠬᠤᠶᠠᠷ ᠡᠵᠡᠨ ᠳᠤ ᠦᠢᠯᠡᠳᠬᠦ | ᠦᠭᠡᠢ᠂ ᠰᠠᠶᠢᠨ ᠡᠭᠡᠨᠡᠷ ᠬᠤᠶᠠᠷ ᠡᠷᠠ ᠳᠤᠷ ᠡᠴᠢᠬᠦ ᠦᠭᠡᠢ︾᠂ ︽ᠠᠬᠠ ᠳᠡᠬᠦᠦ ᠪᠤᠯᠪᠠᠰᠤ ᠭᠠᠷ ᠬᠦᠯ ᠮᠡᠳᠦ | ᠪᠤᠯᠠᠢ᠂ ᠡᠭᠡᠨᠡᠷ ᠪᠤᠯᠪᠠᠰᠤ ᠳᠡᠪᠡᠯ ᠬᠤᠪᠴᠠᠰᠤ ᠮᠠᠳᠤ ᠪᠤᠯᠠᠢ︾ ᠬᠡᠬᠦ ᠮᠡᠳᠦ ᠶᠢᠨ ᠦᠭᠡ ᠬᠤᠭᠤᠷ ᠤᠨ ᠦᠯᠢᠭᠡᠷ ᠲᠤ | ᠳᠡᠩᠳᠡ ᠶᠠᠷᠢᠭᠳᠠᠳᠠᠭ᠃ ᠡᠳᠡᠭᠡᠷ ᠦᠵᠡᠯᠳᠡ ᠶᠢᠨ ᠨᠦᠯᠦᠭᠡ ᠠᠴᠠ ᠪᠤᠯᠵᠦ᠂ ᠵᠠᠷᠢᠮ ᠡᠮᠡᠭᠳᠡᠢ ᠮᠠᠰᠢ ᠵᠠᠯᠠᠭᠤ | ᠪᠡᠯᠪᠡᠰᠤᠨ ᠬᠤᠴᠤᠷᠤᠭᠠᠳ ᠦᠬᠦᠳᠡᠯᠠ ᠪᠠᠨ ᠳᠠᠬᠢᠨ ᠬᠠᠷᠢ ᠦᠵᠡᠬᠦ ᠦᠭᠡᠢ ᠬᠡᠷᠡᠭ ᠤᠯᠠᠨ ᠪᠤᠢ᠃ | ᠡᠴᠢᠭᠡ ᠨᠢ ᠬᠦᠦ ᠳᠡᠭᠡᠨ ᠡᠯᠪᠡᠷᠢᠯ ᠲᠠᠢ᠂ ᠬᠦᠦ ᠨᠢ ᠵᠠᠪᠠᠯ ᠠᠴᠢᠯᠠᠯ ᠲᠠᠢ ᠪᠠᠶᠢᠬᠤ ᠵᠡᠷᠭᠡ ᠦᠵᠡᠯ ᠰᠠᠨᠠᠭᠠ ᠶᠢ | ᠨᠡᠶᠢᠭᠡᠮ ᠤᠨ ᠶᠤᠰᠤ ᠳᠢᠭᠯᠢᠮ ᠳᠤ ᠢᠳᠡᠪᠬᠢᠳᠡᠢ ᠳᠠᠯᠠ ᠪᠠᠶᠢᠬᠤ ᠶᠢ ᠨᠢ ᠨᠤᠳᠠᠯᠠᠬᠤ ᠶᠢᠨ ᠬᠠᠮᠳᠤ ᠨᠠᠵᠠᠭᠠᠢ ᠳᠠᠯᠠ | ᠪᠠᠶᠢᠬᠤ ᠶᠢ ᠴᠤ ᠤᠮᠳᠤᠭᠠᠶᠢᠯᠠᠵᠦ ᠪᠤᠯᠬᠤ ᠦᠭᠡᠢ᠃ ᠳᠤᠬᠠᠶᠢᠯᠠᠪᠠᠯ᠂ ᠳᠦᠰᠢᠮᠡᠯ ᠨᠢ ᠵᠠᠪᠠᠯ ᠡᠵᠡᠨ ᠳᠡᠭᠡᠨ ᠰᠢᠳᠤᠷᠭᠤ | ᠵᠡᠷᠭᠡ ᠦᠵᠡᠯ ᠰᠠᠨᠠᠭᠠ ᠨᠢ ᠬᠦᠮᠦᠰ ᠢ ᠪᠤᠭᠤᠯᠵᠢ ᠴᠢᠨᠡᠷ ᠲᠠᠢ ᠪᠤᠯᠭᠠᠨ ᠬᠦᠮᠦᠵᠢᠬᠦᠯᠳᠡᠭ᠃ ᠡᠶᠢᠮᠦ ᠠᠴᠠ ᠯᠦ | ᠰᠢᠶᠦ᠋ᠨ ᠠᠴᠠ ︽ᠱᠦᠢ ᠬᠦ ᠶᠢᠨ ᠦᠯᠢᠭᠡᠷ︾ ᠲᠠᠬᠢ ᠰᠦᠡᠭ ᠵᠢᠶᠠᠩ ᠤᠨ ᠳᠡᠭᠷᠢ ᠶᠢᠨ ᠳᠦᠯᠦᠭᠡᠨᠠ ᠶᠤᠰᠤᠨ ᠢ | ᠶᠠᠪᠤᠭᠤᠯᠬᠤ ᠬᠡᠵᠦ ᠰᠦᠡᠭ ᠤᠯᠤᠰ ᠤᠨ ᠬᠠᠭᠠᠨ ᠳᠤ ᠪᠠᠭᠤᠨ ᠦᠭᠬᠦᠭᠰᠡᠨ ᠶᠠᠪᠤᠳᠠᠯ ᠢ ︽ᠳᠡᠭᠷᠢ ᠶᠢᠨ ᠬᠦᠪᠡᠬᠦᠨ ᠢ | ᠡᠰᠡᠷᠬᠦᠴᠡᠬᠦ ᠦᠭᠡᠢ ᠤᠴᠢᠷ ᠠᠴᠠ ᠁ ᠡᠴᠦᠰᠲ᠋ᠡᠭᠡᠨ ᠬᠠᠰᠢᠯᠠ ᠪᠤᠭᠤᠯ ᠶᠤᠮ︾ ᠬᠡᠵᠦ ᠰᠢᠬᠦᠮᠵᠢᠯᠡᠭᠰᠡᠨ | ᠪᠠᠶᠢᠳᠠᠭ᠃ | ︵ᠭᠤᠷᠪᠠ︶ ᠡᠮᠡᠭᠳᠡᠶᠢᠴᠤᠳ ᠤᠨ ᠳᠦᠷᠦᠵᠦ ᠬᠦᠡᠭᠭᠡᠵᠢᠬᠦ ᠳᠤ ᠬᠤᠯᠪᠤᠭᠳᠠᠬᠤ ᠠᠷᠢᠭᠤᠨ ᠴᠡᠪᠡᠷ ᠤᠨ ᠳᠤᠬᠠᠢ ᠡᠰᠢ | ᠶᠤᠰᠤᠨ ᠤ ᠦᠵᠡᠯ ᠰᠠᠨᠠᠭᠠ | ᠨ᠊ • ᠰᠧᠷᠠᠩ ᠫᠷᠦᠹᠧᠰᠰᠤᠷ ᠤᠨ ︽︿ᠮᠤᠩᠭᠤᠯ ᠤᠨ ᠨᠢᠭᠤᠴᠠ ᠳᠤᠪᠴᠢᠶᠡᠨ﹀ ᠤ ᠡᠰᠢ ᠶᠤᠰᠤᠨ ᠤ | ᠦᠵᠡᠯ ᠰᠠᠨᠠᠭᠠᠨ ᠤ ᠰᠤᠳᠤᠯᠤᠯ︾ ᠠᠴᠠ ᠦᠵᠡᠪᠡᠯ᠂ 13 ᠳ᠋ᠤᠭᠠᠷ ᠵᠠᠭᠤᠨ ᠤ ᠦᠶᠠ ᠳᠤ᠂ ᠮᠤᠩᠭᠤᠯᠴᠤᠳ | ᠡᠷᠠ ᠶᠢᠨ ᠡᠷᠭᠡᠳᠦ ᠨᠡᠶᠢᠭᠡᠮ ᠳᠤ ᠨᠡᠶᠢᠳᠡᠮ ᠤᠷᠤᠰᠢᠳᠠᠭ ᠡᠮᠡᠭᠳᠡᠶᠢᠴᠤᠳ ᠲᠤ ᠳᠠᠯᠪᠢᠭᠰᠠᠨ ᠴᠡᠪᠡᠷ ᠠᠷᠢᠭᠤᠨ ᠪᠤᠶᠤ | ᠴᠢᠭᠡᠴᠢ ᠪᠠᠳᠤ ᠶᠢᠨ ᠱᠠᠭᠠᠷᠳᠠᠯᠭᠠ ᠨᠢᠭᠡᠨᠳᠡ ᠪᠤᠢ ᠪᠤᠯᠤᠭᠰᠠᠨ ᠪᠤᠯᠪᠠᠴᠤ ᠨᠡᠬᠦᠳᠡᠯ ᠮᠠᠯᠵᠢᠯ ᠤᠨ ᠠᠵᠦ ᠠᠮᠢᠳᠤᠷᠠᠯ ᠪᠠ | ᠰᠤᠶᠤᠯ ᠤᠨ ᠤᠷᠴᠢᠨ ᠳᠠᠭᠠᠨ ᠳᠤᠬᠢᠷᠠᠭᠰᠠᠨ ᠦᠪᠡᠷ ᠤᠨ ᠤᠨᠴᠠᠯᠢᠭ ᠲᠠᠢ ᠪᠠᠶᠢᠳᠠᠭ᠃ ᠳᠠᠷᠤᠢ ︽ᠤᠪᠤᠭ | ᠤᠷᠤᠭ ᠤᠨ ᠬᠦᠴᠦᠨ ᠤ ᠳᠡᠭᠵᠢᠷᠡᠯ ᠪᠠ ᠦᠨᠢᠷ ᠦᠰᠦᠯᠳᠡ ᠨᠢ ᠡᠮᠡᠭᠳᠡᠶᠢᠴᠤᠳ ᠤᠨ ᠴᠡᠪᠡᠷ ᠠᠷᠢᠭᠤᠨ ᠠᠴᠠ ᠨᠡᠩ | ᠴᠢᠬᠤᠯᠠ︾ ᠬᠡᠵᠦ ᠦᠵᠡᠵᠦ ᠪᠠᠶᠢᠪᠠ᠃ ᠡᠶᠢᠮᠦ ᠠᠴᠠ ᠴᠢᠩᠬᠢᠰ ᠬᠠᠭᠠᠨ ᠵᠡᠷᠭᠡ ᠢᠵᠠᠭᠤᠷᠳᠠᠨ ᠪᠤᠰᠤᠳ ᠤᠪᠤᠭ | ᠠᠶᠢᠮᠠᠭ ᠢ ᠪᠠᠶᠢᠯᠳᠤᠨ ᠳᠠᠭᠠᠭᠤᠯᠤᠭᠰᠠᠨ ᠤ ᠳᠠᠷᠠᠭᠠ ᠶᠡᠷᠦ ᠨᠢ ᠳᠡᠶᠢᠯᠦᠭᠳᠡᠭᠰᠡᠨ ᠡᠳᠡᠭᠡᠳ ᠤᠨ ᠬᠠᠳ ᠨᠤᠶᠠᠳ ᠤᠨ | ᠬᠠᠳᠤᠨ ᠢ ᠨᠢ ᠦᠪᠡᠷᠰᠡᠳ ᠤᠨ ᠡᠭᠡᠨᠡᠷ ᠳᠠᠳᠠᠪᠤᠷᠢ ᠪᠤᠯᠭᠠᠵᠦ ᠠᠪᠳᠠᠭ ᠤᠴᠢᠷ ᠨᠢ ︽ᠳᠡᠳᠡᠨ ᠤ ᠦᠵᠡᠯᠳᠡ ᠳᠤ | ᠳᠡᠳᠡᠭᠡᠷ ᠡᠮᠡᠭᠳᠡᠶᠢᠴᠤᠳ ᠤᠨ ᠴᠡᠪᠡᠷ ᠴᠢᠬᠡᠴᠢ ᠨᠢ ᠳᠠᠳᠦ᠋ᠢᠯᠡ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠪᠢᠰᠢ ᠪᠠᠶᠢᠭᠰᠠᠨ︾ ᠢ | ᠬᠠᠷᠠᠭᠤᠯᠵᠦ ᠪᠠᠶᠢᠳᠠᠭ᠃ | ︽ᠡᠷᠠ ᠨᠦᠬᠦᠷ ᠨᠢ ᠦᠬᠦᠭᠰᠡᠨ ᠡᠮᠡᠭᠳᠡᠢ ᠬᠦᠮᠦᠨ ᠬᠡᠷᠪᠡ ᠡᠷᠠ ᠨᠦᠬᠦᠷ ᠤᠨ ᠬᠢᠨᠢ ᠠᠬᠠ ᠳᠡᠬᠦᠦ᠂ | ᠦᠶᠡᠯᠢᠳ ᠬᠠᠶᠠᠯᠢᠳ ᠬᠦᠮᠦᠨ ᠪᠠᠶᠢᠪᠠᠯ ᠦᠷᠬᠦᠯᠵᠢᠯᠡᠨ ᠬᠡᠤᠭᠡᠳ ᠭᠠᠷᠭᠠᠵᠦ ᠪᠤᠯᠳᠠᠭ ᠪᠠᠶᠢᠪᠠ︾᠃ ︽ᠮᠤᠩᠭᠤᠯ ᠢ | ᠪᠠᠭᠳᠠᠭᠠᠭᠰᠠᠨ ᠤᠮᠠᠷᠠᠳᠤ ᠶᠢᠨ ᠨᠡᠬᠦᠳᠡᠯᠴᠢᠨ ᠦᠨᠳᠦᠰᠦᠳᠡᠨ ᠨᠦᠭᠦᠳ ᠤᠨ ᠳᠤᠳᠤᠷᠠ ᠨᠢᠭᠡᠨᠳᠡ ᠪᠠᠯᠪᠠᠰᠤᠨ | ᠪᠤᠯᠤᠭᠰᠠᠨ ᠡᠮᠡᠭᠳᠡᠢ ᠲᠠᠢ ᠤᠷᠢᠳᠦ ᠡᠷᠠ ᠶᠢᠨ ᠬᠢᠨᠢ ᠠᠬᠠ ᠳᠡᠬᠦᠦ ᠨᠠᠷ ᠵᠠᠯᠭᠠᠵᠦ ᠰᠠᠭᠤᠬᠤ᠂ ᠳᠡᠯᠢᠢᠭᠰᠡᠨ | ᠠᠪᠤ ᠶᠢᠨ ᠢᠶᠠᠨ ᠪᠠᠭᠠ ᠬᠠᠳᠤᠨ ᠢ ᠨᠢ ᠦᠷᠠ ᠬᠡᠤᠭᠡᠳ ᠨᠢ ᠵᠠᠯᠭᠠᠵᠦ ᠠᠪᠬᠤ ᠵᠡᠷᠭᠡ ᠡᠷᠳᠡᠨ ᠤ ᠤᠪᠤᠭᠳᠤ | ᠨᠡᠶᠢᠭᠡᠮ ᠳᠤ ᠬᠤᠯᠪᠤᠭᠳᠠᠭᠰᠠᠨ ᠬᠠᠭᠤᠴᠢᠨ ᠵᠠᠩᠰᠢᠯ ᠨᠡᠯᠢᠶᠡᠳ ᠬᠤᠵᠢᠳ ᠦᠶᠠ ᠪᠤᠯᠳᠠᠯᠠ ᠤᠯᠠᠮᠵᠢᠯᠠᠭᠳᠠᠵᠦ ᠪᠠᠶᠢᠪᠠ | ︾᠃ ᠡᠨᠡ ᠳᠤᠬᠠᠢ ᠪᠠᠰᠠ ᠨᠢᠭᠡ ᠬᠠᠵᠠᠭᠤ ᠶᠢᠨ ᠪᠠᠷᠢᠮᠳᠠ ᠬᠡᠪᠡᠯ᠂ ᠮᠤᠩᠭᠤᠯ ᠤᠨ ᠵᠠᠷᠢᠮ ᠨᠤᠳᠤᠭ ᠲᠤ ᠳᠤᠮᠤᠭ | ᠦᠨᠡᠨ ᠤ ᠬᠤᠭᠤᠷᠤᠨᠳᠤ ᠬᠡᠯᠡᠯᠴᠡᠳᠡᠭ ᠮᠤᠩᠭᠤᠯ ᠬᠡᠤᠭᠡᠨᠴᠤᠳ ᠤᠨ ᠤᠷᠤᠭᠯᠠᠬᠤ ᠠᠴᠠ ᠡᠮᠦᠨᠠ ᠬᠡᠷ ᠲᠡᠭᠡᠨ ︽ | ᠤᠯᠠᠭᠠᠨ ᠵᠢᠭᠡ︾ ︵ᠬᠡᠷ ᠤᠨ ᠵᠢᠭᠡ︶ ᠭᠠᠷᠭᠠᠳᠠᠭ ᠤᠴᠢᠷ ᠪᠤᠯᠤᠨᠠ᠃ ᠡᠨᠡ ᠨᠢ ᠮᠤᠩᠭᠤᠯᠴᠤᠳ ᠤᠨ ᠵᠠᠷᠢᠮ | ᠨᠤᠳᠤᠭ ᠲᠤ ᠨᠡᠯᠢᠶᠡᠳ ᠬᠤᠵᠢᠭᠤ ᠦᠶᠠ ᠪᠤᠯᠳᠠᠯᠠ ᠬᠡᠤᠬᠡᠨᠴᠤᠳ ᠳᠦᠷᠦᠵᠦ ᠬᠦᠡᠭᠭᠡᠵᠢᠬᠦ ᠠᠰᠠᠭᠤᠳᠠᠯ ᠳᠡᠭᠡᠷᠠ | ᠬᠢᠳᠡᠳ ᠤᠨ ᠹᠧᠤᠳᠠᠯ ᠤᠨ ᠶᠤᠰᠤ ᠰᠢᠬ ᠳᠡᠶᠢᠮᠦ ᠴᠢᠩᠭᠠ ᠬᠠᠳᠠᠭᠤ ᠪᠢᠰᠢ ᠪᠠᠶᠢᠬᠰᠠᠨ ᠢ ᠬᠠᠷᠠᠭᠤᠯᠵᠦ ᠪᠠᠶᠢᠨᠠ᠃ | ᠬᠡᠳᠡᠯᠠ ᠬᠤᠭᠤᠷ ᠤᠨ ᠦᠯᠢᠭᠡᠷ ᠶᠡᠭᠡᠳᠡ ᠳᠡᠯᠭᠡᠷᠡᠭᠰᠡᠨ ᠵᠡᠬᠦᠨ ᠤᠷᠤᠨ ᠳᠤ ᠬᠡᠤᠬᠡᠨᠴᠤᠳ ᠤᠨ ᠳᠦᠷᠦᠵᠦ | ᠬᠦᠡᠭᠭᠡᠵᠢᠬᠦ ᠳᠤ ᠬᠤᠯᠪᠤᠭᠳᠠᠬᠤ ᠠᠷᠢᠭᠤᠨ ᠴᠡᠪᠡᠷ ᠤᠨ ᠠᠰᠠᠭᠤᠳᠠᠯ ᠳᠡᠭᠡᠷᠠ ᠬᠢᠳᠡᠳ ᠤᠨ ᠡᠰᠢ ᠶᠤᠰᠤᠨ ᠤ | ᠦᠵᠡᠯ ᠤᠨ ᠨᠦᠯᠦᠭᠡ ᠶᠢ ᠶᠡᠭᠡᠳᠡ ᠬᠦᠷᠳᠡᠭᠰᠡᠨ ᠪᠠᠶᠢᠳᠠᠭ᠃ ᠡᠶᠢᠮᠦ ᠠᠴᠠ ᠵᠡᠬᠦᠨ ᠤᠷᠤᠨ ᠤ ᠮᠤᠩᠭᠤᠯᠴᠤᠳ᠂ | ᠦᠬᠢᠨ ᠬᠦᠮᠦᠨ ᠬᠠᠷᠢ ᠳᠤ ᠮᠤᠷᠳᠠᠬᠤ ᠠᠴᠠ ᠡᠮᠦᠨᠠ ᠬᠡᠷ ᠲᠡᠭᠡᠨ ᠬᠡᠤᠭᠡᠳ ᠲᠠᠢ ᠪᠤᠯᠬᠤ ᠨᠢ ᠮᠠᠰᠢ ᠢᠴᠢᠬᠦᠷᠢ ᠲᠠᠢ | ᠮᠠᠭᠤᠬᠠᠢ ᠬᠡᠷᠡᠭ ᠬᠡᠵᠦ ᠦᠵᠡᠳᠡᠭ᠃ | ᠬᠤᠭᠤᠷ ᠤᠨ ᠦᠯᠢᠭᠡᠷ ᠲᠤ᠂ ᠬᠠᠭᠠᠨ ᠤ ᠬᠠᠳᠤᠨ ᠦᠷᠬᠦᠯᠵᠢ ᠳᠦᠷᠦᠵᠦ ᠬᠦᠡᠭᠭᠡᠵᠢᠬᠦ ᠠᠰᠠᠭᠤᠳᠠᠯ ᠳᠡᠭᠡᠷᠠ | ᠶᠠᠯᠠ ᠤᠯᠳᠠᠭ ᠦᠯᠢᠭᠡᠷ ᠢ ᠬᠡᠯᠡᠳᠡᠭ᠃ ᠡᠬᠦᠨ ᠳᠤ ᠳᠦᠯᠦᠭᠡᠯᠡᠬᠦ ᠴᠢᠨᠡᠷᠳᠠᠢ ᠨᠢ ᠬᠠᠭᠠᠨ ᠤ ᠬᠠᠳᠤᠨ ᠡᠯᠳᠡᠪ ᠰᠤᠨᠢᠨ | ᠠᠷᠢᠶᠠᠳᠠᠨ ᠵᠢᠬᠦᠷᠳᠡᠨ ᠢ ᠳᠦᠷᠦᠭᠰᠡᠨ ᠠᠴᠠ ᠪᠤᠯᠵᠦ ᠶᠠᠯᠠ ᠤᠯᠤᠭᠰᠠᠨ ᠦᠯᠢᠭᠡᠷ ᠪᠠᠶᠢᠳᠠᠭ᠃ ᠵᠢᠱᠢᠶᠡᠯᠡᠪᠡᠯ᠂ ︽ | ᠭᠤᠷᠪᠠᠨ ᠪᠠᠭᠠᠳᠤᠷ ᠳᠠᠪᠤᠨ ᠵᠢᠷᠦᠮᠳᠡᠨ︾ ᠬᠡᠬᠦ ᠦᠯᠢᠭᠡᠷ ᠲᠤ᠂ ᠰᠦᠡᠭ ᠤᠯᠤᠰ ᠤᠨ ᠵᠧᠨᠽᠦ᠋ᠡᠭ ᠬᠠᠭᠠᠨ ᠤ | ᠦᠶᠠ ᠳᠤ᠂ ᠯᠢᠤ ᠤᠪᠤᠭᠳᠤ ᠬᠠᠳᠤᠨ ᠬᠢᠭᠡᠳ ᠳᠤᠳᠤᠭᠠᠳᠤ ᠲᠠᠶᠢᠭᠠᠨ ᠬᠦᠸᠧ ᠬᠤᠸᠠᠢ ᠬᠤᠤᠪᠢᠯᠳᠤᠵᠦ᠂ ᠯᠢ | ᠤᠪᠤᠬᠳᠤ ᠰᠤᠯᠠ ᠬᠠᠳᠤᠨ ᠢ ᠶᠠᠯᠠ ᠳᠤ ᠤᠨᠠᠭᠠᠵᠦ᠂ ᠬᠦᠢᠳᠡᠨ ᠤᠷᠳᠤᠠ ᠳᠤ ᠬᠤᠷᠢᠭᠤᠯᠤᠭᠰᠠᠨ ᠤᠴᠢᠷ ᠪᠠᠶᠢᠳᠠᠭ᠃ | ᠵᠡᠬᠦᠨ ᠤᠷᠤᠨ ᠤ ᠮᠤᠩᠭᠤᠯᠴᠤᠳ ᠤᠨ ᠳᠤᠮᠳᠠ ᠦᠷᠬᠡᠨ ᠢᠶᠠᠷ ᠳᠡᠯᠭᠡᠷᠡᠭᠰᠡᠨ ︽ᠺᠦ᠋ ᠰᠢ ᠵᠤᠸᠠᠨ ᠬᠡᠮᠡᠬᠦ ᠦᠯᠢᠭᠡᠷ︾ | ᠲᠤ᠂ ᠳᠠᠩ ᠤᠯᠤᠰ ᠤᠨ ᠶᠠᠨ ᠰᠢᠶᠦ᠋ᠡᠭ ᠡᠵᠡᠨ ᠤ ᠵᠡᠬᠦᠨ ᠤᠷᠳᠤᠨ ᠤ ᠬᠠᠳᠤᠨ ᠵᠠᠩ ᠶᠦᠸᠧ ᠢᠡᠭ ᠤᠨ | ᠬᠦᠡᠭᠭᠡᠵᠢᠭᠰᠡᠨ ᠳᠠᠶᠢᠽᠢ ᠶᠢ ᠵᠢᠬᠦᠷ ᠦᠳᠦ ᠦᠭᠡᠢ ᠢᠡᠭ ᠯᠤᠸᠠᠨ ᠬᠡᠮᠡᠬᠦ ᠰᠢᠪᠠᠭᠤᠨ ᠢᠶᠠᠷ ᠰᠤᠯᠢᠵᠦ ᠠᠪᠤᠭᠠᠳ | ᠳᠡᠬᠦᠨ ᠢ ᠶᠠᠯᠠ ᠳᠤ ᠤᠨᠠᠭᠠᠪᠠ᠃ ᠡᠶᠢᠮᠦᠷᠬᠦ ᠬᠤᠶᠠᠷ ᠦᠯᠢᠭᠡᠷ ᠲᠤ ᠬᠤᠶᠠᠷ ᠬᠠᠳᠤᠨ ᠤ ᠤᠯᠤᠭᠰᠠᠨ ᠶᠠᠯᠠ ᠨᠢ | ᠳᠠᠷᠤᠢ ᠹᠧᠤᠳᠠᠯ ᠨᠡᠶᠢᠭᠡᠮ ᠤᠨ ︽ᠡᠮᠡᠭᠳᠡᠶᠢᠴᠤᠳ ᠤᠨ ᠳᠦᠷᠦᠵᠦ ᠬᠦᠡᠭᠭᠡᠵᠢᠬᠦ ᠶᠤᠰᠤᠨ ᠤ ᠠᠷᠢᠭᠤᠨ ᠴᠡᠪᠡᠷ ᠤᠨ | ᠦᠵᠡᠯᠳᠡ︾ ᠲᠠᠢ ᠬᠤᠯᠪᠤᠭᠠ ᠲᠠᠢ ᠡᠰᠢ ᠶᠤᠰᠤᠨ ᠢ ᠡᠪᠳᠡᠭᠰᠡᠨ ᠶᠠᠯᠠ ᠪᠤᠯᠤᠨᠠ᠃ |