| ︵ᠨᠢᠭᠡ︶ ᠠᠮᠢᠳᠦ ᠪᠣᠯᠠᠬ ᠪᠠ ᠠᠮᠢᠳᠦ ᠨᠠᠭᠤᠷ | ᠬᠦᠷᠢᠶᠡ ᠬᠤᠰᠢᠭᠤᠨ ᠤ ᠮᠠᠩᠬᠠᠨ ᠰᠣᠮᠣᠨ ᠤ ᠲᠠᠪᠤᠨᠮᠣᠳᠦ ᠭᠠᠴᠠᠭᠠ ᠶᠢᠨ ᠴᠣᠬᠴᠢᠭᠦᠦ ᠠᠶᠢᠯ ᠨᠢ ᠣᠣᠯ ᠨᠢ | ︽ᠮᠡᠶᠢᠷᠡᠨ ᠲᠦᠡᠭ︾ ᠭᠡᠰᠡᠨ ᠨᠡᠷᠡᠶᠢᠳᠦᠯ ᠲᠠᠢ ᠪᠠᠶᠢᠬᠰᠠᠨ ᠶᠣᠮ᠃ ᠲᠣᠰ ᠠᠶᠢᠯ ᠳᠤ ᠣᠣᠯ ᠤᠨ ᠴᠣᠬᠤᠷ | ᠬᠠᠯᠬᠠ ᠶᠢᠨ ᠬᠤᠰᠢᠭᠤᠨ ᠤ ᠰᠧᠵᠡᠪ ᠭᠡᠳᠡᠭ ᠨᠡᠷᠡ ᠲᠠᠢ ᠮᠡᠶᠢᠷᠡᠨ ᠨᠣᠳᠣᠬᠰᠢᠵᠦ ᠰᠠᠭᠤᠵᠦ ᠪᠠᠶᠢᠬᠰᠠᠨ ᠠᠴᠠ ᠲᠡᠭᠡᠵᠦ | ᠨᠡᠷᠡᠯᠡᠭᠰᠡᠨ ᠪᠠᠶᠢᠵᠠᠢ᠃ ︽ᠮᠡᠶᠢᠷᠡᠨ ᠲᠦᠡᠭ︾ ᠤᠨ ᠭᠠᠵᠠᠷ ᠤᠨ ᠪᠠᠶᠢᠴᠠ ᠪᠣᠯ ᠣᠳᠣ ᠶᠢᠨ ᠮᠠᠩᠬᠠ ᠶᠢ | ᠨᠡᠪᠳᠡᠯᠦᠭᠰᠡᠨ ᠵᠠᠰᠠᠮᠠᠯ ᠵᠠᠮ ᠠᠴᠠ ᠵᠡᠭᠦᠨᠰᠢ ᠭᠤᠷᠪᠠᠨ ᠭᠠᠵᠠᠷ ᠰᠢᠬᠠᠮ ᠤᠨ ᠵᠠᠢ ᠳᠤ ᠪᠠᠶᠢᠷᠢᠰᠢᠵᠦ ᠪᠠᠶᠢᠬᠰᠠᠨ ᠡᠷᠭᠢᠨ | ᠲᠣᠭᠤᠷᠢᠨ ᠢᠶᠠᠷ ᠢᠶᠠᠨ ᠲᠣᠮᠣ ᠲᠣᠮᠣ ᠣᠷᠣᠢ ᠵᠢᠯᠠᠭᠠ ᠪᠠᠷ ᠬᠦᠷᠢᠶᠡᠯᠡᠭᠳᠡᠭᠰᠡᠨ ᠲᠣᠮᠣᠬᠠᠨ ᠰᠢᠬ ᠠᠯᠠᠬ ᠤᠨ ᠭᠠᠵᠠᠷ | ᠪᠣᠯᠣᠨᠠ᠃ ᠲᠣᠰ ᠠᠯᠠᠬ ᠤᠨ ᠪᠠᠷᠠᠭᠤᠨ ᠡᠮᠦᠨᠡ ᠵᠠᠬᠠ ᠳᠤ ᠨᠢᠭᠡᠨ ᠲᠣᠮᠣ ᠨᠠᠭᠤᠷ ᠪᠠᠶᠢᠵᠦ᠂ ᠨᠠᠭᠤᠷ ᠤᠨ ᠪᠠᠷᠠᠭᠤᠨ | ᠬᠤᠶᠢᠳᠦ ᠲᠠᠯᠠ ᠳᠠᠬᠢ ᠵᠢᠵᠢᠭ ᠲᠣᠪᠤ ᠶᠢᠨ ᠡᠩᠭᠡᠷ ᠠᠴᠠ ᠣᠨᠳᠣᠷᠣᠮᠠᠯ ᠪᠣᠯᠠᠬ ᠤᠨ ᠣᠰᠣ ᠣᠷᠭᠢᠯᠣᠨ ᠭᠠᠷᠴᠦ | ᠨᠠᠭᠤᠷ ᠤᠨ ᠣᠰᠣ ᠶᠢ ᠲᠦᠭᠦᠷᠭᠡᠵᠦ ᠵᠡᠭᠦᠨ ᠬᠤᠶᠢᠰᠢ ᠪᠠᠨ ᠭᠤᠷᠤᠬᠠ ᠪᠣᠯᠵᠦ ᠮᠣᠷᠣᠯᠵᠠᠨ ᠣᠷᠣᠰᠳᠠᠬ ᠪᠠᠶᠢᠬᠰᠠᠨ | ᠶᠣᠮ᠃ ᠡᠨᠡᠬᠦ ᠪᠣᠯᠠᠬ ᠨᠢ ᠡᠪᠦᠯ ᠤᠨ ᠲᠡᠰᠭᠢᠮᠡ ᠬᠦᠢᠳᠡᠨ ᠳᠤ ᠴᠦ ᠬᠦᠯᠳᠡᠳᠡᠭ ᠦᠭᠡᠢ ᠪᠠᠶᠢᠬᠰᠠᠨ ᠪᠣᠯᠬᠤᠷ ᠬᠦᠮᠦᠰ | ︽ᠠᠮᠢᠳᠦ ᠪᠣᠯᠠᠬ︾ ᠭᠡᠵᠦ ᠪᠣᠯᠠᠬ ᠤᠨ ᠣᠰᠣ ᠬᠤᠷᠠᠬᠰᠠᠨ ᠨᠠᠭᠤᠷ ᠨᠢ ᠲᠡᠰᠭᠢᠮᠡ ᠬᠦᠢᠳᠡᠨ ᠳᠤ ᠭᠤᠣᠯ ᠳᠠᠭᠠᠨ | ᠶᠡᠷᠦ ᠠᠴᠠ ᠬᠦᠯᠳᠡᠳᠡᠭ ᠦᠭᠡᠢ ᠪᠠᠶᠢᠬᠰᠠᠨ ᠪᠣᠯᠬᠤᠷ ᠬᠦᠮᠦᠰ ᠪᠠᠰᠠ ︽ᠠᠮᠢᠳᠦ ᠨᠠᠭᠤᠷ︾ ᠭᠡᠵᠦ ᠨᠡᠷᠡᠶᠢᠳᠴᠦ | ᠪᠠᠶᠢᠵᠠᠢ᠃ ᠨᠠᠭᠤᠷ ᠤᠨ ᠣᠰᠣ ᠭᠦᠨ ᠪᠣᠯᠬᠤᠷ ᠨᠠᠭᠤᠷ ᠲᠤ ᠶᠠᠮᠠᠷ ᠴᠦ ᠣᠷᠭᠤᠮᠠᠯ ᠣᠷᠭᠤᠳᠠᠬ ᠦᠭᠡᠢ᠂ | ᠬᠤᠯᠠ ᠠᠴᠠ ᠬᠠᠷᠠᠬᠤ ᠳᠤ ᠶᠠᠬ ᠯᠡ ᠲᠣᠮᠣ ᠲᠣᠯᠢ ᠶᠢ ᠠᠷᠴᠢᠭᠠᠳ ᠲᠠᠯᠪᠢᠬᠰᠠᠨ ᠰᠢᠬ ᠬᠠᠷᠠᠬᠳᠠᠳᠠᠬ᠃ ᠨᠠᠭᠤᠷ ᠤᠨ | ᠢᠷᠮᠡᠭ ᠤᠨ ᠭᠦᠶᠦᠬᠡᠨ ᠭᠠᠵᠠᠷ ᠢᠶᠠᠷ ᠵᠡᠭᠡᠰᠦ ᠬᠤᠯᠣᠰᠣ ᠶᠠᠬᠰᠢᠷᠠᠨ ᠣᠷᠭᠤᠵᠦ ᠨᠠᠭᠠᠳᠤ ᠬᠦᠪᠡᠭᠡ ᠪᠠᠷ ᠨᠢ ᠪᠣᠷᠭᠠᠰᠣ | ᠮᠣᠳᠣ ᠬᠦᠮᠦᠨ ᠰᠢᠷᠭᠤᠬᠤ ᠵᠠᠢ ᠦᠭᠡᠢ ᠪᠣᠯᠳᠠᠯᠠ ᠣᠷᠭᠤᠵᠦ᠂ ᠲᠣᠮᠳᠠ ᠨᠢ ᠬᠦᠮᠦᠨ ᠣᠷᠣᠭᠠᠳ ᠲᠡᠭᠡᠭᠰᠢ ᠬᠠᠷᠠᠪᠠᠯ | ᠨᠠᠷᠠᠨ ᠤ ᠭᠡᠷᠡᠯ ᠴᠦ ᠬᠠᠷᠠᠬᠳᠠᠬᠤ ᠦᠭᠡᠢ ᠪᠢᠳᠡᠭᠦᠦ ᠣᠢ ᠪᠠᠶᠢᠬᠰᠠᠨ ᠪᠣᠯᠬᠤᠷ ᠡᠨᠡᠬᠦ ᠭᠠᠵᠠᠷ ᠢ ︽ᠮᠡᠶᠢᠷᠡᠨ ᠲᠦᠡᠭ︾ | ᠭᠡᠳᠡᠭ ᠪᠠᠶᠢᠵᠠᠢ᠃ | ᠨᠠᠰᠣᠳᠠᠶᠢᠴᠣᠳ ᠤᠨ ᠬᠡᠯᠡᠬᠦ ᠪᠠᠷ ᠲᠡᠭᠡᠷᠡ ᠵᠠᠭᠤᠨ ᠤ ᠲᠠᠪᠢᠭᠠᠳ ᠣᠨ ᠤ ᠶᠡᠭᠡ ᠦᠰᠦᠷᠦᠩᠭᠦᠢ | ᠲᠠᠪᠰᠢᠯᠳᠠ ᠶᠢᠨ ᠦᠶᠡ ᠳᠤ ᠡᠨᠡᠬᠦ ︽ᠠᠮᠢᠳᠦ ᠨᠠᠭᠤᠷ︾ ᠢ ᠲᠡᠭᠰᠢᠯᠡᠨ ᠲᠣᠳᠣᠷᠭᠠ ᠲᠠᠷᠢᠬᠤ ᠬᠦᠳᠡᠯᠭᠡᠭᠡᠨ ᠭᠠᠷᠴᠦ᠂ | ᠪᠦᠬᠦ ᠬᠤᠷᠰᠢᠶᠠ ᠪᠠᠷ ᠢᠶᠠᠨ ᠨᠢᠭᠡ ᠡᠪᠦᠯ ᠨᠢᠭᠡ ᠬᠠᠪᠣᠷ ᠣᠢᠢᠮᠡᠯᠳᠦᠭᠡᠳ ᠲᠣᠰᠠ ᠭᠠᠷᠣᠬᠰᠠᠨ ᠦᠭᠡᠢ ᠪᠣᠯᠬᠤᠷ | ᠠᠵᠢᠯ ᠢᠶᠠᠨ ᠲᠣᠷᠭᠤᠨ ᠵᠣᠬᠰᠣᠵᠠᠢ᠃ ᠭᠦᠨ ᠣᠰᠣᠨ ᠳᠤ ᠭᠠᠳᠠᠨᠠᠬᠢ ᠰᠢᠷᠣᠢ ᠶᠢ ᠶᠡᠬᠡᠪᠡᠷ ᠵᠦᠭᠡᠭᠡᠨ ᠬᠢᠭᠰᠡᠨ ᠠᠴᠠ | ᠨᠠᠭᠤᠷ ᠤᠨ ᠣᠰᠣ ᠮᠠᠰᠢ ᠭᠦᠶᠦᠬᠡᠨ ᠪᠣᠯᠵᠦ ᠣᠨᠳᠣᠷᠤᠮᠠᠯ ᠪᠣᠯᠠᠬ ᠨᠢ ᠮᠡᠷ ᠰᠡᠷ ᠣᠨᠳᠣᠷᠳᠠᠬ ᠪᠣᠯᠣᠬᠰᠠᠨ ᠠᠴᠠ | ᠵᠣᠨ ᠤ ᠣᠯᠠᠷᠢᠯ ᠳᠤ ᠠᠶᠢᠯ ᠤᠨ ᠡᠷᠡᠰ ᠬᠡᠦᠬᠡᠳ ᠴᠣᠬᠯᠠᠷᠠᠭᠠᠳ ︽ᠠᠮᠢᠳᠦ ᠨᠠᠭᠤᠷ︾ ᠲᠤ ᠣᠮᠪᠠᠵᠦ ᠰᠡᠷᠢᠭᠦᠴᠡᠳᠡᠭ | ᠪᠠᠶᠢᠵᠠᠢ᠃ ᠡᠷᠳᠡᠨ ᠠᠴᠠ ᠠᠪᠣᠭᠠᠳ ᠡᠨᠡᠬᠦ ︽ᠠᠮᠢᠳᠦ ᠨᠠᠭᠤᠷ︾ ᠲᠤ ᠡᠮᠡᠭᠳᠡᠢ ᠬᠦᠮᠦᠨ ᠣᠮᠪᠠᠵᠦ ᠪᠣᠯᠳᠠᠬ ᠦᠭᠡᠢ | ᠭᠡᠳᠡᠭ ᠶᠣᠰᠣ ᠪᠠᠶᠢᠬᠰᠠᠨ ᠶᠣᠮ᠃ ᠭᠡᠳᠡᠯᠡ ᠵᠢᠷᠠᠭᠠᠳ ᠣᠨ ᠤ ᠰᠡᠭᠦᠯᠴᠢ ᠮᠠᠨ ᠤ ᠠᠶᠢᠯ ᠤᠨ ᠨᠢᠭᠡ ᠡᠮᠡᠭᠳᠡᠢ ᠡᠨᠡᠬᠦ | ᠴᠡᠭᠡᠷ ᠢ ᠡᠪᠳᠡᠵᠦ ᠰᠦᠨᠢ ᠪᠠᠷ ︽ᠠᠮᠢᠳᠦ ᠪᠣᠯᠠᠬ︾ ᠤᠨ ᠣᠰᠣᠨ ᠳᠤ ᠲᠣᠳᠣᠷ ᠬᠤᠪᠴᠠᠰᠣ ᠪᠠᠨ ᠣᠬᠢᠶᠠᠵᠦ᠂ ︽ | ᠠᠮᠢᠳᠦ ᠨᠠᠭᠤᠷ︾ ᠲᠤ ᠣᠮᠪᠠᠭᠰᠠᠨ ᠠᠴᠠ ᠪᠣᠯᠵᠦ ︽ᠠᠮᠢᠳᠦ ᠪᠣᠯᠠᠬ︾ ᠪᠣᠵᠠᠷᠯᠠᠬᠳᠠᠵᠦ ᠨᠢᠭᠡ ᠯᠡ ᠰᠦᠨᠢ ᠶᠢᠨ | ᠬᠤᠭᠤᠷᠣᠨᠳᠦ ᠰᠣᠬᠤᠷᠠᠬᠰᠠᠨ ᠶᠣᠮ᠃ ᠲᠡᠭᠦᠨ ᠠᠴᠠ ᠬᠤᠶᠢᠰᠢ ︽︿ᠠᠮᠢᠳᠦ ᠨᠠᠭᠤᠷ﹀ ᠤᠨ ᠣᠰᠣ ᠪᠣᠵᠠᠷᠯᠠᠬᠳᠠᠪᠠ᠂ | ᠬᠡᠦᠬᠡᠳ ᠰᠢᠦᠬᠠᠳ ᠣᠮᠪᠠᠵᠦ ᠪᠣᠯᠬᠤ ᠦᠭᠡᠢ︾ ᠭᠡᠵᠦ ᠨᠣᠳᠤᠬ ᠤᠨ ᠬᠦᠮᠦᠰ ᠵᠢᠭᠠᠯ ᠪᠠᠭᠠᠴᠣᠳ ᠢ ᠣᠮᠪᠠᠭ᠋ᠣ ᠶᠢ | ᠴᠡᠭᠡᠷᠯᠡᠭᠦᠯᠳᠡᠭ ᠪᠠᠶᠢᠵᠠᠢ᠃ ︽ᠠᠮᠢᠳᠦ ᠪᠣᠯᠠᠬ︾ ᠰᠢᠷᠭᠢᠭᠰᠡᠨ ᠠᠴᠠ ︽ᠠᠮᠢᠳᠦ ᠨᠠᠭᠤᠷ︾ ᠤᠨ ᠣᠰᠣ ᠴᠦ | ᠠᠭᠠᠵᠢᠮ ᠢᠶᠠᠷ ᠲᠠᠳᠠᠷᠠᠵᠦ᠂ ᠬᠦᠪᠡᠭᠡ ᠪᠠᠷ ᠨᠢ ᠣᠷᠭᠤᠬᠰᠠᠨ ᠪᠣᠷᠭᠠᠰᠣ ᠮᠣᠳᠤ ᠨᠢ ᠴᠦ ᠵᠢᠯ ᠠᠴᠠ ᠵᠢᠯ ᠰᠢᠩᠭᠡᠷᠡᠵᠦ | ᠬᠡᠳᠦᠬᠡᠨ ᠵᠢᠯ ᠤᠨ ᠬᠤᠭᠤᠷᠤᠨᠳᠦ ᠡᠯᠡᠰᠦᠷᠬᠡᠭᠵᠢᠵᠦ ᠮᠠᠩᠬᠠᠵᠢᠬᠰᠠᠨ ᠪᠢᠯᠡ᠃ | ︵ᠬᠤᠶᠠᠷ︶ ︽ᠨᠠᠶᠢᠨᠠᠢ ᠵᠠᠯᠠᠭᠰᠠᠨ ᠤᠷᠤᠢ︾ ᠶᠢᠨ ᠦᠯᠢᠭᠡᠷ | ︽ᠠᠮᠢᠳᠦ ᠨᠠᠭᠤᠷ︾ ᠤᠨ ᠪᠠᠷᠠᠭᠤᠨ ᠡᠮᠦᠨᠠ ᠲᠠᠯᠠ ᠳᠤ ᠣᠮᠠᠷᠠ ᠠᠴᠠ ᠡᠮᠦᠨᠡᠰᠢ ᠰᠣᠨᠵᠢᠷᠠᠨ ᠵᠠᠯᠭᠠᠯᠳᠣᠬᠰᠠᠨ | ᠲᠣᠮᠣ ᠲᠣᠮᠣ ᠣᠷᠦ᠋ᠢᠳ ᠪᠠᠶᠢᠳᠠᠬ᠃ ᠡᠨᠡᠬᠦ ᠣᠷᠦ᠋ᠢᠳ ᠤᠨ ᠬᠠᠮᠤᠬ ᠤᠨ ᠬᠤᠶᠢᠳᠦ ᠵᠠᠬᠠ ᠳᠠᠬᠢ ᠰᠦᠷ | ᠪᠠᠷᠳᠠᠭᠠᠨ ᠲᠠᠢ ᠵᠢᠯᠠᠭᠠ ᠶᠢ ︽ᠨᠠᠶᠢᠨᠠᠢ ᠵᠠᠯᠠᠬᠰᠠᠨ ᠣᠷᠣᠢ︾ ᠭᠡᠵᠦ ᠨᠡᠷᠡᠯᠡᠳᠡᠭ᠃ | ︽ᠨᠠᠶᠢᠨᠠᠢ ᠵᠠᠯᠠᠬᠰᠠᠨ ᠣᠷᠣᠢ︾ ᠭᠡᠳᠡᠭ ᠨᠡᠷᠡᠶᠢᠳᠦᠯ ᠤᠨ ᠲᠣᠬᠠᠢ ᠡᠶᠢᠮᠦ ᠨᠢᠭᠡ ᠣᠴᠢᠷ ᠪᠠᠶᠢᠳᠠᠬ ᠶᠣᠮ᠃ | ᠦᠡᠭᠭᠡᠷᠡᠭᠰᠡᠨ ᠴᠠᠬ ᠲᠤ ︽ᠪᠣᠳᠣ︾ ᠡᠪᠡᠳᠴᠢᠨ ᠭᠡᠵᠦ ᠲᠡᠯᠭᠡᠷᠡᠵᠦ ᠪᠠᠶᠢᠬᠰᠠᠨ ᠶᠣᠮ᠃ ᠨᠣᠳᠤᠬ ᠤᠨ ᠬᠦᠮᠦᠰ | ᠪᠠᠰᠠ ᠡᠨᠡᠬᠦ ᠡᠪᠡᠳᠴᠢᠨ ᠢ ︽ᠴᠡᠴᠡᠭ︾ ︽ᠬᠤᠸᠠᠷ︾ ᠪᠣᠶᠣ ︽ᠴᠠᠭᠠᠨ ᠪᠣᠷᠬᠠᠨ︾ ᠡᠪᠡᠳᠴᠢᠨ ᠭᠡᠵᠦ ᠠᠳᠠᠯᠢ | ᠪᠣᠰᠣ ᠪᠠᠷ ᠨᠡᠷᠡᠯᠡᠵᠦ ᠪᠠᠶᠢᠬᠰᠠᠨ ᠶᠣᠮ᠃ ᠡᠨᠡᠬᠦ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠪᠡᠯ ᠣᠯᠠᠩᠬᠢ ᠬᠦᠮᠦᠰ ᠦᠬᠦᠳᠡᠭ ᠪᠣᠯᠬᠤᠷ | ᠡᠪᠡᠳᠴᠢᠨ ᠢ ᠣᠷᠢᠳᠴᠢᠯᠠᠨ ᠰᠡᠷᠭᠡᠶᠢᠯᠡᠬᠦ ᠶᠢᠨ ᠲᠦᠯᠦᠭᠡ ᠲᠡᠷᠡ ᠦᠶᠡ ᠶᠢᠨ ᠡᠷᠳᠡᠮᠳᠡᠨ ᠠᠴᠠ ᠡᠪᠡᠳᠴᠢᠨ ᠤ | ᠬᠤᠣᠷ ᠢ ᠰᠢᠬᠠᠨ ᠠᠪᠴᠦ ᠬᠤᠣᠷ ᠢ ᠨᠢ ᠪᠠᠭᠠᠰᠬᠠᠭᠠᠳ ︽ᠪᠣᠳᠣ ᠡᠪᠡᠳᠴᠢᠨ︾ ᠳᠤ ᠨᠡᠷᠪᠡᠭᠳᠡᠭᠰᠡᠨ ᠦᠭᠡᠢ | ᠬᠦᠮᠦᠰ ᠲᠤ ᠲᠠᠷᠢᠳᠠᠬ᠃ ᠣᠯᠠᠮᠵᠢᠯᠠᠯ ᠶᠠᠷᠢᠶᠠ ᠶᠢ ᠦᠨᠳᠦᠰᠦᠯᠡᠪᠡᠯ ᠡᠨᠡ ᠡᠪᠡᠳᠴᠢᠨ ᠨᠢ ᠬᠦᠮᠦᠨ ᠪᠣᠯᠵᠦ | ᠲᠦᠷᠦᠭᠰᠡᠳ ᠲᠤ ᠡᠷᠬᠡᠪᠰᠢ ᠨᠢᠭᠡ ᠣᠳᠠᠭᠠ ᠲᠣᠬᠢᠶᠠᠯᠳᠣᠳᠠᠬ ᠪᠠᠶᠢᠵᠦ ᠨᠡᠷᠪᠡᠭᠳᠡᠭᠰᠡᠨ ᠬᠦᠮᠦᠨ ᠨᠢ ᠲᠠᠬᠢᠵᠦ | ᠨᠡᠷᠪᠡᠭᠳᠡᠳᠡᠭ ᠦᠭᠡᠢ ᠭᠡᠨᠡ᠃ ᠬᠦᠮᠦᠨ ᠠᠮᠢᠳᠦ ᠪᠠᠶᠢᠭᠠ ᠦᠶᠡᠰ ᠲᠡᠭᠡᠨ ᠡᠨᠡ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠭᠰᠡᠨ | ᠦᠭᠡᠢ ᠪᠣᠯ ᠦᠬᠦᠭᠰᠡᠨ ᠤ ᠬᠢᠨᠢ ᠲᠠᠷᠠᠭᠠ ᠶᠠᠰᠣᠨ ᠲᠡᠭᠡᠷᠡ ᠨᠢ ᠡᠨᠡ ᠡᠪᠡᠳᠴᠢᠨ ᠨᠦᠬᠦᠵᠦ ᠭᠠᠷᠳᠠᠬ ᠶᠣᠰᠣᠳᠠᠢ | ᠭᠡᠵᠦ ᠶᠠᠷᠢᠳᠠᠬ᠃ ᠡᠶᠢᠮᠦ ᠠᠴᠠ ᠶᠡᠭᠡ ᠬᠦᠮᠦᠰ ᠤᠨ ᠣᠯᠠᠩᠬᠢ ᠨᠢ ︽ᠬᠤᠸᠠᠷ︾ ᠲᠠᠷᠢᠭᠠᠳ ᠦᠡᠭᠭᠡᠷᠡᠴᠢᠬᠡᠳᠡᠭ | ᠪᠣᠯᠬᠤᠷ ︽ᠪᠣᠳᠣ︾ ᠶᠢᠨ ᠲᠠᠷᠢᠯᠭᠠ ᠶᠢ ᠭᠤᠣᠯᠳᠠᠭᠤ ᠪᠠᠭᠠ ᠬᠡᠦᠬᠡᠳ ᠲᠤ ᠲᠠᠷᠢᠳᠠᠬ ᠶᠣᠮ᠃ ᠡᠨᠡ ᠲᠠᠷᠢᠯᠭᠠ ᠶᠢ | ᠲᠠᠷᠢᠬᠰᠠᠨ ᠤ ᠲᠠᠷᠠᠭᠠ ᠬᠡᠦᠬᠡᠳ ᠡᠬᠢᠯᠡᠨ ᠬᠠᠯᠠᠭᠤᠷᠠᠵᠦ ᠪᠡᠶᠡ ᠲᠡᠭᠡᠷᠡ ᠨᠢ ᠣᠯᠠᠨ ᠣᠯᠠᠭᠠᠨ ᠲᠣᠯᠪᠤ ᠭᠠᠷᠴᠦ | ᠲᠡᠷᠡ ᠨᠢ ᠢᠳᠡᠭᠡᠳᠦ ᠴᠦᠪᠦᠷᠢᠭᠦᠦ ᠪᠣᠯᠳᠠᠬ᠃ ᠡᠨᠡᠬᠦ ᠴᠦᠪᠦᠷᠢᠭᠦᠦ ᠨᠢ ᠠᠷᠪᠠᠭᠠᠳ ᠡᠳᠦᠷ ᠪᠣᠯᠣᠬᠰᠠᠨ ᠤ ᠲᠠᠷᠠᠭᠠ | ᠰᠠᠶ᠋ᠢ ᠬᠠᠭᠠᠵᠢ ᠰᠠᠭᠤᠨ ᠡᠳᠡᠭᠡᠷᠡᠵᠦ ᠡᠬᠢᠯᠡᠳᠡᠭ᠃ ᠲᠡᠷᠡ ᠦᠶᠡᠰ ᠣᠳᠣ ᠶᠢᠨ ᠰᠢᠬ ᠬᠠᠯᠠᠭᠤᠨ ᠢ ᠲᠠᠭᠤᠬᠤ ᠪᠣᠶᠣ | ᠦᠷᠪᠢᠰᠦᠯ ᠢ ᠲᠠᠷᠣᠬᠤ ᠡᠮ ᠭᠡᠵᠦ ᠪᠠᠶᠢᠬᠰᠠᠨ ᠦᠭᠡᠢ ᠪᠣᠯᠬᠤᠷ ︽ᠴᠡᠴᠡᠭ︾ ᠲᠠᠷᠢᠬᠰᠠᠨ ᠡᠮᠴᠢ ᠠᠴᠠ ᠬᠤᠨᠤᠬ ᠤᠨ | ᠲᠣᠭᠠᠨ ᠤ ᠶᠣᠰᠣᠭᠠᠷ ᠬᠡᠳᠦᠨ ᠲᠦᠡᠭ ᠡᠮ ᠦᠭᠳᠡᠭ ᠠᠴᠠ ᠡᠨᠡᠬᠦ ᠡᠪᠡᠳᠴᠢᠨ ᠢ ᠡᠬᠢᠯᠡᠵᠦ ᠲᠠᠷᠢᠬᠰᠠᠨ ᠠᠴᠠ | ᠡᠳᠡᠭᠡᠷᠡᠬᠦ ᠪᠣᠯᠳᠠᠯᠠ ᠰᠣᠪᠢᠯᠠᠯᠳᠠ ᠪᠠᠷ ᠭᠤᠣᠯ ᠪᠣᠯᠭᠠᠳᠠᠬ ᠪᠠᠶᠢᠵᠠᠢ᠃ ︽ᠴᠡᠴᠡᠭ ᠡᠪᠡᠳᠴᠢᠨ︾ ᠲᠠᠷᠢᠭᠤᠯᠣᠭᠠᠳ | ᠠᠷᠪᠠᠨ ᠨᠠᠢᠮᠠ ᠬᠤᠨᠣᠳᠠᠯᠠ ᠭᠡᠷ ᠤᠨ ᠢᠶᠠᠨ ᠡᠭᠦᠳᠡᠨ ᠭᠠᠳᠠᠨᠠ ᠣᠯᠠᠭᠠᠨ ᠪᠦᠰ ᠢᠶᠠᠷ ᠲᠡᠮᠳᠡᠭ ᠲᠠᠯᠪᠢᠵᠦ ᠭᠠᠳᠠᠨᠠᠬᠢ | ᠬᠦᠮᠦᠰ ᠲᠤ ᠬᠦᠯ ᠭᠠᠷ ᠴᠡᠭᠡᠷᠯᠡᠭᠦᠯᠵᠦ ᠪᠠᠶᠢᠬᠤ ᠪᠠᠨ ᠮᠡᠳᠡᠭᠳᠡᠬᠦ ᠶᠢᠨ ᠬᠠᠮᠳᠦ ᠬᠡᠷ ᠤᠨ ᠬᠦᠮᠦᠰ ᠨᠢ ᠢᠳᠡᠵᠦ | ᠣᠣᠭᠤᠬᠤ ᠠᠴᠠ ᠡᠬᠢᠯᠡᠨ ᠦᠢᠯᠡ ᠬᠦᠳᠡᠯᠭᠡᠭᠡᠨ ᠳᠡᠭᠡᠨ ᠬᠦᠷᠳᠡᠯᠡ ᠣᠨᠴᠠ ᠨᠠᠷᠢᠨ ᠨᠢᠬᠳᠠ ᠪᠠᠶᠢᠯᠭᠠᠳᠠᠬ ᠶᠣᠮ᠃ | ᠰᠠᠶᠢᠬᠠᠨ ᠴᠡᠭᠡᠷᠯᠡᠭᠰᠡᠨ ᠬᠡᠦᠬᠡᠳ ᠤᠨ ᠬᠠᠭᠠᠵᠢ ᠨᠢ ᠠᠷᠪᠠᠨ ᠨᠠᠢᠮᠠ ᠬᠤᠨᠣᠬᠰᠠᠨ ᠤ ᠲᠠᠷᠠᠭᠠ ᠬᠤᠪᠬᠤᠷᠠᠨ ᠣᠨᠠᠵᠦ | ᠴᠡᠴᠡᠭ ᠲᠠᠷᠢᠬᠰᠠᠨ ᠭᠠᠵᠠᠷ ᠨᠢ ᠵᠣᠣᠪᠠᠨᠭ᠌ ᠬᠡᠯᠪᠡᠷᠢ ᠶᠢᠨ ᠲᠦᠭᠦᠷᠢᠭ ᠰᠣᠷᠪᠢ ᠦᠯᠡᠳᠡᠳᠡᠭ ᠪᠠᠶᠢᠵᠠᠢ᠃ ᠠᠷᠠᠳ ᠤᠨ | ᠠᠮᠠᠨ ᠶᠠᠷᠢᠶᠠᠨ ᠳᠤ ᠴᠡᠴᠡᠭ ᠡᠪᠡᠳᠴᠢᠨ ᠢ ︽ᠨᠠᠶᠢᠨᠠᠢ ᠪᠣᠷᠬᠠᠨ︾ ᠬᠠᠮᠢᠶᠠᠷᠴᠦ ᠪᠠᠶᠢᠳᠠᠬ ᠠᠴᠠ ᠲᠦᠢᠯ ᠤᠨ | ᠠᠷᠢᠭᠤᠨ ᠴᠡᠪᠡᠷ ᠡᠪᠡᠳᠴᠢᠨ ᠪᠠᠶᠢᠵᠦ ᠰᠠᠶᠢᠬᠠᠨ ᠴᠡᠭᠡᠷᠯᠡᠬᠦ ᠦᠭᠡᠢ ᠪᠣᠯ ᠦᠬᠦᠬᠦ ᠪᠣᠶᠣ ᠵᠡᠮᠳᠡᠭ ᠪᠣᠯᠳᠠᠬ ᠶᠣᠮ ᠭᠡᠨᠡ | ᠃ ︽ᠴᠡᠴᠡᠭ ᠡᠪᠡᠳᠴᠢᠨ︾ ᠢ ᠲᠠᠷᠢᠭᠠᠳ ᠠᠷᠪᠠᠨ ᠨᠠᠢᠮᠠ ᠬᠤᠨᠣᠬᠰᠠᠨ ᠤ ᠲᠠᠷᠠᠭᠠ ︽ᠴᠡᠴᠡᠭ︾ ᠤᠨ ᠬᠠᠭᠠᠵᠢ ᠶᠢ | ᠣᠨᠠᠭᠠᠬᠤ ᠭᠡᠵᠦ ᠨᠣᠳᠤᠬ ᠣᠰᠣᠨ ᠤ ᠬᠢᠨᠢ ᠨᠡᠷᠡ ᠬᠦᠨᠳᠦᠳᠡᠢ ᠪᠣᠶᠣ ᠵᠣᠭᠤᠰ ᠮᠦᠡᠭᠬᠦ ᠲᠠᠢ ᠬᠦᠮᠦᠨ ᠢᠶᠠᠷ | ᠡᠷᠭᠢᠯᠡᠭᠦᠯᠦᠨ᠂ ᠪᠣᠰᠣᠳ ᠨᠢ ᠪᠠᠭᠠ ᠰᠠᠭᠠ ᠮᠦᠡᠭᠬᠦ ᠭᠠᠷᠭᠠᠬᠤ ᠪᠣᠶᠣ ᠶᠠᠳᠠᠭᠤ ᠨᠢ ᠬᠦᠴᠦᠨ ᠤ ᠠᠵᠢᠯ ᠬᠢᠵᠦ | ᠠᠵᠢᠯᠯᠠᠭᠠ ᠶᠢ ᠪᠦᠷᠢᠨ ᠭᠦᠢᠴᠡᠳᠭᠡᠳᠡᠭ ᠶᠣᠮ᠃ ᠡᠭᠦᠨ ᠢᠶᠠᠨ ︽ᠨᠠᠶᠢᠨᠠᠢ ᠪᠣᠷᠬᠠᠨ︾ ᠵᠠᠯᠠᠬᠤ ᠭᠡᠳᠡᠭ᠃ ︽ᠨᠠᠶᠢᠨᠠᠢ | ᠪᠣᠷᠬᠠᠨ ︾ ᠢ ᠵᠠᠯᠠᠬᠤ ᠳᠤ ᠬᠡᠳᠦᠨ ᠠᠶᠢᠯ ᠤᠨ ᠬᠦᠮᠦᠰ ᠴᠣᠬᠯᠠᠷᠠᠯᠳᠣᠨ ︽ᠨᠠᠶᠢᠨᠠᠢ ᠪᠣᠷᠬᠠᠨ︾ ᠢ ᠵᠠᠯᠠᠬᠤ | ᠣᠷᠣᠢ ᠪᠠᠨ ᠰᠣᠩᠭᠤᠵᠦ ᠯᠠᠮᠠ ᠵᠠᠯᠠᠨ ᠨᠣᠮ ᠣᠡᠭᠰᠢᠭᠤᠯᠵᠦ ︽ᠨᠠᠶᠢᠨᠠᠢ ᠪᠣᠷᠬᠠᠨ︾ ᠳᠤ ︽ᠴᠡᠴᠡᠭ ᠡᠪᠡᠳᠴᠢᠨ︾ | ᠢ ᠨᠢ ᠪᠣᠴᠠᠭᠠᠨ ᠦᠭᠬᠦ ᠰᠠᠩ ᠲᠠᠯᠪᠢᠭᠤᠯᠳᠠᠬ᠃ ᠬᠦᠮᠦᠰ ᠭᠤᠶᠣᠯᠠᠯ ᠤᠨ ᠬᠤᠪᠴᠠᠰᠣ ᠪᠠᠨ ᠡᠮᠦᠰᠵᠡᠭᠡᠨ ᠪᠣᠣᠪᠤ | ᠪᠣᠭᠤᠷᠰᠤᠬ ᠢᠶᠠᠨ ᠰᠠᠬᠰᠣᠨ ᠳᠤ ᠬᠢᠵᠦ ᠵᠢᠯᠠᠭᠠ ᠶᠢᠨ ᠣᠷᠣᠢ ᠲᠡᠭᠡᠷᠡ ᠭᠠᠷᠴᠦ ︽ᠨᠠᠶᠢᠨᠠᠢ ᠪᠣᠷᠬᠠᠨ ᠮᠢᠨᠢ ᠡ︕ | ᠡᠨᠡᠬᠦ ᠭᠤᠶᠣ ᠰᠠᠶᠢᠬᠠᠨ ︿ᠴᠡᠴᠡᠭ﹀ ᠢᠶᠠᠨ ᠪᠣᠴᠠᠭᠠᠨ ᠠᠪᠠᠴᠢᠭᠠᠷᠠᠢ︕ ᠬᠡᠦᠬᠡᠳ ᠲᠤ ᠲᠠᠷᠢᠬᠰᠠᠨ ︿ᠴᠡᠴᠡᠭ﹀ ᠤᠨ | ᠬᠠᠭᠠᠵᠢ ᠡᠨᠡᠬᠦ ᠪᠣᠭᠤᠷᠰᠤᠬ ᠮᠡᠳᠦ ᠠᠮᠠᠷᠬᠠᠨ ᠣᠨᠠᠬᠤ ᠪᠣᠯᠳᠣᠭᠠᠢ︾ ᠭᠡᠵᠦ ᠶᠠᠷᠢᠭᠠᠳ ᠣᠷᠣᠢ ᠠᠴᠠ ᠲᠣᠭᠤᠬᠰᠢ | ᠪᠣᠣᠪᠤ ᠪᠣᠭᠤᠷᠰᠤᠬ ᠢᠶᠠᠨ ᠰᠢᠳᠠᠵᠦ ᠶᠠᠪᠣᠭᠤᠯᠳᠠᠬ᠃ ᠰᠢᠳᠡᠵᠦ ᠶᠠᠪᠣᠭᠤᠯᠣᠬᠰᠠᠨ ᠪᠣᠭᠤᠷᠰᠤᠬ ᠢ ᠨᠢ ᠠᠶᠢᠯ ᠤᠨ | ᠬᠡᠦᠬᠡᠳ ᠣᠷᠣᠯᠳᠣᠨ ᠲᠡᠭᠦᠵᠦ ᠠᠪᠳᠠᠬ᠃ ᠮᠠᠨ ᠤ ᠠᠶᠢᠯ ᠤᠨ ᠨᠠᠶᠢᠨᠠᠢ ᠵᠠᠯᠠᠬᠤ ᠠᠵᠢᠯᠯᠠᠭᠠ ᠶᠢ ︽ᠠᠮᠢᠳᠦ ᠨᠠᠭᠤᠷ︾ | ᠤᠨ ᠪᠠᠷᠠᠭᠤᠨ ᠡᠮᠦᠨᠡᠬᠢ ᠡᠨᠡᠬᠦ ᠲᠣᠮᠣ ᠵᠢᠯᠠᠭᠠ ᠲᠡᠭᠡᠷᠡ ᠶᠠᠪᠣᠬᠳᠠᠭᠤᠯᠵᠦ ᠪᠠᠶᠢᠬᠰᠠᠨ ᠪᠣᠯᠬᠤᠷ ᠨᠣᠳᠤᠬ ᠤᠨ ᠬᠦᠮᠦᠰ | ᠡᠨᠡᠬᠦ ᠣᠷᠣᠢ ᠶᠢ ︽ᠨᠠᠶᠢᠨᠠᠢ ᠵᠠᠯᠠᠬᠰᠠᠨ ᠣᠷᠣᠢ︾ ᠭᠡᠵᠦ ᠨᠡᠷᠡᠶᠢᠳᠴᠡᠢ᠃ | ︵ᠭᠤᠷᠪᠠ︶ ᠯᠣᠣᠰ ᠤᠨ ᠰᠦᠮᠡ ᠶᠢᠨ ᠦᠯᠢᠭᠡᠷ | ︽ᠮᠡᠶᠢᠷᠡᠨ ᠲᠦᠡᠭ︾ ᠠᠴᠠ ᠪᠠᠷᠠᠭᠤᠨᠰᠢ ᠲᠦᠷᠪᠡᠨ ᠭᠠᠵᠠᠷ ᠰᠢᠬᠠᠮ ᠤᠨ ᠵᠠᠢ ᠳᠤ᠂ ᠣᠳᠣ ᠶᠢᠨ ᠠᠶᠢᠯ ᠤᠨ | ᠲᠣᠮᠳᠠᠭᠤᠷ ᠦᠡᠭᠭᠡᠷᠡᠵᠦ ᠪᠠᠶᠢᠭᠠ ᠵᠠᠰᠠᠮᠠᠯ ᠵᠠᠮ ᠠᠴᠠ ᠪᠠᠷᠠᠭᠤᠨᠰᠢ ᠭᠠᠵᠠᠷ ᠢᠯᠡᠭᠦᠦ ᠵᠠᠢ ᠳᠤ ᠨᠢᠭᠡᠨ ︽ᠯᠣᠣᠰ ᠤᠨ | ᠰᠦᠮᠡ︾ ᠭᠡᠵᠦ ᠪᠠᠶᠢᠬᠰᠠᠨ ᠶᠣᠮ᠃ ᠯᠣᠣᠰ ᠤᠨ ᠰᠦᠮᠡ ᠪᠠᠶᠢᠷᠢᠰᠢᠵᠦ ᠪᠠᠶᠢᠬᠰᠠᠨ ᠭᠠᠵᠠᠷ ᠢ ᠪᠠᠰᠠ ᠠᠶᠢᠯ ᠤᠨ | ᠬᠦᠮᠦᠰ ︽ᠪᠠᠷᠠᠭᠤᠨ ᠲᠦᠡᠭ︾ ᠭᠡᠵᠦ ᠲᠠᠭᠤᠳᠠᠵᠦ ᠪᠠᠶᠢᠵᠠᠢ᠃ ᠣᠯᠠᠮᠵᠢᠯᠠᠯ ᠶᠠᠷᠢᠶᠠ ᠶᠢ ᠦᠨᠳᠦᠰᠦᠯᠡᠪᠡᠯ ᠣᠣᠯ ᠤᠨ | ᠴᠣᠬᠤᠷ ᠬᠠᠯᠬᠠ ᠶᠢᠨ ᠬᠤᠰᠢᠭᠤᠨ ᠤ ᠲᠠᠶᠢᠵᠢ ᠣᠬᠰᠠᠭᠠᠨ ᠤ ᠬᠢᠨ ᠤ ᠨᠢᠭᠡ ᠪᠦᠯᠦᠭ ᠬᠦᠮᠦᠰ ᠡ᠊ᠨᠳᠡ ᠨᠣᠳᠣᠬᠰᠢᠵᠦ | ᠪᠠᠶᠢᠬᠰᠠᠨ ᠭᠡᠨᠡ᠃ ᠲᠠᠶᠢᠵᠢ ᠭᠤᠸᠠᠢ ᠨᠢᠭᠡ ᠡᠳᠦᠷ ᠠᠯᠪᠠᠳᠦ ᠪᠠᠨ ᠲᠠᠭᠠᠭᠤᠯᠵᠦ ︽ᠪᠠᠷᠠᠭᠤᠨ ᠲᠦᠡᠭ︾ ᠤᠨ | ᠬᠦᠪᠡᠭᠡ ᠪᠠᠷ ︽ᠮᠣᠩᠭᠤᠯ ᠠᠮᠣ︾ ᠲᠠᠷᠢᠵᠦ ᠪᠠᠶᠢᠳᠠᠯᠠ ᠠᠯᠪᠠᠳᠦ ᠶᠢᠨ ᠬᠢᠨᠢ ᠠᠨᠵᠢᠰᠣᠨ ᠬᠤᠰᠢᠭᠤᠨ ᠳᠤᠨᠢ ᠨᠢᠭᠡᠨ | ᠴᠠᠭᠠᠨ ᠡᠷᠢᠶᠠᠨ ᠮᠣᠭᠠᠢ ᠲᠠᠭᠠᠷᠢᠬᠳᠠᠵᠦ ᠲᠣᠮᠳᠠᠭᠤᠷ ᠢᠶᠠᠨ ᠲᠠᠰᠣᠷᠠᠬᠰᠠᠨ ᠢ ᠨᠢ ᠣᠯᠵᠦ ᠬᠠᠷᠠᠵᠠᠢ᠃ ᠲᠠᠶᠢᠵᠢ | ᠭᠤᠸᠠᠢ ᠲᠠᠰᠣᠷᠠᠬᠰᠠᠨ ᠮᠣᠭᠠᠢ ᠶᠢ ᠦᠵᠡᠭᠡᠳ ᠦᠷᠦᠪᠳᠡᠵᠦ ᠲᠡᠪᠡᠯ ᠤᠨ ᠬᠤᠷᠮᠣᠢ ᠪᠠᠨ ᠣᠷᠠᠵᠦ ᠨᠡᠶᠢᠯᠡᠭᠦᠯᠵᠦ | ᠪᠠᠶᠢᠭᠠᠳ ᠣᠶᠠᠵᠦ ᠲᠠᠯᠪᠢᠬᠰᠠᠨ ᠭᠡᠨᠡ᠃ ᠲᠡᠭᠦᠨ ᠠᠴᠠ ᠪᠣᠯᠵᠦ ᠲᠠᠶᠢᠵᠢ ᠭᠤᠸᠠᠢ ᠶᠢᠨ ᠰᠠᠭᠤᠵᠦ ᠪᠠᠶᠢᠭᠠ | ᠭᠡᠷ ᠲᠤᠨᠢ ᠡᠳᠦᠷ ᠰᠦᠨᠢ ᠦᠭᠡᠢ ᠮᠣᠭᠠᠢ ᠴᠣᠬᠯᠠᠷᠠᠭᠠᠳ ᠰᠠᠭᠤᠵᠦ ᠬᠡᠪᠳᠡᠬᠦ ᠶᠢᠨ ᠠᠷᠭᠠ ᠦᠭᠡᠢ ᠪᠣᠯᠭᠠᠵᠠᠢ᠃ | ᠲᠠᠶᠢᠵᠢ ᠭᠤᠸᠠᠢ ᠣᠴᠢᠷ ᠢ ᠨᠢ ᠣᠯᠵᠦ ᠶᠠᠳᠠᠨ ᠵᠠᠷᠯᠢᠬ ᠤᠨ ᠭᠡᠭᠡᠨ ᠳᠤ ᠬᠦᠷᠴᠦ ᠠᠪᠣᠷᠠᠯ ᠡᠷᠢᠪᠡ᠃ ᠭᠡᠭᠡᠨ | ᠦᠵᠡᠭᠡᠳ᠄ ︽ᠲᠠᠨ ᠤ ᠲᠡᠷᠢᠶᠠ ᠲᠠᠷᠢᠬᠰᠠᠨ ᠭᠠᠵᠠᠷ ᠴᠢᠨᠢ ᠴᠠᠭᠠᠨ ᠯᠣᠣᠰ ᠡᠵᠡᠯᠡᠭᠰᠡᠨ ᠭᠠᠵᠠᠷ ᠪᠠᠶᠢᠨᠠ᠃ | ᠯᠣᠣᠰ ᠤᠨ ᠰᠦᠮᠡ ᠪᠠᠷᠢᠵᠦ ᠴᠠᠭᠠᠨ ᠯᠣᠣᠰ ᠢ ᠲᠠᠬᠢᠵᠦ ᠨᠠᠪᠳᠠᠬ ᠰᠠᠪᠳᠠᠬ ᠢ ᠨᠢ ᠪᠠᠶᠠᠰᠬᠠᠪᠠᠯ ᠲᠠᠨ ᠤ ᠦᠷᠡ | ᠬᠤᠶᠢᠴᠢᠰ ᠲᠤ ᠴᠢᠨᠢ ᠦᠶᠡ ᠶᠢᠨ ᠦᠶᠡ ᠲᠣᠰᠠ ᠬᠦᠷᠭᠡᠬᠦ ᠪᠣᠯᠣᠨᠠ︾ ᠭᠡᠵᠦ ᠵᠢᠭᠠᠪᠣᠷᠢᠯᠠᠬᠰᠠᠨ ᠭᠡᠨᠡ᠃ ᠲᠡᠭᠡᠭᠡᠳ | ︽ᠪᠠᠷᠠᠭᠤᠨ ᠲᠦᠡᠭ︾ ᠤᠨ ᠬᠤᠶᠢᠳᠦ ᠬᠡᠰᠡᠭ ᠤᠨ ᠨᠠᠭᠤᠷ ᠤᠨ ᠬᠦᠪᠡᠭᠡᠨ ᠳᠤ ᠲᠠᠶᠢᠵᠢ ᠭᠤᠸᠠᠢ ᠵᠢᠵᠢᠭᠬᠡᠨ | ᠯᠣᠣᠰ ᠤᠨ ᠰᠦᠮᠡ ᠪᠠᠷᠢᠭᠠᠳ ᠴᠠᠭᠠᠨ ᠯᠣᠣᠰ ᠢ ᠲᠠᠬᠢᠬᠰᠠᠨ ᠠᠴᠠ ᠪᠣᠯᠵᠦ ᠡᠨᠡᠬᠦ ᠭᠠᠵᠠᠷ ᠢ ︽ᠯᠣᠣᠰ ᠤᠨ ᠰᠦᠮᠡ︾ | ᠭᠡᠵᠦ ᠨᠡᠷᠡᠶᠢᠳᠦᠭᠰᠡᠨ ᠶᠣᠮ᠃ ᠬᠤᠵᠢᠮ ᠨᠢ ᠠᠶᠢᠯ ᠠᠶᠢᠮᠠᠬ ᠢᠶᠠᠷ ᠢᠶᠠᠨ ᠯᠣᠣᠰ ᠤᠨ ᠰᠦᠮᠡ ᠶᠢ ᠲᠠᠬᠢᠵᠦ ᠭᠠᠨᠭ᠌ | ᠬᠠᠭᠰᠠᠷᠠᠭᠠᠨ ᠲᠠᠢ ᠵᠢᠯ ᠪᠣᠷᠣᠭᠠᠨ ᠬᠤᠷᠠ ᠭᠤᠶᠣᠳᠠᠬ ᠪᠠᠶᠢᠬᠰᠠᠨ ᠶᠣᠮ᠃ | ᠵᠢᠷᠠᠭᠠᠳ ᠣᠨ ᠤ ᠦᠶᠡᠰ ᠬᠦᠮᠦᠰ ᠮᠣᠬᠤᠷ ᠪᠢᠰᠢᠷᠡᠯ ᠢ ᠡᠷᠡᠰ ᠡᠰᠡᠷᠭᠦᠴᠡᠵᠦ ᠲᠠᠬᠢᠯᠭᠠ ᠶᠢᠨ ᠵᠦᠢᠯ ᠢ | ᠬᠤᠷᠢᠬᠯᠠᠬᠰᠠᠨ ᠠᠴᠠ ︽ᠪᠠᠷᠠᠭᠤᠨ ᠲᠦᠡᠭ︾ ᠤᠨ ᠪᠣᠷᠭᠠᠰᠣᠮᠣᠳᠣ ᠶᠢ ᠬᠦᠮᠦᠰ ᠲᠣᠷᠠ ᠮᠡᠳᠡᠨ ᠣᠬᠳᠣᠯᠵᠦ | ᠯᠣᠣᠰ ᠤᠨ ᠰᠦᠮᠡ ᠶᠢ ᠴᠦ ᠲᠠᠬᠢᠬᠤ ᠪᠠᠨ ᠪᠠᠶᠢᠪᠠ᠃ ᠨᠠᠶᠠᠭᠠᠳ ᠣᠨ ᠤ ᠡᠬᠢ ᠠᠴᠠ ᠡᠬᠢᠯᠡᠵᠦ ︽ᠪᠠᠷᠠᠭᠤᠨ ᠲᠦᠡᠭ | ︾ ᠳᠤ ᠲᠠᠷᠢᠶᠠ ᠲᠠᠷᠢᠵᠦ ᠡᠬᠢᠯᠡᠭᠰᠡᠨ ᠠᠴᠠ ᠯᠣᠣᠰ ᠤᠨ ᠨᠠᠭᠤᠷ ᠴᠦ ᠰᠢᠷᠭᠢᠪᠡ᠃ |