| ᠤᠶᠠᠩᠭᠠ ᠶᠢᠨ ᠲᠠᠪᠤᠨ ᠨᠤᠲ | ᠵᠣᠬᠢᠶᠠᠭᠴᠢ᠄ ᠪᠣᠷᠵᠢᠭᠢᠨ ᠯᠣᠣ | ᠣᠷᠲᠣ ᠶᠢᠨ ᠳᠠᠭᠤᠤ | ᠤᠷᠲᠣ ᠶᠢᠨ ᠳᠠᠭᠤᠤ ᠶᠢᠨ ᠠᠶᠠ ᠶᠢᠨ | ᠠᠭᠤᠳᠠᠮ ᠢ ᠨᠡᠬᠡᠵᠦ | ᠠᠭᠤᠤ ᠪᠦᠷᠭᠦᠳ | ᠦᠨᠳᠦᠷ ᠵᠦᠭ ᠨᠢᠰᠦᠭᠰᠡᠭᠡᠷ ᠪᠠᠶᠢᠵᠤ | ᠤᠭᠲᠠᠷᠭᠤᠢ ᠳᠤ ᠮᠦᠩᠬᠡᠷᠡᠨᠡ | ᠦᠳᠦ ᠨᠢ ᠳᠣᠮᠤᠭ ᠪᠤᠯᠵᠤ ᠦᠯᠡᠳᠡᠨᠡ | ᠣᠷᠲᠣ ᠶᠢᠨ ᠳᠠᠭᠤᠤ ᠶᠢᠨ ᠦᠭᠡ ᠶᠢᠨ | ᠦᠨᠡᠨ ᠢ ᠰᠢᠲᠦᠵᠦ | ᠠᠭᠰᠤᠮ ᠬᠦᠯᠦᠭ | ᠠᠯᠤᠰ ᠢ ᠴᠢᠭᠯᠡᠵᠦ ᠳᠣᠪᠲᠣᠯᠣᠭᠰᠠᠭᠠᠷ ᠪᠠᠶᠢᠵᠤ | ᠠᠯᠳᠠᠷ ᠮᠠᠨᠳᠣᠨᠠ | ᠦᠯᠢᠭᠡᠷ ᠨᠢ ᠲᠡᠥᠬᠡ ᠪᠤᠯᠵᠤ ᠣᠩᠰᠢᠭᠳᠠᠨᠠ | ᠮᠤᠷᠢᠨ ᠬᠤᠭᠤᠷ | ᠬᠢᠯᠭᠠᠰᠤ ᠶᠢ ᠨᠢ ᠬᠦᠨᠳᠡᠬᠦ ᠳᠤ | ᠮᠤᠷᠢ ᠨᠢ ᠦᠤᠷᠰᠡᠳᠡᠭ | ᠬᠦᠭᠵᠢᠮ | ᠬᠤᠯᠠ ᠠᠴᠠ ᠨᠠᠭᠠᠰᠢᠯᠠᠬᠤ | ᠮᠢᠨᠤ ᠵᠦᠭ ᠤᠨ | ᠲᠦᠪᠡᠷᠭᠡᠨ | ᠠᠶᠠ ᠨᠢ ᠰᠣᠳᠠᠯ ᠢᠶᠠᠷ ᠮᠢᠨᠢ | ᠴᠢᠰᠣ ᠪᠤᠯᠵᠤ | ᠦᠶᠡᠷᠯᠡᠨᠡ | ᠠᠮᠢᠰᠬᠤᠯ ᠨᠢ ᠪᠡᠶᠡ ᠪᠠᠷ ᠮᠢᠨᠢ | ᠢᠯᠴᠢ ᠪᠤᠯᠵᠤ | ᠤᠶᠠᠩᠭᠠᠷᠠᠨᠠ | ᠳᠦᠷᠪᠡᠨ ᠤᠳᠠᠰᠤᠲᠤ ᠬᠤᠭᠤᠷ | ᠳᠦᠷᠪᠡᠨ ᠤᠲᠠᠰᠤᠨ ᠳᠡᠭᠡᠷᠡ ᠨᠢ | ᠠᠪᠤ ᠶᠢᠨ ᠬᠤᠷᠤᠭᠤᠳ | ᠲᠤᠭᠯᠠᠨᠠ | ᠠᠪᠤ ᠶᠢᠨ ᠬᠤᠷᠤᠭᠤᠳ ᠠᠴᠠ | ᠠᠷᠠᠳ ᠤᠨ ᠳᠠᠭᠤᠤ | ᠤᠶᠠᠩᠭᠠᠷᠠᠨᠠ | ᠠᠯᠮᠠᠩ ᠰᠠᠷᠠᠨ | ᠰᠦᠨᠢᠵᠢᠨ ᠰᠣᠨᠣᠰᠣᠭᠠᠳ | ᠨᠦᠢᠷ ᠢᠶᠠᠨ ᠮᠠᠷᠲᠠᠨᠠ | ᠡᠵᠢ ᠶᠢᠨ ᠨᠢᠯᠪᠤᠰᠤ | ᠰᠡᠮᠡᠬᠡᠷ ᠣᠷᠣᠰᠣᠭᠠᠳ | ᠨᠡᠷᠡ ᠪᠠᠨ ᠮᠠᠷᠲᠠᠨᠠ | ᠬᠤᠭᠤᠷ ᠤᠨ ᠦᠯᠢᠭᠡᠷ | ᠪᠦᠷᠢᠨᠪᠠᠶᠠᠷ ᠲᠠᠢ ᠷᠠᠳᠢᠣ᠋ ᠠᠪᠤᠨᠠ ᠭᠡᠳᠡᠭ | ᠦᠢᠮᠡᠭᠡᠨ ᠪᠤᠯ | ᠬᠤᠭᠤᠷ ᠤᠨ ᠦᠯᠢᠭᠡᠷ | ᠪᠠᠭᠠ ᠨᠠᠰᠤᠨ ᠤ | ᠤᠶᠤᠨ ᠤ ᠬᠦᠨᠡᠰᠦ ᠪᠤᠯ | ᠬᠤᠭᠤᠷ ᠤᠨ ᠦᠯᠢᠭᠡᠷ | ᠪᠤᠳᠠᠭᠠ ᠪᠠᠨ ᠢᠳᠡᠬᠦ ᠪᠠᠨ | ᠪᠠᠶᠢᠨ ᠪᠠᠶᠢᠨ | ᠮᠠᠷᠲᠠᠵᠤ ᠪᠤᠯᠤᠨᠠ | ᠬᠤᠭᠤᠷ ᠤᠨ ᠦᠯᠢᠭᠡᠷ ᠠᠴᠠ | ᠬᠡᠵᠢᠶᠡᠳᠡ ᠪᠠᠨ | ᠬᠤᠴᠤᠷᠴᠤ ᠪᠤᠯᠬᠤ ᠦᠭᠡᠢ | ᠦᠯᠢᠭᠡᠷᠲᠦ ᠠᠷᠠᠳ ᠤᠨ ᠳᠠᠭᠤᠤ | ᠦᠯᠢᠭᠡᠷ ᠨᠢ | ᠳᠠᠭᠤᠤ ᠪᠠᠷ ᠦᠷᠭᠦᠯᠵᠢᠯᠡᠨᠡ | ᠡᠰᠡᠭᠦᠯᠡ | ᠳᠠᠭᠤᠤ ᠨᠢ | ᠦᠯᠢᠭᠡᠷ ᠢᠶᠠᠷ ᠦᠷᠭᠦᠯᠵᠢᠯᠡᠨᠡ | ᠤᠷᠴᠢᠨ ᠦᠶᠡ ᠠᠴᠠ | ᠣᠳᠣ ᠪᠤᠯᠲᠠᠯᠠ ᠦᠷᠭᠦᠯᠵᠢᠯᠡᠨᠡ | ᠤᠷᠤᠨ ᠨᠤᠲᠤᠭ ᠢᠶᠠᠨ | ᠲᠡᠯᠡᠵᠦ | ᠳᠡᠯᠡᠬᠡᠢ ᠪᠤᠯᠲᠠᠯᠠ ᠦᠷᠭᠦᠯᠵᠢᠯᠡᠨᠡ | ᠠᠷᠠᠳ ᠤᠨ ᠰᠡᠳᠭᠢᠯ ᠠᠴᠠ ᠦᠷᠭᠦᠯᠵᠢᠯᠡᠨᠡ | ᠠᠯᠠᠭ ᠵᠢᠷᠦᠬᠡᠨ ᠠᠴᠠ ᠦᠷᠭᠦᠯᠵᠢᠯᠡᠨᠡ | ᠠᠮᠢᠳᠣᠷᠠᠯ ᠤᠨ ᠲᠠᠪᠤᠨ ᠠᠮᠲᠠ ᠶᠢ | ᠳᠣᠯᠣᠭᠠᠨ ᠨᠤᠲ ᠢᠶᠠᠷ ᠨᠠᠶᠢᠷᠠᠵᠤ | ᠦᠷᠭᠦᠯᠵᠢᠯᠡᠨᠡ | ᠲᠠᠯᠠ ᠨᠤᠲᠤᠭ ᠲᠠᠭᠠᠨ ᠦᠷᠭᠦᠯᠵᠢᠯᠡᠨᠡ | ᠲᠠᠶᠢᠰᠠᠨ ᠳᠡᠭᠡᠷᠡ ᠦᠷᠭᠦᠯᠵᠢᠯᠡᠨᠡ | ᠲᠡᠭᠷᠢ ᠶᠢᠨ ᠰᠠᠯᠬᠢ | ᠭᠠᠵᠠᠷ ᠤᠨ ᠠᠶᠠᠯᠭᠤ ᠪᠤᠯᠲᠠᠯᠠ | ᠦᠷᠭᠦᠯᠵᠢᠯᠡᠨᠡ | | |