| ᠮᠤᠩᠭᠤᠯ ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ | ᠵᠣᠬᠢᠶᠠᠭᠴᠢ᠄ ᠲᠠᠩ ᠱᠠᠨ ᠬᠤ᠋ | ︵ᠬᠤᠯᠪᠣᠭᠠ︶ | ᠤᠳᠠᠰᠤᠳᠤ ᠬᠤᠭᠤᠷ ᠢᠶᠠᠨ ᠬᠦᠭᠯᠡᠶᠡ | ᠤᠶᠠᠩᠭᠠᠳᠤ ᠬᠤᠯᠪᠤᠭᠠ ᠪᠠᠨ ᠡᠭᠦᠰᠭᠡᠶᠡ | ᠤᠳᠤᠮᠳᠤ ᠮᠤᠩᠭᠤᠯ ᠮᠤᠷᠢᠨ ᠤ ᠪᠠᠨ | ᠤᠯᠠᠮᠵᠢᠯᠠᠯᠳᠤ ᠵᠤᠷᠢᠭ ᠰᠠᠨᠠᠭᠠ ᠶᠢ ᠮᠠᠭᠳᠠᠶᠠ︕ | ᠠᠷᠠᠯᠳᠤ ᠬᠤᠭᠤᠷ ᠢᠶᠠᠨ ᠠᠳᠬᠤᠶᠠ | ᠠᠶᠠᠯᠭᠤ ᠬᠦᠭᠵᠢᠮ ᠢᠶᠠᠨ ᠡᠭᠦᠰᠭᠡᠶᠡ | ᠠᠪᠬᠠᠯᠵᠢᠳᠤ ᠮᠤᠩᠭᠤᠯ ᠮᠤᠷᠢᠨ ᠤ ᠪᠠᠨ | ᠠᠤᠭᠠ ᠵᠤᠷᠢᠭ ᠰᠠᠨᠠᠭᠠ ᠶᠢ ᠲᠠᠭᠤᠯᠠᠶᠠ︕ | ᠡᠷᠭᠦᠨᠡ ᠬᠤᠨ ᠤ ᠲᠤᠮᠤᠭ ᠠᠴᠠ | ᠡᠭᠦᠰᠴᠦ ᠪᠦᠷᠢᠯᠳᠦᠭᠰᠡᠨ ᠵᠤᠷᠢᠭ ᠰᠠᠨᠠᠭᠠ | ᠡᠵᠡᠨ ᠴᠢᠩᠭᠢᠰ ᠤᠨ ᠦᠶᠡ ᠠᠴᠠ | ᠡᠷᠡᠯᠬᠡᠭᠯᠡᠨ ᠪᠠᠭᠠᠳᠤᠷᠯᠠᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠲᠠᠪᠤᠨ ᠮᠦᠰᠦ ᠶᠢᠨ ᠰᠤᠷᠭᠠᠯ ᠠᠴᠠ | ᠲᠠᠭᠠᠷᠠᠵᠤ ᠨᠢᠭᠳᠠᠷᠠᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠲᠠᠯᠠ ᠶᠢᠨ ᠮᠤᠩᠭᠤᠯ ᠡᠬᠡ ᠠᠴᠠ | ᠲᠠᠨᠢᠭᠤᠯᠵᠤ ᠤᠬᠠᠭᠠᠷᠠᠭᠤᠯᠤᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠲᠠᠯᠠ ᠪᠠᠨ ᠲᠠᠮᠠᠭᠠᠯᠠᠭᠰᠠᠨ ᠪᠠᠭᠤᠷᠢ ᠠᠴᠠ | ᠲᠠᠷᠬᠠᠨ ᠤᠯᠠᠮᠵᠢᠯᠠᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠲᠠᠪᠤᠨ ᠬᠠᠨᠠ ᠲᠠᠢ ᠭᠡᠷ ᠠᠴᠠ | ᠲᠠᠨᠢᠭᠳᠠᠵᠤ ᠮᠡᠳᠡᠷᠡᠭᠳᠡᠭᠰᠡᠨ ᠵᠤᠷᠢᠭ ᠰᠠᠨᠠᠭᠠ | ᠴᠡᠯᠭᠡᠷᠡᠨ ᠨᠤᠭᠤᠭᠠᠷᠠᠭᠰᠠᠨ ᠬᠦᠳᠡᠭᠡ ᠠᠴᠠ | ᠴᠡᠴᠡᠭᠯᠡᠨ ᠬᠦᠭᠵᠢᠭᠰᠡᠨ ᠵᠤᠷᠢᠭ ᠰᠠᠨᠠᠭᠠ | ᠴᠡᠩᠭᠡᠷᠯᠡᠨ ᠤᠨᠢᠶᠠᠷᠳᠤᠭᠰᠠᠨ ᠲᠠᠯᠠ ᠠᠴᠠ | ᠴᠡᠩᠭᠡᠯᠳᠦᠨ ᠨᠠᠶᠢᠷᠠᠮᠳᠤᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠪᠤᠰᠤᠭᠠ ᠬᠡᠶᠢᠮᠤᠷᠢ ᠰᠦᠯᠳᠡ ᠲᠠᠢ | ᠪᠤᠰᠴᠤ ᠮᠠᠨᠳᠤᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠪᠤᠷᠬᠠᠨ ᠬᠠᠯᠳᠤᠨ ᠤ ᠴᠢᠯᠠᠭᠤᠳ ᠲᠠᠢ | ᠪᠤᠭᠳᠠ ᠮᠡᠨᠳᠦᠯᠡᠭᠰᠡᠨ ᠵᠤᠷᠢᠭ ᠰᠠᠨᠠᠭᠠ | ᠤᠨᠤᠨ ᠮᠦᠷᠡᠨ ᠤ ᠤᠷᠤᠰᠬᠠᠯ ᠳᠤ ᠪᠠᠨ | ᠦᠭᠰᠦᠨ ᠤᠷᠤᠭᠤᠳᠠᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠬᠡᠷᠦᠯᠦᠨ ᠭᠤᠤᠯ ᠤᠨ ᠲᠡᠨᠵᠢᠨ ᠳᠤ ᠪᠠᠨ | ᠬᠡᠶᠢᠮᠤᠷᠢ ᠲᠡᠭᠳᠡᠭᠡᠭᠰᠡᠨ ᠵᠤᠷᠢᠭ ᠰᠠᠨᠠᠭᠠ | ᠪᠤᠷᠵᠢᠭᠢᠨ ᠤᠪᠤᠭᠳᠠᠨ ᠤ ᠲᠤᠮᠤᠭ ᠲᠠᠢ | ᠪᠦᠯᠬᠦᠮᠳᠡᠯ ᠨᠢᠭᠳᠠᠷᠠᠯ ᠤᠨ ᠵᠤᠷᠢᠭ ᠰᠠᠨᠠᠭᠠ | ᠪᠤᠯᠪᠠᠰᠤᠨ ᠲᠡᠤᠬᠡᠨ ᠦᠯᠢᠭᠡᠷ ᠲᠠᠢ | ᠪᠦᠳᠦᠭᠡᠯᠴᠢ ᠬᠦᠳᠡᠯᠮᠦᠷᠢ ᠶᠢᠨ ᠵᠤᠷᠢᠭ ᠰᠠᠨᠠᠭᠠ | ᠪᠠᠭᠠᠳᠤᠷ ᠴᠤᠯᠠᠳᠠᠨ ᠤ ᠡᠭᠦᠰᠦᠯ ᠲᠠᠢ | ᠪᠠᠳᠠᠷᠠᠭᠰᠠᠨ ᠤᠳᠤᠮᠯᠠᠯᠳᠤ ᠵᠤᠷᠢᠭ ᠰᠠᠨᠠᠭᠠ | ᠪᠠᠶᠢᠯᠳᠤᠭᠠᠨ ᠤ ᠮᠡᠷᠭᠡᠨ ᠪᠤᠳᠤᠯᠭᠠ ᠲᠠᠢ | ᠪᠠᠳᠤ ᠵᠢᠷᠤᠮᠳᠤ ᠵᠤᠷᠢᠭ ᠰᠠᠨᠠᠭᠠ | ᠠᠽᠢᠶᠠ ᠡᠸᠦ᠋ᠷᠦᠫᠡ ᠶᠢ ᠰᠤᠨᠳᠠᠯᠠᠬᠰᠠᠨ | ᠠᠯᠳᠠᠨ ᠴᠠᠲᠢᠭ ᠲᠠᠢ ᠵᠤᠷᠢᠭ ᠰᠠᠨᠠᠭᠠ | ᠠᠷᠤᠤᠬᠠᠨ ᠮᠤᠩᠭᠤᠯ ᠤᠨ ᠵᠤᠯᠪᠤᠭᠠ ᠶᠢ | ᠠᠰᠠᠭᠠᠵᠤ ᠪᠠᠳᠠᠷᠠᠭᠠᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠨᠠᠢᠮᠠᠨ ᠰᠢᠷᠭᠠ ᠠᠭᠳᠠ ᠠᠴᠠ | ᠨᠠᠶᠢᠷᠠᠮᠳᠠᠵᠤ ᠨᠢᠭᠡᠳᠦᠭᠰᠡᠨ ᠵᠤᠷᠢᠭ ᠰᠠᠨᠠᠭᠠ | ᠨᠠᠷᠠᠯᠠᠭ ᠬᠤᠷᠸᠠ ᠶᠢᠨ ᠬᠦᠭᠵᠢᠯᠳᠡ ᠳᠤ | ᠨᠠᠶᠢᠳᠠᠪᠤᠷᠢ ᠲᠦᠰᠢᠭ ᠲᠠᠢ ᠵᠤᠷᠢᠭ ᠰᠠᠨᠠᠭᠠ | ᠪᠠᠶᠢᠭᠠᠯᠢ ᠲᠡᠯᠡᠬᠡᠢ ᠶᠢᠨ ᠬᠠᠭᠤᠳᠠᠰᠤᠨ ᠳᠤ | ᠮᠠᠩᠯᠠᠶᠢᠯᠠᠵᠤ ᠲᠡᠷᠢᠭᠦᠯᠡᠭᠰᠡᠨ ᠵᠤᠷᠢᠭ ᠰᠠᠨᠠᠭᠠ | ᠪᠠᠭᠠᠳᠤᠷ ᠮᠤᠩᠭᠤᠯ ᠤᠨ ᠠᠯᠳᠠᠷ ᠢ | ᠮᠠᠨᠳᠤᠭᠤᠯᠵᠤ ᠭᠠᠶᠢᠬᠠᠭᠤᠯᠤᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠰᠦᠰᠦ ᠲᠠᠢ ᠵᠤᠷᠢᠭ ᠲᠠᠢ ᠤᠭᠰᠠᠭᠠᠳᠠᠨ ᠤ | ᠰᠦᠯᠳᠡ ᠶᠢ ᠪᠤᠰᠬᠠᠬᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠰᠦᠯᠪᠡᠭᠡᠯᠡᠵᠦ ᠬᠤᠤᠪᠢᠯᠳᠠᠬᠤ ᠡᠳᠡᠭᠡᠳ ᠤᠨ | ᠰᠦᠨᠡᠰᠦ ᠶᠢ ᠰᠠᠷᠨᠢᠭᠤᠯᠤᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠭᠠᠳᠠᠭᠠᠳᠤ ᠭᠦᠷᠦᠨ ᠤ ᠤᠷᠤᠨ ᠠᠴᠠ | ᠭᠠᠵᠠᠷᠯᠠᠭᠠᠳ ᠢᠷᠡᠭᠰᠡᠨ ᠵᠤᠷᠢᠭ ᠰᠠᠨᠠᠭᠠ | ᠭᠤᠷᠪᠠᠨ ᠵᠢᠯ ᠤᠨ ᠤᠷᠳᠤ ᠠᠶᠠᠨ ᠢᠶᠠᠷ | ᠨᠤᠳᠤᠭ ᠲᠤ ᠪᠠᠨ ᠪᠤᠴᠠᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠤᠤᠭᠤᠭᠰᠠᠨ ᠤᠰᠤᠨ ᠤ ᠪᠠᠨ ᠲᠤᠩᠭᠠᠯᠠᠭ ᠢᠶᠠᠷ | ᠦᠨᠦᠷᠯᠡᠭᠡᠳ ᠲᠡᠮᠡᠤᠯᠦᠭᠰᠡᠨ ᠵᠤᠷᠢᠭ ᠰᠠᠨᠠᠭᠠ | ᠤᠨᠠᠬᠰᠠᠨ ᠰᠢᠷᠤᠢ ᠶᠢᠨ ᠢᠶᠠᠨ ᠰᠢᠮᠡᠯᠢᠭ ᠢᠶᠠᠷ | ᠦᠤᠷᠰᠡᠭᠡᠳ ᠲᠠᠪᠬᠢᠭᠤᠯᠤᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠬᠦᠬᠡ ᠮᠤᠩᠭᠤᠯ ᠨᠤᠳᠤᠭ ᠲᠠᠢ ᠪᠠᠨ | ᠬᠦᠰᠡᠯ ᠢᠶᠠᠨ ᠬᠠᠮᠳᠤᠳᠬᠠᠬᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠬᠦᠭᠵᠢᠭᠰᠡᠨ ᠲᠤᠯᠭᠠ ᠶᠢᠨ ᠭᠠᠯ ᠲᠠᠢ ᠪᠠᠨ | ᠬᠦᠢᠰᠦ ᠪᠠᠨ ᠬᠤᠯᠪᠤᠬᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠲᠦᠮᠡᠨ ᠠᠭᠤᠯᠠ ᠮᠢᠩᠭᠠᠨ ᠲᠠᠪᠠᠭᠠ ᠠᠴᠠ | ᠲᠦᠳᠡᠭᠡᠯᠵᠡᠭᠰᠡᠨ ᠦᠭᠡᠢ ᠵᠤᠷᠢᠭ ᠰᠠᠨᠠᠭᠠ | ᠲᠦᠨᠡᠷ ᠬᠠᠷᠠᠩᠭᠤᠢ ᠶᠢᠨ ᠲᠤᠮᠳᠠᠭᠤᠷ | ᠲᠦᠭᠡᠷᠢᠭᠰᠡᠨ ᠦᠭᠡᠢ ᠵᠤᠷᠢᠭ ᠰᠠᠨᠠᠭᠠ | ᠡᠵᠡᠨ ᠢᠶᠠᠨ ᠦᠵᠡᠪᠡᠯ ᠦᠤᠷᠰᠡᠳᠡᠭ | ᠡᠯᠢᠭᠡ ᠨᠢᠭᠡᠳᠦᠭᠰᠡᠨ ᠵᠤᠷᠢᠭ ᠰᠠᠨᠠᠭᠠ | ᠡᠵᠡᠷᠬᠡᠭ ᠢ ᠦᠵᠡᠪᠡᠯ ᠲᠠᠭᠠᠷᠢᠳᠠᠭ | ᠡᠷᠡᠯᠬᠡᠭᠯᠡᠵᠦ ᠪᠠᠭᠠᠳᠤᠷᠯᠠᠬᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠨᠢᠭᠡᠨ ᠦᠶᠡ ᠶᠢᠨ ᠲᠡᠭᠷᠢᠯᠢᠭ ᠲᠡᠤᠬᠡ ᠶᠢᠨ | ᠠᠯᠳᠠᠷ ᠮᠠᠨᠳᠤᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠨᠢᠭᠤᠴᠠ ᠲᠤᠪᠴᠢᠶᠠᠨ ᠤ ᠪᠠᠭᠠᠳᠤᠷᠯᠢᠭ ᠲᠤᠤᠯᠢ ᠶᠢᠨ | ᠠᠮᠵᠢᠯᠳᠠ ᠭᠢᠯᠠᠯᠵᠠᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠲᠡᠯᠡᠬᠡᠢ ᠶᠢᠨ ᠲᠡᠤᠬᠡᠨ ᠳᠤ ᠠᠯᠳᠠᠷᠰᠢᠬᠰᠠᠨ | ᠲᠡᠯᠭᠡᠷ ᠮᠤᠩᠭᠤᠯ ᠤᠨ ᠵᠤᠷᠢᠭ ᠰᠠᠨᠠᠭᠠ | ᠲᠡᠭᠡᠳᠦᠰ ᠤᠨ ᠤᠳᠤᠮᠰᠢᠯ ᠢᠶᠠᠨ ᠦᠪᠯᠡᠭᠰᠡᠨ | ᠲᠡᠭᠵᠢᠷᠡᠯ ᠬᠦᠭᠵᠢᠯ ᠤᠨ ᠵᠤᠷᠢᠭ ᠰᠠᠨᠠᠭᠠ | ᠬᠦᠰᠡᠯ ᠮᠦᠷᠦᠭᠡᠳᠦᠯ ᠢᠶᠠᠨ ᠬᠤᠷᠦ᠋ᠢᠯᠠᠬᠰᠠᠨ | ᠬᠦᠭᠵᠢᠯ ᠪᠠᠳᠠᠷᠠᠯ ᠤᠨ ᠵᠤᠷᠢᠭ ᠰᠠᠨᠠᠭᠠ | ᠬᠦᠮᠦᠨ ᠠᠷᠠᠳ ᠤᠨ ᠢᠶᠠᠨ ᠨᠠᠶᠢᠳᠠᠪᠤᠷᠢ ᠶᠢ | ᠬᠦᠰᠡᠷᠳᠡᠭᠦᠯᠦᠯ ᠦᠭᠡᠢ ᠵᠤᠷᠢᠭ ᠰᠠᠨᠠᠭᠠ | ᠦᠪᠦᠷ ᠮᠤᠩᠭᠤᠯ ᠤᠨ ᠮᠤᠷᠢᠳᠤ ᠴᠡᠷᠢᠭ ᠤᠨ | ᠲᠠᠶᠢᠴᠢᠨ ᠲᠠᠭᠤᠯᠠᠯ ᠲᠠᠢ ᠵᠤᠷᠢᠭ ᠰᠠᠨᠠᠭᠠ | ᠦᠰᠳᠡᠨ ᠲᠠᠶᠢᠰᠤᠨ ᠢ ᠴᠠᠪᠴᠢᠵᠤ ᠰᠦᠷᠳᠡᠭᠦᠯᠦᠭᠰᠡᠨ | ᠲᠠᠭᠠᠷᠢᠯᠳᠠ ᠶᠢᠨ ᠤᠷᠢᠶᠠ ᠲᠠᠢ ᠵᠤᠷᠢᠭ ᠰᠠᠨᠠᠭᠠ | ᠬᠠᠭᠠᠨ ᠡᠵᠡᠳ ᠤᠨ ᠵᠠᠷᠯᠢᠭ ᠠᠴᠠ | ᠪᠤᠴᠠᠳᠠᠭ ᠦᠭᠡᠢ ᠵᠤᠷᠢᠭ ᠰᠠᠨᠠᠭᠠ | ᠬᠠᠨᠳᠤᠭᠰᠠᠨ ᠵᠦᠭ ᠪᠦᠬᠦᠨ ᠳᠤ ᠪᠠᠨ | ᠪᠦᠳᠦᠷᠢᠳᠡᠭ ᠦᠭᠡᠢ ᠵᠤᠷᠢᠭ ᠰᠠᠨᠠᠭᠠ | ᠬᠠᠷᠠ ᠰᠠᠯᠬᠢ ᠬᠠᠪᠰᠠᠷᠭᠠ ᠵᠤᠳ ᠠᠴᠠ | ᠬᠠᠯᠢᠷᠠᠳᠠᠭ ᠦᠭᠡᠢ ᠵᠤᠷᠢᠭ ᠰᠠᠨᠠᠭᠠ | ᠬᠠᠳᠠᠭᠤ ᠪᠡᠷᠬᠡ ᠰᠢᠯᠭᠠᠯᠳᠠ ᠲᠠᠪᠳᠠᠯᠳᠠ ᠠᠴᠠ | ᠬᠠᠯᠠᠰᠢᠷᠠᠳᠠᠭ ᠦᠭᠡᠢ ᠵᠤᠷᠢᠭ ᠰᠠᠨᠠᠭᠠ | ᠶᠡᠷᠦᠩᠬᠡᠢ ᠱᠦᠵᠢ ᠰᠢ ᠶᠢᠨ ᠫᠢᠩ ᠠᠴᠠ | ᠬᠦᠨᠳᠦᠳᠭᠡᠵᠦ ᠦᠵᠡᠭᠰᠡᠨ ᠵᠤᠷᠢᠭ ᠰᠠᠨᠠᠭᠠ | ᠬᠦᠴᠦᠷᠬᠡᠭ ᠤᠯᠤᠰ ᠤᠨ ᠪᠠᠶᠢᠭᠤᠯᠤᠯᠳᠠ ᠳᠤ | ᠶᠡᠭᠡ ᠪᠠᠷ ᠦᠨᠡᠯᠡᠭᠳᠡᠭᠰᠡᠨ ᠵᠤᠷᠢᠭ ᠰᠠᠨᠠᠭᠠ | ᠡᠮᠡᠭᠡᠯᠳᠦ ᠮᠤᠷᠢ ᠵᠤᠷᠢᠬᠰᠠᠨ ᠳᠤ ᠪᠠᠨ ᠬᠦᠷᠬᠦ | ᠵᠤᠷᠢᠯᠳᠠ ᠬᠠᠷᠠᠯᠳᠠ ᠲᠠᠢ ᠵᠤᠷᠢᠭ ᠰᠠᠨᠠᠭᠠ | ᠡᠷᠡ ᠬᠦᠮᠦᠨ ᠬᠡᠯᠡᠭᠰᠡᠨ ᠳᠤ ᠪᠠᠨ ᠲᠤᠯᠬᠤ | ᠵᠤᠭᠰᠤᠯᠳᠠ ᠪᠠᠳᠤ ᠲᠠᠢ ᠵᠤᠷᠢᠭ ᠰᠠᠨᠠᠭᠠ | ᠮᠤᠩᠭᠤᠯ ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ ᠪᠠᠷ | ᠡᠬᠡ ᠤᠯᠤᠰ ᠤᠨ ᠢᠶᠠᠨ ᠤᠮᠠᠷᠠᠳᠤ ᠬᠢᠯᠢ ᠶᠢᠨ | ᠦᠵᠡᠮᠵᠢᠳᠦ ᠤᠷᠤᠨ ᠢᠶᠠᠨ ᠤᠯᠠᠮ ᠢᠯᠡᠭᠦᠦ | ᠦᠵᠡᠰᠭᠦᠯᠡᠩ ᠪᠤᠯᠭᠠᠨ ᠪᠠᠶᠢᠭᠤᠯᠳᠤᠭᠠᠢ ᠭᠡᠵᠦ | ᠦᠨᠳᠦᠰᠦᠳᠡᠨ ᠨᠥᠭᠦᠳ ᠤᠨ ᠠᠷᠠᠳ ᠤᠯᠠᠨ ᠳᠤ | ᠬᠦᠰᠡᠵᠦ ᠨᠠᠶᠢᠳᠠᠭᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠦᠷᠨᠢᠯᠳᠡ ᠬᠦᠭᠵᠢᠯᠳᠠ ᠶᠢ ᠠᠬᠢᠭᠤᠯᠬᠤ ᠳᠤ | ᠤᠷᠮᠠᠰᠢᠭᠤᠯᠵᠤ ᠵᠤᠷᠢᠭᠵᠢᠭᠤᠯᠤᠬᠰᠠᠨ ᠵᠤᠷᠢᠭ ᠰᠠᠨᠠᠭᠠ | ᠮᠤᠩᠭᠤᠯ ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ | ᠮᠤᠬᠤᠰᠢ ᠦᠭᠡᠢ ᠲᠠᠭᠠᠭᠠᠮᠠᠭᠠᠢ ᠪᠠᠶᠢᠳᠠᠭ | ᠮᠤᠩᠭᠤᠯ ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ | ᠮᠤᠨᠳᠠᠭ ᠲᠤᠮᠤ ᠪᠠᠭᠠᠳᠤᠷ ᠲᠠᠢ ᠪᠠᠶᠢᠳᠠᠭ | ᠬᠦᠴᠢᠷ ᠪᠡᠷᠬᠡ ᠠᠴᠠ ᠠᠶᠤᠳᠠᠭ ᠦᠭᠡᠢ | ᠲᠡᠰᠪᠦᠷᠢ ᠬᠠᠳᠠᠭᠤ ᠰᠢᠨᠳᠠᠰᠤ ᠲᠠᠢ ᠪᠠᠶᠢᠳᠠᠭ | ᠬᠦᠨᠳᠦ ᠲᠠᠷᠤᠯᠳᠠ ᠠᠴᠠ ᠡᠮᠢᠶᠡᠳᠡᠭ ᠦᠭᠡᠢ | ᠲᠡᠪᠵᠢᠶᠡᠷᠢ ᠲᠠᠭᠠᠭᠠᠮᠠᠭᠠᠢ ᠰᠦᠰᠦ ᠲᠠᠢ ᠪᠠᠶᠢᠳᠠᠭ | ᠮᠤᠬᠤᠰᠢ ᠦᠭᠡᠢ ᠲᠡᠮᠡᠤᠯᠬᠦ | ᠮᠤᠩᠭᠤᠯ ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ ᠪᠠᠷ | ᠬᠦᠴᠦᠷᠬᠡᠭ ᠤᠯᠤᠰ ᠤᠨ ᠢᠶᠠᠨ ᠬᠦᠭᠵᠢᠯᠳᠡ ᠳᠤ | ᠬᠦᠴᠦᠨ ᠴᠢᠳᠠᠯ ᠢᠶᠠᠨ ᠡᠷᠭᠦᠵᠡᠭᠡᠶᠡ︕ | ᠮᠢᠳᠠᠷᠠᠰᠢ ᠦᠭᠡᠢ ᠵᠢᠳᠭᠦᠯᠬᠦ | ᠮᠤᠩᠭᠤᠯ ᠮᠤᠷᠢᠨ ᠤ ᠵᠤᠷᠢᠭ ᠰᠠᠨᠠᠭᠠ ᠪᠠᠷ | ᠮᠠᠨᠳᠤᠭᠰᠠᠨ ᠲᠦᠷᠦ ᠶᠢᠨ ᠢᠶᠠᠨ ᠢᠷᠡᠭᠡᠳᠦᠢ ᠳᠤ | ᠮᠠᠬᠠᠷᠠᠨ ᠴᠢᠷᠮᠠᠶᠢᠵᠤ ᠲᠡᠮᠡᠴᠡᠵᠡᠭᠡᠶᠡ︕ | | |