| ᠮᠤᠩᠭᠤᠯᠴᠤᠤᠨ ᠤ ᠪᠠᠶᠠᠷ ᠤᠨ ᠶᠤᠰᠤᠯᠠᠯ ᠳᠤ ᠬᠠᠲᠠᠭ ᠢ ᠡᠳ᠋ ᠤᠨ ᠮᠠᠩᠯᠠᠢ ᠪᠤᠯᠭᠠᠨ ᠪᠠᠷᠢᠲᠠᠭ᠃ ᠬᠠᠲᠠᠭ ᠨᠢ | ᠬᠡ ᠤᠭᠠᠯᠵᠠ᠂ ᠥᠰᠥᠭ ᠴᠢᠭ ᠢᠶᠠᠷ ᠢᠶᠠᠨ ᠮᠠᠰᠢ ᠤᠯᠠᠨ ᠶᠠᠩᠵᠤ ᠪᠥᠭᠡᠳ ᠤᠷᠲᠤ ᠪᠤᠭᠤᠨᠢ ᠪᠠᠷ ᠢᠶᠠᠨ ᠴᠤ | ᠬᠠᠷᠢᠯᠴᠠᠨ ᠠᠲᠠᠯᠢ ᠥᠭᠡᠢ ᠪᠠᠶᠢᠲᠠᠭ᠃ ᠬᠡ ᠴᠢᠮᠡᠭ ᠤᠨ ᠪᠠᠶᠢᠲᠠᠯ ᠢᠶᠠᠷ ᠬᠥᠮᠥᠨ ᠤ ᠲᠥᠷᠰᠤ ᠲᠠᠢ ᠠᠶᠤᠰᠢ ᠬᠠᠲᠠᠭ ᠢ | ᠡᠴᠢᠭᠡ ᠡᠬᠡ᠂ ᠠᠬᠠᠮᠠᠳ ᠨᠠᠰᠤᠲᠠᠨ ᠡᠷᠬᠢᠮ ᠬᠥᠮᠥᠨ ᠳᠤ ᠭᠤᠤᠯᠴᠢᠯᠠᠨ ᠪᠠᠷᠢᠬᠤ ᠪᠥᠭᠡᠳ ᠨᠠᠷᠠ ᠰᠠᠷᠠ᠂ ᠥᠰᠥᠭ | ᠪᠥᠬᠦᠢ ᠨᠠᠨᠵᠢᠸᠠᠩᠲᠠᠨ ᠬᠠᠲᠠᠭ ᠢ ᠶᠡᠭᠡᠪᠴᠢᠯᠡᠨ ᠤᠷᠰᠢᠭᠤᠯᠭᠠ ᠶᠢᠨ ᠶᠤᠰᠤᠯᠠᠯ ᠳᠤ ᠬᠡᠷᠡᠭᠯᠡᠨᠡ᠃ ᠬᠠᠲᠠᠭ ᠢ ᠪᠠᠷᠢᠬᠤ | ᠬᠥᠮᠥᠨ ᠤᠷᠤᠭᠤ ᠪᠠᠨ ᠠᠮᠠ ᠶᠢ ᠨᠢ ᠬᠠᠷᠠᠭᠤᠯᠵᠤ ᠬᠥᠨᠲᠤ ᠶᠢᠨ ᠡᠷᠡᠮᠪᠡ ᠪᠠᠷ ᠮᠡᠬᠦ᠋ᠢᠬᠦ ᠪᠤᠶᠤ ᠰᠥᠬᠦᠳᠴᠤ ᠪᠠᠷᠢᠨᠠ᠃ | ᠠᠪᠬᠤ ᠬᠥᠮᠤᠨ ᠨᠢ ᠬᠠᠷᠢᠭᠤ ᠮᠡᠬᠦ᠋ᠢᠰᠬᠢᠨ ᠬᠠᠲᠠᠭ ᠢ ᠬᠤᠶᠠᠷ ᠭᠠᠷᠲᠠᠨ ᠠᠪᠤᠭᠠᠳ ᠨᠢᠮᠪᠠᠢ ᠡᠪᠬᠡᠵᠤ᠂ ᠬᠢᠮᠠᠭᠠᠲᠠᠬᠤ | ᠶᠤᠰᠤᠲᠠᠢ᠃ ᠬᠠᠲᠠᠭ ᠢ ᠪᠠᠷᠢᠬᠤ ᠳᠠᠭᠠᠨ ᠤᠤᠯ ᠶᠤᠰᠤᠯᠠᠯ ᠤᠨ ᠲᠤᠬᠠᠢ ᠪᠡᠯᠭᠡ ᠲᠠᠢ ᠥᠭᠡ ᠥᠬᠦᠯᠡᠵᠤ ᠰᠡᠬᠦᠯ ᠳᠤᠨᠢ | ᠡᠯᠡ ᠪᠠᠶᠠᠷ ᠲᠤ ᠨᠡᠶᠢᠴᠡᠬᠦᠯᠥᠨ ᠪᠠᠷᠢᠬᠤ ᠬᠠᠲᠠᠭ ᠤᠨ ᠢᠶᠠᠨ ᠲᠤᠬᠠᠢ ᠲᠤᠤᠷᠠᠬᠢ ᠥᠭᠡ ᠶᠢᠨ ᠠᠯᠢ ᠨᠢᠭᠡ ᠶᠢ ᠬᠡᠯᠡᠵᠤ | ᠬᠠᠲᠠᠭ ᠢᠶᠠᠨ ᠭᠠᠷᠲᠠᠭᠤᠯᠤᠨᠠ᠃ | ᠬᠠᠲᠠᠭ ᠪᠠᠷᠢᠬᠤ ᠳᠤ ᠬᠡᠯᠡᠬᠦ ᠥᠭᠡ | ᠴᠠᠭᠯᠠᠰᠢ ᠥᠭᠡᠢ ᠤᠷᠲᠤ ᠨᠠᠰᠤᠲᠤ ᠠᠷᠢᠭᠤᠨ ᠬᠠᠲᠠᠭ | ᠲᠡᠭᠰᠢ ᠡᠷᠭᠡ ᠶᠢᠨ ᠲᠡᠭᠷᠢ ᠠᠴᠠ ᠴᠡᠴᠡᠭᠯᠡᠭᠰᠡᠨ | ᠲᠡᠯᠭᠡᠷᠡᠩᠬᠦᠢ ᠤᠷᠲᠤ ᠨᠠᠰᠤᠲᠤ ᠠᠷᠢᠭᠤᠨ ᠴᠠᠭᠠᠨ ᠬᠠᠲᠠᠭ | ᠢᠲᠡᠭᠡᠨ ᠤ ᠲᠡᠭᠡᠵᠢ ᠡᠯᠢᠭᠡᠨ ᠴᠠᠭᠠᠨ ᠲᠠᠷᠠᠭ | ᠡᠳ᠋ ᠤᠨ ᠲᠡᠭᠡᠵᠢ ᠠᠷᠢᠭᠤᠨ ᠴᠠᠭᠠᠨ ᠬᠠᠲᠠᠭ | ᠥᠨᠲᠤᠷ ᠨᠠᠰᠤᠲᠠᠢ ᠪᠤᠶᠤ ᠨᠤᠲᠤᠭ ᠤᠰᠤᠨ ᠳᠠᠭᠠᠨ ᠨᠡᠷᠡᠲᠡᠢ ᠬᠥᠮᠥᠰ ᠲᠤ ᠬᠠᠲᠠᠭ ᠪᠠᠷᠢᠵᠤ ᠵᠤᠯᠭᠠᠬᠤ ᠶᠤᠰᠤ | ᠪᠠᠶᠢᠲᠠᠭ᠃ ᠲᠡᠬᠦᠤ ᠬᠥᠮᠥᠨ ᠬᠠᠲᠠᠭ ᠢᠶᠠᠨ ᠭᠠᠷᠭᠠᠵᠤ ᠠᠮᠠ ᠶᠢ ᠨᠢ ᠵᠤᠯᠭᠠᠬᠤ ᠬᠥᠮᠥᠨ ᠲᠡᠰᠢ ᠬᠠᠷᠠᠭᠤᠯᠵᠤ ᠬᠤᠶᠠᠷ | ᠭᠠᠷᠲᠠᠨ ᠪᠠᠷᠢᠭᠰᠠᠭᠠᠷ ᠵᠤᠯᠭᠠᠵᠤ ᠪᠤᠢ ᠬᠥᠮᠥᠨ ᠤ ᠬᠤᠶᠠᠷ ᠭᠠᠷ ᠲᠡᠭᠡᠷᠡ ᠲᠠᠯᠪᠢᠭᠰᠠ ᠤ ᠲᠠᠷᠠᠭᠠ ᠵᠤᠯᠭᠠᠨᠠ᠃ | ᠬᠠᠲᠠᠭ ᠠᠪᠴᠤ ᠪᠠᠶᠢᠭᠠ ᠬᠥᠮᠥᠨ ᠬᠠᠲᠠᠭ ᠢᠶᠠᠨ ᠬᠠᠪᠰᠤᠷᠤᠨ ᠬᠤᠷᠢᠶᠠᠭᠠᠳ ᠮᠥᠨ ᠬᠠᠲᠠᠭ ᠲᠠᠢ ᠪᠠᠨ ᠵᠤᠯᠭᠠᠵᠤ ᠴᠤ | ᠪᠤᠯᠤᠨᠠ᠃ ᠬᠠᠲᠠᠭ ᠲᠠᠯᠪᠢᠵᠤ ᠪᠤᠢ ᠬᠥᠮᠤᠨ ᠬᠠᠲᠠᠭ ᠢᠶᠠᠷ ᠢᠶᠠᠨ ᠪᠥᠬᠦ ᠬᠤᠷᠤᠭᠤ ᠶᠢ ᠪᠥᠲᠡᠭᠡᠵᠤ ᠪᠤᠯᠬᠤ ᠥᠭᠡᠢ᠃ | ᠬᠠᠲᠠᠭ ᠢᠶᠠᠨ ᠡᠷᠡᠭᠡᠢ ᠬᠤᠷᠤᠭᠤᠨ ᠳᠤᠨᠢ ᠲᠤᠯᠭᠠᠵᠤ ᠠᠯᠠᠭᠠᠨ ᠳᠤᠨᠢ ᠪᠠᠭᠲᠠᠭᠠᠵᠤ ᠲᠠᠯᠪᠢᠨᠠ᠃ ᠬᠠᠲᠠᠭ ᠢᠶᠠᠨ | ᠲᠠᠯᠪᠢᠬᠤ ᠳᠠᠭᠠᠨ ᠮᠡᠨᠲᠤ ᠮᠠᠲᠡᠵᠤ ᠪᠤᠯᠬᠤ ᠥᠭᠡᠢ᠃ ᠬᠠᠲᠠᠭ ᠢᠶᠠᠨ ᠠᠪᠴᠢᠬᠠᠭᠠᠳ ᠵᠤᠯᠭᠠᠬᠤ ᠳᠠᠭᠠᠨ ᠮᠡᠨᠲᠤ ᠪᠠᠨ | ᠮᠡᠲᠡᠨᠡ᠃ | ᠴᠠᠭᠠᠨ ᠰᠠᠷᠠ ᠶᠢᠨ ᠶᠤᠰᠤᠨ — ᠴᠠᠭᠠᠨ ᠰᠠᠷᠠ ᠪᠠᠷ ᠴᠡᠭᠡᠷᠯᠡᠬᠦ ᠵᠥᠢᠯ | — ᠥᠢᠯᠡ ᠥᠷᠲᠡᠰᠤ ᠬᠢᠬᠦ᠂ ᠢᠯᠠᠩᠭᠤᠶᠠ ᠬᠠᠭᠤᠴᠢᠨ ᠶᠠᠭᠤᠮᠠ ᠤᠶᠤᠵᠤ ᠰᠢᠷᠢᠬᠦ ᠶᠢ ᠴᠡᠭᠡᠷᠯᠡᠨᠡ᠃ | — ᠡᠳ᠋ ᠮᠠᠯ ᠵᠢᠭᠡᠯᠡᠭᠡ ᠪᠠᠷ ᠥᠭᠬᠦᠪᠡᠯ ᠭᠠᠷᠤᠵᠠ ᠶᠢᠨ ᠡᠭᠦᠲᠡ ᠨᠡᠭᠡᠭᠡᠭᠲᠡᠨᠡ ᠬᠡᠮᠡᠨᠡ᠃ | — ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠠᠶᠢᠯ ᠳᠤ ᠬᠤᠨᠤᠪᠠᠯ ᠲᠡᠷᠨ ᠵᠢᠯ ᠳᠡᠭᠡᠨ ᠭᠡᠷ ᠲᠡᠭᠡᠨ ᠲᠤᠭᠲᠠᠬᠤ ᠥᠭᠡᠢ ᠶᠢᠨ | ᠶᠤᠷᠤ ᠬᠡᠮᠡᠨᠡ᠃ | — ᠰᠠᠷᠠ ᠰᠢᠨᠡ ᠪᠠᠷ ᠤᠬᠢᠯᠠᠬᠤ᠂ ᠬᠡᠷᠡᠯᠲᠡᠬᠦ᠂ ᠰᠢᠷᠥᠬᠦᠨ ᠥᠭᠡ ᠬᠡᠯᠡᠪᠡᠯ ᠲᠡᠷᠨ ᠵᠢᠯ ᠳᠡᠭᠡᠨ ᠬᠡᠯᠡ ᠠᠮᠠ | ᠂ ᠵᠤᠪᠠᠯᠠᠩ ᠲᠠᠰᠤᠷᠠᠬᠤ ᠥᠭᠡᠢ ᠪᠤᠯᠥᠨᠡ ᠬᠡᠮᠡᠨᠠ᠃ | — ᠰᠢᠨᠡ ᠶᠢᠨ ᠨᠢᠭᠡᠨ ᠳᠤ ᠥᠨᠡᠰᠤ ᠬᠤᠭ ᠢᠶᠠᠨ ᠭᠠᠷᠭᠠᠬᠤ᠂ ᠵᠤᠴᠢᠨ ᠤ ᠥᠭᠡᠲᠡ ᠠᠴᠠ ᠪᠡᠶᠡ | ᠵᠠᠰᠬᠠᠤ ᠪᠠᠷ ᠶᠠᠪᠤᠬᠤ ᠲᠡᠷᠢᠬᠦᠲᠡᠨ ᠵᠤᠬᠢᠰ ᠥᠭᠡᠢ ᠪᠠᠶᠢᠲᠠᠯ ᠢ ᠲᠤᠰ ᠲᠤᠰ ᠴᠡᠭᠡᠷᠯᠡᠲᠡᠭ᠃ ᠡᠲᠤᠷ ᠬᠡᠪᠲᠡᠬᠦ᠂ | ᠤᠨᠲᠠᠬᠤ ᠶᠢ ᠴᠡᠭᠡᠷᠯᠡᠲᠡᠭ᠃ ᠡᠪᠡᠳᠴᠢᠨ ᠲᠠᠢ ᠬᠥᠮᠤᠨ ᠪᠤᠯᠪᠠᠴᠤ ᠶᠤᠰᠤ ᠪᠡᠯᠭᠡ ᠶᠢ ᠪᠤᠲᠤᠵᠤ ᠤᠷᠤ ᠠᠴᠠ ᠪᠤᠰᠤᠨ | ᠰᠠᠭᠤᠵᠤ᠂ ᠪᠥᠰᠡ ᠪᠠᠨ ᠪᠥᠰᠡᠯᠡᠵᠤ ᠵᠤᠯᠭᠠᠨᠠ᠃ | — ᠰᠢᠨᠡ ᠶᠢᠨ ᠲᠤᠯᠤᠭᠠᠨ ᠳᠤ ᠠᠶᠢᠯ ᠭᠡᠰᠤᠬᠦ᠂ ᠭᠠᠲᠠᠭᠰᠢ ᠵᠤᠴᠢᠯᠠᠬᠤ ᠶᠢ ᠨᠡᠶᠢᠲᠡ ᠪᠠᠷ ᠴᠡᠭᠡᠷᠯᠡᠲᠡᠭ᠃ | ᠬᠠᠷᠢᠨ ᠵᠠᠷᠢᠮ ᠨᠤᠲᠤᠭ ᠲᠤ ᠲᠤᠯᠤᠭᠠᠨ ᠪᠤᠷᠬᠠᠨ ᠤᠲᠤᠨ ᠳᠠᠭᠠᠨ ᠰᠠᠴᠤᠯᠢ ᠡᠷᠬᠦᠵᠤ ᠲᠡᠬᠢᠲᠠᠭ ᠪᠠᠶᠢᠨᠠ᠃ | — ᠰᠢᠨᠡ ᠶᠢᠨ ᠭᠤᠷᠪᠠᠨ ᠠᠴᠠ ᠬᠤᠶᠢᠰᠢ ᠰᠠᠷᠠ ᠬᠠᠭᠤᠴᠢᠷᠠᠯᠠ ᠬᠡᠮᠡᠵᠤ ᠲᠡᠬᠢᠯ᠂ ᠲᠠᠪᠠᠭ ᠤᠨ ᠢᠲᠡᠭᠡ᠂ | ᠰᠢᠬᠦᠰᠤ ᠪᠠᠨ ᠬᠤᠷᠢᠶᠠᠵᠤ᠂ ᠭᠡᠰᠤᠯ ᠵᠤᠭᠰᠤᠨᠠ᠃ ᠭᠡᠪᠡᠴᠤ ᠣᠳᠤᠷ ᠨᠡᠬᠦᠲᠡᠯ ᠢᠶᠠᠷ ᠶᠠᠪᠤᠭᠰᠠᠨ ᠪᠤᠶᠤ ᠭᠠᠲᠠᠭᠰᠢ | ᠠᠵᠢᠯ ᠲᠥᠷᠤᠯ ᠢᠶᠠᠷ ᠤᠲᠤᠭᠰᠠᠨ ᠬᠥᠮᠤᠰ ᠴᠠᠭᠠᠨ ᠰᠠᠷᠠ ᠶᠢᠨ ᠲᠠᠷᠠᠭᠠ ᠠᠭᠤᠯᠵᠠᠬᠤ ᠳᠤ ᠵᠤᠯᠭᠠᠵᠤ ᠠᠮᠤᠷ ᠮᠡᠨᠲᠤ | ᠪᠠᠨ ᠮᠡᠲᠡᠴᠡᠯᠴᠡᠲᠡᠭ ᠵᠠᠩᠰᠢᠯ ᠲᠠᠢ᠃ | ᠠᠷᠢᠬᠢ ᠤᠤᠭᠤᠵᠤ᠂ ᠠᠭᠰᠤᠮ ᠰᠤᠭᠲᠤᠭᠤ ᠲᠠᠯᠪᠢᠵᠤ ᠬᠥᠯᠴᠥᠬᠦᠷᠡᠬᠦ᠂ ᠰᠢᠨᠡ ᠰᠠᠷᠠ ᠶᠢᠨ ᠰᠢᠬᠦᠰᠤ᠂ | ᠢᠲᠡᠭᠡ ᠪᠤᠲᠠᠭᠠᠨ ᠳᠤ ᠡᠵᠡᠨ ᠤ ᠵᠥᠪᠰᠢᠶᠡᠷᠡᠯ ᠥᠭᠡᠢ ᠬᠥᠷᠴᠤ ᠰᠠᠮᠠᠷᠲᠠᠬᠤ᠂ ᠪᠠᠵᠠᠬᠤ ᠵᠡᠷᠭᠡ ᠨᠠᠭᠠᠲᠤ ᠵᠠᠬᠠ ᠶᠢᠨ | ᠶᠤᠰᠤ ᠵᠠᠶ᠋ᠢᠭ ᠲᠤᠯᠪᠠ ᠶᠢ ᠵᠥᠷᠢᠴᠡᠬᠦ ᠶᠢ ᠴᠡᠭᠡᠷᠯᠡᠨᠡ᠃ | | |