| ᠪᠤᠷᠤᠭᠠ ᠰᠢᠪᠡᠷᠡᠬᠦ ᠨᠢ ᠁ | ᠵᠣᠬᠢᠶᠠᠭᠴᠢ᠄ ᠰ᠊ · ᠦᠨᠳᠦᠷᠯᠢᠭ | ᠪᠤᠷᠤᠭᠠ ᠰᠢᠪᠡᠷᠡᠬᠦ ᠨᠢ | ᠪᠤᠯᠵᠤᠮᠤᠷ ᠤᠨ ᠲᠠᠯᠠᠪᠴᠢᠨ ᠲᠡᠭᠡᠷᠡ ᠬᠠᠪᠤᠷ ᠢᠷᠡᠬᠦ ᠠᠳᠠᠯᠢ | ᠡᠪᠡᠰᠦᠨ ᠤ ᠨᠢᠳᠤᠳ ᠨᠢ ᠴᠡᠯᠡᠭᠡᠷ ᠴᠡᠯᠡᠭᠡᠷ | ᠡᠭᠦᠯᠡᠰ ᠤᠨ ᠬᠦᠬᠡ ᠪᠤᠳᠤᠭ ᠨᠢ ᠲᠤᠰᠤᠩᠨᠠᠭᠠ ᠴᠤ ᠬᠡᠵᠢ ᠤᠤ | ᠲᠡᠭᠷᠢ ᠶᠢᠨ ᠦᠨᠦᠷ ᠢᠶᠠᠷ ᠭᠠᠵᠠᠷ ᠨᠢ ᠨᠢᠯᠬᠠᠷᠠᠵᠤ | ᠭᠠᠵᠠᠷ ᠤᠨ ᠵᠤᠯᠠᠢ ᠲᠡᠭᠡᠷᠡ ᠠᠬᠢ ᠨᠢ ᠨᠢᠳᠦᠯᠡᠨᠡ᠃ | ᠪᠤᠷᠤᠭᠠ ᠰᠢᠪᠡᠷᠡᠬᠦ ᠨᠢ | ᠬᠠᠷᠭᠠᠨᠠ ᠶᠢᠨ ᠮᠤᠳᠤᠨ ᠲᠡᠭᠡᠷᠡ ᠬᠠᠪᠤᠷ ᠴᠡᠴᠡᠭᠯᠡᠬᠦ ᠠᠳᠠᠯᠢ | ᠨᠤᠭᠤᠭᠠᠨ ᠤ ᠤᠨᠢᠶᠠᠷ ᠨᠢ ᠴᠡᠩᠭᠡᠷ ᠴᠡᠩᠭᠡᠷ | ᠠᠭᠤᠯᠠᠰ ᠤᠨ ᠬᠦᠬᠡ ᠵᠡᠷᠭᠡᠯᠭᠡ ᠨᠢ ᠠᠯᠢᠶᠠᠯᠠᠭᠠ ᠴᠤ ᠬᠡᠵᠢ ᠤᠤ | ᠭᠠᠵᠠᠷ ᠤᠨ ᠦᠩᠭᠡ ᠪᠠᠷ ᠲᠡᠭᠷᠢ ᠨᠢ ᠨᠠᠮᠢᠷᠠᠵᠤ | ᠲᠡᠭᠷᠢ ᠶᠢᠨ ᠬᠡᠪᠡᠯᠢ ᠳᠤ ᠰᠢᠯᠦᠭ ᠨᠢ ᠨᠢᠷᠠᠶᠢᠯᠠᠨᠠ᠃ | ᠪᠤᠷᠤᠭᠠ ᠰᠢᠪᠡᠷᠡᠬᠦ ᠨᠢ | ᠪᠤᠷᠭᠠᠰᠤᠨ ᠤ ᠮᠦᠴᠢᠷ ᠲᠡᠭᠡᠷᠡ ᠬᠠᠪᠤᠷ ᠨᠢᠳᠦᠯᠡᠬᠦ ᠠᠳᠠᠯᠢ | ᠨᠠᠭᠤᠷ ᠤᠨ ᠬᠠᠯᠢᠶᠠ ᠨᠢ ᠵᠢᠷᠪᠢᠰ ᠵᠢᠷᠪᠢᠰ | ᠭᠠᠨᠳᠠᠷᠢᠰᠤᠨ ᠤ ᠬᠡᠷᠡᠯᠳᠤ ᠰᠢᠪᠠᠭᠤᠳ ᠤᠨ ᠲᠡᠪᠳᠡᠷᠢᠬᠡ ᠴᠤ ᠶᠤᠮ ᠤᠤ | ᠴᠠᠭᠠᠨ ᠬᠤᠰᠤ ᠨᠢ ᠬᠡᠷᠡᠯᠳᠤᠵᠤ | ᠴᠠᠷᠠᠰᠤᠨ ᠤ ᠨᠠᠮᠠᠭᠠᠳ ᠨᠢ ᠬᠦᠯᠦᠭᠡᠯᠡᠨᠡ᠃ | ᠪᠤᠷᠤᠭᠠ ᠰᠢᠪᠡᠷᠡᠬᠦ ᠨᠢ | ᠪᠤᠳᠠᠨ ᠤ ᠡᠩᠭᠡᠷ ᠤᠨ ᠠᠯᠳᠠᠭᠠᠨᠠ ᠶᠢᠨ ᠨᠠᠮᠠᠭᠠᠨ ᠲᠡᠭᠡᠷᠡ | ᠪᠤᠯᠵᠤᠮᠤᠷ ᠦᠯᠢᠭᠡᠷ ᠬᠡᠯᠡᠯᠴᠡᠬᠦ ᠠᠳᠠᠯᠢ | ᠨᠤᠭᠤ ᠶᠢᠨ ᠨᠤᠭᠤᠭᠠ ᠨᠢ ᠰᠤᠭᠤᠰ ᠰᠤᠭᠤᠰ | ᠤᠷᠠᠩᠬᠠᠢ ᠡᠪᠦᠯ ᠤᠨ ᠲᠤᠷᠠᠩᠬᠠᠢ ᠵᠡᠭᠦᠳᠦᠨ ᠠᠯᠳᠠᠷᠠᠭᠠ ᠴᠤ ᠶᠤᠮ ᠤᠤ | ᠤᠷᠠᠨ ᠬᠦᠬᠦᠭᠡ ᠨᠢ ᠲᠤᠩᠭᠤᠳᠴᠤ | ᠠᠭᠤᠯᠠᠨ ᠤ ᠮᠤᠳᠤᠳ ᠨᠢ ᠨᠠᠪᠴᠢᠯᠠᠨᠠ᠃ | ᠪᠤᠷᠤᠭᠠ ᠰᠢᠪᠡᠷᠡᠬᠦ ᠨᠢ | ᠪᠤᠷᠬᠠᠳ ᠨᠤᠮ ᠤᠩᠰᠢᠬᠤ ᠠᠳᠠᠯᠢ | ᠠᠭᠤᠯᠠᠰ ᠤᠨ ᠤᠨᠢᠶᠠᠷ ᠨᠢ ᠬᠦᠪᠬᠦᠰ ᠬᠦᠪᠬᠦᠰ | ᠡᠯᠡᠩᠬᠡᠢ ᠬᠠᠪᠤᠷ ᠤᠨ ᠪᠠᠷᠠᠩᠬᠠᠢ ᠦᠯᠢᠭᠡᠷ ᠲᠠᠭᠤᠰᠤᠭᠠ ᠴᠤ ᠪᠤᠯ ᠤᠤ | ᠬᠠᠶᠢᠯ ᠭᠤᠤᠯ ᠨᠢ ᠲᠠᠭᠤᠯᠠᠯᠳᠤᠵᠤ | ᠬᠢᠯᠭᠠᠰᠤᠨ ᠤ ᠡᠭᠡᠰᠢᠭ ᠢᠶᠠᠷ ᠪᠤᠷᠤᠭᠠᠯᠠᠨᠠ᠃ | ᠪᠤᠷᠤᠭᠠ ᠰᠢᠪᠡᠷᠡᠬᠦ ᠨᠢ | ᠬᠤᠷᠤᠭᠠᠨ ᠤ ᠡᠩᠬᠡᠷ ᠬᠤᠷᠠᠭᠠ ᠢᠰᠢᠭᠡ ᠮᠠᠶᠢᠯᠠᠯᠳᠤᠬᠤ ᠠᠳᠠᠯᠢ | ᠰᠢᠯᠢ ᠶᠢᠨ ᠵᠡᠷᠭᠡᠯᠬᠡ ᠨᠢ ᠵᠢᠷᠢᠰ ᠵᠢᠷᠢᠰ | ᠰᠢᠨᠡᠬᠡᠨ ᠵᠤᠨ ᠤ ᠰᠢᠨᠡᠷᠭᠦᠦ ᠵᠡᠭᠦᠳᠦᠨ ᠲᠡᠯᠭᠡᠷᠡᠭᠡ ᠴᠤ ᠪᠤᠯ ᠤᠤ | ᠬᠤᠩᠬᠢᠷᠠᠳ ᠤᠨ ᠵᠤᠨ ᠨᠢ ᠨᠠᠭᠠᠰᠢᠯᠠᠵᠤ | ᠬᠤᠨᠢᠨ ᠨᠢᠳᠤᠨ ᠴᠡᠴᠡᠭ ᠨᠢ ᠲᠡᠯᠭᠡᠷᠡᠨᠡ᠃ | ᠪᠤᠷᠤᠭᠠ ᠰᠢᠪᠡᠷᠡᠬᠦ ᠨᠢ ᠁ | | |