| 1.ᠡᠮᠦᠨᠡ ᠬᠡᠳᠦᠨ ᠡᠳᠦᠷ ᠲᠤ ᠠᠵᠢᠯ ᠲᠥᠷᠥᠯ ᠤᠨ ᠲᠣᠲᠤᠭᠠᠳᠤ ᠶᠢᠨ ᠣᠨ ᠤ ᠬᠤᠷᠠᠯ ᠳᠤ ᠣᠷᠣᠯᠴᠠᠵᠠᠢ᠃ | ᠮᠡᠷᠭᠡᠵᠢᠯ ᠨᠢᠭᠡᠲᠡᠳ ᠨᠢᠭᠡ ᠳᠣᠣᠷᠠ ᠴᠤᠭᠯᠠᠷᠠᠭᠰᠠᠨ ᠢᠶᠠᠷ ᠥᠪᠡᠷ ᠵᠠᠭᠤᠷᠠ ᠪᠠᠨ ᠥᠭᠡᠷᠡ ᠶᠠᠭᠤᠮᠠ ᠦᠭᠡᠢ | ᠠᠵᠢᠯ ᠢᠶᠠᠨ ᠶᠠᠷᠢᠯᠴᠠᠬᠤ ᠨᠢ ᠮᠡᠳᠡᠭᠡᠵᠢ᠃ ᠯᠢ ᠯᠢᠶᠠᠩ ᠪᠣᠯ ᠮᠠᠨ ᠤ ᠬᠢᠨ ᠤ ᠲᠣᠲᠤᠷᠠ ᠣᠨᠴᠠ ᠶᠠᠷᠢᠶᠠ ᠬᠥᠭᠡᠷᠦᠭᠡ | ᠲᠠᠢ ᠳᠤ ᠣᠷᠣᠳᠠᠭ ᠢᠶᠠᠷ ᠢᠶᠠᠨ ᠠᠯᠢ ᠴᠦ ᠤᠳᠠᠭᠠᠨ ᠤ ᠬᠥᠭᠡᠷᠦᠯᠳᠦᠬᠦ ᠳᠤ ᠴᠦᠮ ᠠᠬᠤᠤ ᠠᠪᠴᠠᠯᠳᠤᠭᠠ ᠲᠠᠢ | ᠶᠠᠷᠢᠳᠠᠭ ᠯᠠ᠃ ᠭᠡᠪᠡᠴᠦ ᠳᠡᠮᠡᠢ ᠤᠳᠠᠭᠠᠳᠤᠢ ᠪᠠᠷ ᠪᠢ ᠲᠡᠭᠦᠨ ᠤ ︽ᠳᠥᠩᠬᠡᠵᠦ ᠡᠪᠯᠡᠭᠦᠯᠬᠦ︾ ᠬᠤᠶᠠᠷ ᠦᠭᠡ ᠶᠢ | ᠠᠮᠠ ᠰᠠᠯᠭᠠᠯ ᠦᠭᠡᠢ ᠶᠠᠷᠢᠳᠠᠭ ᠶᠢ ᠨᠢ ᠮᠡᠳᠡᠪᠡ᠃ ᠯᠢ ᠯᠢᠶᠠᠩ ᠮᠠᠨ ᠳᠤ ᠥᠨᠥ ᠶᠢᠨ ᠠᠯᠪᠠᠨ ᠲᠤᠰᠢᠶᠠᠯ ᠳᠤ ᠪᠠᠨ ᠪᠢ | ᠪᠦᠬᠦᠯᠢ ᠵᠢᠷᠭᠤᠭᠠᠨ ᠵᠢᠯ ᠭᠦᠶᠦᠯᠡ᠃ ᠡᠳᠦᠢ ᠵᠢᠯ ᠳᠤ ᠮᠢᠨᠤ ᠠᠵᠢᠯ ᠤᠨ ᠣᠶᠢᠯᠠᠭᠠᠭᠳᠠᠬᠤᠨ ᠪᠣᠯ ᠳᠠᠷᠤᠢ | ᠳᠥᠩᠬᠡᠵᠦ ᠪᠣᠯᠬᠤ ᠶᠢ ᠨᠢ ᠲᠥᠩᠬᠡᠵᠦ᠂ ᠨᠠᠮᠠ ᠶᠢ ᠡᠳᠦᠷᠵᠢᠨ ᠡᠭᠦᠷᠭᠡ ᠪᠠᠨ ᠪᠡᠶᠡᠯᠡᠭᠦᠯᠦᠭᠡᠳ ᠲᠣᠭᠲᠠᠭᠰᠠᠨ | ᠴᠠᠭ ᠲᠤ ᠠᠵᠢᠯ ᠠᠴᠠ ᠮᠠᠨᠢ ᠪᠠᠭᠤᠯᠭᠠᠪᠠᠯ ᠯᠠ ᠪᠣᠯᠴᠢᠬᠠᠬᠤ ᠨᠢ ᠲᠡᠷᠡ ᠭᠡᠬᠦ ᠶᠤᠮ᠃ ︽ᠪᠠᠭᠠ ᠶᠠᠪᠤᠳᠠᠯ ᠢ | ᠲᠥᠩᠬᠡᠵᠦ ᠪᠣᠯᠣᠨᠠ᠂ ᠵᠠᠷᠴᠢᠮ ᠤᠨ ᠴᠢᠨᠠᠷᠲᠠᠢ ᠠᠰᠠᠭᠤᠳᠠᠯ ᠳᠤ ᠬᠠᠰᠢᠯᠠ ᠨᠠᠷᠢᠨ ᠨᠢᠮᠪᠠᠢ ᠬᠠᠨᠳᠤᠬᠤ ᠬᠡᠷᠡᠭᠲᠡᠢ ᠰᠢᠦ | ᠳ᠋ᠠ︾ ᠭᠡᠵᠦ ᠲᠡᠷᠭᠡᠳᠡᠬᠢ ᠬᠠᠮᠲᠤ ᠠᠵᠢᠯᠯᠠᠭᠴᠢ ᠨᠢ ᠢᠨᠢᠶᠡᠮᠰᠦᠭᠯᠡᠭᠰᠡᠭᠡᠷ ᠬᠡᠯᠡᠪᠡ᠃ ᠯᠢ ᠯᠢᠶᠠᠩ ᠥᠯᠥ | ᠲᠣᠭᠤᠮᠰᠠᠷᠯᠠᠨ ᠭᠠᠷ ᠲᠣᠬᠢᠭᠰᠠᠭᠠᠷ᠄ ︽ᠲᠡᠭᠡᠭᠰᠡᠭᠡᠷ ᠴᠢ ᠳᠡᠩᠳᠡᠭᠦᠦ ᠪᠣᠳᠣᠯᠭᠠ ᠪᠣᠯᠵᠤ ᠪᠠᠶᠢᠨᠠ ᠡ᠂ ᠪᠢ ᠰᠠᠪ | ᠰᠠᠶᠢᠬᠠᠨ ᠲᠥᠩᠬᠡᠭᠡᠳ ᠪᠣᠯᠵᠤ ᠯᠠ ᠪᠠᠶᠢᠭᠠ ᠪᠢᠰᠢ ᠦᠦ︖︾ ᠭᠡᠪᠡ᠃ ᠶᠠᠷᠢᠭᠰᠠᠭᠠᠷ ᠪᠠᠶᠢᠵᠤ ᠡᠴᠦᠰ ᠲᠤ ᠪᠠᠨ | ᠬᠠᠵᠠᠭᠤᠳᠠᠬᠢ ᠠᠵᠢᠯ ᠨᠢᠭᠡᠲᠡᠳ ᠠᠶᠠᠨᠳᠠᠭᠠᠨ ᠳᠤᠤᠭᠠᠷᠬᠤ ᠦᠭᠡᠢ ᠪᠣᠯᠬᠤ ᠶᠢ ᠦᠵᠡᠭᠡᠳ᠂ ᠯᠢ ᠯᠢᠶᠠᠩ ᠠᠷᠭᠠ | ᠪᠤᠶᠤ ᠤᠷᠮᠠ ᠬᠠᠷᠢᠵᠤ ᠳᠤᠭᠤᠢ ᠪᠣᠯᠪᠠ᠃ ᠡᠳᠡᠭᠡᠷ ᠦᠭᠡ ᠶᠢ ᠰᠣᠨᠣᠰᠤᠭᠠᠳ ᠪᠢ ᠲᠡᠰᠭᠡᠯ ᠦᠭᠡᠢ ᠲᠡᠷᠭᠡᠳᠡ | ᠰᠠᠭᠤᠭᠠ ᠲᠡᠭᠦᠨ ᠢ ᠨᠠᠷᠢᠨ ᠠᠵᠢᠭᠯᠠᠵᠠᠢ᠃ ᠭᠤᠴᠢ ᠭᠠᠷᠦ᠋ᠢᠬᠠᠨ ᠨᠠᠰᠤᠨ ᠳᠤ ᠪᠠᠨ ᠲᠣᠯᠣᠭᠠᠢ ᠶᠢᠨ ᠦᠰᠦ ᠨᠢ | ᠲᠣᠭᠠᠲᠠᠶᠢᠬᠠᠨ ᠦᠯᠡᠳᠡᠵᠦ᠂ ᠨᠢᠭᠤᠷ ᠴᠢᠷᠠᠢ ᠳᠤᠨᠢ ᠨᠢᠭᠤᠵᠤ ᠳᠡᠶᠢᠯᠬᠦ ᠦᠭᠡᠢ ᠵᠣᠷᠢᠭ ᠮᠣᠬᠤᠵᠤ ᠵᠦᠳᠡᠷᠡᠭᠰᠡᠨ | ᠪᠠᠶᠢᠳᠠᠯ ᠢᠯᠡᠳᠲᠡ ᠪᠠᠶᠢᠯᠠ᠃ ᠬᠥᠮᠥᠨ ᠢ ᠵᠢᠰᠦ ᠪᠠᠷ ᠵᠢᠱᠢᠵᠦ ᠪᠣᠯᠬᠤ ᠦᠭᠡᠢ ᠭᠡᠳᠡᠭ᠂ ᠭᠡᠪᠡᠴᠦ ᠡᠳᠡᠭᠡᠷ | ᠵᠢᠯ ᠤᠳ ᠲᠤ ᠲᠡᠭᠦᠨ ᠤ ︽ᠳᠥᠩᠭᠡᠬᠦ︾ ᠨᠢ ᠦᠵᠡᠬᠦ ᠳᠤ ᠠᠵᠢᠯ ᠤᠨ ᠬᠢᠨ ᠳᠠᠷᠤᠯᠲᠠ ᠶᠢ ᠬᠥᠩᠭᠡᠯᠡᠭᠰᠡᠨ ᠪᠣᠯᠪᠠᠴᠤ | ᠦᠨᠡᠨ ᠳᠡᠭᠡᠷᠡ ᠪᠠᠨ ᠲᠡᠷᠡ ᠮᠡᠳᠡᠭᠰᠡᠨ ᠴᠦ ᠦᠭᠡᠢ ᠪᠠᠷ ᠬᠦᠮᠦᠨ ᠤ ᠠᠮᠢᠳᠤᠷᠠᠯ ᠢᠶᠠᠨ ᠱᠦᠭᠦᠭᠳᠡᠯᠡ ᠭᠡᠵᠦ | ᠲᠥᠰᠥᠭᠡᠯᠡᠵᠦ ᠪᠣᠯᠣᠨᠠ᠃ ᠢᠮᠠᠭᠲᠠ ︽ᠳᠥᠩᠭᠡᠬᠦ︾ ᠰᠡᠳᠬᠢᠭᠦᠢ ᠪᠠᠷ ᠠᠵᠢᠯ ᠳᠤ ᠪᠠᠨ ᠬᠠᠨᠳᠤᠭᠰᠠᠳ ᠤᠨ | ᠬᠥᠮᠥᠨ ᠤ ᠠᠮᠢᠳᠤᠷᠠᠯ ᠨᠢ ᠴᠦ ᠯᠠᠪᠲᠠᠢ ︽ᠳᠥᠩᠭᠡᠯ︾ ᠤᠨ ᠳᠤᠮᠳᠠ ᠥᠩᠭᠡᠷᠡᠭᠡᠬᠦ ᠪᠠᠶᠢᠯᠭᠦᠢ᠃ | 2.︽ᠳᠥᠩᠭᠡᠬᠦ︾ ᠠᠪᠤᠭᠠᠢ ᠶᠢᠨ ᠭᠠᠷᠴᠤ ᠢᠷᠡᠭᠰᠡᠨ ᠨᠢ ᠨᠠᠮᠠ ᠶᠢ ᠥᠭᠡᠷᠡ ᠨᠢᠭᠡᠨ ︽ᠡᠪᠯᠡᠭᠦᠯᠬᠦ︾ | ᠠᠪᠠᠭ᠋ᠠᠢ ᠶᠢᠩᠽᠢ ᠶᠢ ᠰᠠᠨᠠᠭᠳᠠᠭᠤᠯᠪᠠ᠃ ᠶᠢᠩᠽᠢ ᠪᠣᠯ ᠮᠢᠨᠤ ᠲᠦᠷᠦᠭᠦᠦ ᠬᠠᠮᠲᠤ ᠠᠵᠢᠯᠯᠠᠭᠴᠢ᠂ ᠺᠣᠮᠫᠠᠨᠢ ᠳᠤ | ᠵᠠᠰᠠᠭ ᠵᠠᠬᠢᠷᠭᠠᠨ ᠤ ᠲᠤᠰᠠᠯᠠᠭᠴᠢ ᠶᠢᠨ ᠠᠵᠢᠯ ᠬᠢᠳᠡᠭ ᠲᠡᠷᠡ ᠶᠡᠷᠦ ᠨᠢ ᠶᠡᠷᠦᠳᠡ ᠶᠢᠨ ᠬᠡᠷᠡᠭᠯᠡᠳᠡᠭ ᠤᠨ ᠶᠠᠷᠢᠶᠠ ᠲᠠᠢ᠄ | ᠡᠪᠯᠡᠭᠦᠯᠵᠦ ᠪᠠᠶᠢᠭᠠᠳ ᠬᠡᠷᠡᠭᠯᠡᠴᠢᠭᠡ ᠡ᠃ ᠶᠢᠩᠽᠢ ᠡᠳᠦᠷ ᠪᠣᠯᠭᠠᠨ ᠴᠠᠭ ᠲᠤ ᠪᠠᠨ ᠠᠵᠢᠯ ᠠᠴᠠ ᠪᠠᠨ ᠪᠠᠭᠤᠳᠠᠭ | ᠪᠦᠭᠡᠳ ᠠᠵᠢᠯ ᠳᠤ ᠭᠠᠷᠬᠤ ᠳᠤ ᠪᠠᠨ ᠴᠦ ᠪᠠᠶᠢᠩᠭᠤ ᠬᠤᠵᠢᠭᠳᠠᠳᠠᠭ᠂ ᠲᠡᠭᠡᠭᠡᠳ ᠯᠠ ᠬᠠᠶᠢᠷᠠ ᠳᠤᠷᠠᠯᠠᠯ ᠲᠠᠢ | ᠪᠣᠯᠣᠭᠠᠳ ᠶᠠᠭᠠᠷᠠᠵᠤ ᠪᠠᠶᠢᠨᠠ ᠭᠡᠬᠦ ᠶᠢ ᠶᠠᠭᠠᠬᠢᠨᠠ᠃ ᠲᠡᠭᠦᠨ ᠤ ᠠᠯᠪᠠᠨ ᠰᠢᠷᠡᠭᠡ ᠨᠢ ᠬᠡᠵᠢᠶᠡᠳᠡ ᠪᠦᠬᠦ᠋ᠢᠯᠡ | ᠠᠯᠪᠠᠨ ᠭᠡᠷ ᠲᠤ ᠬᠠᠮᠤᠭ ᠤᠨ ᠡᠭᠡᠳᠡᠷᠡᠭᠰᠡᠨ ᠨᠢ ᠭᠡᠵᠦ ᠮᠡᠳᠡ᠂ ᠡᠯᠡ ᠵᠦᠢᠯ ᠤᠨ ᠪᠢᠴᠢᠭ ᠮᠠᠲ᠋ᠧᠷᠢᠶᠠᠯ ᠤᠳ ᠢ ᠨᠢᠭᠡ | ᠳᠣᠣᠷᠠ ᠣᠪᠣᠭᠠᠯᠠᠴᠢᠬᠠᠭᠠᠳ ᠡᠷᠢᠨᠡ ᠭᠡᠪᠡᠯ ᠴᠠᠭ ᠦᠷᠡᠬᠦ ᠭᠡᠵᠦ ᠳ᠋ᠠ᠂ ᠬᠡᠷᠡᠭ ᠡ᠃ ᠡᠨᠡ ᠲᠠᠯᠠ ᠪᠠᠷ ᠪᠢ ᠴᠦ | ᠲᠡᠭᠦᠨ ᠳᠤ ᠮᠠᠲ᠋ᠧᠷᠢᠶᠠᠯ ᠤᠳ ᠢᠶᠠᠨ ᠲᠥᠷᠥᠯ ᠬᠤᠪᠢᠶᠡᠨ ᠰᠠᠶᠢᠲᠤᠷ ᠡᠮᠬᠢᠯᠡᠴᠢᠭᠡ ᠭᠡᠵᠦ ᠰᠠᠨᠠᠭᠤᠯᠤᠭᠰᠠᠨ᠂ ᠭᠡᠶᠡ | ᠲᠡᠷᠡ ᠬᠢ ᠬᠢ ᠭᠡᠵᠦ ᠢᠨᠢᠶᠡᠭᠡᠳ ᠯᠠ ᠥᠩᠭᠡᠷᠡᠭᠡᠳᠡᠭ ᠪᠦᠭᠡᠳ ᠠᠵᠢᠯ ᠠᠴᠠ ᠪᠠᠭᠤᠬᠤ ᠴᠠᠭ ᠲᠤᠯᠪᠠᠯ ᠵᠣᠷᠰᠢᠯ | ᠶᠣᠰᠣᠭᠠᠷ ᠨᠢᠭᠤᠷ ᠴᠢᠷᠠᠢ ᠪᠠᠨ ᠳᠠᠬᠢᠨ ᠪᠣᠳᠣᠵᠤ ᠴᠢᠮᠡᠭᠡᠳ ᠦᠨᠳᠦᠷ ᠦᠰᠦᠭᠡᠢ ᠲᠠᠢ ᠱᠠᠬᠠᠢ ᠪᠠᠷ ᠲᠥᠷᠴᠢᠭᠢᠨᠡᠭᠦᠯᠵᠦ | ᠭᠠᠳᠠᠭᠰᠢ ᠳᠣᠪᠲᠤᠯᠤᠨᠠ ᠪᠢᠯᠡ᠃ ᠶᠡᠷᠦᠳᠡᠭᠡᠨ ︽ᠪᠠᠶᠠᠷᠲᠠᠢ︾ ᠭᠡᠬᠦ ᠦᠭᠡᠨ ᠤ ᠠᠶᠠᠰ ᠲᠠᠰᠤᠷᠠᠭᠠᠲᠤᠢ ᠪᠠᠷ | ᠬᠥᠮᠥᠨ ᠤ ᠬᠢᠨ ᠪᠠᠷᠠ ᠨᠢ ᠬᠠᠷᠠᠭᠳᠠᠬᠤ ᠪᠠᠨ ᠪᠣᠯᠢᠳᠠᠭ᠃ ᠡᠶᠢᠮᠦ ᠶᠡᠭᠡ ᠵᠢᠳᠬᠦᠭᠰᠡᠨ ᠪᠣᠯᠪᠠᠴᠤ ᠶᠢᠩᠽᠢ ᠶᠢᠨ | ᠬᠠᠶᠢᠷᠠ ᠳᠤᠷᠠᠯᠠᠯ ᠬᠠᠰᠢᠯᠠ ᠢᠯᠠᠭᠳᠠᠵᠠᠢ᠃ ᠬᠠᠶᠢᠷᠠ ᠰᠡᠳᠬᠢᠯ ᠡᠪᠳᠡᠷᠡᠭᠰᠡᠨ ᠠᠴᠠ ᠵᠣᠪᠠᠨᠢᠯ ᠭᠤᠲᠤᠷᠠᠯ ᠳᠤ ᠠᠪᠲᠠᠨ | ᠪᠠᠶᠢᠭᠰᠠᠭᠠᠷ ᠲᠡᠭᠦᠨ ᠤ ᠠᠵᠢᠯ ᠤᠯᠠᠮ ᠢᠶᠠᠷ ᠪᠠᠶᠢᠩᠭᠤ ᠠᠯᠳᠠᠭᠠ ᠭᠠᠷᠬᠤ ᠪᠣᠯᠵᠠᠢ᠂ ᠨᠢᠭᠡᠨ ᠡᠳᠦᠷ ᠲᠡᠷᠡ | ᠬᠡᠷᠡᠭᠯᠡᠭᠴᠢ ᠶᠢᠨ ᠬᠡᠯᠡᠯᠴᠡᠭᠡᠷ ᠤᠨ ᠪᠢᠴᠢᠭ ᠤᠨ ᠤᠭ ᠮᠠᠲ᠋ᠧᠷᠢᠶᠠᠯ ᠢ ᠬᠢᠴᠢᠶᠡᠮᠵᠢ ᠦᠭᠡᠢ ᠠᠴᠠ ᠴᠠᠭᠠᠰᠤ ᠦᠢᠷᠡᠭᠦᠯᠬᠦ | ᠮᠠᠰᠢᠨ ᠳᠤ ᠬᠢᠵᠦ ᠣᠷᠣᠭᠤᠯᠵᠠᠢ᠃ ᠶᠢᠩᠽᠢ ᠠᠶᠤᠨ ᠪᠠᠯᠢᠲᠠᠵᠤ᠂ ᠨᠠᠮᠠ ᠶᠢ ᠲᠠᠲᠠᠵᠤ ᠵᠣᠷᠢᠭ ᠢᠶᠠᠨ | ᠪᠦᠳᠦᠭᠦᠷᠡᠭᠦᠯᠦᠨ᠂ ᠬᠠᠮᠲᠤ ᠪᠠᠷ ᠪᠠᠶᠢᠭᠤᠯᠤᠮᠵᠢ ᠶᠢᠨ ᠵᠠᠬᠢᠷᠤᠯ ᠲᠤ ᠲᠠᠶᠢᠯᠪᠤᠷᠢᠯᠠᠬᠤ ᠪᠠᠷ ᠪᠣᠯᠪᠠ᠃ ᠵᠠᠬᠢᠷᠤᠯ ᠪᠣᠯ | ᠠᠵᠢᠯ ᠤᠨ ᠹᠷᠣᠨᠲ ᠤᠨ ᠲᠦᠢᠯ ᠤᠨ ᠰᠢᠯᠢᠳᠡᠭ ᠡᠮᠡᠭᠲᠡᠢ ᠶᠤᠮ᠂ ᠲᠡᠷᠡ ᠤᠴᠢᠷ ᠢ ᠰᠣᠨᠣᠰᠤᠭᠠᠳ ᠪᠠᠷᠢᠨ | ᠬᠢᠯᠢᠩᠨᠡᠭᠰᠡᠨ ᠦᠭᠡᠢ᠂ ᠬᠠᠷᠢᠨ ᠰᠠᠨᠠᠭᠠ ᠠᠯᠳᠠᠴᠢᠬᠠᠭᠠᠳ᠄ ︽ᠬᠠᠶᠢᠷᠠ ᠳᠤᠷᠠᠯᠠᠯ ᠤᠨ ᠦᠷᠡᠭᠳᠡᠯ ᠪᠦᠬᠦᠨ ᠦᠷᠡ | ᠳ᠋ᠦᠩ ᠲᠠᠢ ᠯᠠ ᠪᠢᠰᠢ ᠶᠤᠮ᠂ ᠭᠡᠲᠡᠯᠡ ᠴᠢ ᠦᠨᠡᠨ ᠰᠡᠳᠬᠢᠯ ᠠᠴᠠ ᠪᠠᠨ ᠴᠢᠷᠮᠠᠶᠢᠳᠠᠭ ᠯᠠ ᠶᠤᠮ ᠪᠣᠯ ᠠᠵᠢᠯ | ᠬᠠᠷᠢᠨ ᠶᠡᠷᠦ ᠠᠴᠠ ᠴᠢᠮᠠ ᠶᠢ ᠭᠤᠮᠣᠳᠠᠭᠠᠳᠠᠭ ᠦᠭᠡᠢ ᠭᠡᠳᠡᠭ ᠢ ᠮᠡᠳᠡᠬᠦ ᠬᠡᠷᠡᠭᠲᠡᠢ ᠰᠢᠦ︾ ᠭᠡᠵᠡᠢ᠃ ︽ | ᠬᠡᠯᠡᠯᠴᠡᠭᠡᠷ ᠤᠨ ᠪᠢᠴᠢᠭ ᠢ ᠦᠢᠷᠡᠭᠦᠯᠦᠭᠰᠡᠨ︾ ᠬᠡᠷᠡᠭ ᠬᠡᠳᠦᠨ ᠤᠳᠠᠭᠠᠨ ᠤ ᠰᠠᠭᠠᠳ ᠲᠦᠪᠡᠭ ᠢ ᠲᠤᠭᠤᠯᠤᠭᠠᠳ | ᠡᠴᠦᠰ ᠲᠤ ᠪᠠᠨ ᠰᠢᠢᠳᠪᠦᠷᠢᠯᠡᠭᠳᠡᠵᠦ᠂ ᠶᠢᠩᠽᠢ ᠳᠡᠮᠡᠢ ᠤᠳᠠᠭᠰᠠᠨ ᠦᠭᠡᠢ ᠪᠤᠰᠤᠳ ᠰᠠᠯᠠᠭᠠᠨ ᠳᠤ ᠠᠵᠢᠯ | ᠰᠢᠯᠵᠢᠵᠠᠢ᠃ ᠬᠤᠵᠢᠮ ᠨᠢ ᠲᠡᠷᠡ ᠨᠠᠮᠠ ᠳᠤ ᠶᠠᠷᠢᠬᠤ ᠳᠤ ᠪᠠᠨ ᠵᠠᠬᠢᠷᠤᠯ ᠤᠨ ᠲᠡᠷᠡᠬᠦ ᠰᠤᠷᠭᠠᠯ ᠳᠤ ᠮᠠᠰᠢ | ᠪᠠᠶᠠᠷᠯᠠᠭᠰᠠᠨ᠂ ᠲᠡᠭᠦᠨ ᠢ ᠪᠢᠰᠢᠭᠦᠢ ᠣᠯᠠᠨ ᠶᠠᠭᠤᠮᠠ ᠮᠡᠳᠡᠭᠦᠯᠦᠯᠡ ᠭᠡᠬᠦ ᠶᠤᠮ᠃ | 3. ᠴᠠᠭ ᠤᠨ ᠤᠳᠠᠭᠠᠨ ᠳᠤ ᠡᠳᠦᠷᠵᠢᠨ ᠥᠩᠭᠡᠷᠡᠦ ᠵᠦᠷᠢᠶᠡ ᠦᠭᠡᠢ ᠠᠵᠢᠯ ᠶᠠᠪᠤᠳᠠᠯ ᠢ ᠳᠠᠪᠲᠠᠨ ᠳᠠᠪᠲᠠᠨ | ᠬᠢᠭᠡᠳ ᠶᠠᠮᠠᠷ ᠴᠦ ᠳᠤᠷᠠ ᠰᠣᠨᠢᠷᠬᠠᠯ ᠡᠷᠢᠵᠦ ᠣᠯᠬᠤ ᠦᠭᠡᠢ ᠮᠥᠷᠲᠡᠭᠡᠨ ᠠᠴᠢ ᠬᠠᠷᠢᠭᠤᠯᠲᠠ ᠶᠢ ᠴᠦ ᠣᠯᠵᠤ | ᠬᠠᠷᠠᠬᠤ ᠦᠭᠡᠢ᠃ ᠢᠩᠬᠢᠵᠦ ᠬᠠᠲᠠᠭᠤᠵᠢᠯᠲᠠᠢ ᠠᠵᠢᠯᠯᠠᠭᠰᠠᠨ ᠠᠴᠠ ᠰᠢᠯᠤᠭᠤᠬᠠᠨ ᠡᠳᠦᠷ ᠡᠳᠦᠷ ᠢᠶᠠᠷ ᠡᠪᠯᠡᠭᠦᠯᠵᠦ | ᠦᠩᠭᠡᠷᠡᠭᠡᠭᠰᠡᠨ ᠨᠢ ᠳᠡᠭᠡᠷᠡ᠃ ᠠᠵᠢᠯ ᠢᠶᠠᠨ ᠶᠡᠷᠦ ᠨᠢ ᠡᠪᠯᠡᠭᠦᠯᠦᠨ ᠬᠢᠳᠡᠭ ᠬᠥᠮᠥᠰ᠂ ᠶᠡᠭᠡ ᠲᠥᠯᠥᠪ ᠪᠦᠷ ᠯᠠ | ᠡᠶᠢᠮᠦ ᠨᠢᠭᠡᠨ ᠰᠡᠳᠬᠢᠬᠦᠢ ᠪᠠᠶᠢᠬᠤ ᠭᠡᠯᠲᠡᠢ᠃ ᠡᠩ ᠤᠨ ᠠᠵᠢᠯ ᠢᠶᠠᠨ ᠰᠠᠶᠢᠲᠤᠷ ᠬᠢᠵᠦ ᠴᠢᠳᠠᠬᠤ ᠨᠢ ᠳᠠᠷᠤᠢ ᠨᠢᠭᠡᠨ | ᠮᠣᠨᠳᠠᠭ ᠠᠪᠢᠶᠠᠰ ᠪᠢᠯᠢᠭ ᠪᠣᠯᠬᠤ ᠶᠢ ᠬᠠᠷᠢᠨ ᠮᠡᠳᠡᠭᠰᠡᠨ ᠦᠭᠡᠢ ᠠᠵᠢ᠃ ᠬᠥᠮᠥᠨ ᠤ ᠬᠤᠭᠤᠷᠤᠨᠳᠤᠬᠢ ᠵᠦᠷᠢᠶᠡ ᠶᠢ | ᠶᠡᠬᠡᠰᠬᠡᠵᠦ ᠪᠠᠶᠢᠭᠠ ᠨᠢ ᠴᠢᠨᠦ ᠬᠢᠭᠰᠡᠨ ᠠᠵᠢᠯ ᠶᠠᠪᠤᠳᠠᠯ ᠠᠴᠠ ᠪᠢᠰᠢ᠂ ᠬᠠᠷᠢᠨ ᠠᠵᠢᠯ ᠶᠠᠪᠤᠳᠠᠯ ᠢ ᠬᠢᠬᠦ ᠶᠢᠨ ᠣᠪᠣᠷ | ᠬᠠᠨᠳᠤᠯᠭᠠ ᠶᠤᠮ᠃ ᠡᠮᠦᠨᠡᠬᠡᠨ ᠮᠠᠨ ᠤ ᠰᠠᠭᠤᠭᠠ ᠬᠡᠰᠡᠭ ᠲᠣᠭᠤᠷᠢᠭ ᠢ ᠳᠠᠭᠠᠭᠠᠴᠢᠯᠠᠵᠤ ᠪᠠᠶᠢᠭᠰᠠᠨ ᠲᠥᠷᠭᠡᠨ | ᠬᠦᠷᠭᠡᠯᠲᠡ ᠶᠢᠨ ᠠᠬᠠ ᠪᠠᠷᠠᠭᠠ ᠬᠦᠷᠭᠡᠬᠦ ᠳᠤ ᠪᠠᠨ ᠨᠠᠮᠠ ᠲᠠᠢ ᠲᠥᠪ ᠴᠢᠩᠭᠠ ᠪᠠᠷ ᠰᠠᠯᠬᠤ ᠶᠣᠰᠣ ᠬᠢᠵᠡᠢ᠃ | ᠬᠡᠯᠡᠬᠦ ᠪᠠᠷ ᠳᠠᠷᠠᠭᠠ ᠭᠠᠷᠠᠭ ᠠᠴᠠ ᠡᠬᠢᠯᠡᠨ ᠲᠡᠷᠡ ᠣᠨᠳᠣᠣ ᠨᠢᠭᠡᠨ ᠶᠡᠭᠡ ᠬᠡᠯᠪᠡᠷᠢ ᠶᠢᠨ ᠲᠥᠷᠭᠡᠨ ᠬᠦᠷᠭᠡᠯᠲᠡ ᠶᠢᠨ | ᠺᠣᠮᠫᠠᠨᠢ ᠳᠤ ᠬᠦᠷᠴᠦ ᠬᠡᠰᠡᠭ ᠲᠣᠭᠤᠷᠢᠭ ᠤᠨ ᠬᠠᠷᠢᠭᠤᠴᠠᠯᠭᠠᠲᠠᠨ ᠪᠣᠯᠬᠤ ᠶᠤᠮ ᠭᠡᠨᠡ᠃ ᠡᠨᠡ ᠴᠢᠮᠡᠭᠡ ᠶᠢ | ᠰᠣᠨᠣᠰᠤᠭᠠᠳ ᠪᠢ ᠠᠭᠱᠠᠨ ᠵᠠᠭᠤᠷᠠ ᠭᠠᠶᠢᠬᠠᠰᠢᠷᠠᠵᠤ ᠠᠪᠤᠭᠰᠠᠨ ᠪᠣᠯᠪᠠᠴᠤ ᠨᠠᠷᠢᠨ ᠪᠣᠳᠣᠬᠤᠯᠠᠷ ᠨᠡᠭᠡᠷᠡᠨ | ᠵᠣᠬᠢᠮᠵᠢᠲᠠᠢ ᠰᠠᠨᠠᠭᠳᠠᠵᠤ ᠪᠢᠯᠡ᠃ ᠬᠡᠳᠦ᠋ᠢᠪᠡᠷ ᠨᠢᠭᠡᠨ ᠶᠡᠷᠦᠮᠳᠡᠭ ᠲᠦᠷᠭᠡᠨ ᠬᠦᠷᠭᠡᠭᠴᠢ ᠶᠢᠨ ᠠᠵᠢᠯ ᠪᠣᠯᠪᠠᠴᠤ | ᠲᠡᠷᠡ ᠶᠡᠷᠦ ᠨᠢ ᠬᠠᠰᠢ ᠶᠠᠰᠢ ᠪᠠᠷ ᠡᠪᠯᠡᠭᠦᠯᠳᠡᠭ ᠦᠭᠡᠢ᠃ ᠲᠡᠷᠡ ᠪᠠᠷᠠᠭᠠ ᠬᠦᠷᠭᠡᠬᠦ ᠪᠦᠷᠢ ᠳᠤ ᠪᠠᠨ ᠢᠨᠢᠶᠡᠮᠰᠦᠭᠯᠡᠨ | ᠪᠠᠷᠠᠭᠠ ᠬᠦᠯᠢᠶᠡᠨ ᠠᠪᠤᠭᠴᠢ ᠶᠢᠨ ᠬᠡᠨ ᠪᠣᠯᠬᠤ ᠶᠢ ᠬᠢᠨᠠᠨ ᠬᠠᠷᠭᠤᠭᠤᠯᠵᠤ᠂ ᠬᠡᠷᠡᠭᠯᠡᠭᠴᠢ ᠠᠴᠠ ᠪᠠᠷᠠᠭᠠ ᠪᠣᠳᠠᠰ ᠢ | ᠬᠢᠨᠠᠨ ᠰᠢᠯᠭᠠᠵᠤ ᠨᠤᠲᠠᠯᠠᠭᠠᠳ ᠪᠤᠷᠤᠭᠤ ᠦᠭᠡᠢ ᠪᠣᠯᠣᠭᠰᠠᠨ ᠬᠤᠶᠢᠨᠠ ᠰᠠᠶ᠋ᠢ ᠪᠤᠴᠠᠳᠠᠭ᠃ ᠠᠵᠢᠯ ᠳᠤ ᠪᠠᠨ | ᠬᠢᠨᠠᠮᠠᠭᠠᠢ᠂ ᠠᠵᠢᠯ ᠢᠶᠠᠨ ᠳᠡᠭᠡᠳᠦᠯᠡᠳᠡᠭ᠂ ᠬᠥᠮᠥᠨ ᠤ ᠬᠤᠪᠢ ᠳᠤ ᠨᠠᠶᠢᠷᠰᠠᠭ ᠡᠭᠡᠯᠢ ᠲᠠᠢ ᠪᠣᠯᠬᠤᠷ ᠨᠡᠯᠢᠶᠡᠳ ᠣᠯᠠᠨ | ᠬᠥᠮᠥᠨ ᠪᠠᠷᠠᠭᠠ ᠭᠤᠪᠢᠭᠤᠯᠬᠤ ᠳᠤ ᠪᠠᠨ ᠬᠠᠮᠤᠭ ᠤᠨ ᠲᠦᠷᠦᠭᠦᠨ ᠳᠤ ᠲᠡᠭᠦᠨ ᠢ ᠡᠷᠢᠳᠡᠭ ᠤᠴᠢᠷᠲᠠᠢ᠃ | ᠲᠡᠭᠡᠬᠦ ᠪᠠᠷ ᠢᠶᠠᠨ ᠲᠡᠷᠡ ᠬᠡᠰᠡᠭ ᠲᠣᠭᠤᠷᠢᠭ ᠲᠤ ᠬᠠᠮᠤᠭ ᠤᠨ ᠬᠦᠷᠢᠶᠡᠯᠡᠯ ᠲᠠᠢ ᠪᠠᠷᠠᠭᠠ ᠬᠦᠷᠭᠡᠭᠴᠢ ᠪᠣᠯᠵᠠᠢ᠃ ᠪᠢ | ᠲᠡᠭᠦᠨ ᠠᠴᠠ ᠣᠨᠳᠣᠣ ᠺᠣᠮᠫᠠᠨᠢ ᠴᠢᠮᠠ ᠶᠢ ᠦᠨᠳᠦᠷ ᠴᠠᠯᠢᠩ ᠢᠶᠠᠷ ᠤᠷᠢᠯᠠ ᠪᠢᠵᠠ ᠭᠡᠵᠦ ᠠᠰᠠᠭᠤᠬᠤ ᠳᠤ᠂ ᠲᠡᠷᠡ | ᠪᠢᠰᠢᠭᠦᠷᠬᠡᠭᠰᠡᠨ ᠪᠠᠶᠢᠳᠠᠯ ᠲᠠᠢ ᠲᠣᠯᠣᠭᠠᠢ ᠪᠠᠨ ᠳᠣᠬᠢᠪᠠ᠃ ᠬᠡᠯᠡᠬᠦ ᠪᠠᠷ ᠲᠡᠷᠡ ᠺᠣᠮᠫᠠᠨᠢ ᠨᠡᠭᠡᠷᠡᠨ ᠠᠵᠢᠯ ᠨᠢᠭᠡᠲᠡᠨ ᠤ | ᠲᠣᠲᠤᠭᠠᠲᠤ ᠶᠢᠨ ᠦᠨᠡᠯᠡᠯᠲᠡ ᠢ ᠰᠣᠨᠣᠰᠤᠭᠠᠳ ᠲᠡᠭᠦᠨ ᠢ ᠡᠷᠢᠭᠰᠡᠨ ᠪᠠᠶᠢᠵᠠᠢ᠃ ᠲᠠ ᠦᠵᠡ᠂ ᠠᠮᠢᠳᠤᠷᠠᠯ | ᠦᠨᠡᠨᠳᠡᠭᠡᠨ ᠠᠰᠤᠷᠤ ᠡᠷᠬᠡ ᠲᠡᠭᠰᠢ ᠪᠢᠯᠢᠦ᠃ ᠴᠢᠨᠦ ᠠᠵᠢᠯ ᠳᠤ ᠪᠠᠨ ᠵᠢᠳᠬᠦᠭᠰᠡᠨ ᠣᠶᠣᠨ ᠴᠢᠳᠠᠯ ᠪᠣᠯᠭᠠᠨ | ᠴᠢᠮᠠ ᠳᠤ ᠢᠲᠡᠭᠡᠯ ᠬᠦᠨᠳᠦ ᠶᠢ ᠬᠤᠷᠠᠮᠳᠤᠭᠤᠯᠬᠤ ᠪᠠᠷ ᠥᠯᠥ ᠪᠠᠷᠠᠨ ᠦᠨᠡ ᠥᠷᠲᠡᠭ ᠢ ᠴᠦ ᠪᠦᠲᠦᠭᠡᠨ ᠥᠭᠳᠡᠭ᠃ | ᠡᠳᠡᠭᠡᠷ ᠢ ᠬᠠᠷᠢᠨ ᠨᠢᠭᠡ ᠬᠥᠮᠥᠨ ᠤ ᠢᠷᠡᠭᠡᠳᠦᠢ ᠳᠤ ᠪᠠᠶᠢᠵᠤ ᠪᠣᠯᠬᠤ ᠭᠠᠯᠪᠢᠷ ᠲᠥᠷᠬᠦ ᠭᠡᠵᠦ ᠶᠡᠷᠦᠩᠬᠡᠶᠢᠯᠡᠵᠦ | ᠪᠣᠯᠣᠨᠠ᠃ | 4. 8 ᠴᠠᠭ ᠠᠴᠠ ᠭᠠᠳᠠᠨᠠᠬᠢ ᠦᠶᠡ ᠨᠢᠭᠡ ᠬᠥᠮᠥᠨ ᠤ ᠠᠮᠵᠢᠯᠲᠠ ᠶᠢ ᠲᠣᠭᠲᠠᠭᠠᠨᠠ᠃ ᠲᠦᠷᠦᠭᠦᠨ ᠳᠤ | ᠡᠨᠡ ᠦᠭᠡ ᠰᠦᠯᠵᠢᠶᠡᠨ ᠳᠡᠭᠡᠷᠡ ᠶᠡᠬᠡᠳᠡ ᠳᠡᠯᠭᠡᠷᠡᠵᠡᠢ᠃ ᠮᠢᠨᠤ ᠦᠵᠡᠬᠦ ᠪᠠᠷ ᠡᠨᠡ ᠦᠭᠡᠨ ᠤ ᠦᠢᠯᠡᠳᠦᠯ ᠢ | ᠭᠠᠷᠭᠠᠶᠠ ᠭᠡᠪᠡᠯ ᠡᠷᠬᠡᠪᠰᠢ ᠤᠷᠢᠳᠠᠪᠠᠷ 8 ᠴᠠᠭ ᠤᠨ ᠲᠣᠲᠤᠷᠠᠬᠢ ᠠᠵᠢᠯ ᠢᠶᠠᠨ ᠰᠠᠶᠢᠲᠤᠷ ᠬᠢᠭᠲᠦᠨ ᠭᠡᠵᠦ ᠤᠷᠢᠳᠠᠴᠢ | ᠨᠥᠬᠦᠴᠡᠯ ᠨᠡᠮᠡᠬᠦ ᠬᠡᠷᠡᠭᠲᠡᠢ ᠪᠠᠶᠢᠨᠠ᠃ ᠡᠰᠡ ᠲᠡᠶᠢᠮᠦ ᠪᠣᠯ 8 ᠴᠠᠭ ᠤᠨ ᠲᠣᠲᠣᠷᠠᠬᠢ ᠠᠵᠢᠯ ᠳᠤ ᠪᠠᠨ ᠴᠦ ᠬᠠᠰᠢ | ᠶᠠᠰᠢ ᠬᠠᠨᠳᠤᠳᠠᠭ ᠬᠥᠮᠥᠨ᠂ 8 ᠴᠠᠭ ᠤᠨ ᠭᠠᠳᠠᠨᠠ ᠶᠠᠮᠠᠷ ᠶᠡᠭᠡ ᠠᠮᠵᠢᠯᠲᠠ ᠪᠠᠨ ᠭᠠᠷᠭᠠᠵᠤ ᠴᠢᠳᠠᠨᠠ ᠪᠢᠯᠡ︖ | ᠶᠠᠫᠣᠨ ᠤ ᠨᠢᠭᠡᠨ ᠭᠦᠨ ᠤᠬᠠᠭᠠᠨᠳᠠᠨ᠄ ᠬᠥᠮᠥᠨ ᠬᠠᠮᠢᠭᠠ ᠠᠴᠠ ᠲᠣᠭᠤᠰᠤᠲᠤ ᠶᠢᠷᠲᠢᠨᠴᠦ ᠠᠴᠠ ᠬᠤᠯᠠᠳᠠᠬᠤ ᠶᠢ | ᠬᠡᠷᠡᠭᠰᠡᠬᠦ ᠪᠢᠯᠡ︖ ᠠᠵᠢᠯ ᠤᠨ ᠭᠠᠵᠠᠷ ᠪᠣᠯ ᠣᠶᠣᠨ ᠰᠠᠨᠠᠭᠠ ᠪᠠᠨ ᠪᠢᠰᠢᠯᠭᠠᠬᠤ ᠬᠠᠮᠤᠭ ᠤᠨ ᠰᠠᠶᠢᠨ ᠲᠠᠯᠠᠪᠤᠷ | ᠮᠥᠨ᠂ ᠠᠵᠢᠯ ᠤᠨ ᠲᠣᠰ ᠪᠡᠶᠡ ᠨᠢ ᠳᠠᠷᠤᠢ ᠨᠢᠭᠡ ᠵᠦᠢᠯ ᠤᠨ ᠪᠢᠰᠢᠯᠭᠠᠯ ᠮᠥᠨ ᠭᠡᠵᠡᠢ᠃ ᠬᠡᠯᠡᠵᠦ ᠪᠠᠶᠢᠭᠠ ᠨᠢ ᠶᠠᠭ | ᠡᠨᠡ ᠶᠣᠰᠣ ᠪᠢᠯᠡ᠃ ᠦᠨᠡᠨ ᠳᠤ ᠪᠠᠨ᠂ ᠶᠠᠮᠠᠷ ᠴᠦ ᠠᠵᠢᠯ ᠭᠡᠳ ᠬᠢᠯᠪᠠᠷᠬᠠᠨ ᠪᠢᠰᠢ ᠶᠤᠮ᠂ ᠨᠡᠩ ᠴᠦ ᠶᠠᠮᠠᠷᠪᠠ | ᠠᠵᠢᠯ ᠭᠡᠳ ᠡᠬᠢᠯᠡᠮᠡᠭᠴᠡ ᠪᠠᠨ ᠰᠠᠷᠠᠭᠤᠯ ᠢᠷᠡᠭᠡᠳᠦᠢ ᠣᠯᠭᠤᠨᠠ ᠬᠡᠮᠡᠨ ᠠᠮᠠᠯᠠᠬᠤ ᠪᠠᠷ ᠦᠭᠡᠢ᠃ ᠶᠠᠮᠠᠷ ᠴᠦ | ᠠᠮᠵᠢᠯᠲᠠ ᠪᠦᠷ ᠴᠢᠨᠦ ᠤᠯᠠ ᠰᠠᠭᠤᠷᠢ ᠲᠠᠢ ᠯᠠᠪᠳᠠᠭᠤᠨ ᠪᠠᠲᠤᠲᠠᠢ ᠪᠠᠷ ᠵᠢᠳᠬᠦᠨ ᠴᠢᠷᠮᠠᠶᠢᠬᠤ ᠶᠢ ᠯᠠ ᠬᠡᠷᠡᠭᠰᠡᠨᠡ᠃ | ᠬᠥᠮᠥᠨ ᠤ ᠬᠤᠭᠤᠷᠤᠨᠳᠤᠬᠢ ᠵᠦᠷᠢᠶᠡ ᠤᠯᠠᠮ ᠢᠶᠠᠷ ᠶᠡᠬᠡᠰᠥᠭᠰᠡᠨ ᠤ ᠰᠢᠯᠲᠠᠭᠠᠨ ᠨᠢ ᠵᠠᠷᠢᠮ ᠬᠥᠮᠥᠨ ᠡᠬᠢᠯᠡᠮᠡᠭᠴᠡ | ᠰᠡᠳᠬᠢᠯ ᠲᠠᠯᠪᠢᠨ ᠠᠵᠢᠯ ᠬᠢᠬᠦ ᠶᠢᠨ ᠴᠢᠬᠤᠯᠠ ᠴᠢᠨᠠᠷ ᠢ ᠰᠠᠶᠢᠨ ᠮᠡᠳᠡᠨᠡ᠂ ᠵᠠᠷᠢᠮ ᠬᠥᠮᠥᠨ ᠬᠠᠷᠢᠨ ᠶᠡᠷᠦ ᠠᠴᠠ | ᠡᠪᠯᠡᠭᠦᠯᠵᠦ ᠳᠥᠩᠭᠡᠬᠦ ᠶᠢ ᠡᠷᠡᠬᠡᠢ ᠮᠡᠷᠭᠡᠨ ᠢᠶᠠᠷ ᠦᠵᠡᠵᠦ᠂ ᠡᠴᠦᠰ ᠲᠤ ᠪᠠᠨ ᠪᠣᠯᠭᠤᠮᠵᠢ ᠠᠯᠳᠠᠭᠠᠳ | ᠢᠷᠡᠭᠡᠳᠦᠢ ᠪᠠᠨ ᠬᠠᠷᠠᠯᠠᠭᠤᠯᠵᠤ ᠪᠠᠶᠢᠭᠠ ᠲᠡᠳᠦᠢ ᠶᠤᠮ᠃ ᠬᠥᠮᠥᠨ ᠤ ᠠᠮᠢᠳᠤᠷᠠᠯ ᠪᠣᠯ ᠵᠠᠮ ᠬᠠᠷᠭᠤᠢ ᠠᠳᠠᠯᠢ᠂ | ᠬᠠᠮᠤᠭ ᠤᠨ ᠲᠦᠲᠡ ᠵᠠᠮ ᠨᠢ ᠶᠡᠷᠦᠳᠡ ᠪᠠᠨ ᠬᠠᠮᠤᠭ ᠤᠨ ᠮᠠᠭᠤ ᠵᠠᠮ ᠮᠥᠨ᠂ ᠡᠨᠡ ᠪᠣᠯ ᠮᠡᠷᠭᠡᠨ ᠦᠭᠡ ᠪᠣᠯᠠᠢ᠃ | ᠠᠵᠢᠯ ᠳᠤ ᠪᠠᠨ ᠬᠠᠰᠢ ᠶᠠᠰᠢ ᠬᠠᠨᠳᠤᠬᠤ ᠶᠢ ᠬᠡᠵᠢᠶᠡᠳᠡ ᠪᠢᠲᠡᠭᠡᠢ ᠰᠠᠨᠠᠭᠠᠷᠬᠠ᠂ ᠴᠢ ᠠᠵᠢᠯ ᠳᠤ ᠪᠠᠨ ᠶᠠᠮᠠᠷ | ᠶᠠᠩᠵᠤ ᠶᠢᠨ ᠣᠪᠣᠷ ᠢᠶᠠᠷ ᠬᠠᠨᠳᠤᠪᠠᠯ ᠶᠠᠮᠠᠷ ᠶᠠᠩᠵᠤ ᠶᠢᠨ ᠬᠥᠮᠥᠨ ᠤ ᠠᠮᠢᠳᠤᠷᠠᠯ ᠢ ᠥᠩᠭᠡᠷᠡᠭᠡᠬᠦ ᠶᠤᠮ᠃ | | ᠨᠢᠶᠠᠨ ᠢ ᠶᠢᠨ ᠵᠣᠬᠢᠶᠠᠯ ᠢ ᠴ᠊᠂ ᠬᠠᠰᠪᠠᠭᠠᠳᠤᠷ ᠮᠣᠩᠭᠤᠯᠴᠢᠯᠠᠪᠠ | | |