| ᠤᠯᠠᠷᠢᠯ ᠤᠨ ᠦᠩᠬᠡ | ᠵᠣᠬᠢᠶᠠᠭᠴᠢ᠄ ᠲᠣᠭᠴᠢ ᠯᠣᠪᠰᠠᠩ | ︵ᠬᠦᠳᠦᠯᠦᠬᠡ ᠬᠤᠶᠠᠷ︶ | ᠬᠠᠪᠤᠷ ᠤᠨ ᠨᠠᠬᠢᠶᠠ ᠠᠮᠢᠯᠠᠯ ᠤᠨ ᠦᠩᠬᠡ ᠲᠠᠢ | ᠬᠠᠶᠢᠷᠠ ᠪᠠᠷ ᠦᠨᠦᠰᠬᠦ ᠨᠤᠭᠤᠭᠠᠨ ᠤᠷᠤᠭᠤᠯ ᠲᠠᠢ | ᠬᠠᠮᠤᠭ ᠠᠮᠢᠳᠠᠨ ᠠᠵᠠᠳᠠᠶᠢᠬᠠᠨ ᠦᠷᠡᠵᠢᠨᠡ | ᠵᠤᠨ ᠤ ᠴᠡᠴᠡᠭ ᠳᠤᠷᠠᠯᠠᠯ ᠤᠨ ᠦᠩᠬᠡ ᠲᠠᠢ | ᠵᠤᠤᠮᠠᠯᠵᠠᠨ ᠳᠡᠯᠬᠡᠷᠡᠬᠦ ᠭᠠᠯᠪᠢᠷ ᠵᠢᠰᠤᠨ ᠳᠤ ᠨᠢ | ᠵᠦᠢᠯ ᠤᠨ ᠡᠷᠪᠡᠬᠡᠢ ᠲᠠᠴᠢᠶᠠᠩᠭᠤᠢ ᠡᠷᠬᠢᠯᠳᠦᠨᠡ | ᠨᠠᠮᠤᠷ ᠤᠨ ᠨᠠᠪᠴᠢ ᠠᠯᠳᠠᠨ ᠦᠩᠬᠡ ᠲᠠᠢ | ᠨᠠᠷᠠᠨ ᠳᠤ ᠰᠢᠷᠭᠠᠯᠳᠤᠬᠤ ᠨᠠᠨᠳᠢᠨ ᠳᠤᠷᠠᠰᠣᠯ ᠳᠤ ᠨᠢ | ᠨᠠᠮᠢᠷᠠᠭᠠ ᠬᠤᠷᠠ ᠨᠠᠮᠤᠭᠤᠬᠠᠨ ᠰᠢᠪᠡᠷᠡᠨᠡ | ᠡᠪᠤᠯ ᠤᠨ ᠰᠢᠨᠵᠢ ᠪᠡᠯᠬᠡ ᠶᠢᠨ ᠦᠩᠬᠡ ᠲᠠᠢ | ᠦᠬᠢᠨ ᠰᠢᠭ ᠪᠦᠵᠢᠭᠯᠡᠬᠦ ᠴᠠᠰᠤᠨ ᠬᠡᠯᠳᠡᠰ ᠲᠤ ᠨᠢ | ᠡᠪᠦᠬᠡᠨ ᠬᠠᠶᠢᠯᠠᠰᠤ ᠰᠠᠬᠠᠯ ᠢᠶᠠᠨ ᠰᠢᠪᠳᠤᠷᠠᠨᠠ | ᠰᠠᠯᠬᠢ | ᠬᠠᠪᠤᠷ ᠤᠨ ᠨᠤᠭᠤᠭᠠᠨ ᠰᠠᠯᠬᠢ | ᠮᠤᠳᠤᠨ ᠤ ᠮᠦᠴᠢᠷ ᠢ ᠰᠠᠮᠨᠠᠨ | ᠲᠦᠯ ᠤᠨ ᠳᠠᠭᠤᠨ ᠢ ᠡᠬᠡᠰᠢᠭᠯᠡᠬᠦᠯᠵᠤ | ᠳᠦᠢᠯ ᠤᠨ ᠠᠵᠢᠯᠰᠠᠭ ᠰᠠᠨ | ᠵᠤᠨ ᠤ ᠬᠦᠬᠡ ᠰᠠᠯᠬᠢ | ᠨᠠᠭᠤᠷ ᠤᠨ ᠬᠠᠴᠠᠷ ᠢ ᠦᠨᠦᠰᠦᠨ | ᠭᠤᠤᠯ ᠭᠤᠷᠤᠬᠠ ᠶᠢ ᠰᠢᠪᠡᠨᠡᠬᠦᠯᠵᠤ | ᠭᠠᠩᠭᠠᠩ ᠬᠡᠬᠡᠨᠴᠢᠷᠬᠡᠨ ᠰᠠᠨ | ᠨᠠᠮᠤᠷ ᠤᠨ ᠰᠢᠷᠠ ᠰᠠᠯᠬᠢ | ᠡᠬᠡ ᠪᠠᠶᠢᠭᠠᠯᠢ ᠶᠢ ᠵᠢᠷᠤᠭᠯᠠᠨ | ᠨᠡᠬᠦᠳᠡᠯ ᠤᠨ ᠰᠢᠪᠠᠭᠤᠳ ᠢ ᠵᠠᠯᠠᠯᠠᠬᠦᠯᠵᠤ | ᠨᠡᠬᠡᠷᠡᠨ ᠭᠤᠶᠤᠮᠰᠤᠭ ᠰᠠᠨ | ᠡᠪᠤᠯ ᠤᠨ ᠪᠤᠭᠤᠷᠤᠯ ᠰᠠᠯᠬᠢ | ᠠᠷᠭᠠᠯ ᠤᠨ ᠤᠳᠤᠭᠠᠨ ᠳᠤ ᠬᠦᠯᠴᠤᠨ | ᠦᠳᠡᠬᠦᠰ ᠤᠨ ᠦᠯᠢᠬᠡᠷ ᠢ ᠠᠮᠳᠠᠷᠬᠠᠵᠤ | ᠦᠷᠦᠴᠠ ᠬᠠᠯᠠᠭᠤᠬᠠᠨ ᠰᠠᠨ | ᠤᠯᠠᠷᠢᠯ ᠢ ᠳᠠᠭᠠᠭᠰᠠᠨ ᠰᠠᠯᠬᠢ | ᠤᠷᠤᠭᠤᠯ ᠤᠨ ᠪᠤᠳᠤᠭ ᠰᠢᠬ ᠰᠤᠯᠢᠭᠳᠠᠪᠠᠴᠤ | ᠤᠷᠪᠠᠭᠠᠨ ᠬᠦᠷᠪᠡᠬᠡᠨ ᠵᠠᠩ ᠦᠬᠡᠢ | ᠤᠷᠴᠢᠯᠠᠩ ᠤᠨ ᠵᠢᠮᠠ ᠪᠠᠷ ᠰᠠᠯᠬᠢᠯᠠᠨᠠ | ᠦᠳᠡᠯᠬᠦ ᠶᠢᠨ ᠦᠵᠦᠬᠦᠷ ᠲᠤ | ᠦᠨᠡᠨ ᠤ ᠳᠡᠭᠷᠢ ᠤᠶᠢᠷᠠᠬᠠᠨ | ᠡᠳᠤᠷ ᠬᠤᠨᠤᠭ ᠤᠨ ᠳᠡᠯᠡᠮᠡᠷᠡᠯ | ᠬᠡᠬᠡᠨ ᠬᠠᠷᠠᠩᠭᠤᠢ ᠶᠢᠨ ᠳᠡᠮᠳᠡᠷᠢᠯ | ᠤᠨ ᠵᠢᠯ ᠤᠨ ᠤᠷᠴᠢᠯ | ᠨᠠᠷᠠᠨ ᠵᠦᠭ ᠤᠨ ᠳᠡᠨᠳᠦᠷᠬᠢᠯᠡᠯ | ᠵᠠᠭᠤᠨ ᠵᠠᠭᠤᠨ ᠤ ᠰᠤᠨᠳᠠᠯᠠᠯ | ᠬᠦᠮᠦᠨ ᠳᠡᠯᠡᠬᠡᠢ ᠶᠢᠨ ᠳᠡᠩᠴᠡᠬᠦᠷᠡᠯ | ᠦᠢᠯᠡᠰ ᠬᠦᠰᠡᠯ ᠤᠨ ᠮᠦᠷᠦᠬᠡᠳᠦᠯ | ᠵᠠᠶᠠᠭᠠᠨ ᠳᠡᠭᠷᠢ ᠶᠢᠨ ᠳᠠᠰᠢᠭᠤᠷᠳᠠᠯ | ᠦᠳᠡᠯᠬᠦ ᠶᠢᠨ ᠦᠵᠦᠬᠦᠷ ᠲᠤ | ᠦᠨᠡᠨ ᠤ ᠴᠠᠭᠠᠨ ᠳᠡᠭᠷᠢ | ᠦᠢᠷᠠᠬᠠᠨ ᠪᠠᠷᠠ ᠳᠤ ᠠᠶᠢᠰᠤᠢ | ᠦᠨᠡᠨ ᠤ ᠳᠡᠭᠷᠢ ᠳᠤ ᠪᠠᠨ ᠪᠢ ᠁ | | |