| ᠵᠣᠬᠢᠶᠠᠭᠴᠢ᠄ ᠰ᠊ · ᠪᠦᠬᠡᠴᠢᠯᠠᠭᠤ | ᠬᠦᠢᠳᠡᠨ ᠠᠴᠠ ᠠᠶᠤᠳᠠᠭ ᠬᠦᠮᠦᠨ ᠡᠪᠦᠯ ᠤᠨ ᠣᠯᠠᠷᠢᠯ ᠢ ᠲᠤᠭᠤᠳᠠᠭ ᠦᠭᠡᠢ᠃ ᠭᠡᠳᠡᠯᠡ ᠪᠢ ᠡᠪᠦᠯ ᠤᠨ | ᠣᠯᠠᠷᠢᠯ ᠳᠤ ᠬᠠᠮᠤᠭ ᠠᠴᠠ ᠲᠤᠷᠠᠳᠠᠢ᠃ ᠡᠪᠦᠯ ᠭᠡᠵᠦ ᠭᠠᠳᠠᠨᠠ ᠪᠠᠨ ᠬᠦᠢᠳᠡᠨ ᠴᠦ ᠲᠤᠳᠤᠷᠠ ᠪᠠᠨ ᠬᠠᠯᠠᠭᠤᠨ | ᠪᠠᠶᠢᠳᠠᠭ ᠶᠤᠮ ᠰᠢᠦ᠂ ᠬᠦᠮᠦᠰ ᠡ᠃ | ᠨᠠᠪᠴᠢ ᠨᠢ ᠦᠨᠳᠦᠰᠦ ᠪᠠᠨ ᠲᠡᠪᠡᠷᠢᠵᠦ ᠢᠴᠡᠭᠡᠨ ᠤ ᠠᠮᠢᠳᠠᠨ ᠰᠢᠬ ᠬᠦᠷᠦᠰᠦᠨ ᠲᠤᠤᠷᠠ ᠨᠠᠮ ᠵᠢᠮ | ᠤᠷᠤᠰᠢᠬᠤ ᠳᠤ ᠤᠢ ᠮᠤᠳᠤᠳ ᠨᠢ ᠤᠷᠤᠨ ᠳᠠᠭᠠᠨ ᠨᠢᠴᠦᠬᠦᠨ ᠵᠤᠭᠰᠤᠬᠤ ᠨᠢ ᠶᠤᠰᠤᠳᠠᠢ ᠭᠤᠸᠠ ᠰᠠᠶᠢᠬᠠᠨ ᠪᠠᠶᠠ | ᠮᠠᠭᠪᠤᠳ ᠢᠶᠠᠨ ᠭᠠᠶᠢᠬᠠᠭᠤᠯᠤᠭᠰᠠᠨ ᠸᠧᠶᠢᠨᠢᠰ ᠤᠨ ᠲᠦᠷᠢ ᠲᠦᠷᠬᠦ ᠭᠡᠮᠡᠷ ᠦᠴᠦᠭᠡᠨ ᠴᠦ ᠬᠠᠭᠤᠷᠮᠠᠭ ᠦᠭᠡᠢ ᠢᠯᠡ | ᠪᠤᠳᠠᠳᠠᠢ ᠬᠠᠷᠠᠭᠳᠠᠨᠠ᠃ ᠡᠨᠡ ᠪᠤᠯ ᠡᠪᠦᠯ ᠤᠨ ᠲᠡᠰᠪᠦᠷᠢ ᠲᠡᠪᠴᠢᠶᠡᠷᠢ᠂ ᠡᠷᠡᠰ ᠬᠠᠳᠠᠨ ᠵᠠᠩ ᠴᠢᠨᠠᠷ ᠶᠤᠮ᠃ ᠮᠦᠨ | ᠴᠦ ᠬᠦᠮᠦᠨ ᠵᠤᠨ ᠳᠤ ᠤᠷᠤᠰᠢᠬᠤᠢ ᠶᠢᠨ ᠲᠤᠬᠠᠢ ᠲᠠᠮ ᠢᠶᠠᠷ ᠭᠡᠯᠡᠭᠰᠡᠨ ᠬᠠᠶᠢᠷᠠ ᠶᠢᠨ ᠴᠠᠭᠠᠨ ᠦᠭᠡ ᠶᠤᠮ᠃ | ᠠᠯᠢᠪᠠ ᠤᠷᠭᠤᠮᠠᠯ ᠤᠨ ᠦᠨᠳᠦᠰᠦ ᠶᠢ ᠬᠠᠯᠠᠭᠤᠬᠠᠨ ᠪᠦᠪᠠᠶᠢᠯᠡᠭᠰᠡᠨ ᠬᠦᠷᠦᠰᠦ ᠰᠢᠷᠤᠢ ᠪᠠᠨ ᠲᠡᠭᠡᠵᠢᠯᠡᠨ | ᠰᠢᠳᠦᠵᠦ ᠴᠠᠰᠤ ᠨᠢ ᠬᠦᠨᠵᠢᠯᠡ ᠪᠤᠯᠵᠦ ᠴᠠᠶᠢᠷᠠᠨᠠ᠃ ᠮᠤᠳᠤᠳ ᠨᠢ ᠰᠢᠪᠠᠭᠤᠳ ᠢᠶᠠᠨ ᠦᠭᠡᠶᠢᠯᠡᠵᠦ ᠤᠶᠢᠳᠬᠠᠷᠯᠠᠬᠤ | ᠦᠶᠡ ᠳᠤ ᠨᠠᠪᠴᠢ ᠶᠢ ᠨᠢ ᠤᠷᠤᠯᠠᠵᠦ ᠴᠠᠶᠢᠷᠠᠳᠠᠯᠠ ᠲᠡᠯᠭᠡᠷᠡᠭᠡᠳ ᠰᠡᠳᠭᠢᠯ ᠢ ᠨᠢ ᠠᠷᠭᠠᠳᠠᠨᠠ᠃ ᠵᠢᠭᠠᠰᠤ | ᠵᠢᠷᠠᠭᠠᠬᠠᠢ ᠪᠠᠨ ᠬᠠᠶᠢᠷᠠᠯᠠᠵᠦ ᠬᠠᠷᠠᠮᠨᠠᠬᠤ ᠳᠠᠭᠠᠨ ᠮᠦᠰᠦ ᠨᠢ ᠭᠤᠤᠯ ᠢᠶᠠᠨ ᠪᠦᠷᠬᠦᠵᠦ ᠲᠠᠭᠤ ᠦᠭᠡᠢ ᠮᠡᠯᠴᠡᠶᠢᠨᠡ᠃ | ᠠᠭᠠᠷ ᠢᠶᠠᠨ ᠰᠦᠯᠡᠵᠦ ᠰᠠᠯᠭᠢᠨ ᠨᠢ ᠱᠤᠤᠭᠢᠨᠡ᠃ ᠬᠠᠴᠠᠷ ᠢ ᠮᠢᠨᠢ ᠦᠨᠦᠰᠬᠦ ᠪᠠᠷ ᠵᠢᠮᠵᠢᠭᠢᠨᠡᠵᠦ ᠡᠪᠡᠳᠦᠨᠡ᠃ ᠡᠨᠡ | ᠪᠤᠯ ᠨᠢᠭᠡ ᠭᠡᠯᠪᠡᠷᠢ ᠶᠢᠨ ᠴᠡᠪᠡᠷ ᠬᠠᠶᠢᠷᠠ᠃ | ᠡᠪᠦᠯ ᠪᠤᠯ ᠮᠢᠨᠦ ᠪᠠᠭᠰᠢ᠃ ᠡᠪᠡᠳᠬᠦ᠂ ᠲᠠᠭᠠᠷᠠᠬᠤ ᠶᠢ ᠮᠡᠳᠡᠬᠦᠯᠦᠭᠰᠡᠨ ᠠᠮᠢᠳᠤᠷᠠᠯ ᠤᠨ ᠬᠠᠰᠢᠷ | ᠲᠤᠷᠰᠢᠯᠭᠠ ᠲᠠᠢ ᠪᠠᠭᠰᠢ᠃ ᠲᠤᠷᠠᠯᠠᠯ ᠬᠠᠶᠢᠷᠠ ᠶᠢᠨ ᠵᠢᠩᠭᠢᠨᠢ ᠦᠨᠡᠨ ᠢ ᠲᠠᠨᠢᠭᠤᠯᠤᠭᠰᠠᠨ ᠮᠡᠳᠡᠯᠭᠡ ᠬᠦᠨ᠂ ᠲᠠᠭᠤ | ᠴᠦᠭᠡᠨ ᠪᠠᠭᠰᠢ᠃ ᠬᠠᠯᠠ ᠨᠢ ᠭᠠᠳᠠᠨᠠ ᠪᠠᠨ ᠴᠦ ᠬᠠᠶᠢᠷᠠ ᠨᠢ ᠲᠤᠳᠤᠷᠠ ᠪᠠᠨ ᠲᠦᠷᠡᠯᠵᠡᠵᠦ ᠪᠠᠶᠢᠭᠠ ᠠᠪᠤ ᠶᠢᠨ | ᠬᠠᠶᠢᠷᠠ ᠶᠢ ᠲᠠᠶᠢᠯᠪᠤᠷᠢᠯᠠᠵᠦ ᠶᠠᠷᠢᠭᠰᠠᠨ ᠦᠭᠭᠢᠶᠡᠮᠦᠷ ᠰᠡᠳᠭᠢᠯ ᠲᠠᠢ ᠡᠵᠢ ᠲᠠᠢ ᠡᠭᠡᠭᠡ ᠠᠳᠠᠯᠢ ᠪᠠᠭᠰᠢ᠃ | ᠡᠪᠦᠯ ᠮᠢᠨᠢ᠂ ᠰᠡᠷᠢᠭᠦᠨ ᠲᠤᠩᠭᠠᠯᠠᠭ ᠠᠭᠠᠷ ᠵᠠᠯᠭᠢᠵᠦ ᠲᠤᠳᠤᠭᠰᠢ ᠪᠠᠨ ᠲᠠᠶᠢᠳᠬᠤᠷᠠᠭᠰᠠᠨ ᠴᠢᠯᠠᠭᠤᠳ ᠢ | ᠴᠢᠨᠢ ᠬᠠᠷᠠᠬᠤ ᠳᠤ ᠬᠦᠢᠳᠡᠨ ᠳᠤ ᠲᠡᠯᠭᠡᠷᠡᠭᠰᠡᠨ ᠦᠩᠭᠡ ᠶᠢᠨ ᠴᠡᠴᠡᠭ ᠮᠡᠳᠦ᠃ ᠦᠳᠡᠰᠢ ᠶᠢᠨ ᠵᠡᠭᠦᠳᠦᠨ ᠳᠤ | ᠪᠠᠭᠤᠬᠤ ᠳᠠᠭᠠᠨ ᠪᠤᠭᠤᠮᠳᠠ ᠪᠠᠨ ᠰᠠᠭᠢᠭᠰᠠᠨ ᠴᠡᠷᠢᠭ ᠡᠷᠡ ᠮᠡᠳᠦ ᠤᠮᠤᠭᠯᠠᠩ ᠮᠦᠷᠳᠡᠭᠡᠨ ᠪᠠᠭᠠᠳᠤᠷᠯᠢᠭ᠃ ᠴᠢᠯᠠᠭᠤ | ᠴᠢᠨᠦ ᠡᠷᠡᠰᠭᠡᠨ ᠴᠢᠨᠠᠷ ᠢ ᠨᠠᠳᠠᠳᠥ ᠭᠠᠶᠢᠬᠠᠭᠤᠯᠤᠭᠠ ᠴᠦ ᠶᠤᠮ ᠤᠤ︖ | ᠴᠢᠰᠦ ᠰᠤᠷᠤᠬᠤ ᠰᠢᠮᠠᠭᠤᠯ᠂ ᠪᠠᠳᠠᠭᠠᠨᠠ ᠡ᠊ᠨᠳᠡ ᠠᠯᠠᠭᠠ᠃ ᠡᠪᠡᠳᠴᠢᠨ ᠲᠠᠷᠢᠭᠴᠢ ᠪᠠᠺᠲᠧᠷᠢ ᠬᠦᠷᠳᠡᠯᠡ | ᠡ᠊ᠨᠳᠡ ᠠᠯᠠᠭᠠ᠃ ᠮᠠᠯ ᠰᠦᠷᠦᠭ ᠢ ᠵᠤᠪᠠᠭᠠᠳᠠᠭ ᠭᠡᠳᠡᠭᠡᠨᠡ ᠴᠦ ᠡ᠊ᠨᠳᠡ ᠤᠷᠤᠰᠢᠵᠦ ᠴᠢᠳᠠᠬᠤ ᠦᠭᠡᠢ᠃ ᠡᠪᠦᠯ | ᠭᠡᠵᠦ ᠠᠷᠢᠭᠤᠨ ᠴᠡᠪᠡᠷ᠂ ᠡᠷᠡᠬᠦᠯ ᠰᠠᠷᠠᠭᠤᠯ ᠢ ᠡᠷᠭᠢᠮᠯᠡᠳᠡᠭ ᠤᠬᠠᠭᠠᠨᠳᠤ ᠪᠦᠰᠡᠬᠦᠢ ᠶᠢᠨ ᠪᠦᠷᠢᠯᠸᠠ᠃ ᠠᠮᠤᠷ | ᠠᠮᠤᠭᠤᠯᠠᠩ ᠤᠨ ᠬᠤᠷᠸᠠ᠃ | ᠴᠠᠰᠤ ᠮᠦᠰᠦᠨ ᠳᠤ ᠬᠤᠴᠢᠭᠳᠠᠭᠰᠠᠨ ᠠᠰᠬᠠ ᠬᠠᠯᠢᠯ ᠠᠴᠠ ᠪᠦᠷᠬᠦᠳ ᠴᠦᠢᠯᠠᠨᠠ᠃ ᠬᠦᠴᠦ ᠲᠠᠮᠢᠷ ᠢᠶᠠᠨ | ᠴᠢᠯᠠᠭᠤ ᠪᠠᠷ ᠢᠷᠯᠡᠵᠦ ᠲᠡᠭᠷᠢ ᠳᠡᠭᠡᠨ ᠡᠷᠭᠡᠯᠡᠵᠦ ᠨᠢᠰᠦᠨᠡ᠃ ᠦᠨᠳᠦᠷᠯᠢᠭ ᠤᠨ ᠬᠦᠭᠡ ᠴᠢᠨ᠋ᠸᠠ ᠬᠤᠷᠠᠭᠰᠠᠨ | ᠴᠠᠰᠤ ᠶᠢ ᠱᠠᠵᠢᠭᠢᠨᠠᠳᠠᠯᠠ ᠭᠢᠰᠭᠢᠵᠦ ᠬᠠᠷᠠᠩᠭᠤᠢ ᠰᠦᠨᠢ ᠶᠢ ᠰᠡᠮᠡᠷᠡᠳᠡᠯᠡ ᠣᠯᠢᠨᠠ᠃ ᠪᠤᠭᠤ ᠶᠢᠨ ᠰᠦᠷᠦᠭ ᠠᠷᠤ | ᠠᠭᠤᠯᠠᠨ ᠳᠤ ᠤᠷᠤᠮᠳᠠᠨᠠ᠃ ᠤᠷᠭᠢᠯᠬᠤ ᠪᠤᠯᠠᠭ ᠤᠨ ᠤᠰᠤ ᠶᠢ ᠬᠠᠨᠤᠳᠠᠯᠠ ᠤᠤᠭᠤᠭᠰᠠᠨ ᠵᠡᠭᠡᠷᠡ᠂ ᠬᠤᠯᠠᠨ | ᠤᠷᠴᠢᠨ ᠠᠬᠤᠢ ᠪᠠᠨ ᠰᠡᠷᠡᠮᠵᠢᠳᠠᠶᠢᠬᠡᠨ ᠠᠵᠢᠨᠠ᠃ ᠠᠳᠤᠭᠤᠳ ᠰᠢᠯᠢ ᠶᠢᠨ ᠲᠡᠨᠵᠢᠨ ᠳᠤ ᠤᠩᠭᠤᠯᠳᠠᠨᠠ᠃ ᠁ | ᠬᠠᠩᠭᠠᠢ ᠶᠢᠨ ᠨᠦᠮᠦᠷᠢ ᠳᠤ ᠪᠠᠭᠤᠭᠰᠠᠨ ᠭᠡᠳᠦᠨ ᠮᠤᠩᠭᠤᠯ ᠭᠡᠷ ᠤᠨ ᠬᠤᠯᠠᠩ ᠠᠴᠠ ᠠᠷᠭᠠᠯ ᠤᠨ ᠤᠳᠤᠭᠠ | ᠰᠤᠭᠤᠨᠠᠭᠯᠠᠨᠠ᠃ ᠭᠤᠶᠤ ᠪᠦᠰᠡᠭᠦᠢ ᠲᠤᠯᠭᠠ ᠶᠢᠨ ᠢᠶᠠᠨ ᠭᠠᠯ ᠢ ᠨᠡᠮᠡᠬᠦ ᠨᠢ ᠬᠠᠷᠠᠭᠳᠠᠬᠤ ᠰᠢᠬ ᠰᠠᠨᠠᠭᠳᠠᠬᠤ ᠬᠤᠷᠤᠮ | ᠬᠤᠯᠪᠤᠨ ᠪᠤᠳᠤᠯᠳᠠ ᠳᠤ ︽ᠫᠤᠯ᠂ ᠫᠤᠯ︾ ᠪᠤᠴᠠᠯᠬᠤ ᠳᠠᠭᠠᠨ ᠬᠠᠪᠬᠠᠰᠦ ᠪᠠᠨ ᠡᠷᠭᠦᠵᠦ ᠠᠭᠤᠷ ᠫᠠᠭᠠᠭᠢᠭᠰᠠᠨ | ᠲᠤᠭᠤᠭᠠ ᠲᠠᠢ ᠬᠤᠨᠢᠨ ᠮᠢᠬᠠ ᠶᠢᠨ ᠬᠠᠩᠬᠤᠯᠤᠭᠰᠠᠨ ᠦᠨᠦᠷ ᠬᠠᠮᠠᠷ ᠴᠤᠷᠭᠢᠵᠦ ᠢᠷᠡᠬᠦ ᠰᠢᠭ ᠪᠤᠯᠬᠤ ᠪᠠᠷ ᠪᠢ | ᠶᠠᠭᠠᠭᠢᠵᠦ ᠲᠦᠷᠰᠦᠯᠡᠬᠦ ᠪᠠᠨ ᠤᠯᠵᠦ ᠶᠠᠳᠠᠨ ᠦᠭᠡ ᠪᠠᠷ ᠭᠠᠴᠢᠭᠳᠠᠨᠠ ᠳ᠋ᠠ᠂ ᠬᠦᠭᠡᠷᠦᠬᠦᠢ ᠁ ᠡᠪᠦᠯ ᠭᠡᠵᠦ | ᠦᠪᠡᠷᠮᠢᠴᠡ ᠨᠢᠭᠡᠨ ᠠᠮᠢᠳᠤ ᠭᠤᠸᠠ ᠵᠢᠷᠤᠭ ᠴᠦ ᠪᠢᠯᠢᠦ︖ | ᠡᠪᠦᠯ ᠳᠤ ᠪᠢ ᠬᠠᠶᠢᠷᠠᠳᠠᠢ᠃ ᠬᠤᠳᠠᠯ ᠬᠠᠭᠤᠷᠠᠮᠭ ᠦᠭᠡᠢ ᠳᠤᠨᠢ ᠬᠠᠶᠢᠷᠠᠳᠠᠢ᠃ ᠦᠨᠡᠨ ᠢᠶᠠᠨ ᠭᠡᠯᠡᠭᠡᠳ ᠪᠡᠯᠡᠨ ᠢᠶᠠᠨ | ᠢᠳᠡᠳᠡᠭ ᠡᠵᠢ ᠶᠢᠨ ᠠᠷᠠᠨᠰᠢᠨ ᠳᠤᠨᠢ ᠲᠤᠷᠠᠳᠠᠢ᠃ ᠦᠷᠡ ᠭᠡᠦᠭᠡᠳ ᠢᠶᠠᠨ ᠭᠡᠪᠡᠯ ᠦᠪᠡᠷ ᠢ ᠪᠠᠨ ᠤᠮᠠᠷᠳᠠᠳᠠᠭ | ᠪᠤᠷᠬᠠᠨ ᠤ ᠡᠨᠡᠷᠢᠩᠬᠦᠢ ᠬᠠᠶᠢᠷᠠ ᠳᠤᠨᠢ ᠲᠤᠷᠠᠳᠠᠢ᠃ ᠵᠢᠷᠭᠠᠯ ᠢᠶᠠᠷ ᠪᠢᠰᠢ ᠬᠠᠷᠠᠳᠠᠯ ᠢᠶᠠᠷ ᠰᠤᠷᠭᠠᠳᠠᠭ ᠪᠠᠷᠤᠭᠠᠷ | ᠴᠢᠷᠠᠢ ᠲᠠᠢ ᠠᠪᠤ ᠶᠢᠨ ᠮᠢᠨᠢ ᠤᠬᠠᠭᠠᠨ ᠪᠤᠳᠤᠯ ᠲᠠᠢ ᠳᠤᠨᠢ ᠬᠠᠶᠢᠷᠠᠳᠠᠢ᠃ ᠭᠡᠬᠦ ᠳᠡᠭᠡᠨ ᠡᠵᠢ ᠮᠢᠨᠢ ᠨᠢᠭᠡ ᠡᠳᠦᠷ ︽ | ᠡᠨᠡ ᠬᠦᠦ ᠶᠢ ᠡᠪᠦᠯ ᠲᠦᠷᠦᠭᠰᠡᠨ ᠠᠴᠠ ᠶᠤᠮ ᠤᠤ︖ ᠬᠦᠢᠳᠡᠨ ᠳᠤ ᠠᠷᠭᠠ ᠦᠭᠡᠢ ᠲᠤᠷᠠᠳᠠᠢ︾ ᠭᠡᠵᠦ ᠭᠡᠯᠡᠵᠦ | ᠦᠩᠭᠡᠷᠡᠭᠰᠡᠨ ᠪᠠᠶᠢᠵᠠᠢ᠃ ᠲᠡᠶᠢᠮᠦ ᠡ᠃ ᠬᠦᠢᠳᠡᠨ ᠳᠤ ᠪᠢ ᠦᠨᠡᠨ ᠲᠤᠷᠠᠳᠠᠢ᠃ ᠬᠦᠢᠳᠡᠨ ᠳᠤ ᠭᠠᠯ ᠰᠢᠬ | ᠬᠠᠯᠠᠭᠤᠨ ᠪᠤᠢ᠂ ᠬᠠᠯᠠᠭᠤᠨ ᠳᠤ ᠮᠦᠰᠦ ᠰᠢᠭ ᠬᠦᠢᠳᠡᠨ ᠪᠤᠢ᠃ ᠪᠠᠶᠠ ᠮᠠᠠᠭᠪᠤᠳ ᠢᠶᠠᠨ ᠲᠠᠪᠳᠠᠨ ᠰᠤᠷᠢᠬᠤ᠂ | ᠰᠦᠰᠦ ᠵᠤᠷᠢᠭ ᠢᠶᠠᠨ ᠢᠷᠯᠡᠬᠦ ᠵᠢᠩᠭᠢᠨᠢ ᠬᠠᠶᠢᠷᠠ ᠶᠢᠨ ᠬᠤᠷᠸᠠ ᠭᠡᠵᠦ ᠡᠪᠦᠯ ᠢ ᠪᠢ ᠦᠷᠭᠦᠯᠵᠢ ᠰᠡᠳᠭᠢᠯ ᠳᠡᠭᠡᠨ | ᠰᠢᠳᠦᠨᠡ᠃ | ᠡᠪᠦᠯ᠂ ᠬᠦᠢᠳᠡᠨ ᠢᠶᠠᠷ ᠢᠶᠠᠨ ᠮᠠᠭᠤ ᠮᠠᠭᠤᠬᠠᠢ ᠶᠢ ᠰᠦᠷᠳᠡᠬᠦᠯᠵᠦ ᠰᠠᠶᠢᠨ ᠰᠠᠶᠢᠬᠠᠨ ᠢ ᠲᠡᠮᠵᠢᠵᠦ ᠲᠤᠰᠠᠯᠠᠳᠠᠭ | ᠤᠨᠴᠠᠭᠠᠢ ᠨᠢᠭᠡᠨ ᠤᠯᠠᠷᠢᠯ ᠶᠤᠮ᠃ ᠬᠠᠳᠠᠭᠤ ᠴᠢᠩᠭᠠ ᠰᠢᠯᠭᠠᠯᠳᠠ ᠶᠢ ᠨᠢ ᠲᠠᠭᠠᠭᠠᠭᠰᠠᠨ ᠪᠦᠬᠦᠨ ᠦᠭᠡᠳᠡ ᠲᠠᠢ᠂ | ᠦᠯᠵᠠᠢ ᠲᠠᠢ ᠠᠮᠢᠳᠤᠷᠠᠵᠦ ᠤᠷᠤᠰᠢᠬᠤ ᠶᠤᠰᠤᠳᠠᠢ᠃ | ᠡᠪᠦᠯ᠂ ᠲᠡᠦᠭᠡ ᠶᠢᠨ ᠲᠤᠪᠴᠢᠶᠠᠨ ᠰᠢᠬ ᠨᠢᠭᠤᠴᠠᠭᠠᠢ᠂ ᠪᠤᠷᠬᠠᠨ ᠬᠠᠯᠳᠤᠨ ᠰᠢᠬ ᠰᠦᠷ ᠭᠡᠷᠡᠯ ᠲᠠᠢ᠂ | ᠦᠨᠡᠨᠴᠢ ᠬᠠᠶᠢᠷᠠ ᠶᠢᠨ ᠴᠡᠩᠭᠡᠷ ᠤᠯᠠᠷᠢᠯ ᠡ︕ | | |