| ᠰᠤᠪᠢᠯᠠᠭᠴᠢ ᠶᠢᠨ ᠳᠠᠭᠤᠯᠠᠯ | ᠵᠣᠬᠢᠶᠠᠭᠴᠢ᠄ ᠪᠠᠢ ᠬᠤ᠋ | —ᠬᠢᠵᠢᠭ ᠢ ᠤᠰᠠᠳᠬᠠᠬᠤ ᠳᠠᠶᠢᠨ ᠳᠤ ᠤᠷᠤᠯᠴᠠᠭᠠ ᠰᠤᠪᠢᠯᠠᠭᠴᠢ ᠨᠠᠷ ᠲᠠᠭᠠᠨ | ᠴᠤᠯ ᠴᠠᠭᠠᠨ ᠡᠮᠦᠰᠭᠡᠯ | ᠴᠢᠰᠤᠨ ᠤᠯᠠᠭᠠᠨ ᠰᠡᠳᠭᠢᠯ | ᠴᠤᠯᠭᠤᠷᠠᠵᠤ ᠴᠠᠭᠠᠷᠠᠭᠰᠠᠨ ᠮᠡᠷᠭᠡᠵᠢᠯ | ᠴᠤᠴᠠᠰᠢ ᠦᠭᠡᠢ ᠵᠤᠷᠢᠯᠲᠠ | ᠴᠤᠴᠢᠮᠠᠭ ᠲᠦᠷᠦᠬᠦ ᠬᠢᠵᠢᠭ ᠢ | ᠴᠤᠭᠴᠠᠰ ᠮᠠᠬᠠᠪᠤᠳ ᠠᠴᠠ ᠠᠷᠢᠯᠭᠠᠭᠰᠠᠨ | ᠴᠤᠭᠯᠠᠷᠠᠭᠰᠠ ᠭᠡᠮ ᠳᠤ ᠡᠨᠡᠯᠦᠭᠰᠡᠳ ᠤᠨ | ᠴᠤᠭ ᠰᠦᠯᠳᠡ ᠶᠢ ᠳᠠᠯᠠᠯᠤᠭᠰᠠᠨ | ᠠᠷᠢᠭᠤᠨ ᠳᠡᠭᠡᠳᠦ ᠦᠢᠯᠡᠰ ᠲᠡᠭᠡᠨ | ᠠᠰᠠᠵᠤ ᠨᠤᠴᠤᠭᠰᠠᠨ ᠯᠠ | ᠠᠮᠢᠨ ᠬᠢᠯᠢ ᠶᠢ ᠰᠠᠬᠢᠭᠰᠠᠨ | ᠠᠨᠢᠮᠠᠯ ᠦᠭᠡᠢ ᠮᠡᠯᠮᠡᠢ | ᠠᠭᠠᠷ ᠲᠡᠭᠷᠢ ᠠᠴᠠ ᠲᠤᠮᠢᠯᠠᠳᠠᠭ | ᠠᠨᠴᠢᠯ ᠬᠡᠥᠬᠡᠨ ᠤ ᠪᠦᠷᠢᠯᠸᠠ | ᠠᠷᠬᠠᠭ ᠬᠠᠭᠤᠴᠢᠨ ᠠᠴᠠ ᠰᠠᠯᠭᠠᠳᠠᠭ | ᠠᠷᠰᠢ ᠤᠳᠠᠴᠢ ᠶᠢᠨ ᠱᠠᠪᠢ | ᠡᠨᠡᠷᠢᠬᠦ ᠬᠠᠶᠢᠷᠠ ᠶᠢᠨ ᠲᠤᠭ | ᠡᠯᠪᠡᠷᠢᠬᠦ ᠰᠡᠳᠭᠢᠯ ᠤᠨ ᠨᠠᠮᠢᠷᠠᠭᠠᠨ | ᠡᠮᠨᠡᠬᠦ ᠦᠢᠯᠡᠰ ᠤᠨ ᠡᠯᠧᠮᠧᠨ᠋ᠲ | ᠡᠮᠴᠢ ᠪᠠᠭᠰᠢ ᠶᠢᠨ ᠬᠠᠪᠰᠤᠷᠤᠭᠴᠢ | ᠡᠪᠡᠷᠰᠢᠶᠡᠵᠦ ᠡᠨᠡᠯᠬᠦ ᠬᠦᠮᠦᠰ ᠤᠨ | ᠡᠯᠢᠭᠡ ᠲᠤᠳᠥᠨᠤ ᠨᠠᠶᠢᠵᠠ | ᠡᠷᠡᠭᠦᠯ ᠡᠩᠬᠡ ᠶᠢᠨ ᠡᠯᠴᠢ | ᠡᠷᠢᠨ ᠴᠠᠭ ᠤᠨ ᠰᠤᠪᠢᠯᠠᠭᠴᠢ ᠡ | ᠡᠳᠡᠭᠡᠷᠡᠭᠦᠯᠵᠦ ᠠᠪᠤᠷᠠᠬᠤ ᠲᠠᠰᠤᠭ ᠲᠠᠭᠠᠨ | ᠡᠭᠡᠷᠡᠭᠦᠯ ᠰᠢᠭ ᠡᠷᠭᠢᠯᠳᠦᠨᠡ | ᠡᠪᠡᠳᠴᠢᠲᠡᠨ ᠰᠠᠭᠤᠬᠤ ᠦᠷᠦᠭᠡ ᠳᠡᠭᠡᠨ | ᠡᠷᠪᠡᠬᠡᠢ ᠰᠢᠭ ᠪᠦᠵᠢᠨᠡ | ᠡᠷᠲᠡ ᠡᠳᠦᠷ ᠡᠷᠡᠭᠦᠯᠵᠢᠭᠦᠯᠬᠦ ᠭᠡᠳ | ᠡᠷᠲᠡᠯᠡᠵᠦ ᠤᠷᠦ᠋ᠢᠯᠠᠵᠤ ᠴᠢᠷᠮᠠᠶᠢᠨᠠ | ᠡᠶᠡᠯᠰᠡᠭ ᠬᠦᠯᠢᠴᠡᠩᠭᠦᠢ ᠬᠠᠨᠲᠤᠵᠤ | ᠡᠭᠡᠳᠡᠷᠡᠭᠡᠨ ᠪᠤᠳᠤᠯ ᠢ ᠨᠢ ᠲᠠᠶᠢᠪᠤᠰᠢᠷᠠᠭᠤᠯᠤᠨᠠ | ᠦᠭᠡᠢ ᠪᠠᠶᠠᠨ ᠢᠯᠭᠠᠵᠤ | ᠦᠭᠡᠳᠡ ᠴᠢᠷᠠᠢ ᠪᠠᠨ ᠬᠤᠪᠢᠷᠠᠭᠠᠭᠠ ᠦᠭᠡᠢ | ᠦᠨᠡᠨ ᠰᠡᠳᠬᠢᠯ ᠢᠶᠠᠷ ᠬᠠᠷᠠᠭᠠᠯᠵᠠᠵᠤ | ᠦᠭᠭᠢᠶᠠᠮᠤᠷ ᠬᠠᠶᠢᠷᠠ ᠪᠠᠨ ᠶᠡᠭᠦᠯᠡᠨᠡ | ᠦᠮᠡᠬᠡᠢ ᠪᠤᠵᠠᠷ ᠪᠠᠶᠢᠯᠠ ᠭᠡᠳ | ᠦᠭᠡᠷᠡ ᠲᠡᠶᠢᠰᠢ ᠵᠠᠶᠢᠯᠠᠭᠠ ᠦᠭᠡᠢ | ᠦᠪᠡᠷ ᠤᠨ ᠰᠠᠲᠤᠨ ᠰᠢᠬ ᠢᠶᠠᠨ ᠤᠶᠢᠷᠠᠳᠴᠤ | ᠦᠷᠦ ᠵᠢᠷᠦᠬᠡᠨ ᠠᠴᠠ ᠪᠠᠨ ᠲᠤᠳᠤᠨᠤᠴᠢᠯᠠᠨᠠ | ᠠᠰ ᠤᠨ ᠪᠡᠶᠡ ᠨᠢ ᠬᠠᠪᠤ ᠦᠭᠡᠢ ᠴᠦ | ᠠᠷᠤᠨᠰᠢ ᠤᠬᠤᠷᠢᠬᠤ ᠦᠭᠡᠢ ᠲᠡᠰᠪᠦᠷᠢᠲᠠᠢ | ᠠᠷᠤ ᠭᠡᠷ ᠲᠡᠭᠡᠨ ᠤᠴᠢᠷ ᠲᠠᠢ ᠴᠦ | ᠠᠮᠠᠷᠠᠯᠲᠠ ᠬᠡᠯᠡᠬᠦ ᠦᠭᠡᠢ ᠬᠠᠷᠢᠭᠤᠴᠠᠯᠭᠠᠲᠠᠢ | ᠠᠬᠠᠰᠢᠷᠠᠭᠠ ᠦᠲᠡᠯᠦᠭᠡ ᠨᠠᠰᠤᠲᠠᠳ ᠤᠨ ᠢᠶᠠᠨ | ᠠᠮᠠᠨ ᠢᠷᠦᠭᠡᠯ ᠤᠨ ᠪᠡᠯᠡᠭ ᠲᠠᠢ | ᠠᠩᠭᠠ ᠪᠠᠭᠠ ᠳᠡᠭᠦᠦ ᠨᠠᠷ ᠤᠨ ᠢᠶᠠᠨ | ᠠᠯᠠᠭᠠᠨ ᠲᠠᠰᠢᠯᠲᠠ ᠶᠢᠨ ᠤᠷᠮᠠᠰᠢᠭᠤᠯᠤᠯ ᠲᠠᠢ | ᠠᠵᠢᠯ ᠤᠨ ᠪᠠᠶᠢᠷᠢ ᠳᠠᠭᠠᠨ ᠭᠠᠪᠰᠢᠭᠠᠶᠢᠯᠠᠵᠤ | ᠠᠰᠠᠷᠠᠵᠤ ᠰᠤᠪᠢᠯᠠᠬᠤ ᠪᠠᠨ ᠴᠢᠩᠭᠠᠯᠠᠨᠠ | ᠠᠷᠠᠳ ᠲᠦᠮᠡᠨ ᠳᠡᠭᠡᠨ ᠦᠢᠯᠡᠴᠢᠯᠡᠵᠦ | ᠠᠮᠵᠢᠯᠲᠡ ᠪᠦᠲᠦᠭᠡᠯ ᠢᠶᠠᠨ ᠭᠢᠯᠠᠷᠠᠭᠤᠯᠤᠨᠠ | ᠠᠮᠢᠳᠤᠷᠠᠯ ᠬᠠᠶᠢᠷᠠ ᠶᠢᠨ ᠨᠤᠲ ᠢᠶᠠᠨ | ᠠᠰᠬᠠᠷᠠᠭᠰᠠᠨ ᠬᠦᠯᠦᠰᠦ ᠪᠠᠷ ᠢᠶᠠᠨ ᠪᠢᠴᠢᠭᠯᠡᠨᠡ | ᠠᠮᠢ ᠨᠠᠰᠤᠨ ᠤ ᠠᠶᠢᠵᠠᠮ ᠢ | ᠠᠷᠪᠠᠨ ᠬᠤᠷᠤᠭᠤ ᠪᠠᠷ ᠢᠶᠠᠨ ᠴᠢᠪᠬᠠᠳᠠᠨᠠ | ᠴᠡᠪᠡᠷ ᠳᠤᠬᠢᠯᠢᠭ ᠤᠷᠴᠢᠨ ᠢᠶᠠᠷ ᠨᠢ | ᠴᠡᠭᠴᠡᠲᠡᠢ ᠬᠦᠳᠡᠯᠮᠦᠷᠢ ᠨᠢ ᠲᠤᠳᠤᠷᠠᠨᠠ | ᠴᠡᠭᠡᠨ ᠭᠡᠷᠡᠯ ᠤᠨ ᠳᠤᠮᠳᠠᠭᠤᠷ ᠨᠢ | ᠴᠡᠭᠡᠯᠭᠡᠨ ᠳᠠᠭᠤ ᠨᠢ ᠳᠤᠯᠭᠢᠶᠠᠯᠠᠨᠠ | ᠴᠡᠪᠴᠡᠶᠢᠵᠦ ᠰᠤᠨᠤᠯᠵᠠᠬᠤ ᠭᠤᠲᠤᠮᠵᠢ ᠪᠠᠷ ᠨᠢ | ᠴᠡᠯᠭᠡᠷᠡᠬᠦ ᠨᠠᠰᠤ ᠨᠢ ᠭᠠᠩᠬᠤᠨᠠ | ᠴᠡᠩᠬᠡᠯ ᠵᠢᠷᠭᠠᠯ ᠠᠯᠢᠪᠠ ᠪᠠᠨ | ᠴᠡᠴᠡᠭᠯᠡᠬᠦ ᠦᠢᠯᠡᠰ ᠲᠡᠭᠡᠨ ᠵᠤᠷᠢᠭᠤᠯᠤᠨᠠ᠃ | |