ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
︽ᠨᠠᠢᠮᠠᠨ︾ ᠭᠡᠰᠡᠨ ᠨᠡᠷ᠎ᠡ ᠶᠢᠨ ᠢᠷᠡᠯᠳᠡ ᠶᠢᠨ ᠲᠣᠬᠠᠢ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2019-12-10
     ︽ᠨᠠᠢᠮᠠᠨ︾ ᠬᠡᠳᠡᠭ ᠦᠬᠡ ᠪᠣᠯ ᠣᠣᠭᠠᠯ ᠮᠣᠩᠭᠤᠯ ᠦᠬᠡ ᠪᠣᠯᠣᠯᠳᠠᠢ᠃ ︽ᠨᠠᠢᠮᠠᠨ︾ ᠬᠡᠰᠡᠨ ᠦᠬᠡ᠂ ᠣᠶᠢᠭᠤᠷᠵᠢᠨ ᠪᠢᠴᠢᠭ ᠠᠴᠠ ᠲᠡᠷᠡ ᠬᠡᠪ ᠢᠶᠠᠷ ᠢᠶᠠᠨ ᠣᠯᠠᠮᠵᠢᠯᠠᠨ ᠢᠷᠡᠭᠰᠡᠨ ︽ᠲᠡᠭᠷᠢ᠂ ᠴᠢᠨ᠋ᠸ᠎ᠠ᠂ ᠦᠬᠢᠨ᠂ ᠨᠠᠢᠮᠠᠨ ︾ ᠵᠡᠷᠭᠡ ᠴᠦᠬᠡᠨ ᠪᠠᠶᠢᠳᠠᠭ ᠲᠣᠭᠳᠠᠭᠰᠠᠨ ᠪᠢᠴᠢᠯᠬᠡ ᠲᠠᠢ ᠦᠬᠡ ᠶᠢᠨ ᠨᠢᠬᠡ ᠪᠣᠯᠣᠨ᠎ᠠ᠃ ᠮᠣᠩᠭᠤᠯ ᠲᠦᠷᠣᠯ ᠤᠨ ᠬᠡᠯᠡ ᠬᠡᠵᠣ ᠦᠵᠡᠳᠡᠭ ᠡᠷᠳᠡᠨ ᠤ ᠬᠢᠳᠠᠨ ᠬᠡᠯᠡ ᠪᠠᠷ ᠪᠠᠰᠠ ᠨᠠᠢᠮᠠᠨ ᠭᠡᠳᠡᠭ ᠪᠠᠶᠢᠪᠠ᠃ ᠣᠳᠣ ᠲᠣᠰᠬᠠᠶᠢᠯᠠᠨ ᠦᠪᠣᠷ ᠮᠣᠩᠭᠤᠯ ᠤᠨ ︽ᠨᠠᠢᠮᠠᠨ ᠬᠤᠰᠢᠭᠤ︾ ᠶᠢ ᠵᠢᠭᠠᠳᠠᠭ ᠭᠠᠵᠠᠷ ᠤᠨ ᠨᠡᠷᠡᠰ ᠪᠣᠯᠬᠤ ᠮᠦᠷᠳᠡᠭᠡᠨ ᠡᠷᠳᠡᠨ ᠠᠴᠠ ᠠᠪᠣᠭᠠᠳ ᠣᠮᠠᠷᠠᠳᠣ ᠶᠢᠨ ᠨᠢᠬᠡᠨ ᠠᠶᠢᠮᠠᠭ ᠣᠭᠰᠠᠭᠠᠳᠠᠨ ᠢ ᠨᠡᠷᠡᠯᠡᠭᠡᠳ ᠢᠷᠡᠭᠰᠡᠨ ᠲᠡᠣᠭᠡ ᠶᠢᠨ ᠨᠡᠷᠡᠰ ᠪᠣᠯᠬᠤ ᠶᠣᠮ᠃ ᠵᠠᠷᠢᠮ ᠬᠦᠮᠣᠨ ︽ᠨᠠᠢᠮᠠᠨ︾ ᠢ ᠲᠣᠭᠠᠨ ᠤ ᠨᠠᠢᠮᠠᠨ ᠪᠠᠷ ᠬᠡᠯᠡᠵᠣ᠂ ᠵᠠᠷᠢᠮ ᠨᠢ ᠮᠠᠨᠵᠣ ᠶᠢᠨ ᠦᠶ᠎ᠡ ᠶᠢᠨ ᠮᠣᠩᠭᠤᠯ ᠨᠠᠢᠮᠠᠨ ᠬᠤᠰᠢᠭᠤ ᠲᠠᠢ ᠬᠤᠳᠬᠤᠵᠣ ᠪᠠᠶᠢᠳᠠᠭ᠂ ᠵᠠᠷᠢᠮ ᠨᠢ ᠴᠠᠬᠠᠷ ᠨᠠᠢᠮᠠᠨ ᠬᠤᠰᠢᠭᠤ ᠭᠡᠵᠣ ᠴᠦ ᠪᠠᠶᠢᠳᠠᠭ᠃ ᠵᠠᠷᠢᠮ ᠨᠢ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠬᠦᠮᠣᠨ ᠢ ᠴᠠᠬᠠᠷ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠬᠦᠮᠣᠨ ᠪᠣᠯᠭᠠᠵᠣ ᠪᠢᠴᠢᠭᠰᠡᠨ ᠬᠦᠮᠣᠰ ᠪᠠᠰᠠ ᠪᠠᠶᠢᠳᠠᠭ᠃ ︽ᠨᠠᠢᠮᠠᠨ︾ ᠭᠡᠳᠡᠭ ᠤᠨ ᠦᠵᠡᠯᠳᠡ ᠪᠣᠯ ᠦᠬᠡ ᠶᠢᠨ ᠢᠵᠠᠭᠤᠷ ᠨᠢ ᠨᠠᠢᠮᠠᠨ᠂ ᠲᠠᠷᠣᠢ 8 ᠭᠡᠰᠡᠨ ᠲᠣᠭᠠᠨ ᠤ ᠨᠡᠷ᠎ᠡ ᠦᠬᠡ ᠪᠣᠯᠣᠨ᠎ᠠ᠃ ᠨᠠᠢᠮᠠᠨ᠂ ᠨᠠᠢᠮᠠᠳ᠂  ᠨᠠᠢᠮᠠᠨᠴᠤᠳ ᠪᠣᠯ ᠨᠠᠢᠮᠠ ᠶᠢᠨ ᠣᠯᠠᠨ ᠲᠤᠭ᠎ᠠ ᠶᠢ ᠵᠢᠭᠠᠭᠰᠠᠨ ᠬᠡᠯᠪᠡᠷᠢ ᠭᠡᠵᠣ ᠦᠵᠡᠵᠣ᠂ ᠲᠠᠭᠤᠳᠠᠯᠭ᠎ᠠ ᠪᠢᠴᠢᠯᠬᠡ ᠶᠢᠨ ᠬᠤᠪᠢᠷᠠᠯᠳᠠ ᠠᠴᠠ ᠨᠢ ᠨᠠᠢᠮᠠᠨ᠂ ᠨᠠᠢᠮᠠᠳ᠂  ᠨᠠᠢᠮᠠᠨᠴᠤᠳ ᠠᠴᠠ ᠭᠠᠳᠠᠨ᠎ᠠ᠂ ᠬᠦᠭᠡ ᠶᠢᠨ ᠨᠠᠢᠮᠠᠨ ᠤ ᠬᠢᠨ᠂ ᠪᠠᠭ᠎ᠠ ᠨᠠᠢᠮᠠᠨ᠂ ᠨᠠᠢᠮᠠᠨ ᠭᠠᠵᠢᠳ᠂ ᠨᠠᠢᠮᠠᠨᠵᠠᠠ᠂ ᠨᠠᠷᠢᠨ ᠨᠠᠢᠮᠠᠨ᠂ ᠶᠡᠭᠡ ᠨᠠᠢᠮᠠᠨ ᠬᠡᠵᠣ ᠪᠠᠶᠢᠨ᠎ᠠ᠃ ᠲᠣᠭᠠᠨ ᠤ ᠨᠠᠢᠮᠠᠨ ᠬᠡᠵᠣ ᠦᠵᠡᠳᠡᠭ ᠨᠢ ᠲᠠᠷᠣᠢ ᠮᠠᠨᠵᠣ ᠴᠢᠩ ᠤᠨ ᠦᠶ᠎ᠡ ᠶᠢᠨ ᠨᠠᠢᠮᠠᠨ ᠬᠤᠰᠢᠭᠤ ᠶᠢᠨ ᠲᠦᠷᠢᠮ ᠲᠠᠢ ᠡ᠊ᠠᠳᠡᠬᠦᠷᠡᠵᠣ ᠪᠠᠶᠢᠭ᠎ᠠ ᠪᠣᠯᠣᠯᠳᠠᠢ᠃ ᠳᠤᠤᠷ᠎ᠠ ︽ᠨᠠᠢᠮᠠᠨ︾ ᠤ ᠨᠡᠷᠡᠶᠢᠳᠣᠯ ᠤᠨ ᠲᠣᠬᠠᠢ ᠦᠬᠦᠯᠡᠶ᠎ᠡ᠃      ︽ᠨᠠᠢᠮᠠᠨ︾ ᠬᠡᠵᠣ ᠴᠢᠩ ᠤᠨ ᠡᠬᠢᠨ ᠤ ᠦᠶ᠎ᠡ ᠠᠴᠠ ᠡᠬᠢᠯᠡᠨ ᠨᠢᠬᠡᠨ ᠬᠤᠰᠢᠭᠤ ᠨᠣᠳᠤᠭ ᠢ ᠨᠡᠷᠡᠯᠡᠵᠣ᠂ ᠴᠢᠩ ᠣᠯᠣᠰ ᠠᠴᠠ ᠡᠮᠣᠨ᠎ᠡ ᠨᠢᠬᠡᠨ ᠠᠶᠢᠮᠠᠭ ᠣᠭᠰᠠᠭᠠᠳᠠᠨ ᠢ ᠵᠢᠭᠠᠵᠣ ᠪᠠᠶᠢᠭᠰᠠᠨ ᠭᠡᠵᠣ ᠲᠡᠣᠭᠡ ᠰᠣᠳᠣᠷ ᠲᠤ ᠲᠡᠮᠳᠡᠭᠯᠡᠯ ᠲᠠᠢ ᠪᠠᠶᠢᠳᠠᠭ᠃ ᠲᠡᠣᠭᠡ ᠶᠢᠨ ᠮᠠᠲ᠋ᠧᠷᠢᠶᠠᠯ ᠢ ᠦᠨᠳᠣᠰᠣᠯᠡᠪᠡᠯ᠂ ᠣᠳᠣᠬᠢ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠭᠠᠵᠠᠷ ᠨᠣᠳᠤᠭ ᠲᠤ ᠭᠤᠣᠯᠳᠠᠭᠤ ᠰᠢᠪᠡᠭᠡ ︵ᠰᠢᠶᠠᠨᠪᠸᠢ︶᠂ ᠬᠢᠳᠠᠨ᠂ ᠮᠣᠩᠭᠤᠯ ᠭᠤᠷᠪᠠᠨ ᠶᠡᠭᠡ ᠦᠨᠳᠣᠰᠣᠳᠡᠨ ᠨᠦᠬᠦᠷᠰᠡᠭ ᠲᠣᠳᠣᠨᠣ ᠪᠠᠷ ᠬᠤᠯᠢᠯᠳᠣᠨ ᠰᠠᠭᠤᠷᠢᠰᠢᠵᠣ ᠪᠠᠶᠢᠵᠠᠢ᠃ ᠰᠢᠪᠡᠭᠡ᠂ ᠬᠢᠳᠠᠨ ᠵᠢᠴᠢ ᠵᠦᠷᠴᠢᠨ ᠬᠦᠮᠣᠨ ᠣᠳᠣ ᠨᠢᠬᠡᠨᠳᠡ ᠨᠢᠬᠡᠨ ᠦᠨᠳᠣᠰᠣᠳᠡᠨ ᠤ ᠬᠡᠯᠪᠡᠷᠢ ᠪᠠᠷ ᠣᠷᠣᠰᠢᠬᠤ ᠪᠠᠨ ᠪᠣᠯᠢᠵᠡᠢ᠃ ᠬᠡᠪᠡᠴᠣ ᠲᠡᠳᠡᠨ ᠤ ᠬᠤᠶᠢᠴᠢᠰ ᠨᠢ ᠬᠠᠷᠢᠯᠴᠠᠨ ᠨᠡᠪᠳᠡᠷᠡᠨ ᠢᠵᠢᠯᠢᠰᠢᠵᠣ ᠮᠠᠨ ᠤ ᠡ᠊ᠨᠳᠡᠬᠢ ᠡᠯ᠎ᠡ ᠠᠬ᠎ᠠ ᠲᠡᠬᠦᠣ ᠦᠨᠳᠣᠰᠣᠳᠡᠨ ᠢ ᠪᠣᠵᠠᠭᠠᠶᠢᠷᠠᠭᠤᠯᠣᠨ ᠬᠦᠭᠵᠢᠭᠦᠯᠣᠭ᠍ᠰᠡᠨ ᠨᠢ ᠲᠠᠮᠵᠢᠭ ᠦᠬᠡᠢ ᠶᠣᠮ᠃ ᠨᠠᠶᠢᠮᠠᠨᠴᠣᠳ ᠡᠷᠳᠡᠨ ᠤ ᠯᠢᠶᠣᠤ ᠣᠯᠣᠰ ᠤᠨ ᠶᠧᠯᠢᠣᠢ ᠠᠪᠣᠣᠵᠡᠢ ᠶᠢᠨ ᠲᠣᠬᠠᠢ ᠰᠣᠳᠣᠯᠣᠯᠳᠠ ᠬᠢᠵᠣ ᠪᠠᠶᠢᠨ᠎ᠠ᠃ ᠰᠢᠪᠡᠬᠡᠴᠣᠳ ᠤᠨ ᠦᠯᠡᠳᠡᠴᠡ ᠶᠢ ᠣᠯᠬᠤ ᠳᠤ ᠶᠡᠭᠡ ᠲᠦᠪᠡᠭᠳᠠᠢ ᠪᠣᠯᠵᠡᠢ᠃ ᠭᠡᠪᠡᠴᠣ ᠨᠠᠶᠢᠮᠠᠨ ᠬᠤᠰᠢᠭᠤᠨ ᠤ ᠪᠠᠶᠠᠨᠴᠠᠩ ᠰᠢᠶᠠᠩ ︵ᠣᠳᠣ ᠲᠦᠴᠸᠡᠭᠽᠢ ᠰᠢᠶᠠᠩ ᠳᠤ ᠬᠠᠷᠢᠶᠠᠯᠠᠭᠳᠠᠵᠣ ᠪᠠᠶᠢᠨ᠎ᠠ︶ ᠳᠤ ᠰᠢᠪᠡᠭᠡᠨ ᠠᠭᠤᠯᠠ ᠭᠡᠵᠣ ᠪᠠᠶᠢᠳᠠᠭ ᠪᠠ ᠲᠡᠬᠦᠨ ᠤ ᠡᠩᠭᠡᠷ ᠢᠶᠠᠷ ᠪᠠᠷᠠᠭᠤᠨᠰᠢ ᠣᠷᠣᠰᠴᠣ ᠪᠠᠶᠢᠬᠤ ᠭᠤᠣᠯ ᠢ ᠰᠢᠪᠡᠭᠡᠨ ᠭᠤᠣᠯ ︵ᠤᠳᠤ ᠭᠤᠤᠯ ᠬᠠᠳᠠᠭᠰᠠᠨ ᠪᠠᠶᠢᠨ᠎ᠠ︶ ᠬᠡᠳᠡᠭ ᠶᠣᠮ᠃ ᠵᠠᠷᠢᠮ ᠨᠣᠮ ᠳᠤ᠄ ︽ᠲᠡᠬᠦᠨ ᠤ ᠡᠩᠭᠡᠷ ᠢᠶᠠᠷ ᠪᠠᠷᠠᠭᠤᠨᠰᠢ ᠣᠷᠣᠰᠴᠣ ᠪᠦᠬᠦᠢ ᠭᠤᠣᠯ ︵ᠮᠠᠩ ᠨᠢᠣ ᠾᠧ ᠶᠢᠨ ᠲᠡᠭᠡᠳᠣ ᠣᠷᠣᠰᠬᠠᠯ︶ ᠢ ᠰᠢᠪᠡᠭᠡᠨ ᠭᠤᠣᠯ ᠬᠡᠵᠣ ᠨᠡᠷᠡᠯᠡᠵᠣ ᠪᠣᠢ᠃ ᠁ ︽ᠰᠢᠪᠡᠭᠡ︾ ᠭᠡᠳᠡᠭ ᠮᠣᠩᠭᠤᠯ ᠦᠬᠡ ᠡᠷᠳᠡ ᠣᠷᠢᠳᠣ ᠳᠤ ᠡ᠊ᠨᠳᠡ ᠰᠢᠪᠡᠴᠣᠳ ︵ᠬᠢᠶᠠᠨᠪᠠᠬᠢ᠂ ᠲᠠᠷᠣᠢ ᠰᠢᠶᠠᠨᠪᠸᠢ︶ ᠠᠮᠢᠳᠣᠷᠠᠵᠣ ᠪᠠᠶᠢᠭᠰᠠᠨ ᠠᠴᠠ ᠰᠢᠪᠡᠭᠡ ᠠᠭᠤᠯᠠ᠂ ᠰᠢᠪᠡᠭᠡ ᠭᠤᠣᠯ ᠭᠡᠰᠡᠨ ᠨᠡᠷ᠎ᠡ ᠰᠢᠩᠭᠡᠭᠰᠡᠨ ᠪᠣᠯᠣᠯᠴᠠᠭ᠎ᠠ ᠪᠣᠢ︾ ᠬᠡᠵᠣ ᠪᠣᠢ᠃ ᠨᠠᠢᠮᠠᠨ ᠬᠤᠰᠢᠭᠤᠨ ᠳᠤ ᠰᠢᠪᠡᠭᠡ ᠭᠡᠵᠣ ᠭᠠᠵᠠᠷ ᠣᠰᠣᠨ ᠤ ᠨᠡᠷ᠎ᠡ ᠪᠠᠷ ᠬᠤᠴᠣᠷᠣᠭᠰᠠᠨ ᠨᠢ ᠭᠠᠶᠢᠬᠠᠯᠳᠠᠢ ᠪᠣᠯᠪᠠᠴᠣ ᠨᠠᠢᠮᠠᠨ ᠬᠡᠰᠡᠨ ᠦᠬᠡ ᠲᠠᠢ ᠶᠠᠮᠠᠷ ᠴᠦ ᠬᠤᠯᠪᠣᠭ᠎ᠠ ᠦᠬᠡᠢ ᠶᠣᠮ᠃      ᠲᠡᠭᠡᠪᠡᠯ ᠨᠠᠢᠮᠠᠨ ᠬᠡᠰᠡᠨ ᠦᠬᠡ ᠶᠢᠨ ᠢᠷᠡᠯᠳᠡ ᠨᠢ ᠶᠠᠭᠤ ᠪᠣᠯᠬᠤ ᠪᠤᠢ︖ ᠨᠠᠢᠮᠠᠨ ︵耐蛮︶ ᠬᠡᠰᠡᠨ ᠦᠬᠡ ᠬᠠᠮᠤᠭ ᠡᠷᠳᠡ ︽ᠯᠢᠶᠣᠤ ᠣᠯᠣᠰ ᠤᠨ ᠰᠣᠳᠣᠷ︾ ᠤᠨ ᠲᠣᠪᠬᠢᠮᠠᠯ ᠤᠨ ᠲᠢᠶᠠᠨ ᠽᠦᠸᠧ ᠬᠠᠭᠠᠨ ︵1101 ᠊᠊᠊᠊ 1126︶ ᠤ ᠱᠠᠰᠳᠢᠷ ᠲᠤ ᠲᠡᠮᠳᠡᠭᠯᠡᠭᠳᠡᠨ ᠣᠷᠣᠪᠠ᠃ ᠲᠡᠮᠳᠡᠭᠯᠡᠯ ᠳᠤ᠄ ︽ᠲᠠᠶᠢᠯᠢᠶᠣᠤ ᠣᠯᠣᠰ ᠤᠨ ᠨᠠᠢᠮᠠᠨ ᠠᠶᠢᠮᠠᠭ ᠤᠨ ᠲᠣᠯᠣᠭᠠᠨ ᠠᠶᠢᠮᠠᠭ ᠠᠨᠣ ᠠᠯᠳᠠᠨ ᠣᠯᠣᠰ ᠲᠤᠷ ᠣᠷᠣᠯᠤᠭ᠎ᠠ᠂ ᠭᠠᠭᠴᠠ ᠫᠢᠡᠭ ᠵᠸᠣ ᠬᠤᠳᠠᠨ ᠤ ᠬᠦᠮᠣᠨ ᠬᠤᠶᠠᠭ ᠦᠯᠣ ᠲᠠᠶᠢᠯᠠᠬᠤ ᠰᠢᠯᠳᠠᠭᠠᠨ ᠠᠨᠣ᠂ ᠰᠢᠶᠣᠤ ᠭᠠᠨ ᠠᠴᠠ ᠠᠶᠣᠭᠰᠠᠨ ᠪᠣᠢ ᠬᠡᠮᠡᠬᠡᠳ ᠭᠠᠨᠭ᠌ ᠬᠦᠡᠭ ᠪᠢ ᠳᠤᠷ ᠡᠳ᠋ ᠶᠡᠬᠡᠳᠡ ᠦᠭᠴᠣ ᠢᠯᠡᠭᠡᠪᠡ︾ ᠬᠡᠵᠣ ᠪᠣᠢ᠃ ᠡᠬᠦᠨ ᠠᠴᠠ ᠡᠮᠣᠨ᠎ᠡ ᠲᠣᠰ ᠰᠣᠳᠣᠷ ᠤᠨ ᠲᠣᠪᠬᠢᠮᠠᠯ ᠳᠤ ᠲᠢᠶᠠᠨ ᠽᠦᠡᠭ ᠬᠠᠭᠠᠨ ᠤᠨ ᠱᠠᠰᠳᠢᠷ᠂ ᠱᠸᠣ ᠯᠦᠡᠭ ︵ᠴᠠᠩ︶ ᠤᠨ ᠭᠤᠷᠪᠠᠳᠣᠭᠠᠷ ᠣᠨ ︵1097︶ ᠤ ᠲᠡᠮᠳᠡᠭᠯᠡᠯ ᠳᠤ ︽ᠨᠢᠮᠪᠠᠭ ︵粘八葛︶︾ ᠭᠡᠵᠣ ᠲᠣᠷᠠᠳᠣᠭᠳᠠᠵᠣ ᠦᠡᠭᠭᠡᠷᠡᠵᠡᠢ᠃ ︽ᠠᠯᠳᠠᠨ ᠣᠯᠣᠰ ᠤᠨ ᠰᠣᠳᠣᠷ︾ ᠤᠨ ᠲᠣᠪᠬᠢᠮᠠᠯ᠂ ᠳ᠋ᠠ ᠳ᠋ᠢᠩ ᠤᠨ ᠠᠷᠪᠠᠨ ᠲᠠᠪᠣᠳᠣᠭᠠᠷ ᠣᠨ ︵1175︶ ᠤ ᠲᠡᠮᠳᠡᠭᠯᠡᠯ ᠳᠤ ︽ᠨᠢᠮᠪᠠᠭᠠᠨ ︵粘拔恩︶︾ ᠬᠡᠵᠣ ᠪᠢᠴᠢᠵᠣ ᠪᠠᠶᠢᠨ᠎ᠠ᠃ ᠡᠮᠣᠨᠡᠳᠣ ᠰᠦᠡᠭ ᠣᠯᠣᠰ ᠤᠨ ᠬᠦᠮᠣᠨ ᠤ ᠪᠢᠴᠢᠭᠰᠡᠨ ︽ᠬᠠᠷ᠎ᠠ ᠲᠠᠲ᠋ᠠᠷ ᠤᠨ ᠲᠣᠬᠠᠢ ᠬᠡᠷᠡᠭ ᠤᠨ ᠲᠣᠪᠴᠢ︾ ᠳᠤ ︽ᠨᠠᠢᠮᠠᠨ 奈蛮︾ ᠭᠡᠵᠣ᠂ ︽ᠶᠣᠸᠠᠨ ᠣᠯᠣᠰ ᠤᠨ ᠰᠣᠳᠣᠷ︾ ᠲᠤ ︽ᠨᠠᠢᠮᠠᠨ᠂ 乃蛮，乃满，乃马︾ ᠢ ᠠᠳᠠᠯᠢ ᠪᠣᠰᠣ ᠭᠤᠷᠪᠠᠨ ᠶᠠᠩᠵᠣ ᠪᠠᠷ ᠲᠡᠮᠳᠡᠭᠯᠡᠵᠣ ᠪᠠᠶᠢᠨ᠎ᠠ᠃ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠡ ᠲᠣᠪᠴᠢᠶᠠᠨ︾ ᠳᠤ ︽ᠨᠠᠢᠮᠠᠨ 乃蛮︾ ᠪᠣᠶᠣ ︽ᠨᠠᠢᠮᠠᠳ 乃马惕︾ ᠭᠡᠵᠣ ᠣᠯᠠᠨ ᠲᠤᠭ᠎ᠠ ᠪᠠᠷ ᠬᠤᠪᠢᠯᠭᠠᠨ ᠪᠢᠴᠢᠵᠣ ᠪᠠᠶᠢᠨ᠎ᠠ᠃ ᠮᠢᠩ ᠣᠯᠣᠰ ᠤᠨ ᠦᠶ᠎ᠡ ᠶᠢᠨ ᠲᠡᠣᠭᠡ ᠰᠣᠳᠣᠷ ᠲᠤ ᠴᠠᠬᠠᠷ ᠲᠦᠮᠡᠨ ᠤ ᠨᠠᠢᠮᠠᠨ ᠨᠣᠳᠤᠭ ᠤᠨ ᠨᠢᠬᠡ ᠶᠢ ︽ᠨᠠᠢᠮᠠᠨ ᠠᠶᠢᠮᠠᠭ 乃蛮部︾ ᠬᠡᠵᠣ ᠨᠡᠷᠡᠯᠡᠵᠣ ᠪᠠᠶᠢᠵᠡᠢ᠃ ᠲᠣᠰ ᠠᠶᠢᠮᠠᠭ ᠢ ᠴᠢᠩ ᠣᠯᠣᠰ ᠤᠨ ᠦᠶ᠎ᠡ ᠳᠤ ᠨᠢᠬᠡᠨ ᠵᠠᠰᠠᠭ ᠬᠤᠰᠢᠭᠤ ᠪᠣᠯᠭᠠᠨ ᠪᠠᠶᠢᠭᠤᠯᠵᠣ ︽ᠨᠠᠢᠮᠠᠨ ᠬᠤᠰᠢᠭᠤ︾ ᠬᠡᠵᠣ ᠨᠡᠷᠡᠶᠢᠳᠬᠦ ᠪᠣᠯᠵᠡᠢ᠃ ᠲᠡᠶᠢᠮᠣ ᠠᠴᠠ ᠨᠠᠢᠮᠠᠨ ᠲᠡᠣᠭᠡ ᠶᠢᠨ ᠡᠯ᠎ᠡ ᠱᠠᠳᠣᠨ ᠤ ᠦᠶ᠎ᠡ ᠳᠤ ᠪᠦᠷ ᠨᠢᠬᠡᠨ ᠠᠶᠢᠮᠠᠭ ᠣᠭᠰᠠᠭ᠎ᠠ ᠶᠢᠨ ᠬᠦᠮᠣᠨ ᠪᠣᠯᠣᠨ ᠲᠡᠬᠦᠨ ᠤ ᠡᠷᠬᠡᠰᠢᠶᠡᠭᠰᠡᠨ ᠭᠠᠵᠠᠷ ᠨᠣᠳᠤᠭ ᠢ ᠨᠡᠷᠡᠯᠡᠭᠰᠠᠭᠡᠷ ᠢᠷᠡᠭᠰᠡᠨ ᠪᠠᠶᠢᠨ᠎ᠠ᠃      ︽ᠭᠠᠨᠭ᠍ᠭ᠎ᠠ ᠶᠢᠨ ᠣᠷᠣᠰᠬᠠᠯ︾ ᠳᠤ᠂ ︽ᠡᠰᠡᠨ ᠣᠶᠢᠵᠣᠩ ᠨᠣᠶᠠᠨ ᠤ ᠬᠦᠪᠡᠬᠦᠨ ᠬᠦᠡᠴᠢᠭ ︵ᠭᠤᠨᠴᠤᠭ︶ ᠲᠠᠷᠬᠠᠨ ᠸᠠᠩ᠂ ᠲᠡᠬᠦᠨᠣ ᠲᠦᠷᠪᠡᠨ ᠬᠦᠪᠡᠬᠦᠨ᠄ ᠪᠠᠳᠠᠷᠢ ᠡᠸᠡᠣ᠂ ᠠᠭᠰᠠᠨ ᠸᠠᠩ᠂ ᠵᠠᠩᠰᠠᠩ ᠸᠠᠩ᠂ ᠣᠯᠠᠮᠵᠢ ᠪᠠᠶᠢᠰᠠ ᠡᠳᠡᠨ ᠪᠣᠶᠣ᠃ ᠪᠠᠳᠠᠷᠢ ᠡᠸᠠᠣ ᠶᠢᠨ ᠬᠦᠪᠡᠬᠦᠨ ᠸᠴᠢᠷ ᠲᠣᠷᠬᠠᠨ ᠸᠠᠩ᠂ ᠲᠡᠬᠦᠨᠣ ᠬᠦᠪᠡᠬᠦᠨ ᠪᠠᠨᠳᠠᠢ ᠲᠣᠷᠬᠠᠨ ᠸᠠᠩ᠃ ᠣᠣᠬᠠᠨ ᠨᠠᠶᠢᠮᠠᠨ ᠨᠣᠶᠠᠳ ᠡᠳᠡᠨ ᠪᠣᠢ︾ ᠬᠡᠪᠡ᠃ ︽ᠮᠣᠩᠭᠤᠯ ᠤᠨ ᠨᠡᠬᠦᠬᠦ ᠮᠠᠯᠵᠢᠯ ᠤᠨ ᠲᠡᠮᠳᠡᠭᠯᠡᠯ︾ ᠳᠤ ︽ᠨᠠᠢᠮᠠᠨ ᠠᠶᠢᠮᠠᠭ ᠠᠨᠣ ᠪᠠᠶᠠᠰᠬᠤᠯᠠᠩ ᠬᠠᠳᠠᠳᠤ ᠬᠠᠭᠠᠯᠭ᠎ᠠ ︵喜峰口︶ ᠠᠴᠠ ᠵᠡᠬᠦᠨ ᠬᠤᠶᠢᠰᠢ ᠲᠣᠯᠣᠭᠠᠨ ᠵᠠᠭᠤᠨ ᠭᠠᠵᠠᠷ ᠲᠤ ᠬᠦᠷᠣᠮᠣᠢ᠃ ᠨᠡᠶᠢᠰᠯᠡᠯ ᠬᠤᠳᠠᠨ ᠳᠤᠷ ᠬᠦᠷᠴᠣ ᠢᠷᠡᠬᠦᠶ ᠢᠨᠣ ᠨᠢᠬᠡ ᠮᠢᠩᠭ᠎ᠠ ᠨᠢᠬᠡ ᠵᠠᠭᠤᠨ ᠠᠷᠪᠠᠨ ᠭᠠᠵᠠᠷ ᠪᠣᠶᠣ᠃ ᠵᠡᠬᠦᠨᠰᠢ ᠪᠠᠷᠠᠭᠤᠨᠰᠢ ᠬᠠᠷᠢᠯᠴᠠᠨ ᠠᠯᠣᠰᠯᠠᠭᠰᠠᠨ ᠠᠨᠣ ᠶᠡᠷᠡᠨ ᠲᠠᠪᠣᠨ ᠭᠠᠵᠠᠷ᠂ ᠡᠮᠣᠨ᠎ᠡ ᠣᠮᠠᠷ᠎ᠠ ᠬᠠᠷᠢᠯᠴᠠᠨ ᠠᠯᠣᠰᠯᠠᠭᠰᠠᠨ ᠠᠨᠣ ᠬᠤᠶᠠᠷ ᠵᠠᠭᠤ ᠬᠤᠷᠢᠨ ᠭᠠᠵᠠᠷ ᠠᠵᠣᠭᠤ᠃ ᠵᠡᠬᠦᠨ ᠡᠳᠡᠭᠡᠳ ᠢᠨᠣ ᠬᠠᠯᠬ᠎ᠠ ᠵᠡᠬᠦᠨ ᠭᠠᠷᠣᠨ ᠬᠤᠰᠢᠭᠤᠨ ᠳᠤᠷ ᠵᠠᠬ᠎ᠠ ᠨᠡᠶᠢᠯᠡᠵᠣᠬᠦᠢ᠃ ᠪᠠᠷᠠᠭᠤᠨ ᠡᠳᠡᠭᠡᠳ ᠢᠨᠣ ᠠᠤᠬᠠᠨ ᠳᠤ ᠵᠠᠬ᠎ᠠ ᠨᠡᠶᠢᠯᠡᠵᠣᠬᠦᠢ᠃ ᠡᠮᠣᠨ᠎ᠡ ᠡᠳᠡᠭᠡᠳ ᠢᠨᠣ ᠲᠦᠮᠡᠳ ᠲᠤᠷ ᠵᠠᠬ᠎ᠠ ᠨᠡᠶᠢᠯᠡᠵᠣᠬᠦᠢ᠂ ᠣᠮᠠᠷ᠎ᠠ ᠡᠳᠡᠭᠡᠳ ᠢᠨᠣ ᠣᠡᠭᠨᠢᠭᠤᠳ ᠲᠤᠷ ᠵᠠᠬ᠎ᠠ ᠨᠡᠶᠢᠯᠡᠵᠣᠬᠦᠢ᠃ ᠡᠷᠳᠡᠨ ᠤ ᠰᠢᠶᠠᠨᠪᠸᠢ ᠶᠢᠨ ᠨᠣᠳᠤᠭ ᠠᠭᠰᠠᠨ ᠢᠶᠠᠨ ᠰᠦᠢ ᠣᠯᠣᠰ ᠤᠨ ᠦᠶ᠎ᠡ ᠳᠤ ᠬᠢᠳᠠᠨ ᠤ ᠨᠣᠳᠤᠭ ᠪᠣᠯᠪᠠᠢ᠃ ᠲᠠᠩ ᠣᠯᠣᠰ ᠤᠨ ᠦᠶ᠎ᠡ ᠳᠤ ᠢᠡᠭ ᠵᠸᠣ ᠳ᠋ᠦᠳᠣ ᠶᠢᠨ ᠶᠠᠮᠣᠨ ᠳᠤ ᠬᠠᠷᠢᠶᠠᠯᠠᠭᠳᠠᠵᠦ ᠠᠭᠰᠠᠨ ᠢᠶᠠᠨ ᠬᠤᠶᠢᠨ᠎ᠠ ᠨᠢ ᠺᠢᠮᠣᠰᠢ ᠶᠢᠨ ᠨᠣᠳᠤᠭ ᠲᠤ ᠪᠠᠭᠳᠠᠯᠤᠭ᠎ᠠ᠃ ᠯᠢᠶᠣᠤ ᠣᠯᠣᠰ᠂ ᠠᠯᠳᠠᠨ ᠣᠯᠣᠰ ᠤᠨ ᠦᠶ᠎ᠡ ᠳᠤ ᠰᠢᠩ ᠵᠦᠡᠭ ᠹᠦ᠋ ᠶᠠᠮᠣᠨ ᠤ ᠬᠤᠶᠢᠳᠣ ᠬᠢᠵᠠᠭᠠᠷ ᠪᠣᠯᠵᠣ ᠶᠣᠸᠠᠨ ᠣᠯᠣᠰ ᠤᠨ ᠦᠶ᠎ᠡ ᠳᠤ ᠯᠢᠶᠣᠤ ᠸᠠᠩ ᠤᠨ ᠡᠷᠬᠦᠮᠵᠢᠯᠡᠭᠳᠡᠭᠰᠡᠨ ᠨᠣᠳᠤᠭ ᠪᠣᠯᠵᠣᠬᠤᠢ᠃ ᠮᠢᠩ ᠣᠯᠣᠰ ᠤᠨ ᠦᠶ᠎ᠡ ᠳᠤ ᠮᠣᠩᠭᠤᠯ ᠳᠤ ᠣᠷᠣᠪᠠᠢ᠃ ᠶᠣᠸᠠᠨ ᠲᠠᠶᠢᠽᠣ ᠶᠢᠨ ᠲᠡᠬᠦᠣ ᠬᠠᠪᠣᠳᠣ ᠬᠠᠰᠠᠷ ᠨᠠᠶᠢᠮᠠᠨ ᠢ ᠲᠦᠪᠰᠢᠳᠭᠡᠪᠡᠢ᠂ ᠲᠠᠶᠢᠽᠣ ᠶᠢᠨ ᠠᠷᠪᠠᠨ ᠵᠢᠷᠭᠤᠳᠣᠭᠠᠷ ᠦᠶ᠎ᠡ ᠶᠢᠨ ᠠᠴᠢ ᠲᠦᠷᠣᠪᠣᠯᠣᠳ ᠠᠴᠠ ᠲᠣᠷᠣᠭᠰᠢ ᠭᠤᠷᠪᠠᠨ ᠦᠶ᠎ᠡ ᠪᠣᠯᠵᠣ ᠡᠰᠡᠨ ᠣᠶᠢᠵᠣᠩ ᠨᠣᠶᠠᠨ ᠤ ᠦᠶ᠎ᠡ ᠳᠤ ᠦᠪᠡᠷ ᠤᠨ ᠬᠠᠷᠢᠶᠠᠳᠣ ᠠᠶᠢᠮᠠᠭ ᠢᠶᠠᠨ ᠨᠠᠶᠢᠮᠠᠨ ᠬᠡᠮᠡᠨ ᠨᠠᠷᠠᠶᠢᠳᠵᠣᠬᠦᠢ︾ ᠬᠡᠵᠣ ᠲᠡᠮᠳᠡᠭᠯᠡᠵᠣ ᠪᠠᠶᠢᠨ᠎ᠠ᠃      ︽ᠨᠠᠢᠮᠠᠨ ᠰᠣᠶᠣᠯ︾ ︵ᠪᠣᠤ᠂ ᠰᠠᠶᠢᠨᠪᠠᠶᠠᠷ︶ ᠳᠤ᠄ ︽ᠨᠠᠢᠮᠠᠨ ᠬᠤᠰᠢᠭᠤ ᠶᠢ ᠲᠣᠭᠤᠷᠢᠭᠠᠳ ᠡᠮᠣᠨ᠎ᠡ ᠪᠠᠨ ᠬᠦᠷᠢᠶ᠎ᠡ᠂ ᠵᠡᠬᠦᠨ ᠡᠮᠣᠨ᠎ᠡ ᠪᠠᠨ ᠬᠦᠷᠢᠶ᠎ᠡ᠂ ᠪᠠᠷᠠᠭᠤᠨ ᠡᠮᠣᠨ᠎ᠡ ᠪᠠᠨ ᠮᠣᠩᠭᠤᠯᠵᠢᠨ᠂ ᠲᠦᠮᠡᠳ᠂ ᠪᠠᠷᠠᠭᠤᠨ ᠢᠶᠠᠨ ᠠᠣᠬᠠᠨ᠂ ᠬᠤᠶᠢᠨ᠎ᠠ ᠪᠠᠨ ᠣᠡᠭᠨᠢᠭᠤᠳ᠂ ᠠᠷᠣ ᠬᠤᠷᠴᠢᠨ᠂ ᠵᠡᠬᠦᠨ ᠬᠤᠶᠢᠨ᠎ᠠ ᠪᠠᠨ ᠵᠠᠷᠣᠳ᠂ ᠵᠡᠬᠦᠨ ᠢᠶᠠᠨ ᠲᠠᠷᠬᠠᠨ ᠬᠤᠰᠢᠭᠤ ᠵᠡᠷᠭᠡ ᠨᠠᠶᠢᠮᠠᠨ ᠠᠬ᠎ᠠ ᠲᠡᠬᠦᠣ ᠬᠤᠰᠢᠭᠤ ᠲᠠᠢ ᠬᠢᠯᠢ ᠵᠠᠭᠠᠭ ᠨᠡᠶᠢᠯᠡᠵᠣ ᠪᠠᠶᠢᠬᠤ ᠲᠣᠯᠠ ᠢᠡᠭᠬᠢᠵᠣ ᠲᠠᠭᠤᠳᠠᠪᠠ ᠭᠡᠳᠡᠭ᠃ ᠁ ᠨᠠᠢᠮᠠᠨ ᠤ ᠲᠤᠭ ᠪᠣᠯ ᠣᠯᠠᠭᠠᠨ ᠰᠠᠷᠵᠤᠭ ᠤᠨ ᠵᠢᠯᠠᠭᠠᠳᠣ ᠬᠠᠷ᠎ᠠ ᠬᠡᠯᠡ ᠲᠠᠢ ᠭᠤᠷᠪᠠᠯᠵᠢᠨ ᠣᠯᠠᠭᠠᠨ ᠲᠤᠭ ᠲᠣᠯᠠ ᠨᠠᠶᠢᠮᠠᠨ ᠤ ᠴᠡᠷᠢᠭ ᠲᠠᠶᠢᠨ ᠪᠠᠶᠢᠯᠳᠣᠭᠠᠨ ᠳᠤ ᠭᠠᠯ ᠤᠨ ᠣᠷᠣᠨ ᠢᠶᠠᠨ ᠡᠵᠡᠯᠡᠨ ᠬᠤᠰᠢᠭᠤᠴᠢ ᠶᠠᠪᠣᠳᠠᠭ᠃ ᠲᠡᠷᠡ ᠦᠶ᠎ᠡ ᠳᠤ ᠨᠢᠬᠡ ᠴᠢᠭᠤᠯᠭᠠᠨ ᠤ ᠠᠷᠪᠠᠨ ᠨᠢᠬᠡᠨ ᠬᠤᠰᠢᠭᠤ ᠶᠢ ᠠᠷᠪᠠᠨ ᠬᠤᠶᠠᠷ ᠡᠰᠢ ᠡᠷᠭᠡᠳᠡᠨ ᠢᠶᠠᠷ ᠬᠤᠪᠢᠶᠠᠷᠢᠯᠠᠭᠤᠯᠵᠣ᠂ ᠶᠠᠮᠠᠷ ᠡᠰᠢ ᠡᠷᠭᠡᠳᠡᠨ ᠢ ᠡᠵᠡᠯᠡᠭᠰᠡᠨ ᠬᠤᠰᠢᠭᠤ ᠪᠣᠯ ᠡᠰᠢ ᠡᠷᠭᠡᠳᠡᠨ ᠢ ᠬᠤᠰᠢᠭᠤᠨ ᠲᠠᠮᠠᠭ᠎ᠠ ᠶᠢᠨ ᠪᠠᠷᠢᠭᠤᠯ ᠲᠡᠭᠡᠷ᠎ᠡ ᠰᠠᠶᠢᠯᠳᠡᠭ᠃ ᠨᠠᠶᠢᠮᠠᠨ ᠤ ᠡᠰᠢ ᠡᠷᠭᠡᠳᠡᠨ ᠨᠢ ᠬᠤᠯᠣᠭᠠᠨ᠎ᠠ ᠬᠡᠨ᠎ᠡ᠃ ᠠᠷᠣ ᠬᠤᠷᠴᠢᠨ ᠤ ᠨᠣᠬᠠᠢ᠂ ᠣᠡᠭᠨᠢᠭᠤᠳ ᠤᠨ ᠲᠠᠬᠢᠶ᠎ᠠ ᠬᠡᠳᠡᠭ᠂ ᠪᠠᠷᠰ ᠡᠰᠢ ᠡᠷᠭᠡᠳᠡᠨ ᠢ ᠴᠢᠭᠤᠯᠭᠠᠨ ᠤ ᠡᠰᠢ ᠡᠷᠭᠡᠳᠡᠨ ᠢᠶᠠᠷ ᠲᠣᠭᠳᠠᠭᠠᠵᠣ᠂ ᠪᠠᠷᠰ ᠪᠠᠷᠢᠭᠤᠯᠳᠣ ᠲᠠᠮᠠᠭ᠎ᠠ ᠪᠠᠷ ᠴᠢᠭᠤᠯᠭᠠᠨ ᠤ ᠲᠠᠮᠠᠭ᠎ᠠ ᠪᠣᠯᠭᠠᠵᠣ ᠠᠷᠪᠠᠨ ᠨᠢᠬᠡᠨ ᠬᠤᠰᠢᠭᠤᠨ ᠠᠴᠠ ᠨᠢᠬᠡ ᠶᠢ ᠪᠠᠨ ᠳ᠋ᠠ ᠲᠠᠯᠪᠢᠵᠣ᠂ ᠪᠣᠰᠣᠳ ᠠᠷᠪᠠᠨ ᠬᠤᠰᠢᠭᠤ ᠪᠠᠨ ᠵᠠᠬᠢᠷᠳᠠᠭ᠃ ᠲᠠᠷᠣᠢ ᠳ᠋ᠠ ᠪᠣᠯᠣᠭᠰᠠᠨ ᠬᠤᠰᠢᠭᠤᠨ ᠸᠠᠩ ᠨᠢ ᠲᠣᠰ ᠴᠢᠭᠤᠯᠭᠠᠨ ᠤ ᠪᠠᠨ ᠲᠠᠷᠤᠭ᠎ᠠ ᠨᠢ ᠪᠣᠯᠣᠨ᠎ᠠ︾ ᠬᠡᠪᠡ᠃      ᠨᠢᠬᠡᠨ ᠲᠡᠣᠭᠡᠨ ᠲᠡᠮᠳᠡᠭᠯᠡᠯ ᠳᠤ᠄ ︽ᠨᠠᠢᠮᠠᠨ ᠠᠶᠢᠮᠠᠭ ᠨᠢ ᠨᠠᠶᠢᠮᠠᠨ ᠵᠢᠵᠢᠭ ᠣᠪᠣᠭ ᠠᠶᠢᠮᠠᠭ ᠢᠶᠠᠷ ᠪᠦᠷᠢᠯᠳᠣᠭ᠍ᠰᠡᠨ ᠣᠴᠢᠷ ᠠᠶᠢᠮᠠᠭ ᠤᠨ ᠨᠡᠷ᠎ᠡ ᠪᠠᠨ ᠨᠠᠶᠢᠮᠠᠨ ᠭᠡᠵᠣ ᠠᠪᠴᠡᠢ᠃ ᠮᠢᠩᠭᠠᠨ᠂ ᠬᠦᠷᠣᠨ᠂ ᠬᠦᠵᠣᠬᠦᠳ ︵ᠬᠦᠴᠣᠬᠦᠷ︶ ᠪᠣᠯ ᠨᠠᠶᠢᠮᠠᠨ ᠠᠶᠢᠮᠠᠭ ᠤᠨ ᠪᠦᠷᠢᠯᠳᠣᠬᠦᠨ᠃ ᠲᠣᠯᠢᠺᠧᠲ᠋ᠠᠶ᠋ᠢ ᠪᠣᠯ ᠨᠠᠢᠮᠠᠨ ᠠᠶᠢᠮᠠᠭ ᠤᠨ ᠲᠣᠳᠣᠷᠠᠬᠢ ᠶᠡᠭᠡ ᠣᠪᠣᠭ᠂ ᠲᠣᠯᠢᠺᠧᠲ᠋ᠠᠶ᠋ᠢ ᠲᠣᠳᠣᠷ᠎ᠠ ᠪᠠᠨ ᠪᠠᠰᠠ ᠳ᠋ᠣᠷᠲ᠋ᠣᠭᠤᠷ᠂ ᠬᠠᠷ᠎ᠠ ᠬᠡᠷᠢᠶ᠎ᠡ᠂ ᠰᠡᠳᠧᠷ᠂ ᠮᠠᠲ᠋ᠠᠢ ᠵᠡᠷᠭᠡ ᠲᠦᠷᠪᠡᠨ ᠰᠠᠯᠪᠣᠷᠢ ᠣᠪᠣᠭ ᠲᠠᠢ ᠪᠠᠶᠢᠵᠡᠢ᠃ ᠨᠠᠢᠮᠠᠨ ᠠᠶᠢᠮᠠᠭ ᠪᠣᠯ ᠡᠷᠳᠡᠨ ᠤ ᠢᠵᠠᠭᠤᠷ ᠮᠣᠩᠭᠤᠯ ᠬᠤᠨᠣᠳ ᠤᠨ ᠬᠤᠶᠢᠴᠢ ᠦᠶ᠎ᠡ᠂ ᠣᠶᠢᠷᠠᠳ ᠣᠭᠰᠠᠭᠠᠳᠠᠨ᠂ ᠴᠢᠨ᠋ᠸ᠎ᠠ ᠰᠢᠳᠣᠬᠡᠨᠳᠡᠨ ᠪᠣᠯᠣᠨ᠎ᠠ᠃ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ 750 ᠣᠨ ᠤ ᠦᠶ᠎ᠡ ᠳᠤ ᠰᠡᠯᠡᠩᠭᠡ ᠮᠦᠷᠡᠨ ᠤ ᠬᠦᠪᠡᠬᠡᠨ ᠲᠡᠭᠡᠷᠡᠬᠢ ᠪᠣᠰᠬᠠᠭᠰᠠᠨ ᠣᠶᠢᠭᠤᠷ ᠦᠰᠣᠭ᠌ ᠤᠨ ᠬᠦᠰᠢᠶ᠎ᠡ ᠲᠡᠭᠡᠷ᠎ᠡ sekjogui ᠬᠡᠬᠦ ᠦᠰᠣᠭ᠌ ᠪᠠᠶᠢᠭᠰᠠᠨ ᠪᠦᠬᠡᠳ ᠲᠡᠷᠡ ᠨᠢ ᠨᠠᠢᠮᠠᠨ ᠠᠶᠢᠮᠠᠭ ᠬᠡᠰᠡᠨ ᠣᠳᠬ᠎ᠠ ᠲᠠᠢ ᠭᠡᠳᠡᠭ ᠃ ᠨᠡᠶᠢᠳᠡ ᠶᠢᠨ ᠣᠨ ᠲᠣᠭᠠᠯᠠᠯ ᠤᠨ 841 ᠊᠊᠊᠊ 846 ᠣᠨ ᠤ ᠦᠶ᠎ᠡ ᠪᠠᠷ ᠨᠠᠶᠢᠮᠠᠨᠴᠣᠳ ᠪᠠᠷᠠᠭᠤᠨᠰᠢ ᠨᠡᠬᠦᠵᠣ ᠠᠯᠳᠠᠢ᠂ ᠬᠠᠨᠭ᠍ᠭᠠᠢ ᠠᠭᠤᠯᠠᠨ ᠤ ᠬᠤᠭᠤᠷᠣᠨᠳᠣ ᠣᠴᠢᠵᠣ ᠨᠣᠳᠣᠭᠯᠠᠪᠠ᠃ ᠨᠠᠢᠮᠠᠨ ᠠᠶᠢᠮᠠᠭ ᠤᠨ ᠨᠣᠳᠤᠭ ᠨᠢ ᠶᠡᠭᠡ ᠲᠦᠯᠣᠪ ᠶᠡᠭᠡ ᠠᠯᠳᠠᠢ᠂ ᠬᠠᠷ᠎ᠠ ᠬᠤᠷᠣᠮ ᠤᠨ ᠠᠭᠤᠯᠠᠨ ᠣᠷᠣᠨ᠂ ᠡᠯᠴᠢ ᠰᠡᠷᠢᠰ ᠤᠨ ᠠᠭᠤᠯᠠᠨ ᠣᠷᠣᠨ᠂ ᠠᠳᠠᠯᠢ ᠶᠢᠨ ᠠᠭᠤᠯᠠᠰ᠂ ᠬᠡᠮᠴᠢ ᠡᠬᠦᠳᠡ ᠶᠢᠨ ᠣᠷᠭᠠᠨ ᠭᠤᠣᠯ᠂ ᠡᠷᠴᠢᠰ ᠨᠠᠭᠤᠷ ︵ᠵᠠᠶᠢᠰᠠᠩ ᠨᠠᠭᠤᠷ︶᠂ ᠡᠷᠴᠢᠰ ᠮᠦᠷᠡᠨ ᠵᠢᠴᠢ ᠲᠣᠰ ᠮᠦᠷᠡᠨ ᠠᠴᠠ ᠬᠢᠷᠬᠢᠰ ᠬᠦᠷᠳᠡᠯᠡᠬᠢ ᠠᠭᠤᠯᠠᠨ ᠣᠷᠣᠨ ᠪᠠᠶᠢᠵᠡᠢ᠃ ᠨᠠᠶᠢᠮᠠᠨᠴᠣᠳ ᠣᠮᠠᠷᠠᠰᠢ ᠬᠢᠷᠬᠢᠰ᠂ ᠵᠡᠬᠦᠨᠰᠢ ᠬᠡᠷᠡᠶᠢᠳ᠂ ᠡᠮᠣᠨᠡᠰᠢ ᠣᠦᠭᠤᠷ᠂ ᠪᠠᠷᠠᠭᠤᠨᠰᠢ ᠬᠠᠨᠭ᠍ᠯᠢᠨ ᠲᠠᠢ ᠵᠠᠬ᠎ᠠ ᠬᠢᠵᠠᠭᠠᠷ ᠵᠠᠯᠭᠠᠵᠣ ᠪᠠᠶᠢᠭᠰᠠᠨ ᠠᠵᠢ᠃ 1199 ᠣᠨ ᠤ ᠦᠶ᠎ᠡ ᠳᠤ ᠨᠠᠢᠮᠠᠨ ᠠᠶᠢᠮᠠᠭ ᠤᠨ ᠴᠢᠰᠣᠨ ᠣᠳᠣᠮᠳᠣ ᠣᠪᠣᠭ ᠤᠨ ᠪᠠᠶᠢᠭᠤᠯᠣᠯ ᠨᠢᠬᠡᠨᠳᠡ ᠵᠠᠳᠠᠷᠠᠭᠠᠳ ᠣᠷᠣᠨ ᠤ ᠴᠢᠨᠠᠷᠳᠠᠢ ᠵᠣᠬᠢᠶᠠᠨ ᠪᠠᠶᠢᠭᠤᠯᠣᠯᠳᠠ ᠪᠣᠯᠵᠣ 13 ᠳ᠋ᠣᠭᠠᠷ ᠵᠠᠭᠤᠨ ᠤᠨ ᠡᠬᠢᠨ ᠦᠶ᠎ᠡ ᠪᠠᠷ ᠨᠠᠢᠮᠠᠨ ᠣᠯᠣᠰ ᠢ ᠪᠠᠶᠢᠭᠤᠯᠪᠠ᠃ ᠪᠠᠷᠠᠭᠤᠨ ᠮᠣᠩᠭᠤᠯ ᠳᠠᠭᠠᠨ ᠬᠠᠮᠤᠭ ᠤᠨ ᠬᠦᠴᠣᠷᠭᠡᠭ ᠠᠶᠢᠮᠠᠭ ᠤᠨ ᠨᠢᠬᠡ ᠨᠢ ᠪᠠᠶᠢᠵᠣ ᠪᠢᠯᠠ᠃ ᠲᠣᠬᠠᠢ ᠶᠢᠨ ᠦᠶᠡᠰ ᠨᠢᠬᠡᠨᠳᠡ ᠣᠶᠢᠭᠤᠷ ᠦᠰᠣᠭ᠌ ᠪᠢᠴᠢᠭ ᠪᠠ ᠲᠠᠮᠠᠭ᠎ᠠ ᠬᠡᠷᠡᠭᠯᠡᠵᠦ ᠪᠠᠶᠢᠵᠡᠢ᠃ ᠲᠣᠮᠳᠠᠳᠣ ᠠᠽᠢᠶ᠎ᠠ ᠶᠢᠨ ᠬᠤᠳᠠᠯᠳᠣᠭᠠᠴᠢᠨ ᠲᠠᠢ ᠠᠷᠠᠯᠵᠢᠶ᠎ᠡ ᠬᠢᠳᠡᠭ᠃ 12 ᠳ᠋ᠣᠭᠠᠷ ᠵᠠᠭᠤᠨ ᠤ ᠲᠣᠮᠳᠡᠴᠢ ᠦᠶ᠎ᠡ ᠪᠠᠷ ᠬᠢᠷᠬᠢᠰ ᠢ ᠢᠯᠠᠭᠠᠳ ᠢᠨᠠᠴᠡ ᠪᠡᠯᠬᠡ ᠪᠦᠬᠦ ᠬᠠᠭᠠᠨ ᠭᠡᠵᠣ ᠠᠯᠳᠠᠷᠰᠢᠪᠠ᠃ ᠨᠠᠢᠮᠠᠨ ᠤ ᠨᠣᠳᠤᠭ ᠦᠷᠭᠡᠵᠢᠵᠣ ᠵᠡᠬᠦᠨᠰᠢ ᠬᠡᠷᠡᠶᠢᠳ᠂ ᠮᠡᠷᠬᠢᠳ᠂ ᠪᠠᠷᠠᠭᠤᠨᠰᠢ ᠬᠡᠷᠯᠣᠭ᠌᠂ ᠣᠮᠠᠷᠠᠰᠢ ᠣᠶᠢᠷᠠᠳ᠂ ᠪᠠᠷᠠᠭᠤᠨ ᠡᠮᠣᠨᠡᠰᠢ ᠣᠶᠢᠭᠤᠷ᠂ ᠡᠮᠣᠨᠡᠰᠢ ᠲᠠᠩᠭᠤᠳ᠂ ᠣᠡᠭᠭᠤᠳ ᠲᠠᠢ ᠵᠠᠬ᠎ᠠ ᠵᠠᠯᠭᠠᠨ ᠬᠦᠷᠰᠢᠯᠡᠪᠡ᠃ ᠨᠠᠢᠮᠠᠨ ᠬᠠᠭᠠᠨ ᠤ ᠣᠣᠭᠠᠨ ᠬᠦᠣ ᠪᠠᠶᠢᠪᠣᠬ᠎ᠠ ᠶᠢ ᠠᠯᠳᠠᠨ ᠣᠯᠣᠰ ᠶᠡᠭᠡ ᠸᠠᠩ᠂ ᠲᠠᠶᠠᠨ ᠬᠠᠭᠠᠨ ᠡᠷᠬᠦᠮᠵᠢᠯᠡᠵᠡᠢ᠃ ᠢᠨᠠᠴᠡ ᠪᠡᠯᠭᠡ ᠠᠴᠠ ᠬᠤᠶᠢᠰᠢ ᠨᠠᠶᠢᠮᠠᠨᠴᠣᠳ ᠲᠣᠳᠣᠭᠠᠳᠣ ᠳᠠᠭᠠᠨ ᠬᠠᠭᠠᠷᠠᠯ ᠭᠠᠷᠴᠣ ᠡᠮᠣᠨᠡᠳᠣ ᠣᠮᠠᠷᠠᠳᠣ ᠬᠤᠶᠠᠷ ᠨᠠᠢᠮᠠᠨ ᠣᠯᠣᠰ ᠪᠣᠯᠣᠨ ᠰᠠᠯᠣᠭᠰᠠᠨ ᠶᠣᠮ︾ ᠬᠡᠵᠡᠢ᠃      ᠷᠠᠰᠢᠳ᠋ — ᠠᠳ᠋ — ᠳ᠋ᠢᠨ ᠤ ︽ᠰᠣᠳᠣᠷ ᠤᠨ ᠴᠢᠭᠤᠯᠭᠠᠨ︾ ᠳᠤ᠄ ︽ᠨᠠᠢᠮᠠᠨ ᠪᠣᠯ ᠬᠠᠨᠭ᠍ᠭᠠᠢ᠂ ᠠᠯᠳᠠᠢ ᠬᠤᠶᠠᠷ ᠨᠢᠷᠣᠭᠤᠨ ᠤ ᠬᠤᠭᠤᠷᠣᠨᠳᠣ ᠬᠠᠷ᠎ᠠ ᠡᠷᠴᠢᠰ ᠮᠦᠷᠡᠨ ᠬᠢᠬᠡᠳ ᠵᠠᠶᠢᠰᠠᠩ ᠨᠠᠭᠤᠷ ᠤᠨ ᠰᠠᠪᠠ ᠲᠠᠭᠠᠣ ᠦᠷᠭᠡᠨ ᠠᠭᠤᠳᠠᠮ ᠪᠡᠯᠴᠢᠬᠡᠷ ᠨᠣᠳᠤᠭ ᠲᠤ ᠨᠡᠬᠦᠳᠡᠯᠯᠡᠨ ᠮᠠᠯᠵᠢᠳᠠᠭ ᠬᠠᠮᠤᠭ ᠤᠨ ᠲᠣᠮᠣ ᠮᠣᠩᠭᠤᠯ ᠠᠶᠢᠮᠠᠭ ᠤᠨ ᠨᠢᠬᠡ ᠶᠣᠮ᠃ ᠨᠠᠢᠮᠠᠨ ᠤ ᠨᠣᠶᠠᠷᠬᠠᠭᠴᠢ ᠲᠠᠶᠠᠨ ᠬᠠᠭᠠᠨ 1204 ᠣᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠳᠤ ᠢᠯᠠᠭᠳᠠᠨ ᠡᠵᠡᠯᠡᠭᠳᠡᠵᠡᠢ᠃ ︿ᠨᠠᠢᠮᠠᠨ﹀ ᠬᠡᠳᠡᠭ ᠦᠬᠡ ᠨᠢ ᠲᠣᠭᠠᠨ ᠤ ︿ᠨᠠᠢᠮᠠᠨ﹀ ᠶᠢ ᠵᠢᠭᠠᠵᠣ ᠪᠠᠶᠢᠬᠤ ᠠᠴᠠ ᠲᠦᠰᠣᠬᠡᠯᠡᠵᠣ ᠪᠣᠳᠣᠪᠠᠯ ᠨᠠᠢᠮᠠᠨᠴᠤᠳ ᠨᠢ ᠠᠯᠢ ᠨᠢᠬᠡᠨ ᠴᠠᠭ ᠦᠶ᠎ᠡ ᠳᠤ ᠨᠠᠢᠮᠠᠨ ᠠᠶᠢᠮᠠᠭ ᠪᠣᠶᠣ ᠨᠠᠶᠢᠮᠠᠨ ᠣᠳᠤᠭ ᠠᠴᠠ ᠪᠦᠷᠢᠯᠳᠣᠨ ᠨᠠᠶᠢᠯᠡᠵᠣ ᠨᠠᠢᠮᠠᠨ ᠠᠶᠢᠮᠠᠭ ᠪᠣᠯᠣᠭᠰᠠᠨ ᠪᠣᠯᠣᠯᠳᠠᠢ᠃ ᠮᠣᠩᠭᠤᠯᠴᠣᠳ ᠤᠨ ᠬᠢᠨ ᠳᠤ ᠦᠪᠡᠷ ᠤᠨ ᠠᠶᠢᠮᠠᠭ ᠲᠦᠷᠣᠯ ᠢᠶᠠᠨ ᠡᠨᠡ ᠮᠡᠳᠣᠴᠢᠯᠡᠨ ᠲᠤᠭ᠎ᠠ ᠬᠡᠮᠵᠢᠶ᠎ᠡ ᠪᠠᠷ ᠨᠡᠷᠡᠯᠡᠳᠡᠭ ᠶᠠᠪᠣᠳᠠᠯ ᠪᠢᠰᠢᠬᠦᠢ ᠲᠣᠬᠢᠶᠠᠯᠳᠣᠳᠠᠭ᠃ ᠨᠠᠢᠮᠠᠨᠴᠤᠳ ᠪᠣᠯ ᠮᠣᠩᠭᠤᠯ ᠤᠨ ᠣᠯᠠᠨ ᠠᠶᠢᠮᠠᠭ ᠤᠳ ᠤᠨ ᠲᠣᠳᠣᠷ᠎ᠠ ᠬᠠᠮᠤᠭ ᠠᠴᠠ ᠰᠣᠶᠣᠯᠵᠢᠭᠰᠠᠨ ᠠᠶᠢᠮᠠᠭ ᠪᠣᠯᠣᠨ᠎ᠠ᠃ ᠲᠡᠳᠡ ᠬᠠᠮᠤᠭ ᠤᠨ ᠲᠦᠷᠣᠬᠦᠨ ᠳᠤ ᠣᠶᠢᠭᠤᠷ ᠦᠰᠣᠭ᠌ ᠢ ᠮᠣᠩᠭᠤᠯ ᠬᠡᠯᠡᠨ ᠳᠡᠭᠡᠨ ᠲᠣᠬᠢᠷᠠᠭᠤᠯᠣᠨ ᠬᠡᠷᠡᠭᠯᠡᠵᠡᠢ᠃ ᠨᠠᠢᠮᠠᠨᠴᠤᠳ ᠨᠢ ᠵᠡᠬᠦᠨ ᠲᠦᠷᠺᠰᠲ᠋ᠠᠨ ᠲᠠᠢ ᠬᠦᠷᠰᠢ ᠵᠡᠷᠭᠡᠯᠡᠳᠡᠭᠡ ᠪᠠᠶᠢᠭᠰᠠᠨ ᠣᠴᠢᠷ ᠪᠣᠰᠣᠳ ᠰᠣᠶᠣᠯ ᠤᠨ ᠦᠷ᠎ᠡ ᠪᠦᠳᠣᠭᠡᠯ ᠢ ᠴᠦ ᠠᠰᠢᠭᠯᠠᠵᠣ ᠪᠠᠶᠢᠵᠡᠢ︾ ᠬᠡᠵᠡᠢ᠃ ᠮᠣᠩᠭᠤᠯ ᠬᠠᠭᠠᠨᠳᠣ ᠣᠯᠣᠰ ᠤᠨ ᠦᠬᠡᠳᠡᠢ ᠬᠠᠭᠠᠨ ᠤ ᠵᠢᠷᠭᠤᠳᠣᠭᠠᠷ ᠬᠠᠳᠣᠨ ᠪᠣᠯ ᠨᠠᠶᠢᠮᠠᠨ ᠠᠶᠢᠮᠠᠭ ᠤᠨ ᠬᠦᠮᠣᠨ ᠶᠣᠮ᠂ ᠲᠡᠶᠢᠮᠣ ᠠᠴᠠ ᠨᠠᠢᠮᠠᠨᠵᠢᠨ ᠬᠠᠳᠣᠨ ᠭᠡᠵᠣ ᠬᠦᠨᠳᠣᠳᠭᠡᠨ ᠲᠠᠭᠤᠳᠠᠳᠠᠭ᠃ 1206 ᠣᠨ ᠳᠤ ᠬᠦᠶᠣᠭ᠌ ᠢ ᠲᠦᠷᠣᠪᠡ᠃ ᠬᠤᠵᠢᠮ ᠨᠢ ᠬᠦᠶᠣᠭ᠌ ᠮᠣᠩᠭᠤᠯ ᠣᠯᠣᠰ ᠤᠨ ᠭᠤᠷᠪᠠᠳᠣᠭᠠᠷ ᠦᠶ᠎ᠡ ᠶᠢᠨ ᠶᠡᠭᠡ ᠬᠠᠭᠠᠨ ᠡᠷᠬᠦᠮᠵᠢᠯᠡᠭᠳᠡᠨ ᠰᠠᠭᠤᠷᠢᠨ᠎ᠠ ᠰᠠᠭᠤᠭᠰᠠᠨ ᠶᠠᠪᠣᠳᠠᠯ ᠲᠡᠬᠦᠨ ᠤ ᠡᠬᠡ ᠲᠦᠷᠡᠭᠡ ᠬᠠᠳᠣᠨ ᠤ ᠭᠠᠪᠢᠶ᠎ᠠ ᠵᠢᠳᠬᠦᠯ ᠲᠠᠢ ᠰᠠᠯᠣᠰᠢ ᠦᠬᠡᠢ ᠬᠤᠯᠪᠣᠭ᠎ᠠ ᠲᠠᠢ ᠶᠣᠮ᠃      ︽ᠰᠡᠴᠡᠯᠡᠭᠴᠢᠳ ᠤᠨ ᠴᠢᠭᠤᠯᠭᠠᠨ ᠤ ᠨᠠᠮᠠᠭ᠎ᠠ︾ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ ᠪᠣᠯ ᠴᠢᠩᠬᠢᠰ ᠬᠠᠭᠠᠨ ᠤ ᠦᠶᠡᠰ᠂ ᠨᠠᠢᠮᠠᠨ ᠠᠶᠢᠮᠠᠭ ᠨᠢ ᠬᠦᠮᠣᠨ ᠠᠮᠠ ᠪᠠᠷ ᠬᠠᠮᠤᠭ ᠬᠦᠴᠣᠷᠭᠡᠭ ᠠᠶᠢᠮᠠᠭ ᠤᠨ ᠨᠢᠬᠡ ᠪᠠᠶᠢᠪᠠ᠃ ᠨᠠᠢᠮᠠᠨ ᠤ ᠡᠵᠡᠨ ᠨᠢ ᠲᠠᠶᠠᠨ ᠬᠠᠭᠠᠨ᠂ ᠲᠡᠬᠦᠨ ᠤ ᠬᠦᠣ ᠬᠦᠴᠦᠯᠢᠭ᠂ ᠲᠢᠪ ᠪᠠᠭᠤᠷᠢ ᠨᠢ ᠬᠠᠷᠠᠬᠤᠷᠣᠮ᠃ ᠲᠠᠶᠠᠨ ᠬᠠᠭᠠᠨ ᠤ ᠠᠬ᠎ᠠ ᠨᠢ ᠪᠣᠶᠣᠷᠠᠭ ᠬᠠᠭᠠᠨ ᠬᠡᠳᠡᠭ᠃ ᠨᠠᠬᠤ ᠬᠤᠨ ᠤ ᠪᠠᠶᠢᠯᠳᠣᠭᠠᠨ ᠢᠶᠠᠷ ᠨᠠᠶᠢᠮᠠᠨᠴᠣᠳ ᠢᠯᠠᠭᠳᠠᠵᠣ 1204 ᠣᠨ ᠤ ᠡᠴᠣᠰ ᠲᠡᠭᠡᠨ ᠴᠢᠩᠬᠢᠰ ᠬᠠᠭᠠᠨ ᠤ ᠵᠠᠬᠢᠷᠭᠠᠨ ᠳᠤ ᠪᠦᠷᠢᠮᠣᠰᠣᠨ ᠣᠷᠣᠵᠣ ᠬᠠᠷᠢᠶᠠᠯᠠᠭᠳᠠᠪᠠ᠃      ︽ᠠᠯᠳᠠᠨ ᠬᠦᠷᠳᠣᠨ ᠮᠢᠩᠭᠠᠨ ᠬᠡᠬᠡᠰᠣᠳᠣ︾ ᠳᠤ ᠲᠡᠮᠳᠡᠭᠯᠡᠭᠰᠡᠨ ᠢ ᠦᠨᠳᠣᠰᠣᠯᠡᠪᠡᠯ᠂ 15 ᠳ᠋ᠣᠭᠠᠷ ᠵᠠᠭᠤᠨ ᠤ ᠦᠶ᠎ᠡ ᠳᠤ ᠨᠠᠢᠮᠠᠨ ᠨᠢ ᠴᠠᠬᠠᠷ ᠲᠦᠮᠡᠨ ᠤ ᠨᠠᠢᠮᠠᠨ ᠨᠣᠳᠤᠭ ᠤᠨ ᠨᠢᠬᠡ ︽ᠠᠣᠬᠠᠨ᠂ ᠨᠠᠢᠮᠠᠨ᠂ ᠰᠦᠨᠢᠳ᠂ ᠦᠵᠣᠮᠣᠨ ᠦᠯᠬᠡ ᠶᠢᠨ ᠵᠡᠬᠦᠨ ᠲᠦᠷᠪᠡᠨ ᠣᠳᠤᠭ︾ ᠪᠠᠶᠢᠵᠡᠢ᠃ ᠬᠤᠵᠢᠮ ᠨᠢ ᠲᠠᠶᠠᠨ ᠬᠠᠭᠠᠨ ᠤ ᠬᠦᠪᠡᠬᠦᠨ ᠬᠡᠷᠡᠰᠡᠨᠵᠠ ︽ᠠᠣᠬᠠᠨ ᠨᠠᠢᠮᠠᠨ ᠲᠡᠭᠡᠷ᠎ᠡ︾ ᠡᠵᠡᠨ ᠪᠣᠯᠵᠣ ᠰᠠᠭᠤᠭᠰᠠᠨ ᠶᠣᠮ᠃ ᠬᠢᠷᠬᠢᠰ ᠤᠨ ︽ᠮᠠᠨᠠᠰ︾ ᠭᠡᠬᠦ ᠲᠣᠣᠯᠢ ᠪᠠ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠡ ᠲᠣᠪᠴᠢᠶᠠᠨ︾᠂ ︽ᠰᠣᠳᠣᠷ ᠤᠨ ᠴᠢᠭᠤᠯᠭᠠᠨ︾᠂ ︽ᠶᠣᠸᠠᠨ ᠤ ᠲᠡᠣᠭᠡ ︾ ᠳᠤ ᠨᠠᠢᠮᠠᠨ᠂ ᠨᠠᠢᠮᠠᠨᠵᠢᠨ᠂ ︽ᠨᠠᠢᠮᠠᠨ ᠠᠴᠠ ᠬᠦᠴᠣᠬᠦᠳ ᠨᠠᠢᠮᠠᠨ ᠤ ᠪᠤᠶᠢᠷᠤᠭ ᠬᠠᠭᠠᠨ︾ ᠬᠡᠵᠣ ᠲᠣᠳᠣᠷᠬᠠᠶᠢᠯᠠᠨ ᠲᠡᠮᠳᠡᠭᠯᠡᠭᠰᠡᠨ ᠪᠢᠯᠡ᠃      ᠫᠯᠠᠨ ᠺᠠᠷᠫᠢᠨ ︽ᠨᠠᠶᠢᠮᠠᠨᠴᠣᠳ ᠪᠣᠯ ᠣᠡᠭᠭᠤᠳ ᠤᠨ ᠰᠢᠳᠣᠭᠡᠨᠳᠡᠨ︾ ᠬᠡᠵᠣ ᠲᠣᠳᠣᠷᠬᠠᠶᠢᠯᠠᠵᠣ ᠪᠠᠶᠢᠬᠤ ᠳᠤ ᠷᠦᠪᠷᠣᠭ᠌ ᠬᠠᠷᠢᠨ ︽ᠨᠠᠢᠮᠠᠨᠴᠤᠳ ᠪᠣᠯ ᠨᠧᠰᠲ᠋ᠣᠷᠢ ᠶᠢᠨ ᠬᠢᠨ ᠤ ᠾᠷᠢᠰᠲ᠋ᠣᠰ ᠤᠨ ᠱᠠᠰᠢᠨᠳᠠᠨ ᠶᠣᠮ︾ ᠬᠡᠮᠡᠨ ᠲᠡᠮᠳᠡᠭᠯᠡᠭᠰᠡᠨ ᠪᠠᠶᠢᠪᠠ᠃ ᠲᠣᠬᠠᠢ ᠶᠢᠨ ᠦᠶᠡᠰ ᠨᠠᠢᠮᠠᠨᠴᠤᠳ ᠤᠨ ᠲᠣᠳᠣᠷ᠎ᠠ ᠪᠦᠬᠡ ᠶᠢᠨ ᠱᠠᠰᠢᠨ ᠪᠣᠯᠣᠨ ᠾᠷᠢᠰᠲ᠋ᠣᠰ ᠤᠨ ᠱᠠᠰᠢᠨ ᠵᠡᠷᠭᠡᠴᠡᠨ ᠲᠡᠯᠭᠡᠷᠡᠵᠣ ᠪᠠᠶᠢᠵᠡᠢ᠃ 16 ᠳ᠋ᠣᠭᠠᠷ ᠵᠠᠭᠤᠨ ᠤ ᠦᠶ᠎ᠡ ᠳᠤ ᠨᠠᠢᠮᠠᠨ ᠠᠶᠢᠮᠠᠭ ᠤᠨ ᠨᠢᠬᠡ ᠪᠦᠯᠣᠭ᠌ ᠠᠷᠠᠳ ᠢᠷᠭᠡᠳ ᠵᠡᠬᠦᠨᠰᠢ ᠨᠡᠬᠦᠳᠡᠯᠯᠡᠵᠣ ᠯᠢᠶᠣᠣᠰᠢ ᠣᠷᠣᠨ ᠳᠤ ᠣᠷᠣᠵᠣ ᠨᠣᠳᠣᠭᠯᠠᠭᠠᠳ ᠮᠦᠨ ᠨᠠᠢᠮᠠᠨ ᠬᠡᠬᠦ ᠨᠡᠷ᠎ᠡ ᠪᠠᠷ ᠢᠶᠠᠨ ᠶᠠᠪᠣᠵᠡᠢ᠃ ᠴᠢᠩ ᠣᠯᠣᠰ ᠤᠨ ᠦᠶ᠎ᠡ ᠳᠤ ᠮᠠᠨᠵᠣ ᠳᠤ ᠬᠠᠷᠢᠶᠠᠯᠠᠭᠳᠠᠨ ᠨᠠᠢᠮᠠᠨ ᠨᠡᠷᠡᠳᠣ ᠬᠤᠰᠢᠭᠤ ᠪᠣᠯᠵᠣ ᠵᠣᠤ ᠣᠳᠠ ᠶᠢᠨ ᠴᠢᠭᠤᠯᠭᠠᠨ ᠳᠤ ᠬᠠᠷᠢᠶᠠᠯᠠᠭᠳᠠᠭᠰᠠᠨ ᠶᠣᠮ᠃ ᠰᠧᠷᠵᠢ ︽ᠡᠷᠳᠡᠨ ᠤ ᠮᠣᠩᠭᠤᠯ ᠤᠨ ᠵᠠᠰᠠᠭ ᠵᠠᠬᠢᠷᠭ᠎ᠠ᠂ ᠴᠡᠷᠢᠭ ᠤᠨ ᠵᠣᠬᠢᠶᠠᠨ ᠪᠠᠶᠢᠭᠤᠯᠣᠯᠳᠠ ᠶᠢᠨ ᠣᠯᠠ ᠮᠦᠷ ᠲᠣᠭᠠᠨ ᠤ ᠦᠬᠡ ᠪᠠᠷ ᠨᠡᠷᠡᠯᠡᠭᠳᠡᠭᠰᠡᠨ ᠣᠪᠣᠭ ᠤᠨ ᠨᠢᠬᠡ ᠨᠢ ᠨᠠᠢᠮᠠᠨ︾ ᠬᠡᠵᠣ ᠦᠵᠡᠭᠰᠡᠨ ᠪᠠᠶᠢᠨ᠎ᠠ᠃ ︽ᠰᠣᠳᠣᠷ ᠤᠨ ᠴᠢᠭᠤᠯᠭᠠᠨ︾ ᠤ ᠵᠣᠬᠢᠶᠠᠭᠴᠢ ᠷᠠᠰᠢᠳ᠋ ᠤᠨ ᠬᠡᠯᠡᠬᠦ ᠪᠠᠷ᠂ ᠨᠠᠢᠮᠠᠨ ᠭᠡᠳᠡᠭ ᠪᠣᠯ ᠮᠣᠩᠭᠤᠯ ᠦᠬᠡᠨ ᠤ ᠲᠣᠯᠤᠭ᠎ᠠ ᠶᠢᠨ ᠲᠠᠷᠠᠭᠠᠬᠢ ᠲᠣᠭᠠᠨ ᠤ ᠨᠡᠷ᠎ᠡ ᠭᠡᠵᠡᠢ᠃ ᠲᠡᠬᠦᠨ ᠤ ᠨᠣᠳᠤᠭ ᠬᠢᠵᠠᠭᠠᠷ ᠨᠢ ᠶᠡᠭᠡ ᠠᠯᠳᠠᠢ᠂ ᠬᠠᠷ᠎ᠠ ᠬᠤᠷᠣᠮ ᠤᠨ ᠠᠭᠤᠯᠠᠷᠬᠠᠭ ᠣᠷᠣᠨ᠂ ᠡᠯᠣᠢ ᠰᠠᠷᠢᠰ ᠤᠨ ᠠᠭᠤᠯᠠᠷᠬᠠᠭ ᠣᠷᠣᠨ᠂ ᠡᠷᠴᠢᠰ ᠨᠠᠭᠤᠷ ︵ᠵᠠᠶᠢᠰᠠᠩ ᠨᠠᠭᠤᠷ︶᠂ ᠡᠷᠴᠢᠰ ᠮᠦᠷᠡᠨ ᠵᠢᠴᠢ ᠲᠣᠰ ᠮᠦᠷᠡᠨ ᠠᠴᠠ ᠬᠢᠷᠬᠢᠰ ᠬᠦᠷᠳᠡᠯᠡᠬᠢ ᠠᠭᠤᠯᠠᠷᠬᠠᠭ ᠣᠷᠣᠨ ᠪᠣᠯᠣᠨ᠎ᠠ᠃ ᠨᠠᠢᠮᠠᠨᠴᠤᠳ ᠣᠮᠠᠷᠠᠰᠢ ᠬᠢᠷᠬᠢᠰ ᠲᠠᠢ ᠵᠡᠬᠦᠨᠰᠢ ᠬᠡᠷᠡᠶᠢᠳ ᠲᠠᠢ᠂ ᠡᠮᠣᠨᠡᠰᠢ ᠣᠶᠢᠭᠤᠷ ᠲᠠᠢ᠂ ᠪᠠᠷᠠᠭᠤᠨᠰᠢ ᠬᠠᠨᠭ᠍ᠯᠢᠨ ᠲᠠᠢ ᠲᠣᠰ ᠲᠣᠰ ᠵᠠᠬ᠎ᠠ ᠨᠡᠶᠢᠯᠡᠳᠡᠭ ᠪᠠᠶᠢᠨ᠎ᠠ ᠬᠡᠵᠡᠢ᠃ ᠡᠷᠳᠡᠨ ᠤ ᠨᠠᠢᠮᠠᠨ ᠠᠶᠢᠮᠠᠭ᠂ ᠬᠢᠶᠠᠨ ᠭᠤᠣᠯ — ᠣᠳᠣᠬᠢ ᠶᠧᠨᠢᠰᠠᠢ ᠮᠦᠷᠡᠨ ᠤ ᠲᠡᠭᠡᠳᠣ ᠣᠷᠣᠰᠬᠠᠯ ᠤᠨ ᠡᠮᠣᠨ᠎ᠡ ᠰᠠᠯᠪᠣᠷᠢ ︵ᠪᠠᠭ᠎ᠠ ᠶᠧᠨᠢᠰᠠᠢ ᠭᠤᠣᠯ︶ ᠶᠢᠨ ᠡᠬᠢᠨ ᠳᠠᠬᠢ ᠨᠠᠢᠮᠠᠨ ᠰᠠᠯᠪᠣᠷᠢ ᠣᠷᠣᠰᠬᠠᠯ ᠭᠤᠣᠯ ᠤᠨ ᠰᠠᠪᠠ ᠭᠠᠵᠠᠷ ᠠᠴᠠ ᠮᠠᠨᠳᠣᠨ ᠭᠠᠷᠣᠭᠰᠠᠨ ᠶᠣᠮ᠃      ︽ᠳ᠋ᠣᠰᠰᠣᠨ ᠤ ᠮᠣᠩᠭᠤᠯ ᠲᠡᠣᠭᠡ︾ ᠶᠢ ᠦᠨᠳᠣᠰᠣᠯᠡᠪᠡᠯ᠂ ᠲᠠᠩᠨᠣ ᠠᠭᠤᠯᠠ ᠶᠢᠨ ᠬᠤᠶᠢᠳᠣ ᠬᠢᠶᠠᠨ ᠭᠤᠣᠯ ᠤᠨ ᠰᠠᠯᠪᠣᠷᠢ ᠨᠢ᠂ ᠬᠦᠬᠡᠮᠦ᠋ᠷᠡᠨ᠂ ᠡᠷᠬᠦᠨ᠎ᠡ ᠮᠦᠷᠡᠨ᠂ ᠬᠠᠷ᠎ᠠ ᠣᠰᠣ᠂ ᠰᠠᠪᠠ ᠶᠢᠨ ᠲᠦᠡᠭ᠂ ᠡᠭᠡᠷᠢ᠂ ᠠᠬᠠᠷ᠂ ᠵᠦᠷᠴᠢᠭ ᠪᠣᠯᠣᠨ ᠴᠠᠭᠠᠨ ᠭᠤᠣᠯ ᠵᠡᠷᠭᠡ ᠨᠠᠶᠢᠮᠠ ᠪᠣᠢ᠃ ᠬᠠᠮᠳᠣ ᠳᠤᠨᠢ ᠨᠠᠢᠮᠠᠨ ᠭᠤᠣᠯ ᠬᠡᠬᠦ ᠪᠣᠶᠣ ᠨᠠᠢᠮᠠᠨ ᠮᠦᠷᠡᠨ ᠬᠡᠳᠡᠭ᠃ ᠲᠣᠰ ᠭᠠᠵᠠᠷ ᠣᠷᠣᠨ ᠠᠩᠬ᠎ᠠ ᠬᠢᠷᠬᠢᠰ ᠠᠶᠢᠮᠠᠭ ᠲᠤ ᠬᠠᠷᠢᠶᠠᠯᠠᠭᠳᠠᠵᠣ᠂ ᠲᠠᠷᠠᠭ᠎ᠠ ᠨᠢ ᠨᠠᠢᠮᠠᠨ᠂ ᠲᠦᠮᠡᠳ᠂ ᠣᠷᠢᠶᠠᠩᠬᠠᠢ ᠨᠠᠷ᠃ ᠣᠷᠢᠳ ᠬᠤᠵᠢᠳ ᠡᠵᠡᠯᠡᠨ ᠨᠣᠳᠣᠭᠯᠠᠵᠣ ᠪᠠᠶᠢᠵᠡᠢ᠃ ᠡᠶᠢᠮᠣ ᠠᠴᠠ ᠲᠡᠣᠭᠡᠴᠢᠳ ᠤᠨ ᠵᠠᠷᠢᠮ ᠨᠢ ᠣᠷᠢᠶᠠᠩᠬᠠᠨ ᠤ ᠨᠠᠢᠮᠠᠨ ᠭᠤᠣᠯ ᠬᠡᠵᠣ᠂ ᠵᠠᠷᠢᠮ ᠨᠢ ᠬᠢᠷᠬᠢᠰ ᠤᠨ ᠨᠠᠶᠢᠮᠠᠨ ᠮᠦᠷᠡᠨ ᠬᠡᠵᠣ ᠲᠡᠮᠳᠡᠭᠯᠡᠵᠣ ᠪᠠᠶᠢᠵᠡᠢ᠃      ᠵᠠᠷᠢᠮ ᠨᠣᠮ ᠳᠤ ᠨᠠᠢᠮᠠᠨ ᠠᠶᠢᠮᠠᠭ ᠢ ︽ᠡᠷᠳᠡᠨ ᠤ ᠰᠧᠺᠡᠽᠢ ᠶᠢᠨ ᠮᠦᠷᠡᠨ ᠤ ᠣᠷᠣᠰᠬᠠᠯ ᠲᠠᠭᠠᠤ ᠣᠷᠣᠨ ᠳᠤ ᠨᠣᠳᠣᠭᠯᠠᠵᠣ ᠪᠠᠶᠢᠭᠰᠠᠨ ᠪᠣᠯᠬᠤᠷ ᠨᠠᠢᠮᠠᠨ ᠠᠶᠢᠮᠠᠭ ᠬᠡᠵᠡᠢ︾ ᠬᠡᠵᠣ ᠲᠡᠮᠳᠡᠭᠯᠡᠵᠣ ᠪᠠᠶᠢᠨ᠎ᠠ᠃ ᠨᠠᠢᠮᠠᠨ ᠬᠡᠰᠡᠨ ᠦᠬᠡ ᠶᠢ ᠡᠬᠢᠨ ᠳᠡᠭᠡᠨ ᠭᠤᠣᠯ ᠣᠰᠣᠨ ᠤ ᠨᠡᠷ᠎ᠡ ᠪᠠᠶᠢᠭᠠᠳ ᠣᠳᠬ᠎ᠠ ᠰᠢᠯᠵᠢᠨ ᠲᠡᠨᠳᠡ ᠠᠴᠠ ᠮᠠᠨᠳᠣᠵᠣ ᠭᠠᠷᠣᠭᠰᠠᠨ ᠠᠶᠢᠮᠠᠭ ᠣᠭᠰᠠᠭᠠᠳᠠᠨ ᠤ ᠨᠡᠷᠡᠶᠢᠳᠣᠯ ᠪᠣᠯᠵᠣ᠂ ᠲᠡᠬᠢᠨ ᠡᠨᠡ ᠬᠦ ᠠᠶᠢᠮᠠᠭ ᠣᠭᠰᠠᠭ᠎ᠠ ᠶᠢᠨ ᠬᠦᠮᠣᠰ ᠢ ᠲᠠᠭᠠᠵᠣ ᠶᠡᠭᠡ ᠭᠤᠪᠢ ᠡᠯᠡᠰᠣᠨ ᠤ ᠡᠮᠣᠨ᠎ᠡ ᠣᠮᠠᠷ᠎ᠠ ᠵᠢᠴᠢ ᠲᠣᠮᠳᠠᠳᠣ ᠠᠽᠢᠶ᠎ᠠ ᠶᠢᠨ ᠣᠯᠠᠨ ᠦᠨᠳᠣᠰᠣᠳᠡᠨ ᠤ ᠲᠣᠳᠣᠷ᠎ᠠ ᠦᠷᠭᠡᠨ ᠢᠶᠠᠷ ᠲᠠᠷᠬᠠᠨ ᠲᠡᠯᠬᠡᠷᠡᠵᠡᠢ᠃ ᠡᠷᠳᠡᠨ ᠤ ᠨᠠᠢᠮᠠᠨ ᠠᠶᠢᠮᠠᠭ ᠤᠨ ᠲᠡᠣᠭᠡᠨ ᠣᠯᠠ ᠮᠦᠷ ᠢ ᠣᠨ ᠲᠣᠭᠠᠯᠠᠯ ᠤᠨ ᠶᠢᠰᠣᠳᠣᠭᠡᠷ ᠵᠠᠭᠤᠨ ᠤ ᠲᠣᠮᠳᠠᠴᠢ ᠡᠷᠡᠨ ᠠᠴᠠ ᠡᠮᠣᠨ᠎ᠡ ᠬᠦᠷᠳᠡᠯ᠎ᠡ ᠬᠠᠶᠢᠨ ᠰᠦᠪᠡᠭᠴᠢᠯᠡᠵᠣ ᠪᠣᠯᠣᠨ᠎ᠠ ᠃ ᠲᠠᠩ ᠣᠯᠣᠰ ᠤᠨ ᠦᠶ᠎ᠡ ᠳᠤ ᠨᠠᠢᠮᠠᠨ ᠠᠶᠢᠮᠠᠭ ᠨᠢ ᠣᠶᠢᠭᠤᠷ ᠬᠠᠭᠠᠨᠳᠣ ᠣᠯᠣᠰ ᠲᠤ ᠬᠠᠷᠢᠶᠠᠯᠠᠭᠳᠠᠵᠣ ᠣᠶᠢᠭᠤᠷ ᠤᠨ ᠵᠠᠰᠠᠭ ᠲᠦᠷᠣ ᠶᠢᠨ ᠵᠡᠷᠭᠡ ᠬᠡᠷᠬᠢᠮ ᠢ ᠦᠶ᠎ᠡ ᠣᠯᠠᠮᠵᠢᠯᠠᠨ ᠵᠠᠯᠭᠠᠮᠵᠢᠯᠠᠵᠣ ᠣᠶᠢᠭᠤᠷ ᠦᠰᠣᠭ᠌ ᠬᠡᠷᠡᠭᠯᠡᠬᠦ ᠪᠣᠯᠵᠡᠢ ᠣᠶᠢᠭᠤᠷᠴᠣᠳ ᠪᠠᠷᠠᠭᠤᠨᠰᠢ ᠨᠡᠬᠦᠳᠡᠯᠯᠡᠭᠰᠡᠨ ᠤ ᠲᠠᠷᠠᠭ᠎ᠠ ᠨᠠᠶᠢᠮᠠᠨᠴᠣᠳ ᠶᠡᠭᠡ ᠭᠤᠪᠢ ᠶᠢᠨ ᠠᠷᠣ ᠳᠤ ᠣᠶᠢᠭᠤᠷ ᠤᠨ ᠰᠣᠶᠣᠯ ᠢ ᠵᠠᠯᠭᠠᠮᠵᠢᠯᠠᠨ ᠣᠯᠠᠮᠵᠢᠯᠠᠭᠰᠠᠨ ᠪᠠᠶᠢᠨ᠎ᠠ᠃      ︽ᠶᠣᠸᠠᠨ ᠣᠯᠣᠰ ᠤᠨ ᠰᠣᠳᠣᠷ︾ ᠪᠣᠯᠣᠨ ︽ᠰᠣᠳᠣᠷ ᠤᠨ ᠴᠢᠭᠤᠯᠭᠠᠨ︾ ᠵᠡᠷᠭᠡ ᠲᠡᠣᠭᠡ ᠶᠢᠨ ᠰᠣᠷᠪᠣᠯᠵᠢ ᠪᠢᠴᠢᠭ ᠲᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ ᠣᠨ ᠲᠣᠭᠠᠯᠠᠯ ᠤᠨ 840 ᠣᠨ ᠳᠤ ᠬᠢᠷᠬᠢᠰᠴᠣᠳ ᠣᠶᠢᠭᠤᠷ ᠬᠠᠭᠠᠨᠳᠣ ᠣᠯᠣᠰ ᠢ ᠮᠦᠬᠦᠭᠡᠬᠡᠳ ᠡᠮᠣᠨᠡᠰᠢ ᠪᠠᠭᠤᠬᠤ ᠦᠶᠡᠰ ᠨᠠᠢᠮᠠᠨ ᠠᠶᠢᠮᠠᠭ ᠲᠠᠭᠠᠯᠳᠣᠨ ᠡᠮᠣᠨᠡᠰᠢ ᠲᠦᠷᠢᠨ ᠣᠷᠣᠵᠣ ᠠᠭᠠᠵᠢᠮ ᠢᠶᠠᠷ ᠬᠦᠭᠵᠢᠨ ᠪᠣᠵᠠᠭᠠᠶᠢᠷᠠᠭᠠᠳ ᠡᠷᠴᠢᠰ ᠮᠦᠷᠡᠨ ᠠᠴᠠ ᠬᠠᠷ᠎ᠠ ᠬᠤᠷᠢᠨ ᠬᠦᠷᠳᠡᠯᠡᠬᠢ ᠠᠭᠤᠳᠠᠮ ᠶᠡᠭᠡ ᠭᠠᠵᠠᠷ ᠣᠷᠣᠨ ᠢ ᠡᠵᠡᠯᠡᠨ ᠠᠪᠴᠣ ᠠᠶᠢᠮᠠᠭ ᠤᠨ ᠡᠵᠡᠨᠳᠣ ᠣᠯᠣᠰ ᠪᠠᠶᠢᠭᠤᠯᠵᠡᠢ᠃ ᠠᠩᠬ᠎ᠠ ᠣᠶᠢᠭᠤᠷ ᠤᠨ ᠬᠠᠭᠠᠨᠳᠣ ᠣᠯᠣᠰ ᠬᠢᠷᠬᠢᠰ ᠲᠤ ᠮᠦᠬᠦᠬᠡᠭᠳᠡᠭᠡᠳ ᠣᠶᠢᠭᠤᠷᠴᠣᠳ ᠤᠨ ᠶᠡᠭᠡᠨᠭᠬᠢ ᠨᠢ ᠠᠯᠪᠠᠳᠠᠯᠭ᠎ᠠ ᠪᠠᠷ ᠪᠠᠷᠠᠭᠤᠨᠰᠢ ᠰᠢᠨᠵᠢᠶᠠᠩ ᠣᠷᠣᠭᠤ ᠨᠡᠬᠦᠭᠰᠡᠨ ᠪᠣᠶᠣ ᠡᠮᠣᠨᠡᠰᠢ ᠬᠠᠰᠢᠨ ︵ᠾᠧᠰᠢ ᠶᠢᠨ ᠬᠤᠨᠭ᠍ᠬᠢᠯ︶ ᠣᠷᠣᠭᠤ ᠨᠡᠬᠦᠳᠡᠯᠯᠡᠪᠡ᠃ ᠭᠡᠪᠡᠴᠣ ᠪᠣᠳᠠᠷᠠᠨ ᠦᠯᠡᠳᠡᠭᠰᠡᠨ ᠬᠡᠰᠡᠭ ᠣᠶᠢᠭᠤᠷᠴᠣᠳ ᠠᠳᠠᠯᠢ ᠨᠢᠬᠡᠨ ᠰᠣᠶᠣᠯᠳᠣ ᠨᠠᠢᠮᠠᠨ ᠠᠶᠢᠮᠠᠭ ᠲᠤ ᠦᠯᠡᠮᠵᠢᠬᠡᠨ ᠰᠢᠩᠭᠡᠨ ᠣᠷᠣᠭᠰᠠᠨ ᠨᠢ ᠶᠠᠷᠢᠶᠠᠨ ᠦᠬᠡᠢ᠃      ︽ᠶᠣᠸᠠᠨ ᠣᠯᠣᠰ ᠤᠨ ᠰᠣᠳᠣᠷ︾ ᠲᠤ ᠨᠠᠢᠮᠠᠨ ᠤ ᠬᠠᠨ ᠣᠷᠳᠣᠨ ᠤ ᠲᠠᠮᠠᠭᠠᠨ ᠲᠦᠰᠢᠮᠡᠯ ᠲᠠᠳᠠᠳᠣᠩᠭ᠎ᠠ ᠪᠣᠯ ᠣᠶᠢᠭᠤᠷ ᠬᠦᠮᠣᠨ ᠮᠦᠨ᠃ 1204 ᠣᠨ ᠳᠤ ᠴᠢᠩᠬᠢᠰ ᠬᠠᠭᠠᠨ ᠤ ᠵᠠᠷᠯᠢᠭ ᠢᠶᠠᠷ ᠲᠠᠶᠢᠽᠢ᠂ ᠸᠠᠩ ᠨᠠᠷ ᠲᠤ ︽ᠲᠣᠰ ᠣᠯᠣᠰ ᠤᠨ ᠢᠶᠠᠨ ᠦᠰᠣᠭ᠌︾ ᠢᠶᠠᠷ ᠪᠢᠴᠢᠭ ᠰᠣᠷᠭᠠᠭᠰᠠᠨ ᠲᠣᠬᠠᠢ ᠲᠣᠳᠣᠷᠬᠠᠢ ᠲᠡᠮᠳᠡᠭᠯᠡᠵᠣ ᠪᠠᠶᠢᠨ᠎ᠠ᠃ ︽ᠴᠢᠩᠬᠢᠰ ᠬᠠᠭᠠᠨ᠂ ᠲᠠᠶᠠᠩ ᠬᠠᠨ ᠤ ᠲᠠᠮᠠᠭᠠᠨ ᠲᠦᠰᠢᠮᠡᠯ ᠲᠠᠳᠠᠳᠣᠩᠭ᠎ᠠ ᠶᠢ ᠡᠷᠬᠦᠨ ᠬᠡᠷᠡᠭᠯᠡᠵᠣ᠂ ᠬᠠᠭᠠᠨ ᠣᠷᠳᠣᠨ ᠳᠠᠭᠠᠨ ᠪᠢᠴᠢᠭ ᠲᠠᠮᠠᠭ᠎ᠠ ᠬᠡᠷᠡᠭᠯᠡᠬᠦ ᠪᠣᠯᠣᠭᠰᠠᠨ ᠪᠦᠬᠡᠳ ᠣᠶᠢᠭᠤᠷ ᠦᠰᠣᠭ᠌ ᠢᠶᠠᠷ ︿ᠣᠯᠣᠰ ᠤᠨ ᠬᠡᠯᠡ﹀ ᠶᠢ ᠪᠢᠴᠢᠵᠣ ᠬᠦᠪᠡᠬᠦᠳ ᠲᠡᠬᠦᠣᠨᠡᠷ ᠲᠡᠭᠡᠨ ᠪᠢᠴᠢᠭ ᠵᠢᠭᠠᠨ ᠰᠣᠷᠭᠠᠭᠰᠠᠨ ᠪᠠᠶᠢᠨ᠎ᠠ᠃ ᠡ᠊ᠨᠳᠡ ᠬᠡᠯᠡᠵᠣ ᠪᠠᠶᠢᠭ᠎ᠠ ︿ᠣᠯᠣᠰ ᠤᠨ ᠬᠡᠯᠡ﹀ ᠭᠡᠵᠣ ︿ᠡᠷᠳᠡᠨ ᠤ ᠮᠣᠩᠭᠤᠯ ᠬᠡᠯᠡ﹀ ᠪᠣᠯᠬᠤ ᠨᠢ ᠶᠠᠷᠢᠶᠠᠨ ᠦᠬᠡᠢ᠃ ᠢᠡᠭᠬᠢᠬᠡᠳ ᠣᠳᠣᠬᠢ ᠮᠣᠩᠭᠤᠯ ᠦᠰᠣᠭ᠌ ᠪᠢᠴᠢᠭ ᠤᠨ ᠣᠷᠢᠳᠣ ᠪᠡᠶ᠎ᠡ ᠣᠶᠢᠭᠤᠷᠵᠢᠨ ᠮᠣᠩᠭᠤᠯ ᠦᠰᠣᠭ᠌ ᠬᠡᠳᠡᠭ ᠨᠢ ᠪᠦᠬᠦ᠋ᠢᠯᠡ ᠮᠣᠩᠭᠤᠯ ᠦᠨᠳᠣᠰᠣᠳᠡᠨ ᠤ ᠲᠣᠮᠳᠠ ᠲᠡᠯᠬᠡᠷᠡᠨ ᠬᠦᠭᠵᠢᠬᠦ ᠱᠠᠳᠣᠨ ᠳᠠᠭᠠᠨ ᠣᠷᠣᠭᠰᠠᠨ ᠪᠠᠶᠢᠨ᠎ᠠ᠃ ᠨᠠᠢᠮᠠᠨ ᠠᠶᠢᠮᠠᠭ ᠨᠢ ᠮᠣᠩᠭᠤᠯ ᠦᠨᠳᠣᠰᠣᠳᠡᠨ ᠤ ᠬᠦᠭᠵᠢᠨ ᠪᠣᠵᠠᠭᠠᠶᠢᠷᠠᠬᠤ ᠳᠤ ᠢᠯᠠᠩᠭᠤᠶ᠎ᠠ ᠪᠢᠴᠢᠭ ᠰᠣᠶᠣᠯ ᠤᠨ ᠬᠦᠭᠵᠢᠯᠳᠡ ᠳᠤ ᠮᠠᠰᠢ ᠶᠡᠭᠡ ᠦᠢᠯᠡᠳᠣᠯ ᠦᠵᠡᠬᠦᠯᠣᠭ᠍ᠰᠡᠨ ᠶᠣᠮ︾ ᠬᠡᠵᠣ ᠡᠷᠳᠡᠮᠳᠡᠨ ᠨᠠᠷ ᠣᠮᠣᠭᠰᠢᠯᠳᠠᠢ ᠦᠬᠦᠯᠡᠵᠣ ᠪᠠᠶᠢᠨ᠎ᠠ᠃      ︽ᠳ᠋ᠣᠰᠰᠣᠨ ᠤ ᠮᠣᠩᠭᠤᠯ ᠤᠨ ᠲᠡᠣᠭᠡ︾ ᠳᠤ᠄ ︽ᠨᠠᠢᠮᠠᠨ ᠤ ᠴᠡᠷᠢᠭ ᠢᠯᠠᠭᠳᠠᠨ ᠣᠬᠤᠷᠢᠵᠣ ᠨᠠᠬᠤ ᠠᠭᠤᠯᠠᠨ ᠤ ᠪᠠᠷᠳᠠᠭᠠᠳᠣ ᠭᠠᠵᠠᠷ ᠬᠦᠷᠴᠣ᠂ ᠰᠦᠨᠢ ᠬᠠᠷᠠᠩᠭᠤᠢ ᠳᠤ ᠠᠰᠬ᠎ᠠ ᠬᠠᠳᠠᠨ ᠠᠴᠠ ᠣᠶᠢᠴᠢᠨ ᠦᠬᠦᠭᠰᠡᠨ ᠨᠢ ᠲᠣᠭᠠᠯᠠᠰᠢ ᠦᠬᠡᠢ ᠣᠯᠠᠨ ᠪᠠᠶᠢᠪᠠ᠃ ᠮᠣᠩᠭᠤᠯ ᠴᠡᠷᠢᠭ ᠲᠢᠶᠠᠨ ᠬᠠᠨ ᠤ ᠲᠠᠮᠠᠭ᠎ᠠ ᠶᠢᠨ ᠲᠦᠰᠢᠮᠡᠯ ᠣᠶᠢᠭᠤᠷ ᠬᠦᠮᠣᠨ ᠲᠠᠳᠠᠳᠣᠩᠭ᠎ᠠ ᠭᠡᠭᠴᠢ ᠶᠢ ᠣᠯᠵᠠᠯᠠᠪᠠ᠂ ᠲᠡᠮᠣᠵᠢᠨ ᠠᠴᠠ ᠲᠡᠬᠦᠨ ᠠᠴᠠ᠄ ︿ᠴᠢ ᠲᠢᠶᠠᠨ ᠬᠠᠭᠠᠨ ᠤ ᠠᠯᠳᠠᠨ ᠲᠠᠮᠠᠭ᠎ᠠ ᠶᠢ ᠡᠪᠣᠷᠯᠡᠭᠡᠳ ᠶᠠᠭᠤᠨ ᠬᠢᠬᠦ ᠪᠣᠢ︖﹀ ᠭᠡᠵᠣ ᠠᠰᠠᠭᠤᠭᠰᠠᠨ ᠳᠤ ᠲᠠᠳᠠᠳᠣᠩᠭ᠎ᠠ᠄ ︿ᠡᠨᠡ ᠪᠣᠯ ᠲᠦᠰᠢᠮᠡᠯ ᠮᠢᠨᠣ ᠲᠣᠰᠢᠶᠠᠯ ᠬᠠᠷᠢᠭᠤᠴᠠᠯᠭ᠎ᠠ ᠪᠢᠯᠡ᠂ ᠪᠢ ᠣᠣᠯ ᠡᠵᠡᠨ ᠳᠡᠭᠡᠨ ᠲᠣᠰᠢᠶᠠᠬᠤ ᠬᠡᠵᠣ ᠪᠣᠢ﹀ ᠬᠡᠵᠣ ᠬᠠᠷᠢᠭᠤᠯᠵᠡᠢ᠃ ᠲᠡᠮᠣᠵᠢᠨ ᠲᠡᠬᠦᠨ ᠤ ᠦᠨᠡᠨᠴᠢ ᠰᠢᠳᠣᠷᠭᠤ ᠶᠢ ᠰᠠᠶᠢᠰᠢᠶᠠᠭᠠᠳ ᠪᠠᠰᠠ᠄ ︿ᠡᠨᠡ ᠲᠠᠮᠠᠭ᠎ᠠ ᠶᠠᠮᠠᠷ ᠬᠡᠷᠡᠭᠯᠡᠯ ᠲᠠᠢ ᠪᠣᠢ︖﹀ ᠭᠡᠵᠣ ᠠᠰᠠᠭᠤᠭᠰᠠᠨ ᠳᠤ ︿ᠮᠦᠡᠭᠬᠦ ᠴᠠᠯᠢᠩ ᠢ ᠦᠭᠴᠣ ᠠᠪᠬᠤ᠂ ᠲᠣᠰᠢᠶᠠᠯᠳᠠᠳ ᠢ ᠲᠣᠮᠢᠯᠠᠬᠤ ᠪᠠ ᠠᠯᠢᠪᠠ ᠠᠯᠪᠠᠨ ᠶᠠᠪᠣᠳᠠᠯ ᠳᠤ ᠬᠡᠷᠡᠭᠯᠡᠵᠣ ᠪᠠᠷᠢᠮᠳᠠ ᠪᠠᠳᠣᠯᠠᠭ᠎ᠠ ᠪᠣᠯᠭᠠᠳᠠᠭ﹀ ᠬᠡᠵᠣ ᠬᠠᠷᠢᠭᠤᠯᠣᠭᠰᠠᠨ ᠳᠤ ᠲᠡᠮᠣᠵᠢᠨ ᠰᠠᠶᠢᠰᠢᠶᠠᠵᠣ ᠲᠡᠷᠭᠡᠳᠡ ᠪᠠᠨ ᠪᠠᠶᠢᠳᠣᠭᠠᠢ ᠭᠡᠵᠣ ᠵᠠᠷᠯᠢᠭ ᠪᠠᠭᠤᠯᠭᠠᠵᠡᠢ᠃ ᠡᠬᠦᠨᠴᠡ ᠬᠤᠶᠢᠰᠢ᠂ ᠵᠠᠬᠢᠶ᠎ᠠ ᠵᠠᠷᠯᠢᠭ ᠲᠤ ᠴᠦᠮ ᠲᠠᠮᠠᠭ᠎ᠠ ᠭᠡᠷᠡᠭᠯᠡᠬᠦ ᠪᠣᠯᠣᠭᠰᠠᠨ ᠪᠦᠬᠡᠳ ᠮᠦᠨ ᠲᠠᠳᠠᠳᠣᠩᠭ᠎ᠠ ᠪᠠᠷ ᠡᠷᠬᠢᠯᠡᠬᠦᠯᠵᠡᠢ᠃ ᠪᠠᠰᠠ ᠲᠠᠶᠢᠵᠢ ᠨᠠᠷ ᠸᠠᠩ ᠨᠠᠷ ᠲᠤ ᠣᠶᠢᠭᠤᠷ ᠦᠰᠣᠭ᠌ ᠢᠶᠠᠷ ᠣᠯᠣᠰ ᠤᠨ ᠬᠡᠯᠡ ᠶᠢ ᠪᠢᠴᠢᠵᠣ ᠰᠣᠷᠭ᠎ᠠ ᠬᠡᠵᠣ ᠵᠠᠷᠯᠢᠭ ᠪᠠᠭᠤᠯᠭᠠᠪᠠ︾ ᠬᠡᠵᠣ ᠲᠡᠮᠳᠡᠭᠯᠡᠵᠣ ᠪᠠᠶᠢᠨ᠎ᠠ᠃ ᠡᠶᠢᠮᠣ ᠰᠠᠭᠤᠷᠢ ᠲᠠᠢ ᠪᠠᠶᠢᠭᠰᠠᠨ ᠠᠴᠠ ᠨᠠᠢᠮᠠᠨ ᠨᠣᠳᠤᠭ ᠲᠤ ᠰᠣᠶᠣᠯ ᠲᠠᠢ ᠬᠦᠮᠣᠰ ᠣᠯᠠᠨ ᠴᠤᠯᠭᠤᠷᠠᠭᠰᠠᠨ ᠪᠠᠶᠢᠨ᠎ᠠ᠃ ᠨᠠᠢᠮᠠᠨ ᠣᠯᠣᠰ ᠤᠨ ᠲᠣᠳᠣᠷᠠᠬᠢ ᠣᠶᠢᠭᠤᠷ ᠬᠦᠮᠣᠨ ᠭᠡᠵᠣ ᠡᠷᠳᠡᠨ ᠤ ᠣᠶᠢᠭᠤᠷ ᠣᠭᠰᠠᠭᠠᠨ ᠤ ᠬᠤᠶᠢᠴᠢᠰ᠂ ᠮᠦᠨ ᠴᠦ ᠨᠠᠢᠮᠠᠨ ᠠᠶᠢᠮᠠᠭ ᠤᠨ ᠬᠠᠷᠢᠶᠠᠳᠣ ᠢᠷᠭᠡᠨ ᠤ ᠨᠢᠬᠡᠨ ᠪᠦᠷᠢᠯᠳᠣᠬᠦᠨ ᠪᠣᠯᠬᠤ ᠶᠣᠰᠣᠳᠠᠢ᠃ ︽ᠲᠣᠰ ᠣᠯᠣᠰ ᠤᠨ ᠦᠰᠣᠭ᠌︾ ᠬᠡᠵᠣ ᠣᠶᠢᠭᠤᠷ ᠦᠰᠣᠭ᠌ ᠢ ᠵᠢᠭᠠᠵᠣ ᠪᠠᠶᠢᠬᠤ ᠮᠦᠷᠳᠡᠭᠡᠨ ᠨᠠᠢᠮᠠᠨ ᠣᠯᠣᠰ ᠲᠤ ᠨᠡᠪᠳᠡᠷᠡᠯᠴᠡᠨ ᠭᠡᠷᠡᠭᠯᠡᠵᠣ ᠪᠠᠶᠢᠭᠰᠠᠨ ᠦᠰᠣᠭ᠌ ᠪᠢᠴᠢᠭ ᠮᠦᠨ᠃ ᠵᠠᠷᠢᠮ ᠡᠷᠳᠡᠮᠳᠡᠳ ᠲᠠᠳᠠᠳᠣᠩᠭ᠎ᠠ ᠶᠢ ᠣᠶᠢᠭᠤᠷ ᠣᠭᠰᠠᠭᠠᠨ ᠤ ᠨᠠᠢᠮᠠᠨ ᠠᠶᠢᠮᠠᠭ ᠤᠨ ᠬᠦᠮᠣᠨ ᠬᠡᠪᠡᠯ ᠵᠣᠬᠢᠰᠳᠠᠢ ᠭᠡᠵᠣ ᠦᠵᠡᠵᠣ ᠪᠠᠶᠢᠨ᠎ᠠ᠃ ᠡᠷᠳᠡᠨ ᠤ ᠦᠶ᠎ᠡ ᠶᠢ ᠲᠣᠷᠠᠳᠪᠠᠯ ︽ᠮᠣᠩᠭᠤᠯ ᠤᠨ ᠨᠢᠭᠤᠴᠡ ᠲᠣᠪᠴᠢᠶᠠᠨ︾ ᠳᠤ ᠭᠤᠷᠪᠠᠨ ᠮᠡᠷᠬᠢᠳ ᠤᠨ ᠨᠢᠬᠡ ᠶᠢ ᠣᠸᠠᠰ ᠬᠡᠵᠣ᠂ ᠣᠷᠴᠢᠨ ᠦᠶ᠎ᠡ ᠶᠢ ᠬᠡᠯᠡᠪᠡᠯ ︽ᠣᠷᠳᠣᠰ ᠮᠣᠩᠭᠤᠯ ᠣᠪᠣᠭ︾ ᠲᠤ ᠣᠶᠢᠭᠤᠷᠴᠢᠨ ᠣᠪᠣᠭ ᠬᠡᠵᠣ ᠪᠣᠢ᠃ ᠲᠡᠷᠡ ᠮᠦᠷᠳᠡᠭᠡᠨ ᠲᠦᠷᠺ᠂ ᠮᠣᠩᠭᠤᠯ ᠲᠡᠣᠭᠡᠴᠢᠨ ︽12 ᠳ᠋ᠣᠭᠠᠷ ᠵᠠᠭᠤᠨ ᠤ ᠰᠡᠬᠦᠯᠴᠢ 13 ᠳ᠋ᠣᠭᠠᠷ ᠵᠠᠭᠤᠨ ᠤ ᠡᠬᠢᠨ ᠤ ᠦᠶ᠎ᠡ ᠳᠠᠬᠢ ᠣᠮᠠᠷᠠᠳᠣ ᠶᠢᠨ ᠲᠠᠯ᠎ᠠ ᠨᠣᠳᠤᠭ ᠲᠤ ᠲᠡᠷᠢᠬᠦᠨ ᠤ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ ᠨᠠᠶᠢᠮᠠᠨ ᠤ ᠰᠣᠶᠣᠯ ᠪᠣᠯ ᠭᠤᠪᠢ ᠶᠢᠨ ᠬᠤᠶᠢᠳᠣᠬᠢ ᠣᠶᠢᠭᠤᠷ ᠰᠣᠶᠣᠯ ᠤᠨ ᠵᠠᠯᠭᠠᠮᠵᠢ ᠮᠦᠨ︾ ᠬᠡᠵᠣ ᠦᠵᠡᠵᠣ ᠪᠠᠶᠢᠨ᠎ᠠ᠃ ᠶᠣᠸᠠᠨ ᠣᠯᠣᠰ ᠠᠴᠠ ᠬᠤᠶᠢᠰᠢ᠂ ᠲᠡᠣᠭᠡᠨ ᠰᠣᠷᠪᠣᠯᠵᠢ ᠮᠡᠳᠡᠭᠡ ᠶᠢ ᠦᠨᠳᠣᠰᠣᠯᠡᠪᠡᠯ ᠶᠠᠳᠠᠬᠤ ᠳᠠᠭᠠᠨ ᠬᠤᠶᠠᠷ ᠪᠦᠯᠣᠭ᠌  ᠨᠠᠢᠮᠠᠨᠴᠤᠳ ᠮᠣᠩᠭᠤᠯ ᠤᠨ ᠲᠣᠬᠠᠢ ᠲᠡᠣᠭᠡᠨ ᠪᠢᠴᠢᠭ ᠲᠤ ᠲᠡᠮᠳᠡᠭᠯᠡᠭᠳᠡᠨ ᠣᠷᠣᠭᠰᠠᠨ ᠪᠠᠶᠢᠨ᠎ᠠ᠂ ᠨᠢᠬᠡ ᠨᠢ ᠴᠠᠬᠠᠷ ᠲᠦᠮᠡᠨ ᠤ ᠨᠠᠢᠮᠠᠨ ᠠᠶᠢᠮᠠᠭ᠂ ᠨᠦᠬᠦᠬᠡ ᠨᠢ ᠲᠣᠶ᠋ᠢᠩ ᠤᠨ ᠣᠷᠢᠶᠠᠩᠬᠠᠨ ᠪᠠ ᠶᠦᠡᠭᠰᠢᠶᠠᠪᠤ ᠊᠊᠊᠊᠊ ᠬᠠᠷᠠᠴᠢᠨ ᠠᠶᠢᠮᠠᠭ ᠤᠨ ᠬᠠᠷᠢᠶᠠᠳᠣ ᠨᠢᠬᠡᠨ ᠣᠳᠤᠭ ᠨᠠᠢᠮᠠᠨ ᠪᠣᠯᠣᠨ᠎ᠠ᠃      ︽ᠰᠣᠳᠣᠷ ᠤᠨ ᠴᠢᠭᠤᠯᠭᠠᠨ︾ ᠳᠤ ᠴᠢᠩᠬᠢᠰ ᠬᠠᠭᠠᠨ ᠠᠴᠠ ᠡᠯᠵᠢᠬᠡᠳᠠᠢ ᠳᠤ ᠬᠤᠪᠢᠶᠠᠨ ᠦᠭᠬᠦᠭᠰᠡᠨ ᠭᠤᠷᠪᠠᠨ ᠮᠢᠩᠭᠠᠨ ᠴᠡᠷᠢᠭ ᠤᠨ ᠣᠯᠠᠩᠬᠢ ᠨᠢ ᠨᠠᠢᠮᠠᠨ᠂ ᠣᠷᠢᠶᠠᠩᠬᠠᠨ ᠪᠣᠯᠣᠨ ᠲᠠᠲ᠋ᠠᠷ ᠬᠦᠮᠣᠨ ᠪᠣᠯᠣᠨ᠎ᠠ᠂ ᠲᠡᠬᠦᠨ ᠤ ᠣᠯᠣᠰ ᠪᠣᠯᠣᠨ ᠣᠷᠳᠣᠨ ᠨᠢ ᠲᠣᠷᠣᠨ᠎ᠠ ᠵᠦᠭ ᠲᠤ ᠪᠣᠢ ᠣᠷᠳᠣ ᠴᠠᠭᠠᠨ ᠬᠡᠷᠡᠮ ᠤᠨ ᠵᠠᠬ᠎ᠠ ᠪᠣᠯᠣᠨ ᠵᠦᠷᠴᠢᠨ ᠤ ᠨᠣᠳᠤᠭ ᠢ ᠰᠢᠬᠠᠵᠣ ᠪᠠᠶᠢᠳᠠᠭ ᠬᠡᠵᠣ ᠪᠣᠢ᠃ ︽ᠣᠷᠢᠶᠠᠩᠬᠠᠨ ᠠᠶᠢᠮᠠᠭ ᠤᠨ ᠣᠯᠠᠷᠢᠭᠰᠠᠨ ᠲᠡᠣᠭᠡ︾ ᠳᠤ ︽ᠴᠢᠩᠬᠢᠰ ᠬᠠᠭᠠᠨ ᠤ ᠦᠶ᠎ᠡ ᠳᠤ ᠣᠷᠢᠶᠠᠩᠬᠠᠴᠣᠳ ᠵᠠᠯᠠᠮ᠎ᠠ ᠶᠢᠨ ᠬᠤᠶᠢᠴᠢᠰ ᠤᠨ ᠬᠤᠪᠢ ᠪᠠᠷ ᠴᠢᠩᠬᠢᠰ ᠬᠠᠭᠠᠨ ᠤ ᠵᠢᠬᠡ ᠡᠯᠵᠢᠬᠡᠳᠡᠢ ᠳᠤ ᠬᠠᠷᠢᠶᠠᠳᠣ ᠪᠠᠷ ᠬᠤᠪᠢᠶᠠᠭᠳᠠᠭᠠᠳ ᠲᠡᠬᠦᠨ ᠢ ᠲᠠᠭᠠᠵᠣ ᠵᠡᠬᠦᠨᠰᠢ ᠨᠡᠬᠦᠳᠡᠯᠯᠡᠭᠰᠡᠭᠡᠷ ᠡᠭᠡ ᠲᠣᠶ᠋ᠢᠩ ᠤᠨ ᠦᠨᠳᠣᠷ᠂ ᠴᠦᠯ ᠮᠦᠷᠡᠨ ᠤ ᠰᠠᠪᠠ ᠳᠤ ᠬᠦᠷᠴᠡᠢ︾ ᠬᠡᠵᠣ ᠪᠠᠶᠢᠪᠠ᠃ ᠴᠢᠩᠬᠢᠰ ᠬᠠᠭᠠᠨ ᠤ ᠭᠠᠪᠢᠶᠠᠳᠣ ᠵᠠᠩᠵᠣᠨ ᠵᠠᠯᠠᠮ᠎ᠠ ᠪᠣᠯ ᠣᠷᠢᠶᠠᠩᠬᠠᠢ ᠬᠦᠮᠣᠨ᠂ ᠲᠡᠬᠦᠨ ᠤ ᠬᠤᠶᠢᠴᠢᠰ ᠨᠢ ᠲᠠᠪᠣᠨᠠᠩ ᠬᠡᠳᠡᠭ ᠪᠠ ᠬᠠᠷᠢᠶᠠᠳᠣ ᠠᠶᠢᠮᠠᠭ ᠢ ᠨᠢ ᠪᠠᠭᠴᠠᠯᠠᠨ ᠣᠷᠢᠶᠠᠩᠬᠠᠨ ᠠᠶᠢᠮᠠᠭ ᠬᠡᠳᠡᠭ ᠪᠠᠶᠢᠪᠠ᠃ ᠲᠡᠶᠢᠮᠣ ᠠᠴᠠ ᠲᠡᠬᠦᠨ ᠤ ᠬᠠᠷᠢᠶᠠᠳᠣ ᠨᠠᠢᠮᠠᠨ ᠪᠠ ᠲᠠᠲ᠋ᠠᠷ ᠬᠦᠮᠣᠨ ᠣᠷᠢᠶᠠᠩᠬᠠᠨ ᠨᠡᠷᠡᠶᠢᠳᠣᠯ ᠲᠣᠣᠷ᠎ᠠ ᠪᠠᠭᠳᠠᠵᠣ ᠲᠡᠣᠭᠡ ᠰᠣᠳᠣᠷ ᠲᠤ ᠢᠯᠡᠷᠡᠬᠦ ᠪᠠᠨ ᠪᠣᠯᠢᠵᠡᠢ᠃ 16 ᠳ᠋ᠣᠭᠠᠷ ᠵᠠᠭᠤᠨ ᠤ ᠲᠣᠮᠳᠠᠴᠢ ᠦᠶ᠎ᠡ ᠪᠠᠷ ᠴᠠᠬᠠᠷ ᠲᠦᠮᠡᠨ ᠵᠡᠬᠦᠨᠰᠢ ᠨᠡᠬᠦᠳᠡᠯᠯᠡᠨ ᠣᠷᠢᠶᠠᠩᠬᠠᠨ ᠨᠣᠳᠤᠭ ᠲᠤ ᠬᠦᠷᠦᠭᠰᠡᠨ ᠤ ᠲᠠᠷᠠᠭ᠎ᠠ ᠪᠠᠷᠠᠭᠤᠨ ᠭᠠᠷ ᠤᠨ ᠬᠠᠷᠠᠴᠢᠨ ᠪᠣᠯᠣᠨ ᠬᠡᠰᠡᠭ ᠲᠦᠮᠡᠳ ᠴᠦ ᠲᠠᠭᠠᠯᠳᠣᠨ ᠵᠡᠬᠦᠨᠰᠢᠯᠡᠵᠣ ᠢᠷᠡᠭᠰᠡᠨ ᠳᠤ ᠣᠷᠢᠶᠠᠩᠬᠠᠨ ᠤ ᠬᠦᠴᠣᠨ ᠶᠡᠭᠡ ᠪᠠᠷ ᠵᠠᠳᠠᠷᠠᠨ ᠪᠣᠳᠠᠷᠠᠵᠣ ᠬᠠᠷᠠᠴᠢᠨ ᠲᠦᠮᠡᠳ ᠲᠤ ᠬᠤᠪᠢᠶᠠᠭᠳᠠᠨ ᠬᠠᠷᠢᠶᠠᠯᠠᠭᠳᠠᠭᠰᠠᠨ ᠪᠠ ᠮᠦᠨ ᠨᠢᠬᠡ ᠬᠡᠰᠡᠭ ᠨᠢ ᠴᠠᠬᠠᠷ ᠯᠤᠭ᠎ᠠ ᠬᠠᠷᠢᠯᠴᠠᠨ ᠨᠡᠪᠴᠢᠷᠠᠨ ᠰᠢᠩᠭᠡᠯᠴᠡᠭᠰᠡᠨ ᠴᠦ ᠪᠣᠢ᠃ ᠢᠡᠭᠬᠢᠬᠡᠳ ᠣᠷᠢᠶᠠᠩᠬᠠᠨ ᠠᠶᠢᠮᠠᠭ ᠤᠨ ᠨᠡᠷ᠎ᠡ ᠴᠦ ᠬᠠᠷᠠᠴᠢᠨ ᠲᠦᠮᠡᠳ ᠢᠶᠠᠷ ᠣᠷᠣᠯᠠᠭᠳᠠᠭᠠᠳ ᠲᠡᠣᠭᠡᠨ᠎ᠡ ᠲᠣᠷᠠᠳᠣᠭᠳᠠᠬᠤ ᠪᠠᠨ ᠪᠣᠯᠢᠵᠡᠢ᠃ ᠴᠢᠩ ᠣᠯᠣᠰ ᠤᠨ ᠦᠶ᠎ᠡ ᠡ᠊ᠨᠳᠡ ᠵᠣᠰᠣᠳᠣ ᠶᠢᠨ ᠴᠢᠭᠤᠯᠭᠠᠨ ᠢ ᠪᠠᠶᠢᠭᠤᠯᠵᠣ ᠲᠠᠪᠣᠨ ᠬᠤᠰᠢᠭᠤ ᠪᠣᠯᠭᠠᠨ ᠬᠤᠪᠢᠶᠠᠨ ᠵᠠᠬᠢᠷᠣᠭᠰᠠᠨ ᠪᠠᠶᠢᠨ᠎ᠠ᠃ ᠣᠣᠯ ᠤᠨ ᠬᠠᠷᠠᠴᠢᠨ ᠭᠤᠷᠪᠠᠨ ᠬᠤᠰᠢᠭᠤ ᠪᠣᠯᠣᠨ ᠮᠣᠩᠭᠤᠯᠵᠢᠨ ︵ᠲᠦᠮᠡᠳ ᠵᠡᠬᠦᠨ ᠭᠠᠷᠣᠨ︶ ᠬᠤᠰᠢᠭᠤ ᠶᠢᠨ ᠵᠠᠰᠠᠭ ᠢᠵᠠᠭᠤᠷᠳᠠᠨ ᠣᠭᠰᠠᠭ᠎ᠠ ᠶᠢ ᠲᠡᠪᠣᠨᠠᠩ ᠬᠡᠳᠡᠭ᠃ ᠲᠠᠪᠣᠨᠠᠩ ᠬᠡᠳᠡᠭ ᠨᠢ ︽ᠲᠠᠪᠣᠨ ᠸᠠᠩ︾ ᠬᠡᠳᠡᠭ ᠦᠬᠡ ᠶᠢᠨ ᠲᠣᠪᠴᠢᠯᠠᠯ ᠬᠡᠳᠡᠭ ᠪᠦᠬᠡᠳ ᠮᠣᠩᠭᠤᠯ ᠬᠠᠭᠠᠨ ᠤ ᠬᠦᠷᠭᠡᠨ ᠬᠡᠰᠡᠨ ᠣᠳᠬ᠎ᠠ ᠲᠠᠢ ᠪᠠᠶᠢᠳᠠᠭ᠃ ᠲᠡᠳᠡ ᠡᠨᠡ ᠬᠦ ᠬᠡᠷᠬᠡᠮ ᠴᠣᠯᠠ ᠪᠠᠷ ᠣᠪᠣᠭ ᠪᠣᠯᠭᠠᠵᠣ ᠬᠢᠳᠡᠳ ᠢᠶᠠᠷ ︽ᠡᠣ 吴︾ ᠬᠡᠵᠣ ᠪᠢᠴᠢᠵᠣ ᠲᠡᠮᠳᠡᠭᠯᠡᠬᠦ ᠪᠣᠯᠣᠭᠰᠠᠨ ᠪᠠᠶᠢᠨ᠎ᠠ᠃ ᠬᠠᠷᠠᠴᠣ ᠭᠠᠷᠣᠯᠳᠠᠢ ᠣᠷᠢᠶᠠᠩᠬᠠᠴᠣᠳ ᠨᠢ ᠪᠠᠰᠠ ᠬᠢᠳᠡᠳ ᠢᠶᠠᠷ ︽ᠡᠣ 乌︾ ᠬᠡᠵᠣ ᠦᠰᠣᠭ᠌ ᠢᠯᠭᠠᠨ ᠪᠢᠴᠢᠳᠡᠭ ᠪᠣᠯᠪᠠᠴᠣ ᠪᠦᠷ ᠲᠣᠰ ᠠᠶᠢᠮᠠᠭ ᠤᠨ ᠢᠶᠠᠨ ᠨᠡᠷ᠎ᠡ ︽ᠣᠷᠢᠶᠠᠩᠬᠠᠢ︾ ᠬᠡᠰᠡᠨ ᠦᠬᠡ ᠶᠢᠨ ᠲᠦᠷᠣᠬᠦᠣ ᠦᠶ᠎ᠡ ᠪᠠᠷ ᠠᠪᠢᠶᠠᠴᠢᠯᠠᠨ ᠣᠷᠴᠢᠭᠤᠯᠣᠭᠰᠠᠨ ᠣᠪᠣᠭ ᠪᠢᠯᠡ᠃ ᠲᠡᠳᠡ ᠦᠪᠡᠷ ᠢ ᠪᠠᠨ ᠵᠠᠯᠠᠮ᠎ᠠ ᠶᠢᠨ ᠬᠤᠶᠢᠴᠢᠰ ᠬᠡᠳᠡᠭ᠃ ᠡᠶᠢᠮᠣ ᠠᠴᠠ ᠣᠷᠢᠶᠠᠩᠬᠠᠨ ᠠᠶᠢᠮᠠᠭ ᠤᠨ ᠬᠤᠶᠢᠴᠢᠰ ᠪᠣᠯᠬᠤ ᠨᠢ ᠲᠠᠮᠵᠢᠭ ᠦᠬᠡᠢ᠃ ᠡᠬᠦᠨ ᠳᠤ ᠠᠩᠬ᠎ᠠ ᠡᠯᠵᠢᠬᠡᠳᠠᠢ ᠳᠤ ᠬᠠᠮᠳᠣ ᠬᠠᠷᠢᠶᠠᠯᠠᠭᠳᠠᠵᠣ ᠢᠷᠡᠭᠰᠡᠨ ᠨᠠᠶᠢᠮᠠᠨᠴᠣᠳ ᠤᠨ ᠬᠤᠶᠢᠴᠢᠰ ᠴᠦ ᠪᠠᠭ᠎ᠠ ᠪᠣᠰᠣ ᠪᠠᠶᠢᠬᠤ ᠶᠣᠰᠣᠳᠠᠢ᠃ ᠣᠳᠣᠬᠢ ᠨᠢᠩᠴᠸᠡᠭ ᠰᠢᠶᠠᠨ ᠤ ᠮᠣᠩᠭᠤᠯ ᠲᠤ ᠨᠠᠶᠢᠮᠠᠳ ᠣᠪᠣᠭᠳᠠᠨ ᠪᠠᠶᠢᠳᠠᠭ᠃ ᠲᠡᠳᠡ ᠬᠢᠳᠡᠳ ᠢᠶᠠᠷ ︽ᠪᠠᠢ ᠴᠠᠭᠠᠨ︾ ᠬᠡᠵᠣ ᠣᠷᠴᠢᠭᠤᠯᠣᠨ ᠲᠡᠮᠳᠡᠭᠯᠡᠵᠣ ᠪᠠᠶᠢᠨ᠎ᠠ᠃ ᠪᠠᠷᠤᠭ ᠰᠢᠷᠠᠨᠣᠳ ᠬᠠᠷᠠᠴᠢᠨ ᠬᠠᠷᠠᠨᠣᠳ ᠬᠠᠷᠠᠴᠢᠨ ᠠᠴᠠ ᠢᠯᠭᠠᠵᠣ ᠴᠠᠭᠠᠨ ᠢᠶᠠᠷ ᠣᠳᠬᠠᠴᠢᠯᠠᠨ ᠣᠷᠴᠢᠭᠤᠯᠣᠭᠰᠠᠨ ᠪᠣᠯᠣᠯᠳᠠᠢ᠃ ᠨᠠᠢᠮᠠᠨ ᠬᠤᠰᠢᠭᠤᠨ ᠳᠠᠬᠢ ᠡᠬᠢ ᠨᠠᠢᠮᠠᠨ ᠣᠪᠣᠭᠳᠠᠨ ᠪᠠᠰᠠ ᠣᠪᠣᠭ ᠢᠶᠠᠨ ︽ᠪᠠᠢ︾ ᠭᠡᠵᠣ ᠬᠢᠳᠡᠳ ᠢᠶᠠᠷ ᠲᠡᠮᠳᠡᠭᠯᠡᠵᠣ ᠪᠤᠢ᠃      ᠠᠯᠳᠠᠷᠳᠣ ᠲᠡᠣᠭᠡᠳᠣ ᠯᠢᠣ ᠶᠢᠨ ᠰᠦᠸᠧ ᠠᠪᠣᠭᠠᠢ ︽ᠣᠮᠠᠷᠠᠳᠣ ᠶᠣᠸᠠᠨ ᠤ ᠶᠦᠡᠭᠰᠢᠶᠠᠪᠤ ᠲᠦᠮᠡᠨ ᠭᠤᠣᠯᠳᠠᠭᠤ ᠶᠦᠡᠭᠰᠢᠶᠠᠪᠤ᠂ ᠠᠰᠣᠳ᠂ ᠬᠠᠷᠠᠴᠢᠨ ᠭᠤᠷᠪᠠᠨ ᠠᠶᠢᠮᠠᠭ ᠢᠶᠠᠷ ᠪᠦᠷᠢᠯᠳᠣᠵᠡᠢ᠃ ᠁ ᠲᠡᠳᠡ 16 ᠳ᠋ᠣᠭᠠᠷ ᠵᠠᠭᠤᠨ ᠤ ᠲᠣᠮᠳᠡᠴᠢ ᠦᠶ᠎ᠡ ᠪᠠᠷ ᠵᠡᠬᠦᠨᠰᠢ ᠨᠡᠬᠦᠳᠡᠯᠯᠡᠨ ᠲᠣᠶ᠋ᠢᠩ ᠤᠨ ᠣᠷᠢᠶᠠᠩᠬᠠᠳ ᠲᠠᠢ ᠨᠡᠶᠢᠯᠡᠨ ᠨᠢᠬᠡᠳᠴᠣ᠂ 16 ᠳ᠋ᠣᠭᠠᠷ ᠵᠠᠭᠤᠨ ᠤ ᠰᠡᠬᠦᠯᠴᠢ ᠦᠶ᠎ᠡ ᠶᠢᠨ ᠲᠡᠣᠭᠡ ᠰᠣᠳᠣᠷ ᠲᠤ ᠬᠠᠷᠠᠴᠢᠨ ᠲᠦᠮᠡᠨ ᠬᠡᠵᠣ ᠶᠦᠡᠭᠰᠢᠶᠠᠪᠤ ᠲᠦᠮᠡᠨ ᠢ ᠣᠷᠣᠯᠠᠨ ᠢᠯᠡᠷᠡᠬᠦ ᠪᠣᠯᠣᠭᠰᠠᠨ ᠪᠠᠶᠢᠨ᠎ᠠ ᠁︾ ᠬᠡᠵᠡᠢ᠃ ᠡ᠊ᠨᠳᠡ ᠲᠣᠷᠠᠳᠴᠣ ᠪᠦᠬᠦᠢ ᠰᠢᠪᠠᠭᠤᠴᠢᠨ ᠪᠣᠯᠣᠨ ᠨᠠᠶᠢᠮᠠᠨ ᠬᠤᠶᠠᠷ ᠣᠳᠤᠭ ᠨᠢ ᠶᠦᠡᠭᠰᠢᠶᠠᠪᠤ ᠊᠊᠊᠊᠊᠊ ᠬᠠᠷᠠᠴᠢᠨ ᠠᠶᠢᠮᠠᠭ ᠲᠤ ᠪᠠᠰᠠ ᠣᠷᠢᠶᠠᠩᠬᠠᠢ ᠪᠣᠯᠣᠨ ᠨᠠᠶᠢᠮᠠᠨᠴᠣᠳ ᠪᠠᠶᠢᠬᠤ ᠶᠢ ᠬᠡᠷᠡᠴᠢᠯᠡᠵᠣ ᠪᠣᠯᠬᠤ ᠪᠦᠬᠡᠳ ᠲᠡᠳᠡᠨ ᠤ ᠬᠤᠶᠢᠴᠢᠰ ᠣᠳᠣ ᠴᠦ ᠦᠨᠡᠨ ᠪᠣᠳᠠᠳᠠᠢ ᠣᠷᠣᠰᠢᠵᠣ ᠪᠠᠶᠢᠭ᠎ᠠ ᠶᠢ ᠲᠤᠳᠣᠯᠠᠵᠣ ᠪᠣᠯᠣᠨ᠎ᠠ᠃ ᠣᠳᠣᠬᠢ ᠨᠠᠶᠢᠮᠠᠨ ᠬᠤᠰᠢᠭᠤᠨ ᠤ ᠮᠣᠩᠭᠤᠯᠴᠣᠳ ᠤᠨ ᠲᠣᠳᠣᠷ᠎ᠠ ᠣᠷᠠᠶᠢᠬᠠᠨ ᠰᠢᠪᠰᠢᠭᠤᠳ ᠣᠪᠣᠭᠳᠠᠨ ᠪᠠᠶᠢᠳᠠᠭ᠃ ᠡᠨᠡ ᠨᠢ ᠰᠢᠪᠠᠭᠤᠴᠢᠭᠤᠳ ᠤᠨ ᠲᠣᠪᠴᠢᠯᠠᠭᠰᠠᠨ ᠬᠠᠷ᠎ᠠ ᠶᠠᠷᠢᠶᠠᠨ ᠤ ᠬᠡᠯᠡᠯᠬᠡ ᠮᠦᠨ᠂ ᠰᠢᠪᠠᠭᠤᠴᠢᠭᠤᠳ ᠭᠡᠵᠣ ᠰᠢᠪᠠᠭᠤᠴᠢᠨ ᠤ ᠣᠯᠠᠨ ᠲᠤᠭ᠎ᠠ ᠪᠣᠯᠬᠤ ᠶᠣᠮ᠃ 1739 ᠣᠨ ᠳᠤ ᠪᠢᠴᠢᠭᠳᠡᠭᠰᠡᠨ ︽ᠠᠯᠳᠠᠨ ᠬᠦᠷᠳᠣᠨ ᠤ ᠮᠢᠩᠭᠠᠨ ᠬᠡᠬᠡᠰᠣᠳᠣ︾ ᠬᠡᠮᠡᠬᠦ ᠮᠣᠩᠭᠤᠯ ᠲᠡᠣᠭᠡᠨ ᠪᠢᠴᠢᠭ ᠲᠤ ᠶᠣᠸᠠᠨ ᠣᠯᠣᠰ ᠤᠨ ︽ᠲᠣᠭᠤᠨᠳᠡᠮᠣᠷ ᠬᠠᠭᠠᠨ ᠲᠠᠶᠢᠳᠣ ᠬᠤᠳᠠᠨ ᠠᠴᠠ ᠲᠣᠮᠢᠶᠠᠯᠠᠨ ᠠᠪᠴᠣ ᠭᠠᠷᠣᠭᠰᠠᠨ ᠠᠷᠪᠠᠨ ᠲᠦᠮᠡᠨ ᠣᠯᠣᠰ ᠢ ᠲᠣᠭᠠᠯᠠᠪᠠᠰᠣ᠄ ᠴᠠᠬᠠᠷ᠂ ᠬᠠᠯᠬ᠎ᠠ᠂ ᠣᠷᠢᠶᠠᠩᠬᠠᠨ ︵ᠵᠡᠬᠦᠨ ᠭᠤᠷᠪᠠᠨ ᠲᠦᠮᠡᠨ︶᠂ ᠣᠷᠳᠣᠰ᠂ ᠲᠦᠮᠡᠳ᠂ ᠶᠦᠡᠭᠰᠢᠶᠠᠪᠤ ︵ᠪᠠᠷᠠᠭᠤᠨ ᠭᠤᠷᠪᠠᠨ ᠲᠦᠮᠡᠨ︶᠂ ᠬᠡᠷᠡᠶᠢᠳ᠂ ᠦᠬᠡᠯᠡᠳ᠂ ᠪᠠᠭᠠᠳᠣᠳ᠂ ᠬᠤᠶᠠᠭᠳᠠᠨ ︵ᠲᠦᠷᠪᠡᠨ ᠣᠶᠢᠷᠡᠳ︶ ᠡᠳᠡ ᠪᠣᠢ᠃ ᠴᠠᠬᠠᠷ ᠲᠦᠮᠡᠨ ᠢᠨᠣ᠄ ᠠᠣᠬᠠᠨ᠂ ᠨᠠᠶᠢᠮᠠᠨ᠂ ᠰᠦᠨᠢᠳ᠂ ᠦᠵᠣᠮᠣᠴᠢᠨ᠂ ᠦᠯᠬᠡ ︵ᠬᠢᠨᠭ᠍ᠭᠠᠨ ᠤ ᠦᠪᠣᠷ︶ ᠵᠡᠬᠦᠨ ᠲᠦᠷᠪᠡᠨ ᠣᠳᠤᠭ ᠬᠡᠮᠡᠮᠣᠢ︾ ᠬᠡᠵᠣ ᠪᠠᠶᠢᠨ᠎ᠠ᠃ ᠣᠣᠯ ᠤᠨ ᠴᠠᠬᠠᠷ ᠲᠦᠮᠡᠨ ᠤ ᠨᠠᠢᠮᠠᠨ ᠣᠳᠤᠭ ᠠᠶᠢᠮᠠᠭ ᠤᠨ ᠨᠢᠬᠡ ᠨᠢ ᠨᠠᠢᠮᠠᠨ ᠠᠶᠢᠮᠠᠭ ᠭᠡᠵᠣ ᠪᠠᠶᠢᠵᠣ᠂ ᠣᠮᠠᠷᠠᠳᠣ ᠶᠣᠸᠠᠨ ᠤ ᠶᠡᠭᠡ ᠬᠠᠭᠠᠨ ᠳᠤ ᠰᠢᠭᠤᠳ ᠬᠠᠷᠢᠶᠠᠯᠠᠭᠳᠠᠵᠣ ᠪᠠᠶᠢᠵᠡᠢ᠃ ᠠᠩᠬ᠎ᠠ ᠪᠠᠳᠣᠮᠦ᠋ᠡᠭᠭᠡ ᠲᠠᠶᠠᠨ ᠬᠠᠭᠠᠨ ᠤ ᠣᠣᠭᠠᠨ ᠬᠦᠪᠡᠬᠦᠨ ᠲᠦᠷᠣᠪᠣᠯᠣᠳ ᠤᠨ ᠬᠠᠷᠢᠶᠠᠨ ᠳᠤ ᠪᠠᠶᠢᠵᠣ ᠰᠡᠬᠦᠯ ᠳᠤᠨᠢ ᠲᠡᠬᠦᠨ ᠤ ᠣᠴᠢ ᠪᠤᠶᠢᠮ᠎ᠠ ᠲᠦᠰᠢᠶᠠᠳᠣ ᠶᠢᠨ ᠬᠤᠶᠠᠳᠣᠭᠠᠷ ᠬᠦᠪᠡᠬᠦᠨ ᠡᠰᠡᠨ ᠣᠶᠢᠵᠦᠩ ᠤᠨ ᠡᠵᠡᠮᠰᠢᠯ ᠳᠤ ᠣᠷᠣᠭᠰᠠᠨ ᠪᠠᠶᠢᠨ᠎ᠠ᠃ ︽ᠯᠢᠶᠣᠤ ᠢ ᠯᠢᠣᠸᠠᠢ︾ ᠪᠢᠴᠢᠭ ᠲᠤ ᠲᠡᠮᠳᠡᠭᠯᠡᠭᠰᠡᠨ ᠢᠶᠠᠷ ᠨᠠᠢᠮᠠᠨ ᠠᠶᠢᠮᠠᠭ ᠨᠢ ᠠᠣᠬᠠᠨ ᠠᠶᠢᠮᠠᠭ ᠤᠨ ᠠᠷᠣ ᠪᠠᠷ ᠨᠣᠳᠣᠭᠰᠢᠵᠣ ᠢ ᠵᠸᠣ ᠠᠴᠠ 500 ᠭᠠᠵᠠᠷ ᠤᠨ ᠠᠯᠣᠰ ᠪᠠᠶᠢᠵᠡᠢ᠃ ᠨᠠᠢᠮᠠᠨ ᠠᠶᠢᠮᠠᠭ ᠨᠢ ᠶᠡᠷᠣ ᠴᠠᠬᠠᠷ ᠲᠤ ᠬᠠᠷᠢᠶᠠᠯᠠᠭᠳᠠᠵᠣ ᠪᠠᠶᠢᠭᠰᠠᠨ ᠪᠦᠬᠡᠳ ᠴᠠᠬᠠᠷ ᠲᠦᠮᠡᠨ ᠤ ᠵᠡᠬᠦᠨ ᠵᠠᠬ᠎ᠠ ᠪᠠᠷ ᠪᠠᠶᠢᠷᠢᠰᠢᠨ 16 ᠳ᠋ᠣᠭᠠᠷ ᠵᠠᠭᠤᠨ ᠤ ᠲᠣᠮᠳᠡᠴᠢ ᠦᠶ᠎ᠡ ᠪᠠᠷ ᠣᠳᠣᠬᠢ ᠨᠠᠢᠮᠠᠨ ᠬᠤᠰᠢᠭᠤᠨ ᠤ ᠭᠠᠵᠠᠷ ᠨᠣᠳᠤᠭ ᠲᠤ ᠨᠡᠬᠦᠳᠡᠯᠯᠡᠨ ᠢᠷᠡᠭᠰᠡᠨ ᠪᠠᠶᠢᠨ᠎ᠠ᠃ 1627 ᠣᠨ ᠳᠤ ᠴᠠᠬᠠᠷ ᠤᠨ ᠯᠢᠭᠳᠡᠨ ᠬᠠᠭᠠᠨ ᠤ ᠶᠡᠭᠡ ᠴᠡᠷᠢᠭ ᠪᠠᠷᠠᠭᠤᠨᠰᠢ ᠣᠷᠣᠬᠤ ᠦᠶᠡᠰ ᠠᠣᠬᠠᠨ᠂ ᠨᠠᠢᠮᠠᠨ ᠬᠤᠶᠠᠷ ᠠᠶᠢᠮᠠᠭ ᠯᠢᠭᠳᠡᠨ ᠬᠠᠭᠠᠨ ᠠᠴᠠ ᠬᠠᠭᠠᠴᠠᠨ ᠬᠤᠴᠣᠷᠴᠣ᠂ ᠮᠦᠨ ᠵᠢᠯ ᠡᠰᠡᠨ ᠣᠶᠢᠵᠦᠩ ᠤᠨ ᠬᠦᠪᠡᠬᠦᠨ ᠪᠠᠭᠠᠳᠣᠷ ᠲᠠᠶᠢᠵᠢ ᠭᠤᠨᠴᠤᠭ ᠲᠡᠬᠦᠨ ᠤ ᠡᠵᠡᠮᠰᠢᠯ ᠨᠠᠢᠮᠠᠨ ᠠᠶᠢᠮᠠᠭ ᠢᠶᠠᠨ ᠲᠠᠭᠠᠭᠤᠯᠵᠣ ᠬᠤᠶᠢᠳᠣ ᠠᠯᠳᠠᠨ ᠣᠯᠣᠰ ︵ᠴᠢᠩ ᠣᠯᠣᠰ ᠤᠨ ᠣᠷᠢᠳᠤᠬᠢ ᠨᠡᠷᠡᠶᠢᠳᠣᠯ︶ ᠲᠤ ᠣᠷᠣᠵᠣ ᠦᠭᠪᠡ᠃ ᠴᠢᠩ ᠣᠯᠣᠰ ᠠᠴᠠ 1636 ᠣᠨ ᠳᠤ ᠮᠠᠨᠵᠣ ᠶᠢᠨ ᠬᠤᠰᠢᠭᠤ ᠵᠠᠰᠠᠭ ᠤᠨ ᠲᠦᠷᠢᠮ ᠢᠶᠠᠷ ᠨᠠᠢᠮᠠᠨ ᠠᠶᠢᠮᠠᠭ ᠢ ᠲᠡᠪᠢᠨ ᠰᠣᠮᠣ ᠬᠤᠪᠢᠶᠠᠨ ᠨᠢᠬᠡᠨ ᠬᠤᠰᠢᠭᠤ ᠵᠠᠰᠠᠭ ᠪᠣᠯᠭᠠᠨ ᠪᠠᠶᠢᠭᠤᠯᠣᠭᠰᠠᠨ ᠠᠴᠠ ᠡᠬᠢᠯᠡᠵᠣ ᠨᠠᠢᠮᠠᠨ ᠬᠤᠰᠢᠭᠤ ᠨᠡᠷᠡᠶᠢᠳᠣᠯ ᠲᠠᠢ ᠪᠣᠯᠣᠭᠰᠠᠨ ᠪᠠᠶᠢᠨ᠎ᠠ᠃
 
ᠢᠷᠡᠯᠲᠡ᠄ ᠲᠦᠩᠯᠢᠶᠤᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠵᠠᠮᠤᠬ᠎ᠠ ᠶᠢ ᠴᠢᠰᠤ ᠦᠵᠡᠬᠦ ᠦᠭᠡᠢ ᠪᠠᠷ ᠨᠦᠭᠴᠢᠭᠡᠭᠰᠡᠨ ᠤ ᠤᠴᠢᠷ
ᠮᠤᠩᠭᠤᠯ ᠤᠨ ᠤᠯᠠᠮᠵᠢᠯᠠᠯᠲᠤ ᠨᠤᠮ ᠰᠠᠭᠠᠲᠤᠭ ᠤᠨ ᠲᠤᠬᠠᠢ
ᠮᠤᠩᠭᠤᠯ ᠪᠥᠭᠡ ᠶᠢᠨ ᠱᠠᠰᠢᠨ ᠤ ᠡᠭᠦᠰᠦᠯ
︽ᠱᠤᠩᠬᠤᠷ ᠤᠨ ᠠᠭᠤᠯᠠᠨ ᠤ ᠲᠤᠮᠤᠭ︾ ᠤᠨ ᠲᠤᠬᠠᠢ
ᠡᠷᠳᠡᠮᠳᠠᠨ ᠡᠷᠳᠡᠨᠢᠳᠤᠬᠳᠠᠬᠤ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号