| | | | | ᠲᠡᠭᠡᠷᠡ ᠬᠤᠭᠤᠴᠠᠭᠠᠨ ᠤ ᠨᠡᠪᠳᠡᠷᠡᠭᠦᠯᠭᠡ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠦᠨᠳᠦᠰᠦᠳᠡᠨ ᠤ ᠶᠡᠭᠡ | ᠰᠤᠷᠭᠠᠭᠤᠯᠢ ᠶᠢᠨ ᠮᠤᠩᠭᠤᠯ ᠰᠤᠳᠤᠯᠤᠯ ᠤᠨ ᠲᠡᠭᠡᠳᠦ ᠰᠤᠷᠭᠠᠭᠤᠯᠢ ᠶᠢᠨ ᠲᠡᠮᠦᠷᠪᠠᠭᠠᠨᠠ ᠪᠠᠭᠰᠢ ᠠᠴᠠ ᠪᠤᠶᠢᠷᠠ ᠶᠢᠨ | ᠲᠠᠷᠢᠶᠠᠨ ᠤ ᠡᠭᠦᠰᠦᠯ ᠢᠷᠡᠯᠲᠡ ᠶᠢᠨ ᠲᠤᠬᠠᠢ ᠲᠡᠤᠬᠡᠨ ᠠᠬᠤᠢ ᠪᠠᠶᠢᠳᠠᠯ ᠢ ᠶᠠᠷᠢᠵᠤ ᠦᠭᠭᠦᠭᠰᠡᠨ ᠪᠠᠶᠢᠨᠠ᠃ ᠡᠨᠡ | ᠳ᠋ᠤᠭᠠᠷ ᠤᠨ ᠨᠡᠪᠳᠡᠷᠡᠭᠦᠯᠭᠡ ᠳᠡᠭᠡᠨ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠᠨ ᠤ ᠬᠦᠷᠢᠶᠡ ᠬᠡᠪᠴᠢᠶᠡ ᠵᠢᠴᠢ ᠲᠦᠡᠭᠯᠢᠶᠤᠤ ᠬᠤᠲᠠ ᠶᠢᠨ | ᠬᠠᠭᠤᠴᠢᠨ ᠰᠠᠭᠤᠷᠢᠰᠢᠯ ᠤᠨ ᠲᠤᠬᠠᠢ ᠬᠠᠭᠤᠴᠢ ᠵᠤᠭᠤᠭ ᠠᠴᠠ ᠨᠢ ᠵᠠᠯᠭᠠᠭᠠᠳ ᠰᠤᠨᠤᠰᠴᠠᠭᠠᠶᠠ᠃ ᠊᠊᠊᠊᠊᠊ | ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠᠨ ᠤ ᠠᠳᠠᠷ ᠨᠢ ᠴᠤᠬᠤᠮ ᠬᠡᠳᠦᠢ ᠶᠡᠭᠡ ᠭᠠᠵᠠᠷ ᠢ ᠬᠠᠭᠠᠯᠪᠤᠷᠢᠯᠠᠭᠰᠠᠨ ᠲᠤᠬᠠᠢ ᠪᠤᠳᠠᠳᠠᠢ | ᠲᠡᠮᠳᠡᠭᠯᠡᠯ ᠪᠤᠢ᠃ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠᠨ ᠤ ᠠᠳᠠᠷ ᠢ ᠪᠠᠰᠠ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠ ᠠᠶᠤᠰᠢ ᠶᠢᠨ ᠲᠦᠮᠡᠨ ᠤ ᠠᠳᠠᠷ | ᠭᠡᠵᠦ ᠬᠡᠯᠡᠨᠡ᠃ ᠡᠨᠡ ᠴᠢᠨᠢ ᠦᠨᠡᠨ ᠲᠡᠭᠡᠷᠡ ᠪᠠᠨ ᠬᠠᠭᠠᠯᠪᠦᠷᠢᠯᠠᠭᠰᠠᠨ ᠨᠤᠳᠤᠭ ᠤᠨ ᠢᠶᠠᠨ ᠬᠢᠵᠠᠭᠠᠷ ᠢ ᠨᠢ | ᠬᠡᠮᠵᠢᠶᠡᠯᠡᠴᠢᠬᠡᠭᠰᠡᠨ ᠪᠠᠶᠢᠨᠠ᠃ ᠵᠡᠭᠦᠨ ᠲᠠᠯᠠ ᠨᠢ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠ᠂ ᠤᠳᠤ ᠶᠢᠨ ᠲᠦᠡᠭᠯᠢᠶᠤᠤ ᠬᠤᠲᠠ ᠶᠢᠨ | ᠰᠠᠭᠤᠷᠢ᠂ ᠪᠠᠷᠠᠭᠤᠨᠰᠢ ᠪᠠᠨ ᠠᠶᠤᠰᠢ ᠶᠢᠨ ᠰᠦᠮᠡ ᠬᠦᠷᠦᠨᠡ᠃ ᠲᠠᠷᠤᠢ ᠤᠳᠤ ᠶᠢᠨ ᠲᠦᠡᠭᠯᠢᠶᠤᠤ ᠬᠤᠲᠠ ᠠᠴᠠ | ᠪᠠᠷᠠᠭᠤᠨᠰᠢ ᠶᠠᠪᠤᠪᠠᠯ ᠢᠤᠢ ᠰᠢᠨ ᠰᠢᠶᠠᠩ ᠭᠡᠵᠦ ᠪᠠᠶᠢᠳᠠᠭ᠂ ᠲᠡᠨᠳᠡ ᠬᠦᠷᠳᠡᠭ ᠶᠤᠮ᠃ ᠠᠶᠤᠰᠢ ᠶᠢᠨ ᠰᠦᠮᠡ | ᠠᠶᠢᠯ ᠢ ᠤᠳᠤᠬᠠᠨ ᠳᠤ ᠢᠤᠢ ᠰᠢᠨ ᠪᠠᠯᠭᠠᠰᠤ ᠶᠢᠨ ᠰᠢᠩ ᠹᠦ᠋ ᠲᠤᠰᠬᠤᠨ ᠭᠡᠮᠡᠨ ᠨᠡᠷᠡᠯᠡᠵᠦ ᠪᠠᠶᠢᠨᠠ᠃ ᠡᠶᠢᠮᠦ ᠠᠴᠠ | ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠ ᠠᠶᠤᠰᠢ ᠶᠢᠨ ᠰᠦᠮᠡ ᠶᠢᠨ ᠠᠳᠠᠷ ᠤᠨ ᠵᠡᠭᠦᠨ ᠬᠢᠵᠠᠭᠠᠷ ᠨᠢ ᠪᠤᠯ ᠤᠳᠤ ᠶᠢᠨ ᠲᠦᠡᠭᠯᠢᠶᠤᠤ | ᠬᠤᠲᠠ ᠶᠢᠨ ᠰᠠᠭᠤᠷᠢ᠂ ᠪᠠᠷᠠᠭᠤᠨ ᠬᠢᠵᠠᠭᠠᠷ ᠨᠢ ᠪᠤᠯ ᠠᠶᠤᠰᠢ ᠶᠢᠨ ᠰᠦᠮᠡ ᠪᠤᠯᠤᠨᠠ᠃ ᠡᠮᠦᠨᠡᠰᠢ ᠪᠠᠨ ᠨᠠᠷᠢᠳ ᠤᠨ | ᠭᠤᠤᠯ ᠬᠦᠷᠦᠨᠡ᠃ ᠬᠢᠳᠠᠳ ᠢᠶᠠᠷ ᠨᠠᠷᠢᠳ ᠤᠨ ᠭᠤᠤᠯ ᠢ ︽清河︾ ᠭᠡᠵᠦ ᠲᠡᠮᠳᠡᠭᠯᠡᠵᠦ ᠪᠤᠢ᠃ ᠠᠷᠤ | ᠵᠠᠬᠠ ᠨᠢ ᠪᠤᠯ ᠰᠢᠷᠠᠮᠦ᠋ᠷᠡᠨ᠃ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠᠨ ᠤ ᠠᠳᠠᠷ ᠤᠨ ᠬᠠᠮᠤᠭ ᠠᠩᠬᠠᠨ ᠤ ᠰᠠᠭᠤᠷᠢ ᠨᠢ ᠲᠠᠷᠤᠢ ᠡᠨᠡ | ᠬᠦ ᠬᠡᠰᠡᠭ ᠭᠠᠵᠠᠷ ᠪᠤᠯᠤᠨᠠ᠃ ᠬᠡᠪᠴᠢᠶᠡ ᠨᠢ ᠲᠤᠩ ᠪᠠᠭᠠ᠃ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠪᠠᠷᠤᠭ 30 ᠭᠠᠵᠠᠷ᠂ | ᠡᠮᠦᠨᠡᠰᠢ ᠤᠮᠠᠷᠠᠰᠢ ᠪᠠᠷᠤᠭ 3 ᠠᠴᠠ 40 ᠭᠠᠵᠠᠷ ᠢ ᠲᠠᠪᠠᠭ᠋ᠤ ᠦᠭᠡᠢ ᠶᠤᠮ᠃ ᠶᠠᠭ ᠡᠶᠢᠮᠦ ᠠᠴᠠ ᠪᠢᠳᠠᠨ ᠤ | ᠶᠠᠷᠢᠳᠠᠭ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠᠨ ᠤ ᠠᠳᠠᠷ ᠲᠦᠡᠭᠯᠢᠶᠤᠤ ᠬᠤᠸᠠᠩ ᠪᠤᠯ ᠬᠤᠶᠠᠷ ᠬᠡᠰᠡᠭ ᠭᠠᠵᠠᠷ ᠢᠶᠠᠷ ᠪᠦᠷᠢᠯᠳᠤᠨᠡ᠃ | ᠪᠠᠷᠠᠭᠤᠨ ᠲᠠᠯ ᠠ ᠶᠢᠨ ᠬᠡᠰᠡᠭ ᠨᠢ ᠰᠸᠧᠠᠩᠲᠤᠩᠷᠤᠪ ᠸᠠᠩ ᠤᠨ ᠲᠠᠯᠪᠢᠭᠰᠠᠨ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠᠨ ᠤ ᠠᠳᠠᠷ ᠶᠤᠮ | ᠃ 1908 ᠤᠨ ᠠᠴᠠ 1918 ᠤᠨ ᠤ ᠬᠤᠭᠤᠷᠤᠨᠳᠤ ᠲᠦᠷᠪᠡᠨ ᠬᠢᠵᠠᠭᠠᠷ ᠨᠢ ᠲᠤᠭᠳᠠᠵᠦ᠂ ᠬᠤᠵᠢᠮ ᠨᠢ | ᠪᠠᠷᠠᠭᠤᠨᠰᠢ ᠪᠠᠨ ᠮᠤᠷᠢᠨ ᠰᠦᠮᠡ ᠬᠦᠷᠳᠡᠯᠠ ᠭᠠᠵᠠᠷ ᠨᠤᠳᠤᠭ ᠨᠢ ᠪᠠᠭᠠ ᠪᠠᠭᠠ ᠪᠠᠷ ᠨᠡᠮᠡᠭᠳᠡᠭᠰᠡᠨ ᠪᠠᠶᠢᠨᠠ᠃ | ᠡᠭᠦᠨ ᠢᠶᠠᠨ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠ ᠶᠢᠨ ᠠᠳᠠᠷ ᠭᠡᠵᠦ ᠬᠡᠯᠡᠵᠦ ᠪᠠᠶᠢᠵᠠᠢ᠃ ᠵᠡᠭᠦᠨ ᠲᠠᠯᠠ ᠶᠢᠨ ᠬᠡᠰᠡᠭ ᠨᠢ ᠤᠳᠤ ᠶᠢᠨ | ᠦᠪᠦᠷ ᠮᠤᠩᠭᠤᠯ ᠤᠨ ᠦᠨᠳᠦᠰᠦᠳᠡᠨ ᠤ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠬᠠᠷᠢᠶᠠᠳᠤ ᠡᠮᠨᠡᠯᠭᠡ ᠶᠢᠨ ᠬᠤᠷᠢᠶᠡ ᠠᠴᠠ | ᠵᠡᠭᠦᠨᠰᠢᠬᠢ ᠬᠡᠰᠡᠭ ᠭᠠᠵᠠᠷ ᠮᠦᠨ᠂ ᠲᠠᠷᠦᠢ ᠦᠬᠡᠷ ᠰᠡᠭᠦᠯᠳᠦ᠂ ᠤᠳᠠᠨ ᠤᠯᠤᠮ ᠵᠡᠷᠭᠡ ᠭᠠᠵᠠᠷ ᠪᠤᠯᠤᠨᠠ᠂ ᠲᠡᠷᠡ | ᠪᠤᠯ ᠪᠠᠶᠢᠯᠡ ᠨᠤᠶᠠᠨ ᠶᠠᠩᠰᠠᠨᠪᠠᠯ ᠤᠨ ᠲᠠᠯᠪᠢᠭᠰᠠᠨ ᠭᠠᠵᠠᠷ ᠶᠤᠮ᠃ ᠡᠭᠦᠨ ᠢ ᠬᠢᠳᠠᠳ ᠢᠶᠠᠷ ︽河南荒︾᠂ | ᠭᠤᠤᠯ ᠤᠨ ᠡᠮᠦᠨᠡᠬᠢ ᠠᠳᠠᠷ ᠭᠡᠳᠡᠭ᠃ ᠲᠡᠭᠡᠷᠡ ᠵᠠᠭᠤᠨ ᠤ ᠬᠤᠷᠢᠭᠠᠳ ᠤᠨ ᠤ ᠦᠶᠡ ᠳᠤ ᠪᠤᠢ ᠪᠤᠯᠤᠭᠰᠠᠨ | ᠶᠠᠪᠤᠳᠠᠯ ᠶᠤᠮ᠃ ᠲᠡᠭᠦᠨ ᠤ ᠬᠢᠵᠠᠭᠠᠷ ᠨᠢ ᠰᠢᠷᠠᠮᠦ᠋ᠷᠡᠨ ᠠᠴᠠ ᠨᠠᠷᠢᠳ ᠤᠨ ᠭᠤᠤᠯ ᠤᠨ ᠬᠤᠭᠤᠷᠤᠨᠳᠤ ᠪᠤᠢ᠃ | ᠪᠠᠷᠠᠭᠤᠨ ᠵᠠᠬᠠ ᠨᠢ ᠪᠤᠯ ᠤᠳᠤ ᠶᠢᠨ ᠲᠦᠡᠭᠯᠢᠶᠤᠤ ᠬᠤᠲᠠ ᠶᠢᠨ ᠰᠠᠭᠤᠷᠢ᠂ ᠵᠡᠭᠦᠨ ᠵᠠᠬᠠ ᠨᠢ ᠪᠤᠯ ᠲᠠᠷᠬᠠᠨ ᠭᠡᠳᠡᠭ | ᠭᠠᠵᠠᠷ᠃ ᠭᠤᠤᠯ ᠤᠨ ᠡᠮᠦᠨᠡᠬᠢ ᠠᠳᠠᠷ ᠨᠢ ᠤᠤᠯ ᠤᠨ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠ ᠶᠢᠨ ᠠᠳᠠᠷ ᠠᠴᠠ ᠪᠠᠨ ᠬᠡᠪᠴᠢᠶᠡ ᠪᠠᠷ | ᠶᠡᠭᠡ᠃ ᠬᠤᠶᠠᠭᠤᠯᠠ ᠪᠠᠨ ᠨᠡᠶᠢᠯᠡᠭᠡᠳ ᠶᠡᠭᠡ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠ ᠶᠢᠨ ᠠᠳᠠᠷ ᠢ ᠪᠤᠢ ᠪᠤᠯᠭᠠᠵᠠᠢ᠃ | ᠡᠨᠡ ᠬᠦ ᠶᠡᠭᠡ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠ ᠭᠡᠳᠡᠭ ᠨᠢ ᠲᠠᠷᠤᠢ ᠤᠳᠤ ᠶᠢᠨ ᠲᠦᠡᠭᠯᠢᠶᠤᠤ ᠬᠤᠲᠠ ᠶᠢᠨ ᠬᠤᠷᠴᠢᠨ | ᠲᠤᠭᠤᠷᠢᠭ ᠤᠨ ᠰᠠᠭᠤᠷᠢ ᠮᠦᠨ᠃ ᠬᠤᠷᠴᠢᠨ ᠲᠤᠭᠤᠷᠢᠭ ᠪᠤᠯ ᠲᠠᠷᠤᠢ ᠤᠤᠯ ᠤᠨ ᠲᠦᠡᠭᠯᠢᠶᠤᠤ ᠰᠢᠶᠠᠨ ᠮᠦᠨ᠃ | ᠲᠦᠡᠭᠯᠢᠶᠤᠤ ᠰᠢᠶᠠᠨ ᠪᠤᠯ ᠬᠤᠶᠠᠷ ᠬᠡᠰᠡᠭ ᠢᠶᠠᠷ ᠪᠦᠷᠢᠯᠳᠤᠵᠦ᠂ ᠨᠢᠭᠡ ᠨᠢ ᠪᠤᠯ ᠪᠤᠶᠢᠷᠠ ᠶᠢᠨ ᠲᠠᠷᠢᠶ ᠠ ᠶᠢᠨ ᠠᠳᠠᠷ᠂ | ᠨᠦᠭᠦᠬᠡ ᠨᠢ ᠪᠤᠯ ᠭᠤᠤᠯ ᠤᠨ ᠡᠮᠦᠨᠡᠬᠢ ᠠᠳᠠᠷ᠃ ᠬᠤᠶᠠᠭᠤᠯᠠ ᠪᠠᠨ ᠨᠡᠶᠢᠯᠡᠭᠡᠳ ᠲᠦᠡᠭᠯᠢᠶᠤᠤ ᠶᠢᠨ ᠠᠳᠠᠷ | ᠪᠤᠯᠤᠭᠠᠳ ᠬᠤᠵᠢᠮ ᠨᠢ ᠲᠡᠨᠳᠡ ᠰᠢᠶᠠᠨ ᠪᠠᠶᠢᠭᠤᠯᠤᠭᠰᠠᠨ ᠤ ᠲᠠᠷᠠᠭᠠ ᠲᠦᠡᠭᠯᠢᠶᠦᠤ ᠰᠢᠶᠠᠨ ᠬᠡᠵᠦ ᠨᠡᠷᠡᠯᠡᠭᠡᠳ | ᠲᠦᠡᠭᠯᠢᠶᠤᠤ ᠰᠢᠶᠠᠨ ᠨᠢ ᠬᠤᠪᠢᠷᠠᠭᠰᠠᠭᠠᠷ ᠬᠤᠪᠢᠷᠠᠭᠰᠠᠭᠠᠷ ᠬᠤᠳᠠ ᠪᠤᠯᠵᠤ᠂ ᠲᠦᠡᠭᠯᠢᠶᠤᠤ ᠬᠤᠲᠠ ᠭᠡᠮᠡᠨ ᠨᠡᠷᠡᠯᠡᠵᠦ | ᠵᠢᠷᠢᠮ ᠠᠶᠢᠮᠠᠭ ᠲᠤ ᠪᠠᠭᠳᠠᠭᠳᠠᠵᠤ ᠪᠠᠶᠢᠵᠠᠢ᠃ 1999 ᠤᠨ ᠳᠤ ᠵᠢᠷᠢᠮ ᠠᠶᠢᠮᠠᠭ ᠤᠨ ᠠᠶᠢᠮᠠᠭ ᠤᠨ ᠪᠠᠶᠢᠭᠤᠯᠤᠯ ᠢ | ᠬᠠᠰᠤᠭᠠᠳ ᠬᠤᠲᠠ ᠶᠢᠨ ᠪᠠᠶᠢᠭᠤᠯᠤᠯ ᠪᠤᠯᠭᠠᠵᠤ᠂ ᠵᠢᠷᠢᠮ ᠠᠶᠢᠮᠠᠭ ᠢᠶᠠᠨ ᠲᠦᠡᠭᠯᠢᠶᠤᠤ ᠬᠤᠲᠠ ᠭᠡᠮᠡᠨ ᠨᠡᠷᠡᠯᠡᠵᠡᠢ᠃ | ᠢᠡᠭᠭᠢᠵᠦ ᠨᠡᠷᠡᠯᠡᠬᠦ ᠦᠶᠡᠰ ᠤᠤᠯ ᠤᠨ ᠰᠢᠶᠠᠨ ᠤ ᠲᠡᠰ ᠤᠨ ᠲᠦᠡᠭᠯᠢᠶᠤᠤ ᠬᠤᠲᠠ ᠪᠠᠨ ᠬᠤᠷᠴᠢᠨ ᠲᠤᠭᠤᠷᠢᠭ ᠭᠡᠵᠦ | ᠨᠡᠷᠡᠯᠡᠵᠡᠢ᠃ ᠡᠭᠦᠨ ᠳᠤ᠂ ᠤᠤᠯ ᠤᠨ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠ ᠭᠡᠳᠡᠭ ᠨᠡᠷᠡᠶᠢᠳᠤᠯ ᠨᠢ ᠪᠠᠶᠠᠨ ᠲᠠᠷᠢᠶᠠ ᠬᠡᠳᠡᠭ | ᠠᠶᠢᠯ ᠤᠨ ᠨᠡᠷᠡ ᠪᠠᠷ ᠢᠶᠠᠨ ᠦᠯᠡᠳᠡᠵᠦ ᠬᠤᠷᠴᠢᠨ ᠲᠤᠭᠤᠷᠢᠭ ᠲᠤ ᠪᠠᠭᠳᠠᠭᠳᠠᠨ᠂ ᠲᠦᠡᠭᠯᠢᠶᠤᠤ ᠬᠤᠲᠠ ᠶᠢᠨ ᠭᠠᠯᠳᠤ | ᠲᠡᠷᠭᠡᠨ ᠦᠷᠳᠡᠭᠡᠨ ᠤ ᠡᠮᠦᠨᠡ ᠲᠠᠯᠠ ᠳᠤ ᠤᠳᠤ ᠪᠤᠯᠳᠠᠯᠠ ᠦᠯᠡᠳᠡᠵᠦ ᠢᠷᠡᠭᠰᠡᠨ ᠨᠢ ᠡᠶᠢᠮᠦᠷᠬᠦᠦ ᠶᠠᠪᠤᠴᠠ ᠶᠢ | ᠦᠡᠭᠭᠡᠷᠡᠭᠡᠭᠰᠡᠨ ᠶᠤᠮ᠃ ᠡᠨᠡ ᠬᠦ ᠬᠡᠰᠡᠭ ᠲᠡᠤᠬᠡ ᠦᠨᠡᠨ ᠳᠡᠭᠡᠨ ᠨᠡᠯᠢᠶᠡᠳ ᠪᠤᠳᠤᠯᠢᠶᠠᠨᠳᠠᠢ᠂ ᠡ᠊ᠨᠳᠡ ᠵᠦᠪᠬᠡᠨ | ᠲᠦᠭᠦᠮᠴᠢᠯᠡᠵᠦ ᠶᠠᠷᠢᠭᠰᠠᠨ ᠲᠡᠳᠦᠢ᠃ | ᠲᠦᠡᠭᠯᠢᠶᠤᠤ ᠬᠡᠳᠡᠭ ᠦᠭᠡ ᠶᠢᠨ ᠤᠳᠬᠠ ᠨᠢ ᠯᠤᠤᠬᠠ ᠶᠢᠨ ᠭᠤᠤᠯ ᠳᠤ ᠨᠡᠪᠳᠡᠷᠡᠬᠦ ᠭᠡᠳᠡᠭ ᠰᠠᠨᠠᠭᠠ᠃ | 1910 ᠤᠨ ᠳᠤ ᠡᠨᠡ ᠦᠭᠡ ᠠᠯᠪᠠᠨ ᠤ ᠲᠠᠩᠰᠠᠨ ᠳᠤ ᠨᠢᠭᠡᠨᠳᠡ ᠢᠯᠡᠷᠡᠵᠦ᠂ ᠲᠦᠡᠭᠯᠢᠶᠤᠤ ᠬᠤᠸᠠᠩ ᠭᠡᠮᠡᠨ | ᠲᠦᠷᠪᠡᠨ ᠬᠢᠵᠠᠭᠠᠷ ᠢ ᠨᠢ ᠲᠡᠮᠳᠡᠭᠯᠡᠵᠦ ᠪᠠᠶᠢᠵᠠᠢ᠃ 1914 ᠤᠨ ᠪᠤᠯᠬᠤ ᠦᠶᠡᠰ ᠲᠦᠡᠭᠯᠢᠶᠤᠤ ᠭᠡᠳᠡᠭ ᠨᠡᠷᠡ ᠶᠢ | ᠵᠢᠩᠬᠢᠨᠢ ᠪᠠᠷ ᠬᠡᠷᠡᠭᠯᠡᠵᠦ᠂ 1918 ᠤᠨ ᠳᠤ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠᠨ ᠤ ᠠᠳᠠᠷ ᠢᠶᠠᠨ ᠲᠦᠡᠭᠯᠢᠶᠤᠤ ᠰᠢᠶᠠᠨ ᠭᠡᠵᠦ | ᠨᠡᠷᠡᠶᠢᠳᠴᠡᠢ᠃ ᠤᠳᠤ ᠪᠤᠯᠬᠤ ᠳᠤ ᠦᠪᠦᠷ ᠮᠤᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠤᠷᠤᠨ ᠤ ᠲᠦᠡᠭᠯᠢᠶᠤᠤ | ᠬᠤᠲᠠ ᠶᠢᠨ ᠲᠤᠤᠷᠠ ᠬᠤᠷᠴᠢᠨ ᠲᠤᠭᠤᠷᠢᠭ ᠪᠤᠢ ᠪᠤᠯᠵᠤ᠂ ᠬᠤᠷᠴᠢᠨ ᠲᠤᠭᠤᠷᠢᠭ ᠤᠨ ᠲᠤᠤᠷᠠ ᠪᠠᠶᠠᠨ ᠲᠠᠷᠢᠶᠠ | ᠭᠡᠳᠡᠭ ᠠᠶᠢᠯ ᠲᠠᠢ ᠶᠤᠮ᠃ | | | | | | | ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠ ᠭᠡᠳᠡᠭ ᠶᠡᠭᠡ ᠨᠡᠷᠡ ᠨᠢ ᠤᠳᠤ ᠵᠦᠪᠬᠡᠨ ᠨᠢᠭᠡ ᠠᠶᠢᠯ ᠤᠨ ᠨᠡᠷᠡ ᠪᠤᠯᠤᠭᠠᠳ | ᠬᠤᠪᠢᠷᠠᠴᠢᠬᠠᠵᠠᠢ᠃ ᠲᠦᠡᠭᠯᠢᠶᠤᠤ ᠭᠡᠳᠡᠭ ᠨᠡᠷᠡ ᠶᠢᠨ ᠯᠤᠤᠬᠠ ᠶᠢᠨ ᠭᠤᠤᠯ ᠳᠤ ᠨᠡᠪᠳᠡᠷᠡᠬᠦ ᠭᠡᠳᠡᠭ ᠤᠳᠬᠠ ᠨᠢ | ᠶᠡᠬᠡᠳᠡᠭᠡᠳ ᠤᠤᠯ ᠤᠨ ᠨᠤᠳᠤᠭ ᠤᠰᠤᠨ ᠤ ᠨᠡᠷᠡ ᠶᠢ ᠬᠤᠪᠢᠷᠠᠭᠠᠬᠤ ᠶᠢᠨ ᠤᠯᠠᠮ ᠢᠶᠠᠷ ᠠᠶᠢᠮᠠᠭ ᠤᠨ ᠨᠡᠷᠡ ᠶᠢ | ᠬᠦᠷᠳᠡᠯᠡ ᠬᠤᠪᠢᠷᠠᠭᠠᠵᠤ᠂ ᠤᠳᠤ ᠪᠤᠯ ᠶᠡᠭᠡ ᠲᠦᠡᠭᠯᠢᠶᠤᠤ ᠪᠤᠯᠤᠭᠠᠳ ᠬᠤᠪᠢᠷᠠᠭᠰᠠᠨ ᠪᠠᠶᠢᠨᠠ᠃ ᠡᠨᠡ ᠪᠤᠯ | ᠵᠠᠭᠤᠬᠠᠨ ᠵᠢᠯ ᠪᠤᠯᠵᠤ ᠪᠠᠶᠢᠭᠠ ᠤᠬᠤᠷᠬᠠᠨ ᠲᠡᠤᠬᠡ ᠮᠦᠨ᠃ ᠡᠭᠦᠨ ᠳᠤ ᠲᠦᠡᠭᠯᠢᠶᠤᠤ ᠬᠡᠳᠡᠭ ᠨᠡᠷᠡᠶᠢᠳᠤᠯ ᠢ ᠯᠠᠪᠳᠠᠢ | ︽ᠬᠤᠷᠴᠢᠨ︾᠂ ︽ᠵᠢᠷᠢᠮ︾ ᠵᠡᠷᠭᠡ ᠬᠡᠳᠦᠨ ᠵᠠᠭᠤᠨ ᠵᠢᠯ ᠲᠡᠷᠡᠴᠢᠯᠡᠨ ᠬᠡᠳᠦᠨ ᠮᠢᠩᠭᠠᠨ ᠵᠢᠯ ᠤᠨ ᠲᠡᠤᠬᠡ ᠪᠦᠬᠦᠢ | ᠭᠦᠨ ᠠᠭᠤᠯᠤᠭᠳᠠᠬᠤᠨ ᠲᠠᠢ ᠨᠡᠷᠡ ᠲᠤᠮᠢᠶᠠ ᠯᠤᠭᠠ ᠬᠠᠷᠢᠴᠠᠭᠤᠯᠬᠤ ᠶᠢᠨ ᠠᠷᠭᠠ ᠦᠭᠡᠢ᠃ ᠡᠨᠡ ᠬᠡᠰᠡᠭ | ᠲᠡᠤᠬᠡ ᠶᠢᠨ ᠲᠤᠬᠠᠢ ᠦᠨᠦᠳᠦᠷ ᠵᠦᠪᠬᠡᠨ ᠨᠢᠭᠡ ᠪᠠᠶᠠᠨ ᠲᠠᠷᠢᠶᠠ ᠭᠡᠳᠡᠭ ᠠᠶᠢᠯ ᠤᠨ ᠨᠡᠷᠡ ᠪᠠ ︽ᠪᠤᠶᠢᠷᠠ ᠶᠢᠨ | ᠲᠠᠷᠢᠶᠠ︾ ᠭᠡᠳᠡᠭ ᠲᠠᠭᠤᠤ ᠦᠯᠡᠳᠡᠵᠡᠢ᠃ ︽ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠ︾ ᠭᠡᠳᠡᠭ ᠲᠠᠭᠤᠤ ᠷᠠᠳᠢᠣ᠋ ᠲᠧᠯᠸᠢᠰ ᠲᠡᠭᠡᠷᠠ | ᠦᠷᠭᠦᠯᠵᠢ ᠲᠠᠭᠤᠯᠠᠭᠳᠠᠵᠤ ᠪᠠᠶᠢᠬᠤ ᠪᠤᠯᠪᠠᠴᠤ ᠨᠢᠭᠡ ᠦᠨᠳᠦᠰᠦᠳᠡᠨ ᠤ ᠲᠡᠤᠬᠡᠨ ᠳᠤ ᠠᠪᠴᠤ ᠬᠡᠯᠡᠪᠡᠯ ᠡᠶᠢᠮᠦ ᠶᠡᠭᠡ | ᠨᠤᠳᠤᠭ ᠤᠰᠤ ᠶᠢ ᠵᠦᠪᠬᠡᠨ ᠨᠢᠭᠡ ᠯᠠ ᠵᠢᠵᠢᠭᠬᠡᠨ ᠠᠶᠢᠯ ᠤᠨ ᠨᠡᠷᠡ ᠪᠠ ᠲᠠᠭᠤᠤ ᠶᠢᠨ ᠨᠡᠷᠡ ᠪᠠᠷ ᠰᠤᠯᠢᠬᠤ ᠨᠢ | ᠲᠤᠩ ᠬᠠᠷᠠᠮᠰᠠᠯᠳᠠᠢ᠃ ᠡᠨᠡ ᠨᠢ ᠬᠡᠳᠦ᠋ᠢᠪᠡᠷ ᠲᠡᠤᠭᠡᠨ ᠬᠦᠭᠵᠢᠯᠲᠡ ᠶᠢᠨ ᠶᠠᠪᠤᠴᠠ ᠪᠤᠯᠪᠠᠴᠤ ᠵᠠᠷᠢᠮ ᠲᠠᠯᠠ ᠠᠴᠠ | ᠠᠪᠴᠤ ᠦᠵᠡᠪᠡᠯ ᠮᠠᠨ ᠤ ᠲᠡᠭᠡᠷᠡ ᠦᠶᠡ ᠶᠢᠨ ᠬᠦᠮᠦᠰ ᠡᠰᠡᠭᠦᠯᠡ ᠮᠠᠨ ᠤ ᠦᠶᠡ ᠶᠢᠨ ᠵᠠᠷᠢᠮ ᠬᠦᠮᠦᠨ ᠤ ᠦᠢᠯᠡ | ᠠᠵᠢᠯᠯᠠᠭᠠ ᠨᠢ ᠴᠠᠭ ᠦᠶᠡ ᠲᠠᠢ ᠪᠠᠨ ᠲᠤᠬᠢᠷᠠᠭᠰᠠᠨ ᠦᠭᠡᠢ ᠪᠠᠶᠢᠳᠠᠯ ᠭᠠᠷᠤᠭᠰᠠᠨ ᠲᠠᠢ ᠬᠤᠯᠪᠤᠭᠳᠠᠨᠠ᠃ ᠭᠡᠳᠡᠯᠡ | ᠲᠡᠤᠬᠡ ᠪᠤᠯ ᠲᠡᠤᠬᠡ᠂ ᠡᠭᠦᠨ ᠢ ᠦᠭᠡᠷᠡᠴᠢᠯᠡᠬᠦ ᠶᠢᠨ ᠠᠷᠭᠠ ᠦᠭᠡᠢ ᠶᠤᠮ᠃ | ᠡ᠊ᠨᠳᠡ ᠬᠦᠷᠦᠭᠡᠳ ᠪᠤᠶᠢᠷᠠ ᠶᠢᠨ ᠲᠠᠷᠢᠶᠠ ᠶᠢᠨ ᠡᠭᠦᠰᠦᠯ ᠢᠷᠡᠯᠳᠡ ᠶᠢᠨ ᠲᠤᠬᠠᠢ ᠬᠠᠭᠤᠴᠢ ᠵᠤᠭᠤᠭ ᠮᠠᠨᠢ | ᠪᠦᠬᠦᠨ ᠢᠶᠠᠷ ᠢᠶᠠᠨ ᠦᠨᠳᠦᠷᠯᠡᠭᠰᠡᠨ ᠶᠤᠮ᠃ | | |