ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠣᠷᠠᠨ ᠪᠥᠳᠥᠭᠡᠯ ᠤᠨ ᠰᠣᠩᠭᠤᠳᠠᠭᠵᠢᠯ ᠤᠨ ᠣᠴᠢᠷ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/4/13
     ᠣᠷᠠᠨ ᠪᠥᠳᠥᠭᠡᠯ ᠤᠨ ᠰᠣᠩᠭᠤᠳᠠᠭᠵᠢᠯ ᠤᠨ ᠣᠴᠢᠷ      — ︽ᠰᠣᠩᠭᠤᠳᠠᠭ ᠠᠷᠠᠳ ᠤᠨ ᠲᠠᠭᠤᠣ ︿ᠭᠠᠳᠠ ᠮᠡᠶᠢᠷᠡᠨ﹀ ᠤ ᠰᠣᠳᠣᠯᠣᠯ︾ ᠭᠡᠬᠦ ᠨᠣᠮ ᠢ ᠣᠩᠰᠢᠭᠠᠳ      ᠣᠷᠴᠢᠮᠬᠠᠨ ᠪᠣᠶᠠᠨᠳᠣᠭᠳᠠᠬᠤ᠂ ᠲᠠᠷᠬᠤᠳ ᠬᠢᠩᠭᠠᠨ᠂ ᠮᠠ ᠭᠥᠸᠧ ᠯᠢᠨ ᠨᠠᠷ ᠤᠨ ᠲᠣᠭᠤᠷᠪᠢᠨ ᠪᠢᠴᠢᠭᠰᠡᠨ ︽ᠰᠣᠩᠭᠤᠳᠠᠭ ᠠᠷᠠᠳ ᠤᠨ ᠲᠠᠭᠤᠣ ︿ᠭᠠᠳᠠ ᠮᠡᠶᠢᠷᠡᠨ﹀ ᠤ ᠰᠣᠳᠣᠯᠣᠯ︾ ᠢ ᠣᠩᠰᠢᠭᠠᠳ ᠣᠷᠠᠨ ᠪᠥᠳᠥᠭᠡᠯ ᠤᠨ ᠰᠣᠩᠭᠤᠳᠠᠭᠵᠢᠯ ᠤᠨ ᠲᠣᠬᠠᠢ ᠣᠯᠵᠠᠷᠬᠠᠨ ᠪᠠᠶᠠᠰᠪᠠᠢ᠃ ᠲᠣᠰ ᠨᠣᠮ ᠰᠣᠩᠭᠤᠳᠠᠭ ᠠᠷᠠᠳ ᠤᠨ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭᠵᠢᠭᠰᠠᠨ ᠰᠢᠯᠳᠠᠭᠠᠨ ᠣᠴᠢᠷ ᠢ ᠥᠭᠦᠯᠡᠬᠦ ᠪᠠᠷ ᠲᠠᠮᠵᠢᠭᠤᠯᠣᠨ ᠣᠩᠰᠢᠭᠴᠢᠳ ᠲᠤ ᠨᠢᠭᠡᠨ ᠣᠷᠠᠨ ᠪᠥᠳᠥᠭᠡᠯ ᠶᠠᠭᠠᠬᠢᠪᠠᠯ ᠰᠠᠶ᠋ᠢ ᠰᠣᠩᠭᠤᠳᠠᠭ ᠪᠣᠯᠵᠣ ᠴᠢᠳᠠᠬᠤ ᠲᠣᠬᠠᠢ ᠪᠣᠳᠠᠳᠠᠢ ᠪᠥᠭᠡᠳ ᠭᠦᠨᠵᠡᠭᠡᠢ ᠬᠠᠷᠢᠭᠤᠯᠲᠠ ᠥᠭᠴᠥ ᠴᠢᠳᠠᠪᠠ᠃ ᠶᠠᠭ ᠰᠠᠶ᠋ᠢᠬᠠᠨ ᠡᠨᠡ ᠬᠦ ᠣᠳᠬ᠎ᠠ ᠪᠠᠷ ᠢᠶᠠᠨ ᠲᠣᠰ ᠨᠣᠮ ᠮᠠᠰᠢ ᠶᠡᠭᠡ ᠥᠨ᠎ᠡ ᠥᠷᠳᠡᠭ ᠲᠠᠢ ᠪᠣᠯᠣᠭᠰᠠᠨ ᠭᠡᠵᠣ ᠪᠢᠳᠡ ᠥᠵᠡᠵᠣ ᠪᠣᠢ᠃ ᠣᠯᠠᠨ ᠤ ᠮᠡᠳᠡᠭᠡᠵᠢ ᠪᠠᠷ᠂ ᠣᠳᠣᠬᠠᠨ ᠳᠤ ᠪᠣᠯᠳᠠᠯ᠎ᠠ ᠣᠷᠠᠨ ᠪᠥᠳᠥᠭᠡᠯ ᠤᠨ ᠰᠣᠩᠭᠤᠳᠠᠭᠵᠢᠯ ᠤᠨ ᠲᠣᠬᠠᠢ ᠮᠣᠩᠭᠤᠯ ᠬᠡᠯᠡ ᠪᠠᠷ ᠰᠢᠰᠲ᠋ᠧᠮ ᠲᠠᠢ ᠥᠭᠦᠯᠡᠭᠰᠡᠨ ᠪᠥᠳᠥᠭᠡᠯ ᠮᠠᠰᠢ ᠬᠤᠪᠣᠷ ᠪᠣᠶᠣ ᠥᠨᠳᠥᠰᠥᠨ ᠳᠡᠭᠡᠨ ᠢᠯᠡᠷᠡᠭᠡ ᠥᠭᠡᠢ ᠪᠠᠶᠢᠨ᠎ᠠ᠃ ᠡᠶᠢᠮᠣ ᠠᠴᠠ ᠲᠣᠰ ᠪᠥᠳᠥᠭᠡᠯ ᠰᠡᠳᠥᠪ ᠰᠣᠩᠭᠤᠯᠳᠠ ᠶᠢᠨ ᠲᠠᠯ᠎ᠠ ᠪᠠᠷ ᠢᠶᠠᠨ ᠴᠤ ᠭᠡᠰᠡᠨ ᠰᠢᠨ᠎ᠡ ᠶᠢ ᠡᠷᠢᠯᠬᠢᠯᠡᠨ᠂ ᠬᠤᠭᠤᠰᠣᠨ ᠢ ᠨᠥᠬᠦᠭᠰᠡᠨ ᠥᠢᠯᠡᠳᠥᠯ ᠲᠠᠢ ᠪᠥᠭᠡᠳ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠥᠷᠢᠶ᠎ᠡ ᠴᠠᠷᠠᠭ᠎ᠠ ᠳᠤ ᠥᠪᠡᠷ ᠤᠨ ᠭᠡᠰᠡᠨ ᠣᠷᠣᠨ ᠪᠠᠶᠢᠷᠢ ᠪᠠᠨ ᠡᠵᠡᠯᠡᠵᠣ᠂ ᠥᠷᠭᠡᠨ ᠣᠯᠠᠨ ᠡᠷᠳᠡᠮᠳᠡᠳ ᠤᠨ ᠬᠠᠷᠠᠭ᠎ᠠ ᠣᠶᠣᠨ ᠢ ᠪᠠᠶᠠᠰᠬᠠᠵᠣ ᠴᠢᠳᠠᠨ᠎ᠠ ᠭᠡᠳᠡᠭ ᠲᠤ ᠪᠢᠳᠡ ᠪᠠᠳᠣ ᠪᠠᠶᠢᠨᠠᠮ᠃ ᠲᠣᠰ ᠨᠣᠮ ᠳᠤ᠂ ᠣᠷᠠᠨ ᠪᠥᠳᠥᠭᠡᠯ ᠤᠨ ᠰᠣᠩᠭᠤᠳᠠᠭᠵᠢᠯ ᠤᠨ ᠲᠣᠬᠠᠢ ᠣᠯᠣᠰ ᠤᠨ ᠲᠣᠳᠣᠭᠠᠳᠣ ᠭᠠᠳᠠᠭᠠᠳᠣ ᠶᠢᠨ ᠣᠨᠣᠯ ᠢ ᠥᠭᠦᠯᠡᠨ ᠲᠣᠳᠣᠷᠬᠠᠶᠢᠯᠠᠬᠤ ᠪᠠᠷ ᠭᠠᠷ ᠣᠷᠣᠵᠣ᠂ ᠥᠯᠢᠭᠡᠷᠳᠣ ᠲᠠᠭᠤᠣ ᠬᠢᠭᠡᠳ ᠰᠣᠩᠭᠤᠳᠠᠭ ᠪᠥᠳᠥᠭᠡᠯ ᠤᠨ ᠠᠰᠠᠭᠤᠳᠠᠯ ᠢ ᠲᠣᠳᠣᠷᠬᠠᠶᠢᠯᠠᠭᠰᠠᠨ ᠤ ᠥᠨᠳᠥᠰᠥᠨ ᠲᠡᠭᠡᠷ᠎ᠡ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭᠵᠢᠭᠰᠠᠨ ᠣᠴᠢᠷ ᠢ ᠲᠣᠣᠷᠠᠬᠢ ᠬᠡᠳᠥᠨ ᠲᠠᠯ᠎ᠠ ᠪᠠᠷ ᠨᠣᠳᠠᠯᠠᠪᠠ᠃      ᠨᠢᠭᠡ ᠳᠤ᠂ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭᠵᠢᠭᠰᠠᠨ ᠣᠭ ᠰᠣᠷᠪᠣᠯᠵᠢ ᠶᠢ ᠣᠬᠤᠴᠢᠯᠠᠪᠠ᠃ ᠲᠣᠰ ᠪᠥᠳᠥᠭᠡᠯ ᠳᠤ᠂ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠪᠣᠢ ᠪᠣᠯᠣᠭᠰᠠᠨ ᠡᠬᠢ ᠡᠭᠦᠰᠦᠯ ᠪᠣᠯᠬᠤ ᠭᠠᠳᠠ ᠮᠡᠶᠢᠷᠡᠨ ᠤ ᠪᠣᠰᠣᠯᠭ᠎ᠠ ᠶᠢ ᠭᠠᠳᠠ ᠮᠡᠶᠢᠷᠡᠨ ᠤ ᠨᠠᠮᠳᠠᠷ᠂ ᠪᠣᠰᠣᠯᠭ᠎ᠠ ᠶᠢᠨ ᠨᠡᠶᠢᠭᠡᠮ ᠠᠬᠤᠢ᠂ ᠪᠣᠰᠣᠯᠭ᠎ᠠ ᠶᠢᠨ ᠶᠠᠪᠣᠴᠠ᠂ ᠪᠣᠰᠣᠯᠭ᠎ᠠ ᠶᠢᠨ ᠢᠯᠠᠭᠳᠠᠭᠰᠠᠨ ᠰᠢᠯᠳᠠᠭᠠᠨ ᠵᠡᠷᠭᠡ ᠬᠡᠳᠥᠨ ᠲᠠᠯ᠎ᠠ ᠪᠠᠷ ᠵᠣᠷᠪᠣᠰᠯᠠᠨ ᠥᠭᠦᠯᠡᠬᠦ ᠶᠢᠨ ᠲᠠᠭᠠᠣ ᠲᠧᠺᠰᠲ ᠰᠣᠳᠣᠯᠣᠯ ᠤᠨ ᠠᠷᠭ᠎ᠠ ᠵᠥᠢ ᠳᠤ ᠲᠥᠰᠢᠭᠯᠡᠨ ᠲᠡᠭᠦᠨ ᠤ ᠮᠠᠰᠢ ᠣᠯᠠᠨ ᠬᠤᠪᠢᠯᠪᠣᠷᠢ ᠶᠢ ᠲᠣᠳᠣᠷᠬᠠᠶᠢᠯᠠᠭᠠᠳ᠂ ᠬᠡᠳᠥᠨ ᠠᠷᠪᠠᠨ ᠵᠢᠯ ᠤᠨ ᠲᠣᠷᠰᠢᠬᠢ ᠰᠣᠳᠣᠯᠭᠠᠨ ᠤ ᠪᠠᠶᠢᠳᠠᠯ ᠢ ᠨᠢ ᠲᠠᠨᠢᠯᠴᠠᠭᠤᠯᠣᠨ ᠵᠠᠳᠠᠯᠵᠣ᠂ ᠡᠴᠥᠰ ᠲᠤᠨᠢ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠪᠣᠯ ᠮᠣᠩᠭᠤᠯ ᠥᠨᠳᠥᠰᠥᠳᠡᠨ ᠤ ᠣᠳᠬ᠎ᠠ ᠵᠣᠬᠢᠶᠠᠯ ᠣᠷᠠᠯᠢᠭ ᠤᠨ ᠰᠣᠩᠭᠤᠳᠠᠭ ᠪᠥᠳᠥᠭᠡᠯ ᠪᠣᠯᠬᠤ ᠪᠠᠷ ᠪᠠᠷᠠᠬᠤ ᠥᠭᠡᠢ᠂ ᠪᠥᠬᠦ ᠣᠯᠣᠰ ᠤᠨ ᠴᠥᠬᠡᠨ ᠲᠣᠭᠠᠳᠣ ᠥᠨᠳᠥᠰᠥᠳᠡᠨ ᠤ ᠣᠳᠬ᠎ᠠ ᠵᠣᠬᠢᠶᠠᠯ ᠣᠷᠠᠯᠢᠭ ᠤᠨ ᠰᠣᠩᠭᠤᠳᠠᠭ ᠪᠥᠳᠥᠭᠡᠯ ᠮᠥᠨ ᠭᠡᠵᠣ ᠨᠣᠳᠠᠯᠠᠪᠠ᠃ ᠡᠭᠦᠨ ᠤ ᠤᠯᠠᠮ ᠠᠴᠠ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭᠵᠢᠭᠰᠠᠨ ᠰᠢᠯᠳᠠᠭᠠᠨ ᠣᠴᠢᠷ ᠢ ᠨᠡᠶᠢᠭᠡᠮ ᠲᠡᠥᠬᠡ ᠪᠣᠯᠣᠨ ᠳᠠᠭᠤᠤ ᠶᠢᠨ ᠲᠤᠰ ᠪᠡᠶ᠎ᠡ ᠶᠢᠨ ᠬᠥᠭᠵᠢᠯ ᠤᠯᠠᠮᠵᠢᠯᠠᠯ ᠤᠨ ᠲᠡᠥᠬᠡ ᠵᠢᠴᠢ ᠳᠠᠭᠤᠤ ᠶᠢᠨ ᠲᠤᠬᠠᠢ ᠰᠣᠳᠣᠯᠭᠠᠨ ᠤ ᠲᠡᠥᠬᠡ ᠵᠡᠷᠭᠡ ᠣᠯᠠᠨ ᠲᠠᠯ᠎ᠠ ᠠᠴᠠ ᠡᠷᠢᠯᠬᠢᠯᠡᠭᠰᠡᠨ ᠪᠠᠶᠢᠨ᠎ᠠ᠃ ᠭᠠᠳᠠ ᠮᠡᠶᠢᠷᠡᠨ ᠤ ᠪᠣᠰᠣᠯᠭ᠎ᠠ ᠪᠣᠯ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠪᠣᠢ ᠪᠣᠯᠣᠭᠰᠠᠨ ᠨᠡᠶᠢᠭᠡᠮ ᠲᠡᠥᠬᠡ ᠶᠢᠨ ᠪᠣᠰᠣᠳᠴᠢ ᠰᠢᠯᠳᠠᠭᠠᠨ ᠮᠥᠨ᠂ ᠭᠠᠳᠠ ᠮᠡᠶᠢᠷᠡᠨ ᠤ ᠪᠣᠰᠣᠯᠭ᠎ᠠ ᠪᠠᠶᠢᠬᠤ ᠥᠭᠡᠢ ᠪᠣᠯ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠪᠣᠢ ᠪᠣᠯᠵᠣ ᠴᠢᠳᠠᠬᠤ ᠥᠭᠡᠢ᠂ ᠭᠠᠳᠠ ᠮᠡᠶᠢᠷᠡᠨ ᠤ ᠪᠣᠰᠣᠯᠭ᠎ᠠ ᠨᠢ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭ ᠣᠷᠠᠨ ᠪᠥᠳᠥᠭᠡᠯ ᠪᠣᠯᠬᠤ ᠳᠤ ᠡᠬᠢ ᠥᠨᠳᠥᠰᠥᠯᠡᠯ ᠪᠣᠯᠵᠣ ᠥᠭᠪᠡ᠃ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠮᠠᠰᠢ ᠣᠯᠠᠨ ᠬᠤᠪᠢᠯᠪᠣᠷᠢ ᠪᠣᠯ ᠥᠨᠡᠨ ᠳᠡᠭᠡᠨ ᠲᠣᠰ ᠲᠠᠭᠤᠣ ᠶᠢᠨ ᠬᠥᠭᠵᠢᠯ ᠬᠤᠪᠢᠷᠠᠯ ᠤᠨ ᠲᠡᠥᠬᠡ ᠶᠢᠨ ᠪᠣᠳᠠᠳᠣ ᠬᠠᠷᠠᠭᠤᠯᠣᠯ ᠪᠣᠯᠵᠣ ᠪᠠᠶᠢᠭ᠎ᠠ ᠪᠥᠭᠡᠳ ᠠᠷᠠᠳ ᠣᠯᠠᠨ ᠤ ᠬᠠᠶᠢᠷ᠎ᠠ ᠪᠠᠭ᠋ᠠᠷᠬᠠᠯ ᠢ ᠬᠥᠨᠳᠡᠵᠣ ᠴᠢᠳᠠᠭᠠᠳ᠂ ᠠᠷᠠᠳ ᠣᠯᠠᠨ ᠤ ᠰᠡᠳᠭᠢᠯ ᠰᠠᠨᠠᠭᠠᠨ ᠳᠤ ᠪᠠᠶᠢᠭ᠎ᠠ ᠵᠥᠢᠯ ᠢ ᠬᠥᠨᠳᠡᠨ ᠭᠠᠷᠭᠠᠵᠣ ᠴᠢᠳᠠᠭᠰᠠᠨ ᠢ ᠬᠠᠷᠠᠭᠤᠯᠵᠣ ᠪᠣᠢ᠃ ᠣᠷᠠᠨ ᠪᠥᠳᠥᠭᠡᠯ ᠬᠡᠮᠡᠭᠴᠢ ᠠᠷᠠᠳ ᠣᠯᠠᠨ ᠤ ᠰᠡᠳᠭᠢᠯ ᠰᠠᠨᠠᠭᠠᠨ ᠳᠤ ᠪᠠᠶᠢᠭ᠎ᠠ ᠵᠥᠢᠯ ᠢ ᠡᠳᠥᠨ ᠭᠠᠷᠭᠠᠵᠣ ᠲᠡᠳᠡᠨ ᠤ ᠭᠤᠸ᠎ᠠ ᠬᠥᠰᠡᠯ ᠢ ᠲᠣᠰᠬᠠᠵᠣ ᠴᠢᠳᠠᠮᠠᠨᠵᠢᠨ ᠰᠠᠶ᠋ᠢ ᠰᠣᠩᠭᠤᠳᠠᠭ ᠪᠥᠳᠥᠭᠡᠯ ᠪᠣᠯᠵᠣ ᠴᠢᠳᠠᠳᠠᠭ᠃ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠶᠠᠭ ᠰᠠᠶ᠋ᠢᠬᠠᠨ ᠠᠷᠠᠳ ᠲᠥᠮᠡᠨ ᠤ ᠲᠣᠳᠣᠭᠠᠳᠣ ᠰᠡᠳᠭᠢᠯ ᠳᠤ ᠪᠠᠶᠢᠭ᠎ᠠ ᠭᠠᠵᠠᠷ ᠰᠢᠷᠣᠢ ᠪᠠᠨ ᠭᠡᠰᠡᠨ ᠰᠠᠨᠠᠭ᠎ᠠ ᠰᠡᠳᠭᠢᠯᠭᠡ ᠬᠢᠭᠡᠳ ᠪᠠᠭᠠᠳᠣᠷ ᠢᠶᠠᠨ ᠲᠣᠷᠠᠰᠣᠨ ᠮᠥᠷᠥᠭᠡᠳᠬᠦ᠂ ᠪᠠᠭᠠᠳᠣᠷ ᠢᠶᠠᠨ ᠬᠥᠰᠡᠨ ᠰᠠᠨᠠᠭᠠᠯᠵᠠᠬᠤ᠂ ᠪᠠᠭᠠᠳᠣᠷ ᠤᠨ ᠢᠶᠠᠨ ᠲᠥᠯᠥᠭᠡ ᠣᠮᠣᠭᠰᠢᠬᠤ᠂ ᠪᠠᠭᠠᠳᠣᠷ ᠤᠨ ᠢᠶᠠᠨ ᠲᠥᠯᠥᠭᠡ ᠵᠣᠪᠠᠨᠢᠰᠢᠷᠠᠬᠤ ᠵᠡᠷᠭᠡ ᠲᠣᠳᠣᠭᠠᠳᠣ ᠰᠡᠳᠭᠢᠯ ᠳᠤᠨᠢ ᠪᠠᠶᠢᠭ᠎ᠠ ᠵᠥᠢᠯ ᠤᠳ ᠢ ᠲᠠᠭᠤᠯᠠᠨ ᠭᠠᠷᠭᠠᠵᠣ ᠴᠢᠳᠠᠭᠰᠠᠨ ᠢᠶᠠᠷ ᠢᠶᠠᠨ ᠰᠣᠩᠭᠤᠳᠠᠭ ᠪᠥᠳᠥᠭᠡᠯ ᠪᠣᠯᠵᠣ ᠴᠢᠳᠠᠪᠠ᠃ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠳᠣᠯᠭᠠᠨ ᠤ ᠪᠠᠶᠢᠳᠠᠯ ᠨᠢ ᠲᠣᠰ ᠲᠠᠭᠤᠣ ᠶᠢᠨ ᠰᠣᠳᠣᠯᠭᠠᠨ ᠤ ᠲᠡᠥᠬᠡ ᠶᠢᠨ ᠢᠯᠡᠷᠡᠯ ᠪᠣᠯᠬᠤ ᠮᠥᠷᠳᠡᠭᠡᠨ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠬᠥᠷᠢᠶ᠎ᠡ ᠴᠠᠷᠠᠭ᠎ᠠ ᠳᠤ ᠴᠤ ᠭᠡᠰᠡᠨ ᠥᠪᠡᠷ ᠤᠨ ᠢᠶᠠᠨ ᠭᠡᠰᠡᠨ ᠲᠣᠰᠬᠠᠢ ᠣᠷᠣᠨ ᠪᠠᠶᠢᠷᠢ ᠪᠠᠨ ᠪᠠᠳᠣᠳᠠᠢ ᠣᠯᠵᠣ ᠴᠢᠳᠠᠭᠰᠠᠨ ᠤ ᠬᠢᠨᠢ ᠢᠯᠡᠷᠡᠯ ᠪᠣᠯᠣᠨ᠎ᠠ᠃ ᠡᠨᠡ ᠨᠢ ᠥᠨᠡᠨ ᠳᠡᠭᠡᠨ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭᠵᠢᠭᠰᠠᠨ ᠰᠢᠯᠳᠠᠭᠠᠨ ᠣᠴᠢᠷ ᠢ ᠰᠣᠳᠣᠯᠭᠠᠨ ᠤ ᠡᠭᠦᠳᠡᠨ ᠠᠴᠠ ᠣᠴᠢᠵᠣ ᠨᠣᠳᠠᠯᠠᠭᠰᠠᠨ ᠶᠠᠪᠣᠳᠠᠯ ᠪᠣᠯᠣᠨ᠎ᠠ᠃ ᠣᠷᠠᠨ ᠪᠥᠳᠥᠭᠡᠯ ᠤᠨ ᠰᠣᠩᠭᠤᠳᠠᠭᠵᠢᠯ ᠪᠣᠯ ᠵᠥᠪᠬᠡᠨ ᠣᠩᠰᠢᠭᠴᠢᠳ ᠪᠣᠶᠣ ᠰᠣᠨᠢᠷᠬᠠᠭᠴᠢᠳ ᠤᠨ ᠣᠯᠠᠨ ᠴᠥᠬᠡᠨ ᠳᠤ ᠨᠠᠶᠢᠳᠠᠳᠠᠭ ᠪᠢᠰᠢ᠂ ᠬᠠᠷᠢᠨ ᠵᠠᠪᠠᠯ ᠪᠠᠰᠠ ᠰᠣᠳᠣᠯᠣᠭᠠᠴᠢᠳ ᠤᠨ ᠠᠩᠬᠠᠷᠣᠯ ᠢ ᠲᠠᠳᠠᠨ᠂ ᠲᠡᠳᠡᠨ ᠤ ᠨᠣᠳᠠᠯᠠᠯᠳᠠ ᠶᠢ ᠣᠯᠣᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠳᠡᠢ ᠪᠠᠶᠢᠳᠠᠭ᠃ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠳᠣᠯᠭᠠᠨ ᠤ ᠪᠠᠶᠢᠳᠠᠯ ᠨᠢ ᠣᠷᠠᠨ ᠪᠥᠳᠥᠭᠡᠯ ᠤᠨ ᠰᠣᠩᠭᠤᠳᠠᠭᠵᠢᠯ ᠤᠨ ᠲᠣᠬᠠᠢ ᠡᠨᠡ ᠬᠦ ᠵᠢᠮ᠎ᠡ ᠶᠣᠰᠣ ᠶᠢ ᠭᠥᠢᠴᠡᠳ ᠬᠠᠷᠠᠭᠤᠯᠣᠨ ᠴᠢᠳᠠᠪᠠ᠃ ᠶᠠᠭᠤ ᠴᠤ ᠭᠡᠰᠡᠨ᠂ ᠨᠢᠭᠡᠨ ᠣᠷᠠᠨ ᠪᠥᠳᠥᠭᠡᠯ ᠤᠨ ᠰᠣᠩᠭᠤᠳᠠᠭ ᠡᠰᠡᠬᠦ ᠨᠢ ᠨᠡᠶᠢᠭᠡᠮ ᠲᠡᠥᠬᠡ ᠬᠢᠭᠡᠳ ᠣᠩᠰᠢᠵᠣ ᠰᠣᠨᠢᠷᠬᠠᠬᠤ᠂ ᠰᠣᠳᠣᠯᠵᠣ ᠰᠢᠨᠵᠢᠯᠡᠬᠦ ᠵᠡᠷᠭᠡ ᠣᠯᠠᠨ ᠲᠠᠯ᠎ᠠ ᠶᠢᠨ ᠥᠨᠳᠥᠰᠥ ᠰᠢᠯᠳᠠᠭᠠᠨ ᠲᠠᠢ ᠪᠠᠶᠢᠳᠠᠭ ᠭᠡᠰᠡᠨ ᠢ ᠲᠣᠰ ᠨᠣᠮ ᠭᠥᠢᠴᠡᠳ ᠬᠠᠷᠠᠭᠤᠯᠵᠣ ᠪᠣᠢ᠃      ᠬᠤᠶᠠᠷ ᠲᠤ᠂ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭᠵᠢᠭᠰᠠᠨ ᠲᠣᠳᠣᠭᠠᠳᠣ ᠣᠳᠬ᠎ᠠ ᠠᠭᠤᠯᠭ᠎ᠠ ᠶᠢ ᠡᠷᠢᠯᠬᠢᠯᠡᠪᠡ᠃ ᠮᠠᠨ ᠤ ᠡ᠊ᠨᠲᠡ ᠬᠡᠯᠡᠵᠣ ᠪᠠᠶᠢᠭ᠎ᠠ ︽ᠲᠣᠳᠣᠭᠠᠳᠣ ᠣᠳᠬ᠎ᠠ ᠠᠭᠤᠯᠭ᠎ᠠ︾ ᠬᠡᠮᠡᠭᠴᠢ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠶᠣᠯ ᠤᠨ ᠠᠭᠤᠯᠣᠭᠳᠠᠴᠠ ᠶᠢ ᠬᠡᠯᠡᠵᠣ ᠪᠣᠢ᠃ ᠲᠡᠭᠡᠷ᠎ᠡ ᠶᠠᠷᠢᠵᠣ ᠥᠩᠭᠡᠷᠡᠭᠰᠡᠨ ᠨᠡᠶᠢᠭᠡᠮ ᠲᠡᠥᠬᠡ ᠬᠢᠭᠡᠳ ᠣᠩᠰᠢᠵᠣ ᠰᠣᠨᠢᠷᠬᠠᠬᠤ᠂ ᠰᠣᠳᠣᠯᠵᠣ ᠰᠢᠨᠵᠢᠯᠡᠬᠦ ᠵᠡᠷᠭᠡ ᠪᠣᠯ ᠥᠨᠡᠨ ᠳᠡᠭᠡᠨ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭ ᠪᠥᠳᠥᠭᠡᠯ ᠪᠣᠯᠣᠭᠰᠠᠨ ᠤ ᠬᠢᠨᠢ ᠭᠠᠳᠠᠭᠠᠳᠣ ᠰᠢᠯᠳᠠᠭᠠᠨ ᠲᠡᠳᠥᠢ ᠪᠣᠯᠬᠤ ᠶᠣᠮ᠃ ᠮᠠᠨ ᠤ ᠡ᠊ᠨᠳᠡ ᠶᠠᠷᠢᠵᠣ ᠪᠠᠶᠢᠭ᠎ᠠ ᠰᠣᠶᠣᠯ ᠤᠨ ᠠᠭᠤᠯᠣᠭᠳᠠᠴᠠ ᠭᠡᠳᠡᠭ ᠪᠣᠯ ᠬᠠᠷᠢᠨ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭ ᠪᠥᠳᠥᠭᠡᠯ ᠪᠣᠯᠣᠭᠰᠠᠨ ᠤ ᠬᠢᠨᠢ ᠲᠣᠳᠣᠭᠠᠳᠣ ᠰᠢᠯᠳᠠᠭᠠᠨ ᠂ ᠮᠥᠨ ᠴᠢᠨᠠᠷ ᠤᠨ ᠰᠢᠯᠳᠠᠭᠠᠨ ᠪᠣᠯᠣᠨ᠎ᠠ᠃ ᠶᠠᠮᠠᠷ ᠨᠢᠭᠡᠨ ᠣᠷᠠᠨ ᠪᠥᠳᠥᠭᠡᠯ ᠤᠨ ᠰᠣᠩᠭᠤᠳᠠᠭ ᠪᠣᠯᠵᠣ ᠴᠢᠳᠠᠬᠤ ᠡᠰᠡᠬᠦ ᠨᠢ ᠲᠡᠭᠦᠨ ᠳᠤ ᠠᠭᠤᠯᠣᠭᠳᠠᠵᠣ ᠪᠠᠶᠢᠭ᠎ᠠ ᠰᠣᠶᠣᠯ ᠤᠨ ᠣᠳᠬ᠎ᠠ ᠠᠴᠠ ᠰᠢᠭᠤᠳ ᠰᠢᠯᠳᠠᠭᠠᠯᠠᠭᠳᠠᠳᠠᠭ᠃ ᠣᠷᠠᠨ ᠪᠥᠳᠥᠭᠡᠯ ᠨᠢ ᠬᠥᠮᠥᠨ ᠰᠣᠶᠣᠯ ᠤᠨ ᠨᠠᠷᠢᠨ ᠮᠡᠳᠡᠷᠡᠮᠵᠢ ᠲᠠᠢ ᠪᠠᠶᠢᠵᠣ ᠣᠩᠰᠢᠵᠣ ᠰᠣᠨᠢᠷᠬᠠᠭᠴᠢᠳ ᠤᠨ ᠣᠶᠣᠨ ᠣᠬᠠᠭᠠᠨ ᠤ ᠬᠢᠨᠢ ᠡᠴᠢᠨ᠎ᠡ ᠲᠠᠯᠳᠠ ᠪᠠᠶᠢᠭ᠎ᠠ ᠰᠣᠶᠣᠯ ᠣᠬᠠᠮᠰᠠᠷ ᠢ ᠬᠥᠨᠳᠡᠵᠣ ᠴᠢᠳᠠᠬᠤ ᠪᠠᠷ ᠪᠠᠷᠠᠬᠤ ᠥᠭᠡᠢ ᠂ ᠰᠤᠳᠤᠯᠤᠭᠴᠢ ᠰᠢᠨᠵᠢᠯᠡᠭᠴᠢᠳ ᠤᠨ ᠰᠣᠶᠣᠯ ᠤᠨ ᠲᠣᠬᠠᠢ ᠲᠠᠨᠢᠯᠳᠠ ᠶᠢ ᠡᠳᠥᠨ ᠥᠷᠨᠢᠭᠦᠯᠵᠣ ᠴᠢᠳᠠᠮᠠᠨᠵᠢᠨ ᠰᠠᠶ᠋ᠢ ᠰᠣᠩᠭᠤᠳᠠᠭ ᠪᠥᠳᠥᠭᠡᠯ ᠪᠣᠯᠵᠣ ᠴᠢᠳᠠᠳᠠᠭ᠃ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠳᠤ ᠮᠣᠩᠭᠤᠯᠴᠣᠳ ᠤᠨ ᠡᠷᠳᠡᠨ ᠤ ᠢᠵᠠᠭᠤᠷ ᠰᠣᠶᠣᠯ ᠣᠬᠠᠮᠰᠠᠷ ᠤᠳ ᠪᠣᠯᠬᠤ ᠪᠠᠭᠠᠳᠣᠷᠯᠢᠭ ᠥᠵᠡᠯ ᠤᠨ ᠵᠣᠷᠢᠭ ᠰᠠᠨᠠᠭ᠎ᠠ᠂ ᠠᠮᠢ ᠠᠬᠤᠢ ᠶᠢᠨ ᠰᠣᠶᠣᠯ ᠣᠬᠠᠮᠰᠠᠷ ᠪᠣᠳᠠᠳᠠᠢ ᠢᠯᠡᠷᠡᠵᠣ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠥᠭᠡᠢ ᠲᠣᠭᠤᠢ ᠲᠥᠭᠦᠷᠢᠭ ᠢ ᠪᠡᠯᠭᠡᠰᠢᠶᠡᠬᠦ᠂ ᠲᠤᠭ᠎ᠠ ᠶᠢ ᠡᠷᠬᠢᠮᠯᠡᠨ ᠪᠡᠯᠭᠡᠰᠢᠶᠡᠬᠦ᠂ ᠠᠨᠳᠠ ᠪᠠᠷᠢᠯᠳᠣᠨ ᠠᠨᠳᠠᠭᠠᠢ ᠲᠠᠩᠭᠠᠷᠢᠭ ᠬᠢᠬᠦ᠂ ᠵᠢᠭᠦᠷᠳᠡᠨ ᠰᠢᠪᠠᠭᠤ ᠶᠢ ᠪᠡᠯᠭᠡᠰᠢᠶᠡᠬᠦ᠂ ᠠᠷᠠᠳ ᠤᠨ ᠰᠢᠳᠥᠯᠭᠡ ᠪᠢᠰᠢᠷᠡᠯ ᠵᠡᠷᠭᠡ ᠮᠠᠰᠢ ᠣᠯᠠᠨ ᠵᠠᠩ ᠥᠢᠯᠡ ᠰᠣᠶᠣᠯ ᠤᠨ ᠥᠵᠡᠭᠳᠡᠯ ᠢᠯᠡᠷᠡᠵᠣ ᠪᠠᠶᠢᠬᠤ ᠪᠠᠷ ᠪᠠᠷᠠᠬᠤ ᠥᠭᠡᠢ ᠪᠠᠭᠠᠳᠣᠷᠯᠢᠭ ᠲᠣᠣᠯᠢ᠂ ᠬᠤᠯᠪᠣᠭ᠎ᠠ᠂ ᠬᠤᠭᠤᠷ ᠤᠨ ᠥᠯᠢᠭᠡᠷ᠂ ᠵᠥᠢᠷ ᠰᠡᠴᠡᠨ ᠥᠭᠡ ᠵᠡᠷᠭᠡ ᠠᠷᠠᠳ ᠤᠨ ᠠᠮᠠᠨ ᠰᠣᠶᠣᠯ ᠤᠨ ᠥᠵᠡᠭᠳᠡᠯ ᠤᠳ ᠴᠤ ᠠᠭᠤᠰᠣᠨ ᠰᠢᠮᠡᠳᠴᠥ ᠪᠠᠶᠢᠳᠠᠭ ᠃ ᠡᠨᠡ ᠣᠳᠬ᠎ᠠ ᠪᠠᠷ ᠢᠶᠠᠨ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠨᠢ ᠰᠣᠶᠣᠯ ᠤᠨ ᠠᠭᠤᠯᠭ᠎ᠠ ᠪᠠᠷ ᠮᠠᠰᠢ ᠪᠠᠶᠠᠯᠢᠭ ᠪᠣᠯᠣᠭᠰᠠᠨ ᠪᠥᠭᠡᠳ ᠥᠨ᠎ᠡ ᠥᠷᠳᠡᠭ ᠢᠶᠠᠷ ᠴᠤ ᠥᠯᠢᠳᠭᠡᠰᠢ ᠥᠭᠡᠢ ᠥᠨᠳᠥᠷ ᠪᠣᠯᠣᠭᠰᠠᠨ ᠪᠠᠶᠢᠨ᠎ᠠ᠃ ᠨᠢᠭᠡ ᠯᠡ ᠥᠬᠡ ᠪᠠᠷ ᠬᠡᠯᠡᠪᠡᠯ᠂ ᠰᠣᠶᠣᠯ ᠤᠨ ᠲᠠᠯ᠎ᠠ ᠶᠢᠨ ᠨᠠᠷᠢᠨ ᠠᠭᠤᠯᠬᠤᠨ᠂ ᠪᠠᠶᠠᠯᠢᠭ ᠠᠭᠤᠯᠭ᠎ᠠ᠂ ᠨᠢᠭᠳᠠ ᠣᠳᠬ᠎ᠠ ᠨᠢ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭ ᠪᠥᠳᠥᠭᠡᠯ ᠪᠣᠯᠬᠤ ᠳᠤ ᠪᠦᠷ ᠴᠤ ᠳᠤᠲᠠᠭᠳᠠᠵᠤ ᠪᠣᠯᠣᠰᠢ ᠦᠭᠡᠢ ᠨᠥᠬᠦᠴᠡᠯ ᠢ ᠬᠠᠩᠭᠠᠵᠤ ᠥᠭᠭᠦᠭᠰᠡᠨ ᠪᠠᠶᠢᠨ᠎ᠠ᠃ ᠲᠡᠶᠢᠮᠦ ᠮᠥᠷᠲᠡᠭᠡᠨ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭᠵᠢᠭᠰᠠᠨ ᠲᠣᠳᠣᠭᠠᠳᠣ ᠰᠢᠯᠳᠠᠭᠠᠨ᠂ ᠲᠠᠷᠣᠢ ᠰᠣᠶᠣᠯ ᠤᠨ ᠣᠳᠬ᠎ᠠ ᠠᠭᠤᠯᠭ᠎ᠠ ᠶᠢᠨ ᠲᠤᠬᠠᠢ ᠥᠭᠦᠯᠡᠭᠰᠡᠨ ᠡᠨᠡ ᠬᠦ ᠬᠡᠰᠡᠭ ᠨᠢ ᠵᠥᠪᠬᠡᠨ ᠤᠤᠯ ᠳᠠᠭᠤᠤ ᠶᠢᠨ ᠰᠣᠩᠭᠤᠳᠠᠭᠵᠢᠯ ᠤᠨ ᠴᠢᠬᠤᠯᠠ ᠠᠰᠠᠭᠤᠳᠠᠯ ᠢ ᠲᠣᠳᠣᠷᠠᠭᠤᠯᠤᠨ ᠥᠭᠦᠯᠡᠭᠰᠡᠨ ᠲᠡᠳᠦᠢ ᠪᠢᠰᠢ᠂ ᠡᠨᠡ ᠨᠢ ᠪᠠᠰᠠ ᠲᠤᠰ ᠳᠠᠭᠤᠤ ᠶᠢᠨ ᠤᠳᠬ᠎ᠠ ᠰᠡᠳᠦᠪ᠂ ᠳᠣᠲᠣᠭᠠᠳᠤ ᠰᠣᠶᠣᠯ ᠤᠨ ᠠᠭᠤᠯᠬᠤᠨ ᠵᠡᠷᠭᠡ ᠲᠠᠯ᠎ᠠ ᠶᠢᠨ ᠰᠤᠳᠤᠯᠭᠠᠨ ᠢ ᠰᠢᠨᠡᠳᠬᠡᠨ ᠭᠥᠨᠵᠡᠭᠡᠶᠢᠷᠡᠭᠦᠯᠦᠭᠰᠡᠨ ᠶᠠᠪᠤᠳᠠᠯ ᠪᠣᠯᠬᠤ ᠠᠵᠢ᠃      ᠭᠤᠷᠪᠠ ᠳᠤ᠂ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭᠵᠢᠭᠰᠠᠨ ᠤᠷᠠᠯᠢᠭ ᠤᠨ ᠬᠡᠪ ᠴᠢᠨᠠᠷ ᠢ ᠥᠭᠦᠯᠡᠪᠡ᠃ ᠭᠡᠬᠦ ᠳᠡᠭᠡᠨ ᠭᠤᠣᠯᠳᠠᠭᠤ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠣᠷᠠᠯᠢᠭ ᠤᠨ ᠥᠨ᠎ᠡ ᠥᠷᠳᠡᠭ ᠢ ᠨᠣᠳᠠᠯᠠᠬᠤ ᠪᠠᠷ ᠲᠠᠮᠵᠢᠭᠤᠯᠣᠨ ᠲᠡᠭᠦᠨ ᠤ ᠤᠷᠠᠯᠢᠭ ᠤᠨ ᠬᠡᠪ ᠴᠢᠨᠠᠷ ᠢ ᠥᠭᠦᠯᠡᠵᠦ᠂ ᠴᠠᠭᠠᠰᠢᠲᠠ ᠡᠨᠡ ᠬᠦ ᠤᠷᠠᠯᠢᠭ ᠤᠨ ᠬᠡᠪ ᠴᠢᠨᠠᠷ ᠨᠢ ᠬᠡᠷᠬᠢᠨ ᠲᠡᠭᠦᠨ ᠤ ᠰᠣᠩᠭᠤᠳᠠᠭᠵᠢᠯ ᠳᠤ ᠨᠥᠬᠦᠴᠡᠯ ᠪᠣᠯᠣᠮᠵᠢ ᠬᠠᠩᠭᠠᠵᠤ ᠪᠠᠶᠢᠭᠰᠠᠨ ᠢ ᠨᠤᠲᠠᠯᠠᠨ ᠦᠵᠡᠭᠦᠯᠦᠭᠰᠡᠨ ᠪᠠᠶᠢᠨ᠎ᠠ᠃ ᠲᠣᠰ ᠨᠣᠮ ᠳᠤ᠂ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠲᠣᠳᠣᠷᠠᠬᠢ ᠲᠥᠷᠢ ᠨᠦᠭᠦᠳ ᠢ ᠵᠠᠳᠠᠯᠬᠤ ᠳᠠᠭᠠᠨ ᠭᠠᠳᠠ ᠮᠡᠶᠢᠷᠡᠨ ᠤ ᠲᠥᠷᠢ ᠶᠢ ᠭᠠᠵᠠᠷ ᠰᠢᠷᠣᠢ ᠪᠠᠨ ᠬᠠᠮᠠᠭᠠᠯᠠᠭᠴᠢ ᠶᠢᠨ ᠪᠡᠯᠭᠡ ᠲᠡᠮᠳᠡᠭᠳᠣ ᠲᠥᠷᠢ ᠪᠣᠯᠭᠠᠨ ᠵᠠᠳᠠᠯᠣᠨ ᠥᠭᠦᠯᠡᠭᠰᠡᠨ ᠶᠠᠪᠣᠳᠠᠯ ᠪᠣᠯ ᠰᠢᠨ᠎ᠡ ᠨᠢᠭᠡᠨ ᠥᠵᠡᠯᠳᠡ ᠶᠢᠨ ᠢᠯᠡᠷᠬᠡᠶᠢᠯᠡᠯ ᠪᠣᠯᠬᠤ ᠪᠥᠭᠡᠳ ᠭᠠᠳᠠ ᠮᠡᠶᠢᠷᠡᠨ ᠤ ᠲᠥᠷᠢ ᠶᠢᠨ ᠮᠥᠨ ᠴᠢᠨᠠᠷ ᠢ ᠨᠡᠩ ᠪᠣᠳᠠᠳᠠᠶᠢᠵᠢᠭᠤᠯᠣᠭᠰᠠᠨ ᠶᠠᠪᠣᠳᠠᠯ ᠪᠣᠯᠣᠨ᠎ᠠ᠃ ᠲᠣᠰ ᠪᠦᠯᠦᠭ ᠲᠤ ᠪᠠᠰᠠ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠣᠶᠠᠷᠠᠭᠤᠨ ᠵᠢᠪᠬᠤᠯᠠᠩᠳᠣ ᠬᠡᠪ ᠨᠠᠮᠪᠠ ᠶᠢ ᠣᠨᠣᠯᠵᠢᠭᠤᠯᠣᠨ ᠥᠭᠦᠯᠡᠬᠦ ᠶᠢᠨ ᠳᠠᠭᠠᠤ ᠪᠠᠰᠠ ᠲᠣᠰ ᠲᠠᠭᠤᠣ ᠶᠢᠨ ᠮᠣᠩᠭᠤᠯ ᠲᠠᠭᠤᠣᠷᠢᠯᠢᠭ ᠲᠠᠬᠢ ᠰᠢᠨ᠎ᠡ ᠲᠠᠪᠠᠯᠳᠠ ᠪᠣᠯᠣᠭᠰᠠᠨ ᠰᠢᠯᠳᠠᠭᠠᠨ᠂ ᠠᠶ᠎ᠠ ᠬᠥᠭᠵᠢᠮ ᠤᠨ ᠢᠷᠡᠯᠳᠡ ᠭᠠᠷᠣᠯ ᠬᠢᠭᠡᠳ ᠥᠪᠡᠷᠮᠢᠴᠡ ᠰᠢᠨᠵᠢ᠂ ᠬᠡᠯᠡ ᠬᠡᠯᠡᠯᠭᠡ ᠶᠢᠨ ᠬᠢᠨᠢ ᠭᠠᠶᠢᠬᠠᠮᠰᠢᠭᠳᠣ ᠣᠨᠴᠠᠯᠢᠭ ᠵᠡᠷᠭᠡ ᠶᠢ ᠣᠨᠣᠯ ᠤᠨ ᠦᠨᠳᠦᠰᠦ ᠲᠠᠢ ᠮᠥᠷᠲᠡᠭᠡᠨ ᠪᠣᠳᠠᠲᠤ ᠵᠢᠱᠢᠶ᠎ᠡ ᠪᠠᠷᠢᠮᠲᠠ ᠲᠠᠢ ᠪᠠᠷ ᠥᠭᠦᠯᠡᠨ ᠶᠠᠷᠢᠭᠰᠠᠨ ᠪᠠᠶᠢᠨ᠎ᠠ᠃ ᠶᠡᠷᠥ ᠨᠢ ᠶᠠᠮᠠᠷ ᠨᠢᠭᠡᠨ ᠣᠷᠠᠨ ᠪᠥᠳᠥᠭᠡᠯ ᠤᠨ ᠰᠣᠩᠭᠤᠳᠠᠭ ᠪᠣᠯᠵᠣ ᠴᠢᠳᠠᠬᠤ ᠡᠰᠡᠬᠦ ᠨᠢ ᠤᠤᠯ ᠪᠦᠲᠦᠭᠡᠯ ᠤᠨ ᠬᠥᠮᠥᠨ ᠰᠣᠶᠣᠯ ᠳᠤ ᠥᠵᠡᠭᠦᠯᠥᠭᠰᠡᠨ ᠥᠨ᠎ᠡ ᠥᠷᠳᠡᠭ ᠨᠢ ᠬᠢᠷᠢ ᠵᠡᠷᠭᠡ ᠪᠣᠯᠣᠭᠰᠠᠨ ᠲᠠᠢ ᠴᠢᠬᠤᠯᠠ ᠬᠤᠯᠪᠣᠭ᠎ᠠ ᠲᠠᠢ ᠪᠠᠶᠢᠳᠠᠭ᠃ ᠣᠷᠠᠨ ᠪᠥᠳᠥᠭᠡᠯ ᠨᠢ ᠬᠥᠮᠥᠨ ᠰᠣᠶᠣᠯ ᠳᠤ ᠥᠨᠢᠳᠡ ᠪᠠᠯᠠᠷᠠᠰᠢ ᠥᠭᠡᠢ ᠥᠨ᠎ᠡ ᠥᠷᠳᠡᠭ ᠢ ᠥᠵᠡᠭᠦᠯᠵᠣ ᠴᠢᠳᠠᠮᠠᠨᠵᠢᠨ ᠰᠠᠶ᠋ᠢ ᠰᠣᠩᠭᠤᠳᠠᠭ ᠪᠥᠳᠥᠭᠡᠯ ᠪᠣᠯᠵᠣ ᠴᠢᠳᠠᠳᠠᠭ᠃ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠲᠥᠷᠢ ᠪᠥᠳᠥᠭᠡᠯᠳᠡ᠂ ᠬᠡᠪ ᠨᠠᠮᠪᠠ᠂ ᠲᠠᠭᠤᠣᠷᠢᠯᠢᠭ ᠤᠨ ᠰᠢᠨᠵᠢ᠂ ᠠᠶ᠎ᠠ ᠬᠥᠭᠵᠢᠮ᠂ ᠬᠡᠯᠡ ᠬᠡᠯᠡᠯᠭᠡ ᠵᠡᠷᠭᠡ ᠠᠯᠢ ᠴᠤ ᠲᠠᠯ᠎ᠠ ᠪᠠᠷ ᠢᠶᠠᠨ ᠭᠡᠳ ᠮᠣᠩᠭᠤᠯ ᠰᠣᠶᠣᠯ ᠣᠷᠠᠯᠢᠭ ᠲᠤ᠂ ᠲᠡᠷᠡᠴᠢᠯᠡᠨ ᠪᠥᠬᠦᠢ ᠯᠡ ᠲᠣᠮᠳᠠᠳᠣ ᠣᠯᠣᠰ ᠤᠨ ᠰᠣᠶᠣᠯ ᠣᠷᠠᠯᠢᠭ ᠲᠤ ᠣᠮᠳᠣᠭᠠᠶᠢᠯᠠᠵᠣ ᠪᠣᠯᠣᠰᠢ ᠥᠭᠡᠢ ᠥᠢᠯᠡᠳᠥᠯ ᠢ ᠥᠵᠡᠭᠦᠯᠵᠣ ᠴᠢᠳᠠᠪᠠ᠃ ᠡᠨᠡ ᠣᠳᠬ᠎ᠠ ᠪᠠᠷ ᠢᠶᠠᠨ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠣᠷᠠᠯᠢᠭ ᠤᠨ ᠥᠨ᠎ᠡ ᠥᠷᠳᠡᠭ ᠬᠡᠮᠵᠢᠶᠡᠯᠡᠰᠢ ᠥᠭᠡᠢ ᠪᠣᠯᠵᠣ ᠴᠢᠳᠠᠭᠰᠠᠨ ᠪᠥᠭᠡᠳ ᠮᠣᠩᠭᠤᠯ ᠣᠷᠠᠨ ᠪᠥᠳᠥᠭᠡᠯ ᠳᠤ ᠲᠡᠳᠥᠢ ᠯᠡ ᠪᠢᠰᠢ᠂ ᠬᠠᠷᠢᠨ ᠪᠥᠬᠦᠢ ᠯᠡ ᠲᠣᠮᠳᠠᠳᠣ ᠶᠢᠨ ᠣᠷᠠᠨ ᠪᠥᠳᠥᠭᠡᠯ ᠳᠤ ᠴᠤ ᠰᠣᠩᠭᠤᠳᠠᠭ ᠪᠥᠳᠥᠭᠡᠯ ᠭᠡᠰᠡᠨ ᠥᠨᠡᠳᠥ ᠲᠢᠳᠢᠮ ᠢ ᠵᠡᠭᠦᠨ ᠴᠢᠳᠠᠪᠠ᠃ ︽ᠤᠷᠠᠯᠢᠭ ᠤᠨ ᠦᠨ᠎ᠡ ᠥᠷᠲᠡᠭ ᠪᠣᠯ ᠨᠢᠭᠡ ᠵᠣᠬᠢᠶᠠᠯ ᠪᠦᠲᠦᠭᠡᠯ ᠤᠨ ᠠᠮᠢ ᠨᠠᠰᠤ ᠪᠥᠭᠡᠳ ᠰᠣᠩᠭᠤᠳᠠᠭᠵᠢᠬᠤ ᠶᠢᠨ ᠬᠠᠮᠤᠭ ᠴᠢᠬᠤᠯᠠ ᠳᠣᠲᠣᠭᠠᠳᠤ ᠡᠯᠧᠮᠧᠨ᠋ᠲ ᠪᠣᠯᠣᠨ᠎ᠠ︾᠃ ᠲᠤᠰ ᠨᠣᠮ ᠤᠨ ᠵᠣᠬᠢᠶᠠᠭᠴᠢᠳ ᠢᠩᠭᠢᠵᠦ ᠲᠠᠨᠢᠭᠰᠠᠨ ᠮᠥᠷᠲᠡᠭᠡᠨ ᠡᠭᠦᠨ ᠢ ᠪᠠᠨ ᠯᠠᠪᠳᠠᠭᠤᠨ ᠪᠠᠲᠤᠲᠠᠢ ᠥᠭᠦᠯᠡᠭᠰᠡᠨ ᠪᠠᠶᠢᠳᠠᠭ ᠢ ᠤᠤᠯ ᠨᠣᠮ ᠢ ᠤᠩᠰᠢᠪᠠᠯ ᠲᠣᠳᠣᠷᠬᠠᠢ ᠣᠶᠢᠯᠠᠭᠠᠬᠤ ᠪᠣᠯᠣᠨ᠎ᠠ᠃      ᠲᠥᠷᠪᠡ ᠳᠤ᠂ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭᠵᠢᠭᠰᠠᠨ ᠭᠠᠳᠠᠭᠠᠳᠣ ᠬᠥᠴᠥᠰᠥ ᠶᠢ ᠲᠣᠳᠣᠷᠬᠠᠶᠢᠯᠠᠪᠠ᠃ ᠨᠢᠭᠡᠨ ᠣᠷᠠᠨ ᠪᠥᠳᠥᠭᠡᠯ ᠰᠣᠩᠭᠤᠳᠠᠭᠵᠢᠬᠤ ᠶᠠᠪᠣᠴᠠ ᠳᠠᠭᠠᠨ ᠴᠠᠭ ᠥᠶ᠎ᠡ ᠪᠣᠶᠣ ᠨᠡᠶᠢᠭᠡᠮ ᠣᠯᠣᠰ ᠲᠥᠷᠥ ᠶᠢᠨ ᠴᠢᠭᠯᠡᠯᠳᠡ ᠬᠠᠷᠠᠯᠳᠠ᠂ ᠬᠥᠮᠥᠨ ᠠᠷᠠᠳ ᠤᠨ ᠬᠥᠰᠡᠯ ᠱᠠᠭᠠᠷᠳᠠᠯᠭ᠎ᠠ ᠬᠢᠭᠡᠳ ᠰᠣᠩᠭᠤᠯᠳᠠ᠂ ᠰᠣᠳᠣᠯᠣᠭᠠᠴᠢ ᠰᠢᠭᠦᠮᠵᠢᠯᠡᠭᠴᠢᠳ ᠤᠨ ᠲᠠᠨᠢᠯᠳᠠ ᠬᠢᠭᠡᠳ ᠨᠣᠳᠠᠯᠠᠯᠳᠠ᠂ ᠨᠡᠶᠢᠭᠡᠮ ᠨᠡᠶᠢᠲᠡ ᠶᠢᠨ ᠰᠣᠶᠣᠯ ᠤᠷᠠᠯᠢᠭ ᠤᠨ ᠣᠯᠠᠨ ᠬᠦᠷᠢᠶ᠎ᠡ ᠴᠠᠷᠠᠭ᠎ᠠ ᠳᠠᠬᠢ ᠲᠡᠯᠡᠷᠡᠯᠳᠡ ᠬᠢᠭᠡᠳ ᠭᠥᠨᠵᠡᠭᠡᠶᠢᠷᠡᠯ ᠵᠡᠷᠭᠡ ᠭᠠᠳᠠᠭᠠᠳᠣ ᠬᠥᠴᠥᠰᠥ ᠨᠦᠭᠦᠳ ᠴᠢᠬᠤᠯᠠ ᠥᠢᠯᠡᠳᠥᠯ ᠢ ᠥᠵᠡᠭᠦᠯᠳᠡᠭ᠃ ᠬᠡᠷᠪᠡ ᠡᠳᠡᠭᠡᠷ ᠣᠯᠠᠨ ᠭᠠᠳᠠᠭᠠᠳᠣ ᠬᠥᠴᠥᠰᠥ ᠨᠦᠭᠦᠳ ᠤᠨ ᠣᠷᠣᠯᠴᠠᠯᠭ᠎ᠠ ᠪᠠᠶᠢᠬᠤ ᠥᠭᠡᠢ ᠪᠣᠯ ᠣᠷᠠᠨ ᠪᠥᠳᠥᠭᠡᠯ ᠨᠢ ᠮᠥᠨ ᠴᠤ ᠥᠪᠡᠷ ᠤᠨ ᠢᠶᠠᠨ ᠰᠣᠩᠭᠤᠳᠠᠭᠵᠢᠯ ᠢᠶᠠᠨ ᠪᠥᠷᠢᠮᠥᠰᠥᠨ ᠴᠣᠭᠴᠠᠯᠠᠵᠣ ᠴᠢᠳᠠᠬᠤ ᠥᠭᠡᠢ ᠶᠣᠮ᠃ ᠲᠣᠰ ᠨᠣᠮ ᠳᠤ᠂ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭᠵᠢᠭᠰᠠᠨ ᠭᠠᠳᠠᠭᠠᠳᠣ ᠬᠥᠴᠥᠰᠥ ᠨᠦᠭᠦᠳ ᠪᠣᠯᠬᠤ ᠰᠣᠨᠢᠷᠬᠠᠭᠴᠢᠳ ᠤᠨ ᠲᠣᠮᠳᠠᠬᠢ ᠲᠣᠰᠬᠠᠯ᠂ ᠥᠨᠳᠥᠰᠥᠳᠡᠨ ᠤ ᠬᠡᠯᠡᠬᠦᠢ ᠠᠴᠠ ᠣᠯᠣᠰ ᠤᠨ ᠬᠡᠯᠡᠬᠦᠢ ᠳᠤ ᠰᠢᠯᠵᠢᠭᠰᠡᠨ ᠶᠠᠪᠣᠴᠠ᠂ ᠴᠠᠭ ᠲᠥᠷᠥ ᠶᠢᠨ ᠬᠤᠪᠢᠰᠥᠯᠳᠠ ᠲᠣᠮᠳᠠᠬᠢ ᠣᠴᠠᠷᠠᠯ ᠲᠠᠪᠢᠯᠠᠩ᠂ ᠰᠣᠶᠣᠯ ᠰᠣᠷᠭᠠᠨ ᠬᠥᠮᠥᠵᠢᠯ ᠳᠠᠬᠢ ᠨᠥᠯᠥᠭᠡ ᠥᠢᠯᠡᠳᠥᠯ᠂ ᠰᠢᠭᠦᠮᠵᠢ ᠰᠣᠳᠣᠯᠣᠯ ᠬᠢᠭᠡᠳ ᠱᠠᠩᠨᠠᠯ ᠬᠥᠬᠢᠭᠦᠯᠥᠯ ᠲᠣᠮᠳᠠᠬᠢ ᠥᠨᠡᠯᠡᠯᠳᠡ ᠵᠡᠷᠭᠡ ᠶᠢ ᠨᠠᠷᠢᠨ ᠥᠭᠦᠯᠡᠪᠡ᠃ ᠡᠳᠡᠭᠡᠷ ᠭᠠᠳᠠᠭᠠᠳᠣ ᠬᠥᠴᠥᠰᠥ ᠨᠦᠭᠦᠳ ᠤᠨ ᠣᠷᠣᠯᠴᠠᠯᠭ᠎ᠠ᠂ ᠭᠡᠷᠡᠴᠢᠯᠡᠭᠡ ᠪᠠᠶᠢᠮᠠᠨᠵᠢᠨ ᠰᠠᠶ᠋ᠢ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠰᠣᠩᠭᠤᠳᠠᠭ ᠪᠥᠳᠥᠭᠡᠯ ᠤᠨ ᠣᠷᠣᠨ ᠪᠠᠶᠢᠷᠢ ᠪᠠᠨ ᠣᠯᠠᠮ ᠪᠠᠳᠣᠵᠢᠭᠤᠯᠵᠣ ᠴᠢᠳᠠᠪᠠ᠃ ᠤᠤᠯ ᠨᠣᠮ ᠨᠢ ᠣᠯᠠᠨ ᠬᠡᠰᠡᠭ ᠪᠦᠯᠦᠭ ᠲᠡᠭᠡᠨ ᠪᠦᠷ ᠰᠢᠨ᠎ᠡ ᠠᠷᠭ᠎ᠠ ᠰᠢᠨ᠎ᠡ ᠬᠠᠷᠠᠭᠠᠰᠤ ᠪᠠᠷ ᠠᠰᠠᠭᠤᠳᠠᠯ ᠢ ᠥᠭᠦᠯᠡᠨ ᠵᠠᠳᠠᠯᠵᠤ᠂ ᠮᠠᠰᠢ ᠴᠢᠩᠭ᠎ᠠ ᠰᠢᠨᠡᠴᠢᠯᠡᠯ ᠤᠨ ᠴᠢᠨᠠᠷ ᠪᠣᠯᠣᠭᠰᠠᠨ ᠪᠠᠶᠢᠳᠠᠭ᠃ ᠭᠡᠬᠦ ᠳᠡᠭᠡᠨ ᠤᠤᠯ ᠨᠣᠮ ᠤᠨ ᠬᠠᠮᠤᠭ ᠶᠡᠭᠡ ᠰᠢᠨᠡᠴᠢᠯᠡᠯ ᠪᠣᠯ ᠬᠠᠷᠢᠨ ᠡᠨᠡ ᠬᠦ ᠰᠣᠩᠭᠤᠳᠠᠭᠵᠢᠯ ᠤᠨ ᠭᠠᠳᠠᠭᠠᠳᠤ ᠬᠦᠴᠦᠰᠦ ᠶᠢᠨ ᠰᠤᠳᠤᠯᠤᠯ ᠳᠤ ᠢᠯᠡᠷᠡᠵᠦ ᠪᠠᠶᠢᠨ᠎ᠠ ᠬᠡᠮᠡᠨ ᠦᠵᠡᠵᠦ ᠪᠣᠯᠣᠨ᠎ᠠ᠃ ᠡᠶᠢᠮᠦᠷᠬᠦᠦ ᠤᠷᠠᠨ ᠵᠣᠬᠢᠶᠠᠯ ᠤᠨ ᠭᠠᠳᠠᠭᠠᠳᠤ ᠬᠦᠴᠦᠰᠦ ᠶᠢᠨ ᠲᠤᠬᠠᠢ ᠰᠤᠳᠤᠯᠭᠠᠨ ᠨᠢ ᠤᠤᠯ ᠨᠣᠮ ᠤᠨ ᠬᠤᠷᠴᠠ ᠰᠢᠨᠡᠴᠢᠯᠡᠯ ᠤᠨ ᠴᠢᠨᠠᠷ ᠢ ᠦᠵᠡᠭᠦᠯᠦᠭᠰᠡᠨ ᠢᠶᠠᠷ ᠪᠠᠷᠠᠬᠤ ᠦᠭᠡᠢ᠂ ᠲᠡᠷᠡ ᠨᠢ ᠪᠠᠰᠠ ᠪᠦᠬᠦᠢ ᠯᠡ ᠮᠣᠩᠭᠤᠯ ᠤᠷᠠᠨ ᠵᠣᠬᠢᠶᠠᠯ ᠤᠨ ᠰᠤᠳᠤᠯᠭᠠᠨ ᠤ ᠬᠦᠷᠢᠶᠡᠨ ᠳᠤ ᠴᠢᠬᠤᠯᠠ ᠦᠷ᠎ᠡ ᠨᠥᠯᠥᠭᠡ ᠦᠵᠡᠭᠦᠯᠬᠦ ᠪᠣᠯᠣᠨ᠎ᠠ ᠭᠡᠳᠡᠭ ᠲᠤ ᠪᠢᠳᠡ ᠡᠷᠡᠭᠡᠯᠵᠡᠭᠡ ᠦᠭᠡᠢ ᠢᠲᠡᠭᠡᠯ ᠲᠠᠢ ᠪᠠᠶᠢᠨ᠎ᠠ᠃      ᠳ᠋ᠥᠩᠨᠡᠵᠣ ᠬᠡᠯᠡᠪᠡᠯ᠂ ᠭᠠᠳᠠ ᠮᠡᠶᠢᠷᠡᠨ ᠤ ᠲᠡᠦᠬᠡᠲᠦ ᠶᠠᠪᠤᠳᠠᠯ ᠨᠢ ᠨᠢᠭᠡᠨᠲᠡ ᠥᠩᠭᠡᠷᠡᠨ ᠣᠳᠣᠭᠠᠳ ᠲᠡᠦᠬᠡ ᠪᠣᠯᠵᠤ ᠬᠤᠴᠣᠷᠴᠠᠢ᠃ ᠥᠨᠥᠳᠥᠷ ᠲᠡᠦᠬᠡᠨ ᠬᠡᠷᠡᠭ ᠬᠢᠭᠡᠳ ᠦᠯᠢᠭᠡᠷᠲᠦ ᠳᠠᠭᠤᠤ ︽ᠭᠠᠳᠠ ᠮᠡᠶᠢᠷᠡᠨ ︾ ᠨᠢ ᠬᠠᠷᠢᠨ ᠰᠣᠶᠣᠯ ᠤᠨ ᠪᠡᠯᠭᠡ ᠲᠡᠮᠳᠡᠭ ᠪᠣᠯᠵᠤ᠂ ᠤᠯᠤᠰ ᠣᠷᠣᠨ᠂ ᠦᠨᠳᠦᠰᠦᠲᠡᠨ ᠤᠭᠰᠠᠭᠠᠲᠠᠨ᠂ ᠬᠥᠮᠥᠨ ᠠᠷᠠᠳ ᠲᠡᠭᠦᠨ ᠢ ᠥᠷᠭᠡᠨ ᠢᠶᠠᠷ ᠠᠰᠢᠭᠯᠠᠬᠤ ᠪᠣᠯᠵᠠᠢ᠃ ᠢᠩᠭᠢᠬᠦ ᠲᠤᠲᠤᠮ ᠢᠶᠠᠨ ᠬᠥᠮᠥᠨ ᠬᠡᠷᠡᠭ ᠬᠢᠭᠡᠳ ᠳᠠᠭᠤᠤ ᠲᠠᠢ ᠬᠤᠯᠪᠣᠭᠳᠠᠭᠰᠠᠨ ᠰᠣᠶᠣᠯ ᠨᠢ ᠤᠯᠠᠮ ᠢᠶᠠᠷ ᠥᠷᠭᠡᠵᠢᠨ ᠪᠠᠶᠠᠯᠢᠭᠵᠢᠵᠤ᠂ ᠴᠠᠭᠠᠰᠢᠲᠠ ᠤᠤᠯ ᠳᠠᠭᠤᠤ ᠶᠢᠨ ᠰᠣᠩᠭᠤᠳᠠᠭ ᠴᠢᠨᠠᠷ ᠨᠢ ᠤᠯᠠᠮ ᠢᠶᠠᠷ ᠲᠡᠭᠦᠯᠳᠡᠷᠵᠢᠨ ᠨᠡᠮᠡᠭᠳᠡᠵᠦ ᠪᠠᠶᠢᠳᠠᠭ᠃ ᠤᠤᠯ ᠨᠣᠮ ᠤᠨ ᠭᠤᠷᠪᠠᠨ ᠵᠣᠬᠢᠶᠠᠭᠴᠢ ᠡᠭᠦᠨ ᠢ ᠭᠢᠷᠠᠬᠠᠢ ᠪᠠᠷ ᠲᠠᠨᠢᠵᠤ᠂ ᠥᠪᠡᠷ ᠤᠨ ︽ᠰᠣᠩᠭᠤᠳᠠᠭ ᠠᠷᠠᠳ ᠤᠨ ᠲᠠᠭᠤᠣ ︿ᠭᠠᠳᠠ ᠮᠡᠶᠢᠷᠡᠨ﹀ ᠤ ᠰᠣᠳᠣᠯᠣᠯ︾ ᠭᠡᠳᠡᠭ ᠨᠣᠮ ᠳᠠᠭᠠᠨ ᠡᠬᠢ ᠰᠣᠷᠪᠣᠯᠵᠢ᠂ ᠰᠣᠶᠣᠯ ᠤᠨ ᠠᠭᠤᠯᠬᠤᠨ᠂ ᠥᠨ᠎ᠡ ᠥᠷᠳᠡᠭ᠂ ᠭᠠᠳᠠᠭᠠᠳᠣ ᠬᠥᠴᠥᠰᠥ ᠵᠡᠷᠭᠡ ᠣᠯᠠᠨ ᠲᠠᠯ᠎ᠠ ᠠᠴᠠ ᠳᠠᠭᠤᠤ ᠶᠢᠨ ᠰᠣᠩᠭᠤᠳᠠᠭ ᠪᠥᠳᠥᠭᠡᠯ ᠪᠣᠯᠵᠣ ᠴᠢᠳᠠᠭᠰᠠᠨ ᠰᠢᠯᠳᠠᠭᠠᠨ ᠢ ᠨᠣᠳᠠᠯᠠᠪᠠ᠃ ᠡᠨᠡ ᠬᠦ ᠭᠠᠭᠴᠠ ᠰᠡᠳᠦᠪᠲᠦ ᠡᠷᠳᠡᠮ ᠰᠢᠨᠵᠢᠯᠡᠭᠡᠨ ᠤ ᠪᠦᠲᠦᠭᠡᠯ ᠨᠢ ᠰᠡᠳᠥᠪ ᠰᠢᠨ᠎ᠡ᠂ ᠰᠡᠳᠭᠢᠮᠵᠢ ᠲᠣᠳᠣᠷᠬᠠᠢ᠂ ᠵᠣᠬᠢᠶᠠᠮᠵᠢ ᠨᠢᠭᠳᠠ᠂ ᠥᠵᠡᠯᠳᠡ ᠣᠨᠣᠪᠴᠢᠳᠠᠢ ᠮᠥᠷᠳᠡᠭᠡᠨ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ ︾ ᠤ ᠭᠤᠸ᠎ᠠ ᠰᠠᠶᠢᠬᠠᠨ ᠤ ᠣᠨᠴᠠᠯᠢᠭ ᠢ ᠴᠤ ᠬᠥᠨᠳᠡᠵᠣ ᠴᠢᠳᠠᠭᠠᠳ ᠬᠥᠮᠥᠰ ᠲᠤ ᠣᠯᠭᠤᠬᠤ ᠲᠠᠨᠢᠯᠳᠠ ᠶᠢᠨ ᠥᠢᠯᠡᠳᠥᠯ ᠢᠶᠠᠷ ᠢᠶᠠᠨ ᠥᠨᠳᠥᠷ ᠬᠡᠮᠵᠢᠶᠡᠨ ᠳᠤ ᠬᠥᠷᠪᠡ᠃ ᠲᠣᠰ ᠨᠣᠮ ᠪᠣᠯ ᠪᠠᠭ᠎ᠠ ᠪᠠᠷ ᠶᠡᠭᠡ ᠶᠢ ᠥᠵᠡᠭᠦᠯᠬᠦ ᠠᠷᠭ᠎ᠠ ᠶᠢ ᠬᠡᠷᠡᠭᠯᠡᠨ ᠥᠯᠢᠭᠡᠷᠳᠣ ᠲᠠᠭᠤᠣ ︽ᠭᠠᠳᠠ ᠮᠡᠶᠢᠷᠡᠨ︾ ᠤ ᠰᠣᠩᠭᠤᠳᠠᠭᠵᠢᠭᠰᠠᠨ ᠣᠴᠢᠷ ᠢ ᠥᠭᠦᠯᠡᠬᠦ ᠪᠠᠷ ᠲᠠᠮᠵᠢᠭᠤᠯᠣᠨ ᠥᠨᠡᠨ ᠳᠡᠭᠡᠨ ᠪᠥᠬᠦᠢ ᠯᠡ ᠣᠷᠠᠨ ᠪᠥᠳᠥᠭᠡᠯ ᠤᠨ ᠰᠣᠩᠭᠤᠳᠠᠭᠵᠢᠯ ᠤᠨ ᠥᠨᠳᠥᠰᠥ ᠰᠣᠷᠪᠣᠯᠵᠢ᠂ ᠥᠩᠭᠡᠷᠡᠯᠳᠡ ᠶᠠᠪᠣᠴᠠ᠂ ᠣᠴᠢᠷ ᠵᠥᠢ ᠵᠡᠷᠭᠡ ᠶᠢ ᠥᠭᠦᠯᠡᠭᠰᠡᠨ ᠨᠣᠮ ᠪᠣᠯᠣᠨ᠎ᠠ᠃ ᠡᠨᠡ ᠣᠳᠬ᠎ᠠ ᠪᠠᠷ ᠢᠶᠠᠨ ᠲᠣᠰ ᠨᠣᠮ ᠥᠯᠡᠮᠵᠢ ᠶᠢᠨ ᠥᠷᠳᠡᠭ ᠲᠠᠢ ᠪᠣᠯᠵᠣ ᠴᠢᠳᠠᠭᠰᠠᠨ ᠪᠢᠯᠡ᠃      ︵ᠵᠣᠬᠢᠶᠠᠭᠴᠢ ᠶᠢᠨ ᠬᠠᠶ᠋ᠢᠬ᠄ ᠥᠪᠥᠷ ᠮᠣᠩᠭᠤᠯ ᠤᠨ ᠶᠡᠭᠡ ᠰᠤᠷᠭᠠᠭᠤᠯᠢ ᠶᠢᠨ ᠫᠷᠣᠹᠧᠰᠰᠣᠷ ᠳ᠋ᠣᠺᠲ᠋ᠣᠷᠠᠨᠲ ᠤᠨ ᠵᠢᠯᠣᠭᠤᠳᠤᠭᠴᠢ ᠪᠠᠭᠰᠢ︶
 
ᠢᠷᠡᠯᠲᠡ᠄ ᠲᠦᠩᠯᠢᠶᠤᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
ᠬᠤᠷᠴᠢᠨ ᠠᠷᠠᠳ ᠤᠨ ᠳᠠᠭᠤᠣ ᠶᠢᠨ ᠵᠦᠴᠦᠭᠡᠯᠢᠭ ᠰᠢᠨᠵᠢ
ᠵᠢᠷ ᠤᠨ ᠨᠢᠬᠡᠨ ᠮᠠᠯᠴᠢᠨ ᠵᠠᠯᠠᠭᠤ ᠶᠢᠨ ᠦᠯᠢᠬᠡᠷ ᠤᠷᠠᠯᠢᠭ ᠤᠨ ᠬᠦᠬᠡᠬᠡᠴᠡᠯᠳᠦᠯ
ᠡᠯᠡᠰᠦᠨ ᠨᠤᠳᠤᠭ ᠤᠨ ᠲᠠᠭᠤᠤ ᠤᠷᠠᠯᠢᠭ ᠤᠨ ︽ᠰᠦᠯᠳᠡ︾
ᠠᠷᠠᠳ ᠤᠨ ᠲᠠᠭᠤᠤ ᠪᠠᠨ ᠬᠠᠮᠠᠭᠠᠯᠠᠵᠤ ᠶᠠᠪᠤᠬᠤ ᠶᠢᠨ ᠤᠴᠢᠷ
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号