| — ᠮᠣᠩᠭᠤᠯ ᠶᠣᠰᠣ ᠵᠠᠩᠰᠢᠯ ᠢᠶᠠᠨ ᠲᠡᠭᠡᠳᠦᠯᠡᠬᠦᠢ | ᠠᠶᠢᠯ ᠭᠡᠷ ᠤᠨ ᠭᠠᠯ ᠭᠤᠯᠣᠮᠲᠠ᠂ ᠦᠷᠡ ᠦᠨᠳᠦᠰᠦ ᠵᠠᠯᠭᠠᠮᠵᠢᠯᠠᠬᠤ ᠬᠡᠦᠬᠡᠳ ᠲᠥᠷᠥᠬᠦ ᠶᠢ ᠮᠣᠩᠭᠤᠯᠴᠤᠳ | ︽ᠬᠥᠮᠥᠨ ᠵᠠᠶᠠᠭᠠᠪᠠᠯ ᠬᠦᠨᠡᠰᠦ ᠵᠠᠶᠠᠭᠠᠨᠠ︾ ᠬᠡᠮᠡᠨ ᠶᠡᠬᠡᠳᠡ ᠪᠡᠯᠭᠡᠰᠢᠶᠡᠨ ᠭᠡᠷ ᠪᠦᠯᠢ ᠶᠢᠨ ᠠᠮᠢᠳᠤᠷᠠᠯ ᠳᠤ | ᠲᠣᠬᠢᠶᠠᠯᠳᠤᠭᠰᠠᠨ ᠣᠨᠴᠠᠭᠠᠢ ᠲᠡᠮᠳᠡᠭᠯᠡᠯᠲᠦ ᠦᠢᠯᠡ ᠶᠠᠪᠤᠳᠠᠯ ᠪᠣᠯᠭᠠᠨ ᠶᠤᠰᠣᠯᠠᠳᠠᠭ ᠪᠥᠭᠡᠳ ᠲᠡᠭᠦᠨ ᠢ | ᠬᠡᠦᠬᠡᠳ ᠤᠨ ᠤᠬᠢᠶᠠᠯᠭᠠ ᠭᠡᠵᠦ ᠨᠡᠷᠡᠯᠡᠳᠡᠭ᠃ | ᠬᠡᠦᠬᠡᠳ ᠤᠬᠢᠶᠠᠬᠤ ᠶᠣᠰᠣᠯᠠᠯ ᠪᠣᠯ ᠡᠷᠳᠡᠨᠢᠲᠦ ᠬᠥᠮᠥᠨ ᠤ ᠪᠡᠶᠡ ᠶᠢ ᠣᠯᠵᠤ ᠣᠷᠴᠢᠯᠠᠩ ᠳᠡᠭᠡᠷᠡ | ᠲᠥᠷᠥᠭᠰᠡᠨ ᠭᠡᠷ ᠪᠦᠯᠢ ᠶᠢᠨ ᠰᠢᠨᠡ ᠭᠡᠰᠢᠭᠦᠨ᠂ ᠲᠥᠷᠥ ᠤᠯᠤᠰ ᠤᠨ ᠢᠶᠠᠨ ᠪᠢᠴᠢᠬᠠᠨ ᠢᠷᠭᠡᠨ ᠢ ᠡᠴᠢᠭᠡ᠂ ᠡᠬᠡ ᠨᠢ | ᠠᠬᠠ ᠳᠡᠭᠦᠦ ᠲᠥᠷᠥᠯ ᠰᠠᠳᠤᠨ᠂ ᠲᠠᠨᠢᠯ ᠳᠣᠲᠣᠨᠣ ᠨᠥᠬᠦᠳ ᠤᠨ ᠢᠶᠠᠨ ᠬᠠᠮᠲᠤ ᠪᠠᠷ ᠬᠦᠨᠳᠦᠳᠬᠡᠨ ᠬᠦᠯᠢᠶᠡᠨ | ᠠᠪᠴᠤ ᠤᠨᠠᠭᠰᠠᠨ ᠭᠠᠵᠠᠷ ᠤᠨ ᠬᠢ ᠨᠢ ᠰᠢᠮᠡᠲᠦ ᠤᠰᠤ ᠪᠠᠷ ᠤᠭᠢᠶᠠᠨ ᠠᠮᠢᠳᠤᠷᠠᠯ ᠤᠨ ᠲᠤᠷᠰᠢ ᠳᠠᠭᠤᠳᠠᠭᠤᠯᠬᠤ | ᠨᠡᠷᠡ ᠶᠢ ᠨᠢ ᠥᠭᠴᠦ ᠪᠤᠢ ᠶᠣᠰᠣᠯᠠᠯ ᠶᠤᠮ᠃ ᠬᠡᠦᠬᠡᠳ ᠤᠨ ᠤᠬᠢᠶᠠᠯᠭᠠ ᠶᠢᠨ ᠶᠣᠰᠣᠯᠠᠯ ᠢ ᠦᠢᠯᠡᠳᠬᠦ ᠳᠡᠭᠡᠨ | ᠬᠠᠭᠤᠴᠢᠨ ᠤ ᠤᠯᠠᠮᠵᠢᠯᠠᠯ ᠶᠣᠰᠣ ᠪᠠᠷ ᠪᠣᠯ ᠲᠥᠷᠥᠭᠰᠡᠨ ᠠᠴᠠ ᠬᠤᠶᠢᠰᠢ 6 — 7 ᠬᠤᠨᠣᠭᠠᠳ ᠲᠥᠷᠥᠯ | ᠰᠠᠳᠤᠨ ᠤ ᠪᠠᠨ ᠬᠦᠷᠢᠶᠡᠨ ᠳᠤ ᠶᠣᠰᠣᠯᠠᠨ ᠲᠡᠮᠳᠡᠭᠯᠡᠳᠡᠭ᠃ ᠭᠡᠬᠦ ᠳᠡᠭᠡᠨ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠲᠤᠬᠠᠢ ᠶᠢᠨ | ᠦᠶᠡ ᠶᠢᠨ ᠪᠠᠶᠢᠳᠠᠯ ᠠᠴᠠ ᠰᠢᠯᠲᠠᠭᠠᠯᠠᠨ 16 ᠬᠤᠨᠣᠭᠠᠳ ᠴᠦ ᠬᠡᠦᠬᠡᠳ ᠤᠬᠢᠶᠠᠬᠤ ᠶᠣᠰᠣᠯᠠᠯ ᠢ ᠬᠢᠵᠦ ᠪᠣᠯᠳᠠᠭ | ᠪᠠᠶᠢᠪᠠ᠃ | ᠬᠡᠦᠬᠡᠳ ᠤᠬᠢᠶᠠᠬᠤ ᠶᠣᠰᠣᠯᠠᠯ ᠤᠨ ᠦᠶᠡ ᠳᠤ ᠠᠯᠢᠪᠠ ᠨᠠᠶᠢᠷ ᠤᠨ ᠠᠳᠠᠯᠢ ᠢᠳᠡᠭᠡ ᠴᠠᠭᠠᠯᠭᠠ᠂ ᠵᠣᠭᠤᠭ | ᠰᠢᠭᠦᠰᠦ᠂ ᠠᠶᠢᠷᠠᠭ ᠠᠷᠢᠬᠢ᠂ ᠪᠡᠯᠡᠳᠬᠡᠨ ᠵᠣᠴᠢᠨ ᠭᠡᠶᠢᠴᠢᠳ ᠢᠶᠠᠨ ᠳᠠᠶᠢᠯᠠᠬᠤ ᠪᠣᠯᠪᠠᠴᠤ ᠬᠡᠲᠦ ᠶᠡᠭᠡ ᠤᠤᠭᠤᠵᠤ | ᠰᠣᠭᠲᠣᠭᠤᠷᠠᠬᠤ ᠶᠢ ᠴᠡᠭᠡᠷᠯᠡᠳᠡᠭ ᠪᠠ ᠭᠡᠷᠯᠡᠬᠦ ᠬᠤᠷᠢᠮ ᠤᠨ ᠨᠢᠭᠡ ᠠᠳᠠᠯᠢ ᠨᠠᠷ ︵ᠨᠠᠷᠠ︶ ᠰᠢᠩᠭᠡᠬᠦ ᠠᠴᠠ ᠡᠮᠦᠨᠡ | ᠨᠠᠶᠢᠷ ᠢ ᠳᠠᠭᠤᠰᠬᠠᠳᠠᠭ ᠵᠠᠩᠰᠢᠯ ᠲᠠᠢ᠃ ᠬᠡᠦᠬᠡᠳ ᠲᠥᠷᠥᠬᠦ ᠦᠶᠡ ᠳᠤ ᠡᠬᠡ ᠳᠤ ᠨᠢ ᠣᠣᠭᠤᠯᠭᠠᠬᠤ ᠱᠥᠯᠥᠨ ᠤ | ᠬᠤᠨᠢ ᠲᠥᠬᠦᠭᠡᠷᠡᠵᠦ ᠡᠨᠡ ᠬᠤᠨᠢᠨ ᠤ ᠭᠡᠳᠡᠰᠦ᠂ ᠳᠣᠲᠣᠷ᠂ ᠴᠢᠰᠤ᠂ ᠬᠥᠰᠬᠦᠯᠡᠭᠰᠡᠨ ᠮᠢᠬᠠ᠂ ᠥᠭᠡᠬᠦ ᠴᠢᠬᠢᠭᠰᠡᠨ | ᠦᠩᠬᠦᠯᠴᠡᠭ᠂ ᠡᠯᠢᠭᠡ ᠪᠥᠭᠡᠷᠡ᠂ ᠰᠡᠭᠦᠯ ᠢ ᠨᠢ ᠴᠢᠨᠠᠵᠤ ᠬᠡᠦᠬᠡᠳ ᠤᠬᠢᠶᠠᠬᠤ ᠶᠣᠰᠣᠯᠠᠯ ᠤᠨ ᠵᠣᠭᠤᠭ | ᠰᠢᠭᠦᠰᠦᠨ ᠳᠤ ᠣᠷᠣᠭᠤᠯᠬᠤ ᠶᠣᠰᠣ ᠪᠠᠶᠢᠳᠠᠭ᠃ | ᠮᠥᠨ ᠬᠡᠦᠬᠡᠳ ᠢ ᠡᠬᠡ ᠪᠠᠷᠢᠵᠤ ᠠᠪᠤᠭᠰᠠᠨ ᠡᠬᠡ ᠳᠤ ᠤᠭᠤᠴᠠ ᠲᠠᠯᠪᠢᠨ ᠬᠦᠨᠳᠦᠳᠬᠡᠳᠡᠭ ᠪᠠ ᠮᠢᠩᠭᠠᠳ | ᠶᠠᠰᠤᠲᠠᠨ ᠳᠤ ᠬᠡᠦᠬᠡᠳ ᠤᠬᠢᠶᠠᠬᠤ ᠶᠣᠰᠣᠯᠠᠯ ᠤᠨ ᠦᠶᠡ ᠳᠤ ᠲᠠᠯᠯᠠᠭᠠ ᠶᠢᠨ ᠪᠣᠷᠤ ᠲᠣᠭᠤᠭᠠ ᠬᠤᠪᠢᠩ ᠳᠤ ᠨᠢᠭᠡ | ᠱᠣᠷᠣ ᠮᠢᠬᠠ᠂ ᠱᠠᠭᠠᠶᠢᠲᠣ᠂ ᠤᠭᠤᠷᠠᠭ᠂ ᠰᠡᠭᠦᠯ᠂ ᠴᠠᠭᠠᠨ ᠮᠢᠬᠠ ᠬᠢᠭᠡᠳ ᠲᠥᠷᠥᠭᠰᠡᠨ ᠬᠡᠦᠬᠡᠳ ᠢ ᠡᠬᠡ ᠪᠠᠷᠢᠵᠤ | ᠠᠪᠤᠭᠰᠠᠨ ᠡᠬᠡ᠂ ᠬᠡᠦᠬᠡᠳ ᠲᠥᠷᠥᠭᠦᠯᠦᠭᠰᠡᠨ ᠡᠬᠡ ᠶᠢ ᠬᠤᠷᠤᠢ ᠬᠤᠷᠤᠢ ᠬᠡᠮᠡᠨ ᠬᠤᠷᠦ᠋ᠢᠯᠠᠵᠤ ᠴᠠᠭᠠᠨ ᠮᠢᠬᠠ ᠠᠴᠠ | ᠭᠤᠷᠪᠠ ᠳᠠᠬᠢᠨ ᠡᠷᠭᠢᠭᠦᠯᠵᠦ ᠭᠤᠷᠪᠠ ᠠᠮᠰᠠᠭᠤᠯᠵᠤ ᠶᠤᠰᠤᠯᠠᠭᠰᠠᠨ ᠤ ᠳᠠᠷᠠᠭᠠ ᠬᠤᠪᠢᠩ ᠲᠠᠢ ᠮᠢᠬᠠ ᠪᠠᠨ | ᠴᠤᠭᠯᠠᠷᠠᠭᠰᠠᠨ ᠬᠥᠮᠥᠰ ᠲᠤ ᠨᠠᠷᠠ ᠵᠥᠪ ᠲᠣᠭᠤᠷᠢᠭᠤᠯᠤᠨ ᠠᠮᠰᠠᠭᠤᠯᠳᠠᠭ᠃ ᠢᠩᠭᠢᠭᠡᠳ ᠦᠯᠡᠳᠡᠭᠰᠡᠨ ᠮᠢᠬᠠ ᠶᠢ | ᠭᠤᠷᠪᠠ ᠬᠤᠨᠤᠭ ᠬᠠᠳᠠᠭᠠᠯᠠᠭᠠᠳ ᠬᠡᠦᠬᠡᠳ ᠤᠨ ᠡᠴᠢᠭᠡ᠂ ᠡᠬᠡ ᠬᠤᠶᠠᠷ ᠢᠳᠡᠳᠡᠭ ᠠᠵᠢ᠃ ᠡᠨᠡ ᠨᠢ ᠬᠡᠦᠬᠡᠳ ᠤᠨ | ᠤᠬᠢᠶᠠᠯᠭᠠ ᠶᠢᠨ ᠶᠣᠰᠣᠯᠠᠯ ᠤᠨ ᠵᠣᠭᠤᠭ ᠰᠢᠭᠦᠰᠦ ᠪᠣᠯ ᠵᠠᠩ ᠦᠢᠯᠡ ᠶᠢᠨ ᠵᠤᠷᠢᠭᠤᠯᠤᠯᠲᠠ ᠲᠠᠢ ᠬᠦᠨᠳᠦᠳᠬᠡᠯ ᠤᠨ | ᠢᠳᠡᠭᠡ ᠭᠡᠰᠡᠨ ᠤᠳᠬᠠ ᠲᠠᠢ ᠠᠵᠢ᠃ | ᠨᠠᠶᠢᠷ ᠡᠬᠢᠯᠡᠭᠰᠡᠨ ᠤ ᠳᠠᠷᠠᠭᠠ ᠦᠳᠡ ᠳᠤᠮᠳᠠ ᠪᠣᠯᠬᠤ ᠠᠴᠠ ᠡᠮᠦᠨᠡ ᠲᠣᠪᠠᠯᠠᠭᠰᠠᠨ ᠴᠠᠭ ᠪᠣᠯᠣᠮᠠᠭᠴᠠ | ᠬᠡᠦᠬᠡᠳ ᠤᠬᠢᠶᠠᠬᠤ ᠶᠣᠰᠣᠯᠠᠯ ᠦᠢᠯᠡᠳᠦᠳᠡᠭ ᠪᠠ ᠠᠩᠬᠠ ᠪᠣᠭᠤᠵᠤ ᠠᠪᠤᠭᠰᠠᠨ ᠡᠬᠡ ᠠᠭᠠᠭ ᠲᠠᠢ ᠬᠠᠷᠠ ᠴᠠᠢ ᠪᠤᠶᠤ | ᠱᠥᠯᠥ ᠶᠢ ᠪᠦᠯᠢᠶᠡᠳᠭᠡᠭᠡᠳ ᠬᠡᠦᠬᠡᠳ ᠢ ᠤᠬᠢᠶᠠᠳᠠᠭ᠃ ᠳᠠᠪᠤᠰᠤ ᠲᠠᠢ ᠱᠥᠯᠥᠨ ᠳᠤ ᠦᠷᠡ ᠪᠤᠳᠠᠭᠠ᠂ ᠠᠷᠴᠠ | ᠬᠢᠵᠦ ᠤᠬᠢᠶᠠᠬᠤ ᠶᠣᠰᠣ ᠨᠡᠶᠢᠲᠡ ᠮᠣᠩᠭᠤᠯᠴᠤᠳ ᠲᠤ ᠶᠡᠬᠡᠬᠡᠨ ᠳᠡᠯᠭᠡᠷᠡᠭᠰᠡᠨ ᠵᠠᠩᠰᠢᠯ ᠶᠤᠮ᠃ ᠢᠩᠭᠢᠵᠦ | ᠤᠬᠢᠶᠠᠬᠤ ᠶᠢᠨ ᠤᠴᠢᠷ ᠳᠠᠪᠤᠰᠤ ᠪᠠᠷ ᠪᠤᠷᠲᠠᠭ ᠢ ᠴᠡᠪᠡᠷᠯᠡᠵᠦ᠂ ᠠᠷᠴᠠ ᠪᠠᠷ ᠠᠷᠢᠭᠤᠳᠬᠠᠵᠤ᠂ ᠦᠷᠡ ᠪᠤᠳᠠᠭᠠ | ᠰᠢᠭ ᠦᠨᠢᠷᠵᠢᠨ ᠦᠷᠡᠵᠢᠬᠦ ᠶᠢᠨ ᠪᠡᠯᠭᠡ ᠲᠡᠮᠳᠡᠭ ᠭᠡᠵᠦ ᠦᠵᠡᠳᠡᠭ᠃ ᠡᠭᠦᠨ ᠤ ᠳᠠᠷᠠᠭᠠ ᠬᠡᠦᠬᠡᠳ ᠤᠨ ᠡᠴᠢᠭᠡ᠂ | ᠡᠬᠡ ᠨᠢ ᠪᠠᠷᠢᠵᠤ ᠠᠪᠤᠭᠰᠠᠨ ᠡᠬᠡ ᠳᠤ ᠪᠤᠶᠤ ᠡᠰᠡᠪᠡᠯ ᠬᠠᠮᠤᠭ ᠤᠨ ᠠᠬᠠᠮᠠᠳ ᠬᠦᠨᠳᠦᠲᠡᠢ ᠬᠥᠮᠥᠨ ᠳᠤ ᠬᠠᠳᠠᠭ | ᠪᠠᠷᠢᠨ ︽ᠬᠦᠦ ᠳᠤ ᠨᠡᠷᠡ ᠬᠠᠶᠢᠷᠠᠯᠠ︾ ᠭᠡᠵᠦ ᠬᠦᠰᠡᠬᠦ ᠳᠤ ᠠᠵᠠ ᠵᠢᠷᠭᠠᠯ ᠲᠠᠢ ᠶᠠᠪᠤᠬᠤ ᠶᠢ ᠪᠡᠯᠭᠡᠰᠢᠶᠡᠭᠰᠡᠨ | ᠨᠡᠷᠡ ᠶᠢ ᠥᠪᠡᠷ ᠢᠶᠠᠨ ᠰᠣᠩᠭᠤᠨ ᠬᠡᠯᠡᠬᠦ᠂ ᠡᠰᠡᠪᠡᠯ ᠡᠴᠢᠭᠡ ᠡᠬᠡ ᠨᠢ ᠤᠷᠢᠲᠠ ᠠᠴᠠ 2 — 3 ᠨᠡᠷᠡ ᠶᠢ | ᠰᠣᠩᠭᠤᠨ ᠪᠢᠴᠢᠭᠰᠡᠨ ᠴᠠᠭᠠᠨᠰᠣ ᠶᠢ ᠬᠤᠶᠢᠯᠠᠨ ᠳᠣᠲᠣᠷᠠ ᠨᠢ ᠬᠢᠭᠰᠡᠨ ᠸᠠᠭᠠᠷ ᠲᠠᠢ ᠪᠤᠳᠠᠭᠠ ᠶᠢ ᠬᠡᠳᠦ | ᠰᠢᠭᠰᠢᠬᠦ ᠳᠤ ᠲᠦᠷᠦᠭᠦᠯᠡᠵᠦ ᠢᠯᠡ ᠭᠠᠷᠤᠭᠰᠠᠨ ᠴᠠᠭᠠᠨᠰᠣ ᠶᠢ ᠠᠪᠴᠤ ᠤᠩᠰᠢᠭᠠᠳ ᠬᠡᠦᠬᠡᠳ ᠤᠨ ᠴᠢᠬᠢᠨ ᠳᠤ | ᠨᠡᠷᠡ ᠶᠢ ᠨᠢ ᠰᠢᠪᠡᠨᠡᠨ ᠬᠡᠯᠡᠨᠡ᠃ ᠲᠡᠭᠡᠬᠦ ᠳᠡᠭᠡᠨ ᠬᠡᠷᠪᠡ ᠬᠥᠪᠡᠭᠦᠨ ᠪᠠᠶᠢᠪᠠᠯ ᠪᠠᠷᠠᠭᠤᠨ ᠴᠢᠬᠢᠨ ᠳᠤ᠂ ᠥᠬᠢᠨ | ᠪᠠᠶᠢᠪᠠᠯ ᠵᠡᠭᠦᠨ ᠴᠢᠬᠢᠨ ᠳᠤ ᠭᠤᠷᠪᠠᠨᠲᠠ ᠰᠢᠪᠡᠨᠡᠨ ᠬᠡᠯᠡᠭᠡᠳ ︽ᠲᠠᠨ ᠤ ᠥᠬᠢᠨ ︵ᠬᠦᠦ︶ xxx ᠭᠡᠳᠡᠭ | ᠨᠡᠷᠡ ᠲᠠᠢ ᠪᠣᠯᠣᠯᠠ︾ ᠭᠡᠵᠦ ᠨᠡᠶᠢᠲᠡ ᠳᠤ ᠵᠠᠷᠯᠠᠳᠠᠭ ᠠᠵᠢ᠃ ᠬᠡᠦᠬᠡᠳ ᠤᠨ ᠨᠡᠷᠡ ᠶᠢ ᠬᠡᠯᠡᠬᠦ ᠳᠡᠭᠡᠨ ᠡᠶᠢᠨ ᠬᠦ | ᠬᠤᠶᠠᠷ ᠥᠭᠡᠷᠡ ᠶᠠᠩᠵᠤ ᠪᠠᠷ ᠪᠠᠷᠠᠭᠤᠨ᠂ ᠵᠡᠭᠦᠨ ᠴᠢᠬᠢᠨ ᠳᠤ ᠨᠢ ᠰᠢᠪᠡᠨᠡᠨ ᠬᠡᠯᠡᠳᠡᠭ ᠶᠢᠨ ᠤᠴᠢᠷ ᠨᠢ | ᠮᠣᠩᠭᠤᠯᠴᠤᠳ ᠤᠨ ᠡᠷᠲᠡᠨ ᠤ ᠵᠠᠩᠰᠢᠯ ᠶᠣᠰᠣᠨ ᠤ ᠳᠠᠭᠠᠤ ᠪᠠᠷᠠᠭᠤᠨ ᠲᠠᠯᠠ ᠶᠢ ᠡᠷᠡᠭᠲᠡᠢ ᠬᠥᠮᠥᠨ ᠳᠤ᠂ ᠵᠡᠭᠦᠨ ᠶᠢ | ᠡᠮᠡᠭᠲᠡᠢ ᠬᠥᠮᠥᠨ ᠳᠤ ᠣᠨᠣᠭᠠᠨ ᠬᠠᠮᠢᠶᠠᠷᠤᠭᠤᠯᠳᠠᠭ ᠤᠯᠠᠮᠵᠢᠯᠠᠯ ᠲᠠᠢ ᠬᠤᠯᠪᠣᠭᠠᠲᠠᠢ ᠶᠤᠮ᠃ ᠲᠡᠭᠦᠨᠴᠢᠯᠡᠨ | ᠬᠡᠦᠬᠡᠳ ᠲᠤ ᠥᠭᠬᠦ ᠨᠡᠷᠡ ᠪᠢᠴᠢᠭᠰᠡᠨ ᠴᠠᠭᠠᠨᠰᠣ ᠶᠢ ᠸᠠᠭᠠᠷ ᠲᠠᠢ ᠪᠤᠳᠠᠭᠠᠨ ᠳᠣᠲᠣᠷᠠ ᠬᠢᠳᠡᠭ ᠨᠢ ᠨᠡᠷᠡ ᠠᠯᠳᠠᠷ ᠨᠢ | ᠪᠤᠳᠠᠭᠠ ᠰᠢᠭ ᠥᠰᠬᠦ ᠶᠢᠨ ᠪᠡᠯᠭᠡᠳᠡᠯ ᠪᠣᠯᠳᠠᠭ᠃ ᠮᠣᠩᠭᠤᠯᠴᠤᠳ ︽ᠳᠠᠭᠤᠳᠠᠬᠤ ᠨᠡᠷᠡ ᠶᠢ ᠡᠴᠢᠭᠡ᠂ ᠡᠬᠡ | ᠥᠭᠭᠦᠨᠡ᠂ ᠳᠠᠭᠤᠷᠢᠰᠬᠠᠬᠤ ᠠᠯᠳᠠᠷ ᠢ ᠥᠪᠡᠷ ᠢᠶᠠᠨ ᠣᠯᠣᠨᠠ︾ ᠭᠡᠵᠦ ᠶᠠᠷᠢᠯᠴᠠᠳᠠᠭ ᠪᠢᠯᠡ᠃ | ᠬᠡᠦᠬᠡᠳ ᠲᠤ ᠨᠡᠷᠡ ᠥᠭᠬᠦ ᠳᠡᠭᠡᠨ ᠶᠡᠬᠡᠪᠴᠢᠯᠡᠨ ᠲᠡᠭᠦᠨ ᠳᠤ ᠠᠵᠠ ᠵᠢᠷᠭᠠᠯ᠂ ᠡᠷᠡᠭᠦᠯ ᠡᠩᠬᠡ᠂ ᠰᠠᠶᠢᠨ | ᠰᠠᠶᠢᠬᠠᠨ ᠢ ᠬᠦᠰᠡᠮᠵᠢᠯᠡᠨ ᠠᠷᠠᠳ ᠲᠦᠮᠡᠨ ᠤ ᠪᠠᠨ ᠰᠠᠶᠢᠬᠠᠨ ᠤ ᠲᠠᠭᠠᠰᠢᠶᠠᠯ ᠢ ᠢᠯᠡᠷᠬᠡᠶᠢᠯᠡᠭᠰᠡᠨ ᠨᠡᠷᠡ ᠰᠣᠩᠭᠤᠳᠠᠭ᠃ | ᠮᠥᠨ ᠫᠦᠷᠪᠦ ᠭᠠᠷᠠᠭ ᠲᠤ ᠲᠥᠷᠥᠭᠰᠡᠨ ᠪᠣᠯ ᠫᠦᠷᠪᠦᠵᠠᠪ᠂ ᠨᠢᠮᠠ ᠭᠠᠷᠠᠭ ᠲᠤ ᠲᠥᠷᠥᠭᠰᠡᠨ ᠪᠣᠯ ᠨᠢᠮᠡᠵᠠᠪ ᠭᠡᠬᠦ | ᠮᠡᠲᠦ ᠪᠠᠷ ᠨᠡᠷᠡ ᠥᠭᠳᠡᠭ ᠪᠠᠶᠢᠵᠠᠢ᠃ | ᠬᠠᠭᠤᠴᠢᠨ ᠴᠠᠭ ᠲᠤ ᠬᠡᠦᠬᠡᠳ ᠲᠣᠭᠲᠠᠳᠠᠭ ᠦᠭᠡᠢ ᠠᠶᠢᠯ ᠳᠤ ᠬᠡᠦᠬᠡᠳ ᠲᠥᠷᠥᠪᠡᠯ ᠮᠤᠤᠠᠣᠬᠢᠨ᠂ | ᠬᠦᠮᠦᠨᠪᠢᠰᠢ᠂ ᠪᠢᠪᠢᠰᠢ᠂ ᠬᠡᠷᠪᠡ ᠬᠡᠦᠬᠡᠳ ᠨᠢ ᠨᠠᠰᠤ ᠪᠠᠷᠠᠭᠰᠠᠨ ᠪᠣᠯ ᠳᠠᠷᠠᠭᠠ ᠶᠢᠨ ᠲᠥᠷᠥᠭᠰᠡᠨ ᠬᠡᠦᠬᠡᠳ ᠲᠤ | ᠥᠪᠡᠷ ᠤᠨ ᠬᠡᠦᠬᠡᠳ ᠪᠢᠰᠢ ᠬᠡᠮᠡᠨ ᠲᠡᠷᠡᠪᠢᠰᠢ᠂ ᠠᠳᠠᠯᠢᠪᠢᠰᠢ ᠭᠡᠬᠦ ᠮᠡᠲᠦ ᠪᠠᠲᠤᠯᠠᠭᠰᠠᠨ᠂ ᠡᠰᠡᠪᠡᠯ ᠨᠣᠬᠠᠢ᠂ | ᠪᠠᠳᠢᠷᠴᠢᠨ ᠬᠡᠮᠡᠨ ᠦᠯᠦ ᠲᠣᠭᠤᠮᠰᠠᠷᠯᠠᠨ ᠵᠢᠪᠡᠭᠦᠴᠡᠭᠰᠡᠨ᠂ ᠡᠰᠡᠪᠡᠯ ᠲᠡᠮᠦᠷ᠂ ᠥᠯᠴᠢᠷ ᠭᠡᠬᠦ ᠮᠡᠲᠦ ᠪᠠᠷ ᠣᠰᠣᠯ | ᠦᠬᠦᠯ ᠳᠤ ᠳᠡᠶᠢᠯᠳᠡᠰᠢ ᠦᠭᠡᠢ ᠭᠡᠰᠡᠨ ᠤᠳᠬᠠ ᠲᠠᠢ ᠦᠭᠡ ᠪᠠᠷ ᠨᠡᠷᠡᠯᠡᠳᠡᠭ᠃ ᠬᠠᠭᠤᠴᠢᠨ ᠤ ᠰᠢᠲᠦᠯᠭᠡ ᠶᠢᠨ | ᠣᠶᠢᠯᠠᠭᠠᠯᠲᠠ ᠶᠣᠰᠣ ᠪᠠᠷ ᠪᠣᠯ ᠡᠨᠡ ᠨᠢ ᠰᠢᠨᠡ ᠲᠥᠷᠥᠭᠰᠡᠨ ᠬᠡᠦᠬᠡᠳ ᠲᠤ ᠬᠤᠣᠷ ᠬᠥᠨᠥᠭᠡᠯ ᠬᠦᠷᠭᠡᠵᠦ ᠪᠣᠯᠵᠣᠰᠢ | ᠦᠭᠡᠢ ᠳᠠᠯᠳᠠ ᠶᠢᠨ ᠣᠩᠭᠤᠨ ᠢ ᠬᠠᠭᠤᠷᠬᠤ ᠳᠤ ᠴᠢᠭᠯᠡᠭᠳᠡᠭᠰᠡᠨ ᠵᠦᠢᠯ ᠶᠤᠮ᠃ ᠬᠡᠦᠬᠡᠳ ᠤᠨ ᠤᠭᠢᠶᠠᠯᠭᠠ ᠳᠤ | ᠢᠷᠡᠭᠰᠡᠨ ᠬᠦᠮᠦᠨ ᠪᠦᠷᠢ ᠲᠡᠭᠦᠨ ᠤ ᠳᠣᠲᠣᠷᠠ ᠡᠬᠡ ᠪᠠᠷᠢᠵᠤ ᠠᠪᠤᠭᠰᠠᠨ ᠬᠥᠮᠥᠨ ᠨᠢ ᠰᠢᠨᠡ ᠲᠥᠷᠥᠭᠰᠡᠨ | ᠬᠡᠦᠬᠡᠳ ᠲᠤ ᠪᠡᠯᠡᠭ ᠥᠭᠳᠡᠭ ᠪᠠ ᠡᠳ᠋ ᠥᠯᠥᠭᠡᠢ ᠶᠢᠨ ᠵᠦᠢᠯᠡᠰ᠂ ᠬᠤᠪᠴᠠᠰᠤ᠂ ᠣᠶᠢᠷᠠ ᠲᠥᠷᠥᠯ ᠤᠨ ᠬᠢᠨ ᠨᠢ | ᠤᠨᠠᠭᠠ᠂ ᠬᠤᠷᠠᠭᠠ᠂ ᠲᠤᠭᠤᠯ᠂ ᠪᠣᠲᠣᠭᠤ ᠵᠡᠷᠭᠡ ᠮᠠᠯ ᠥᠭᠳᠡᠭ ᠨᠢ ᠢᠷᠡᠭᠡᠳᠦᠢ ᠶᠢᠨ ᠮᠠᠯᠴᠢᠨ ᠤ ᠬᠥᠷᠥᠩᠭᠡ ᠮᠠᠯ ᠢ | ᠡᠷᠲᠡᠨ ᠠᠴᠠ ᠪᠡᠯᠡᠳᠬᠡᠵᠦ ᠪᠤᠢ ᠶᠢᠨ ᠵᠣᠷᠢᠭᠤᠯᠤᠯᠲᠠ ᠲᠠᠢ᠃ | ᠬᠡᠦᠬᠡᠳ ᠲᠤ ᠥᠭᠳᠡᠭ ᠣᠨᠴᠠᠭᠠᠢ ᠪᠡᠯᠡᠭ ᠭᠡᠪᠡᠯ ᠬᠤᠢ ᠲᠠᠢ ᠬᠢᠲᠤᠭᠠ᠂ ᠨᠤᠮᠤ ᠰᠤᠮᠤ᠂ ᠡᠮᠡᠭᠡᠯ ᠬᠠᠵᠠᠭᠠᠷ | ᠭᠡᠬᠦ ᠮᠡᠲᠦ ᠵᠦᠢᠯᠡᠰ ᠪᠠᠶᠢᠭᠰᠠᠨ ᠨᠢ ᠮᠠᠯᠴᠢᠨ ᠬᠥᠮᠥᠨ ᠤ ᠬᠥᠳᠡᠯᠮᠦᠷᠢ ᠶᠢᠨ ᠪᠠᠭᠠᠵᠢ ᠵᠡᠪᠰᠡᠭ ᠢ ᠥᠭᠴᠦ ᠪᠤᠢ ᠬᠡᠷᠡᠭ | ᠶᠤᠮ᠃ ᠡᠴᠢᠭᠡ᠂ ᠡᠬᠡ ᠨᠢ ᠮᠥᠨ ᠢᠷᠡᠭᠰᠡᠨ ᠬᠥᠮᠥᠰ ᠲᠤ ᠬᠠᠷᠢᠭᠤ ᠪᠡᠯᠡᠭ ᠥᠭᠭᠦᠨᠡ᠃ | ᠬᠡᠦᠬᠡᠳ ᠤᠬᠢᠶᠠᠬᠤ ᠶᠣᠰᠣᠯᠠᠯ ᠤᠨ ᠦᠶᠡ ᠳᠤ ᠰᠢᠨᠡ ᠬᠥᠮᠥᠨ ᠤ ᠢᠷᠡᠭᠡᠳᠦᠢ ᠶᠢ ᠪᠡᠯᠭᠡᠳᠡᠭᠰᠡᠨ ᠢᠷᠦᠭᠡᠯ | ᠬᠡᠯᠡᠵᠦ᠂ ᠪᠦᠪᠡᠢ ᠶᠢᠨ ᠳᠠᠭᠤᠤ᠂ ᠡᠴᠢᠭᠡ ᠡᠬᠡ ᠶᠢᠨ ᠠᠴᠢ ᠶᠢ ᠮᠠᠭᠲᠠᠭᠰᠠᠨ ᠠᠭᠤᠯᠭᠠ ᠲᠠᠢ ᠳᠠᠭᠤᠤ ᠶᠢ ᠳᠠᠭᠤᠯᠠᠳᠠᠭ | ᠃ ᠨᠡᠯᠢᠶᠡᠳ ᠡᠷᠲᠡᠬᠡᠨ ᠦᠶᠡ ᠳᠤ ︽ᠬᠡᠦᠬᠡᠳ ᠤᠨ ᠲᠠᠯᠯᠠᠭᠠ︾ ᠭᠡᠵᠦ ᠲᠤᠰᠬᠠᠢ ᠵᠠᠩ ᠦᠢᠯᠡ ᠶᠢᠨ ᠰᠢᠯᠦᠭ | ᠬᠡᠯᠡᠳᠡᠭ ᠪᠠᠶᠢᠭᠰᠠᠨ ᠪᠥᠭᠡᠳ ᠲᠡᠭᠦᠨ ᠳᠤ | ᠶᠢᠰᠦᠨ ᠮᠠᠭᠤ ᠶᠢ ᠳᠠᠪᠠᠭ᠋ᠤ ᠬᠢᠭᠡᠳ | ᠬᠥᠮᠥᠨ ᠡᠳ᠋ ᠲᠤ ᠥᠯᠵᠡᠶᠢᠲᠡᠢ | ᠬᠤᠲᠠᠯᠠ ᠴᠢᠭᠤᠯᠬᠤ ᠪᠣᠯᠲᠤᠭᠠᠢ | ᠵᠠᠭᠤᠨ ᠵᠢᠯ ᠠᠬᠤᠢ ᠪᠥᠭᠡᠳ | ᠵᠠᠭᠤᠨ ᠨᠠᠮᠤᠷ ᠢ ᠦᠵᠡᠬᠦ ᠪᠣᠯᠲᠤᠭᠠᠢ | ᠠᠮᠢ ᠴᠢᠨᠢ ᠭᠦᠷ ᠬᠠᠷᠠ ᠴᠢᠯᠠᠭᠤᠨ ᠠᠴᠠ ᠪᠠᠲᠤ | ᠦᠨᠳᠦᠰᠦ ᠴᠢᠨᠢ ᠦᠶᠡ ᠲᠠᠢ ᠴᠠᠭᠠᠨ ᠡᠪᠡᠰᠦᠨ ᠠᠴᠠ ᠣᠯᠠᠨ ᠪᠣᠯᠲᠤᠭᠠᠢ | ᠬᠤᠷᠤᠢ ᠬᠤᠷᠤᠢ ᠬᠤᠷᠤᠢ | ᠭᠡᠵᠦ ᠪᠢᠴᠢᠬᠠᠨ ᠬᠡᠦᠬᠡᠳ ᠤᠨ ᠢᠷᠡᠭᠡᠳᠦᠢ ᠶᠢᠨ ᠰᠠᠶᠢᠨ ᠰᠠᠶᠢᠬᠠᠨ ᠢ ︽ᠰᠢᠳᠢᠲᠦ ᠦᠭᠡ ᠶᠢᠨ︾ ᠬᠦᠴᠦ ᠪᠠᠷ ᠤᠷᠢᠨ | ᠳᠠᠯᠠᠯᠳᠠᠭ ᠪᠠᠶᠢᠭᠰᠠᠨ ᠨᠢ ᠢᠷᠦᠭᠡᠯ ᠤᠨ ᠤᠯᠠᠮᠵᠢᠯᠠᠯ ᠪᠣᠯᠣᠭᠰᠠᠨ ᠡᠷᠲᠡᠨ ᠤ ᠬᠡᠯᠪᠡᠷᠢ ᠶᠤᠮ᠃ ᠬᠡᠦᠬᠡᠳ ᠤᠨ | ᠢᠷᠦᠭᠡᠯ ᠨᠢ ᠲᠤᠬᠠᠢ ᠶᠢᠨ ᠶᠣᠰᠣᠯᠠᠯ ᠤᠨ ᠤᠴᠢᠷ ᠵᠣᠷᠢᠯᠭᠠ ᠶᠢ ᠨᠡᠮᠡᠨ ᠲᠤᠳᠤᠴᠢᠯᠠᠵᠤ᠂ ᠰᠢᠨᠡ ᠲᠥᠷᠥᠭᠰᠡᠨ | ᠬᠡᠦᠬᠡᠳ᠂ ᠲᠡᠭᠦᠨ ᠤ ᠡᠴᠢᠭᠡ᠂ ᠡᠬᠢ ᠳᠤ ᠬᠠᠨᠳᠤᠵᠤ ᠪᠤᠢ ᠬᠠᠮᠲᠤ ᠣᠯᠠᠨ ᠤ ᠰᠡᠳᠬᠢᠯ ᠢ ᠢᠯᠡᠷᠬᠡᠶᠢᠯᠡᠭᠰᠡᠨ | ᠤᠳᠬᠠ ᠲᠠᠢ᠃ | ᠡᠨᠡ ᠢᠷᠦᠭᠡᠯ ᠨᠢ ᠠᠭᠤᠯᠭᠠ ᠶᠢᠨ ᠬᠤᠪᠢ ᠳᠤ ᠡᠴᠢᠭᠡ᠂ ᠡᠬᠡ ᠬᠤᠶᠠᠷ ᠲᠤ ᠪᠣᠯᠣᠨ ᠬᠡᠦᠬᠡᠳ ᠲᠤ | ᠬᠠᠨᠳᠤᠭᠰᠠᠨ ᠬᠤᠶᠠᠷ ᠬᠡᠰᠡᠭ ᠲᠠᠢ᠃ ᠡᠴᠢᠭᠡ᠂ ᠡᠬᠢ ᠳᠤ ᠨᠢ ᠬᠠᠨᠳᠤᠭᠰᠠᠨ ᠬᠡᠰᠡᠭ ᠲᠤ ᠲᠡᠳᠡᠨ ᠢ ᠠᠩᠬᠠ ᠡᠬᠢᠯᠡᠨ | ᠲᠠᠨᠢᠯᠴᠠᠵᠤ᠂ ᠤᠯᠠᠮ ᠢᠶᠠᠷ ᠰᠡᠳᠬᠢᠯᠭᠡ ᠲᠠᠢ ᠪᠣᠯᠣᠭᠠᠳ ᠬᠠᠨᠢᠯᠠᠨ ᠰᠠᠭᠤᠵᠤ ᠬᠡᠦᠬᠡᠳ ᠲᠠᠢ ᠪᠣᠯᠣᠭᠰᠠᠨ ᠲᠤᠬᠠᠢ ᠳᠤ | ᠨᠠᠷᠭᠢᠶᠠᠨ ᠲᠠᠢ ᠪᠠᠶᠢᠳᠠᠯ ᠢᠶᠠᠷ ᠰᠢᠯᠦᠭᠯᠡᠭᠰᠡᠨ ᠪᠠᠶᠢᠳᠠᠭ ᠪᠣᠯ ᠬᠡᠦᠬᠡᠳ ᠲᠤ ᠵᠣᠷᠢᠭᠤᠯᠤᠭᠰᠠᠨ ᠬᠡᠰᠡᠭ ᠲᠤ ᠡᠴᠢᠭᠡ᠂ | ᠡᠬᠡ ᠶᠢᠨ ᠬᠠᠶᠢᠷᠠ ᠢᠪᠡᠭᠡᠯ ᠳᠤᠷ ᠡᠷᠡᠭᠦᠯ ᠡᠩᠬᠡ ᠥᠰᠴᠦ ᠲᠤᠷᠨᠢᠨ ᠲᠦᠮᠡᠨ ᠣᠯᠠᠨ ᠳᠠᠭᠠᠨ ᠬᠦᠨᠳᠦᠲᠡᠢ ᠰᠠᠶᠢᠨ | ᠬᠥᠮᠥᠨ ᠪᠣᠯᠬᠤ ᠶᠢ ᠢᠷᠦᠭᠡᠨ ᠪᠡᠯᠭᠡᠳᠡᠭᠰᠡᠨ ᠪᠠᠶᠢᠳᠠᠭ᠃ | ᠲᠤᠬᠠᠶᠢᠯᠠᠪᠠᠯ ᠬᠡᠦᠬᠡᠳ ᠲᠤ ᠬᠠᠨᠳᠤᠭᠰᠠᠨ ᠬᠡᠰᠡᠭ ᠲᠤ ᠪᠤᠳᠠᠭᠠᠯᠭᠠ ᠬᠤᠷᠢᠮ ᠢ ᠬᠢᠬᠦ ᠪᠠᠷ | ᠪᠤᠶᠠᠨ ᠲᠠᠢ ᠲᠠ ᠨᠠᠷ ᠢ ᠴᠤᠭᠯᠠᠭᠤᠯᠤᠭᠠᠳ | ᠰᠠᠶ᠋ᠢ ᠭᠠᠷᠤᠭᠰᠠᠨ ᠬᠦᠦ ᠶᠢᠨ ᠢᠶᠠᠨ | ᠰᠠᠶᠢᠨ ᠰᠠᠶᠢᠬᠠᠨ ᠢ ᠢᠷᠦᠭᠡᠵᠦ ᠪᠦᠬᠦᠢ ᠳᠤ | ᠡᠷᠳᠡᠨᠢᠲᠦ ᠬᠥᠮᠥᠨ ᠤ ᠪᠡᠶᠡ ᠶᠢ ᠣᠯᠣᠭᠰᠠᠨ ᠡᠷᠬᠢᠮ ᠬᠡᠦᠬᠡᠳ ᠤᠨ ᠠᠯᠳᠠᠷ ᠢ ᠲᠠᠭᠤᠷᠢᠰᠬᠠᠨ ᠁ ᠬᠡᠮᠡᠨ | ᠡᠬᠢᠯᠡᠭᠡᠳ ᠪᠢᠴᠢᠬᠠᠨ ᠬᠡᠦᠬᠡᠳ ᠤᠨ ᠡᠷᠡᠭᠦᠯ ᠡᠩᠬᠡ ᠥᠰᠴᠦ ᠶᠤᠷᠨᠢᠬᠤ ᠲᠤᠬᠠᠢ ᠳᠤ ᠁ ᠬᠤᠶᠠᠷ ᠨᠠᠰᠤ ᠶᠢ ᠴᠦ | ᠬᠦᠷᠦᠨᠡ ᠳ᠋ᠡ | ᠬᠤᠩᠭᠤᠷ ᠳᠠᠭᠠᠬᠢ ᠨᠢ ᠴᠦ ᠤᠷᠭᠤᠨᠠ ᠳ᠋ᠠ | ᠠᠯᠠᠭ ᠬᠤᠶᠠᠷ ᠨᠢᠳᠦ ᠪᠠᠷ ᠢᠶᠠᠨ | ᠠᠪᠤ ᠡᠵᠢ ᠪᠠᠨ ᠲᠠᠨᠢᠳᠠᠭ ᠪᠣᠯᠣᠨᠠ ᠁ | ᠁ ᠳᠥᠷᠪᠡᠨ ᠨᠠᠰᠤ ᠶᠢ ᠴᠦ ᠬᠦᠷᠦᠨᠡ ᠳ᠋ᠡ | ᠳᠥᠲᠡ ᠰᠠᠭᠠᠬᠠᠯᠲᠠ ᠪᠠᠷ ᠴᠦ ᠭᠦᠶᠦᠳᠡᠭ ᠪᠣᠯᠣᠨᠠ | ᠠᠬᠢᠵᠤ ᠳᠥᠬᠦᠵᠦ ᠲᠠᠪᠤ ᠬᠦᠷᠦᠭᠡᠳ | ᠁ ᠠᠵᠢᠯ ᠤᠨ ᠨᠡᠮᠡᠷᠢ ᠲᠠᠢ ᠴᠦ ᠪᠣᠯᠣᠨᠠ ᠁ | ᠭᠡᠵᠦ ᠰᠢᠯᠦᠭᠯᠡᠨ ᠤᠯᠠᠮ ᠢᠶᠠᠷ ᠲᠣᠮᠣ ᠪᠣᠯᠣᠭᠰᠠᠨ ᠬᠤᠶᠢᠨᠠ ᠪᠠᠨ ᠠᠵᠢᠯ ᠡᠷᠳᠡᠮ ᠳᠤ ᠰᠤᠷᠤᠯᠴᠠᠨ | ᠡᠬᠡ᠂ ᠡᠴᠢᠭᠡ ᠳᠡᠭᠡᠨ ᠡᠨᠡᠷᠢᠯ ᠲᠠᠢ ᠡᠯᠢᠭᠡᠨ ᠰᠠᠳᠤᠨ ᠳᠠᠭᠠᠨ ᠲᠦᠰᠢᠭ ᠲᠠᠢ | ᠡᠬᠡ ᠣᠷᠣᠨ ᠳᠤ ᠪᠠᠨ ᠭᠠᠪᠢᠶᠠ ᠲᠠᠢ | ᠡᠨᠡ ᠳᠡᠯᠡᠬᠡᠢ ᠳᠤ ᠨᠡᠷᠡ ᠲᠠᠢ | ᠡᠷᠬᠢᠮ ᠰᠠᠶᠢᠨ ᠬᠥᠮᠥᠨ ᠪᠣᠯᠬᠤ ᠶᠢᠨ | ᠡᠶᠡ ᠲᠠᠢ ᠰᠠᠶᠢᠬᠠᠨ ᠢᠷᠦᠭᠡᠯ ᠢ | ᠠᠳᠡ ᠳᠡᠪᠰᠢᠭᠦᠯᠵᠦ ᠠᠶᠢᠯᠠᠳᠬᠠᠶᠠ ᠭᠡᠵᠦ ᠲᠡᠭᠦᠨ ᠤ ᠢᠷᠡᠭᠡᠳᠦᠢ ᠶᠢ ᠪᠡᠯᠭᠡᠳᠡᠨ ᠢᠷᠦᠭᠡᠵᠦ ᠲᠡᠭᠦᠰᠳᠡᠭ | ᠪᠠᠶᠢᠨᠠ᠃ ᠡᠨᠡ ᠪᠣᠯ ᠪᠢᠴᠢᠬᠠᠨ ᠬᠦᠦ ᠳᠤ ᠬᠠᠨᠳᠤᠨ ᠬᠡᠯᠡᠵᠦ ᠪᠤᠢ ᠬᠠᠮᠲᠤ ᠣᠯᠠᠨ ᠤ ᠵᠠᠬᠢᠶᠠᠰᠤ ᠲᠡᠳᠦᠢ ᠦᠭᠡᠢ᠂ | ᠶᠠᠮᠠᠷ ᠬᠥᠮᠥᠨ ᠢ ᠰᠠᠶᠢᠨ ᠬᠥᠮᠥᠨ ᠭᠡᠵᠦ ᠦᠵᠡᠳᠡᠭ ᠲᠤᠬᠠᠢ ᠮᠣᠩᠭᠤᠯ ᠤᠨ ᠠᠷᠠᠳ ᠲᠦᠮᠡᠨ ᠤ ᠦᠵᠡᠯ ᠪᠣᠳᠣᠯ ᠤᠨ | ᠢᠯᠡᠷᠬᠡᠶᠢᠯᠡᠯ ᠶᠤᠮ᠃ | | |