ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠮᠤᠷᠤᠢ ᠶᠢᠨ ᠰᠦᠮ᠎ᠡ ᠶᠢᠨ ᠮᠠᠨᠳᠤᠯ ᠪᠠᠭᠤᠷᠠᠯ ︵ᠲᠣᠣᠷᠠᠳᠣ︶
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/9/14
           
      ᠮᠤᠷᠤᠢ ᠶᠢᠨ ᠰᠦᠮ᠎ᠠ ᠶᠢᠨ ᠰᠢᠨ᠎ᠠ ᠪᠠᠷ ᠪᠠᠶᠢᠭᠤᠯᠤᠭᠰᠠᠨ ᠴᠤᠭᠴᠢᠨ ᠳᠤᠭᠠᠡᠭ      ᠨᠠᠢᠮᠠᠨ ᠰᠠᠷ᠎ᠠ ᠶᠢᠨ ᠬᠤᠷᠠᠯ ᠠᠴᠠ ᠪᠣᠰᠣᠳ ᠨᠢ ᠪᠦᠷ ᠴᠠᠮ ᠲᠠᠢ ᠶᠣᠮ᠃ ᠲᠣᠬᠠᠶᠢᠯᠠᠪᠠᠯ᠂ ᠯᠠ ᠰᠠᠷ᠎ᠠ ᠶᠢᠨ ᠬᠤᠷᠠᠯ᠂ ᠴᠠᠭᠠᠨ ᠰᠠᠷ᠎ᠠ ᠶᠢᠨ ᠬᠤᠷᠠᠯ ᠪᠠ ᠵᠢᠷᠭᠤᠭᠠᠨ ᠰᠠᠷ᠎ᠠ ᠶᠢᠨ ᠬᠤᠷᠠᠯ ᠤᠨ ᠲᠠᠷᠠᠭ᠎ᠠ ᠪᠦᠷ ᠴᠠᠮ ᠲᠠᠢ᠃ ᠪᠠᠶᠠᠨ ᠮᠣᠷᠣᠢ ᠶᠢᠨ ᠰᠦᠮ᠎ᠡ ᠶᠢᠨ ᠴᠠᠮ ᠴᠠᠮᠨᠠᠬᠤ ᠳᠤ᠂ ᠣᠯᠠᠨ ᠴᠠᠮᠴᠢᠳ ᠴᠦᠮ ᠶᠠᠩᠵᠣ ᠪᠦᠷᠢ ᠶᠢᠨ ᠪᠠᠭ ᠪᠣᠶᠣ ᠬᠤᠪᠴᠠᠰᠣ ᠵᠠᠰᠠᠯ ᠡᠮᠣᠰᠴᠣ ᠵᠡᠭᠦᠨ᠂ ᠪᠦᠷᠢᠶ᠎ᠡ ᠪᠢᠰᠭᠢᠭᠦᠷ᠂ ᠬᠡᠩᠭᠡᠷᠭᠡ ᠴᠠᠩ ᠵᠡᠷᠭᠡ ᠬᠦᠭᠵᠢᠮ ᠤᠨ ᠠᠶᠠᠰ ᠲᠡᠭᠡᠷ᠎ᠡ ᠠᠶᠢᠵᠠᠮ ᠬᠡᠮ ᠲᠠᠭᠠᠷᠠᠭᠤᠯᠣᠨ ᠶᠡᠬᠡᠯ᠎ᠡ ᠬᠦᠷ ᠬᠦᠭᠵᠢᠶᠡᠨ ᠲᠠᠢ ᠲᠣᠭᠯᠠᠵᠣ ᠪᠠᠶᠢᠳᠠᠭ᠃ ᠴᠠᠮ ᠤᠨ ᠲᠣᠬᠠᠢ ᠬᠠᠷᠠᠨᠣᠳ ᠮᠣᠣᠨᠣᠬᠠᠢ ᠨᠠᠰᠣᠳᠠᠨ ᠤ ᠰᠣᠷᠪᠣᠯᠵᠢᠯᠠᠭ᠎ᠠ ᠶᠢᠨ ᠲᠡᠪᠳᠡᠷ ᠲᠤ ᠢᠩᠬᠢᠵᠣ ᠲᠡᠮᠳᠡᠭᠯᠡᠵᠣ ᠪᠠᠶᠢᠭᠰᠠᠨ ᠢ ᠡ᠊ᠨᠳᠡ ᠰᠡᠶᠢᠷᠡᠬᠦᠯᠪᠡᠯ᠂ ᠡᠩ ᠲᠡᠷᠢᠭᠦᠨ ᠳᠤ᠂ ᠬᠤᠣᠰ ᠬᠤᠣᠰ ᠬᠤᠬᠢᠮᠠᠢ ︵ᠴᠦᠮ ᠠᠷᠪᠠᠭᠠᠳ ᠨᠠᠰᠣᠨ ᠤ ᠪᠠᠨᠳᠢ︶ ᠬᠤᠶᠠᠷ ᠣᠳᠠᠭ᠎ᠠ ᠲᠠᠯᠠᠪᠣᠷ ᠲᠤ ᠭᠠᠷᠴᠣ ᠢᠷᠡᠨ ᠴᠠᠮᠨᠠᠳᠠᠭ᠃ ᠲᠡᠳᠡ ᠴᠣᠭᠴᠢᠨ ᠲᠣᠭᠠᠩ ᠤᠨ ᠡᠭᠦᠳᠡᠨ ᠠᠴᠠ ᠭᠠᠷᠴᠣ ᠢᠷᠡᠨ ᠴᠠᠮᠨᠠᠨ ᠬᠠᠷᠠᠶᠢᠭᠰᠠᠭᠠᠷ ᠲᠠᠯᠠᠪᠣᠷ ᠤᠨ ᠡᠮᠣᠨ᠎ᠡ ᠡᠭᠦᠳᠡᠨ ᠤ ᠲᠦᠷᠪᠡᠨ ᠮᠠᠬᠠᠷᠠᠨᠽᠠ ᠶᠢᠨ ᠣᠷᠳᠣᠨ ᠳᠤ ᠣᠷᠣᠳᠠᠭ᠃ ᠲᠡᠬᠦᠨ ᠤ ᠲᠠᠷᠠᠭ᠎ᠠ ᠪᠠᠷ᠂ ᠴᠠᠮᠴᠢᠳ ᠬᠤᠣᠰ ᠬᠤᠣᠰ ᠢᠶᠠᠷ ᠭᠠᠷᠴᠣ ᠢᠷᠡᠨ ᠬᠤᠶᠠᠷᠳᠠ ᠴᠠᠮᠨᠠᠳᠠᠭ᠃ ᠡᠪᠦᠭᠡᠨ ᠴᠠᠮ ᠢ ᠬᠤᠶᠠᠷ ᠬᠤᠬᠢᠮᠠᠢ ᠬᠤᠱᠣᠩᠨᠠᠨ ᠴᠠᠮᠨᠠᠭᠰᠠᠭᠠᠷ ᠲᠠᠯᠠᠪᠣᠷ ᠤᠨ ᠡᠮᠣᠨ᠎ᠡ ᠡᠭᠦᠳᠡᠨ ᠳᠤ ᠬᠦᠷᠬᠦ ᠲᠠᠢ ᠵᠡᠷᠭᠡ ᠠᠷᠭᠠᠮᠵᠢ ᠲᠣᠰᠣᠨ ᠭᠠᠷᠴᠣ ᠢᠷᠡᠨ ᠣᠭᠲᠣᠨ ᠴᠠᠮᠨᠠᠭᠰᠠᠭᠠᠷ ᠡᠮᠣᠨ᠎ᠡ ᠡᠭᠦᠳᠡ ᠪᠠᠷ ᠠᠪᠴᠣ ᠣᠷᠣᠳᠠᠭ᠃ ᠡᠨᠡ ᠨᠢ ᠮᠠᠰᠢ ᠱᠤᠭ ᠢᠨᠢᠶᠡᠳᠣᠮ ᠲᠠᠢ ᠮᠦᠷᠳᠡᠭᠡᠨ ᠬᠦᠭᠵᠢᠶᠡᠨ ᠨᠠᠷᠭᠢᠶᠠᠨ ᠲᠠᠢ ᠪᠠᠶᠢᠵᠣ᠂ ᠬᠦᠮᠣᠰ ᠤᠨ ᠨᠢᠳᠦ ᠶᠢ ᠬᠤᠵᠢᠷᠯᠠᠳᠠᠭ ᠪᠢᠯᠡ᠃ ᠬᠤᠣᠰ ᠬᠤᠣᠰ ᠢᠶᠠᠷ ᠭᠠᠷᠴᠣ ᠢᠷᠡᠨ ᠲᠣᠯᠤᠭ᠎ᠠ ᠣᠳᠠᠭ᠎ᠠ ᠴᠠᠮᠨᠠᠨ ᠲᠣᠭᠯᠠᠳᠠᠭ ᠲᠣᠯᠣᠭᠠᠨ ᠲᠣᠭᠰᠢᠳ ᠨᠢ ᠦᠪᠡᠷ ᠦᠪᠡᠷ ᠤᠨ ᠠᠳᠠᠯᠢ ᠪᠣᠰᠣ ᠪᠠᠭ ᠲᠠᠢ ᠪᠠᠶᠢᠵᠣ᠂ ᠬᠦᠮᠦᠰ ᠲᠤ ᠲᠡᠶᠢᠮᠣ ᠯᠡ ᠰᠦᠷᠯᠢᠭ ᠪᠦᠭᠡᠳ ᠠᠶᠣᠮᠠᠷᠬᠠᠨ ᠰᠠᠨᠠᠭᠳᠠᠭᠤᠯᠣᠨ᠎ᠠ᠃ ᠦᠪᠡᠷᠮᠢᠴᠡ ᠣᠨᠴᠠᠯᠢᠭ ᠲᠠᠢ ᠲᠣᠬᠢᠯᠢᠭ ᠣᠷᠠᠯᠠᠵᠣ ᠪᠦᠳᠦᠭᠡᠭᠰᠡᠨ ᠪᠠᠭ ᠵᠠᠰᠠᠯ ᠵᠡᠭᠦᠭᠰᠡᠨ ᠴᠠᠮᠴᠢᠳ ᠤᠨ ᠪᠣᠭᠤ ᠰᠣᠭᠤ ᠴᠠᠮᠨᠠᠳᠠᠭ ᠨᠢ ᠨᠡᠬᠡᠷᠡᠨ ᠬᠠᠪᠣᠯᠢᠭ ᠪᠦᠭᠡᠳ ᠭᠤᠶᠣ ᠰᠠᠶᠢᠬᠠᠨ ᠪᠠᠶᠢᠳᠠᠭ᠃ ᠬᠤᠷᠢᠨ ᠨᠢᠭᠡᠨ ᠳ᠋ᠠᠷ᠎ᠠ ᠤᠷᠢᠳ ᠢᠶᠠᠷ ᠲᠣᠯᠤᠭ᠎ᠠ ᠲᠣᠯᠤᠭ᠎ᠠ ᠪᠠᠷ ᠭᠠᠷᠴᠣ ᠢᠷᠡᠨ ᠭᠤᠷᠪᠠᠨ ᠵᠡᠷᠭᠡ ᠲᠣᠭᠯᠠᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠲᠠᠬᠢᠨ ᠬᠤᠷᠢᠨ ᠨᠢᠭᠡᠭᠦᠯᠡ ᠪᠠᠨ ᠨᠡᠶᠢᠯᠡᠵᠣ ᠬᠠᠮ ᠴᠠᠮᠨᠠᠳᠠᠭ᠃ ᠴᠦᠢᠷᠵᠢᠯ ᠰᠠᠮᠣᠷᠢ ︵ᠡᠷ᠎ᠡ ᠡᠮ᠎ᠡ ᠪᠣᠷᠬᠠᠨ︶ ᠴᠠᠮᠨᠠᠬᠤ᠃ ᠪᠠᠰᠠ ᠬᠤᠣᠰ ᠯᠢᠶᠠᠩ ᠡᠷᠪᠡᠬᠡᠢ ︵ᠰᠢᠮᠨᠣᠰ︶ ᠲᠠᠯᠠᠪᠣᠷ ᠲᠤ ᠭᠠᠷᠣᠨ ᠴᠠᠮᠨᠠᠭᠰᠠᠭᠠᠷ ᠡᠮᠣᠨ᠎ᠡ ᠡᠭᠦᠳᠡᠨ ᠳᠤ ᠣᠶᠢᠷᠠᠳᠣᠬᠤ ᠪᠠᠷ ᠪᠦᠬᠦ ᠴᠠᠮᠴᠢᠨ ᠲᠣᠰᠣᠨ ᠭᠠᠷᠴᠣ ᠢᠷᠡᠨ᠂ ᠬᠤᠣᠰ ᠯᠢᠶᠠᠩ ᠡᠷᠪᠡᠬᠡᠢ ᠶᠢ ᠲᠣᠮᠳᠠ ᠪᠠᠨ ᠬᠠᠪᠴᠢᠨ ᠴᠠᠮᠨᠠᠳᠠᠭ ᠨᠢ ᠴᠢᠳᠭᠦᠷ ᠱᠣᠯᠣᠮ ᠢ ᠬᠤᠮᠢᠨ ᠠᠪᠴᠣ ᠲᠠᠷᠣᠵᠣ ᠪᠠᠶᠢᠭ᠎ᠠ ᠨᠢ ᠲᠡᠷᠡ ᠭᠡᠨ᠎ᠡ᠃ ᠪᠦᠭᠦᠳᠡᠭᠡᠷ ᠴᠠᠮᠨᠠᠵᠣ ᠠᠳᠠᠯ᠎ᠠ ᠬᠤᠶᠠᠷ ᠯᠢᠶᠠᠩ ᠡᠷᠪᠡᠬᠡᠢ ᠶᠢᠨ ᠪᠡᠶ᠎ᠡ ᠠᠴᠠ ᠲᠡᠳᠡᠨᠣᠰ ᠤᠨ ᠲᠦᠷᠢ ᠲᠠᠢ ᠴᠠᠭᠠᠰᠣᠨ ᠡᠷᠪᠡᠬᠡᠢ ᠭᠠᠷᠴᠣ ᠢᠷᠡᠬᠦ ᠳᠤ᠂ ᠲᠠᠷᠣᠢ ᠲᠦᠷᠭᠡᠨ ᠭᠠᠯ ᠢᠶᠠᠷ ᠲᠦᠯᠡᠵᠣ ᠬᠠᠶᠠᠨ᠎ᠠ᠃ ᠴᠠᠭᠠᠰᠣᠨ ᠡᠷᠪᠡᠬᠡᠢ ᠶᠢᠨ ᠨᠣᠴᠣᠵᠣ ᠲᠠᠭᠤᠰᠬᠤ ᠶᠢ ᠲᠠᠭᠠᠯᠳᠣᠨ ᠬᠤᠶᠠᠷ ᠯᠢᠶᠠᠩ ᠡᠷᠪᠡᠬᠡᠢ ᠬᠦᠰᠡᠷ ᠰᠠᠪᠠᠨ ᠣᠨᠠᠨ᠎ᠠ᠃ ᠬᠦᠰᠡᠷ ᠣᠨᠠᠭᠰᠠᠨ ᠬᠤᠶᠠᠷ ᠯᠢᠶᠠᠩ ᠡᠷᠪᠡᠬᠡᠢ ᠶᠢ ᠴᠠᠮᠴᠢᠳ ᠲᠣᠮᠳᠠ ᠪᠠᠨ ᠲᠠᠮᠨᠠᠨ ᠪᠦᠭᠦᠳᠡᠭᠡᠷ ᠮᠠᠬᠠᠷᠠᠨᠽᠠ ᠶᠢᠨ ᠣᠷᠳᠣᠨ ᠳᠤ ᠣᠷᠣᠨ᠎ᠠ᠃ ᠲᠠᠷᠠᠭ᠎ᠠ ᠨᠢ ᠬᠤᠶᠠᠷ ᠬᠦᠮᠦᠨ ᠭᠤᠷᠪᠠᠯᠵᠢᠨ ᠫᠢᠯᠠ ᠲᠠᠢ ᠰᠣᠷ ᠢ ᠲᠠᠮᠨᠠᠨ ᠮᠠᠬᠠᠷᠠᠨᠽᠠ ᠶᠢᠨ ᠣᠷᠳᠣᠨ ᠤ ᠡᠭᠦᠳᠡᠨ ᠠᠴᠠ ᠭᠠᠷᠴᠣ ᠢᠷᠡᠭᠡᠳ᠂ ᠰᠦᠮ᠎ᠡ ᠶᠢᠨ ᠪᠠᠷᠠᠭᠤᠨ ᠡᠮᠣᠨ᠎ᠡ ᠪᠣᠰᠬᠠᠭᠰᠠᠨ ᠵᠢᠶᠠᠽᠢ ︵ᠪᠣᠷᠭᠠᠰᠣ ᠱᠣᠭᠠᠢ ᠪᠠᠷ ᠪᠦᠲᠦᠬᠡᠭᠰᠡᠨ︶ ᠶᠢ ᠴᠢᠭᠯᠡᠬᠦ ᠳᠤ᠂ ᠨᠢᠭᠡ ᠰᠢᠷᠡᠭᠡᠳᠦ ᠯᠠᠮᠠ ᠬᠤᠩᠬ᠎ᠠ ᠸᠴᠢᠷ ᠪᠠᠷᠢᠨ ᠨᠣᠮ ᠣᠩᠰᠢᠭᠰᠠᠭᠠᠷ ᠬᠤᠶᠢᠨ᠎ᠠ ᠠᠴᠠ ᠨᠢ ᠭᠠᠷᠬᠤ ᠳᠤ᠂ ᠣᠯᠠᠨ ᠴᠠᠮᠴᠢᠳ ᠮᠦᠷᠭᠦᠯᠴᠢᠳ ᠪᠠᠰᠠ ᠬᠤᠶᠢᠨ᠎ᠠ ᠠᠴᠠ ᠲᠠᠭᠠᠯᠳᠣᠨ ᠰᠤᠷ ᠬᠠᠶᠠᠬᠤ ᠭᠠᠵᠠᠷ ᠬᠦᠷᠴᠣ ᠭᠠᠯ ᠲᠦᠷᠡᠯᠵᠡᠭᠰᠡᠨ ᠵᠢᠶᠠᠽᠢ ᠶᠢᠨ ᠲᠣᠮᠳᠠ ᠰᠤᠷ ᠢ ᠰᠢᠳᠡᠨ ᠬᠠᠶᠠᠳᠠᠭ᠃ ᠡᠭᠦᠨ ᠢᠶᠠᠷ ᠪᠣᠭ ᠱᠣᠯᠣᠮ ᠢ ᠨᠣᠮᠣᠬᠠᠳᠬᠠᠨ ᠲᠠᠷᠣᠵᠣ ᠠᠮᠣᠷ ᠲᠦᠪᠰᠢᠨ ᠢ ᠪᠠᠳᠣᠯᠠᠵᠣ ᠪᠠᠶᠢᠭ᠎ᠠ ᠶᠢ ᠵᠦᠩᠨᠡᠨ ᠪᠡᠯᠭᠡᠳᠡᠵᠣ ᠪᠠᠶᠢᠳᠠᠭ᠃ ᠭᠤᠬ᠎ᠠ ᠠᠳᠬᠤᠭᠰᠠᠨ ᠨᠢᠭᠡ ᠨᠢ ᠲᠣᠮᠣ ᠮᠣᠳᠣᠨ ᠫᠢᠯᠠ ᠪᠠᠨ ᠭᠠᠯ ᠤᠨ ᠲᠣᠮᠳᠠ ᠠᠴᠠ ᠭᠤᠬᠠᠳᠠᠨ ᠠᠪᠬᠤ ᠳᠤ ᠪᠦᠭᠦᠳᠡᠭᠡᠷ ᠰᠦᠮ᠎ᠡ ᠳᠤ ᠪᠠᠨ ᠪᠣᠴᠠᠨ᠎ᠠ᠃      ᠪᠠᠶᠠᠨ ᠮᠣᠷᠣᠢ ᠶᠢᠨ ᠰᠦᠮ᠎ᠡ ᠶᠢᠨ ᠭᠡᠭᠡᠨ ᠮᠡᠷᠭᠡᠳ      ᠬᠠᠮᠤᠭ ᠲᠡᠭᠡᠳᠣ ᠲᠦᠷᠢ ᠶᠢᠨ ᠭᠡᠭᠡᠨ ᠯᠣᠪᠰᠠᠩᠳᠠᠮᠪᠠᠷᠠᠪᠵᠠᠢ ᠯᠾᠠᠷᠠᠮᠪᠠ ᠭᠡᠭᠡᠨ᠃ ᠬᠤᠷᠴᠢᠨ ᠤ ᠢᠵᠠᠭᠤᠷᠳᠠᠨ ᠲᠣᠷᠵᠢᠪᠠᠯᠮ᠎ᠠ ᠶᠢᠨ ᠭᠡᠷ ᠲᠤ ᠲᠡᠭᠷᠢ ᠲᠡᠳᠭᠦᠭᠴᠢ ᠶᠢᠨ ᠭᠤᠴᠢᠨ ᠨᠢᠭᠡᠨ ᠣᠨ ︵1766︶ ᠳᠤ ᠲᠦᠷᠦᠵᠡᠢ᠃ 7 ᠨᠠᠰᠣᠳᠠᠢ ᠰᠦᠮ᠎ᠡ ᠳᠤ ᠵᠠᠯᠠᠭᠳᠠᠵᠣ᠂ 21 ᠲᠠᠢ ᠳᠤ ᠪᠠᠨ ᠲᠦᠪᠡᠳ ᠲᠤ ᠨᠣᠮ ᠰᠣᠷᠬᠤ ᠪᠠᠷ ᠣᠴᠢᠪᠠ᠃ ᠲᠦᠷᠦ ᠭᠡᠷᠡᠯᠳᠣ ᠶᠢᠨ ᠠᠩᠬ᠎ᠠ ᠤᠨ ︵1821︶ ᠤ ᠯᠠ ᠰᠠᠷ᠎ᠠ ᠶᠢᠨ ᠰᠢᠨ᠎ᠡ ᠶᠢᠨ ᠬᠤᠶᠠᠷ ᠤᠨ ᠡᠳᠣᠷ ᠤᠨ ᠪᠠᠷᠰ ᠴᠠᠭ ᠲᠤ ᠲᠠᠪᠢᠨ ᠵᠢᠷᠭᠤᠭᠠᠲᠠᠢ ᠲᠠᠭᠠᠯᠠᠯ ᠲᠡᠭᠦᠰᠪᠡᠢ᠃      ᠬᠤᠶᠠᠳᠣᠭᠠᠷ ᠲᠦᠷᠢ ᠶᠢᠨ ᠭᠡᠭᠡᠨ ᠰᠡᠴᠡᠨᠴᠣᠭᠳᠣ ᠨᠢ ᠲᠠᠷᠬᠠᠨ ᠬᠤᠰᠢᠭᠤᠨ ᠤ ᠸᠠᠩ ᠵᠢᠭᠳᠡᠨᠸᠠᠩᠭᠤᠷ ᠤᠨ ᠬᠤᠶᠠᠳᠣᠭᠠᠷ ᠬᠦᠪᠡᠭᠦᠨ ᠪᠣᠯᠠᠢ᠃ ᠨᠠᠶᠢᠮᠠᠨ ᠨᠠᠰᠣᠳᠠᠢ ᠰᠦᠮ᠎ᠡ ᠳᠤ ᠵᠠᠯᠠᠭᠳᠠᠵᠣ᠂ ᠨᠠᠢᠮᠠᠨ ᠵᠢᠯ ᠰᠦᠮ᠎ᠡ ᠳᠤ ᠰᠣᠷᠣᠯᠴᠠᠭᠠᠳ ᠠᠷᠪᠠᠨ ᠵᠢᠷᠭᠤᠭᠠᠳᠠᠢ ᠳᠤ ᠪᠠᠨ ᠲᠡᠭᠡᠳᠣ ᠲᠦᠷᠢ ᠶᠢᠨ ᠭᠡᠭᠡᠨ ᠤ ᠶᠣᠰᠣ ᠪᠠᠷ ᠲᠦᠪᠡᠳ ᠲᠤ ᠣᠴᠢᠵᠣ ᠲᠠᠯᠠᠢ ᠯᠠᠮᠠ᠂ ᠪᠠᠨᠴᠢᠨ ᠡᠷᠳᠡᠨᠢ ᠳᠤ ᠱᠠᠪᠢ ᠣᠷᠣᠵᠣ ᠨᠣᠮ ᠪᠢᠰᠢᠯᠭᠠᠨ᠂ ᠠᠷᠪᠠᠨ ᠨᠢᠭᠡᠨ ᠵᠢᠯ ᠤᠨ ᠲᠠᠷᠠᠭ᠎ᠠ ᠬᠤᠷᠢ ᠶᠢᠰᠣ ᠲᠠᠢ ᠳᠤ ᠪᠠᠨ ᠰᠦᠮ᠎ᠡ ᠳᠤ ᠪᠠᠨ ᠡᠭᠡᠪᠡ᠃ ᠨᠣᠮ ᠤᠨ ᠨᠡᠷ᠎ᠡ ᠨᠢ ᠯᠣᠪᠰᠠᠩᠳᠠᠮᠪᠢᠵᠠᠯᠰᠠᠨ ᠭᠡᠳᠡᠭ᠃ ᠰᠦᠮ᠎ᠡ ᠶᠢᠨ ᠬᠡᠷᠡᠭ ᠶᠠᠪᠣᠳᠠᠯ ᠢᠶᠠᠨ ᠬᠠᠷᠢᠭᠤᠴᠠᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠲᠡᠷᠡ ᠬᠦᠳᠡᠭᠡᠪᠣᠷᠢ ᠵᠠᠩ ᠢᠶᠠᠨ ᠬᠠᠶᠠᠬᠤ ᠦᠭᠡᠢ ᠪᠣᠷᠣᠭᠵᠢᠭᠤᠨ ᠠᠮᠢᠳᠣᠷᠠᠵᠣ᠂ ᠰᠦᠮ᠎ᠡ ᠶᠢᠨ ᠠᠵᠣ ᠠᠬᠤᠢ ᠶᠢ ᠨᠡᠩ ᠪᠦᠳᠦᠭᠦᠷᠡᠭᠦᠯᠪᠡ᠃ ᠲᠡᠷᠡ ᠰᠦᠮ᠎ᠡ ᠶᠢᠨ ᠢᠶᠠᠨ ᠲᠣᠭᠤᠷᠢᠨ ᠳᠤ ᠲᠣᠩ ᠣᠯᠠᠨ ᠴᠢᠯᠠᠭᠤᠨ ᠪᠣᠷᠬᠠᠳ ᠢ ᠪᠣᠰᠬᠠᠪᠠ᠃ ᠰᠦᠮ᠎ᠡ ᠶᠢᠨ ᠡᠮᠣᠨ᠎ᠡ ᠡᠭᠦᠳᠡᠨ ᠤ ᠭᠠᠳᠠᠨ᠎ᠠ ᠨᠣᠭᠤᠭᠠᠨ ᠴᠠᠭᠠᠨ ᠬᠤᠶᠠᠷ ᠳ᠋ᠠᠷ᠎ᠠ᠂ ᠪᠠᠷᠠᠭᠤᠨ ᠡᠭᠦᠳᠡᠨ ᠳᠤ ᠡᠷᠯᠢᠭ ᠬᠠᠭᠠᠨ᠂ ᠠᠷᠣ ᠡᠭᠦᠳᠡᠨ ᠳᠤ ᠱᠠᠭᠵᠠᠮᠤᠨᠢ᠂ ᠵᠡᠭᠦᠨ ᠡᠭᠦᠳᠡᠨ ᠳᠤ ᠵᠠᠯᠪᠠᠴᠢᠨᠪᠤ ᠶᠢ ᠪᠦᠷ ᠭᠠᠳᠠᠭᠰᠢ ᠬᠠᠨᠳᠣᠭᠤᠯᠣᠨ ᠪᠣᠰᠬᠠᠪᠠ᠃ ᠡᠨᠡ ᠨᠢ ᠪᠣᠭ ᠴᠢᠳᠭᠦᠷ ᠢ ᠰᠦᠮ᠎ᠡ ᠳᠤ ᠬᠠᠪᠢᠳᠠᠭᠤᠯᠬᠤ ᠦᠭᠡᠢ ᠭᠡᠰᠡᠨ ᠰᠠᠨᠠᠭ᠎ᠠ ᠭᠡᠨ᠎ᠡ᠃ ᠰᠦᠮ᠎ᠡ ᠶᠢᠨ ᠵᠡᠭᠦᠨ ᠡᠮᠣᠨ᠎ᠡ ᠯᠤᠤᠰ ᠤᠨ ᠬᠠᠭᠠᠨ ᠤ ᠣᠷᠳᠣᠨ᠂ ᠪᠠᠷᠠᠭᠤᠨ ᠡᠮᠣᠨ᠎ᠡ ᠨᠢ ᠣᠰᠣᠨ ᠲᠠᠷᠣᠯᠭ᠎ᠠ ᠶᠢᠨ ᠴᠢᠯᠠᠭᠤᠨ ᠰᠣᠪᠣᠷᠭ᠎ᠠ ᠪᠠᠶᠢᠭᠤᠯᠵᠣ᠂ ᠰᠦᠮ᠎ᠡ ᠶᠢᠨ ᠣᠷᠴᠢᠨ ᠲᠣᠭᠤᠷᠢᠨ ᠢᠶᠠᠨ ᠨᠡᠩ ᠦᠵᠡᠮᠵᠢᠳᠡᠢ ᠰᠦᠷᠯᠢᠭ ᠰᠠᠶᠢᠬᠠᠨ ᠪᠣᠯᠭᠠᠭᠰᠠᠨ ᠪᠠᠶᠢᠵᠠᠢ᠃ ᠶᠠᠭ ᠡᠨᠡ ᠲᠠᠰᠢᠷᠠᠮ ᠳᠤ ᠸᠠᠩ ᠨᠣᠶᠠᠳ ᠵᠦᠪᠯᠡᠯᠳᠣᠨ᠂ ᠡᠪᠦᠭᠡ ᠲᠡᠭᠡᠳᠣᠰ ᠢᠶᠠᠨ ᠭᠡᠷᠡᠯᠲᠦᠭᠦᠯᠦᠨ᠎ᠡ ᠬᠡᠮᠡᠨ ᠪᠡᠭᠡᠵᠢᠩ ᠮᠠᠶ᠋ᠢᠭ ᠤᠨ ᠯᠢᠣ ᠯᠢ ᠸᠠᠭᠠᠷ ᠲᠠᠢ᠂ ᠣᠯᠠᠭᠠᠨ ᠲᠣᠯᠭᠠᠭᠤᠷᠢ ᠲᠠᠢ᠂ ᠨᠢᠷᠣᠭᠤ ᠣᠨᠢ ᠨᠢ ᠣᠷᠠᠯᠠᠯ ᠰᠡᠶᠢᠯᠣᠮᠡᠯ ᠲᠠᠢ ᠲᠣᠯᠣᠭᠠᠨ ᠲᠠᠰᠣᠯᠭ᠎ᠠ ᠬᠦᠷᠦᠭ ᠤᠨ ᠰᠦᠮ᠎ᠡ ᠪᠠᠷᠢᠵᠣ᠂ ᠸᠠᠩ ᠤᠨ ᠲᠡᠭᠡᠳᠣ ᠪᠣᠯᠬᠤ ᠤᠬᠱᠠᠨ᠂ ᠪᠢᠯᠲᠡᠭᠠᠷ᠂ ᠸᠴᠢᠷ᠂ ᠲᠤᠯᠪᠠ᠂ ᠪᠠᠳᠮ᠎ᠠ᠂ ᠠᠯᠲᠡᠨᠬᠡᠷᠡᠯ᠂ ᠵᠠᠮᠪᠠᠯᠵᠠᠮᠰᠦ᠂ ᠭᠦᠩᠭᠠᠷᠡᠪᠲᠡᠨ᠂ ᠯᠾᠠᠸᠠᠩ᠂ ᠭᠠᠯᠰᠠᠩᠳᠣᠩᠷᠣᠪ᠂ ᠪᠠᠳᠣ᠂ ᠵᠢᠭᠳᠡᠨᠸᠠᠩᠭᠤᠷ ᠵᠡᠷᠭᠡ ᠸᠠᠩ ᠨᠠᠷ ᠤᠨ ᠪᠦᠬᠦ ᠪᠡᠶ᠎ᠡ ᠶᠢᠨ ᠬᠦᠷᠦᠭ ᠢ ᠲᠠᠬᠢᠨ᠂ ᠲᠣᠷᠭ᠎ᠠ ᠲᠣᠷᠳᠣᠩ ᠲᠣᠯᠣᠭᠠᠨ ᠴᠣᠬᠠᠭ ᠨᠠᠶᠢᠮᠠᠨ ᠡᠷᠳᠡᠨᠢ ᠶᠢᠨ ᠬᠠᠳᠬᠤᠮᠠᠯ ᠲᠠᠢ ᠡᠯᠭᠦᠮᠡᠯ ᠬᠦᠰᠢᠭᠡ ᠲᠠᠢ ᠪᠤᠯᠭᠠᠵᠤ᠂ ᠵᠢᠯ ᠤᠨ ᠲᠦᠷᠪᠡᠨ ᠣᠯᠠᠷᠢᠯ ᠳᠤ ᠲᠠᠬᠢᠯᠭ᠎ᠠ ᠲᠠᠢ᠃ ᠰᠠᠷ᠎ᠠ ᠪᠦᠷᠢ ᠶᠢᠨ ᠰᠢᠨ᠎ᠡ ᠶᠢᠨ ᠨᠠᠢᠮᠠᠨ᠂ ᠠᠷᠪᠠᠨ ᠵᠢᠷᠭᠤᠭᠠᠨ᠂ ᠬᠤᠷᠢᠨ ᠭᠤᠷᠪᠠᠨ ᠳᠤ ᠨᠣᠮ ᠲᠠᠯᠪᠢᠨ᠂ ᠵᠠᠯᠪᠠᠴᠢᠨᠪᠤ ᠪᠣᠷᠬᠠᠨ ᠢ ᠵᠠᠯᠠᠨ᠂ ᠮᠦᠷᠭᠦᠯᠴᠢᠳ ᠲᠤ ᠦᠵᠡᠯᠭᠡ ᠲᠦᠯᠭᠡ ᠦᠵᠡᠵᠣ ᠦᠭᠳᠡᠭ ᠪᠠᠶᠢᠪᠠ᠃ ᠬᠤᠶᠠᠳᠣᠭᠠᠷ ᠲᠦᠷᠢ ᠶᠢᠨ ᠭᠡᠭᠡᠨ ᠯᠣᠪᠰᠠᠩᠳᠠᠮᠪᠢᠵᠠᠯᠰᠠᠨ ᠲᠠᠪᠢᠨ ᠨᠢᠭᠡᠳᠡᠢ ᠲᠠᠭᠠᠯᠠᠯ ᠪᠣᠯᠵᠣ᠂ ᠱᠠᠷᠢᠯ ᠢ ᠨᠢ ᠮᠠᠷᠠᠮᠪᠠ ᠷᠠᠰᠠᠩ ᠤᠨ ᠠᠯᠳᠠ ᠪᠠᠷ ᠦᠩᠭᠡᠯᠡᠭᠰᠡᠨ ᠮᠦᠩᠭᠦᠨ ᠰᠣᠪᠣᠷᠭᠠᠨ ᠳᠤ ᠲᠠᠬᠢᠪᠠ᠃      ᠭᠤᠷᠪᠠᠳᠣᠭᠠᠷ ᠲᠦᠷᠢ ᠶᠢᠨ ᠭᠡᠭᠡᠨ ᠨᠢ ᠲᠠᠷᠬᠠᠨ ᠸᠠᠩ ᠤᠨ ᠭᠡᠷ ᠲᠦᠷᠦᠯ ᠤᠨ ᠭᠧᠨᠳᠠᠨᠵᠠᠪ ᠤᠨ ᠬᠤᠶᠠᠳᠣᠭᠠᠷ ᠬᠦᠪᠡᠭᠦᠨ ᠪᠣᠯᠣᠨ᠎ᠠ᠃ ᠲᠣᠯᠣᠭᠠᠨ ᠨᠠᠰᠣᠳᠠᠢ ᠰᠦᠮ᠎ᠡ ᠳᠤ ᠵᠠᠯᠠᠭᠳᠠᠵᠣ᠂ ᠠᠷᠪᠠᠨ ᠨᠠᠢᠮᠠᠨ ᠲᠠᠢ ᠳᠤ ᠨᠢ ᠲᠦᠪᠡᠳ ᠤᠨ ᠯᠾᠠᠰᠠ ᠶᠢᠨ ᠰᠠᠯᠠ ᠬᠡᠶᠢᠳ ᠲᠤ ᠨᠣᠮ ᠰᠣᠷᠭᠠᠨ᠂ ᠲᠠᠯᠠᠢ ᠯᠠᠮᠠ᠂ ᠪᠠᠨᠴᠢᠨ ᠡᠷᠳᠡᠨᠢ ᠨᠠᠷ ᠠᠴᠠ ᠲᠡᠭᠦᠨ ᠳᠤ ᠠᠩᠬ᠎ᠠ ᠲᠦᠷᠢ ᠶᠢᠨ ᠭᠡᠭᠡᠨ ᠤ ᠨᠣᠮ ᠤᠨ ᠨᠡᠷ᠎ᠡ ᠯᠣᠪᠰᠠᠩᠳᠠᠮᠪᠠᠷᠠᠪᠵᠠᠢ ᠶᠢ ᠬᠠᠶᠢᠷᠠᠯᠠᠪᠠ᠃ ᠯᠾᠠᠰᠠ ᠳᠤ ᠨᠠᠢᠮᠠᠨ ᠵᠢᠯ ᠢᠯᠡᠭᠦᠦ ᠰᠣᠷᠣᠯᠴᠠᠭᠠᠳ ᠬᠤᠷᠢᠨ ᠵᠢᠷᠭᠤᠭᠠᠲᠠᠢ ᠯᠾᠠᠰᠠ ᠳᠤ ᠲᠠᠭᠠᠯᠠᠯ ᠲᠡᠭᠦᠰᠪᠡ᠃ ᠱᠠᠷᠢᠯ ᠢ ᠨᠢ ᠪᠠᠶᠠᠨ ᠮᠣᠷᠣᠢ ᠶᠢᠨ ᠰᠦᠮ᠎ᠡ ᠳᠤ ᠪᠠᠨ ᠵᠠᠯᠠᠵᠣ ᠠᠪᠴᠢᠷᠠᠭᠠᠳ᠂ ᠮᠠᠷᠠᠮᠪᠠ ᠷᠠᠰᠠᠩ ᠤᠨ ᠱᠢᠷᠣ ᠶᠢᠨ ᠣᠷᠣᠢ ᠲᠠᠢ ᠮᠦᠩᠭᠦᠨ ᠰᠣᠪᠣᠷᠭᠠᠨ ᠳᠤ ᠲᠠᠬᠢᠪᠠ᠃
           
      ᠲᠤᠮᠤ ᠭᠠᠤᠯᠢᠨ ᠵᠢᠩ      ᠪᠠᠭᠰᠢ ᠶᠢᠨ ᠭᠡᠭᠡᠨ᠂ ᠲᠦᠷᠪᠡᠳᠣᠭᠡᠷ ᠲᠦᠷᠢ ᠶᠢᠨ ᠭᠡᠭᠡᠨ ᠢᠯᠡᠷᠡᠬᠦ ᠠᠴᠠ ᠡᠮᠣᠨ᠎ᠡ ᠪᠠᠶᠠᠨ ᠮᠣᠷᠣᠢ ᠶᠢᠨ ᠰᠦᠮ᠎ᠡ ᠳᠤ ᠪᠠᠰᠠ ᠨᠢᠭᠡᠨ ᠭᠡᠭᠡᠨ ᠢᠯᠡᠷᠡᠵᠣ ᠪᠠᠶᠢᠭᠰᠠᠨ ᠨᠢ ᠪᠠᠭᠰᠢ ᠶᠢᠨ ᠭᠡᠭᠡᠨ ᠪᠣᠯᠣᠨ᠎ᠠ᠃ ᠡᠩᠬᠡ ᠠᠮᠣᠭᠤᠯᠠᠩ ᠡᠵᠡᠨ ᠤ ᠦᠶᠡᠰ ᠲᠤ᠂ ᠲᠦᠪᠡᠳ ᠠᠴᠠ ᠨᠢᠭᠡ ᠵᠠᠯᠠᠭᠤ ᠬᠤᠸᠠᠷᠠᠭ ᠪᠠᠳᠢᠷᠴᠢᠯᠠᠵᠣ ᠶᠠᠪᠣᠭᠰᠠᠭᠠᠷ ᠲᠠᠷᠬᠠᠨ ᠬᠤᠰᠢᠭᠤᠨ ᠤ ᠠᠭᠤᠯᠠ ᠭᠦᠩ ᠤᠨ ᠠᠷᠣ ᠠᠭᠤᠯᠠ ᠨᠣᠳᠤᠭ ᠤᠨ ᠬᠤᠩᠬ᠎ᠠ ᠶᠢᠨ ᠠᠭᠤᠯᠠᠨ ᠤ ᠠᠭᠤᠢ ᠳᠤ ᠨᠣᠳᠣᠭᠰᠢᠨ ᠨᠣᠮ ᠪᠢᠰᠢᠯᠭᠠᠵᠣ᠂ ᠬᠤᠷᠴᠢᠨ ᠤ ᠬᠦᠮᠦᠰ ᠤᠨ ᠪᠢᠰᠢᠷᠡᠯ ᠬᠦᠨᠳᠦ ᠶᠢ ᠣᠯᠵᠣ ᠨᠠᠰᠣᠵᠢᠭᠠᠳ ᠲᠦᠪᠡᠳ ᠲᠤ ᠪᠠᠨ ᠡᠭᠡᠵᠣ ᠲᠠᠭᠠᠯᠠᠯ ᠲᠡᠭᠦᠰᠪᠠᠢ᠃ ᠬᠡᠳᠦ᠋ᠢᠪᠡᠷ ᠲᠠᠭᠠᠯᠠᠯ ᠲᠡᠭᠦᠰᠦᠭᠰᠡᠨ ᠪᠣᠯᠪᠠᠴᠣ ᠲᠡᠭᠦᠨ ᠤ ᠰᠦᠰᠦᠭᠳᠡᠳ ᠮᠦᠨ ᠯᠡ ᠲᠣᠷᠠᠰᠣᠨ ᠰᠦᠰᠦᠭᠯᠡᠭᠡᠳ ᠪᠠᠶᠢᠪᠠ᠃ ᠡᠨᠡ ᠮᠡᠳᠡᠭᠡ ᠶᠢ ᠲᠠᠯᠠᠢ ᠯᠠᠮᠠ ᠰᠣᠨᠣᠰᠣᠭᠰᠠᠨ ᠤ ᠲᠠᠷᠠᠭ᠎ᠠ ᠲᠠᠷᠣᠢ ᠵᠠᠷᠯᠢᠭ ᠪᠠᠭᠤᠯᠭᠠᠵᠣ᠂ ᠠᠷᠪᠠᠨ ᠬᠤᠶᠠᠳᠣᠭᠠᠷ ᠦᠶ᠎ᠡ ᠶᠢᠨ ᠲᠠᠷᠬᠠᠨ ᠸᠠᠩ ᠤᠨ ᠭᠡᠷ ᠲᠤ ᠬᠡᠬᠡᠨ ᠪᠤᠯᠭᠠᠵᠤ ᠢᠯᠡᠷᠡᠬᠦᠯᠪᠡ ᠬᠡᠨ᠎ᠠ᠃ ᠡᠨᠡ ᠬᠦᠮᠦᠨ ᠪᠣᠯ ᠲᠠᠷᠣᠢ ᠨᠠᠮᠵᠢᠯᠰᠧᠷᠡᠩ ᠤᠨ ᠠᠬ᠎ᠠ ᠯᠣᠪᠰᠠᠩᠪᠠᠯᠳᠠᠨ ᠪᠢᠯᠡ᠃ ᠲᠡᠭᠦᠨ ᠢ ᠬᠤᠰᠢᠭᠤ ᠠᠶᠢᠮᠠᠭ ᠠᠴᠠ ᠴᠢᠩ ᠣᠯᠣᠰ ᠤᠨ ᠦᠨᠳᠣᠰᠦᠳᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠶᠠᠮᠣᠨ ᠢᠶᠠᠷ ᠲᠠᠮᠵᠢᠭᠤᠯᠣᠨ ︽ᠬᠤᠷᠴᠢᠨ ᠤ ᠮᠡᠷᠭᠡᠨ ᠰᠠᠩᠪᠤ ᠭᠡᠭᠡᠨ︾ ᠪᠣᠯᠭᠠᠵᠣ᠂ ᠪᠠᠶᠠᠨ ᠮᠣᠷᠣᠢ ᠶᠢᠨ ᠰᠦᠮ᠎ᠡ ᠳᠤ ᠰᠠᠭᠤᠯᠭᠠᠪᠠ ᠃ ᠡᠨᠡ ᠦᠶᠡᠰ᠂ ᠲᠣᠰ ᠰᠦᠮ᠎ᠡ ᠶᠢᠨ ᠲᠦᠷᠪᠡᠳᠦᠭᠡᠷ ᠲᠦᠷᠢ ᠶᠢᠨ ᠭᠡᠭᠡᠨ ᠢᠯᠡᠷᠡᠭᠡᠳᠦᠢ ᠪᠣᠯᠬᠤᠷ ᠮᠡᠷᠭᠡᠨ ᠰᠠᠩᠪᠤ ᠭᠡᠭᠡᠨ ᠲᠦᠷ ᠴᠠᠭ ᠰᠦᠮ᠎ᠡ ᠶᠢᠨ ᠠᠯᠢᠪᠠ ᠶᠢ ᠵᠠᠬᠢᠷᠴᠣ ᠪᠠᠶᠢᠭᠰᠠᠨ ᠶᠤᠮ᠃ ᠬᠤᠵᠢᠮ ᠨᠢ ᠲᠦᠷᠪᠡᠳᠦᠭᠡᠷ ᠲᠦᠷᠢ ᠶᠢᠨ ᠭᠡᠭᠡᠨ ᠠᠸᠠᠩᠳᠦᠪᠳᠠᠨ ᠭᠡᠭᠡᠨ ᠢᠯᠡᠷᠡᠨ ᠰᠢᠷᠡᠭᠡᠨ ᠳᠤ ᠰᠠᠭᠤᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠨᠣᠮ ᠵᠢᠭᠠᠭᠰᠠᠨ ᠪᠣᠯᠬᠤᠷ ᠮᠡᠷᠭᠡᠨ ᠰᠠᠩᠪᠤ ᠭᠡᠭᠡᠨ ᠢ ᠪᠠᠭᠰᠢ ᠶᠢᠨ ᠭᠡᠭᠡᠨ ᠬᠡᠮᠡᠪᠡ᠃      ᠪᠠᠭᠰᠢ ᠶᠢᠨ ᠭᠡᠭᠡᠨ ᠲᠠᠭᠠᠯᠠᠯ ᠲᠡᠭᠦᠰᠦᠭᠰᠡᠨ ᠤ ᠲᠠᠷᠠᠭ᠎ᠠ᠂ ᠬᠤᠶᠠᠳᠣᠭᠠᠷ ᠲᠦᠷᠢ ᠶᠢᠨ ᠪᠠᠭᠰᠢ ᠶᠢᠨ ᠭᠡᠭᠡᠨ ᠨᠢ ᠲᠠᠷᠬᠠᠨ ᠬᠤᠰᠢᠭᠤᠨ ᠤ ᠴᠠᠭᠠᠯᠵᠢ ᠶᠢᠨ ᠵᠠᠩ ᠣᠪᠣᠭᠳᠣ ᠶᠢᠨ ᠭᠡᠷ ᠠᠴᠠ ︵ᠰᠢᠷᠠᠭᠴᠢᠨ ᠬᠤᠨᠢᠨ ᠵᠢᠯ ᠲᠠᠢ ᠲᠠᠷᠣᠢ 1919 ᠣᠨ ᠳᠤ ᠮᠡᠨᠳᠦᠯᠡᠪᠡ︶ ᠢᠯᠡᠷᠡᠵᠣ᠂ ᠰᠧᠳᠢᠪᠠᠭᠠᠲᠦᠷ ᠬᠡᠲᠡᠭ ᠨᠠᠷ᠎ᠠ ᠲᠠᠢ᠂ ᠲᠣᠯᠣᠭᠠᠨ ᠨᠠᠰᠣᠳᠠᠢ ᠳᠤ ᠨᠢ ᠰᠦᠮ᠎ᠡ ᠳᠤ ᠵᠠᠯᠠᠪᠠ᠃ ᠭᠠᠵᠠᠷ ᠰᠢᠷᠣᠢ ᠶᠢᠨ ᠬᠤᠪᠢᠰᠬᠠᠯ ᠠᠴᠠ ᠬᠤᠶᠢᠨ᠎ᠠ ᠹᠥ᠋ ᠢᠤᠢ ᠲᠦᠨ ᠲᠣᠰᠬᠤᠨ ᠳᠤ ᠲᠠᠭᠠᠯᠠᠯ ᠲᠡᠭᠦᠰᠪᠡ᠃      ᠲᠦᠷᠪᠡᠳᠦᠭᠡᠷ ᠲᠦᠷᠢ ᠶᠢᠨ ᠭᠡᠭᠡᠨ ᠨᠠᠷᠡᠨᠮᠠᠨᠲᠦᠯ᠎ᠠ ᠨᠢ ᠴᠠᠬᠠᠷ ᠨᠣᠳᠤᠭ ᠲᠠᠢ ᠬᠤᠷᠴᠢᠨ ᠵᠡᠭᠦᠨ ᠭᠠᠷᠣᠨ ᠬᠤᠶᠢᠳᠣ ᠬᠤᠰᠢᠭᠤᠨ ᠤ ᠰᠢᠷᠠᠯᠳᠠᠢ ᠶᠢᠨ ᠲᠠᠵᠢᠳᠨᠢᠪᠳᠠᠨ ᠤ ᠬᠦᠦ ᠪᠤᠯᠠᠢ᠃ ᠲᠣᠯᠣᠭᠠᠨ ᠨᠠᠰᠣᠨ ᠳᠤ ᠨᠢ ᠰᠦᠮ᠎ᠡ ᠳᠤ ᠵᠠᠯᠠᠵᠣ᠂ ᠠᠷᠪᠠᠨ ᠲᠦᠷᠪᠡᠳᠡᠢ ᠳᠤ ᠨᠢ ᠲᠦᠢᠨ ᠯᠠᠮᠠ ᠡᠷᠭᠢᠮᠪᠢᠯᠢᠭᠳᠦ ︵ᠵᠣᠷᠢᠭᠳᠣ ᠸᠠᠩ ᠤᠨ ᠲᠡᠳ᠋ ᠬᠦᠪᠡᠭᠦᠨ︶  ᠲᠠᠢ ᠬᠠᠮᠳᠣ ᠨᠣᠮ ᠰᠣᠷᠭᠠᠬᠤ ᠪᠠᠷ ᠶᠠᠪᠣᠭᠤᠯᠪᠠ᠃ ᠠᠷᠪᠠᠨ ᠭᠤᠷᠪᠠᠳᠣᠭᠠᠷ ᠲᠦᠷᠢ ᠶᠢᠨ ᠲᠠᠯᠠᠢ ᠯᠠᠮᠠ ᠳᠤ ᠮᠦᠷᠭᠦᠬᠦ ᠳᠤ᠂ ᠬᠡᠬᠡᠨ ᠨᠠᠷᠡᠨᠮᠠᠨᠲᠦᠯ᠎ᠠ ᠳᠤ ᠠᠸᠠᠩᠳᠦᠪᠳᠠᠨ ᠬᠡᠮᠡᠬᠦ ᠨᠣᠮ ᠤᠨ ᠨᠡᠷ᠎ᠡ ᠶᠢ ᠬᠠᠶᠢᠷᠠᠯᠠᠪᠠ᠃ ᠲᠦᠢᠨ ᠯᠠᠮᠠ ᠳᠤ ᠨᠢ ᠰᠸᠧᠠᠩᠳᠣᠩᠷᠣᠪ ᠬᠡᠮᠡᠬᠦ ᠨᠣᠮ ᠤᠨ ᠨᠡᠷ᠎ᠡ ᠬᠠᠶᠢᠷᠠᠯᠠᠪᠠ᠃ ᠶᠠᠭ ᠡᠨᠡ ᠦᠶ᠎ᠡ ᠳᠤ ᠡᠷᠭᠢᠮᠪᠢᠯᠢᠭᠳᠦ ᠶᠢᠨ ᠠᠬ᠎ᠠ ᠡᠷᠳᠡᠮᠪᠢᠯᠢᠭᠳᠦ ᠵᠣᠷᠢᠭᠳᠣ ᠸᠠᠩ ᠨᠠᠰᠣ ᠨᠦᠭᠴᠢᠭᠰᠡᠨ ᠲᠣᠯᠠ ᠴᠢᠩ ᠣᠯᠣᠰ ᠤᠨ ᠦᠨᠳᠦᠰᠦᠳᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠶᠠᠮᠣᠨ ᠠᠴᠠ ᠵᠣᠷᠢᠭᠳᠣ ᠸᠠᠩ ᠤᠨ ᠲᠡᠭᠦᠦ ᠡᠷᠭᠢᠮᠪᠢᠯᠢᠭᠳᠦ ᠶᠢ ᠸᠠᠩ ᠤᠨ ᠰᠠᠭᠤᠷᠢ ᠶᠢ ᠵᠠᠯᠭᠠᠮᠵᠢᠯᠠᠭᠤᠯᠬᠤ ᠪᠠᠷ ᠲᠣᠭᠳᠠᠵᠣ᠂ ᠯᠾᠠᠰᠠ ᠶᠢᠨ ᠬᠡᠶᠢᠳ ᠠᠴᠠ ᠡᠷᠬᠢᠮᠪᠢᠯᠢᠭᠲᠦ ᠳᠤ ᠯᠾᠠᠷᠠᠮᠪᠠ ᠵᠡᠷᠭᠡ ᠬᠠᠶᠢᠷᠠᠯᠠᠪᠠ᠃ ᠵᠣᠷᠢᠭᠳᠣ ᠸᠠᠩ ᠡᠷᠬᠢᠮᠪᠢᠯᠢᠭᠲᠦ ᠪᠡᠷᠭᠡᠨ ᠲᠠᠢ ᠪᠠᠨ ᠰᠠᠭᠤᠵᠤ᠂ ᠬᠢᠴᠢᠶᠡᠯᠳᠦ ᠮᠡᠷᠭᠡᠨ ᠬᠡᠬᠦ ᠬᠦᠦ ᠲᠠᠢ ᠪᠤᠯᠤᠬᠰᠡᠨ ᠪᠦᠬᠡᠳ ᠬᠤᠵᠢᠮ ᠨᠢ ᠬᠢᠲᠡᠳ ᠬᠡᠷᠬᠡᠢ ᠠᠪᠴᠦ᠂ ᠪᠡᠭᠡᠵᠢᠩ ᠳᠤ ᠣᠷᠳᠣ ᠬᠠᠷᠰᠢ ᠪᠠᠶᠢᠭᠤᠯᠣᠨ ︵ᠣᠳᠣ ᠶᠢᠨ ᠱᠢ ᠶᠢᠨ ᠬᠦᠷᠢᠶᠡᠯᠡᠩ ᠳᠤ︶ ᠰᠠᠭᠤᠪᠠ᠃
           
      ᠲᠤᠬᠰᠢᠳ ᠤᠨ ᠬᠦᠷᠥᠭ ᠱᠤᠭᠤᠮᠠᠯ      ᠠᠸᠠᠩᠳᠦᠪᠳᠠᠨ ᠲᠦᠪᠡᠳ ᠲᠤ ᠦᠷᠭᠦᠯᠵᠢᠯᠡᠨ ᠨᠣᠮ ᠳᠤ ᠰᠠᠭᠤᠵᠣ᠂ ᠭᠡᠪᠳᠦ ᠶᠣᠰᠣᠳᠣ ᠶᠢᠨ ᠭᠤᠷᠪᠠᠳᠣᠭᠠᠷ ᠣᠨ ︵1911︶ ᠤ ᠡᠪᠣᠯ᠂ ᠠᠷᠪᠠᠨ ᠨᠢᠭᠡᠨ ᠵᠢᠯ ᠰᠣᠷᠣᠯᠴᠠᠭᠰᠠᠨ ᠯᠾᠠᠰᠠ ᠠᠴᠠ ᠨᠣᠳᠤᠭ ᠵᠦᠭ ᠲᠤ ᠪᠠᠨ ᠡᠭᠡᠬᠦ ᠳᠤ ᠪᠠᠨ᠂ ᠡᠨᠡᠳᠭᠡᠭ ᠲᠤ ᠬᠦᠷᠴᠣ᠂ ᠡᠨᠡᠳᠭᠡᠭ ᠤᠨ ᠪᠣᠷᠬᠠᠨ ᠱᠠᠰᠢᠨ ᠤ ᠣᠷᠣᠨ ᠢᠶᠠᠷ ᠮᠦᠷᠭᠦᠯ ᠬᠢᠵᠣ ᠲᠣᠭᠤᠷᠢᠵᠣ ᠶᠠᠪᠣᠬᠤ ᠳᠤ ᠪᠠᠨ ᠰᠢᠶᠠᠩᠭᠠᠩ᠂ ᠰᠢᠩᠭᠠᠫᠤᠷ ᠢᠶᠠᠷ ᠦᠩᠭᠡᠷᠡᠨ ᠰᠧᠴᠣᠸᠠᠨ ᠳᠤ ᠬᠦᠷᠴᠣ᠂ ᠲᠡᠨᠳᠡ ᠠᠴᠠ ᠲᠠᠬᠢᠨ ᠪᠡᠭᠡᠵᠢᠩ ᠳᠤ ᠣᠴᠢᠬᠤ ᠳᠤ ᠡᠷᠬᠢᠮᠪᠢᠯᠢᠭᠲᠦ ᠸᠠᠩ ᠲᠡᠷᠭᠡᠨ ᠦᠷᠳᠡᠭᠡ ᠠᠴᠠ ᠣᠭᠳᠣᠨ ᠠᠪᠣᠪᠠ᠃ ᠠᠸᠠᠩᠳᠦᠪᠳᠠᠨ ᠪᠡᠭᠡᠵᠢᠩ ᠳᠤ ᠰᠠᠷ᠎ᠠ ᠢᠯᠡᠭᠦᠦ ᠪᠠᠶᠢᠭᠰᠠᠨ ᠬᠤᠭᠤᠴᠠᠭᠠᠨ ᠳᠤ ᠪᠠᠨ ᠣᠷᠢᠳ ᠬᠤᠵᠢᠳ ᠲᠠᠷᠬᠠᠨ ᠸᠠᠩ ᠨᠠᠮᠵᠢᠯᠰᠧᠷᠡᠩ ᠪᠠ ᠪᠣᠰᠣᠳ ᠨᠣᠶᠠᠳ ᠲᠠᠢ ᠠᠭᠤᠯᠵᠠᠨ ᠵᠣᠯᠭᠠᠵᠣ᠂ ᠦᠨᠳᠦᠰᠦᠳᠡᠨ ᠤ ᠬᠡᠷᠡᠭ ᠡᠷᠬᠢᠯᠡᠬᠦ ᠶᠠᠮᠣᠨ ᠤ ᠬᠠᠷᠢᠭᠤᠴᠠᠯᠭᠠᠳᠠᠨ ᠬᠠᠷᠠᠴᠢᠨ ᠸᠠᠩ ᠬᠦᠩᠰᠠᠩᠨᠤᠷᠪᠤ ᠨᠠᠷ ᠲᠠᠢ ᠵᠣᠯᠭᠠᠨ᠂ ᠲᠡᠭᠦᠨ ᠤ ᠲᠠᠭᠠᠭᠤᠯᠭ᠎ᠠ ᠪᠠᠷ ᠲᠦᠷ ᠴᠠᠭ ᠤᠨ ᠶᠡᠷᠣᠩᠬᠡᠶᠢᠯᠡᠭᠴᠢ ᠶᠤᠸᠠᠨ ᠱᠢ ᠺᠠᠢ ᠲᠠᠢ ᠠᠭᠤᠯᠵᠠᠭᠠᠳ ︽ᠡᠷᠳᠡᠨᠢᠰᠡᠴᠡᠨᠨᠣᠮᠣᠬᠠᠨ ᠭᠡᠭᠡᠨ︾ ᠬᠡᠮᠡᠬᠦ ᠴᠣᠯᠠ ᠣᠯᠪᠠ᠃ ᠶᠤᠸᠠᠨ ᠱᠢ ᠺᠠᠢ᠂ ᠳ᠋ᠤᠸᠠᠨ ᠴᠢ ᠷᠦᠢ᠂ ᠬᠦᠩᠰᠠᠩᠨᠤᠷᠪᠤ ᠵᠢᠴᠢ ᠮᠣᠩᠭᠤᠯ ᠤᠨ ᠸᠠᠩ ᠭᠦᠩ ᠨᠠᠷ ᠦᠪᠡᠳᠡᠭᠰᠢ ᠲᠠᠶᠢᠯᠠᠯᠭ᠎ᠠ ᠬᠢᠪᠡ᠃ ᠠᠸᠠᠩᠳᠦᠪᠳᠠᠨ ᠣᠳᠠᠯ ᠦᠭᠡᠢ ᠪᠡᠭᠡᠵᠢᠩ ᠠᠴᠠ ᠮᠣᠷᠳᠠᠨ ᠮᠦᠭᠳᠡᠨ ᠳᠤ ᠬᠦᠷᠴᠣ᠂ ᠵᠠᠩ ᠽᠦᠸᠧ ᠯᠢᠨ ᠳᠤ ᠪᠠᠷᠠᠭᠠᠳᠠᠨ᠂ ᠲᠠᠭᠢᠨ ᠵᠧᠩ ᠶᠧ ︵ᠣᠳᠣ ᠶᠢᠨ ᠵᠧᠩ ᠵᠢᠶᠠ ᠲᠦᠨ︶ ᠦᠷᠳᠡᠭᠡᠨ ᠳᠤ ᠬᠦᠷᠴᠦ ᠲᠡᠷᠭᠡᠨ ᠠᠴᠠ ᠪᠠᠭᠤᠬᠤ ᠳᠤ᠂ ᠪᠠᠶᠠᠨ ᠮᠣᠷᠣᠢ ᠶᠢᠨ ᠰᠦᠮ᠎ᠡ ᠠᠴᠠ ᠲᠡᠷᠭᠡ ᠬᠦᠰᠭᠡ ᠢᠷᠡᠭᠦᠯᠵᠣ ᠲᠣᠰᠣᠨ ᠠᠪᠠᠴᠢᠪᠠ᠃ ᠠᠸᠠᠩᠳᠦᠪᠳᠠᠨ ᠰᠦᠮ᠎ᠡ ᠳᠤ ᠢᠷᠡᠮᠡᠭᠴᠡ ᠪᠠᠭᠰᠢ ᠶᠢᠨ ᠭᠡᠭᠡᠨ ᠳᠤ ᠪᠠᠨ ᠶᠣᠰᠣᠷᠬᠠᠭ ᠵᠤᠯᠭᠠᠭᠰᠠᠨ ᠪᠦᠭᠡᠳ ᠸᠠᠩ᠂ ᠭᠦᠩ᠂ ᠭᠡᠭᠡᠨ᠂ ᠬᠤᠪᠢᠯᠭᠠᠨ ᠨᠠᠷ ᠤᠨ ᠬᠠᠯᠠᠭᠤᠨ ᠲᠣᠳᠣᠨᠣ ᠶᠢᠨ ᠤᠭᠳᠤᠯᠭ᠎ᠠ ᠶᠢ ᠬᠦᠯᠢᠶᠡᠭᠡᠳ ᠬᠡᠬᠡᠨ ᠤᠷᠳᠤᠨ ᠳᠤ ᠪᠠᠨ ᠵᠠᠯᠠᠷᠠᠨ ᠮᠦᠷᠭᠦᠯ ᠲᠠᠯᠪᠢᠵᠦ᠂ ᠰᠦᠮ᠎ᠡ ᠶᠢᠨ ᠠᠯᠢᠪᠠ ᠡᠷᠬᠡ ᠪᠠᠨ ᠭᠡᠭᠡᠨ ᠦᠪᠡᠰᠦᠪᠠᠨ ᠠᠳᠬᠤᠭᠠᠳ ᠰᠦᠮ᠎ᠡ ᠬᠡᠶᠢᠳ ᠤᠨ ᠡᠭᠦᠨ ᠠᠴᠠ ᠬᠤᠶᠢᠰᠢ ᠶᠢᠨ ᠬᠦᠭᠵᠢᠯ ᠪᠠᠳᠠᠷᠠᠯ ᠢ ᠠᠬᠢᠭᠤᠯᠬᠤ ᠶᠢᠨ ᠲᠦᠯᠦᠭᠡ ᠪᠦᠬᠦ ᠰᠡᠳᠭᠢᠯ ᠪᠦᠬᠦ ᠵᠣᠷᠢᠭ ᠢᠶᠠᠷ ᠢᠶᠠᠨ ᠴᠢᠷᠮᠠᠶᠢᠨ ᠵᠢᠳᠭᠦᠭᠰᠡᠨ ᠪᠠᠶᠢᠨ᠎ᠠ᠃      ᠲᠣᠬᠠᠢ ᠶᠢᠨ ᠦᠶᠡᠰ᠂ ᠴᠡᠷᠢᠭ ᠤᠨ ᠡᠷᠬᠡᠳᠡᠨ ᠲᠣᠳᠣᠭᠠᠳᠣ ᠶᠢᠨ ᠲᠠᠶᠢᠨ ᠢ ᠲᠡᠭᠳᠡᠭᠡᠵᠣ᠂ ᠵᠡᠭᠦᠨ ᠭᠤᠷᠪᠠᠨ ᠮᠣᠵᠢ ᠳᠤ ᠲᠡᠭᠡᠷᠡᠮ ᠰᠠᠮᠠᠭᠤᠷᠠᠨ᠂ ᠴᠠᠭ ᠤᠨ ᠪᠠᠶᠢᠳᠠᠯ ᠮᠠᠰᠢ ᠲᠦᠭᠰᠢᠭᠦᠷᠢᠳᠡᠢ ᠪᠠᠶᠢᠪᠠ᠃ ᠠᠸᠠᠩᠳᠦᠪᠳᠠᠨ ᠭᠡᠭᠡᠨ ᠤ ᠠᠪᠤ ᠶᠢ ᠨᠢ ᠲᠡᠭᠡᠷᠡᠮᠴᠤᠳ ᠪᠠᠷᠢᠴᠠᠭᠠᠯᠠᠨ ᠠᠪᠠᠴᠢᠬᠰᠠᠨ ᠳᠤ᠂ ᠬᠡᠳᠦᠢ ᠰᠣᠷᠠᠭᠯᠠᠨ ᠡᠷᠢᠭᠰᠡᠨ ᠪᠣᠯᠪᠠᠴᠣ ᠵᠦᠪᠬᠡᠨ ᠦᠷᠦᠭᠡᠰᠦᠨ ᠭᠤᠳᠣᠯ ᠢ ᠨᠢ ᠯᠠ ᠡᠷᠢᠵᠦ ᠤᠯᠤᠭᠰᠠᠨ ᠬᠡᠷᠡᠭ ᠭᠠᠷᠤᠭᠰᠠᠨ ᠠᠴᠠ ᠭᠡᠭᠡᠨ ᠲᠡᠭᠡᠳᠣ ᠲᠦᠷᠢ ᠶᠢᠨ ᠭᠡᠭᠡᠳ ᠤᠨ ᠴᠣᠭᠯᠠᠭᠤᠯᠣᠭᠰᠠᠨ ᠠᠯᠳᠠ ᠮᠦᠩᠭᠦ᠂ ᠡᠳ᠋ ᠡᠷᠳᠡᠨᠢᠰ ᠪᠦᠬᠦᠨ ᠢ ᠲᠦᠩᠯᠢᠶᠣᠣ ᠶᠢᠨ ︽ᠰᠢᠩ ᠶᠧ︾ ᠪᠠᠩᠬᠢ ᠳᠤ ᠬᠠᠳᠠᠭᠠᠯᠠᠪᠠ᠃ ᠪᠠᠰᠠ ᠰᠦᠮ᠎ᠡ ᠪᠠ ᠮᠠᠯ ᠰᠦᠷᠦᠭ ᠢᠶᠠᠨ ᠬᠠᠮᠠᠭᠠᠯᠠᠬᠤ ᠶᠢᠨ ᠲᠦᠯᠦᠭᠡ ᠵᠠᠩ ᠽᠦᠸᠧ ᠯᠢᠨ ᠢᠶᠠᠷ ᠵᠦᠪᠰᠢᠶᠡᠷᠡᠭᠦᠯᠦᠨ᠂ ᠣᠣᠯ ᠤᠨ ᠪᠠᠶᠢᠭᠰᠠᠨ ᠵᠡᠪᠰᠡᠭᠳᠣ ᠬᠦᠴᠦᠨ ᠢᠶᠠᠨ ᠵᠠᠭᠤ ᠵᠢᠷᠠᠨ ᠬᠦᠮᠦᠨ ᠤ ᠰᠦᠮ᠎ᠡ ᠬᠠᠮᠠᠭᠠᠯᠠᠬᠤ ᠴᠡᠷᠢᠭ ᠠᠩᠬᠢ ᠪᠣᠯᠭᠠᠪᠠ᠃ ᠴᠡᠷᠢᠭ ᠤᠨ ᠬᠤᠪᠴᠠᠰᠣ ᠬᠤᠨᠠᠷ᠂ ᠵᠡᠷ ᠵᠡᠪᠰᠡᠭ ᠢᠶᠠᠨ ᠰᠢᠨᠡᠳᠭᠡᠨ ᠫᠠᠶᠢᠰᠠ ᠲᠡᠮᠳᠡᠭ ᠲᠠᠢ ᠴᠡᠷᠢᠭ ᠠᠩᠬᠢ ᠪᠣᠯᠭᠠᠵᠣ᠂ ᠰᠦᠮ᠎ᠡ ᠶᠢᠨ ᠢᠶᠠᠨ ᠭᠠᠳᠠᠭᠤᠷ ᠰᠣᠪᠠᠭ ᠭᠤᠣ ᠲᠠᠳᠠᠨ ᠪᠠᠳᠣ ᠪᠠᠬᠢᠯᠡᠯᠳᠡ ᠲᠠᠢ ᠪᠣᠯᠭᠠᠪᠠ᠃      ᠰᠦᠮ᠎ᠡ ᠶᠢᠨ ᠰᠠᠩ ᠪᠠ ᠯᠠᠮᠠ ᠬᠤᠸᠠᠷᠠᠭ ᠤᠨ ᠡᠳᠣᠷ ᠲᠣᠳᠣᠮ ᠤᠨ ᠠᠮᠢᠳᠣᠷᠠᠯ ᠤᠨ ᠬᠡᠷᠡᠭᠰᠡᠯ ᠢ ᠬᠠᠩᠭᠠᠬᠤ ᠶᠢᠨ ᠲᠦᠯᠦᠭᠡ᠂ ᠰᠦᠮ᠎ᠡ ᠠᠴᠠ ᠡᠮᠦᠨᠡᠰᠢ ᠲᠠᠪᠣᠨ ᠭᠠᠵᠠᠷ ᠤᠨ ᠵᠠᠢ ᠳᠤ ᠭᠡᠷ ᠪᠠᠷᠢᠯᠭ᠎ᠠ ᠪᠠᠷᠢᠨ᠂ ᠵᠡᠭᠡᠯᠢ ᠭᠤᠲᠦᠮᠵᠢ ᠲᠠᠢ ᠪᠣᠯᠭᠠᠪᠠ᠃ ᠲᠡᠨᠳᠡ ᠬᠤᠳᠠᠯᠳᠤᠭ᠎ᠠ ᠮᠠᠶᠢᠮᠠᠢ᠂ ᠮᠣᠳᠣ᠂ ᠲᠡᠮᠦᠷ᠂ ᠵᠠᠰ ᠭᠠᠥᠯᠢᠨ ᠤ ᠫᠦᠰᠡ᠂ ᠠᠷᠢᠭᠢ ᠨᠡᠷᠡᠭᠦ᠂ ᠵᠣᠴᠢᠨ ᠲᠡᠷᠭᠡᠨ ᠤ ᠪᠠᠭᠤᠳᠠᠯ ᠲᠠᠢ᠃ ᠰᠦᠮ᠎ᠡ ᠶᠢᠨ ᠴᠡᠷᠢᠭ ᠤᠨ ᠬᠤᠷᠢᠶ᠎ᠠ ᠪᠠᠨ ᠴᠦ ᠵᠡᠭᠡᠯᠢ ᠭᠤᠲᠦᠮᠵᠢ ᠶᠢᠨ ᠲᠡᠷᠭᠡᠳᠡ ᠬᠦᠷᠢᠶ᠎ᠡ ᠪᠠᠶᠢᠭᠤᠯᠣᠨ ᠰᠠᠭᠤᠯᠭᠠᠪᠠ᠃ ᠪᠠᠰᠠ ᠠᠷᠪᠠᠨ ᠬᠡᠳᠦᠨ ᠲᠠᠰᠣᠯᠭ᠎ᠠ ᠸᠠᠭᠠᠷ ᠤᠨ ᠭᠡᠷ ᠪᠠᠷᠢᠵᠦ᠂ ᠲᠠᠪᠣᠨ ᠪᠠᠭᠰᠢ ᠵᠠᠯᠠᠨ ᠠᠪᠴᠢᠷᠠᠵᠤ᠂ ᠬᠤᠰᠢᠭᠤᠨ ᠤ ᠲᠣᠳᠣᠨ᠎ᠠ ᠭᠠᠳᠠᠨ᠎ᠠ ᠠᠴᠠ ᠮᠣᠩᠭᠤᠯ᠂ ᠬᠢᠳᠠᠳ ᠰᠣᠷᠣᠬᠴᠢ ᠵᠠᠭᠤ ᠢᠯᠡᠭᠦᠦ ᠬᠦᠮᠦᠨ ᠡᠯᠰᠡᠵᠦ᠂ ᠪᠠᠶᠠᠨ ᠮᠣᠷᠣᠢ ᠶᠢᠨ ᠰᠦᠮ᠎ᠡ ᠶᠢᠨ ᠰᠣᠷᠭᠠᠭᠤᠯᠢ ᠶᠢ ᠪᠠᠶᠢᠭᠤᠯᠪᠠ᠃      ᠲᠡᠷᠡ ᠦᠶ᠎ᠡ ᠶᠢᠨ ᠠᠷᠠᠯᠵᠢᠶ᠎ᠠ ᠮᠠᠶᠢᠮᠠᠢ ᠨᠢ ᠦᠨᠳᠦᠰᠦᠨ ᠳᠤ ᠪᠠᠨ ᠪᠠᠷᠠᠭ᠎ᠠ ᠶᠢᠨ ᠰᠣᠯᠢᠯᠴᠠᠭ᠎ᠠ ᠪᠠᠷ ᠭᠤᠣᠯᠯᠠᠵᠦ ᠪᠠᠶᠢᠬᠰᠠᠨ ᠶᠤᠮ᠃ ᠲᠠᠷᠦᠢ ᠨᠠᠮᠦᠷ ᠤᠨ ᠠᠯᠢᠰᠣ ᠡᠪᠡᠰᠦ᠂ ᠠᠷᠭᠠᠯ ᠲᠦᠯᠡᠭᠡ᠂ ᠪᠣᠳᠠᠭ᠎ᠠ ᠬᠤᠨᠢ ᠦᠬᠡᠷ ᠵᠡᠷᠭᠡ ᠶᠢᠨ ᠠᠷᠠᠯᠵᠢᠶ᠎ᠠ ᠪᠠᠶᠢᠬᠰᠠᠨ ᠪᠢᠯᠡ᠃      ᠰᠢᠶᠠᠨ ᠪᠠᠯᠭᠠᠰᠣ ᠳᠤ ᠶᠠᠮᠦᠨ ᠪᠠᠶᠢᠭᠤᠯᠣᠨ᠂ ᠠᠳᠠᠷ ᠬᠠᠭᠠᠯᠪᠣᠷᠢᠯᠠᠨ᠂ ᠠᠷᠠᠳ ᠢᠷᠭᠡᠳ ᠢ ᠶᠡᠭᠡ ᠬᠡᠮᠵᠢᠶ᠎ᠡ ᠪᠠᠷ ᠨᠡᠭᠦᠯᠭᠡᠨ ᠣᠷᠣᠭᠤᠯᠵᠦ᠂ ᠨᠣᠳᠤᠭ ᠪᠡᠯᠴᠢᠭᠡᠷ ᠰᠢᠬᠠᠭᠤ ᠪᠣᠯᠣᠬᠰᠠᠨ ᠠᠴᠠ᠂ ᠪᠠᠶᠠᠨ ᠮᠣᠷᠣᠢ ᠶᠢᠨ ᠰᠦᠮ᠎ᠡ ᠨᠢ ᠲᠠᠪᠣᠨ ᠵᠠᠭᠤ ᠲᠠᠪᠣᠨ ᠠᠷ ᠲᠡᠷᠢᠶ᠎ᠠ ᠠᠴᠠ ᠭᠠᠳᠠᠨ᠎ᠠ᠂ ᠡᠯ᠎ᠡ ᠰᠠᠩ ᠤᠨ ᠣᠯᠠᠰᠢᠷᠠᠬᠰᠠᠨ ᠮᠠᠯ ᠰᠦᠷᠦᠭ ᠨᠢ ᠪᠡᠯᠴᠢᠭᠡᠷ ᠦᠭᠡᠢ ᠪᠣᠯᠤᠬᠰᠡᠨ ᠠᠴᠠ ᠠᠷᠪᠠᠨ ᠭᠤᠷᠪᠠ ᠣᠳᠠᠭ᠎ᠠ ᠠᠷᠦ ᠮᠠᠩᠬᠠᠨ ︵ᠣᠳᠣ ᠶᠢᠨ ᠬᠤᠸᠠᠬᠤᠰᠢᠭᠤ ᠰᠣᠮᠣ ᠶᠢᠨ ᠪᠠᠷᠠᠭᠤᠨ ᠬᠡᠰᠡᠭ᠂ ᠵᠢᠷᠦᠬᠡ ᠮᠠᠯᠵᠢᠯ ᠤᠨ ᠲᠠᠯᠠᠪᠠᠢ᠂ ᠠᠷᠣ ᠠᠭᠤᠯᠠᠨ ᠤ ᠡᠮᠣᠨ᠎ᠡ ᠬᠡᠰᠡᠭ ︶ ᠤ ᠣᠰᠣ ᠪᠡᠯᠴᠢᠭᠡᠷ ᠰᠠᠶᠢᠨ ᠨᠣᠳᠤᠭ ᠲᠤ ᠨᠡᠭᠦᠯᠭᠡᠨ ᠣᠷᠣᠭᠤᠯᠪᠠ᠃ ᠡᠭᠦᠨ ᠠᠴᠠ ᠭᠠᠳᠠᠨ᠎ᠠ᠂ ᠰᠦᠮ᠎ᠡ ᠶᠢᠨ ᠰᠠᠩ ᠠᠴᠠ ᠪᠠᠰᠠ ᠬᠤᠵᠢᠷ ᠰᠢᠷᠭᠠᠭᠠᠬᠤ ᠭᠠᠵᠠᠷ᠂ ᠣᠢ ᠰᠢᠭᠤᠢ ᠶᠢᠨ ᠲᠠᠯᠠᠪᠠᠢ᠂ ᠵᠢᠭᠠᠰᠣᠨ ᠨᠠᠭᠤᠷ ᠵᠡᠷᠭᠡ ᠶᠢ ᠡᠭᠦᠳᠦᠨ ᠪᠠᠶᠢᠭᠤᠯᠪᠠ᠃ ᠲᠦᠩᠯᠢᠶᠣᠣ ᠰᠢᠶᠠᠨ ᠳᠤ ᠵᠡᠭᠦᠨᠰᠢ ᠪᠠᠷᠠᠭᠤᠨᠰᠢ ᠠᠷᠪᠠᠨ ᠵᠠᠩ ᠣᠷᠳᠣ᠂ ᠡᠮᠣᠨᠡᠰᠢ ᠣᠮᠠᠷᠠᠰᠢ ᠵᠢᠷᠠᠨ ᠵᠠᠩ ᠣᠷᠳᠣ ᠪᠠᠶᠢᠬᠤ ᠬᠡᠳᠦᠨ ᠬᠡᠰᠡᠭ ᠭᠠᠵᠠᠷ ᠬᠤᠳᠠᠯᠳᠣᠨ ᠠᠪᠴᠣ᠂ ᠭᠡᠷ ᠪᠠᠶᠢᠰᠢᠩ ᠪᠠᠷᠢᠨ ᠬᠦᠷᠢᠶ᠎ᠡ ᠬᠠᠰᠢᠶ᠎ᠠ ᠪᠠᠶᠢᠭᠤᠯᠣᠭᠠᠳ ᠭᠤᠣᠯ ᠭᠡᠷ ᠤᠨ ᠡᠭᠦᠳᠡᠨ ᠲᠡᠭᠡᠷ᠎ᠡ ︽ᠡᠷᠳᠡᠨᠢᠰᠡᠴᠡᠨᠨᠣᠮᠣᠬᠠᠨ ᠭᠡᠭᠡᠨ ᠰᠠᠩ︾ ᠬᠡᠮᠡᠬᠦ ᠭᠤᠷᠪᠠᠨ ᠬᠡᠯᠡ ᠶᠢᠨ ᠪᠢᠴᠢᠭ ᠲᠠᠢ ᠫᠠᠶᠢᠰᠠ ᠡᠯᠭᠦᠪᠡ᠃ ᠡᠭᠦᠳᠡᠨ ᠭᠠᠳᠠᠨ᠎ᠠ ᠪᠠᠨ ᠮᠣᠳᠣᠨ ᠭᠡᠷ ᠪᠠᠷᠢᠵᠣ ᠬᠠᠷᠠᠭᠤᠯ ᠮᠠᠨᠠᠭ᠎ᠠ ᠲᠣᠬᠢᠷᠠᠭᠤᠯᠵᠣ ᠪᠢᠯᠡ᠃ ᠹᠦ᠋ ᠵᠢᠥᠢ ᠠᠮᠣ ᠪᠣᠳᠠᠭᠠᠨ ᠤ ᠫᠦᠰᠡ᠂ ᠹᠦ᠋ ᠹᠠ ᠠᠷᠠᠰᠣᠨ ᠡᠳ᠋ᠯᠡᠯ ᠤᠨ ᠫᠦᠰᠡ᠂ ᠲᠢᠶᠠᠨ ᠲᠠᠢ ᠡᠾᠧ ᠪᠦᠷᠢᠨ ᠪᠠᠷᠠᠭᠠᠨ ᠤ ᠫᠦᠰᠡ᠂ ᠰᠢᠩ ᠯᠦᠩ ᠮᠣᠷᠢᠨ ᠲᠡᠷᠭᠡᠨ ᠪᠠᠭᠤᠳᠠᠯ ᠵᠡᠷᠭᠡ ᠶᠢ ᠪᠠᠶᠢᠭᠤᠯᠵᠣ᠂ ᠦᠯᠡᠳᠡᠭᠰᠡᠨ ᠭᠡᠷ ᠪᠠᠶᠢᠰᠢᠩ ᠢᠶᠠᠨ ᠭᠠᠳᠠᠭᠰᠢ ᠲᠦᠷᠢᠶᠡᠰᠦᠯᠡᠭᠦᠯᠵᠣ᠂ ᠰᠦᠮ᠎ᠡ ᠶᠢᠨ ᠰᠠᠩ ᠢᠶᠠᠨ ᠮᠠᠰᠢ ᠰᠠᠶᠢᠨ ᠬᠦᠭᠵᠢᠭᠦᠯᠦᠭᠰᠡᠨ ᠪᠠᠶᠢᠨ᠎ᠠ᠃      ᠡᠨᠡ ᠮᠡᠳᠣ ᠨᠢᠭᠡᠨ ᠦᠶ᠎ᠡ ᠨᠡᠷ᠎ᠡ ᠠᠯᠳᠠᠷᠰᠢᠭᠰᠠᠨ ᠰᠦᠮ᠎ᠡ ᠬᠡᠶᠢᠳ ᠪᠣᠯᠬᠤ ᠪᠠᠶᠠᠨ ᠮᠣᠷᠣᠢ ᠶᠢᠨ ᠰᠦᠮ᠎ᠡ ᠶᠢᠨ ᠣᠷᠣ ᠦᠭᠡᠢ ᠪᠣᠯᠳᠠᠯ᠎ᠠ ᠵᠠᠮᠬᠠᠷᠠᠭᠰᠠᠨ ᠢ ᠪᠣᠳᠣᠬᠤᠯᠠᠷ᠂ ᠳᠣᠳᠣᠷ᠎ᠠ ᠡᠪ ᠦᠭᠡᠶᠢᠬᠡᠨ ᠪᠣᠯᠵᠣ ᠣᠴᠢᠳᠠᠭ ᠨᠢ ᠦᠨᠡᠨ ᠶᠣᠮ ᠰᠠᠨ᠃ 1932 ᠣᠨ ᠤ ᠡᠪᠣᠯ᠂ ᠶᠠᠫᠣᠨ ᠤ ᠭᠤᠸᠠᠨᠳᠦ᠋ᠩᠵᠢᠶᠦ᠋ᠨ ᠤ ᠴᠡᠷᠢᠭ ᠤᠨ ᠲᠦᠷᠦᠭᠦᠦ ᠪᠧᠨ ᠵᠣᠸᠠᠩ ᠹᠠᠨ᠂ ᠴᠣᠸᠠᠨ ᠳᠣᠣ ᠹᠠᠩ ᠽᠢ᠂ ᠰᠦᠩ ᠵᠢᠩ ᠴᠢᠩ ᠵᠥ᠂ ᠡᠾᠧ ᠲᠢᠶᠠᠨ ᠨᠠᠷ ᠮᠦᠭᠳᠡᠨ ᠳᠤ ᠨᠢᠭᠡᠨ ᠡᠳᠣᠷ ᠤᠨ ᠨᠢᠭᠤᠴᠠ ᠬᠤᠷᠠᠯ ᠬᠤᠷᠠᠯᠳᠣᠭᠤᠯᠵᠣ᠂ ᠮᠣᠩᠭᠤᠯᠵᠢᠨ ᠤ ᠭᠠᠨᠵᠤᠤᠷᠵᠠᠪ᠂ ᠪᠦᠸᠧ ᠸᠠᠩ ᠬᠤᠰᠢᠭᠤᠨ ︵ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠬᠤᠶᠢᠳᠦ ᠬᠤᠰᠢᠭᠤ︶ ᠤ ᠡᠷᠳᠡᠨᠢᠪᠢᠯᠢᠭ᠂ ᠲᠠᠷᠬᠠᠨ ᠬᠤᠰᠢᠭᠤᠨ ︵ᠬᠤᠷᠴᠢᠨ ᠵᠡᠬᠦᠨ ᠭᠠᠷᠤᠨ ᠲᠤᠮᠳᠠᠳᠤ ᠬᠤᠰᠢᠭᠤ︶ ᠤ ᠬᠠᠨ ᠰᠸᠧᠠᠩ᠂ ᠬᠦᠯᠦᠨ ᠪᠤᠶᠢᠷ ᠤᠨ ᠲᠠᠷᠵᠣᠮᠠᠷᠰᠢ᠂ ᠪᠠᠶᠠᠨ ᠮᠣᠷᠣᠢ ᠶᠢᠨ ᠰᠦᠮ᠎ᠡ ᠶᠢᠨ ᠠᠸᠠᠩᠳᠦᠪᠳᠠᠨ ᠭᠡᠭᠡᠨ᠂ ᠪᠢᠩᠳᠣ ᠬᠤᠰᠢᠭᠤᠨ ᠤ ᠪᠣᠶᠠᠨᠮᠠᠨᠳᠣᠬᠤ᠂ ᠬᠠᠷᠠᠴᠢᠨ ᠤ ᠲᠡᠮᠣᠷᠪᠠᠭᠠᠨ᠎ᠠ᠂ ᠵᠡᠭᠦᠨ ᠬᠤᠶᠢᠳᠣ ᠶᠢᠨ ᠮᠣᠩᠭᠤᠯ ᠬᠤᠰᠢᠭᠤᠳ ᠤᠨ ᠪᠠᠭᠰᠢ ᠶᠢᠨ ᠰᠣᠷᠭᠠᠭᠤᠯᠢ ᠶᠢᠨ ᠰᠣᠷᠣᠭᠴᠢ ᠶᠢᠨ ᠲᠦᠯᠦᠭᠡᠯᠡᠭᠴᠢ ᠣᠷᠣᠯᠴᠠᠭᠰᠠᠨ ᠬᠤᠷᠠᠯ ᠢᠶᠠᠷ ︽ᠦᠪᠦᠷ ᠮᠣᠩᠭᠤᠯ ᠤᠨ ᠦᠪᠡᠷᠳᠡᠭᠡᠨ ᠵᠠᠰᠠᠬᠤ ᠴᠡᠷᠢᠭ︾ ᠪᠠᠶᠢᠭᠤᠯᠬᠤ ᠶᠠᠪᠣᠳᠠᠯ ᠢ ᠵᠦᠪᠳᠡᠯᠴᠡᠨ ᠲᠣᠭᠳᠠᠵᠣ᠂ ᠭᠤᠷᠪᠠᠨ ᠠᠷᠮᠢ ᠴᠡᠷᠢᠭ ᠪᠠᠶᠢᠭᠤᠯᠣᠭᠠᠳ ᠿᠧ ᠡᠾᠧ ᠮᠣᠵᠢ ᠶᠢ ᠴᠣᠬᠢᠬᠤ ᠪᠠᠷ ᠲᠣᠭᠳᠠᠭᠰᠠᠨ ᠪᠠᠶᠢᠪᠠ᠃ ᠬᠤᠷᠠᠯ ᠲᠠᠷᠬᠠᠭᠰᠠᠨ ᠤ ᠲᠠᠷᠠᠭ᠎ᠠ ᠭᠡᠷ ᠭᠡᠷ ᠲᠤ ᠪᠠᠨ ᠬᠠᠷᠢᠵᠠᠭᠠᠵᠣ᠂ ᠰᠢᠨᠡᠯᠡᠭᠡᠳ ᠡᠷᠭᠢᠵᠣ ᠢᠷᠡᠪᠡᠯ ᠴᠡᠷᠢᠭ ᠬᠦᠳᠡᠯᠬᠦ ᠪᠠᠷ ᠪᠣᠯᠪᠠ᠃ ᠰᠦᠮ᠎ᠡ ᠳᠤ ᠵᠦᠪᠭᠡᠨ ᠭᠤᠷᠪᠠᠳᠣᠭᠠᠷ ᠠᠷᠮᠢ ᠶᠢᠨ ᠭᠠᠨᠵᠤᠤᠷᠵᠠᠪ᠂ ᠠᠸᠠᠩᠳᠦᠪᠳᠡᠨ᠂ ᠰᠦᠩ ᠵᠢᠩ ᠨᠠᠷ ᠪᠠᠶᠢᠪᠠ᠃ ᠡᠨᠡ ᠮᠡᠳᠡᠭᠡ ᠶᠢ ᠨᠠᠨᠵᠢᠩ ᠤᠨ ᠭᠤᠮᠢᠨᠳᠠᠩ ᠤᠨ ᠵᠠᠰᠠᠭ ᠤᠨ ᠭᠠᠵᠠᠷ ᠣᠯᠵᠣ ᠮᠡᠳᠡᠭᠡᠳ᠂ ᠦᠳᠳᠡᠷ ᠲᠦᠷᠭᠡᠨ ᠳ᠋ᠢᠶᠠᠨᠪᠣᠣ ᠢᠯᠡᠭᠡᠨ᠂ ᠿᠧ ᠡᠾᠧ ᠶᠢᠨ ᠴᠡᠷᠢᠭ ᠤᠨ ᠡᠷᠭᠡᠳᠡᠨ ᠠᠷᠪᠠᠨ ᠲᠣᠯᠣᠳᠣᠭᠠᠷ ᠪᠠᠷᠢᠭᠠᠳᠠ ᠶᠢᠨ ᠰᠧᠯᠢᠩ ᠽᠦᠢ ᠰᠢᠩ ᠡᠦ᠂ ᠵᠣᠣ ᠣᠳᠠ ᠶᠢᠨ ᠮᠣᠩᠭᠤᠯ ᠴᠡᠷᠢᠭ ᠤᠨ ᠯᠢ ᠱᠸᠦ ᠰᠢᠨ ᠂ ᠬᠦ ᠪᠣᠣ ᠱᠠᠨ ᠨᠠᠷ ᠢ ᠮᠣᠷᠢᠳᠦ ᠴᠡᠷᠢᠭ ᠲᠣᠮᠢᠯᠠᠨ᠂ ᠪᠠᠶᠠᠨ ᠮᠣᠷᠣᠢ ᠶᠢᠨ ᠰᠦᠮ᠎ᠡ ᠶᠢ ᠪᠦᠰᠡᠯᠡᠨ ᠴᠣᠬᠢᠭᠤᠯᠪᠠ᠃ ᠪᠠᠶᠢᠯᠳᠤᠭᠠᠨ ᠡᠬᠢᠯᠡᠩᠭᠦᠳᠡ ᠶᠠᠫᠣᠨ ᠤ ᠲᠦᠷᠦᠭᠦᠦ ᠰᠥᠩ ᠵᠢᠩ ᠠᠯᠠᠬᠳᠠᠵᠦ᠂ ᠭᠤᠷᠪᠠᠳᠣᠭᠠᠷ ᠠᠷᠮᠢ ᠶᠢᠨ ᠰᠧᠯᠢᠩ ᠭᠠᠨᠵᠤᠤᠷᠵᠠᠪ᠂ ᠠᠸᠠᠩᠳᠦᠪᠳᠡᠨ ᠨᠠᠷ ᠰᠦᠮ᠎ᠡ ᠶᠢᠨ ᠡᠮᠦᠨ᠎ᠡ ᠡᠭᠦᠳᠡ ᠪᠠᠷ ᠰᠢᠪᠳᠦᠯᠦᠨ ᠭᠠᠷᠪᠠ᠃ ᠠᠷᠪᠠᠨ ᠳᠣᠯᠣᠳᠣᠭᠠᠷ ᠪᠠᠷᠢᠭᠠᠳᠠ ᠰᠦᠮ᠎ᠡ ᠳᠤ ᠣᠷᠣᠵᠦ ᠢᠷᠡᠭᠡᠳ᠂ ᠰᠦᠮ᠎ᠡ ᠶᠢᠨ ᠵᠠᠭᠤ ᠢᠯᠡᠭᠦᠦ ᠵᠢᠯ ᠴᠣᠬᠯᠠᠭᠤᠯᠣᠬᠰᠠᠨ ᠠᠯᠳᠠ ᠮᠦᠩᠭᠦᠨ ᠪᠣᠷᠬᠠᠨ᠂ ᠡᠳ᠋ ᠡᠷᠳᠡᠨᠢᠰ᠂ ᠮᠠᠯ ᠰᠦᠷᠦᠭ ᠢ ᠴᠦᠯᠪᠡᠳᠡᠨ ᠳᠡᠭᠡᠷᠡᠮᠳᠡᠭᠡᠳ᠂ ᠭᠠᠯ ᠲᠠᠯᠪᠢᠨ ᠬᠦᠮᠦᠨ ᠠᠯᠠᠨ ᠡᠭᠡᠪᠡ᠃ ᠰᠦᠮ᠎ᠡ ᠶᠢᠨ ᠭᠠᠵᠠᠷ ᠰᠢᠷᠣᠢ ᠪᠠ ᠲᠦᠩᠯᠢᠶᠣᠣ ᠳᠠᠬᠢ ᠬᠠᠳᠠᠭᠠᠯᠠᠮᠵᠢ ᠯᠠ ᠦᠯᠡᠳᠡᠪᠡ᠃ ᠯᠠᠮᠠ ᠬᠤᠸᠠᠷᠠᠭ ᠨᠢ ᠲᠣᠳᠠᠭᠠᠬᠤ ᠨᠢ ᠲᠣᠳᠠᠭᠠᠵᠣ᠂ ᠡᠭᠦᠨ ᠤ ᠲᠡᠭᠡᠷ᠎ᠡ ᠬᠤᠯᠣᠭᠠᠨ᠎ᠠ ᠶᠢᠨ ᠬᠢᠵᠢᠭ ᠣᠷᠣᠭᠰᠠᠨ ᠠᠴᠠ ᠮᠢᠩᠭ᠎ᠠ ᠢᠯᠡᠭᠦᠦ ᠯᠠᠮᠠ ᠶᠢᠨ ᠭᠤᠷᠪᠠᠨ ᠵᠠᠭᠤ ᠢᠯᠡᠭᠦᠦ ᠨᠢ ᠬᠤᠷᠣᠭᠳᠠᠪᠠ᠃
           
      ᠮᠤᠷᠤᠢ ᠶᠢᠨ ᠰᠦᠮ᠎ᠠ ᠶᠢᠨ ᠬᠠᠷ᠎ᠠ ᠤᠪᠤᠭ᠎ᠠ      ᠬᠠᠭᠤᠷᠮᠠᠭ ᠮᠠᠨᠵᠦ ᠪᠠᠶᠢᠭᠤᠯᠣᠭᠳᠠᠭᠰᠠᠨ ᠤ ᠲᠠᠷᠠᠭ᠎ᠠ᠂ ᠴᠠᠭ ᠪᠠᠭ᠋ᠠᠨ ᠲᠦᠪᠰᠢᠨ ᠪᠣᠯᠤᠬᠰᠡᠨ ᠠᠴᠠ ᠲᠣᠳᠠᠭᠠᠭᠰᠠᠨ ᠯᠠᠮᠠ ᠬᠤᠸᠠᠷᠠᠭ ᠨᠢ ᠰᠦᠮ᠎ᠡ ᠳᠤ ᠪᠠᠨ ᠡᠭᠡᠵᠦ᠂ ᠬᠡᠶᠢᠳ ᠪᠣᠷᠬᠠᠳ ᠢᠶᠠᠨ ᠵᠠᠰᠠᠨ ᠰᠡᠯᠪᠢᠨ ᠰᠦᠮ᠎ᠡ ᠶᠢᠨ ᠬᠤᠷᠠᠯ ᠢᠶᠠᠨ ᠰᠡᠷᠭᠦᠭᠡᠪᠡ᠃      1936 ᠣᠨ ᠳᠤ ᠶᠠᠫᠣᠨ ᠤ ᠵᠡᠭᠦᠨ ᠡᠮᠦᠨᠡᠲᠦ ᠠᠽᠢᠶ᠎ᠠ ᠶᠢᠨ ᠳᠡᠯᠭᠡᠨ ᠦᠵᠡᠭᠦᠯᠭᠦ ᠬᠤᠷᠠᠯ ᠳᠤ᠂ ᠠᠸᠠᠩᠳᠦᠪᠳᠡᠨ ᠭᠡᠭᠡᠨ ᠶᠠᠫᠣᠨ ᠤ ᠰᠢ ᠪᠧᠨ ᠶᠣᠸᠠᠨ ᠬᠡᠶᠢᠳ ᠤᠨ ᠲᠡᠳ᠋ ᠡᠷᠬᠢᠯᠡᠭᠴᠢ ᠳ᠋ᠦ᠋ᠸᠧ ᠲᠢᠶᠠᠨ ︵ᠭᠡᠭᠡᠨ ᠲᠠᠢ ᠯᠾᠠᠰᠠ ᠶᠢᠨ ᠰᠠᠯᠠ ᠬᠡᠶᠢᠳ ᠤᠨ ᠬᠠᠮᠳᠦ ᠰᠣᠷᠣᠯᠭᠠᠳᠠᠨ︶ ᠤ ᠣᠷᠢᠯᠭ᠎ᠠ ᠪᠠᠷ ᠠᠷᠪᠠᠨ ᠬᠤᠶᠠᠷ ᠬᠦᠮᠦᠨ ᠢ ᠳᠠᠭᠠᠭᠤᠯᠣᠨ ᠣᠷᠣᠯᠴᠠᠭᠰᠠᠨ ᠪᠦᠭᠡᠳ ᠶᠠᠫᠣᠨ ᠤ ᠭᠤᠷᠪᠠᠨ ᠵᠠᠮ ᠤᠨ ᠴᠡᠷᠢᠭ ᠤᠨ ᠰᠣᠷᠢᠯᠳᠠ ᠶᠢ ᠴᠦ ᠦᠵᠡᠭᠰᠡᠨ ᠪᠠᠶᠢᠨ᠎ᠠ᠃      1942 ᠤᠨ ᠳᠤ ᠠᠸᠠᠩᠳᠦᠪᠳᠡᠨ ᠭᠡᠭᠡᠨ ᠣᠶᠢᠮᠠᠨ ᠡᠪᠡᠳᠴᠢᠨ ᠳᠤ ᠨᠡᠷᠪᠡᠭᠳᠡᠭᠡᠳ᠂ ᠲᠡᠮᠡᠢ ᠵᠠᠰᠠᠭᠰᠠᠨ ᠦᠭᠡᠢ ᠲᠦᠩᠯᠢᠶᠣᠣ ᠶᠢᠨ ᠭᠡᠭᠡᠨ ᠰᠠᠩ ᠳᠤ ᠪᠠᠨ ᠯᠠ ᠰᠠᠷ᠎ᠠ ᠶᠢᠨ ᠠᠷᠪᠠᠨ ᠳᠦᠷᠪᠡᠨ ᠳᠤ ᠲᠠᠪᠢᠨ ᠲᠠᠪᠣᠳᠠᠢ ᠲᠠᠭᠠᠯᠠᠯ ᠲᠡᠭᠦᠰᠪᠡ᠃ ᠡᠭᠦᠨ ᠳᠤ ᠨᠠᠢᠮᠠᠨ ᠡᠳᠦᠷ ᠤᠨ ᠪᠡᠯᠪᠡᠰᠦᠷᠠᠯ ᠬᠢᠵᠦ᠂ ᠦᠭᠡᠷ᠂ ᠬᠤᠨᠢ᠂ ᠭᠠᠭ᠋ᠠᠢ᠂ ᠲᠠᠬᠢᠶ᠎ᠠ ᠠᠯᠠᠵᠣ᠂ ᠲᠠᠯᠠᠨ ᠲᠣᠭᠤᠭ᠎ᠠ ᠲᠣᠯᠵᠣ᠂ ᠶᠡᠭᠡ ᠪᠣᠶᠠᠨ ᠦᠢᠯᠡᠳᠪᠡ᠃ ᠴᠢᠨᠳᠠᠷ ᠢ ᠨᠢ ᠬᠦᠷᠭᠡᠭᠦ ᠳᠤ ᠨᠡᠷ᠎ᠡ ᠰᠦᠷᠳᠡᠢ ᠸᠠᠩ ᠭᠦᠩ ᠂ ᠭᠡᠭᠡᠨ ᠬᠤᠪᠢᠯᠭᠠᠨ ᠮᠦᠷᠭᠦᠯᠴᠢᠳ ᠳᠦᠷᠪᠡᠨ ᠵᠦᠭ ᠨᠠᠢᠮᠠᠨ ᠵᠣᠪᠬᠢᠰ ᠠᠴᠠ ᠬᠤᠷᠠᠨ ᠢᠷᠡᠭᠰᠡᠨ ᠪᠦᠭᠡᠳ ᠪᠠᠳᠮᠠᠷᠠᠪᠳᠠᠨ᠂ ᠬᠠᠹᠣᠩᠭ᠎ᠠ᠂ ᠪᠣᠶᠠᠨᠮᠠᠨᠳᠣᠬᠤ᠂ ᠨᠠᠴᠢᠨᠱᠣᠩᠬᠤᠷ᠂ ᠭᠠᠨᠵᠤᠤᠷᠵᠠᠪ᠂ ᠠᠰᠬᠠᠨ ᠵᠡᠷᠭᠡ ᠡᠯ᠎ᠡ ᠬᠤᠰᠢᠭᠤ ᠰᠢᠶᠠᠨ ᠤ ᠨᠣᠶᠠᠳ ᠬᠦᠷᠣᠯᠴᠡᠨ ᠢᠷᠡᠵᠦ ᠣᠷᠣᠯᠴᠠᠪᠠ᠃ ᠴᠢᠨᠳᠠᠷ ᠢ ᠨᠢ ᠳᠦᠴᠢᠨ ᠬᠦᠮᠦᠨ ᠤ ᠰᠢᠷ᠎ᠠ ᠲᠣᠷᠭᠠᠨ ᠣᠭᠤᠰᠣᠷ ᠲᠠᠢ ᠲᠠᠮᠨᠠᠭᠤᠷ ᠢᠶᠠᠷ ᠲᠠᠮᠨᠠᠨ᠂ ᠲᠦᠩᠯᠢᠶᠣᠣ ᠶᠢᠨ ᠵᠡᠭᠡᠯᠢ ᠶᠢ ᠨᠢᠭᠡ ᠡᠷᠭᠢᠨ ᠵᠢᠷᠠᠨ ᠭᠠᠵᠠᠷ ᠵᠠᠶᠢᠳᠠᠢ ᠰᠦᠮ᠎ᠡ ᠳᠤ ᠨᠢ ᠬᠦᠷᠬᠦ ᠳᠤ ᠪᠦᠬᠦ ᠰᠦᠮ᠎ᠡ ᠶᠢᠨ ᠯᠠᠮᠠ᠂ ᠬᠤᠸᠠᠷᠠᠭ ᠨᠠᠷ ᠮᠠᠯᠠᠭᠠᠢ ᠪᠠᠨ ᠠᠪᠴᠦ᠂ ᠡᠩᠭᠡᠷ ᠤᠨ ᠲᠣᠪᠴᠢ ᠪᠠᠨ ᠲᠠᠶᠢᠯᠵᠣ᠂ ᠬᠦᠰᠡᠷ ᠰᠦᠭᠦᠳᠦᠨ ᠬᠦᠵᠢ ᠵᠣᠯᠠ ᠡᠷᠭᠦᠨ ᠮᠦᠷᠭᠦᠨ ᠣᠭᠳᠣᠪᠠ᠃ ᠰᠦᠮ᠎ᠡ ᠳᠤ ᠴᠢᠨᠳᠠᠷ ᠢ ᠨᠢ ᠲᠣᠯᠣᠭᠠᠨ ᠬᠤᠨᠤᠭ ᠲᠠᠯᠪᠢᠨ ᠡᠯ᠎ᠡ ᠷᠠᠰᠠᠩ ᠭᠠᠨᠵᠤᠤᠷ᠂ ᠲᠠᠨᠵᠣᠷ ᠳ᠋ᠠᠨᠵᠤᠤᠷ ᠣᠩᠰᠢᠨ᠂ ᠦᠭᠡᠷ ᠬᠤᠨᠢ ᠲᠠᠷᠣᠨ ᠶᠡᠭᠡ ᠪᠣᠶᠠᠨ ᠬᠢᠪᠡ᠃ ᠱᠠᠷᠢᠯ ᠢ ᠨᠢ ᠴᠣᠭᠴᠢᠨ ᠲᠤᠭᠠᠩ ᠤᠨ ᠬᠤᠶᠠᠳᠣᠭᠠᠷ ᠠᠰᠠᠷ ᠲᠠᠬᠢ ᠰᠣᠪᠣᠳ ᠲᠠᠨ᠎ᠠ ‍ᠵᠢᠨ ᠰᠢᠬᠢᠳᠭᠡᠷᠢ ᠲᠠᠢ ᠰᠣᠪᠣᠷᠭᠠᠨ ᠳᠤ ᠲᠠᠭᠢᠪᠠ᠃      ᠮᠤᠷᠤᠢ ᠶᠢᠨ ᠰᠦᠮ᠎ᠠ ᠶᠢᠨ ᠪᠠᠭᠤᠷᠡᠯ      1945 ᠣᠨ ᠤ ᠵᠢᠷᠭᠤᠭᠠᠨ ᠰᠠᠷ᠎ᠠ ᠶᠢᠨ ᠰᠢᠨ᠎ᠡ ᠶᠢᠨ ᠳᠣᠯᠤᠭᠠᠨ ᠤ ᠴᠦᠢᠵᠢᠩ ᠨᠢ ᠵᠣᠷᠰᠢᠯ ᠢᠶᠠᠷ ᠵᠡᠭᠦᠨ ᠰᠦᠮ᠎ᠡ ᠳᠤ ᠪᠠᠨ ᠪᠠᠭᠤᠭᠰᠠᠨ ᠶᠤᠮ ︵ᠬᠠᠮᠤᠭ ᠡᠴᠦᠰ ᠤᠨ︶᠃ ᠣᠯᠠᠨ ᠯᠠᠮᠠ ᠬᠤᠸᠠᠷᠠᠭ ᠪᠦᠷᠢᠶ᠎ᠡ ᠪᠢᠰᠭᠢᠭᠦᠷ ᠬᠡᠩᠭᠡᠷᠭᠡ ᠴᠠᠩ ᠢᠶᠠᠨ ᠴᠣᠬᠢᠨ ᠬᠦᠭ ᠨᠡᠶᠢᠯᠡᠭᠦᠯᠦᠨ᠂ ᠭᠠᠩᠰᠠ ᠣᠩᠰᠢᠬᠤ ᠳᠤ ᠴᠦᠢᠵᠢᠩ ᠬᠦᠷᠳᠡᠭᠡᠳ ᠮᠠᠰᠢ ᠬᠠᠶᠢᠯᠣᠨ᠂ ᠪᠠᠷᠠᠭᠤᠨ ᠬᠠᠨ᠎ᠠ ᠲᠦᠰᠢᠨ ᠰᠠᠭᠤᠭᠰᠠᠨ ᠪᠠᠭᠰᠢ ᠶᠢᠨ ᠭᠡᠭᠡᠨ ᠢ ᠪᠠᠷᠠᠭᠠᠳᠠᠨ᠂ ᠬᠤᠶᠠᠭ ᠲᠣᠭᠤᠯᠠᠭ᠎ᠠ ᠲᠠᠢ ᠪᠠᠷ ᠢᠶᠠᠨ ᠨᠣᠮᠣ ᠰᠣᠮᠣ ᠪᠠᠨ ᠠᠪᠴᠦ᠂ ᠰᠦᠮ᠎ᠡ ᠶᠢᠨ ᠭᠠᠳᠠᠨ᠎ᠠ ᠭᠠᠷᠴᠦ ᠰᠣᠮᠣ ᠪᠠᠨ ᠬᠠᠷᠪᠣᠭᠰᠠᠨ ᠳᠤ ᠰᠦᠮ᠎ᠡ ᠶᠢᠨ ᠵᠡᠭᠦᠨ ᠡᠮᠦᠨᠡᠬᠢ ᠬᠦᠭᠰᠢᠨ ᠬᠠᠶᠢᠯᠠᠰᠣᠨ ᠤ ᠣᠭ ᠲᠤ ᠵᠡᠭᠦᠨ ᠣᠷᠣᠭᠤ ᠬᠠᠨᠳᠣᠨ ᠰᠢᠭᠠᠪᠠ᠃ ᠡᠨᠡ ᠣᠳᠠᠭ᠎ᠠ ᠶᠢᠨ ᠴᠦᠢᠵᠢᠩ ᠤᠨ ᠠᠶᠢᠯᠠᠳᠣᠭᠰᠠᠨ ᠢ ᠯᠣᠣᠰᠪᠠ ᠣᠯᠠᠨ ᠳᠤ ᠢᠩᠭᠢᠵᠣ ᠮᠡᠳᠡᠭᠦᠯᠪᠠ᠃ ︽ᠡᠨᠡ ᠡᠳᠣᠷ ᠠᠴᠠ ᠠᠪᠣᠭᠠᠳ ᠲᠠᠷᠬᠠᠨ ᠬᠤᠰᠢᠭᠤᠨ ᠤ ᠰᠦᠮ᠎ᠡ ᠬᠡᠶᠢᠳ᠂ ᠰᠢᠷ᠎ᠠ ᠶᠢᠨ ᠱᠠᠰᠢᠨ ᠲᠠᠰᠣᠷᠠᠵᠣ ᠬᠤᠷᠠᠯ ᠨᠣᠮ ᠵᠣᠭᠰᠣᠨ᠎ᠠ︾ ᠭᠡᠪᠡ᠃ ᠦᠨᠡᠭᠡᠷᠡᠨ᠂ ᠣᠳᠠᠯ ᠦᠭᠡᠢ ᠵᠢᠯ ᠲᠠᠷᠠᠭᠠᠯᠠᠨ ᠰᠦᠮ᠎ᠡ ᠶᠢᠨ ᠬᠤᠶᠠᠷ ᠴᠢᠯᠠᠭᠤᠨ ᠴᠢᠭᠠᠨ ᠤ ᠨᠢᠭᠡ ᠨᠢ ᠵᠡᠭᠦᠨ ᠬᠤᠶᠢᠰᠢ ᠵᠦᠭ ᠭᠤᠶᠠᠳᠠᠨ ᠣᠨᠠᠬᠤ ᠳᠤ ᠪᠠᠨ ᠲᠣᠯᠤᠭ᠎ᠠ ᠲᠠᠰᠣᠷᠠᠵᠣ᠂ ᠨᠦᠭᠦᠭᠡ ᠨᠢ ᠵᠡᠭᠦᠨ ᠡᠮᠣᠨ᠎ᠡ ᠵᠦᠭ ᠭᠤᠶᠠᠳᠠᠨ ᠣᠨᠠᠵᠣ ᠮᠦᠨ ᠲᠣᠯᠤᠭ᠎ᠠ ᠲᠠᠰᠣᠷᠠᠭᠰᠠᠨ ᠬᠠᠴᠢᠨ ᠬᠡᠷᠡᠭ ᠪᠣᠯᠪᠠ᠃ ᠡᠭᠦᠨ ᠳᠤ ᠬᠦᠮᠦᠰ ᠬᠡᠯᠮᠡᠭᠳᠡᠨ ᠮᠠᠭᠤ ᠢᠷᠸ᠎ᠠ ᠬᠡᠮᠡᠨ ᠰᠡᠵᠢᠭ ᠠᠪᠴᠣ ᠪᠠᠶᠢᠪᠠ᠃      1948 ᠣᠨ ᠤ ᠭᠠᠵᠠᠷ ᠰᠢᠷᠣᠢ ᠶᠢᠨ ᠦᠭᠡᠷᠡᠴᠢᠯᠡᠯᠳᠡ ᠬᠢᠭᠡᠳ 1966 ᠣᠨ ᠠᠴᠠ ᠡᠬᠢᠯᠡᠭᠰᠡᠨ ᠰᠣᠶᠣᠯ ᠤᠨ ᠶᠡᠭᠡ ᠬᠤᠪᠢᠰᠬᠠᠯ ᠤᠨ ᠠᠷᠪᠠᠨ ᠵᠢᠯ ᠤᠨ ᠶᠡᠭᠡ ᠰᠠᠮᠠᠭᠤᠷᠠᠯ ᠲᠣᠮᠳᠠ᠂ ᠮᠠᠨ ᠤ ᠣᠯᠣᠰ ᠤᠨ ᠵᠡᠭᠦᠨ ᠬᠤᠶᠢᠳᠣ ᠣᠷᠣᠨ ᠤ ᠬᠠᠮᠤᠭ ᠶᠡᠭᠡ ᠰᠦᠮ᠎ᠡ ᠬᠡᠶᠢᠳ ᠬᠡᠮᠡᠨ ᠠᠯᠳᠠᠷᠰᠢᠭᠰᠠᠨ᠂ ᠬᠤᠷᠴᠢᠨ ᠨᠣᠳᠤᠭ ᠲᠤ 160 ᠭᠠᠷᠤᠢ ᠵᠢᠯ ᠭᠡᠷᠡᠯ ᠭᠢᠯᠪᠠᠭ᠎ᠠ ᠪᠠᠨ ᠰᠠᠴᠣᠷᠠᠭᠤᠯᠣᠭᠰᠠᠨ ᠡᠷᠬᠢᠮᠰᠥᠭ ᠰᠦᠷᠯᠢᠭ ᠪᠠᠶᠠᠨ ᠮᠣᠷᠣᠢ ᠶᠢᠨ ᠰᠦᠮ᠎ᠡ ᠮᠢᠨᠢ ᠰᠦᠢᠳᠬᠡᠭᠲᠡᠨ ᠡᠪᠲᠡᠭᠲᠡᠪᠡ᠃      ᠠᠶ᠎ᠠ᠂ ᠶᠠᠭᠤᠳᠠᠢ ᠬᠠᠷᠠᠮᠰᠠᠯᠳᠠᠢ︕ ᠶᠠᠭᠤᠳᠠᠢ ᠡᠮᠭᠡᠨᠢᠯᠳᠡᠢ ᠠᠵᠢ︕      ᠮᠤᠷᠤᠢ ᠶᠢᠨ ᠰᠦᠮ᠎ᠠ ᠶᠢ ᠰᠡᠷᠬᠦᠬᠡᠨ ᠪᠠᠷᠢᠵᠤ ᠪᠠᠶᠢᠭ᠎ᠠ ᠪᠠᠶᠢᠲᠡᠯ      2011 ᠤᠨ ᠤ ᠵᠤᠨ᠂ ᠪᠢᠳᠡ ᠮᠤᠷᠤᠢ ᠶᠢᠨ ᠰᠦᠮ᠎ᠡ ᠶᠢ ᠰᠢᠨᠡᠳᠭᠡᠨ ᠪᠠᠷᠢᠵᠤ ᠪᠠᠶᠢᠭ᠎ᠠ ᠴᠢᠮᠡᠭᠡ ᠪᠠᠷ ᠲᠦᠩᠯᠢᠶᠤᠤ ᠬᠤᠳᠠ ᠶᠢᠨ ᠬᠤᠷᠴᠢᠨ ᠲᠤᠭᠤᠷᠢᠭ ᠤᠨ ᠮᠤᠷᠤᠢ ᠶᠢᠨ ᠰᠦᠮ᠎ᠡ ᠰᠤᠮᠤ ᠶᠢᠨ ᠮᠤᠷᠤᠢ ᠶᠢᠨ ᠰᠦᠮ᠎ᠡ ᠭᠠᠴᠠᠭ᠎ᠠ ᠳᠤ ᠬᠦᠷᠦᠭᠰᠡᠨ ᠶᠤᠮ᠃      ᠮᠤᠷᠤᠢ ᠶᠢᠨ ᠰᠦᠮ᠎ᠡ ᠶᠢᠨ ᠬᠠᠭᠤᠴᠢᠨ ᠪᠠᠭᠤᠷᠢ ᠶᠢᠨ ᠭᠠᠵᠠᠷ ᠵᠦᠢ ᠶᠢᠨ ᠪᠠᠶᠢᠷᠢᠰᠢᠯ ᠨᠢ᠄ ᠵᠡᠬᠦᠨ ᠤᠷᠳᠤᠷᠢᠭ ᠤᠨ 121 ᠭᠷᠡᠲᠦ᠋ᠰ᠂ ᠤᠮᠠᠷᠠᠳᠤ ᠦᠷᠭᠡᠷᠢᠭ ᠤᠨ 43 ᠭᠷᠡᠲᠦ᠋ᠰ ᠪᠤᠯᠤᠨ᠎ᠠ᠃ ᠤᠳᠤᠬᠠᠨ ᠳᠤ ᠰᠦᠮ᠎ᠡ ᠶᠢᠨ ᠪᠠᠭᠤᠷᠢ ᠲᠡᠭᠡᠷ᠎ᠡ ᠰᠢᠷ᠎ᠡ ᠰᠢᠷ ᠢᠶᠠᠷ ᠦᠩᠭᠡᠯᠡᠭᠰᠡᠨ ᠵᠢᠵᠢᠭ ᠠᠰᠠᠷ ᠪᠠᠷᠢᠭᠰᠠᠨ ᠪᠦᠭᠡᠳ ᠠᠰᠠᠷ ᠤᠨ ᠬᠦᠷᠢᠶᠡᠨ ᠲᠤᠳᠤᠷ᠎ᠠ ᠨᠢ ᠰᠦᠮ᠎ᠡ ᠶᠢᠨ ᠬᠠᠭᠠᠷᠬᠠᠢ ᠲᠤᠭᠤᠰᠬ᠎ᠠ᠂ ᠬᠡᠯᠳᠦᠷᠭᠡᠢ ᠸᠠᠭᠠᠷ᠂ ᠰᠦᠮ᠎ᠡ ᠶᠢᠨ ᠰᠠᠭᠤᠷᠢ ᠶᠢᠨ ᠴᠢᠯᠠᠭᠤ ᠵᠡᠷᠭᠡ ᠨᠢ ᠬᠠᠷᠠᠭᠳᠠᠵᠤ ᠪᠠᠶᠢᠨ᠎ᠠ᠃ ᠪᠠᠰᠠ ᠯᠠᠮᠠ ᠨᠠᠷ ᠤᠨ ᠤᠰᠤ ᠢᠳᠡᠵᠦ ᠪᠠᠶᠢᠭᠰᠠᠨ ᠵᠢᠷᠭᠤᠭᠠᠨ ᠲᠠᠯᠠᠳᠤ ᠬᠤᠳᠳᠤᠭ ᠪᠠ ᠰᠦᠮ᠎ᠡ ᠶᠢᠨ ᠰᠠᠩ ᠳᠤ ᠭᠡᠷᠡᠭᠯᠡᠵᠦ ᠪᠠᠶᠢᠬᠰᠠᠨ ᠤᠭᠤᠷ ᠵᠡᠷᠭᠡ ᠶᠢ ᠤᠯᠵᠤ ᠬᠠᠷᠡᠪᠡ᠃      ᠰᠢᠨ᠎ᠡ ᠪᠠᠷ ᠪᠠᠶᠢᠭᠤᠯᠵᠤ ᠪᠠᠶᠢᠭ᠎ᠠ ᠮᠤᠷᠤᠢ ᠶᠢᠨ ᠰᠦᠮ᠎ᠡ ᠶᠢᠨ ᠤᠳᠤ ᠶᠢᠨ ᠡᠷᠭᠢᠯᠡᠭᠴᠢ ᠯᠠᠮᠠ ᠾᠧ ᠨᠠᠰᠤᠬᠤᠷᠳᠤ ᠶᠢᠨ ᠲᠠᠨᠢᠯᠴᠠᠭᠤᠯᠤᠭᠰᠠᠨ ᠢᠶᠠᠷ᠄ 2007 ᠤᠨ ᠳᠤ ᠮᠤᠷᠤᠢ ᠶᠢᠨ ᠰᠦᠮ᠎ᠡ ᠶᠢ ᠰᠡᠷᠭᠦᠭᠡᠨ ᠪᠠᠶᠢᠭᠤᠯᠬᠤ ᠢᠨᠵᠧᠨᠧᠷᠢᠩ ᠤᠨ ᠰᠠᠭᠤᠷᠢ ᠲᠠᠯᠪᠢᠬᠤ ᠶᠤᠰᠤᠯᠠᠯ ᠶᠠᠪᠤᠭᠳᠠᠪᠠ᠃ ᠪᠤᠤ ᠲᠢᠶᠠᠨ ᠬᠦ ᠬᠡᠬᠡᠨ ᠪᠤᠯᠤᠨ ᠠᠯᠳᠠᠷᠳᠤ ᠮᠤᠷᠢᠨ ᠬᠤᠭᠤᠷᠴᠢᠨ ᠴᠢ᠊ · ᠪᠤᠯᠠᠭ ᠲᠠᠢ ᠬᠤᠶᠠᠭᠤᠯᠠ ᠮᠤᠷᠤᠢ ᠶᠢᠨ ᠰᠦᠮ᠎ᠡ ᠶᠢ ᠤᠤᠯ ᠤᠨ ᠪᠠᠭᠤᠷᠢ ᠶᠢᠨ ᠵᠡᠬᠦᠨ ᠬᠤᠶᠢᠳᠤ ᠲᠠᠯ᠎ᠠ ᠳᠤ 3 ᠭᠠᠵᠠᠷ ᠤᠨ ᠵᠠᠢ ᠳᠤ ᠰᠡᠷᠭᠦᠭᠡᠨ ᠪᠠᠶᠢᠭᠤᠯᠬᠤ ᠪᠠᠷᠢᠯᠭ᠎ᠠ ᠡᠬᠢᠯᠡᠬᠦᠯᠦᠭᠰᠡᠨ ᠪᠠᠶᠢᠨ᠎ᠠ᠃ ᠪᠠᠷᠢᠯᠭ᠎ᠠ ᠶᠢᠨ ᠬᠠᠭᠠᠰ ᠬᠤᠭᠤᠴᠠᠭ᠎ᠠ ᠬᠦᠷᠦᠭᠡᠳ ᠵᠤᠤ ᠪᠦᠸᠧ ᠬᠡᠮᠡᠭᠴᠢ ᠪᠠᠷᠢᠯᠭ᠎ᠠ ᠶᠢᠨ ᠠᠵᠢᠯ ᠢ ᠲᠠᠭᠠᠭᠠᠴᠢᠯᠠᠨ ᠭᠦᠢᠴᠡᠳᠭᠡᠵᠦ ᠤᠳᠤ ᠶᠢᠨ ᠪᠠᠶᠢᠳᠠᠯ ᠳᠤ ᠬᠦᠷᠦᠭᠰᠡᠨ ᠪᠠᠶᠢᠨ᠎ᠠ᠃ ᠰᠢᠨ᠎ᠡ ᠪᠠᠷ ᠪᠠᠶᠢᠭᠤᠯᠵᠤ ᠪᠠᠶᠢᠭ᠎ᠠ ᠮᠤᠷᠤᠢ ᠶᠢᠨ ᠰᠦᠮ᠎ᠡ ᠶᠢᠨ ᠭᠠᠵᠠᠷ ᠵᠦᠢ ᠶᠢᠨ ᠪᠠᠶᠢᠷᠢᠰᠢᠯ ᠨᠢ 121 ᠭᠷᠡᠲᠦ᠋ᠰ᠂ ᠤᠮᠠᠷᠠᠳᠤ ᠦᠷᠭᠡᠷᠢᠭ ᠤᠨ 43 ᠭᠷᠡᠲᠦ᠋ᠰ ᠪᠤᠯᠤᠨ᠎ᠠ᠃ ᠭᠤᠤᠯ ᠴᠤᠬᠴᠢᠨ ᠲᠤᠭᠠᠩ ᠢ ᠨᠢᠬᠡᠨᠲᠡ ᠪᠠᠷᠢᠵᠤ ᠪᠦᠲᠦᠬᠡᠬᠡᠳ ᠭᠤᠤᠯ ᠡᠬᠦᠲᠡᠨ ᠳᠤ ᠨᠢ ︽ᠡᠩᠬᠡᠵᠢᠬᠦᠯᠤᠨ ᠬᠤᠷᠢᠶᠠᠬᠴᠢ ᠰᠦᠮ᠎ᠠ︾ ᠬᠡᠰᠡᠨ ᠢᠯᠡᠷᠬᠡᠶᠢᠯᠡᠯ ᠫᠠᠶᠢᠰᠠ ᠡᠯᠬᠦᠵᠡᠢ᠃ ᠪᠠᠰᠠ ᠯᠠᠮᠠ ᠨᠠᠷ ᠤᠨ ᠪᠠᠶᠢᠷᠢ ᠶᠢᠨ ᠠᠰᠠᠷ ᠢ ᠪᠠᠷᠢᠵᠤ ᠲᠡᠭᠤᠰᠬᠠᠬᠰᠡᠨ ᠪᠦᠬᠡᠳ ᠰᠦᠮ᠎ᠠ ᠶᠢᠨ ᠭᠠᠲᠠᠭᠤᠷ ᠬᠤᠲᠡ ᠶᠢᠨ ᠬᠡᠷᠡᠮ ᠪᠡ ᠬᠠᠭᠠᠯᠭ᠎ᠠ ᠰᠢᠬ ᠬᠦᠷᠢᠶ᠎ᠠ ᠬᠠᠭᠠᠯᠭ᠎ᠠ ᠪᠠᠷᠢᠭᠰᠠᠨ ᠪᠠᠶᠢᠨ᠎ᠠ᠃ ᠴᠠᠭᠠᠨ ᠤᠪᠤᠭ᠎ᠠ ᠶᠢ ᠤᠤᠯ ᠤᠨ ᠤᠷᠤᠨ ᠳᠤ ᠨᠢ ᠰᠡᠷᠬᠦᠬᠡᠨ ᠪᠠᠶᠢᠭᠤᠯᠤᠬᠰᠡᠨ ᠪᠦᠬᠡᠳ ᠴᠠᠭᠠᠨ ᠤᠪᠤᠭ᠎ᠠ ᠶᠢᠨ ᠠᠷᠦ ᠪᠠᠷ ᠰᠢᠨ᠎ᠠ ᠪᠠᠷ ᠲᠦᠷᠬᠡᠨ ᠰᠦᠮ᠎ᠠ ᠶᠢ ᠪᠠᠶᠢᠭᠤᠯᠪᠡ᠃ 2010 ᠤᠨ ᠤ ᠲᠤᠯᠤᠭᠠᠨ ᠰᠠᠷ᠎ᠠ ᠳᠤ ᠮᠤᠷᠤᠢ ᠶᠢᠨ ᠰᠦᠮ᠎ᠠ ᠶᠢᠨ ᠬᠤᠶᠠᠲᠦᠭᠠᠷ ᠦᠶ᠎ᠠ ᠶᠢᠨ ᠬᠡᠬᠡᠨ ᠬᠠᠨ ᠵᠢᠦ ᠯᠦᠩ ᠰᠦᠮ᠎ᠠ ᠶᠢᠨ ᠬᠠᠷ᠎ᠠ ᠤᠪᠤᠭ᠎ᠠ ᠶᠢᠨ ᠤᠤᠯ ᠤᠨ ᠪᠠᠭᠤᠷᠢ ᠶᠢᠨ ᠬᠢᠨᠢ ᠵᠡᠬᠦᠨ ᠬᠤᠶᠢᠲᠦ ᠲᠠᠯ᠎ᠠ ᠳᠤ ᠨᠢ ᠬᠠᠷ᠎ᠠ ᠤᠪᠤᠭ᠎ᠠ ᠶᠢ ᠰᠡᠷᠬᠦᠬᠡᠨ ᠪᠠᠷᠢᠬᠰᠡᠨ ᠪᠠᠶᠢᠨ᠎ᠠ᠃      ᠪᠠᠶᠠᠯᠢᠬ ᠰᠠᠶᠢᠬᠠᠨ ᠦᠨᠲᠦᠰᠤᠲᠡᠨ ᠤ ᠰᠤᠶᠤᠯ ᠪᠠ ᠱᠠᠰᠢᠨ ᠰᠤᠷᠲᠠᠬᠤᠨ ᠤ ᠦᠪᠡᠷᠮᠢᠴᠠ ᠤᠨᠴᠠᠯᠢᠬ ᠢᠶᠠᠷ ᠢᠶᠠᠨ ᠤᠯᠠᠨ ᠲᠦᠮᠡᠨ ᠤ ᠪᠠᠨ ᠰᠦᠰᠥᠭ ᠪᠢᠰᠢᠷᠡᠯ᠂ ᠤᠶᠤᠨ ᠤᠬᠠᠭᠠᠨ ᠢ ᠲᠡᠵᠢᠬᠡᠵᠤ᠂ ᠲᠡᠤᠬᠡ ᠰᠤᠶᠤᠯ ᠤᠨ ᠠᠯᠲᠡᠨ᠎ᠠ ᠬᠠᠭᠤᠲᠡᠰᠤᠨ᠎ᠠ ᠬᠢᠯᠠᠷᠡᠬᠰᠡᠨ ᠮᠤᠷᠤᠢ ᠶᠢᠨ ᠰᠦᠮ᠎ᠠ ᠮᠠᠨᠢ ᠪᠦᠷᠢᠨ ᠲᠡᠬᠦᠯᠲᠡᠷ ᠪᠠᠶᠢᠭᠤᠯᠤᠬᠲᠡᠵᠤ᠂ ᠤᠲᠦᠬᠢ ᠨᠡᠶᠢᠬᠡᠮ ᠤᠨ ᠬᠦᠭᠵᠢᠯᠲᠡ ᠶᠢᠨ ᠲᠦᠷᠬᠡᠨ ᠤᠷᠤᠰᠬᠠᠯ ᠳᠤ ᠬᠦᠮᠤᠨ ᠰᠤᠶᠤᠯ ᠤᠨ ᠦᠵᠡᠮᠤᠷᠢ ᠪᠤᠯᠵᠤ᠂ ᠬᠦᠵᠢ ᠶᠢᠨ ᠭᠠᠯ ᠤᠨᠲᠡᠷᠡᠯ ᠦᠬᠡᠢ᠂ ᠨᠤᠮ ᠤᠨ ᠲᠡᠭᠤᠨ ᠲᠡᠰᠤᠷᠡᠯ ᠦᠬᠡᠢ ᠤᠤᠯ ᠤᠨ ᠭᠠᠯᠪᠢᠷ ᠵᠢᠪᠬᠤᠭ᠎ᠠ ᠪᠠᠨ ᠪᠠᠲᠡᠷᠡᠭᠤᠯᠬᠤ ᠢᠷᠡᠬᠡᠲᠦᠢ ᠲᠠᠢ ᠪᠠᠶᠢᠬᠤ ᠶᠢ ᠨᠢ ᠪᠢᠲᠡ ᠪᠠᠲᠦ ᠢᠲᠡᠬᠡᠵᠤ ᠪᠠᠶᠢᠨ᠎ᠠ᠃      ︵ᠬᠡᠷᠡᠯ ᠵᠢᠷᠤᠭ ᠢ ᠾᠧ ᠬᠧᠨ ᠴᠢᠤᠸᠠᠨ ᠬᠠᠨᠭ᠍ᠭᠠᠪᠠ︶
 
ᠢᠷᠡᠯᠲᠡ᠄ ᠲᠦᠩᠯᠢᠶᠤᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号