| ᠮᠢᠨᠤ ᠠᠪᠤ | ᠵᠣᠬᠢᠶᠠᠭᠴᠢ᠄ ᠬᠠᠨᠭ᠍ᠰᠢ | ᠭᠡᠷᠴᠢᠯᠠᠭᠤ ᠭᠠᠴᠠᠭᠠ ᠶᠢᠨ ᠨᠠᠮ ᠤᠨ ᠡᠬᠦᠷ ᠢᠶᠠᠨ | ᠭᠠᠷᠳᠠᠵᠤ ᠪᠠᠶᠢᠭᠤᠯᠤᠭᠰᠠᠨ ᠭᠠᠪᠢᠶᠠᠳᠠᠨ ᠶᠤᠮ | ᠭᠠᠭᠴᠠᠬᠠᠨ ᠪᠤᠳᠤᠯ ᠢᠶᠠᠷ ᠨᠠᠮ ᠢᠶᠠᠨ ᠢᠳᠡᠭᠡᠭᠰᠡᠨ | ᠭᠠᠷᠮᠠᠭᠠᠢ ᠬᠤᠪᠢᠰᠬᠠᠯ ᠤᠨ ᠵᠢᠳᠬᠦᠯᠳᠡᠨ ᠶᠤᠮ | ᠠᠶᠢᠯ ᠲᠤᠰᠬᠤᠨ ᠤ ᠪᠠᠨ ᠨᠠᠮ ᠤᠨ ᠡᠬᠦᠷ ᠤᠨ | ᠠᠩᠬᠠᠳᠠᠭᠴᠢ ᠱᠦᠵᠢ ᠪᠠᠶᠢᠭᠰᠠᠨ ᠶᠤᠮ | ᠦᠨᠳᠦᠰᠦᠨ ᠱᠠᠳᠤᠨ ᠤ ᠡᠮᠦᠨᠡ ᠹᠷᠤᠨᠲ ᠲᠤ | ᠭᠤᠴᠢᠭᠠᠳ ᠵᠢᠯ ᠠᠵᠢᠯᠯᠠᠭᠰᠠᠨ ᠶᠤᠮ | ᠮᠠᠨ ᠤ ᠭᠠᠴᠠᠭᠠ ᠶᠢᠨ ︽ᠮᠠᠷᠺᠰ︾ ᠭᠡᠵᠤ | ᠮᠢᠨᠤ ᠠᠪᠤ ᠶᠢ ᠮᠦᠷᠦᠭᠡᠳᠳᠡᠭ ᠶᠤᠮ | ᠮᠠᠨᠳᠤᠬᠤ ᠬᠤᠪᠢᠰᠬᠠᠯ ᠤᠨ ᠬᠤᠰᠢᠭᠤᠴᠢ ᠭᠡᠵᠤ | ᠮᠢᠨᠤ ᠠᠪᠤ ᠶᠢ ᠦᠨᠡᠯᠡᠳᠡᠭ ᠶᠤᠮ | ︽ᠨᠢᠭᠤᠴᠠ ᠨᠠᠮ︾ ᠤᠨ ᠬᠡᠰᠢᠬᠦᠨ ᠭᠡᠵᠤ | ᠨᠤᠳᠤᠭ ᠤᠨ ᠬᠦᠮᠦᠰ ᠮᠡᠳᠡᠳᠡᠭ ᠶᠤᠮ | ᠨᠠᠮᠴᠢ ᠴᠢᠨᠠᠷ ᠢᠶᠠᠷ ᠴᠢᠩᠭᠠ ᠯᠠ ᠭᠡᠵᠤ | ᠨᠡᠶᠢᠬᠡᠮ ᠨᠡᠶᠢᠳᠡ ᠪᠠᠷ ᠢᠶᠠᠨ ᠪᠢᠰᠢᠷᠡᠳᠡᠭ ᠶᠤᠮ | ᠠᠵᠢᠯᠴᠢ ᠬᠦᠳᠡᠯᠮᠦᠷᠢᠴᠢ ᠶᠠᠪᠤᠭᠰᠠᠨ | ᠠᠶᠢᠮᠠᠭ ᠤᠨ ᠬᠦᠳᠡᠯᠮᠦᠷᠢ ᠶᠢᠨ ᠵᠢᠱᠢᠶᠡᠴᠢ ᠶᠤᠮ | ︽ᠦᠨᠡᠨᠴᠢ᠂ ᠨᠢᠮᠪᠠᠢ︾ ᠶᠢ ᠬᠤᠤᠰᠯᠠᠭᠤᠯᠤᠭᠰᠠᠨ | ᠦᠭᠬᠢᠶᠡᠮᠦᠷᠴᠢ ᠪᠤᠶᠠᠨᠰᠠᠭ ᠬᠦᠮᠦᠨ ᠶᠤᠮ | ᠵᠠᠩ ᠰᠠᠶᠢᠳᠠᠢ ᠨᠦᠬᠦᠷ ᠶᠤᠮ ᠭᠡᠵᠤ | ᠲᠠᠨᠢᠳᠠᠭ ᠬᠦᠮᠦᠰ ᠨᠢ ᠶᠠᠷᠢᠳᠠᠭ ᠶᠤᠮ | ᠵᠢᠱᠢᠶᠡᠴᠢ ᠲᠠᠭᠤᠷᠢᠶᠠᠯ ᠤᠯᠠᠨ ᠲᠠᠢ ᠯᠠ ᠭᠡᠵᠤ | ᠲᠠᠨᠢᠯᠴᠠᠭᠤᠯᠭᠠ ᠲᠡᠭᠡᠷᠡ ᠨᠢ ᠪᠢᠴᠢᠳᠡᠭ ᠶᠤᠮ | ᠪᠢᠴᠢᠭ ᠨᠤᠮ ᠦᠵᠡᠭᠰᠡᠨ ᠦᠬᠡᠢ ᠴᠤ | ᠴᠡᠭᠡᠵᠢ ᠰᠡᠷᠬᠦᠯᠡᠩ ᠬᠦᠮᠦᠨ ᠶᠤᠮ | ᠰᠤᠨᠤᠰᠪᠠᠯ ᠲᠤᠤᠷᠠ ᠪᠠᠨ ᠴᠡᠭᠡᠵᠢᠯᠡᠳᠡᠭ | ᠴᠡᠴᠡᠨ ᠲᠠᠷᠢᠬᠢ ᠲᠠᠢ ᠪᠠᠶᠢᠳᠠᠭ ᠶᠤᠮ | ᠮᠠᠯ ᠤᠨ ᠲᠠᠩᠰᠠ ᠶᠢ ᠬᠠᠷᠭᠤᠭᠤᠯᠬᠤ ᠳᠤ | ᠮᠠᠰᠢᠨ ᠠᠴᠠ ᠬᠤᠷᠳᠤᠨ ᠪᠤᠳᠤᠳᠠᠭ ᠶᠤᠮ | ᠮᠠᠨᠤᠰ ᠰᠢᠬ ᠰᠤᠶᠤᠯ ᠲᠠᠢ ᠪᠤᠯᠤᠭᠰᠠᠨ ᠪᠤᠯ ᠭᠡᠵᠤ | ᠮᠡᠷᠭᠡᠵᠢᠯᠳᠡᠨ ᠡᠷᠳᠡᠮᠳᠡᠳ ᠬᠡᠯᠡᠳᠡᠭ ᠶᠤᠮ | ᠬᠤᠭᠤᠷ ᠤᠨ ᠦᠯᠢᠬᠡᠷ ᠢ ᠰᠤᠨᠤᠰᠤᠭᠰᠠᠭᠠᠷ | ᠭᠡᠬᠦᠳᠡᠭ ᠲᠡᠭᠡᠨ ᠰᠢᠩᠬᠡᠬᠡᠳᠡᠭ ᠬᠦᠮᠦᠨ ᠶᠤᠮ | ᠶᠠᠪᠠᠭᠠᠨ ᠦᠯᠢᠬᠡᠷ ᠪᠤᠯᠭᠠᠴᠢᠬᠠᠭᠠᠳ | ᠶᠠᠷᠢᠵᠤ ᠬᠦᠦᠷᠨᠢᠳᠡᠭ ᠲᠡᠦᠬᠡᠴᠢᠨ ᠶᠤᠮ | ᠤᠳᠤᠷ ᠮᠠᠯᠵᠢᠯ ᠤᠨ ᠠᠮᠢᠳᠤᠷᠠᠯ ᠳᠠᠭᠠᠨ | ᠢᠳᠡᠭᠡᠰᠢᠵᠤ ᠲᠠᠰᠤᠭᠰᠠᠨ ᠮᠠᠯᠴᠢᠨ ᠶᠤᠮ | ᠤᠯᠠᠨ ᠢᠶᠠᠨ ᠲᠠᠭᠠᠭᠤᠯᠵᠤ ᠪᠠᠶᠠᠵᠢᠭᠰᠠᠨ | ᠤᠷᠤᠭᠰᠢ ᠲᠡᠮᠡᠦᠯᠦᠭᠰᠡᠨ ᠬᠦᠴᠦᠳᠡᠨ ᠶᠤᠮ | ᠰᠠᠶᠢᠨ ᠡᠨᠧᠷᠬᠢ ᠶᠢ ᠨᠠᠭᠠᠰᠢᠯᠠᠭᠤᠯᠤᠭᠰᠠᠨ | ᠰᠠᠨᠠᠭᠠ ᠨᠢ ᠴᠠᠶᠢᠯᠭᠠᠨ ᠪᠤᠷᠬᠠᠨ ᠶᠤᠮ | ᠰᠠᠷᠠᠭᠤᠯ ᠨᠤᠳᠤᠭ ᠢᠶᠠᠨ ᠴᠤᠭᠴᠠᠯᠠᠭᠰᠠᠨ | ᠰᠢᠯᠢᠳᠡᠭ ᠨᠠᠮ ᠤᠨ ᠬᠡᠰᠢᠬᠦᠨ ᠶᠤᠮ | ᠠᠪᠤ ᠮᠢᠨᠢ ᠨᠦᠢᠷᠰᠤᠵᠤ ᠬᠤᠯᠠᠳᠠᠭᠰᠠᠨ ᠴᠤ | ᠠᠰᠢᠳᠠ ᠶᠢᠨ ᠠᠯᠳᠠᠷ ᠨᠢ ᠲᠠᠭᠤᠷᠢᠰᠤᠭᠰᠠᠭᠠᠷ | ᠠᠷᠢᠭᠤᠨ ᠲᠠᠷᠬᠠᠨ ᠰᠤᠷᠭᠠᠯ ᠤᠳ ᠨᠢ | ᠠᠶᠠᠯᠠᠯ ᠤᠨ ᠵᠠᠮ ᠢ ᠬᠡᠷᠡᠯᠳᠦᠬᠦᠯᠦᠭᠰᠡᠭᠡᠷ ᠁ | | |