ᠲᠡᠷᠢᠭᠦᠨ ᠬᠠᠭᠤᠳᠠᠰᠤ
ᠲᠣᠶᠢᠮᠣ ᠪᠠᠶᠢᠳᠠᠯ
ᠰᠣᠨᠢᠨ ᠮᠡᠳᠡᠭᠡ
ᠢᠯᠡ ᠵᠠᠰᠠᠭ
ᠦᠢᠯᠡᠴᠢᠯᠡᠭᠡ
ᠰᠣᠶᠣᠯ ᠡᠷᠳᠡᠨᠢ
ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠤᠯ
ᠨᠡᠶᠢᠲᠡᠯᠡᠭᠰᠡᠨ ᠴᠠᠭ᠄
2020/5/11
ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠤᠯ                          ᠵᠣᠬᠢᠶᠠᠭᠴᠢ᠄ ᠲᠡᠷᠬᠡᠯ      ᠨᠢᠳᠤᠨᠤᠨ᠂ ᠡᠪᠤᠯ ᠤᠨ ᠠᠮᠠᠷᠠᠯᠳᠠ ᠪᠠᠷ ᠪᠢ ᠬᠡᠷ ᠲᠡᠭᠡᠨ ᠬᠠᠷᠢᠵᠤ ᠬᠠᠭᠠᠰ ᠰᠠᠷ᠎ᠠ ᠰᠠᠭᠤᠪᠠ᠃ ᠡᠬᠦᠨ ᠠᠴᠠ ᠡᠮᠤᠨ᠎ᠡ ᠪᠠᠷᠤᠭ ᠨᠢᠬᠡ ᠵᠢᠯ ᠬᠡᠷ ᠲᠡᠭᠡᠨ ᠬᠠᠷᠢᠭᠰᠠᠨ ᠥᠬᠡᠢ᠃ ᠲᠡᠬᠡᠬᠡᠤᠨ ᠬᠡᠷ ᠲᠡᠭᠡᠨ ᠬᠠᠷᠢᠵᠤ ᠡᠬᠦᠳᠡ ᠲᠤᠭᠰᠢᠬᠤ ᠶᠢᠨ ᠲᠠᠭᠠᠤ ᠡᠵᠢ ᠮᠢᠨᠢ ᠨᠢᠭᠤᠷ ᠲᠥᠬᠦᠷᠡᠩ ᠢᠨᠢᠶᠡᠳᠤ ᠪᠢᠯᠬᠠᠨ ᠨᠠᠮᠠᠶᠢ ᠲᠤᠰᠬᠤ ᠪᠠᠷ ᠭᠠᠷᠴᠤ ᠢᠷᠡᠪᠡ᠃ ᠭᠠᠯᠳᠤ ᠲᠡᠷᠬᠡᠨ ᠲᠡᠬᠡᠷ᠎ᠡ ᠪᠠᠶᠢᠬᠤ ᠳᠠᠭᠠᠨ ᠪᠢ ᠡᠵᠢ ᠲᠠᠢ ᠪᠠᠨ ᠠᠭᠤᠯᠵᠠᠬᠤ ᠲᠥᠷᠢ ᠪᠠᠶᠢᠳᠠᠯ ᠤᠨ ᠲᠤᠬᠠᠢ ᠬᠡᠴᠢᠨᠡᠨ ᠤᠯᠠᠨ ᠲᠥᠰᠤᠬᠡᠯᠡᠨ ᠪᠤᠳᠤᠭᠰᠠᠨ ᠢ ᠪᠤᠤ ᠮᠡᠳᠡ᠂ ᠬᠡᠳᠡᠯ᠎ᠠ ᠡᠨᠡ ᠴᠠᠭ ᠮᠥᠴᠡ ᠬᠥᠷᠤᠬᠡᠤᠨ ᠢᠷᠡᠬᠦ ᠳᠤᠨᠢ ᠬᠠᠷᠢᠨ ᠭᠠᠭᠴᠠ ᠨᠢᠬᠡ ᠥᠬᠡ ᠶᠢ ᠴᠤ ᠰᠢᠬᠠᠨ ᠭᠠᠷᠭᠠᠵᠤ ᠴᠢᠳᠠᠭᠰᠠᠨ ᠥᠬᠡᠢ᠃ ᠡᠵᠢ ᠬᠠᠷᠢᠨ᠄ ︽ᠮᠢᠨᠤ ᠬᠡᠤᠬᠡᠨ ᠶᠠᠮᠠᠷ ᠢᠴᠢᠮᠡᠳᠡᠬᠡᠢ ᠪᠤᠯᠴᠢᠬᠠᠭᠰᠠᠨ ᠪᠤᠢ︖ ᠥᠬᠡ ᠲᠠᠭᠤ ᠴᠤ ᠴᠥᠬᠡᠨ ᠪᠤᠯᠵᠤ ᠯᠠᠪᠳᠠᠭᠤᠨ ᠲᠤᠮᠤ ᠬᠡᠤᠬᠡᠨ ᠪᠤᠯᠴᠢᠬᠠᠯ᠎ᠠ ︾ ᠬᠡᠮᠡᠨ ᠢᠨᠢᠶᠡᠮᠰᠦᠭᠯᠡᠬᠡᠤᠨ ᠮᠢᠨᠤ ᠶᠠᠭᠤᠮ᠎ᠠ ᠬᠡᠤᠮ᠎ᠡ ᠶᠢ ᠪᠠᠶᠢᠷᠢᠯᠠᠭᠤᠯᠵᠤ ᠲᠠᠯᠪᠢᠨ᠎ᠠ᠃ ᠲᠡᠷᠡ ᠬᠦ ᠭᠱᠠᠨ ᠳᠤ ᠪᠢ ᠡᠵᠢ ᠶᠢᠨ ᠢᠶᠠᠨ ᠨᠢᠭᠤᠷ ᠴᠢᠷᠠᠢ ᠳᠤᠨᠢ ᠠᠪᠠᠷᠢᠨ ᠭᠠᠷᠤᠭᠰᠠᠨ ᠥᠷᠴᠢᠯᠡᠬᠡᠰᠤ᠂ ᠵᠠᠵᠢᠨ ᠥᠰᠤᠨ ᠳᠤᠨᠢ ᠮᠥᠡᠭᠭᠦᠨ ᠬᠢᠷᠠᠭᠤ ᠤᠨᠠᠭᠰᠠᠨ ᠬᠥᠬᠡᠷᠤᠬᠦᠢ ᠲᠥᠷᠢ ᠶᠢ ᠨᠢ ᠰᠡᠮᠬᠡᠨ ᠤᠯᠵᠤ ᠬᠠᠷᠠᠭᠠᠤᠨ ᠶᠠᠭᠤ ᠴᠤ ᠲᠤᠤᠭᠠᠷᠴᠤ ᠴᠢᠳᠠᠭᠰᠠᠨ ᠥᠬᠡᠢ᠂ ᠪᠤᠳᠤᠯ ᠤᠨ ᠬᠥᠨ ᠬᠥᠪ ᠲᠤ ᠤᠨᠠᠭᠰᠠᠨ ᠪᠢᠯᠠ᠃ ᠥᠡᠭᠭᠡᠷᠡᠬᠦ ᠤᠨ ᠵᠢᠯ ᠤᠳ ᠬᠡᠵᠤ ᠶᠡᠷᠤ ᠨᠢ ᠲᠤᠭᠤᠰᠤᠳᠤ ᠶᠢᠷᠳᠢᠨᠴᠤ ᠳᠤ ᠬᠠᠶᠢᠷ᠎ᠠ ᠨᠠᠶᠢᠷ ᠥᠬᠡᠢ ᠪᠠᠶᠢᠳᠠᠭ᠃ ᠥᠷ᠎ᠠ ᠬᠡᠤᠬᠡᠤᠨ ᠤᠨ ᠢᠶᠠᠨ ᠥᠰᠴᠤ ᠲᠤᠮᠤᠭᠠᠵᠢᠬᠤ ᠶᠢ ᠲᠠᠭᠠᠯᠳᠤᠨ ᠡᠵᠢ ᠮᠢᠨᠢ ᠡᠳᠤᠷ ᠠᠴᠠ ᠡᠳᠤᠷ ᠥᠳᠡᠯᠵᠤ ᠬᠥᠭᠰᠢᠷᠡᠵᠤ ᠡᠬᠢᠯᠡᠵᠡᠢ᠃      ᠬᠥᠬᠡᠷᠤᠬᠦᠢ ᠡᠵᠢ ᠮᠢᠨᠢ ᠮᠢᠨᠤ ᠲᠥᠯᠤᠬᠡ ᠯᠠ ᠰᠠᠨᠠᠭᠠᠰᠢᠷᠠᠨ᠎ᠠ᠃  ᠨᠠᠮᠠᠶᠢ ᠬᠡᠷ ᠲᠡᠭᠡᠨ ᠬᠠᠷᠢᠵᠤ ᠢᠷᠡᠭᠰᠡᠨ ᠳᠤ ᠪᠠᠶᠠᠷᠯᠠᠵᠤ ᠪᠠᠶᠢᠪᠠᠴᠤ ᠰᠤᠷᠭᠠᠭᠤᠯᠢ ᠲᠡᠬᠦᠰᠦᠭᠰᠡᠨ ᠤ ᠲᠠᠷᠠᠭᠠᠬᠢ ᠠᠵᠢᠯ ᠠᠮᠢᠳᠤᠷᠠᠯ ᠤᠨ ᠲᠤᠬᠠᠢ ᠰᠠᠨᠠᠭᠠᠰᠢᠷᠠᠵᠤ ᠰᠠᠭᠤᠨ᠎ᠠ᠃ ᠡᠵᠢ ᠶᠢᠨ ᠮᠢᠨᠢ ᠬᠠᠮᠳᠤ ᠠᠵᠢᠯᠯᠠᠭᠰᠠᠤᠨ ᠤᠨ ᠬᠢᠨ ᠬᠡᠤᠬᠡᠤᠨ ᠨᠢ ᠰᠤᠷᠭᠠᠭᠤᠯᠢ ᠲᠡᠬᠦᠰᠤᠬᠡᠤᠨ ᠥᠷᠬᠦᠯᠵᠢᠯᠡᠨ ᠠᠰᠫᠢᠷᠠᠨᠲ ᠳ᠋ᠤᠺᠲ᠋ᠤᠷ ᠰᠢᠯᠭᠠᠭᠤᠯᠤᠭᠰᠠᠨ᠂ ᠭᠠᠳᠠᠭᠠᠳᠤ ᠳᠤ ᠰᠤᠷᠤᠯᠴᠠᠬᠤ ᠪᠠᠷ ᠭᠠᠷᠤᠭᠰᠠᠨ᠂ ᠠᠯᠪᠠᠳᠠᠨ ᠰᠢᠯᠭᠠᠭᠤᠯᠵᠤ ᠨᠤᠳᠤᠭ ᠲᠠᠭᠠᠨ ᠰᠠᠶᠢᠨ ᠪᠠᠶᠢᠭᠤᠯᠭ᠎ᠠ ᠨᠢᠬᠡᠴᠢ ᠳᠤ ᠠᠵᠢᠯᠯᠠᠭᠰᠠᠨ ᠵᠡᠷᠬᠡ ᠪᠤᠰᠤᠤᠨ ᠤᠨ ᠬᠡᠤᠬᠡᠤᠨ ᠤᠨ ᠰᠠᠶᠢᠨ ᠴᠢᠮᠡᠭᠡ ᠶᠢ ᠰᠤᠨᠤᠰᠬᠤ ᠪᠤᠯᠭᠠᠨ ᠥᠪᠡᠷ ᠤᠨ ᠬᠡᠤᠬᠡᠤᠨ ᠤᠨ ᠢᠶᠠᠨ ᠲᠥᠯᠤᠬᠡ ᠪᠤᠳᠤᠯᠭᠠᠰᠢᠷᠠᠵᠤ ᠂ ᠥᠴᠤᠬᠡᠨ ᠴᠤ ᠬᠡᠰᠡᠨ ᠶᠠᠮᠠᠷ ᠨᠢᠬᠡ ᠲᠠᠯ᠎ᠠ ᠪᠠᠷ ᠬᠠᠪᠰᠤᠷᠤᠮᠵᠢ ᠥᠵᠡᠬᠦᠯᠬᠦ ᠬᠡᠵᠤ ᠴᠢᠷᠮᠠᠶᠢᠨ᠎ᠠ᠃ ᠡᠳᠤᠷ ᠪᠥᠷᠢ ᠰᠥᠯᠵᠢᠶ᠎ᠠ ᠠᠴᠠ ᠨᠤᠳᠤᠭ ᠤᠨ ᠪᠠᠶᠢᠭᠤᠯᠭ᠎ᠠ ᠨᠢᠬᠡᠴᠢ ᠶᠢᠨ ᠰᠢᠯᠭᠠᠯᠳᠠ ᠶᠢᠨ ᠰᠤᠷᠠᠭ ᠵᠠᠩᠭᠢ ᠨᠤᠭᠤᠳ ᠠᠴᠠ ᠰᠢᠯᠢᠯᠳᠠ ᠬᠢᠵᠤ ᠨᠠᠳᠠᠳᠤ ᠲᠠᠮᠵᠢᠭᠤᠯᠤᠨ᠎ᠠ᠃ ᠬᠡᠪᠡᠴᠤ ᠮᠢᠨᠤ ᠰᠡᠳᠬᠢᠯ ᠲᠡᠨᠳᠡ ᠥᠬᠡᠢ ᠤᠴᠢᠷ ᠠᠴᠠ ᠪᠢ᠄ ︽ᠵᠠ ᠮᠡᠳᠡᠯ᠎ᠠ᠂ ᠪᠢ ᠪᠤᠳᠤᠯᠬᠢᠯᠠᠵᠤ ᠥᠵᠡᠶ᠎ᠡ︾ ᠬᠡᠮᠡᠨ ᠬᠠᠰᠢ ᠶᠠᠰᠢ ᠪᠠᠷ ᠬᠠᠷᠢᠭᠤᠯᠳᠠᠭ ᠪᠠᠶᠢᠯ᠎ᠠ᠃      ᠲᠡᠬᠦᠰᠬᠦ ᠤᠯᠠᠷᠢᠯ ᠪᠤᠯᠵᠤᠭᠠᠨ ᠳᠠᠭᠠᠨ ᠢᠷᠡᠭᠦ ᠬᠡᠮᠡᠷ ᠤᠶᠢᠢᠷᠠᠳᠠᠯ᠎ᠠ᠃ ᠵᠠᠯᠠᠭᠤ ᠥᠶ᠎ᠡ ᠶᠢᠨ ᠬᠢᠨ ᠤᠨᠴᠠᠯᠠᠭᠳᠠᠬᠤ ᠤᠮᠤᠭ ᠰᠥᠷ ᠤᠷᠬᠢᠯᠤᠮ᠎ᠠ ᠵᠤᠷᠢᠭ ᠤᠨ ᠤᠷᠮᠠᠰᠢᠭᠤᠯᠤᠯ ᠲᠤᠤᠷ᠎ᠠ᠂ ᠪᠢ ᠡᠷᠡᠬᠡᠯᠵᠡᠯ ᠥᠬᠡᠢ ᠪᠠᠷ ᠬᠤᠳᠠ ᠳᠤ ᠥᠯᠡᠳᠡᠵᠤ ᠥᠷᠬᠦᠯᠵᠢᠯᠡᠨ ᠴᠢᠷᠮᠠᠶᠢᠬᠤ ᠰᠢᠢᠳᠪᠤᠷᠢ ᠭᠠᠷᠭᠠᠪᠠ᠃ ᠬᠡᠪᠡᠴᠤ᠂ ᠠᠯᠪᠠᠳᠠᠨ ᠰᠢᠯᠭᠠᠭᠤᠯᠵᠤ ᠨᠤᠳᠤᠭ ᠲᠠᠭᠠᠨ ᠬᠠᠷᠢᠵᠤ ᠠᠮᠤᠭᠤᠯᠠᠩ ᠲᠤᠭᠳᠠᠭᠤᠨ ᠠᠮᠢᠳᠤᠷᠠᠯ ᠢ ᠬᠥᠬᠡᠬᠡᠴᠡᠯᠳᠤᠭᠦ ᠨᠢ ᠬᠠᠮᠤᠭ ᠤᠨ ᠯᠠᠪᠳᠠᠭᠤᠨ ᠰᠤᠩᠭᠤᠯᠳᠠ ᠪᠤᠯᠵᠤ᠂ ᠨᠡᠩ ᠴᠢᠨᠠᠭᠰᠢᠯᠠᠪᠠᠯ ᠨᠡᠶᠢᠬᠡᠮ ᠤᠨ ᠤᠷᠤᠰᠬᠠᠯ ᠮᠡᠳᠤ ᠪᠤᠯᠵᠤ ᠪᠠᠶᠢᠭ᠎ᠠ ᠥᠶ᠎ᠡ ᠳᠤ᠂ ᠮᠢᠨᠤ ᠡᠨᠡ ᠬᠦ ᠰᠢᠢᠳᠪᠤᠷᠢ ᠬᠠᠷᠢᠨ ᠴᠠᠭ ᠥᠶ᠎ᠡ ᠠᠴᠠ ᠲᠡᠷᠰᠯᠡᠭᠰᠡᠨ ᠶᠡᠷᠤ ᠪᠤᠰᠤ ᠶᠢᠨ ᠤᠷᠤᠰᠢᠬᠤᠢ ᠪᠤᠯᠤᠭᠰᠠᠨ ᠰᠢᠬ ᠰᠠᠨᠠᠭᠳᠠᠨ᠎ᠠ᠃ ᠡᠨᠡ ᠯᠠ ᠶᠠᠭᠤ ᠴᠤ ᠪᠠᠶᠢᠬᠤᠪ ᠳ᠋ᠠ᠃ ᠬᠥᠮᠤᠨ ᠤ ᠶᠠᠷᠢᠶ᠎ᠠ ᠬᠡᠯᠡᠯᠴᠡᠭᠡ ᠨᠡᠶᠢᠬᠡᠮ ᠤᠨ ᠤᠷᠤᠰᠬᠠᠯ ᠨᠠᠳᠠᠳᠤ ᠠᠪᠴᠤ ᠬᠡᠯᠡᠪᠡᠯ ᠶᠠᠮᠠᠷ ᠴᠤ ᠨᠥᠯᠤᠬᠡ ᠪᠤᠯᠬᠤ ᠥᠬᠡᠢ᠂ ᠰᠢᠭᠤᠳᠤᠭᠰᠠᠨ ᠵᠤᠷᠢᠭ ᠢ ᠮᠢᠨᠢ ᠬᠡᠨ ᠴᠤ ᠭᠤᠶᠢᠪᠢᠯᠵᠠᠭᠤᠯᠵᠤ ᠴᠢᠳᠠᠬᠤ ᠥᠬᠡᠢ ᠬᠡᠵᠤ ᠯᠠ ᠪᠢ ᠬᠤᠪᠢᠨ ᠳᠠᠭᠠᠨ ᠪᠤᠳᠤᠨ᠎ᠠ᠃ ᠬᠡᠬᠦ ᠳᠤ ᠰᠡᠳᠬᠢᠯ ᠤᠨ ᠬᠥᠨ ᠳᠤ ᠲᠥᠬᠡᠷᠢᠭᠳᠡᠯ ᠰᠠᠨᠠᠭᠠᠰᠢᠷᠠᠯ ᠪᠤᠯᠵᠤ ᠪᠠᠶᠢᠭ᠎ᠠ ᠨᠢ ᠬᠠᠷᠢᠨ ᠬᠤᠷ᠊ ᠣᠠ᠋ ᠶᠢᠨ ᠬᠠᠮᠤᠭ ᠤᠨ ᠡᠨᠡᠷᠢᠩᠭᠦᠢ ᠡᠵᠢ ᠶᠢᠨ ᠮᠢᠨᠢ ᠬᠤᠤᠰ ᠮᠡᠯᠮᠡᠢ᠂ ᠬᠤᠷ᠊ ᠣᠠ᠋ ᠶᠢᠨ ᠬᠠᠮᠤᠭ ᠤᠨ ᠵᠥᠬᠡᠯᠡᠨ ᠡᠵᠢ ᠶᠢᠨ ᠮᠢᠨᠢ ᠵᠢᠷᠤᠬᠡ ᠰᠡᠳᠬᠢᠯ ᠪᠤᠯᠤᠨ᠎ᠠ᠃      ︽ᠮᠢᠨᠤ ᠬᠡᠤᠬᠡᠨ ᠬᠤᠭᠤᠯᠠ ᠪᠠᠨ ᠴᠠᠭ ᠲᠠᠭᠠᠨ ᠢᠳᠡᠬᠡᠷᠡᠢ᠂ ᠵᠢᠮᠢᠰ ᠢᠯᠡᠬᠦᠬᠡᠨ ᠢᠳᠡᠵᠤ ᠪᠠᠶᠢᠭᠠᠷᠠᠢ᠂ ᠪᠡᠶ᠎ᠡ ᠳᠤ ᠴᠢᠨᠢ ᠰᠢᠮ᠎ᠠ ᠲᠡᠵᠢᠬᠡᠯ ᠬᠠᠨᠭ᠍ᠭᠠᠵᠤ ᠥᠭᠳᠡᠭ ᠰᠢᠤ ᠁︾      ︽ᠬᠡᠤᠬᠡ ᠡ᠂ ᠬᠡᠷ ᠤᠨ ᠢᠶᠠᠨ ᠲᠥᠯᠤᠬᠡ ᠰᠠᠨᠠᠭᠠᠰᠢᠷᠠᠭᠰᠠᠨ ᠤ ᠬᠡᠷᠡᠭ ᠥᠬᠡᠢ︕ ᠡᠵᠢ ᠴᠢᠨᠢ ᠪᠠᠶᠢᠪᠠᠯ ᠲᠡᠷᠡ ᠪᠥᠬᠦᠨ ᠢ ᠰᠠᠶᠢᠳᠤᠷ ᠲᠥᠪᠬᠢᠨᠡᠬᠦᠯᠴᠢᠬᠡᠨ᠎ᠡ ᠰᠢᠤ᠂ ᠮᠢᠨᠤ ᠬᠡᠤᠬᠡᠨ ᠰᠤᠷᠤᠯᠭ᠎ᠠ ᠳᠠᠭᠠᠨ ᠢᠯᠡᠬᠦᠬᠡᠨ ᠬᠥᠴᠤ ᠤᠷᠤᠭᠤᠯᠵᠤ ᠪᠠᠢ ᠁︾      ︽ᠬᠡᠤᠬᠡ ᠡ᠂ ᠡᠵᠢ ᠨᠢ ᠰᠠᠶ᠋ᠢᠬᠠᠨ ᠴᠢᠮ᠎ᠠ ᠳᠤ ᠵᠤᠭᠤᠰ ᠢᠯᠡᠬᠡᠭᠰᠡᠨ ᠰᠢᠤ᠂ ᠴᠢ ᠪᠠᠩᠭᠢ ᠶᠢᠨ ᠺᠠᠷᠲ ᠢᠶᠠᠨ ᠥᠵᠡᠬᠡᠷᠡᠢ ᠁︾      ︽ᠮᠢᠨᠤ ᠬᠡᠤᠬᠡᠨ ᠬᠡᠷ ᠲᠡᠭᠡᠨ ᠬᠠᠷᠢᠬᠤ ᠲᠡᠷᠬᠡᠨ ᠪᠢᠯᠧᠲ ᠢᠶᠠᠨ ᠬᠤᠷᠳᠤᠬᠠᠨ ᠠᠪᠤᠭᠠᠷᠠᠢ᠂ ᠬᠡᠳᠤᠢ ᠳᠤ ᠬᠠᠷᠢᠵᠤ ᠢᠷᠡᠭᠦ ᠪᠤᠢ︖ ᠡᠵᠢ ᠨᠢ ᠠᠮᠳᠠᠳᠠᠢ ᠬᠤᠭᠤᠯᠠ ᠪᠡᠯᠡᠳᠬᠡᠵᠤ ᠬᠡᠤᠬᠡᠨ ᠢᠶᠠᠨ ᠲᠤᠰᠬᠤ ᠪᠠᠷ ᠤᠴᠢᠶ᠎ᠠ︕︾ ᠬᠡᠬᠦ ᠮᠡᠳᠤ ᠶᠢᠨ ᠤᠳᠠᠰᠤᠨ ᠴᠠᠭᠠᠨ᠎ᠠ ᠠᠴᠠ ᠲᠤᠭᠤᠯᠳᠠᠭᠰᠠᠨ ᠡᠵᠢ ᠶᠢᠨ ᠮᠢᠨᠢ ᠤᠶᠠᠬᠠᠨ ᠬᠤᠭᠤᠯᠠᠢ ᠤᠶᠠᠷᠠᠭᠤᠨ ᠥᠬᠡ ᠨᠢ ᠰᠤᠷᠭᠠᠭᠤᠯᠢ ᠨᠤᠮ ᠤᠨ ᠮᠥᠷ ᠬᠥᠬᠡᠬᠡᠵᠤ ᠶᠠᠪᠤᠭᠰᠠᠨ ᠠᠷᠪᠠᠭᠠᠤᠨ ᠵᠢᠯ ᠤᠨ ᠲᠤᠷᠰᠢ ᠳᠤ ᠮᠢᠨᠤ ᠰᠡᠳᠬᠢᠯ ᠳᠤ ᠬᠡᠵᠢᠶᠡᠳᠡ ᠲᠤᠯᠠᠭᠠᠬᠠᠨ᠃      ᠨᠢᠯᠬ᠎ᠠ ᠪᠠᠭ᠎ᠠ ᠠᠴᠠ ᠪᠠᠨ ᠡᠷᠳᠡᠮ ᠨᠤᠮ ᠰᠤᠷᠬᠤ ᠬᠡᠤᠨ ᠤᠨᠠᠭᠰᠠᠨ ᠰᠢᠷᠤᠢ ᠤᠤᠭᠤᠭᠰᠠᠨ ᠤᠰᠤᠨ ᠠᠴᠠ ᠪᠠᠨ ᠰᠠᠯᠵᠤ ᠬᠠᠷᠢ ᠨᠤᠳᠤᠭ ᠤᠨ ᠥᠷᠤᠴᠡ ᠴᠡᠬᠡᠵᠢᠨ ᠳᠤ ᠬᠡᠴᠢᠨᠡᠨ ᠤᠳᠠᠭ᠎ᠠ ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠠᠶᠢᠳᠠᠯ ᠢ ᠵᠢᠷᠤᠭᠯᠠᠭᠰᠠᠭᠠᠷ ᠢᠷᠡᠭᠰᠡᠨ ᠶᠤᠮ ᠡ᠂ ᠶᠠᠭ ᠯᠠ ᠤ · ᠯᠾᠬᠠᠪᠠᠰᠦ᠋ᠷᠦᠩ ᠤᠨ ᠰᠢᠯᠦᠭ ᠢᠶᠠᠷ ᠢᠶᠠᠨ ᠢᠯᠡᠳᠬᠡᠭᠰᠡᠨ ᠰᠢᠭ ᠢᠶᠠᠷ᠄      ︽ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠬᠤ ᠳᠤ      ᠬᠠᠪᠤᠷ ᠤᠨ ᠰᠢᠪᠠᠭᠤᠤᠨ ᠴᠠᠭ ᠠᠴᠠ ᠪᠠᠨ ᠡᠷᠳᠡ ᠢᠷᠡᠳᠡᠭ      ᠬᠠᠷᠠᠵᠠᠨ ᠤ ᠤᠰᠤ ᠨᠢ ᠭᠤᠤᠯ ᠠᠴᠠ ᠪᠠᠨ ᠡᠬᠢᠯᠡᠵᠤ ᠬᠡᠰᠳᠡᠭ      ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠤᠯᠬᠤᠷ      ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠬᠤ ᠳᠤ      ᠲᠡᠭᠷᠢ ᠶᠢᠨ ᠤᠳᠤᠤᠨ ᠨᠠᠭᠤᠷ ᠲᠤ ᠡᠷᠬᠢᠯᠳᠤᠳᠡᠭ      ᠲᠡᠷᠬᠡᠯ ᠰᠠᠷᠠᠨ ᠬᠡᠷ ᠤᠨ ᠬᠠᠶᠠᠭᠠᠨ ᠳᠤ ᠬᠤᠨᠤᠳᠠᠭ      ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠤᠯᠬᠤᠷ      ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠬᠤ ᠳᠤ      ᠴᠡᠯᠮᠡᠭ ᠲᠡᠭᠷᠢ ᠵᠤᠯᠠᠢ ᠥᠨᠤᠰᠴᠤ      ᠴᠡᠴᠡᠭ ᠪᠥᠬᠦᠨ ᠥᠬᠡᠳᠡ ᠠᠴᠠ ᠢᠨᠢᠶᠡᠳᠡᠭ      ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠤᠯᠬᠤᠷ      ᠵᠢᠷᠭᠠᠯ ᠨᠠᠳᠠ ᠲᠠᠢ ᠬᠥᠬᠡᠬᠡᠴᠡᠯᠳᠤᠨ ᠲᠤᠭᠯᠠᠳᠠᠭ      ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠤᠯᠬᠤᠷ      ᠡᠵᠢ ᠶᠢᠨ ᠬᠠᠶᠢᠷ᠎ᠠ ᠶᠢᠨ ᠬᠤᠶᠢᠮᠤᠷ ᠲᠤ ᠨᠠᠷᠠᠨ ᠮᠠᠨᠳᠤᠨ᠎ᠠ      ᠡᠵᠢ ᠶᠢᠨ ᠰᠡᠳᠬᠢᠯ ᠤᠨ ᠬᠡᠶᠢᠮᠤᠷᠢ ᠳᠤᠨᠢ ᠰᠡᠳᠬᠢᠯ ᠪᠠᠳᠠᠷᠠᠨ᠎ᠠ      ᠡᠵᠢ ᠶᠢᠨ ᠢᠶᠠᠨ ᠲᠡᠷᠬᠡᠳᠡ ᠪᠠᠶᠢᠬᠤ ᠳᠤ ᠰᠦ ᠥᠨᠤᠷᠳᠤᠨ᠎ᠡ      ᠡᠵᠢ ᠶᠢᠨ ᠢᠶᠠᠨ ᠲᠡᠷᠬᠡᠳᠡ ᠪᠠᠶᠢᠬᠤ ᠳᠤ ᠰᠥᠯᠳᠡ ᠮᠢᠨᠢ ᠰᠡᠷᠬᠦᠨ᠎ᠡ︾      ᠪᠢ ᠡᠵᠢ ᠳᠡᠭᠡᠨ ᠬᠤᠳᠠ ᠳᠤ ᠥᠯᠡᠳᠡᠭᠦ ᠰᠢᠢᠳᠪᠤᠷᠢ ᠪᠠᠨ ᠶᠠᠷᠢᠬᠤ ᠠᠴᠠ ᠪᠠᠨ ᠡᠷᠡᠬᠡᠯᠵᠡᠨ᠎ᠡ᠃ ᠰᠤᠷᠭᠠᠭᠤᠯᠢ ᠲᠡᠬᠦᠰᠬᠦ ᠶᠢ ᠬᠥᠯᠢᠶᠡᠭᠰᠡᠨ ︽ᠬᠡᠤᠬᠡᠨ ᠮᠢᠨᠢ ᠲᠡᠷᠬᠡᠳᠡ ᠪᠤᠯᠤᠯ᠎ᠠ︾ ᠬᠡᠰᠡᠨ ᠡᠵᠢ ᠶᠢᠨ ᠬᠠᠯᠠᠭᠤᠨ ᠰᠡᠳᠬᠢᠯ ᠳᠤ᠂ ᠪᠢ ᠥᠷᠬᠦᠯᠵᠢᠯᠡᠨ ᠬᠡᠷ ᠠᠴᠠ ᠪᠠᠨ ᠬᠤᠯᠠ ᠴᠢᠷᠮᠠᠶᠢᠨ ᠠᠵᠢᠯᠯᠠᠵᠤ ᠰᠤᠷᠤᠯᠴᠠᠬᠤ ᠲᠤᠬᠠᠢ ᠰᠢᠢᠳᠪᠤᠷᠢ ᠪᠠᠨ ᠬᠡᠷᠬᠢᠨ ᠲᠡᠯᠬᠡᠨ ᠶᠠᠷᠢᠬᠤ ᠪᠢᠯᠠ︖ ᠪᠠᠭ᠎ᠠ ᠳᠠᠭᠠᠨ ᠨᠤᠮ ᠪᠢᠴᠢᠭ ᠡᠬᠢᠯᠡᠵᠤ ᠰᠤᠷᠤᠭᠰᠠᠨ ᠴᠠᠭ ᠠᠴᠠ᠂ ᠡᠵᠢ ᠶᠢᠨ ᠢᠶᠠᠨ ᠬᠥᠮᠤᠨ ᠪᠤᠯᠭᠠᠭᠰᠠᠨ ᠠᠴᠢ ᠶᠢ ᠰᠢᠬᠦᠳᠡᠷᠢ ᠶᠢᠨ ᠤᠰᠤ ᠪᠠᠷ ᠴᠠᠢ ᠴᠢᠨᠠᠭᠰᠠᠨ ᠴᠤ ᠬᠠᠷᠢᠭᠤᠯᠵᠤ ᠥᠯᠤ ᠴᠢᠳᠠᠨ᠎ᠠ ᠬᠡᠮᠡᠨ ᠤᠡᠭᠰᠢᠵᠤ ᠯᠠ ᠪᠠᠶᠢᠭᠰᠠᠨ ᠪᠢ ᠴᠢᠨᠢ ᠤᠳᠤ ᠬᠥᠮᠤᠨ ᠪᠤᠯᠵᠤ ᠥᠰᠦᠭᠰᠡᠨ ᠬᠤᠶᠢᠨ᠎ᠠ ᠬᠠᠷᠢᠨ ᠬᠠᠶᠢᠷᠠᠳᠠᠢ ᠡᠵᠢ ᠪᠠᠨ ᠪᠤᠷᠤ ᠬᠡᠷ ᠲᠡᠭᠡᠨ ᠥᠯᠡᠳᠡᠬᠡᠵᠤ ᠬᠠᠶᠠᠬᠤ ᠬᠡᠤᠨ ᠪᠤᠢ᠃ ᠡᠬᠡ ᠶᠢᠨ ᠰᠠᠨᠠᠭ᠎ᠠ ᠥᠷ᠎ᠠ ᠳᠤ᠂ ᠥᠷ᠎ᠠ ᠶᠢᠨ ᠰᠠᠨᠠᠭ᠎ᠠ ᠠᠭᠤᠯᠠᠨ ᠳᠤ᠃ ᠬᠤᠳᠠ ᠳᠤ ᠥᠯᠡᠳᠡᠬᠦ ᠬᠡᠰᠡᠨ ᠰᠢᠢᠳᠪᠤᠷᠢ ᠮᠠᠨᠢ ᠬᠠᠷᠢ ᠨᠤᠳᠤᠭ ᠤᠨ ᠠᠮᠢᠳᠤᠷᠠᠯ ᠪᠠ ᠡᠵᠢ ᠪᠢᠳᠡ ᠬᠤᠶᠠᠷ ᠤᠨ ᠬᠤᠭᠤᠷᠤᠨᠳᠤᠬᠢ ᠠᠶᠠᠨ ᠤ ᠵᠠᠢ ᠶᠢ ᠥᠷᠬᠦᠯᠵᠢᠯᠡᠨ ᠥᠯᠤ ᠮᠡᠳᠡᠭᠦ ᠬᠤᠭᠤᠴᠠᠭ᠎ᠠ ᠪᠠᠷ ᠤᠷᠳᠤᠳᠬᠠᠭᠰᠠᠨ ᠶᠤᠮ᠃ ᠬᠤᠳᠠ ᠶᠢᠨ ᠬᠥᠷᠤᠰᠤᠨ ᠳᠤ ᠬᠥᠰᠡᠯ ᠵᠡᠬᠦᠳᠤ ᠪᠠᠨ ᠤᠷᠭᠤᠭᠤᠯᠵᠤ ᠶᠠᠪᠤᠭᠰᠠᠨ ᠬᠡᠤᠬᠡᠨ ᠨᠤᠳᠤᠭ ᠤᠨ ᠰᠠᠯᠬᠢᠨ ᠤ ᠰᠢᠪᠡᠨᠡᠭᠡ ᠪᠠᠨ ᠲᠤᠳᠤ ᠤᠯᠵᠤ ᠰᠤᠨᠤᠰᠬᠤ ᠪᠠᠨ ᠪᠤᠯᠢᠵᠠᠢ᠂ ᠨᠡᠷᠡᠳᠤ ᠲᠡᠯᠡᠬᠡᠢ ᠶᠢᠨ ᠥᠡᠭᠭᠡ ᠰᠢᠮ᠎ᠠ ᠶᠢ ᠡᠳ᠋ᠯᠡᠵᠤ ᠶᠠᠪᠤᠬᠤ ᠡᠳᠤᠷ ᠬᠤᠨᠤᠭ ᠤᠳ ᠢ ᠬᠠᠶᠢᠷᠠᠯᠠᠭᠰᠠᠨ ᠠᠷᠤ ᠬᠡᠷ ᠤᠨ ᠪᠤᠷᠬᠠᠨ ᠡᠵᠢ ᠪᠠᠨ ᠴᠤ ᠪᠤᠳᠤᠯ ᠳᠠᠭᠠᠨ ᠯᠠ ᠰᠠᠶ᠋ᠢ ᠡᠷᠬᠢᠬᠦᠯᠵᠤ ᠴᠢᠳᠠᠳᠠᠭ ᠪᠤᠯᠵᠠᠢ᠃ ᠬᠤᠪᠢ ᠵᠠᠶᠠᠭᠠᠨ ᠤ ᠰᠤᠩᠭᠤᠯᠳᠠ ᠶᠢᠨ ᠡᠷᠬᠡ ᠪᠠᠨ ᠡᠵᠡᠮᠳᠡᠭᠦ ᠶᠢᠨ ᠲᠠᠭᠠᠤ ᠳᠠᠭᠠᠨ ᠥᠷᠡᠭᠳᠡᠬᠦᠯᠬᠦ ᠠᠴᠠ ᠪᠢ ᠡᠵᠢ ᠪᠠᠨ ᠰᠤᠩᠭᠤᠯ᠎ᠠ᠃      ︽ᠵᠠ᠂ ᠮᠢᠨᠤ ᠬᠡᠤᠬᠡᠨ ᠬᠥᠮᠤᠨ ᠤ ᠵᠡᠷᠬᠡ ᠳᠤ ᠶᠠᠪᠤᠵᠤ᠂ ᠬᠥᠰᠡᠯ ᠵᠤᠷᠢᠭ ᠤᠨ ᠢᠶᠠᠨ ᠲᠥᠯᠤᠬᠡ ᠮᠠᠷᠠᠶᠢᠵᠤ ᠶᠠᠪᠤᠬᠤ ᠨᠢ ᠲᠥᠮᠡᠨ ᠵᠥᠪ ᠡ᠂ ᠡᠵᠢ ᠨᠢ ᠴᠢᠮᠠᠶᠢᠢ ᠬᠡᠵᠢᠶᠡᠳᠡ ᠲᠡᠮᠵᠢᠨ᠎ᠡ᠂ ᠬᠡᠪᠡᠴᠤ ᠲᠡᠷᠡ ᠠᠶᠠᠨ ᠵᠠᠮ᠂ ᠶᠠᠪᠤᠴᠠ ᠥᠡᠭᠭᠡᠷᠡᠯᠳᠡ ᠶᠡᠷᠤ ᠨᠢ ᠬᠠᠯᠠ ᠲᠠᠢ ᠪᠠᠶᠢᠳᠠᠭ ᠰᠢᠤ ᠁︾ ᠬᠡᠵᠤ ᠡᠵᠢ ᠮᠢᠨᠢ ᠰᠠᠨᠠᠭ᠎ᠠ ᠪᠤᠯᠵᠤ ᠯᠠ ᠪᠠᠶᠢᠨ᠎ᠠ᠃      ᠡᠵᠢ ᠬᠥᠮᠤᠨ ᠤ ᠰᠡᠳᠬᠢᠯ ᠴᠠᠶᠢᠯᠭᠠᠨ ᠪᠠᠶᠢᠳᠠᠭ᠂ ᠬᠡᠵᠢᠶ᠎ᠠ ᠡᠬᠦᠷᠢᠳᠡ ᠥᠷ᠎ᠠ ᠪᠠᠨ ᠪᠤᠷᠤᠭᠤᠰᠢᠶᠠᠳᠠᠭ ᠥᠬᠡᠢ᠃ ᠡᠵᠢ ᠬᠥᠮᠤᠨ ᠤ ᠰᠡᠳᠬᠢᠯ ᠠᠭᠤᠤ ᠪᠠᠶᠢᠳᠠᠭ᠂ ᠬᠡᠵᠢᠶ᠎ᠡ ᠡᠬᠦᠷᠢᠳᠡ ᠥᠷ᠎ᠠ ᠳᠡᠭᠡᠨ ᠭᠤᠮᠤᠳᠠᠳᠠᠭ ᠥᠬᠡᠢ᠃ ᠬᠥᠮᠤᠨ ᠤ ᠤᠷᠴᠢᠯᠠᠩ ᠤᠨ ᠥᠨᠢ ᠮᠥᠡᠭᠭᠡ ᠡᠨᠡ ᠰᠡᠳᠬᠢᠯ ᠯᠠ ᠪᠠᠶᠢᠯᠬᠦᠢ᠃      ᠬᠠᠷᠢ ᠨᠤᠳᠤᠭ ᠤᠨ ᠨᠠᠷᠠ ᠰᠠᠯᠬᠢ ᠪᠠᠷ ᠲᠠᠰᠢᠭᠤᠷᠳᠠᠭᠤᠯᠵᠤ ᠶᠠᠪᠤᠬᠤ ᠪᠠᠷ      ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠤᠯ ᠁      ᠬᠠᠷᠢ ᠨᠤᠳᠤᠭ ᠤᠨ ᠵᠡᠬᠡᠯᠢ ᠭᠤᠳᠤᠮᠵᠢ ᠪᠠᠷ ᠭᠤᠨᠭ᠍ᠰᠦ᠋ᠢᠨ ᠠᠯᠬᠤᠯᠠᠬᠤ ᠪᠠᠷ      ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠤᠯ ᠁      ᠬᠠᠷᠢ ᠨᠤᠳᠤᠭ ᠤᠨ ᠬᠤᠭᠤᠯᠠ ᠤᠮᠳᠠ ᠳᠤ ᠲᠠᠳᠬᠤ ᠥᠬᠡᠢ ᠲᠥᠳᠤᠨᠡᠬᠦ ᠪᠠᠷ      ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠤᠯ ᠁      ᠬᠠᠷᠢ ᠨᠤᠳᠤᠭ ᠤᠨ ᠰᠥᠨᠢ ᠶᠢᠨ ᠬᠥᠨ ᠭᠤᠳᠤᠷᠠᠨ ᠤᠶᠢᠢᠳᠬᠠᠷᠯᠠᠬᠤ ᠪᠠᠷ      ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠤᠯ ᠁      ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠤᠯ ᠁      ᠡᠵᠢ ᠶᠢᠨ ᠰᠡᠳᠬᠢᠯ ᠡᠬᠦᠷᠢᠳᠡ ᠥᠷ᠎ᠠ ᠶᠢᠨ ᠢᠶᠠᠨ ᠲᠡᠷᠬᠡᠳᠡ ᠁      ᠬᠤᠪᠢ ᠵᠠᠶᠠᠭ᠎ᠠ ᠪᠠᠨ ᠥᠪᠡᠷ ᠢᠶᠠᠨ ᠡᠵᠡᠮᠳᠡᠬᠦ ᠬᠡᠤᠨ ᠪᠢ ᠡᠵᠢ ᠠᠴᠠ ᠪᠠᠨ ᠡᠷᠴᠢ ᠵᠤᠷᠢᠭ ᠭᠤᠶᠤᠳᠠᠭ᠂ ᠡᠩ ᠤᠨ ᠲᠤᠮᠳᠠ ᠰᠤᠳᠤᠨ ᠪᠤᠯᠬᠤ ᠪᠠᠷ ᠮᠡᠷᠡᠶᠢᠬᠦ ᠳᠡᠭᠡᠨ ᠪᠢ ᠡᠵᠢ ᠠᠴᠠ ᠪᠠᠨ ᠰᠢᠳᠢ ᠬᠥᠴᠤᠨ ᠬᠥᠰᠡᠳᠡᠭ᠃      ᠡᠵᠢ ᠬᠡᠳᠡᠭ ᠨᠢᠬᠡ ᠯᠠ ᠥᠬᠡᠨ ᠳᠤ ᠥᠡᠭᠭᠡᠪᠴᠢᠬᠡᠨ ᠬᠤᠷ᠊ ᠣᠠ᠋ ᠶᠢᠨ ᠠᠯᠢᠪᠠ ᠲᠤᠳᠤᠨᠤ ᠲᠤᠯᠠᠭᠠᠨ ᠬᠤᠷᠢᠶᠠᠩᠭᠤᠶᠢᠢᠯᠠᠭᠳᠠᠵᠤ᠂ ᠡᠵᠢ ᠬᠡᠳᠡᠭ ᠨᠢᠬᠡ ᠥᠬᠡᠨ ᠳᠤ ᠬᠡᠴᠢᠨᠡᠨ ᠤᠯᠠᠨ ᠡᠷᠡᠰ ᠬᠠᠳᠠᠭᠤ ᠥᠷ᠎ᠠ ᠵᠢᠷᠤᠬᠡ ᠶᠢᠨ ᠤᠶᠠᠷᠠᠵᠤ ᠤᠬᠢᠯᠠᠬᠤ ᠶᠢ ᠰᠢᠩᠭᠡᠭᠡᠭᠰᠡᠨ ᠢ ᠬᠡᠨ ᠮᠡᠳᠡᠳᠡᠭ ᠪᠢᠯᠠ︖ ᠥᠡᠭᠭᠡᠷᠡᠭᠰᠡᠨ ᠳᠤ ᠪᠢ ᠨᠢᠬᠡ ᠨᠠᠶᠢᠵᠨ ᠶᠢᠨ ᠢᠶᠠᠨ ︽ᠮᠢᠨᠤ ᠲᠤᠯᠠᠭᠠᠨ ᠪᠠᠶᠢᠰᠢᠩ︾ ᠬᠡᠮᠡᠬᠦ ᠶᠠᠷᠢᠶ᠎ᠠ ᠢᠯᠡᠳᠬᠡᠯ ᠢ ᠰᠤᠨᠤᠰᠴᠤ ᠪᠠᠶᠢᠭᠰᠠᠨ ᠶᠤᠮ᠃ ᠨᠠᠶᠢᠵᠨ ᠶᠢᠨ ᠢᠯᠡᠳᠬᠡᠯ ᠳᠡᠭᠡᠨ ᠶᠢᠷᠳᠢᠨᠴᠤ ᠶᠢᠨ ᠲᠥᠮᠡᠨ ᠬᠡᠷᠡᠭ ᠪᠤᠳᠠᠰ ᠲᠤ ᠴᠥᠮ ᠰᠢᠯᠳᠠᠭᠠᠨ ᠥᠷ᠎ᠠ ᠶᠢᠨ ᠪᠤᠳᠤᠯᠢᠶᠠᠨᠳᠤ ᠬᠠᠷᠢᠴᠠᠭ᠎ᠠ ᠲᠠᠢ ᠪᠠᠶᠢᠳᠠᠭ᠂ ᠬᠡᠪᠡᠴᠤ ᠭᠠᠭᠴᠠ ᠨᠢᠬᠡ ᠬᠡᠷ ᠲᠡᠭᠡᠨ ᠬᠠᠷᠢᠬᠤ ᠤᠴᠢᠷ ᠲᠤ ᠶᠠᠮᠠᠷ ᠴᠤ ᠰᠢᠯᠳᠠᠭᠠᠨ ᠬᠡᠷᠡᠭ ᠥᠬᠡᠢ ᠬᠡᠮᠡᠨ ᠥᠬᠦᠯᠡᠭᠰᠡᠨ ᠨᠢ ᠨᠠᠮᠠᠶᠢ ᠰᠤᠷᠮᠤᠤᠰᠤ ᠴᠢᠬᠢᠭᠳᠡᠬᠦᠯᠵᠤ ᠪᠠᠶᠢᠭᠰᠠᠨ ᠰᠠᠠ᠃ ᠲᠡᠶᠢᠮᠤ ᠡ᠂ ᠬᠡᠷ ᠨᠤᠳᠤᠭ ᠲᠠᠭᠠᠨ ᠬᠠᠷᠢᠬᠤ ᠳᠤ ᠶᠠᠮᠠᠷ ᠴᠤ ᠰᠢᠯᠳᠠᠭᠠᠨ ᠬᠡᠷᠡᠭ ᠥᠬᠡᠢ᠂ ᠡᠵᠢ ᠶᠢᠨ ᠢᠶᠠᠨ ᠲᠡᠷᠬᠡᠳᠡ ᠤᠴᠢᠬᠤ ᠳᠤ ᠨᠡᠩ ᠴᠤ ᠰᠢᠯᠳᠠᠭᠠᠨ ᠬᠡᠷᠡᠭ ᠥᠬᠡᠢ᠃      ᠬᠡᠪᠡᠴᠤ ᠡᠵᠢ ᠶᠢᠨ ᠢᠶᠠᠨ ᠲᠡᠷᠬᠡᠳᠡ ᠶᠠᠮᠠᠷ ᠪᠠᠶᠢᠳᠠᠯ ᠲᠠᠢ ᠪᠠᠷ ᠪᠠᠶᠢᠬᠤ ᠨᠢ ᠨᠡᠩ ᠴᠢᠬᠤᠯᠠ ᠶᠤᠮ᠃ ᠡᠵᠢ ᠲᠠᠢ ᠪᠠᠨ ᠬᠠᠮᠳᠤ ᠪᠠᠶᠢᠭᠰᠠᠭᠠᠷ ᠠᠵᠤ ᠠᠮᠢᠳᠤᠷᠠᠯ ᠥᠬᠡᠳᠡ ᠤᠷᠤᠭᠰᠢ ᠪᠤᠯᠳᠠᠭ ᠬᠡᠰᠡᠨ ᠲᠡᠳᠤᠢ ᠪᠢᠰᠢ᠂ ᠬᠠᠷᠢᠨ ᠬᠥᠮᠤᠨ ᠪᠥᠬᠦᠨ ᠬᠤᠪᠢ ᠪᠡᠶ᠎ᠡ ᠶᠢᠨ ᠴᠢᠷᠮᠠᠶᠢᠯᠭ᠎ᠠ ᠪᠠᠷ ᠢᠶᠠᠨ ᠡᠪᠯᠡᠬᠦᠨ ᠠᠮᠢᠳᠤᠷᠠᠯ ᠢ ᠰᠤᠯᠢᠳᠠᠭ᠃ ᠠᠳᠠᠯᠢᠬᠠᠨ ᠶᠤᠰᠤ ᠪᠠᠷ ᠮᠢᠨᠤᠬᠢ ᠥᠡᠭᠭᠡᠷᠡᠬᠦᠯᠦᠭᠰᠡᠨ ᠬᠤᠷᠢᠭᠠᠤᠨ ᠵᠢᠯ ᠤᠨ ᠲᠠᠭᠠᠳᠠᠢ ᠠᠮᠢᠳᠤᠷᠠᠯ ᠪᠤᠯ ᠡᠵᠢ ᠶᠢᠨ ᠮᠢᠨᠢ ᠬᠥᠯᠤᠰᠤ ᠬᠥᠳᠡᠯᠮᠤᠷᠢ ᠪᠠᠷ ᠲᠠᠪᠢᠰᠬᠡᠷᠯᠡᠭᠰᠡᠨ ᠪᠢᠯᠡ᠃ ᠰᠠᠷ᠎ᠠ ᠬᠤᠨᠤᠭ ᠤᠳ ᠥᠡᠭᠭᠡᠷᠡᠨ ᠤᠳᠬᠤ ᠳᠠᠭᠠᠨ ᠡᠵᠢ ᠶᠢᠨ ᠮᠢᠨᠢ ᠵᠠᠯᠠᠭᠤ ᠽᠠᠨᠳᠠᠨ ᠵᠢᠰᠤ ᠴᠢᠷᠠᠢ ᠪᠠ ᠴᠢᠬᠢᠷᠠᠭ ᠲᠡᠩᠭᠡᠯᠡᠬᠦᠨ ᠪᠡᠶ᠎ᠡ ᠮᠠᠬᠠᠪᠤᠤᠨ ᠢ ᠬᠠᠮᠳᠤ ᠳᠠᠭᠠᠨ ᠤᠷᠤᠰᠬᠠᠨ ᠥᠡᠭᠭᠡᠷᠡᠬᠦᠯᠦᠭᠰᠡᠨ ᠪᠤᠯᠪᠠᠴᠤ ᠬᠠᠷᠢᠨ ᠨᠠᠳᠠᠳᠤ ᠤᠯᠠᠮ ᠠᠴᠠ ᠪᠤᠯᠪᠠᠰᠤᠷᠠᠩᠭᠤᠢ ᠬᠥᠴᠤᠨ ᠴᠢᠳᠠᠪᠤᠷᠢ ᠶᠢ ᠪᠥᠷᠢᠯᠳᠤᠬᠦᠯᠵᠤ ᠥᠭᠭᠦᠭᠰᠡᠨ ᠶᠤᠮ᠃ ᠡᠵᠢ ᠶᠢᠨ ᠢᠶᠠᠨ ᠵᠠᠵᠢᠨ ᠬᠢᠷᠠᠭᠤ ᠶᠢ ᠨᠢ ᠬᠠᠷᠠᠬᠤ ᠪᠤᠯᠭᠠᠨ ᠳᠤ ᠪᠢ ᠡᠨᠡ ᠨᠢ ᠯᠠᠪ ᠡᠵᠢ ᠮᠢᠨᠢ ᠤᠷᠳᠤ ᠬᠠᠷ᠎ᠠ ᠥᠰᠤ ᠪᠠᠨ ᠨᠠᠳᠠᠳᠤ ᠬᠠᠶᠢᠷᠠᠯᠠᠭᠰᠠᠨ ᠤ ᠤᠴᠢᠷ ᠶᠤᠮ ᠡ ᠬᠡᠵᠤ ᠪᠤᠳᠤᠳᠠᠭ᠃ ᠲᠡᠬᠡᠪᠡᠯ ᠬᠤᠵᠢᠮ ᠢᠷᠡᠬᠡᠳᠤᠢ ᠶᠢᠨ ᠠᠮᠢᠳᠤᠷᠠᠯ ᠳᠤ ᠡᠵᠢ ᠳᠡᠭᠡᠨ ᠲᠠᠭᠠᠯᠠᠮᠵᠢᠳᠠᠢ ᠠᠮᠢᠳᠤᠷᠠᠯ ᠤᠨ ᠤᠷᠴᠢᠨ ᠬᠠᠨᠭ᠍ᠭᠠᠬᠤ ᠶᠢᠨ ᠲᠥᠯᠤᠬᠡ ᠪᠢ ᠵᠠᠪᠠᠯ ᠥᠪᠡᠷ ᠤᠨ ᠪᠡᠶ᠎ᠡ ᠳᠡᠭᠡᠨ ᠬᠠᠳᠠᠭᠤ ᠴᠢᠩᠭ᠎ᠠ ᠱᠠᠭᠠᠷᠳᠠᠯᠭ᠎ᠠ ᠲᠠᠯᠪᠢᠭᠰᠠᠨ ᠪᠠᠶᠢᠬᠤ ᠬᠡᠷᠡᠭᠳᠡᠢ᠃      ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠤᠯ      ᠪᠠᠶᠠᠰᠤᠯ ᠪᠢᠯᠬᠠᠭᠰᠠᠨ ᠠᠮᠢᠳᠤᠷᠠᠯ ᠢ ᠡᠳ᠋ᠯᠡᠬᠦ ᠶᠤᠰᠤᠳᠠᠢ      ᠡᠵᠢ ᠮᠢᠨᠢ ᠲᠡᠷᠬᠡᠳᠡ ᠪᠠᠶᠢᠭ᠎ᠠ ᠪᠤᠯ      ᠪᠠᠶᠠᠷ ᠵᠢᠷᠭᠠᠯ ᠢᠶᠠᠷ ᠮᠥᠰᠢᠶᠡᠭᠰᠡᠨ ᠪᠠᠶᠢᠬᠤ ᠶᠤᠰᠤᠳᠠᠢ      ᠬᠡᠤᠬᠡᠨ ᠤ ᠪᠠᠨ ᠠᠵᠢᠯ ᠤᠶᠢᠯᠡᠰ ᠤᠨ ᠤᠷᠤᠭᠰᠢᠳᠠᠢ ᠪᠠᠶᠢᠬᠤ ᠳᠤᠨᠢ ᠲᠤᠭᠳᠤᠯᠤᠨ ᠪᠠᠶᠠᠰᠴᠤ᠂      ᠬᠡᠤᠬᠡᠨ ᠤ ᠪᠠᠨ ᠬᠠᠨᠭ᠍ᠭᠠᠭᠰᠠᠨ ᠲᠠᠭᠠᠯᠠᠮᠵᠢᠳᠠᠶᠢᠬᠠᠨ ᠤᠷᠴᠢᠨ ᠳᠤ ᠬᠠᠨᠤᠮᠵᠢᠳᠠᠢ ᠠᠮᠢᠳᠤᠷᠠᠬᠤ ᠡᠵᠢ ᠶᠢᠨ ᠢᠶᠠᠨ ᠲᠡᠷᠬᠡᠳᠡ ᠪᠠᠶᠢᠬᠤ ᠳᠠᠭᠠᠨ ᠪᠢ ᠬᠡᠵᠢᠶ᠎ᠠ ᠥᠷᠬᠦᠯᠵᠢ ᠴᠡᠬᠡᠵᠢ ᠲᠠᠨᠢᠢᠨ ᠨᠢᠷᠤᠭᠤ ᠠᠰᠬᠠᠨ ᠪᠠᠶᠢᠳᠠᠭ᠃
 
ᠢᠷᠡᠯᠲᠡ᠄ ᠲᠦᠩᠯᠢᠶᠤᠤ ᠮᠤᠩᠭᠤᠯ ᠰᠦᠯᠵᠢᠶ᠎ᠡ
 
 
ᠬᠠᠮᠢᠶ᠎ᠡ ᠪᠦᠬᠦᠢ ᠰᠣᠨᠢᠨ
  
2014-2015 ©  ᠦᠪᠦᠷ ᠮᠣᠩᠭᠤᠯ ᠤᠨ ᠮᠦᠩᠭᠡᠭᠠᠯ ᠰᠣᠹᠲ ᠤᠨ ᠬᠤᠪᠢᠴᠠᠭᠠᠨ ᠤ ᠬᠢᠵᠠᠭᠠᠷᠲᠦ ᠺᠣᠮᠫᠠᠨᠢ ᠪᠦᠬᠦ ᠵᠦᠢᠯ ᠬᠠᠤᠯᠢ ᠪᠠᠷ ᠬᠠᠮᠠᠭᠠᠯᠠᠭᠳᠠᠭᠰᠠᠨ᠂ ᠵᠦᠪᠰᠢᠶᠡᠷᠡᠯ ᠦᠭᠡᠢ ᠪᠠᠷ ᠬᠠᠭᠤᠯᠪᠤᠷᠢᠯᠠᠬᠤ ᠶᠢ ᠡᠷᠡᠰ ᠬᠤᠷᠢᠭᠯᠠᠨ᠎ᠠ 蒙ICP备05070829号