| — ᠰᠠᠷᠠᠯᠠᠩ ᠴᠡᠴᠡᠭ ᠤᠨ ᠳᠡᠯᠭᠡᠷᠡᠬᠦ ᠶᠢ ᠰᠤᠨᠢᠷᠬᠠᠭᠠᠳ | ᠤᠭ᠍ᠶᠤᠷᠠᠬᠰᠠᠨ ᠨᠠᠪᠴᠢᠰ ᠲᠤᠨᠢ ᠬᠦᠰᠡᠯ ᠢᠶᠠᠨ ᠲᠡᠵᠢᠭᠡᠭᠰᠡᠨ | ᠤᠨᠠᠮᠠ ᠳᠤᠰᠤᠮᠠ ᠴᠠᠶᠢᠯᠭᠠᠨ ᠨᠠᠰᠤ | ᠤᠯᠠᠯᠵᠠᠭᠰᠠᠨ ᠬᠡᠯᠲᠡᠰ ᠲᠤᠨᠢ ᠬᠠᠶᠢᠷᠠ ᠪᠠᠨ ᠢᠯᠡᠭᠡᠭᠰᠡᠨ | ᠤᠬᠠᠭᠠᠨ ᠪᠤᠳᠤᠯ ᠤᠨ ᠲᠤᠷᠭᠠᠨ ᠡᠷᠢᠨ | ᠦᠪᠤᠶᠢᠯᠭᠡᠭᠰᠡᠨ ᠮᠠᠯᠠᠭᠠᠢ ᠪᠠᠷ ᠢᠶᠠᠨ ᠡᠭᠦᠯᠡᠰ ᠢ ᠭᠡᠳᠡᠭᠡᠯᠡᠨ | ︽ᠦᠴᠦᠭᠡᠳᠦᠷ ᠰᠦᠨᠢ ᠶᠢᠨ ᠤᠳᠤᠳ︾ ᠢᠶᠠᠨ ᠳᠠᠭᠤᠯᠠᠵᠤ | ᠦᠷᠭᠡᠨ ᠰᠢᠷᠬᠤᠨᠠᠭ ᠢᠶᠠᠷ ᠢᠶᠠᠨ ᠡᠯᠡᠰᠦ ᠶᠢ ᠬᠡᠶᠢᠰᠭᠡᠨ | ᠦᠶᠡ ᠪᠠᠷ ᠢᠶᠠᠨ ᠨᠡᠶᠢᠯᠡᠨ ᠨᠠᠷᠭᠢᠭᠰᠠᠨ ᠨᠠᠰᠤ ᠡ | ᠪᠤᠷᠤ ᠵᠢᠷᠦᠬᠡ ᠨᠤᠭᠲᠤ ᠠᠴᠠ ᠪᠠᠨ ᠠᠯᠳᠠᠷᠠᠨ | ᠪᠤᠳᠤᠯ ᠰᠠᠨᠠᠯ ᠳᠤᠪᠲᠤᠯᠤᠭᠰᠠᠨ ᠤᠨ ᠨᠤᠭᠤᠳ | ᠪᠤᠯᠭᠢᠯᠠᠬᠤ ᠰᠤᠳᠠᠯ ᠤᠨ ᠬᠠᠪᠬᠠᠰᠤ ᠨᠢ ᠠᠷᠢᠯᠤᠨ | ᠪᠤᠷᠭᠢᠯᠤᠭᠰᠠᠨ ᠴᠢᠰᠤ ᠪᠤᠴᠠᠯᠤᠭᠰᠠᠨ ᠵᠢᠯ ᠤᠳ | ᠬᠠᠷᠠᠭᠠᠳ ᠠᠪᠤᠶᠠ ᠭᠡᠳᠡᠭ ᠭᠤᠷᠢ ᠳᠠᠭᠠᠨ | ᠬᠠᠴᠠᠷ ᠢᠶᠠᠨ ᠲᠦᠯᠡᠵᠦ ᠰᠠᠨᠠᠭᠠ ᠪᠠᠨ ᠲᠦᠢᠮᠡᠷᠯᠡᠭᠦᠯᠳᠡᠭ | ᠬᠠᠯᠠᠮᠵᠢᠯᠠᠭᠠᠳ ᠤᠶᠢᠷᠠᠲᠤᠶᠠ ᠭᠡᠳᠡᠭ ᠵᠤᠷᠢᠭ ᠲᠠᠭᠠᠨ | ᠬᠠᠮᠤᠭ ᠢᠶᠠᠨ ᠬᠦᠯᠦᠷᠡᠭᠦᠯᠵᠦ ᠰᠡᠳᠬᠢᠯ ᠢᠶᠠᠨ ᠳᠡᠪᠵᠢᠶᠡᠷᠡᠭᠦᠯᠳᠡᠭ | ᠲᠠᠩᠬᠢᠯ ᠪᠡᠶᠡ ᠶᠢᠨ ᠮᠢᠨᠢ ᠲᠠᠭᠠᠲᠠᠢ ᠴᠠᠭ | ᠲᠠᠮᠢᠷ ᠲᠠᠢ ᠨᠠᠰᠤᠨ ᠤ ᠮᠢᠨᠢ ᠴᠡᠩᠬᠡᠯ ᠵᠤᠭᠠ | ᠲᠠᠪᠢᠯᠠᠩ ᠵᠠᠶᠠᠭᠠ ᠶᠢᠨ ᠮᠢᠨᠢ ᠡᠷᠢᠶᠡᠨ ᠤᠴᠠᠷᠠᠯ | ᠲᠠᠪᠢ ᠶᠢ ᠳᠦᠷᠦᠭᠡᠯᠡᠭᠰᠡᠨ ᠡᠷᠭᠢᠴᠡᠭᠦᠯᠦᠯ ᠳᠤᠷᠠᠳᠬᠠᠯ ᠡ︕ | | |