| ᠮᠠᠨ ᠤ ᠮᠤᠩᠭᠤᠯ ᠦᠨᠳᠦᠰᠦᠲᠡᠨ ᠤ ᠵᠠᠷᠢᠮ ᠡᠷᠳᠡᠮᠲᠡᠨ ᠪᠠ ᠲᠠᠷᠤᠭᠠ ᠨᠠᠷ ᠶᠠᠭᠠᠬᠢᠭᠠᠳ ᠦᠪᠡᠷ ᠤᠨ ᠡᠯᠦᠨᠴᠡ | ᠬᠤᠯᠤᠨᠴᠠ ᠶᠢᠨ ᠦᠶᠡ ᠠᠴᠠ ᠪᠠᠨ ᠤᠯᠠᠮᠵᠢᠯᠠᠵᠤ ᠢᠷᠡᠭᠰᠡᠨ ᠦᠪ ᠰᠤᠶᠤᠯ ᠳᠠᠭᠠᠨ ᠡᠯᠢᠭᠡᠰᠡᠭ ᠲᠤᠲᠤᠨᠤ ᠦᠭᠡᠢ | ᠪᠤᠢ︖ | ᠶᠠᠮᠠᠷ ᠴᠤ ᠦᠨᠳᠦᠰᠦᠲᠡᠨ ᠴᠤ ᠪᠤᠯᠤᠭ᠂ ᠲᠡᠷᠡ ᠦᠨᠳᠦᠰᠦᠲᠡᠨ ᠤ ᠦᠪᠡᠷ ᠤᠨ ᠬᠢᠨᠢ ᠰᠤᠶᠤᠯ ᠨᠢ ᠲᠡᠷᠠ | ᠦᠨᠳᠦᠰᠦᠲᠡᠨ ᠢᠶᠠᠨ ᠮᠠᠡᠳᠤᠨ ᠬᠦᠭᠵᠢᠭᠦᠯᠬᠦ ᠳᠤ ᠴᠢᠬᠤᠯᠠ ᠰᠢᠢᠳᠪᠦᠷᠢᠯᠡᠭᠴᠢ ᠦᠢᠯᠡᠳᠦᠯ ᠢ ᠦᠵᠡᠭᠦᠯᠳᠡᠭ ᠶᠤᠮ ᠡ︕ | ᠬᠡᠷᠪᠡ ᠦᠨᠳᠦᠰᠦᠲᠡᠨ ᠢᠶᠠᠨ ᠪᠤᠰᠤᠳ ᠲᠠᠪᠰᠢᠭᠰᠠᠨ ᠦᠨᠳᠦᠰᠦᠲᠡᠨ ᠲᠠᠢ ᠮᠦᠷᠦ ᠵᠡᠷᠭᠡᠴᠡᠭᠦᠯᠦᠨ ᠶᠠᠪᠤᠭᠤᠯᠤᠶᠠ | ᠭᠡᠪᠡᠯ ᠡᠩ ᠲᠡᠷᠢᠭᠦᠨ ᠳᠤ ᠦᠪᠡᠷ ᠤᠨ ᠦᠨᠳᠦᠰᠦᠲᠡᠨ ᠤ ᠪᠠᠨ ᠦᠪ ᠰᠤᠶᠤᠯ ᠪᠤᠯᠬᠤ ᠮᠤᠩᠭᠤᠯ ᠬᠡᠯᠡ ᠪᠠᠨ ᠬᠡᠷᠡᠭᠯᠡᠬᠦ | ᠬᠡᠷᠡᠭᠲᠡᠢ᠃ | ᠤᠳᠤ ᠮᠠᠨ ᠤ ᠦᠪᠤᠷ ᠮᠤᠩᠭᠤᠯ ᠤᠷᠤᠨ ᠳᠤ ᠤᠷᠤᠨ ᠤ ᠲᠡᠰ ᠤᠨ ᠲᠠᠷᠤᠭᠠ᠂ ᠬᠤᠲᠠ ᠶᠢᠨ ᠲᠡᠰ ᠤᠨ | ᠲᠠᠷᠤᠭᠠ᠂ ᠡᠷᠳᠡᠮᠲᠡᠨ᠂ ᠫᠷᠤᠹᠧᠰᠰᠤᠷ ᠳ᠋ᠤᠺᠲ᠋ᠤᠷ ᠤᠳ ᠭᠠᠷᠴᠤ ᠯᠠ ᠪᠠᠶᠢᠨᠠ᠃ ᠡᠳᠦᠷ ᠢᠷᠡᠬᠦᠶᠠ ᠨᠡᠮᠡᠭᠲᠡᠵᠤ ᠯᠠ | ᠪᠠᠶᠢᠨᠠ᠃ ᠵᠢᠱᠢᠶᠡᠯᠡᠪᠡᠯ᠂ ᠤᠷᠤᠨ ᠤ ᠲᠡᠰ ᠤᠨ ᠲᠡᠳ᠋ ᠲᠡᠷᠢᠭᠦᠯᠡᠭᠴᠢ᠂ ᠬᠤᠲᠠ ᠶᠢᠨ ᠲᠠᠷᠤᠭᠠ᠂ ᠠᠶᠢᠮᠠᠭ ᠤᠨ | ᠲᠠᠷᠤᠭᠠ᠂ ᠬᠤᠰᠢᠭᠤᠨ ᠲᠠᠷᠤᠭᠠ᠂ ᠪᠢᠴᠢᠭ ᠤᠨ ᠡᠷᠲᠡᠮᠲᠡᠨ᠂ ᠬᠡᠯᠡᠨ ᠤ ᠡᠷᠲᠡᠮᠲᠡᠨ᠂ ᠰᠤᠶᠤᠯ ᠤᠨ ᠡᠷᠲᠡᠮᠲᠡᠨ᠂ | ᠲᠠᠤᠭᠡ ᠶᠢᠨ ᠡᠷᠲᠡᠮᠲᠡᠨ ᠵᠡᠷᠭᠡ ᠤᠷᠤᠨ ᠪᠠᠶᠢᠷᠢ ᠲᠠᠢ ᠡᠷᠲᠡᠮᠲᠡᠨ ᠲᠠᠷᠤᠭᠠ ᠨᠠᠷ ᠴᠤᠯᠭᠤᠷᠠᠨ ᠭᠠᠷᠴᠤ ᠪᠠᠶᠢᠨᠠ᠃ | ᠡᠨᠡ ᠨᠢ ᠦᠨᠡᠨ ᠳᠡᠭᠡᠨ ᠶᠡᠭᠡ ᠪᠠᠶᠠᠷᠯᠠᠭᠤᠰᠢᠲᠠᠢ ᠶᠠᠪᠤᠳᠠᠯ ᠪᠤᠯᠬᠤ ᠪᠦᠭᠡᠳ ᠦᠨᠳᠦᠰᠦᠲᠡᠨ ᠤ ᠮᠢᠨᠢ ᠶᠠᠰᠤ ᠴᠢᠮᠦᠭᠡ | ᠪᠤᠯᠵᠤ ᠪᠠᠶᠢᠬᠤ ᠳᠤ ᠪᠢᠳᠡ ᠰᠡᠳᠭᠢᠯ ᠤᠨ ᠤᠭ ᠠᠴᠠ ᠪᠠᠨ ᠬᠦᠨᠳᠦᠳᠭᠡᠨ ᠪᠢᠰᠢᠷᠡᠵᠦ ᠪᠠᠶᠢᠳᠠᠭ᠃ ᠭᠡᠲᠡᠯᠡ ᠵᠠᠷᠢᠮ | ᠡᠷᠳᠡᠮᠲᠡᠨ ᠲᠠᠷᠤᠭᠠ ᠶᠢᠨ ᠠᠮᠠᠨ ᠠᠴᠠ ᠬᠢᠳᠠᠳ ᠰᠤᠨᠢᠨ ᠦᠵᠡᠪᠡᠯ ᠪᠠᠶᠢᠳᠠᠯ ᠢ ᠤᠶᠢᠯᠠᠭᠠᠴᠢᠬᠠᠨᠠ᠃ ᠲᠧᠯᠸᠢᠰ | ᠱᠠᠭᠠᠶᠢᠪᠠᠯ ᠤᠯᠤᠰ ᠤᠨ ᠪᠠᠶᠢᠳᠠᠯ ᠢ ᠮᠡᠳᠡᠴᠢᠭᠡᠨᠡ ᠭᠡᠳᠡᠭ ᠨᠢ ᠶᠠᠭ ᠯᠠ ︽ᠮᠡᠷᠭᠡᠨ ᠮᠡᠷᠭᠡᠨ ᠭᠡᠭᠦᠯᠡᠷ ᠮᠦᠭᠡᠷ ᠤᠨ | ᠨᠦᠭᠡ ᠶᠢ ᠲᠦᠷᠪᠠ ᠴᠤᠭᠤᠯᠬᠤ︾ ᠭᠡᠰᠡᠨ ᠲᠠᠢ ᠠᠳᠠᠯᠢ᠂ ᠮᠡᠷᠭᠡᠨ ᠨᠢ ᠬᠡᠳᠦᠷᠡᠪᠡᠯ ᠲᠡᠨᠡᠭ ᠦᠭᠡ ᠶᠠᠷᠢᠵᠤ ᠮᠡᠳᠡᠨᠡ | ᠰᠢᠤ︕ ᠤᠳᠤ ᠶᠢᠨ ︽ᠦᠪᠤᠷ ᠮᠤᠩᠭᠤᠯ ᠤᠨ ᠰᠤᠨᠢᠨ︾ ᠪᠤᠯᠤᠨ ᠠᠶᠢᠮᠠᠭ ᠬᠤᠳᠠ ᠶᠢᠨ ᠰᠤᠨᠢᠨ ᠤᠯᠠᠨ | ᠲᠠᠯᠠ ᠶᠢᠨ ᠠᠭᠤᠯᠭᠠ ᠶᠢ ᠬᠠᠮᠤᠷᠴᠤ᠂ ᠠᠭᠤᠯᠭᠠ ᠨᠢ ᠶᠠᠪᠤᠬᠤ ᠲᠤᠲᠤᠮ ᠰᠢᠨᠠ ᠰᠤᠷᠭᠤᠭ ᠪᠤᠯᠵᠤ ᠪᠠᠶᠢᠬᠤ ᠪᠠᠷ | ᠪᠠᠷᠠᠬᠤ ᠦᠭᠡᠢ᠂ ᠴᠢᠨᠠᠷ ᠴᠢᠨᠰᠠᠭᠠ ᠶᠢᠨ ᠲᠠᠯᠠ ᠪᠠᠷ ᠴᠤ ᠰᠠᠶᠢᠵᠢᠷᠠᠵᠤ᠂ ᠬᠡᠪ ᠨᠢᠭᠤᠷ ᠨᠢ ᠨᠡᠮᠡᠭᠲᠡᠭᠡᠳ ᠶᠤᠰᠤᠲᠠᠢ | ᠮᠠᠨ ᠤ ᠡᠳᠦᠷ ᠲᠤᠲᠤᠮ ᠤᠨ ᠠᠮᠢᠳᠤᠷᠠᠯ ᠳᠤ ᠲᠤᠳᠠᠭᠳᠠᠵᠤ ᠪᠤᠯᠤᠰᠢ ᠦᠭᠡᠢ ᠭᠠᠷ ᠠᠪᠤᠯᠭᠠ ᠪᠤᠯᠤᠭᠰᠠᠨ ᠪᠠᠶᠢᠨᠠ᠃ | ᠤᠳᠤ ᠮᠠᠨ ᠤ ᠤᠯᠤᠰ ᠲᠤ ᠲᠠᠪᠢᠨ ᠵᠢᠷᠭᠤᠭᠠᠨ ᠴᠦᠭᠡᠨ ᠲᠤᠭᠠᠳᠤ ᠦᠨᠳᠦᠰᠦᠳᠡᠨ ᠵᠤᠯ ᠵᠢᠷᠭᠠᠯ ᠲᠠᠢ | ᠤᠷᠤᠰᠢᠨ ᠲᠤᠭᠲᠠᠨᠢᠵᠤ ᠠᠮᠢᠲᠤᠷᠠᠭᠰᠠᠭᠠᠷ ᠪᠤᠢ᠃ ᠡᠳᠡᠭᠡᠷ ᠲᠠᠪᠢᠨ ᠵᠢᠷᠭᠤᠭᠠᠨ ᠦᠨᠳᠦᠰᠦᠲᠡᠨ ᠢ ᠨᠢᠭᠡ ᠪᠤᠳᠠ | ᠴᠡᠴᠡᠭ ᠬᠤᠸᠠᠷ ᠭᠡᠵᠦ ᠦᠵᠡᠵᠦ ᠪᠤᠯᠬᠤ ᠶᠤᠮ᠃ ᠬᠢᠲᠠᠳ ᠦᠨᠳᠦᠰᠦᠲᠡᠨ ᠢ ᠭᠤᠤᠯ ᠴᠤᠭᠴᠠ ᠪᠠᠷ ᠪᠤᠳᠤᠪᠠᠯ | ᠲᠡᠳᠡᠭᠡᠷ ᠲᠠᠪᠢᠨ ᠵᠢᠷᠭᠤᠭᠠᠨ ᠰᠠᠯᠠᠭᠠ ᠨᠠᠮᠠᠭᠠ ᠨᠢ ᠲᠡᠯᠭᠡᠷᠡᠵᠦ ᠦᠷᠡ ᠵᠢᠮᠢᠰ ᠰᠠᠭᠤᠬᠤ ᠶᠤᠮ᠃ ᠶᠠᠭ ᠡᠭᠦᠨ ᠲᠠᠢ | ᠠᠲᠠᠯᠢ ᠪᠠᠷ ᠪᠢᠲᠡ ᠮᠤᠩᠭᠤᠯ ᠬᠡᠯᠡ ᠪᠢᠴᠢᠭ ᠢᠶᠠᠨ ᠰᠤᠷᠬᠤ ᠦᠭᠡᠢ ᠬᠠᠶᠠᠴᠢᠬᠠᠪᠠᠯ ᠴᠢᠬᠤᠯᠠ ᠨᠢᠭᠡ ᠰᠠᠯᠠᠭᠠ | ᠨᠠᠮᠠᠭᠠ ᠨᠢ ᠬᠤᠪᠠᠭ᠋ᠠᠶᠢᠷᠠᠵᠤ ᠦᠵᠢᠷᠡᠭᠰᠡᠨ ᠲᠠᠢ ᠠᠳᠠᠯᠢ ᠪᠤᠯᠬᠤ ᠦᠭᠡᠢ ᠤᠤ︖ ᠮᠤᠩᠭᠤᠯ ᠬᠡᠯᠡ ᠪᠤᠯ ᠮᠠᠨ ᠤ | ᠦᠨᠳᠦᠰᠦᠲᠡᠨ ᠤ ᠰᠠᠨᠠᠯ ᠢᠶᠠᠨ ᠰᠤᠯᠢᠯᠴᠠᠬᠤ ᠬᠠᠷᠢᠯᠴᠠᠬᠤ ᠪᠠᠭᠠᠵᠢ ᠮᠦᠨ᠃ ᠡᠪᠡᠰᠦ ᠬᠠᠳᠤᠬᠤ ᠰᠠᠨᠳᠤᠤ ᠪᠤᠯ | ᠦᠢᠯᠡᠳᠪᠦᠷᠢᠯᠡᠯ ᠤᠨ ᠪᠠᠭᠠᠵᠢ ᠮᠦᠨ᠃ ᠰᠠᠨᠳᠤᠤ ᠶᠢ ᠪᠢᠯᠡᠭᠦᠳᠡᠬᠦ ᠲᠤᠳᠤᠮ ᠬᠤᠷᠴᠠ ᠢᠷ ᠭᠠᠷᠤᠨᠠ᠃ ᠪᠢᠯᠡᠭᠦᠳᠡᠬᠦ | ᠦᠭᠡᠢ ᠬᠠᠶᠠᠴᠢᠬᠠᠪᠠᠯ ᠡᠳᠦᠷ ᠤᠳᠠᠭᠠᠨ ᠳᠤ ᠵᠢᠪᠡᠷᠡᠵᠤ ᠢᠷ ᠦᠭᠡᠢ ᠪᠤᠯᠤᠨᠠ᠃ ᠦᠭᠡ ᠬᠡᠯᠡ ᠴᠤ ᠠᠳᠠᠯᠢ᠂ ᠦᠭᠡ | ᠬᠡᠯᠡ ᠪᠠᠨ ᠬᠡᠷᠡᠭᠯᠡᠬᠦ ᠲᠤᠳᠤᠮ ᠲᠡᠳᠦᠢ ᠪᠠᠶᠠᠨ ᠴᠢᠨᠡᠭᠡᠯᠢᠭ ᠦᠭᠡᠰ ᠤᠨ ᠰᠠᠩ ᠲᠠᠢ ᠪᠤᠯᠤᠨᠠ᠃ | ᠢᠨᠵᠠᠨᠨᠠᠰᠢ᠄ ︽ᠦᠪᠡᠷ ᠤᠨ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠴᠢᠨᠢ ᠤᠰᠠᠳᠪᠠᠯ ᠨᠢᠭᠡ ᠦᠨᠳᠦᠰᠦᠲᠡᠨ | ᠮᠦᠭᠦᠭᠰᠡᠨ ᠲᠠᠢ ᠠᠳᠠᠯᠢ ᠰᠢᠤ︕︾ ᠭᠡᠵᠤ ᠰᠤᠷᠭᠠᠮᠵᠢᠯᠠᠵᠤ ᠦᠡᠭᠭᠡᠷᠡᠭᠰᠡᠨ ᠪᠠᠶᠢᠨᠠ᠃ | ᠮᠢᠨᠦ ᠦᠵᠡᠬᠦ ᠪᠠᠷ ᠦᠨᠳᠦᠷ ᠳᠤᠮᠳᠠᠳᠤ ᠶᠢᠨ ᠬᠡᠯᠡ ᠪᠢᠴᠢᠭ ᠤᠨ ᠭᠢᠴᠢᠶᠠᠯ ᠳᠤ ᠮᠠᠨᠵᠤ ᠦᠨᠳᠦᠰᠦᠲᠡᠨ | ᠦᠪᠡᠷ ᠤᠨ ᠬᠡᠯᠡ ᠪᠢᠴᠢᠭ ᠢᠶᠠᠨ ᠬᠠᠶᠠᠭᠰᠠᠨ ᠢᠶᠠᠷ ᠬᠡᠳᠦ᠋ᠢᠪᠡᠷ ᠳᠤᠮᠳᠠᠳᠤ ᠤᠯᠤᠰ ᠢ ᠭᠤᠷᠪᠠᠨ ᠵᠠᠭᠤᠨ ᠵᠢᠯ | ᠨᠤᠶᠠᠷᠬᠠᠭᠰᠠᠨ ᠲᠡᠤᠬᠡ ᠲᠠᠢ ᠪᠤᠯᠪᠠᠴᠤ᠂ ᠤᠳᠤ ᠦᠪᠡᠷ ᠤᠨ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠭᠡᠬᠦ ᠶᠠᠭᠤᠮᠠ ᠦᠭᠡᠢ | ᠪᠤᠯᠵᠠᠢ᠃ | ᠡᠶᠢᠮᠦ ᠠᠴᠠ ᠪᠢᠳᠡ ᠨᠢᠭᠡ ᠦᠨᠳᠤᠰᠦᠳᠡᠨ ᠤ ᠪᠠᠨ ᠰᠤᠶᠤᠯ ᠪᠤᠯᠪᠠᠰᠤᠨ ᠢᠶᠠᠨ ᠬᠦᠭᠵᠢᠭᠦᠯᠦᠶᠡ ᠭᠡᠪᠡᠯ | ᠡᠷᠬᠡᠪᠰᠢ ᠡᠷᠳᠡᠮᠳᠡᠨ ᠲᠠᠷᠤᠭᠠ ᠨᠠᠷ ᠦᠪᠡᠷ ᠤᠨ ᠪᠡᠶᠡ ᠪᠠᠷ ᠢᠶᠠᠷ ᠬᠡᠪ ᠲᠦᠷᠢᠮ ᠪᠤᠯᠵᠤ ᠴᠢᠷᠮᠠᠶᠢᠬᠤ ᠠᠴᠠ ᠭᠠᠳᠠᠨᠠ᠂ | ᠦᠷᠡ ᠬᠡᠤᠬᠡᠳ ᠦᠷᠦᠭᠡᠯ ᠪᠤᠰᠤᠳ ᠢ ᠴᠤ ᠲᠠᠶᠢᠴᠢᠯᠠᠨ ︽ᠲᠤᠤᠭᠠᠷᠪᠠᠯ ᠲᠠᠭᠤ ᠨᠢᠭᠡᠲᠡᠢ᠂ ᠲᠤᠭᠲᠤᠷᠪᠠᠯ ᠬᠦᠴᠤ | ᠨᠢᠭᠡᠲᠡᠢ︾ ᠪᠠᠷ ᠬᠠᠮᠲᠤᠪᠡᠷ ᠢᠶᠠᠨ ᠴᠢᠷᠮᠠᠶᠢᠬᠤ ᠴᠢᠬᠤᠯᠠ ᠲᠠᠢ᠃ ᠭᠡᠲᠡᠯᠡ ᠭᠠᠭᠴᠠ ᠨᠢᠭᠡ ᠯᠠ ᠡᠳᠦᠷ ᠤᠨ | ᠰᠤᠨᠢᠨ ᠢᠶᠠᠨ ᠵᠠᠬᠢᠶᠠᠯᠠᠬᠤ ᠲᠤᠷᠠ ᠦᠭᠡᠢ ᠠᠯᠪᠠᠨ ᠪᠠᠶᠢᠭᠤᠯᠤᠯᠭᠠ᠂ ᠰᠤᠷᠭᠠᠭᠤᠯᠢ ᠨᠢᠭᠡᠴᠠ ᠤᠷᠤᠰᠢᠵᠤ ᠪᠠᠶᠢᠬᠤ ᠶᠢ | ᠶᠠᠭᠤ ᠬᠡᠯᠠᠲᠠᠢ ᠪᠢᠯᠠ᠃ ᠰᠤᠨᠢᠨ ᠵᠠᠬᠢᠶᠠᠯᠠᠬᠤ ᠠᠰᠠᠭᠤᠳᠠᠯ ᠪᠤᠯ ᠨᠢᠭᠡ ᠠᠯᠪᠠᠨ ᠪᠠᠶᠢᠭᠤᠯᠤᠯᠭᠠ ᠳᠤ ᠠᠪᠴᠤ ᠦᠵᠡᠪᠡᠯ | ᠲᠠᠷᠤᠭᠠ ᠶᠢᠨ ᠠᠰᠠᠭᠤᠳᠠᠯ ᠪᠤᠯᠬᠤ ᠠᠴᠠ ᠪᠢᠰᠢ᠂ ᠰᠤᠨᠢᠨ ᠤᠡᠭᠰᠢᠬᠤ ᠤᠩᠰᠢᠬᠴᠢᠳ ᠤᠨ ᠠᠰᠠᠭᠤᠳᠠᠯ ᠪᠢᠰᠢ᠂ ᠡᠨᠡ | ᠠᠰᠠᠭᠤᠳᠠᠯ ᠢ ᠪᠢᠳᠡᠨ ᠦᠪᠡᠷ ᠢᠶᠠᠨ ᠰᠢᠢᠳᠪᠦᠷᠢᠯᠡᠬᠦ ᠠᠴᠠ ᠪᠢᠰᠢ ᠦᠭᠡᠷᠡ ᠬᠦᠮᠦᠨ ᠮᠠᠨ ᠳᠤ ᠰᠢᠢᠳᠪᠦᠷᠢᠯᠡᠵᠤ ᠦᠭᠬᠦ | ᠦᠭᠡᠢ ᠶᠤᠮ᠃ᠮᠢᠨᠤ ᠤᠶᠢᠯᠠᠭᠠᠭᠰᠠᠨ ᠢᠶᠠᠷ᠂ ᠨᠤᠮ ᠤᠨ ᠰᠠᠩ ᠳᠤ ᠤᠴᠢᠵᠤ ᠰᠤᠨᠢᠨ ᠰᠡᠳᠭᠦᠯ ᠤᠡᠭᠰᠢᠵᠤ ᠪᠠᠶᠢᠭᠠ | ᠤᠡᠭᠰᠢᠬᠴᠢᠳ ᠤᠨ ᠬᠠᠷᠢᠴᠠᠯ ᠢᠶᠠᠷ ᠦᠵᠡᠭᠰᠡᠨ ᠴᠤ ᠬᠢᠳᠠᠳ ᠤᠡᠭᠰᠢᠬᠴᠢᠳ ᠦᠷᠤᠭᠡ ᠲᠦᠭᠦᠷᠡᠩ ᠰᠠᠭᠤᠵᠤ | ᠪᠠᠶᠢᠬᠤ ᠳᠤ ᠮᠠᠨ ᠤ ᠮᠤᠩᠭᠤᠯ ᠤᠡᠭᠰᠢᠬᠴᠢᠳ ᠬᠠᠶᠠ ᠨᠢᠭᠡ ᠭᠡᠳᠤᠭᠦᠯᠡ ᠰᠠᠭᠤᠵᠤ ᠪᠠᠶᠢᠨᠠ᠃ ᠡᠭᠦᠨ ᠠᠴᠠ | ᠦᠵᠡᠪᠡᠯ ᠮᠠᠨ ᠤ ᠮᠤᠩᠭᠤᠯᠴᠤᠳ ᠰᠤᠨᠢᠨ ᠰᠡᠳᠭᠦᠯ ᠤᠡᠭᠰᠢᠬᠤ ᠬᠦᠨᠲᠦ ᠴᠢᠬᠤᠯᠠ ᠠᠴᠢ ᠬᠤᠯᠪᠤᠭᠳᠠᠯ ᠢ ᠡᠳᠦᠢ | ᠪᠤᠯᠳᠠᠯᠠ ᠪᠠᠰᠠ ᠤᠶᠢᠯᠠᠭᠠᠳᠤᠢ ᠪᠠᠶᠢᠬᠰᠠᠭᠠᠷ᠃ ᠮᠠᠨ ᠤ ᠦᠨᠳᠦᠰᠦᠲᠡᠨ ᠤ ᠬᠦᠮᠦᠨ ᠪᠦᠷᠢ ᠳᠤ ᠱᠠᠭᠠᠷᠲᠠᠭᠲᠠᠵᠤ | ᠪᠠᠶᠢᠬᠤ ᠵᠦᠢᠯ ᠭᠡᠪᠡᠯ ᠦᠨᠳᠦᠰᠦᠲᠡᠨ ᠤ ᠪᠠᠨ ᠦᠭᠡ ᠬᠡᠯᠡ ᠦᠰᠦᠭ ᠪᠢᠴᠢᠭ ᠢ ᠶᠠᠭᠠᠬᠢᠭᠰᠠᠨ ᠴᠤ ᠬᠠᠶᠠᠬᠤ | ᠦᠭᠡᠢ ᠪᠠᠷ ᠦᠶᠡ ᠶᠢᠨ ᠦᠶᠡ ᠳᠡᠭᠡᠨ ᠤᠯᠠᠮᠵᠢᠯᠠᠨ᠂ ᠦᠷᠡ ᠶᠢᠨ ᠦᠷᠡ ᠳᠡᠭᠡᠨ ᠵᠠᠯᠭᠠᠮᠵᠢᠯᠠᠬᠤ ᠶᠠᠪᠤᠳᠠᠯ ᠪᠤᠯᠤᠨᠠ᠃ | ᠪᠢᠳᠠ ᠴᠢᠨᠢ ᠮᠤᠩᠭᠤᠯ ᠬᠡᠪᠡᠯᠢ ᠳᠤ ᠪᠤᠶᠢᠵᠢᠵᠤ᠂ ᠮᠤᠩᠭᠤᠯ ᠪᠤᠳᠠᠭᠠ ᠢᠳᠡᠵᠤ ᠦᠰᠦᠭᠰᠡᠨ ᠬᠦᠮᠦᠰ᠂ ᠮᠤᠩᠭᠤᠯ | ᠦᠨᠳᠦᠰᠦᠲᠡᠨ ᠭᠡᠳᠡᠭ ᠨᠡᠷᠡ ᠪᠠᠨ ᠪᠤᠤ ᠭᠤᠳᠤᠭᠠᠶᠠ᠂ ᠮᠤᠩᠭᠤᠯ ᠨᠡᠷᠡ ᠪᠠᠨ ᠡᠷᠭᠦᠵᠤ ᠶᠠᠪᠤᠶᠠ᠂ ᠮᠤᠩᠭᠤᠯ | ᠬᠡᠯᠡ ᠪᠠᠨ ᠪᠤᠤ ᠯᠠ ᠲᠠᠶᠠᠭᠲᠠᠶᠠ᠃ ᠮᠤᠩᠭᠤᠯ ᠰᠤᠨᠢᠨ ᠰᠡᠳᠭᠦᠯ᠂ ᠨᠤᠮ ᠪᠢᠴᠢᠭ ᠦᠭᠡᠷᠠ ᠪᠠᠷ ᠬᠡᠯᠡᠪᠡᠯ | ᠦᠨᠳᠦᠰᠦᠳᠠᠨ ᠤ ᠮᠠᠨᠳᠤᠵᠤ ᠮᠦᠭᠦᠭᠦ ᠠᠰᠠᠭᠤᠳᠠᠯ ᠪᠤᠯ ᠰᠤᠶᠤᠯ ᠤᠨ ᠠᠵᠢᠯᠲᠠᠨ ᠤ ᠬᠡᠳᠦᠨ ᠬᠦᠮᠤᠨ ᠬᠢᠭᠡᠳ ᠯᠠ | ᠪᠤᠯᠬᠤ ᠪᠢᠰᠢ᠃ ᠬᠠᠷᠢᠨ ᠪᠦᠬᠦ ᠮᠤᠩᠭᠤᠯ ᠲᠤᠭᠠᠲᠠᠨ ᠤ ᠵᠠᠪᠠᠯ ᠬᠢᠬᠦ ᠠᠷᠢᠭᠤᠨ ᠡᠭᠦᠷᠭᠡ ᠲᠠᠷᠬᠠᠨ ᠬᠠᠷᠢᠭᠤᠴᠠᠯᠭᠠ | ᠪᠤᠯᠬᠤ ᠭᠦᠨ ᠭᠦᠡᠵᠡᠭᠡᠢ ᠠᠴᠢ ᠬᠤᠯᠪᠤᠭᠳᠠᠯ ᠢ ᠤᠶᠢᠯᠠᠭᠠᠬᠤ ᠬᠡᠷᠡᠭᠲᠡᠢ᠃ ᠪᠢᠳᠡ ᠮᠤᠩᠭᠤᠯ ᠰᠤᠨᠢᠨ ᠰᠡᠳᠭᠦᠯ ᠢᠶᠠᠨ | ᠤᠡᠭᠰᠢᠵᠠᠭᠠᠶᠠ᠂ ᠮᠤᠩᠭᠤᠯ ᠠᠷᠠᠳ ᠤᠨ ᠲᠠᠭᠤᠤ ᠪᠠᠨ ᠲᠠᠭᠤᠯᠠᠵᠠᠭᠠᠶᠠ᠂ ᠮᠤᠩᠭᠤᠯ ᠪᠦᠵᠢᠭ ᠢᠶᠠᠨ ᠪᠦᠵᠢᠭᠯᠡᠵᠡᠭᠡᠶᠠ᠂ | ᠮᠤᠩᠭᠤᠯ ᠷᠠᠳᠢᠣ᠋ ᠪᠠᠨ ᠰᠤᠨᠤᠰᠤᠵᠠᠭᠠᠶᠠ᠃ ᠪᠢᠳᠡ ᠦᠷᠡ ᠬᠡᠤᠬᠡᠳ ᠲᠡᠭᠡᠨ ᠡᠪᠦᠭᠡ ᠲᠡᠭᠡᠳᠦᠰ ᠠᠴᠠ ᠤᠯᠠᠮᠵᠢᠯᠠᠵᠤ | ᠦᠭᠭᠦᠭᠰᠡᠨ ᠦᠪ ᠬᠦᠷᠦᠩᠭᠡ ᠪᠤᠯᠬᠤ ᠮᠤᠩᠭᠤᠯ ᠰᠤᠶᠤᠯ ᠢᠶᠠᠨ ᠦᠨᠢ ᠡᠭᠦᠷᠢᠳᠠ ᠤᠯᠠᠮᠵᠢᠯᠠᠵᠤ ᠶᠠᠪᠤᠶᠠ᠃ | | |